رواية مابعد الظلام -2
عفت يدها وقال بصوت عالي:جاوبي على سؤالي ليش وش في فيصل شي ينعاب
ابغى جووااااااااب
شهد بصياح:بدر فك ايدي تعورني
بدر:شهد وين جوالك؟
شهد بخوف:ليش وش تبي فيه
بدر:ابيه وطلعه من البيت مافي لين اعرف سر رفضك لفيصل اللي كل البنات يتمنونه
زادت في صياحها(اااااه ياخوي وش تبغاني اقول
انا احب خالد اخوه وبيننا مكالمات)قطع عليها صوت بدر العالي وهو/يجرها لين غرفتها ويرميها ع سريرها
:وين جوالك
وسمع جوال يدق شاف الاسم وجاته صعقه
حس الدنيا تلف وتدوور به
خالد"يتصل
بدر(يمكن ظلمتهه خلني افتح واشوف وش يب)
جا بيفتح سكت وبعدها جت رساله
المرسل خالد(حبيبتي دودي
وينك ياروحي اذا فضيتي كلميني
خلودي)
بدر حس كل شي ضيق في عينه ورجع دق على خالد كان يبي يتاكد من الصوت وحط على سبيكر وشهد اللي ميته من الخوف تسمع
وهي تدعي ان الله يلطف بحالها
خالد:هلاا وغلا ياروح خالد
بدر نزلت من عينه دمعت قهر دمعت رجل حس بطعنت اقرب الناس له
تذكر يوم كان خالد يكلم وارتبك وبان عليه
تذكر يوم كان يكلم ويضحك
يعني كان يكلم اخته
خالد:الووو شهووده
بدر اللي كان مومتحمل يسمع اكثر قفل الخط
ووكسر الجوال وقام وعيونه تنطق شرار
ومسك شهد مع شعرها
:ياحقيره وانا اللي كنت اثق فيك اكثر من نفسي
وبصوت تخنقه العبره:ليش ياشهد ليش توطين راسي ليش
رماها على الارض وقبل لايطلع
:انا كنت بقول لفيصل نصيبك مو عندي ياولد العم
لكن بعد اللي شفته بتتزوجينه غصب عنك
وحط رجله فوق رقبتها وهو يكمل: وطلعه من البيت احلمي واياني وياك اذا سالك عمي تحسسينه بشي فاهمه
وطلع وترك وراااه حطام شهد اللي منهاره من الصياااح
بدر دق على عمه :الو السلام عليكم
ابو فيصل: هلا ياوليدي بشر
وقال له بدران اخته وافقت وفرح ابو فيصل وقرر الملكه بعد بكرا
في مكان ثاني
خالد في غرفته:ياربي وش فيها هذي سكرت الخط بعدين مقفل
دق الباب
خالد:ادخل
ريم:هاااااي
خالد هلا وغلا بااحلى ريومه ههههههه
ريم:خلودي ياللاا الغدا
خالد:ياللا مشينا
ابو فيصل اللي شاق الضحكه على طاولة الطعام وبجنبه فيصل اللي باين هدئه ولاكنه يغلي من الداخل
وقدامه خالد وبجنبه ريم
وام فيصل
ابو فيصل:ام فيصل بعد بكرا ان شاء الله ملكة فيصل
ام فيصل بفرح:والله الحمدلله ياربي يارب لك الحمد الف مبروك ياوليدي
فيصل اللي يستغفر يبي يخفي توتره وخوفه من القنبله اللي بتنفجر بعد شوي:الله يبارك فيك يالغاليه
ريم:ومن هي سعيدت الحظ
فيصل(لاياريم تكفين)
ابو فيصل:شهد بنت عمك
خالد اللي انصدم وطاحت الملعقه من ايده وهو يناظر في فيصل لعله يلقى جواب
لكن فيصل باين عليه الهدوء الظاهري يكمل اكله حتى مايحس ابووه
(الله يخليك ياخالد شيل عيونك
تكفى سامحني ياخوي)
خالد قام مثل المجنون طلع لغرفته
مسك الجوال
يدق ولكن للاسف مقفل
انجن خالد انجن وهو يتذكر كلام اخوه قبل يومين
(اخخخ يالقهر يعني لاعبينها سوا
ليش ياشهد كذبتي علي ليش
وانا اقول خالد ينقهر بقوه من يشوفني اكلم شهد
ااااااه احس بقلبي جمر يدوب ثلج كبر هالعالم)
طلع راح يتمشى وفي سيارته
خالد نزلت دمعة قهر:ليش ياشهد ليش
انا وش سويت لك
دق جواله دحمون"يتصل بك
بصوت مخنوق
هلا
عبد الرحمن:عسى ماشر وش فيه صوتك
خالد:انت وينك؟ ابغاك
عبد الرحمن :انا بالمقى ال...
