رواية مابعد الظلام -1
رواية ما بعد الظلام
الكاتبة : الوعد القادم
منتديات غرام أقلام لا تتوقف عن الإبداع
رواية ما بعد الظلام بواسطة الكاتبة:
حوحه (الوعد القادم)
الباارت الاول
في بيت ابو فيصل الحفل الكبير بمناسبة حصول فيصل على شهادة الدكتوراه في تقنية المعلومات (الحاسب)
وفي مجلس الرجال بالتحديد
بدر :الف مبروووك ياولد العم شرفتنا ورفعت راسنا
خالد:وانت وش عليك يشرفك شد حيلك وخذ الدكتوراه وشرف نفسك
فيصل وبدر:هههههههههههههههههههههه
رن جوال خالد "مملكة عمري
ابتسم لما شاف الرقم
خالد:عن اذنكم شبااااب
فيصل وبدر وعبد الرحمن وتركي:اذنك معك يالحبيب
وفي مكاان بعيد عن مجلس الرجال في اخر حديقة بيت بوفيصل
خالد:هلا وغلا بدنيتي كلها يابعد طوايف خالد
شهد بصوتها الناعم المبحوح:هههههههههههههه هلا فيك خالد كيفك؟
خالد:يالبى فدا انا لهظحكه ياناس،انا بخييير يوم سمعت هالصوووت
انتي كيفك ياحياتي؟
شهد:انا بخيييير ودااقه اقووولك مبروووك لاخوك اللي اخذ الدكتوراه
وعقبالك
خالد:الله يبارك بعمرك يالغاليه يالباااك بس
يعني مو مشتاقتلي
ميته شهد من الحيا:.......
خالد؛فديت اللي يستحوون ياناس
نفسي لو مره وحده ياحبيبتي تقولين لي اشتقتلك
وسكت وهو يشوووف بدر جاي له
خالد:اكلمك بعدين روحي مع السلامه
شهد:تيب مع السلامه
بدر:سلامات ياولد العم وراك طولت ومن تكلم لايكوون تكلم الايه ....
خالد اللي ارتبك وبان عليه:لا اكلم واحد من الربع
بغييت شي
بدر في نفسه(وش فيه خالد ارتبك حتى لو يكلم بنت مو لهذي الدرجه):لابس عمي سال عنك
خالد:ابوي شعنده؟
بدر:مدري تعال شوف
خالد :طيب
وهم راجعين للمجلس
خالد في نفسه(شفيك ياخالد ارتبكت ولاقدرت اسيطرعلى نفسي حتى؟
وشلون ما ارتبك وانا جالس اكلم اخته؟
لا لا بس انا ناوي اتزوجها وهي بنت عمي)
دخلو المجلس
ابو فيصل: يالله ياولدي جهز كل شي الحين يوصولون المعازيم
خالد: ع هالخشم
نبذه بسيطه عن خالد
خالد طويل ونحيف عيونه سودا واسعه ورمووشه كثيفه
متووسط الخشم فمه متوسط برونزي البشره وشعره اسود كثيف وهذا يميز عيلتهم
يدرس خامس سنه طب
وفي مكان قريب من مجلس الرجال صالة الاستقبال
ام فيصل:الله يهداك ياريم وينك من اليوووم انادي عليك وينك
ريم الاخت الوحيده لفيصل وخالد
عيونها عسليه واسعه كثيفة الرموووش وانفها حاد كالسيف
وجسمها جميل ومشيتها اجمل اللتي تعطيها جمال اكثر مع طولها تبدو كعارضات الازيا
وشعرها طويل لين نص ظهرها اسود بلمعه
وهي تدرس في ثاني جامعه علم نفس
:
ريم :ماما حبيبتي وش بغيتي
ام فيصل:ماشائ الله تبارك الرحمن
لفت ريم بفستانها:ههههههههههه شرايك فيني ماما
ام فيصل: تهبلين ياريوومه اخاف عليك من العين
ريم:ههههههههههههههههههه يالبى يامامتي
+ريم كانت لابسه/فستان موف قصيرتحت الركبه وصندل فوشي واكسسوارات فوشيه
وكانت مسويه بوف بسيط وتاركه شعرها الباقي
ريم:ياماما ماقلتي وش بغيتي
ام فيصل: كنت ابغى اسالك عن البخوور والعود جهزتيهم
ريم:جهزتهم وشوي ويخلص الفحم وتحطهم شيلي
ام فيصل:يعطيك العافيه
رن جرس البيت باب الحريم
ريم:شييييلي افتحي البااب
شيلي:أن شاء الله
دخلت عليهم شهد
شهد/بنت عم خالد وفيصل وريم ابوها متوفي من سنين وامها توفت من ولادتها عايشه مع اخوها بدر
تدرس في ثاني جامعه كيميا حيويه
كانت معررروفه بجمالها
العيون واااسعه ولونها اسووود والرمووش اللي كانها صناعيه
معروفه بالعيون الناعسه الجذابه
والانف الصغيير الحاد كالسيف
والشفايف الصغيره المليانه والبشره البيضا النقيه والشعر الاسود الكثيف المدرج لين تحت نص ظهرها
كانت لابسه تنوره قصيره تحت الركبه بشوي لونها ابيض وبلوزه بيضا كت عليها رسومات بالاحمر
والاكسسوارات حمرا والكعب الاحمر اللامع
ام فيصل:بسم الله عليك ياشهد تهبلين ماشاء الله عليك الا تجننين الله يحفظك من العييين
شهد بحياها الرباني:....
احمر خدودها وصارت كانها ورده
ريم:ههههههههه ياحليلها مستحيه
وتقووم وتحبها
شهد:يابعددد عمري ياريومه والله حتى انتي تهبلين
ريم:هذا شي مفرررووووغ منه
شهد:ههههههههههههههه حدك واثقه
ريم :الا صدق مين عزمتي
شهد:عزمت صديقتي الروح منيره
وبنات خلاتي
سجى ونرمين وسعاد
ريم:اهااا وانا عزمت صديقتي لميا
هههههههههههههههااااي ومامتي عليها الباقي
شهد:ههههههههههههههه قومي خلينا نساعدها
بدات الحفله والكل مستانس وفرحااان والتبريكات والمجالس مليانه
كان مجلس البنات
سجى بنت خالة بدر وشهد ونرمين وسعاد
وحيدة امها وابوها ومدلله
جسمها ملينان شعرها كاريه الفكتوريا خمري كثيف
عيونها واسعه عسليه لون بشرتها بيضا نقيه
وشفايفها صغيره وخشمها صغير
كانت لابسه تنوره بنفسجي غامق قصييره مره وبلوزه صفرا فاهي
وصندل اصفر
وهي تدرس في او لجامعه سنه تحضيريه
سعاد الاخت الكبيره لنرمين
كل شي فيها صغير وبرونزية البشره شعرها اسود بوي
متخرجه من الجامعه
كانت لابسهه فستان اسود حريري فيه ذهبي
نرمين تشبه لسعاد كثير بس شعرها طويل لنص ظهرها
لابسه فستان فوشي فتحة ظهره كبيره
تدرس في اول جامعه سنه تحظيريه مع سجى
منيره صديقة شهد طويله رشيقه كاراقصات الباليه
شعرها بني طويل لتحت ظهرها
عيونها صغيره لاكنها كحيله وانفها صغير وشفايفها صغيره مليانه
برونزية البشره تدرس كيميا حيويه مع شهد
كان المجلس مليان بس هذي ابرز شخصيات روايتنا
ريم:هههههههههههههههههههه يقطع بليسك منيره
منيره ارتبكت من ظحكة ريم واخفت ارتباكها:هههههه اي مثل ما اقولك
شهد:صديقتي رايحه فيها
ظربه ع راسها من منيره
شهد:ايييي وجع هههههههههه بس من جد منتهيه
سجى:انتي ريم ايش تدرسين؟
ريم:انا ادرس ثاني جامعه علم نفس
وانتي سجو؟
انا ادرس :سنه اولى تحظيريه
ريم:ماشائ الله عليك ههههههههههه مره يوم كنتي بالثنوي أذكر مريت من عند بيتكم الساعه تقريبا وحده الظهر ووقفنا عند البقاله الله قبال بيتكم
ههههههههههههههههه شفتك نازله من السياره وتطيحييين هههههههههههههههه
<حتى هينا ياسجى خخخخخخ
سجى:ههههههههههههههههههههههههههه ياويلي هههههههههه ما أطل احد ماشافني
وبجهه ثانيه منيره تناظر بريم{يالله تحفظها نفس الظحكه نفس طريقة السوالف}
دق جوال شهد"خالد
شهد:بنات عن اذنكم
البنات اذنك معك<ياربي شهد حتى هينا ماسكه الجوال اربع وعشرين ساعه شكل كل الشهودات كذا
شهد:هلا خالد
خالد:احببببببك
شهد استحت :خالد وش بغيت؟
خالد اللي كان يبي يشوفها باي طريقه لانه من ثلاث سنوات ماشافها من وفاة والدها
بس مايقدر يقولها لانها بترفض
شهد ببحة صوتها الناعم:الوو خالد
خالد:اطلعي برا ما اسمعك
شهد:اوك بس دقايق
طلعت شهد:كذا كيف تسمعني زين
خالد اللي انبهر باللي يشوفه:اي اسمع واشووف زين ايش هالجمال ملاك اللي قدامي مو بشر
شهد تيبست في مكانها واحمرررت خدودها
ضحك خالد:هههههههههههه يجنن شكلك وانتي مستحيه والله لك وحشه
ركضت شهد لداخل ومادرت وين تروح لو راحت للبنات بينتبهون دخلت دورة المياه
)اكرمكم الله(
ناظرت في المرايه (ههههههههههههه ياحليلي احس خدودي بتنفجر هههههههههه)
دخلت عليها منيره :انتي يالحلوه وش تسوين
لييييش كذا وجهك ياويلي ؟
شهد:هههههههههههههه شفته شفته يهبل حليان مرررره
منييره فاتحه عيونها مره:من شفتي خالد؟
انتي مجنووونه شلون تسوين كذا مايصلح حتى لو كان ولد عمك
شهد:حيلك حيلك علي هههههههههههه
انا كنت اكلمه داخل قالي اطلعي برا مااسمعك
وكان مخطط وتفاجات في يمممه يامنيره يخبببل الله لايحرمني منه
منيره شقت الابتساااامه:تدوووم عليك هالفرحه يارب
وفي نفسها(عقبااالي عقبال مااشووفه اشتقت له اشتقت ضحكته
والله بديت احسد شهد اللي دايم تكلم خالد
الله يهنيها ويجمعها فيه ع خير
وجمعني انا فيه ع خير)
شهد:منووور بسم الله عليك شفيك
منيره:هاه وش
شهد:اللي ماخذ عقلك يتهنى به وين وصلتي ياصقيقتي
منيره:مافي ومشينا نروح للبنات قبل لايحسوون
شهد:ابعديها لاني اثق انك بيوم راح تقولين لي ياللا مشينا
منيره في نفسها(اي راح اقولك راح اقولك فيصل حلم حياتي جا وتقدم لي وانا بوافق
بس متى يتقدم لي متى؟)
نبذه عن فيصل/اخو ريم وخالد شاب مميز بكل مافيه شهم حنوون يصير صديق اخو منيره تركي
يشبه لريم مررره
طويل ونحيف ورياضي عيونه عسليه برموش كثيفه خشمه حاد برونزي البشره
+++++
وفي مكان ثاني
خالد جالس بجنب اخوه فيصل وسرحاااان على الاخر
فيصل:يالحبيب وين وصلت
خالد:ااااه يافيصل احبها والله هههههه ابقولك شي بس لاتعصب
فيصل اللي عارف الحب اللي بين شهد وخالد بس كان كاره انهم يكلمون بعض
:اتحفنا بس الله يستر
خالد:اليوم شفت نسيم الروووح
فيصل اللي بان عليه عصب:انت وش تقووول
انت تخون نفسك قبل ماتخون اخوها اللي هو ولد عمك استح وجهك واحترم نفسك واعقل
وبس تخلص انا بزوجك اياه
خالد:شفيك هي ماكانت تدري اني برا انا قلت لها اطلعي ما اسمعك وشفتها
ياخي وبعدين انا مشتاق لها
قام فيصل وعيون تنطق شرار:عذر اقبح من ذنب لا انت تستحي ولاهي تستحي
وراح من عنده
ضحك خالد ع اسلوب اخوه المتعصب اللي يحب التقاليد الملتزم بالدين
وفي نفسه(هو معااه حق بس الحب مايتفاهم وش اسوي)
خلصت الحفله والكل رااح لبيته
وفي داخل منزل بيت ابو فيصل
كان فيصل جالس ع الارض بالصاله ويتابع فلم كانت الساعه 2 في الليل
جا ابو فيصل
ابو فيصل:يبه فيصل ابيك في موضوع
لف فيصل على ابوه وكتم صوت التلفزيون
فيصل:امر يبه
ابو فيصل:انت ماشاء الله عليك الحين صرت الدكتور فيصل وموناقصك شي دين واخلاق
موناقصك غير الزواج
ابتسم فيصل:ايووووه واكيد لي عروس عندك ههههههههههه
ابوفيصل :اي عندي بنت عمك شهد
اصفر وجه فيصل :يبه انت ايش تقوول
انا اتزوج شهد
وقف وناظر في ابوه:لا مستحيل يبه انت تطلب المستحييييييل
عصب ابو فيصل اللي ماتعود احد يرد له طلب او امر وعلى في صوته:فييييييييييصل
انت تحداني انت تكسر كلمتي اللي محد كسرها
اطلع برا بيتي اطلع ياقليل الحشيمه والادب
نبذه عن ابو فيصل/انسان قاسي لايسمع الا لنفسه صارم في قراراته
فيصل تفاجا من اللي يقوله ابوه راح حب راس ابوه:يبه انت فهمتني غلط
انا مافكر في الزواج خل خالد يتزوجها
ابو فيصل عصب اكثر وعلى في صوته اكثر:انت تبيني ازوج بنت اخوي اللي وصاني عليها هالبزر اخووك اللي مامسك عقله ولاحتى تخرج
ولا ويدخن
(خالد كان الوحيد اللي يدخن في العيله)
فيصل :طيب يبه عطني فرصه افكر لو يومين ع الاقل
ابوفيصل بحده:بالنسبه لي ماعندي كلام ثاني ياتاخذ بنت عمك يا لا انت ولدي ولا اعرفك
ومعاك يومين ونروح نخطب بشكل رسمي
طلع وترك فيصل المحطم:ليش يايبه ليش هذي المره الثانيه اللي تقسى علي
كيف تبيني اخذ وحده خانت اخوها
كيف تبيني اخذ حلم اخوي
ااااااه يايبه ليتك تعرف
بس لو تعرف يمكن تموووت
وش سويت فيني ياسندي حيرتني حيرتني
الله يسامحك
وتدكر قبل 8 سنوات
فيصل :بس انا يبه نفسي اصير محامي احب القانون واحب العقد تكفى يبه لاتحرمني من اللي ابيه
ابو فيصل بحده وبصووت عالي:انا قلت اللي عندي انا طوول عمري احلم فيك مبرمج معرووف ترفع راسي
فيصل:يبه بس......
يقاطعه ابو فيصل:لاتعاند ابووك يافيصل
فيصل سرحان:.....
خالد:يابو الشباب وين وصلت؟
فيصل اللي انتبه على اخوه اللي من زمان وهو يناديه:هلا خلود شبغيت
خالد:ههههههههههههه وش عندك اعترف اكيد تفكر بالحمر اللي تركتهم هناك
ضحك فيصل بحزن:هههههههه الله يخليك روح عني
خالد وقف:اووووك عاد انا حدي نعسان بس قبل بكلم الحب ههههههههههه
وطلع
فيصل:حس ان احد طعنه في قلبه هز من ثباته من هدووئه
وطرت في باله فكره
قرر يطلع ورا خالد ويحطه بالموضووع ويخبره بكل شي
طلع فيصل الدرج بخطوات ثقيله
جا بيطق الباب
خالد:ياحياتي تكفييين بطلبك طلب
شهد:...
خالد:ههههههههه نفسي اسمعها اسمع احبك من الصوت المبحوح اللي كله دلع
شهد:.....
خالد:لا تكفين حياتي ورمى لها بوسه من ورا الجوال
وضحك بصوووت عالي
كان سععيد سعيد مره وباين من ضحكته اللي مافاتت الشخص اللي ورا الباب اللي سمع كل كلامه
فيصل في نفسه(ياااارب ارحمني احس مو قادر اسلب طولي)
طق الباب
خالد:دودي روحي تصبحين على خير هذا الباب يدق
ياللا بحفظ الرحمن
خالد بعد ماسكر الجهاز:تفظل
دخل فيصل بهدوء مصطنع
فيصل :ممكن اسالك سؤال انت ماتستحي؟
خالد:ههههههههههههههههههه وانا ممكن اسالك سؤال وانت غيران ومنقهر ليش؟
انقهر فيصل وكان وده يقوم يصفقه كف يصحيه
خالد:تراني نعسان وش بغيت اختصر
فيصل :في واحد تقدم لشهد ويبي يتزوجها دكتووور وماشاء الله عليه وحسيت ان بدر مشتهي يعطيه
خالد وعيونه تنط منها شرار:قل وش اسمه وانا اريحك منه الليله ولا اخليه حتى يصبح
فيصل ارتعب من جنووون اخوووه:بس الرجال ماله ذنب هو يبي يتزوج ورجال ماينعاب
وكمل بحذر:وبدر مايدري باللي بينكم عشان يصد الرجال
ولاتنسى بدر اللي بيسافر بعد سنه بعثته وين بيخلي اخته
خالد عصب وحس بعروقه تنط: تجي في بيت عمها وانا مستعد اترك هالبيت لين اتخرج واتزوجها
فيصل بحده: ووش الشي اللي يخلي بدر يسوي كدا واخته جايها عريس بهالمواصفات
خالد وقف:قل لي من هالرجال بروح لبيته واحرقه
فيصل:واذا مات هالرجال انت بتدخل السجن عشانه
خالد اللي بدا يفقد اعصابه ضرب بايده بقوووه على الطاوله اللي تشطبت
فيصل: وحتى لو ما انكشفت بيتقدم لها واحد غير هاللي تقدم لها
لاتقولي انك بتروح تحرقه بعد
على العموم هذا كان مجره اختبار مني لك
خالد اللي ملامحه بدت ترتخي:فيصل انت لوين تبي توصل
فيصل:..........
وش اللي راح يصير بين فيصل وخالد
وهل يقدر فيصل يفاتح خالد بالموضوع؟
واذا قدر يفاتحه وش بيكون ردة فعل خالد العاشق؟
انتظروني في البارات القادم
*حوحه*
رواية /مابعد الظلام/ بواسطة الكاتبه:
حوحه(الوعد القادم)
البااارت الثاني
ودعي ياعين دمعك والحنين
مايفيد الدمع ذا حكم القدر
واصبري واللي انكتب على الجبين
لازم نشوفه على مر العمر
خالد اللي ملامحه بدت ترتخي:فيصل انت لوين تبي توصل
فيصل:..........
خالد بنفاذ صبر:انا قاعد اسألك
فيصل:انت قاعد تحب شي مو ملك لك ..وانتبه لنظرة خالد اللي كانت حاده.. وكمل:او شي للحين ماصار ملك لك
فكر ياخوي وانتبه لنفسك
وطلع وخلا فراااغ في صدر خالد اللي حس بكل شي فيه يرجف
انسدح ع فراشه وظل يتقلب يفكر
معقوووله شهد بتكون لغيري
ويقلب وهو يحاول يبعد هالفكره
في غرففة فيصل
فيصل(يارب انا بحيره عجزت اقول لاخوي وعجزت احطه بالصوره
يارب ساعدني)
مرووو هاليومين ببطئ ع فيصل اللي كان يدور على حل ولكن للاسف مالقى
فيصل اللي جالس وسرحان في غرفته
طرق الباب
فيصل:تفظل
ابو فيصل بنظرته الحاده:انت للحين ماجهزت
فيصل بحزن :دقايق وانزل اسبقني يبه لسياره
نزل ابوفيصل وانتظر فيصل ونزل فيصل وراحو لبيت بدر
بيت(شهد)
في مجلس الرجال
بدر يحب راس عمه:هلاعمي ليش ماقلتلي انك تبغاني وانا اجيك برسم الخدمه
ابوفيصل :ههههههههههههههه تسلم ياولدي
اقول ماتبغا تقهوينا
بدر:دقايق وتجهز القهوه
طق الباب
طلع بدر وجاب القهوه:تفضل ياعمي
ابوفيصل بجديه:حنا جياينك اليوم بطلب ياوليدي
بدر:انت تامر ياعمي
ابوفيصل:انا جاي اطلب اختك زوجه لولدي فيصل
ابتسم بدر وناظر بفيصل اللي سرحان وماهو يمهم
:اهاا اجل الدكتور ولدنا يبغا بنتنا زوجه له
ابوفيصل:عاد انت شاور شهد ورد لنا
بدر اللي مستغرب من صمت فيصل:تبشر ياعمي
ابوفيصل:اجل نستاذن حنا
بدر :لاوين اجلسو تعشو
فيصل اللي كانت الدنيا تدور به ويحس نفس مخنوق:انا عندي شغل الحين
ابوفيصل:ياللا في امان الله
بدر:مع السلامه
+++++
شهد كانت بالمطبخ وتطبخ وتغني
(احبك احبك يشهد الله علي لما اشوفك ابتسم صدقني ماهو بيدي)
جا بدر من وراها:بوووووووووووه
شهد اللي طاح الصحن من يدها وانكسر:يمممممممممممممممممممه
خرعتني بدوور
بدر:ههههههههههههههههههههههههههههه
يابخته هاللي بتغنين له
احمرر وجها وهي تتذكر خالد اللي يترجاها تغني
وغنت(احبك ماتكفيني الا ياقلبي وعيني
انا من كثر ما احبك قليله لاجلك سنيني)
بدر:هييييييييييه انتي انا احاكيك
شهد:سوري شكنت تقول
بدر سحبها من يدها واخذها لصاله
شهد:وش فيك بسم الله
بدر بجد:شهد انتي اني بروح بعثه ولا اقدر اخذكمعاي
شهد:الصفحه الثانيه
بدر:هههههههههههههه طيب
اليوم جاك عريس يابطه والله ماينعاب وكل شي فيه
وبنالسبه لاخلاقه هو قريب مننا ونعرف عنه كل شي
شهد مغصها بطنها ووجها صار الوان
(ياربي مين لايكون خالد
لابس خالد قال انه مايقدر لانه للحين ماتخرج
ياااربي مييين)
بدر:هيه اسولف معاك
شهد:من هذا اللي انت تتكلم عنه
بدر:فيصل اقصد الدكتور فيصل ولد عمي
شهد ناظرت بصدمه وعيونها غرقت دموووع
(فيصل لامستحيييل فيصل يعرف باللي بيني وبين خالد
ياربي وش صاير وش اللي قاعد يصير)
قامت وبصووت هادي:بدر انا ارفض الزواج من فيصل
ومشششت
عصب بدر:لفي يمي وجاوبيني
ليش وش في بدر ينرفض
شهد انهارت وماقدرت تتماسك اكثر وقامت تصيح
مسكها بدر اللي قام يحس بشي غلط
عفت يدها وقال بصوت عالي:جاوبي على سؤالي ليش وش في فيصل شي ينعاب
ابغى جووااااااااب
شهد بصياح:بدر فك ايدي تعورني
بدر:شهد وين جوالك؟
شهد بخوف:ليش وش تبي فيه
بدر:ابيه وطلعه من البيت مافي لين اعرف سر رفضك لفيصل اللي كل البنات يتمنونه
زادت في صياحها(اااااه ياخوي وش تبغاني اقول
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك