رواية قتلهن الطيش وأحياهن الحب -24

رواية قتلهن الطيش وأحياهن الحب -24

الشباب : وعليكم السلام

عبدالرحمن : بدري لو ما جيت احسن

وليد : والله اني انشغلت في موضوع خلصته وجيت

خالد: عساه خير؟!

وليد يضحك له : خير خير ...

عبدالرحمن : لا يكون تبي تعرس بس

وليد يضحك : والله انك فاهمني يابو سعود .. محد يفهمني مثلك

,,,,,,,,,,,,,,,,,,,,,,,,

ماجد عند باب النادي ..طلعوا البنات وركبوا .. ماجد: شلونك نور؟!

نور بصوت واطي: بخير الحمدلله انت كيفك؟!

ماجد : تمام ... ماجد ما متوجه للبيت على طول ضل يلف فيهم على قولته بمشيهم .. وقف عند سوبر ماركت بجنبها محطه ..ماجد: وش تبون اجيب لكم ؟!

هند: جيب تشكيله شوكولاتات وحلويات من كل الانواع

ماجد: وانت نور

نور: لا تسلم ماابي

ماجد: ليه ؟!

نور: والله مو مشتهيه اكل شي ..خلها مره ثانيه

هند: اقول نونو مايعني مشيتي ساعه بالنادي تسوين لنا فيها رجيم مثل ندى .. اطلبي وش تبين

نور تضحك: والله ماابي تسلمون

هند: بكيفك.. ولا اقول بجيب لك ايسكريم

نور : اوكي مو مشكله الاسكريم مااعارض ابدا

هند لفت وغمزت لها : اعرفك زين ...

ماجد توه يمسك ايد الباب يبي ينزل ..الا قالت هند: ماجد ابي انزل معك

ماجد يبيها من ربه : اجل شرايك انت تنزلين تشترين اللي تبينه وانا اعبي بانزين

هند : اوكي ..يالله نور انزلي ...عطني قلوس مامعاي

عطاها ماجد...نور: لا والله هنوده مافيني انت انزلي ..

هند : اوكي يالله دقايق وراجعه ..ونزلت ..

ماجد يناظر نور بالمرايا.. ونور مرتبكه بس مو مبينه هالشي .

ماجد : نورشخبارك

نور: تمام الحمدلله ..

ماجد لف وناظرها وهي كانت متلثمه وصارت عينه في عينها ..ضلو يناظرون بعض مده ...ماجد : نور

نور تناظره بدون رد...

ماجد : نور تدرين رسالتك وش سوت فيني .. رسالتك هبلت بي .. جننتني .. نور انت ماتتخيلين شلون فرحتي يوم قريت اسم المرسل ..نور دنياي

نور هنا زادت دقات قلبها وقالت بهمس : نور دنياي؟

ماجد : ايه ..

نور ماردت بشي ... بس عيونها هي اللي تحكي باللي داخلها ...

ماجد : نور .. قوليها ..

نور دمعت عينها: وش اقول ؟!

ماجد :قولي الكلام اللي بالرساله .. قولي اللي في قلبك الحين .. قولي الللي انا شايفه في عيونك .. قولي كل اللي عندك ..

نور: ماعندي شي اقوله ..

ماجد : لا تكذبين علي وعلى نفسك .. نور انا اعترفت لك بحبي انت بعد خلك قويه واعترفي لي ...سكت شوي وقال : نور ...

,,,,,,,,,,,,,,,,,,,,

انتـــــــــــهى الجزء الحــادي عشــــر...

في الجزء الثاني عشر وش رح يصير ؟!

ماجد وش قال لنور؟!

ندى هل هي اخت حسن ولا لأ؟!

الـــــجزء الثاني عشـــــر...

..........

مدخل/

يعزف على أوتار

قلبي صدى صوتك البعيد......

لينتشلني من كومة اليأس والتفكير...

لتحيا عباراتي ....وينبض القلب من جديد

.......صداك ....يفعل بي كل هذا؟!!

فكيف إذا لامست يداك

..ونظرت لعيناك...

وبكيت على صدرك...

يامن أهواك..

يغيب العالم بغيابك ...

ويصمت حداداً لفرقاك...

فأنا معك يا عمري

في كل مكان وفي

كل الأوقات...

.في سكناتي

وعباراتي ....

في حلمي

ومنامي ......

....................

ماجد : لا تكذبين علي وعلى نفسك .. نور انا اعترفت لك بحبي انت بعد خلك قويه واعترفي لي ...سكت شوي وقال : نور ...

الا هذي هند تفتح باب السياره وتركب : السلام ...ناظرت ماجد اللي ارتبك : وش فيك تناظر ورى

ماجد يعدل جلسته : لا بس بغيت اشوف علبه المناديل ورا ولا لأ.. بس مالقيتها الظاهر انها خلصت

هند: ماعبيت بانزين ؟!

ماجد حرك السياره : الا عبيت ورجعت

هند تمد الاكياس لنور وهي لافه عليها : جبت لك الذ الانواع من الايسكريم

نور تاخذ منها الاكياس : تسلمين ..

هند: شرايك تجين معنا للبيت ؟!

نور تطالعها : احلفي...

هند تضحك: والله

نور: لا بالله شرايك انام عندكم

ماجد : الله يحيك البيت بيتك

نور سكتت وقالت : لا ودني البيت لو سمحت

,,,,,,,,,,,,,,,,,,

عبدالرحمن يقرب لوليد ويهمس له : صدق بتعرس ؟!

وليد مبتسم : اللله يسمع منك

عبدالرحمن: وش السالفه اجل؟!

وليد جى يقوله الا جواله رن . طلعه ورد: هلااا ماجد..وينك مابتجي ؟!

ماجد : لا والله خلاص انا رايح للبيت اللحين وابي انام ..بس بغيت اقولكم اني موب جاي لأني اتصلت على دحيم الشبكه ماتمسك معي

وليد: اوكي اوكي ..خير ان شالله خلاص انا ابلغهم ..وقفل منه

وليد: ياشباب ماجد يقول انه موب جاي

خالد: ليه ؟!

وليد : والله مدري يقول انه رايح للبيت ويبي ينام

عبدالرحمن: كمل السالفه ..اللي مابديتها

وليد يضحك : ابد لا سالفه ولا شي بس الوالده اليوم راحت تشوف العروس اللي بخطبها

عبدالرحمن ابتسم: صدق والله .. خلاص عزمت ياوليدوه .. مبروووك ... وبشر وافقو عليك؟!

وليد:الله يبارك فيك.. والله باقي ماصار شي بس راحت تشوفها وعاد امها قالت نشاورها ونشاور ابوها واخوها ويردون لنا

عبدالرحمن: الله يتمم لكم بالخير .. بس من بنته ؟!

وليد: بنت عبدالله العالي .. اخت فهد

عبدالرحمن كان جالسه جنب وليد بالضبط من الصدمه لف راسه وصار وجهه بوجه وليد : بنت منو؟

وليد لاحظ صدمه عبدالرحمن: وش فيك بسم الله .. بنت عبدالله العالي ..بس لايطلع الكلام لأن مثل ماقلت لك الموافقه مابعد جات

عبدالرحمن سااكت مصدوم ومو مصدق اللي قاله وليد .. يعني معقوله لوجين باقي علاقتها بوليد ومتفقين على الزواج .. لا مستحيل نور قالت لي ان مابينهم شي ..

وليد يدق كتفه : وش فيك ؟؟

عبدالرحمن قام يبي يروح : لا ولا شي .. انا استأذن ابي اطلع

وليد وخالد: وين بدري

عبدالرحمن : من اعماركم ... وطلع ... ركب سيارته والدنيا ضايقه فيه مامشى من قدام الاستراحه لازال واقف وتفكيره مشلول ويقول بنفسه الظاهر ان لوجين بتحطم حبي لها للمره الثانيه .. ليش ياربي ليش .. انا احبها صدق ومافكرت فيها غير بالحلال .. دمعت عيونه قهر من اللي صار لكنه اقسم انه بيوقف بوجه وليد ولوجين محد بياخذها غيره...

,,,,,,,,,,,,,,,,,,,,,

لوجين جالسه بغرفتها وتصيح ولاهي عارفه وشوله .. يمكن خوفها من موافقه ابوها واخوها عليه بس مستحيل يزوجونها غصب .. قامت ونزلت الصاله ..لقت امها جالسه تتابع التلفزيون .. راحت وجلست جنبها : ماما

هدى : نعم

لوجين : ماما انتو بتوافقون على وليد ؟!

هدى ناظرتها : لولو حبيبتي لاتشغلين نفسك بهالسالفه .. باقي ابوك واخوك ماعرفوا ولا ندري وش رايهم

لوجين : بس انا اخاف يوافقون عليه ..

هدى : كل شي نصيب .. ان وافقو ولا رفضو بيكون نصيبك كذا

لوجين : بس انا مو موافقه من اللحين اقول لكم

هدى يصير خير ... قطع كلامهم دخول عبدالله وفهد سوا .. وغريبه اول مره يكونون طالعين مع بعضهم

عبدالله وفهد دخلو: السلام عليكم

هدى ولوجين : وعليكم السلام

عبدالله دخل جلس : ها مابعد نمتو ؟!

هدى : لا والله ننتظرك..غريبه رادين سوا

عبدالله : ليش غريبه .. ماغريب الا الشيطان ..خير وش صاير تنتظرونا

هدى : فيه موضوع ابيكم فيه

فهد ماشي يبي يطلع ... لكنه سمع كلام امه ووقف

هدى : فهد انت بعد تعال اجلس

فهد يروح يجلس : خير

هدى : اليوم زارتنا ام وليد خويك .. وطلبت يد لوجين لولدها وليد ..

عبدالله : ايه.. ووش رديتي عليها؟!

فهد تفاجئ: وش تقولين ؟!

هدى : مارديت عليها بشي ..قلت اسألكم بالاول .. وتناظر فهد : اللي سمعته

عبدالله : يصير خير ان شالله .. نسأل عن الولد

لوجين ساكته وتناظرهم .. اما فهد قام وتركهم : يصير خير

,,,,,,,,,,,,,,,,,

نور دخلت البيت وقالت للهنوف ان هند وماجد ينتظرونها وطلعت لهم ..

نور: السلام عليكم..

الكل : وعليكم السلام

عبدالعزيز : وراك تأخرتي للحين

نورتسلم عليهم : الوقت بدري توها الساعه 12 ونص

عبير: السلام عليكم مع السلامه .. احلى شي صح

نور تضحك : والله مادريت انكم جايين لو ادري ماكان طلعت

جنان تناظرها وتبيها تشيلها: عمه نول ( عمه نور)

نور تشيلها وتبوسها : ياعيون عمه .. كيف حالك .. وحشتيني

جنان: انت وشحتيني مله ( انت وحشتيني مره ) .. انت وين لحتي عند الحلمه اللي تتاتل البنات ( انت وين رحتي عند الحرمه اللي تاكل البنات )

نور: لا من قالك كذا

جنان: ضيو تدول تدا ( ضيو تقول كذا )

ضي تضحك : صح يانور فيه حرمه تاكل البنات بالمكان اللي رحتيله

نور: لا مافي

حنان لفت على ضي : تدابه .. تدابه .. عمه نول تدول مافي ( كذابه ..كذابه.. عمه نور تقول مافي )

الكل يضحك عليها ...سعود: ياحليلها

عبدالعزيز : يالله يالله ياعبير مشينا ...

نور: خلكم شوي..

عبير: لا والله يادوبنا نوصل للبيت ونبدل ملابسنا وتنام الشعنونه هذي يصير الفجر ..

نور: خلوها عندنا اليوم .. وتناظر جنان : تنامين عندنا اليوم ؟!

جنان تهز راسها: ايه ايه

عبير: تجننكم والله .. تقوم تدورني بالليل

نور بتتكلم الا جنان قطعت كلامها يوم حظنتها بقوه من رقبتها : ماابي الوح ( ماابي اروح)

عبدالعزيز: خلاص طيب خليها اليوم

عبير : بس ماعندها ملابس

نور: الا فيه لها ملابس فوق

عبير: خلاص اجل تحملوها اليوم

سعود : يالله خلاص روحو وخلوها وبكره تعالو خذوها

عبدالعزيز: خلاص اوكي .. يالله عبير ..

عبير: يالله .. مع السلامه وطلعوا ...

سعود يحرك الكرسي اللي هو عليه وبيروح غرفته : يالله تصبحون على خير

نور: بابا تبغى شي قبل تنام

سعود: لا سلامتك

جنان: ددي تغبى ثي ( جدي تبغى شي؟)

سعود يضحك: ايه تعالي حبيني بسرعه

جنان تفك نفسها من نور وتنزل للأرض وتروح له : وتبوسه .. خلاث لوح نام يالله ( خلاص روح نام يللله )

ضي ونور يضحكون : يازينها ..

سعود: طيب ياماما ..ويحرك يده لها : مع السلامه

جنان تطالعه : مع الثلامه .. راح سعود للغرفه ... وضي طالعه ووراها نور اللي مابعد فصخت عباتها وماسكه بيدها جنان ..

جنان وقفت مشي وناظرت نور: اغبى ماما ( ابغى ماما )

نور تقول بنفسها ياحبيبي بدينا : ليش حبيبتي دنونه بتنامين عندي اليوم بعطيك حلاو اذا صحيتي ..

جنان اقتنعت " تيب

وطلعوا ....

,,,,,,,,,,,,,,,,,,,,,,,,,,

هند بغرفتها جالسه .. وتتصل على حسن بس مارد عليها .. فقالت اتصل على لوجين اشوف وش صار معاها اليوم .. واتصلت ...

لوجين ردت : هلا هنوده

هند: السلام كيفك

لوجين : وعليكم السلام ..

هند: وش فيه صوتك ..نايمه

لوجين : لا ماني نايمه .. جالسه بالغرفه ..

هند : وش صار اليوم مع ام وليد ..

لوجين : هند تخيلي جات تبي تخطبني لوليد

هن شهقت : احلفي ...

لوجين : والله العظيم

هند : ايه ووش قلتو لها

لوجين : ماما قالت لهم يصير خير وتسأل بابا وفهد .. وبابا قال بسأل عن الولد .. وفهد بس قال خير ان شالله وقام

هند : طيب وانت وش رايك ؟!

لوجين : انت عارفه رايي من زمان ..

هند: امممم .. طيب وش بتسوين اللحين

لوجين بضيقه : والله ماادري .. بس حتى لو وافقوا عليه مستحيل اخذه

هند : ليش؟

لوجين : شنو ليش .. ماابيه ..

هند: ونونو تدري..

لوجين : لا ماكلمتها ولا كلمتني

هند : اهااا .. على العموم ياقلبي لا تشيلين هم .. وان شالله اللي فيه خير لك بيصير

لوجين : ان شالله ..

هند : طيب حبيبتي .. يالله بقفل تبين شي ؟!

لوجين : سلامتك ...

هند قفلت منها ...وردت اتصلت على حسن ... رن ثلاث رنات ورد : هلا والله حياتي

هند : اهلين .. وينك ؟!

حسن : ويني ؟!

هند : ايه

حسن : بقلبك

هند ابتسمت : والله

حسن : ايه والله ..

هند: من قالك ..

حسن : طيب حطي يدك على قلبك ..

هند: ليش ؟!

حسن : بس انت حطيها ..

هند حطت ايدها على جهه قلبها : حطيتها

حسن : تحسين بنبضاته

هند : ايه

حسن : اكيد

هند: ايه والله حاستها

حسن : هذا قلبي جوا قلبك ونبضه مني ونبضه منك ..

هند ضحكت : ياحياتي ...

ضلو يسولفون شوي وقالت هند: حبيبي ..

حسن : ياعيون وقلب وروح حبيبك .. غردي قولي وش عندك

هند: انت عندك اخت اسمها ندى ؟!

حسن تفاجئ: ليش؟

هند: بس سؤال

حسن : ايه عندي ...

هند: صدق والله ..يعني البنت اللي اليوم بالنادي ندى اختك .. وانت لما قفلت مني اتصلت عليها وقلت لها اطلعي انا برا

حسن : ليه انت كنت بنفس النادي اليوم يوم اكلمك

هند : ايه .. وكنت انا ونونو نسولف مع وحده اسمها ندى ... مستحيل ... ماتوقعتها اختك ابدا انصدمت يوم قفلت مني واتصلت عليها وقالت هلا حسن ... جلست مفهيه ساعه ..

هند : طيب وعندك اخت اكبر متزوجه بالرياض واخ متوفي ..

حسن : ايه .. كل اللي قلتيه صحيح

هند : يالله .. سبحان الله يالدنيا صغيره .. ماتخيلت في يوم اني رح اقابل اختك واسولف معاها

حسن يضحك: طيب ووش رايك فيها ؟!

هند: تهبل مثل اخوها ... حبوبه ودمها خفيف ..

حسن : شكرا لا داعي

,,,,,,,,,,,,,,,,,,,,,,,,,

عبدالرحمن داخل البيت ومعصب .. شاف جنان نايمه على رجول نور بالصاله ونور تتابع فيلم .,..

عبدالرحمن : السلام .. وجلس

نور: اهلين .. وعليكم السلام .. وش فيك تأخرت ..

عبدالرحمن : مافيني شي ..وين ابوي وضي نامو؟!

نور: ايه ..

عبدالرحمن : وهذي وين اهلها ؟!

نور استغربت اسلوبه : وش فيك انت .. هذي لها اسم ..

عبد الرحمن قام وتركها ...

ونور علامه تعجب على وجهها وش كبرها ... بعد ساعه قامت قفلت التلفزيون وشالت جنان وطلعت للغرفه .. سدحتها على السرير وغطتها .. وجات تبي تروح ..الاجنان وهي نايمه : ماما

نور طبت عليها: نامي نامي حبيبي .. وضلت عندها دقايق اللين ردت جنان وغفت زين

,,,,,,,,,,,,,,,,,,,,,,,

عبدالرحمن واقف على شباك غرفته ويفكر .. وش الحل عشان يوقف هالخطبه ... ضرب على الجدار بكل قوته وقال : مستحيل تتم ... سحب جواله واتصل على نور اللي كانت توها راكبه السرير تبي تنسدح وتنام ..

نور: هلا

عبدالرحمن : نمتي؟!

نور: لأ

عبدالرحمن " طيب تعالي ابيك شوي

نور: وش تبي؟!

عبدالرحمن : تعالي من غير اسئله

نور انقهرت : وش فيك انت .. مااقدر اجي عشان جنان نايمه اخاف تقوم ولا شي ..

عبدالرحمن : خلاص طيب انا بجيك ..

شوي وهو يطق باب الغرفه ويدخل : سلام

نور جالسه علىالسري: وعليكم السلام .. وش فيك ..خير

عبدالرحمن : نور انت تدرين اني احب لوجين .. وناوي اخطبها ..

نور: تحبها ايه ادري بس الثانيه هذي اول مره اسمع فيها

عبدالرحمن : لا خطه زواجي منها من زمان براسي بس قلت خليها بالوقت المناسب

نور: طيب .. ووش المطلوب مني

عبدالرحمن : نور اليوم وليد جى للأستراجه وقال ان امه اليوم راحت بيت العالي عشان يخطبون لوجين

نور فزت وشهقت : وش قلت ؟!

عبدالرحمن : هذا اللي صار ووليد قايل لي بلسانه .. انت شلون تقولين انهم مابينهم شي وهم متفقين على الزواج

نور : والله مابينهم شي لا تسيء الظن فيهم .. والله لوجين قاطعه علاقتها فيه من زمان

عبدالرحمن : اجل شلون يروح ويخطبها ؟!وهي قد كلمته من قبل

نور: اكيد انه يحبها صدق

عبدالرحمن : مستحيل الولد يحب بنت كلمته ,, ويتزوجها بعد .. والله مستحيل

نور نزلت من السرير ووقفت قدامه : لا مو مستحيل .. مثل مانت تحبها وانت عارف بقصتها مع وليد هو بعد اكيد انه يحبها وهو عارف انها كلمته قبل .. وماهمه هالشي لأن ثقته فيها اكبر وحبه مو لعبه

عبدالرحمن سكت شوي : بس والله مابياخذها .. انا اللي باخذها وانا اللي بتزوجها .. وان ماكانت لي مابتكون لغيري ..وبتشوفين .. وطلع وسكر الباب ...ونور واقفه كلها دهشه واستغراب ماتوقعت عبدالرحمن يحب لوجين هالكثر .. ردت نور للسرير وانسدحت وسحبت جوالها تبي تكلم هند وتشوفها تدري بالسالفه ولا لأ .. اتصلت وكان انتظار مع حسن ..نزلت الجوال من اذنها وارسلت لها رساله ( تدرين وش صاير مع لولو؟)

هند وصلتها الرساله : حسونه دقايق شوي خلك على الخط

حسن : طيب

هند فتحت الرساله وقرأتها ...

هند: حبيبي شوي واكلمك اوكي

حسن : ليش وش فيك ؟!

هند: بعدين بقولك..

حسن :اوكي

هند قفلت منه واتصلت على نور...ونور ردت على طول هلا

هند: اهلين ..

نور: عرفتي وش صار للولو

هند: ايه كلمتها وقالت لي

نور: ايه ووش صار ...

هند تقول لها السالفه كلها ...

نور: يالله هنوده ماتصدقين عبدالرحمن شلون منقهر من السالفه

هند: ايه لأنه يحبها ..

نور: حلف اذا موهو اللي ياخذها مابياخذها غيره

هند: اوف اوف اوف ... كبير هالكلام

نور: والله العظيم .. ياعمري عليه وش الحل اللحين ..

هند: الله اعلم ... يالله نونو تبين شي

نور: لا سلامتك ..

هند : باي

نور: باي ...تقفل وتتصل على لوجين بس لقته مغلق ...

,,,,,,,,,,,,,,,,

فهد يدور بغرفته .. انا اللي بوقف هالزواج لو الكل وافق عليه .. لكن لو ابوي وافق وشلون ابي اقنعه بالرفض .. خلها اللين وقتها ويصير خير ..

,,,,,,,,,,,,,,,,,,

ماجد طبعا نايم بالعسل ونور اخذه كل تفكيره .. جالس على الكرسي ومشغل الاستريو بصوت واطي ومسرح .. يذكر عيونها باللثام والدموع اللي مايدري وش سببها .. يذكر رجفة ايدينها ودقات قلبها اللي كان يسمعها من قوتها .. سحب جواله بيتصل عليها وقبل يجري الاتصال فصله .. قال ارسل لها واذا ردت علي برساله ..بتصل ..وارسل( دايم اشتاق انا للحظه لقاك..انتظرها ماانقطع عندي الامل..في وجودي مابغيت الا سواك.. حلم عمري في وجودك يكتمل..يشهد الله عايش بشوقي لقاك..وخاقفي عن حب غيرك ماسأل)

نور منسدحه ولا بعد نامت وصلت لها الرساله وسحبت الجوال وفتحتها شافت الرقم وابتسمت .. وتنهدت بقوووه .. وقالت بنفسها ..ارد ولا اثقل عليه .. شوي فكرت وقالت لا مابرد ورجعت الجوال مكانه .. بعد شوي سحبت الجوال مره ثانيه وقالت برد عليه .. قامت تربعت على السرير وضحكت : ياااربي شسوي ...

جنان فتحت عيونها ماتشوف نور بس سمعت صوتها : عمه ..

نور يووه نسيت نفسي : هلا عيوني ..

جنان : وث دلتي .. ( وش قلتي)

نور ضحكت : ولا شي ... انت نامي حبيبتي ..

جنان: وانت ؟!

نور: انسدحت وضمتها حتى انا ابي انام .. بيدها الجوال .. ضامه جنان وتدور رساله ترسلها لماجد ... اللين لقت هالرساله وارسلتها( فديت اللي تشوق لي.. وانا مشتاق له اكثر..احبه<حييييل> من قلبي..وعلى بعده انا اتصبر .. كفايه يازمن تكفى..على هالشوق انا مقدر..رفيق القلب واحشني..وعيني لشوفته اكبر)...

وصلت الرساله لماجد قرأها وابتسم .. على طول ضغط اتصال ..نور ماكانت متوقعه انه رح يتصل ..هز الجوال بيدها وفزت ..ناظرت الشاشه .. ابتسمت ..وردت بس مو على طول ...

ماجد انبسط يوم ردت : الوو.. السلام عليكم

نور : .....

ماجد ضحك : الووو

نور بعد ساكته :....

ماجد : يكفي تغلي وارحمي شخص عاشق .. يكفي غرور وردي علينا السلام.. دقات قلبك ادري فيها اتسابق.. ونظرات عينك فيها كل الكلام...

نور: ..... هلا

ماجد : الللللللللله ... واخيرا ...هلا والله ..هلا فيك ..هلا بالصوت الرايق .. هلا وهلا وهلا ومليون هلا ..

نور: شكرا ..

ماجد : شخبارك

نور: الحمدلله .. انت كيفك؟!

ماجد : انا والله ماني بخير .. انا قلبي مثل الطير.. طاير من هنا لهناك .. يتركني ويقولك جاك.. عيشني عمري في حيره .. ولا ادري شره من خيره .. تصدقين خيرني بين امرين .. ياابقى معاك ..ولا نموت الاثنين..

نور وجهها بوووخ وتحس الدنيا حرر موت ولا عارفه وش ترد عيله ..:...

ماجد: لاتسكتين .. قولي أي كلمه في بالك .. لا تستحين .. قولي لي عن وضعك وحالك ..

نور: ماادريت انك شاعر

ماجد : ماني بشاعر بس كلي مشاعر ..ولعيون نوووري بكون بألفين شاعر ..

نور: تسلم ..

ماجد : الله يسلمك ..

نور: طيب يالله ابي اقفل ممكن ..

ماجد : لا ياحياتي اصبرلي شوي .. اصبري بروي عطش ايام راحت .. اصبري بنسى اهات في داخلي عاشت .. نور

نور: نعم ..

ماجد : احبك ....

نور: ...

ماجد : نور تسمعيني ؟!

نور: ايه

ماجد: احبك ..

نور: حبتك العافيه ..

ماجد : قولي احبك .. قوليها تكفين قوليها ..

نور: ممكن اقفل الحين ؟!

ماجد : واهون عليك ..

نور: لو سمحت ..

ماجد : بتنامين ؟!

نور: ايه

ماجد : طيب بس لحظات بسمعك اهداء ..ممكن ..

نور: اوكي

ماجد سمعها اغنيه مرررررررره رايقه لطلال سلامه..و من جواله طبعا ( طابت ليلتك نامي ..سهرتك معي ساعه .. انت غمضي عيونك..وانا احكيلك حكايه.. قرب فجرنا يطلع .. ونجوم الليل تتركنا.. خلي وسادتك قلبي.. نامي وبكره موعدنا.. صحي الشمس في صوتك.. وبكره بهمس صحيني..ابي اسمع صباح الحب.. من صوتك يناديني..) نور عاشت احساس يجنن مع الاغنيه ..

ماجد : تصبحي على خير ...

نور: ماجد ..

ماجد : لبيه .. .. سمي

نور: انا آسفه

ماجد استغرب : على وش الاسف ..

نور ضحكت : على الكف اللي عطيتك اياه بالبر

ماجد : ههههههههههههه .. احلى كف اخذته من يوم انولدت ..

نور: طيب .. ممكن اقفل ..

ماجد: قبل لاتقولينها لي

نور: وش هي ؟!

ماجد : انت فاهمه قصدي

نور: الايام بيننا ..

ماجد: اوكي حبيبتي .. تصبحين على خير مره ثانيه ..

نور: وانت بألف خير .. مع السلامه ...

ماجد : انتبهي لنفسك .. مع السلامه ويقفل .... قام من الكرسي وقف وناظر نفسه بالمرايا وضحك من قلبه على هالمكالمه اللي ماكانت لا على البال ولا على الخاطر .. اما نور قفلت وهي مبتسمه ..ضمت جوالها لصدرها وقال : احبك والله احبك .. فكرت شوي وقالت : ليتني ماكلمته ..الله يلعن الشيطان .. نزلت دمعه قهر على الحركه اللي صارت .. وحلفت بينها وبين نفسها انها مابتنعاد ابدا .. رفعت جوالها وكتبت له رساله ( مكالمتي معك غلط كبير واقترفته .. واللحين ندمت عليه .. اتمنى ربي يسامحني واسامح نفسي .. اتمنى بعد مايكون بيننا أي مكالمات ورسايل بعد هالمره ) ...

وصلت الرساله لماجد وقرأها وماتوقع هالشي المكتوب .. لكنه رضى باللي طلبته وارسل لها كلمتين بس( انت تامرين .. امر).. نبه العشاق اذان الفجر .. وكل منهم قام توضى وصلى ونام ....

يتبع ,,,,,

👇👇👇

تعديل المقال