خالد:عندك احد
عبد الرحمن اللي بدا يخاف على صديق عمره:لاماعندي احد وانا داق عشان اقولك تعال
خالد ثواني واكوون عندك
+++++++
صوت الصياح يعلى
وانفتح الباب بقوه
بدر:هذا اكلك
وطلع ونفسه يفتك منها اليوم قبل بكره حتى ماتجيب له مصيبه
شهد:ياترى وش حالتك الحين ياخالد
+++++++
عبد الرحمن:طيب تبغاني اطلب لك نعناع يهدي اعصابك
خالد:انا اعصابي تلفت
اقولك حلم الطفوله الحب الاول والاخير
واخوي عزوتي يخونوني
يااااارب قدرني على استيعاب مصيبتي
غبدالرحمن طرت في باله فكره
انا بروح شهر ليوزلند تجي معاي؟
خالد: اشوف وارد لك
+++++
كان جالس يتصنع الهدوء ينتظر اخوه يجي
انفتح الباب وعيونه الحزينه طاحت على العيون الكسيره المتالمه اللي فتحت الباب
فيصل:كنت انتظرك
لف عليه خالد بحقد:انا ماابي اسمع منك شي
فيصل:طيب اسمعني وبعدين احكم
جا خالد ومسك فيصل مع ثوبه من عند رقبته ويهز فيه
خالد:انت اخو انت نذل
وحط يده على فم فيصل اللي يبي يتكلم
:صوتك الخبيث ينرفزني
وترك فيصل اللي عجز يسوي شي
وطلع لفووق
قرر خالد ان يسافر ثاني يوم الملكه بعد ما وافق ابوه بالقوه
في يوم الملكه
والا اقول اكمل لكم بالبارت القادم
انتظروني*حوحه*
رواية /مابعد الظلام/ بواسطة الكاتبه:
حوحه(الوعد القادم)
الباااااارت الثالث
الوقت ضدي حرمن من ملذاتي
والصد بعدك ذبح روحي وكملها
لايغرك كثير الصمت وسكاتي
خل المشاعر تقول الاااه واسئلها
يسكني الحب واضح من عباراتي
وش عاد لجلك حروفي لو اذللها
في يوم الملكه
شهد قد ماتقدر تحاول تبان متماسكه لان بدر هددها لو حس عمه بشي بيقول كل شي
وهي اللي كانت خايفه على عمها يصير فيه شي وخايفه على خالد
(ااااه ياخالد وينك؟)
بدر فتح الباب:عمي يبيك
شهد طلعت وهي تناظر بالارض مستحيه من وجود فيصل
جلست بجنب عمها قبال فيصل
اللي سرحان باخووه
ابوفيصل:كيفك يبه
شهد:الحمدلله عمي كيفك انت
ابوفيصل:انا بخير يوم اشوفك عروسه لفيصل
شهد سكتت(كفااايه بس خلاااص ارحموني)
ابو فيصل:فيصل يبه قوم سلم على زوجتك
فيصل قام بتثاقل وهو يحاول مايناظرها
ابو فيصل:اجل اطلع انا واخليكم لحالكم
شهد ناظرت بعمها(خلك ياعمي لاتطلع الله يخليك)
فيصل:انتي اكيد تتسالين شلون انا خطبتك
ابوي لزم علي وانا ماقدرت افضحك وافضح اخوي
وانا مستحيل اخون اخوي
ومستحيل ارضى بوحده تخون اخوها
شهد ناظرت فيه ورمشت برعب من الكلام الجارح
فيصل حس بشي اخترقه ولكن باين هادي:لكن اللي نفسي اعرفه انتي شلون ترضين
وتوافقين علي
بكت شهد واثرت على فيصل اللي يحس انها مظلومه وملامحها بريئه وجميله
(بس شلون البريئه ماتكلم رجل مو محرم لها
ولاتوافق ع اخو حبيبها
بس عادي اللي تخون اهلها تخون حبيبها)
فيصل:انا طالع واذا بغيتي شي لايردك الالسانك
وترك جوال وفيه شريحه جديده
وحط رقمه في
شهد اللي كان نفسها احد يسمع لها
اخذت الجوال وطلعت فوق
وشافها بدر اللي يناظرها بإحتقار
:وين يااخت ووش هاللي معاك
شهد:هديه جابها لي فيصل
جوال
بدر لف ويتكلم:انتبهي تراك على ذمت رجال انتبهي تخونينه /وبنظرات كلها تهديد
شهد هزها الكلام(ياربي انا شكنت بسوي اعوذ بالله فيصل مايستاهل
حتى لوكنت امووت ع خالد غلط اني اكلمه وانا على ذمة رجال)
وطلعت فوق وهي تحط رقم حافظته زين ووحشها صاحب هالرقم
شهد:الوووو مرحبا
منيره:هلا وغلا وينك مختفيه
تحول صوت شهد الى الم:اااه يمنيره ليتك تدرين
منيره بخووف :خير وش فيه
++++++++++
خالد بالطياره سرحان(يارب خفف علي انا به)
عبد الرحمن:وين وصلت؟
خالد بهم:بيوزلندا
عبدالرحمن:ههههههههههه علينا
ضحك خالد بحزن:مدري عنك انت وسؤالك
عبد الرحمن:اسمع انا جايب معاي كتب حتى نتسلى فيها
خالد باهتمام:طيب جبت كتاب شعر او شي
زي كذا
وظلو يسولفون ويضحكون
++++
شهد وهي تبكي:انا تعبانه مره يامنيره
منيره بحقد من بين دموعها:ليه كل هذا ليه
شهد:اه يامنيره ياليت امووت
منيره اللي بدا الكره يتغلل لها(ياليت)
منيره:انا مشغوله الحين ابي اسكر
شهد: اوكي بدق عليك فاخر الليل
منيره انهااارت(كذابه لوتحبين خالد صدق كان دافعتي اكثر
اكرهك اكرهك
بس انا ماني مثلك اعرف ادافع عن فيصل زين)
يوووه ياشهد الكل صار ضدك
اخوك وعزوتك وصديقة عمرك ياترى وش ينتظرك
+++++++
كان زواج فيصل شهد بعد شهر
قرر فيصل يخليه بعد اسبوعين من الملكه قبل لايرجع اخوه كفايه اللي صار له اكيد انه تعبان ومصدوم
خالد بفرحه وحزن:خلاص يبه خوذو راحتكم وبدر وتركي ماهم مقصرين
فمان الله
عبد الرحمن:ايش القصه
خالد:ابوي يقول ان عرس فيصل على ....وسكت
قدموووه باسبوعين
وزفر زفره ااااااااااااااه
عبد الرحمن:اريح لك وانت تبي كذا
خالد:اي انا ابي كذا وهم يبون كدا
عبدالرحمن:ايش قصدك؟
خالد وقال بالم:العاشقين يبون يضمنون ان عرسهم يتم بسلام
عبدالرحمن وهو يسولف على خالد اللي قام:لا ياخلود لاتفكر زي كذا
وطلع خالد وهمووم الدنيا بعيوونه
+++++
بعد مرور اسبوعين يوم العرس
منيره في غرفتها تبكي بصياح وصووت عالي
++++
شهد:ياسمين ابغى نفس ظل هذي اللي بالكاتلووج
فتحت الباب نرمين:هاااااي ياعروسه
كانت لابسه فستان ذهبي مخصر ع جسمها والتسريحه الجميله
شهد:هلابك مشاء الله وش هالزين
ريم:لا لا مافي احد احلى من
وتدور بفستانها
كانت لابسه فستان احمر توب ضيق ع الجسم نافش من تحت وتسريحه جميله لشعرها الجميل
شهد:ههههههههههههههههههه يالله والله تهبلون كلكم
سعاد وسجى:السلام يابنات
الكل:وعليكم االسلام
سعاد كانت لابسه فستان وردي حريري مناسب لطلتها وبسمتها
كانت لابسه فستان تركوازي توب مخصر جسمها المليان
شهد تحاتي منيره اللي من ذاك اليوم ماكلمتها ياجوالها مقفل ياماترد
خلصت العروسه اللي لابسه فستان ابيض بكرستالات انيقه ولامعه
توب مخصرها ونافش من تحت الخصر(خصر نازل)
طلعت جميله مع التسريحه العظيمه اللي سوتها الكوافيره
والطرحه تحت التسريحه
كانت تنتظر منيره
جت منيره كانت لابسه فستان ضيق خصر نازل وعلى الخصر فيونكه كبيره
وفرزه توصل للركبه ولونه بنفسجي
اللي تناظر لجمال شهد وكانت بتموت من القهر
(هذي بتروح لحبيبي)
انخفتت انوار القصر بدت الموسيقى الهاديه
فتحت ابواب القصر طلعت منه عروستنا
وتتمايل بخطوات رائعه
وجلست على كرسيها تناظر الباب اللي دخل في عريسها
وأنه طلت امير وابتسامته اللي تشبه ريم والسكسوكه اللي معطيته جمال اكثر
وصل لين عروسته وانبهر من جمالها الفاتن
(حشى ملاك)
وقفت شهد تسلم عليه
فيصل:مبروووك ياشهد
شهد:الله يبارك فيك
عيون تتابع باعجاب الرقص والتصوير والعريس والعروسه
عيون تتابع بانبهار
وعيون تتابع بصمت
وعيون تتابع بحقد
منيره(فيصل لي لي انا وحدي اكرهك اكرهك ياشهد)
وجا وقت خروج العرسان من القصر
وبدات الزفه
طلعو من القصر
وفي الفندق؛
فيصل يتامل جمال شهد الرباني
استحت شهد من نظراته واحمرت خدودها
فيصل انا بطلع اجيب العشا تحت من مطعم الفندق
شهد:.......
خرج فيصل
قامت شهد ورمت وغسلت ولبست قميص ساتر ابيض قميص اول ليله جففت شعرها
دخل فيصل ومعاه العشا ويتامل الملاك اللي يرمش بعيونه بكل براءه
قرب منها وهي يزيد حياها
ومسك يدها وقومها للعشا
طبعا هي ماقدرت تتعشى لانه كان يتاملها كيف بنعومه تاكل وتشرب
فيصل(وش فيك يافيصل انتبه من اللي انت فيه)
فيصل :الحمدلله
شهد اللي قررت تكسبه:عوافي
فيصل ناظر فيها وابتسم
:على قلبك
رجع وقال انا بنام بالغرفه هذي وانتي نامي بالغرفه هذي
شهد كانت متوقعه هذ الشي(وينك ياخالد)
++++++
عبد الرحمن:خالد
خالد:نعم
عبد الرحمن :سلامات احس بعيونك في كلام
خالد:تتوقع الحين راحو للبيت؟
عبد الرحمن كان عارف من يقصد بس يصرف الموضوع:من البنات الكويتيات الصواريخ اللي شفناهم من شوي
خالد : ههههههههه عليك تصريفات غير شكل
وبعد مرور اسبوعين من زواج فيصل من شهد
خالد: ياللا عبد الرحمن لانتاخر
عبد الرحمن :هذا انا جيت
راحو المطار وركبو الطياره بيسافرون لسعوديه
++++++
فيصل دخل سمع صوت بكا تذكر امس قبل لايطلع
شهد :فيصل انت جربت الظلم لاتظلمني
انا من تزوجتك ماكلمت خالد صدقني
فيصل:بس انتي للحين تحبينه
شهد:خلاص انت زوجي وانا بحبك انت وخالد بطلعه من قلبي
فيصل طلع وترك المكان وتوه يجي
دخل على شهد اللي كانت تنتظره ولما ماجا قامت تصيح
تقدم لها جلس بجنبها على السرير ورفعها
شاف دموعها اللي تنزل ع خدها الناعم
مسح دمعتها بايده
وظمها لصدره بقوه ودفن راسه بشعرها وهي تزيد من بكاها وتضغط راسها على كتفه
مسح على شعره
وبعدها ومسح خدها وقال:ليش الدمووع
شهد:انا تعبانه
فيصل ضمها مره ثانيه
شهد تكمل:انت تظلمني انا وعدتك انك تكون الوحيد بحياتي والله وعدتك
شدها له اقوى
وقال :وانا اوعدك اني اصدقك
وكمل:احم انا جيعان مافي شي ينوكل
بعدت وهي تضحك:انا سويت الغدا وظليت انتظرك بس انت طولت علي
فيصل:وهذا انا جيت ياللا لو سمحتي ابغى اتغدا لاني بروح البيت
شهد:لاتو بدري ماجلست معاك
فيصل:خالد اخوي اليوم يجي من السفر
وبعد عيونه عنها حتى مايشوف شي هو مايبي يشوفه
حبها بكل مافيها تعجبه بكل مافيها يغار عليها
يمووت في هواها
من سمعت اسمه تلخبطت وحاولت تكون طبيعيه:اوكي روحي بجهزه بسرعه
تغدا فيصل وطلع
+++++
ام فيصل:هلا بالغالي وتحظنه لصدرها
خالد يسلم على راس ابوه
ويحظن ريم
ابو فيصل وهو اللي يعتقد ان فيصل هو اللي جابه من المطار:وين اخوك مانزل
ارتبك خالد:هاه مدري عنه يمكن شوي ويجي
ريم :ياربي معرس توه خلوه في حاله
عاد ماينلام في شهد تهبل في كل شي
خالد(كافي كافي كافي ارحميني ياريم سكينك حامي)
شوي وينفتح الباب
فيصل بخطواته الهادئه المعتاده تقدم لخالد اللي يناظره بحقد واتهام
جا يبي يسلم لكن خالد صده
فيصل استغرب ان امه وابوه ماتكلمو
وجلس بجنب خالد
طلع الكل لغرفته وظل فيصل وخالد مع بعض
فيصل:ليش صديتني وماخليتني اسلم عليك
خالد:شين وقوي عين
وبعدين امي وابوي يظنون انك انت اللي موصلني
جا بيطلع
فيصل:بكرا تركي مسوي عشا ويبيك تجي واكد علي
رجا كمل معروفك ولا احد يحس
خالد اللي واقف قدام فيصل صفقه كف
انصدم فيصل وطارت عيونه
خالد تكلم بحده:لاتزعل ياخوي ههههههههه انا كنت اخذ حق المعروف اللي كنت اسويه فيك
لان انت واشكالك مافيك معروف يعني لازم مقابل
ههههههههههههههههههههههههههه
فيصل اللي تماسك بالغصب
:انسى شهد لانها صارت زوجتي وبتصير ام عيالي
خالد اللي طعن للمره الاف:الله يهنيك فيها وطلع وتركه
راح فيصل للبيت
دخل لقى الشموع والانوار الخافته وريحة العطر اللي تجذبه بريحة الفراوله
راح ورا ريحة العطر ابتسم وهو يشوف ملاكه
معطيته ظهرها تسرح شعرها
كانت لابسه تنوره سودا فوق الركبه وتيشيرت ابيض
جا وحظنها من ورا
:الجميل كل يوم يحلى
استحت شهد وحمرت خدودها
فيصل:اقول ياجميل عطنا وجه ولفها يمه
وهو يقبل خدها الناعم
فيصل:شهد احبك
شهد ناظرت له بعيون تلمع من سعادت اللي سمعت:وانا بعد احبك
+++++
خالد في غرفته
(ااااااه يالقهر بموووت مخنووووق يارب هونها علي)
++++++++
منيره كانت تجهز كل شي عشان العشا بكرا عند اخوها تركي وتدعي ان خالد يجي يحظر
(يارب تجي ياخالد
خلاص ماعاد فيني صبر لازم فيصل يطلق شهد)
ياترا وش تبي منيره من خالد؟
ووش ينتظرك يابطلتنا شهد؟
فيصل وخالد
بدر يوسف سجى سعا
د نرمين
وش بيصير جديد هذ اللي بتعرفونه بالباراات القادم باذن الله
*حوحه*
منوووول يابعد روحي هذا البارت اهداااااء لك
رواية /مابعد الظلام/ بواسطة الكاتبه:
حوحه(الوعد القادم)
البااارت الرابع
يابن الاوادم نصيحه خذها طعني
ماكل شخص يذل النفس لاشافك
صحيح زينك في بعض احيان شجعني
لكن زود الكرم زودت باصرافك
ماهو با انا اللي تنزلني وترفعني
لو درت في نيتك كسرت مجدافك
تبي الصراحه تصدد لاتطالعني
اخاف من دمعتك والا انت مااخافك
في بيت ابو تركي
منيره:تروك من عندك
تركي:وش دخلك
منيره:وش دعوه سؤال وبعدين عشان العدد
تركي:فيصل وعبد الرحمن وفهد ومحمد
وخالد وبدر بعد ماجو
منيره بخوف :متاكد بيجون
تركي: اي انشاء الله يعني العدد كذاصارو
منيره :اوك
منيره تشتغل في المطبخ وحايسه مع الخدامه اللي ماتفهم بسرعه
++++++++++
بدر:شهد تراني جاد يعني مثل ماتعرفين انا مابي اسافر وانا ماتزوجت
وابغى بدري عشان يمديني اسوي لزوجتي اوراقها
شهد :طيب انت شرايك بسجى بنت خالتي ماشاء الله عليها جمال وادب واخلاق
بدر ابتسم:اعرفها ماشاء الله عليها
بس اخاف دلوعه
شهد:هي من ناحية دلوعه دلوعه بس دلعها لايق
وحنونه مره وطيبه وقنوعه
بدر حس انه تحمس يبي يشوفها:طيب انتي اللحين اجهزي خليني انزلك عندها بالبيت وابيك تشاورينها
شهد:طيب بستاذن فيصل اول
بدر :ياللا
طلع بدر ونزل شهد في بيت خالته ومر خالد بياخذه
خالد:السلام عسى ماتاخرت عليك
بدر:تبي الصراحه اي تاخرت وبالحيل
خالد:قلت لك خلني اروح بسيارتي بس انت اصريت
ضحك بدر:شفيك امزح معاك انت مثل شهد
وانتبه وسكت وتنرفز انه غلط مثل هالغلطه اللي الغبي مايغلطها
خالد هزه اسم شهد(ااااااه يادودي
هذا وش فيه انقلب وجه غريبه)
طال الصمت لين وصلو بيت تركي
خالد: سلام عليكم شباب
وبدا يسلم عليهم فرد فرد
بدر اللي بدا يتذكر كل شي معصب ويسلم بدون نفس
وجلس بجنب فيصل
فيصل يقصر صوته :عسى ماشر وش فيك
بدر يتصنع الطفش:لابس زهقان للحين يماطلون باواراق البعثه شكلها بتاخذ اكثر من سنه
فيصل :غريبه شعندهم والله يموتون بالمماطل
وتمو يسولفون ويضحكون
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك