رواية عذبتني باسباب فرقاك -29

رواية عذبتني باسباب فرقاك -29

مريم المكان اللي ما بتلقونا فيه هو المطار .. يارب نلقى رحله اليوم .. ابي اسافر وارتاح ..

مريم سبقت مي على المطار وحصلت حجز الفجر وقعدت تنطر مي

مي بالغصب قدرت تشرد الشنط من البيت حاولت تلم الاغراض المهمة وفتحت باب البلكونه ورمتهم برى البيت ودخلت التجوري اللي بمكتب ابوها وخذت منه رزم فلوس ما تدري جم والكردت كارد وطلعت بسرعة والسكيورتيز ما قدروا يمنعونها ..

وصلت لمريم بوقت قياسي شافتها قاعده ومنزله راسها وباين عليها انها مكسوره سلمت الشنط للكونتر وراحت قعدت يمها وحضنتها ومريم ما صدقت على الله تلقى احد يشيل عنها شوي من حزنها

مي خلاص مريووم لاتصيحين جدام الناس .. لقيتي حجز .. اخاف ينتبهون لنا ..

مريم بصوت باكي لقيت 4 الفجر .. ما اعتقد انهم بييون هني يدورون علينا .. خلينا ندخل داخل احسن ..

قاموا وقعدوا بجسميز طلبوا أكل بس مالهم نفس ياكلون

مي مو قادره اصدق كل هذا يطلع من امير .. والله ما كان مبين عليه ..

مريم انا شفته اخترع يوم درى ان عمته وبناتها هناك .. أثاريه ما كان يبيني اعرف ..

مي يالله زين انهم قالولج ..

مريم بصوت رايح ونفس تعبانه وانتي امج ينت ولا شنو ؟؟ انا عبالي انتي زعلانة من فاتي ..

مي فاتيي .. انا صج اخذت على خاطري منها شوي بس ما ازعل منها .. الا امي الله يهديها تبيه باجر يطلقني .. حمدت ربي انه سافر وعنده رحلة .. والله مريوم استقبلتني من الباب وطقتني .. كسرت فرحتي الله يسامحها ..

مريم خلاص نسافر يمكن اذا حست فييج انحشتي ترد بكلامها ..

مي يارب .. الله يسمع منج .. انا ما صدقت على الله طالع بويهي بعد مو تزوجني .. تقوم تطلع لي امي وتقول خله يطلقها .. الموت علي ارحم من فراقه .. للحين ما قعدت معااه عشان ابعد عنه ..

مريم الله يلم شملكم .. زين قوليله خليه يلحقنا .. لا تخلينه يحاتيج حراام بدور ما يستاهل ..

مي ما اقدر يا مريم .. ماما ما بتخلينا في حالنا .. ما ابيه يعرف بنطر شوي ..

مريم على راحتج .. يالله قومي الحين بنصعد الطياره ..

مريم تذكرت كل اللي صار لحد ما ركبت الطياره وطلع صوت شهقاتها

مي سمعتها وقامت قعدت ورفعت اللحاف ومريم شافتها وقامت جلست قعدتها وحضنوا بعض

مي غلب على صوتها بحة الصياح انسي يا مريم .. انسي ..

مريم اشلون انسى يا مي .. المفروض باجر يكون زواجي .. باجر اكون له ويكون لي جدام الله وخلقه .. اكون بحضنه .. يدللني ويلعب بشعري .. ويهمس بإذني ويقولي أحبج يا مريم .. انتي صرتي زوجتي حلالي ملكي .. انا تعبت يا مي .. تعبت وانا انطر هالزوااج اللي مو راضي يتم .. الله مو كاتب لي اتزوجه .. مو كاتب .. مو كاتب .. هاهاهئئ .. حتى ما صارحني بزواجه من غيري .. عرفت من الناس ما عرفت منه .. انا مو مصدقة سنتين راحت من عمري وانا مغشوشة فيه .. عشان حبه نسيت جذبه علي وانتقامه من ابوي .. بديت قلبي على كل شي .. بس هو للحين .. للحين يغدر ويجرح فيني .. والله تعبت .. ليش الله ما ياخذ عمري ويريحني .. ما ابي اعيش ولا ابي فلوس ولا ابي شي .. ابي ارتاح من حبه .. ذبحني يا مي .. ذبحني .. هاهئئئ ..

مي كانت دموعها على خدها خلاص يا مريم .. لاتصيحين .. ذبحتي عمرج وانتي تصيحين .. لمتى .. لمتى بتقعدين وتندبين حظج ..

مريم شالت روحها ومسحت دموعها بظهر يدها وابتسمت يعني حظج اللي احسن من حظي ...

مي رد لها الابتسامه على الاقل انتي بتميين بنت جداام الناس .. الا انا بصير مطلقه ..

مريم نزلت راسها خاطري بس اشوفه .. ولو من بعيد اشتقتله

مي بعد نزلت راسها وانا مليت من الصوره خاطري أشوفه صج و احس نفسي متزوجة .. خاطري ألمس ويهه .. محتاجة لحضنه .. ما تهنيت فيه ..

مريم رفعت عيونها بس خلاص لاتخربيني انا للحين بنت .. مو مثلج ..ميووو تتوقعين لو يصير هالزواج .. بكون حلوه بالفستان الابيض ..

مي وهذي يبيلها توقع .. أكيد بتكونين أحلى عروس .. تدرين اشلون خلينا نرقد وانتي احلمي بعرسج .. وانا أحلم بشوفة ريلي ..

مريم اي خلينا نحلم احسن .. احنا حتى الحلم وااايد علينا ..

كل وحده باست خد الثانية ودارت على الجهة الثانية وغمضت عينها ..

الفندق

الساعة 8 الصبح

كان قاعد ينطر امه وعمته عشان يروحون يكلمون مريم واخوه قاعد معااه يشربون كوفي

يوسف انا ما رقدت كلش .. تعرفوني ما احب نومة الفنادق .. جان خليتنا نروح بيتنا ..

أمير فاتح الاب توب لانه بيستلم ايميلات مهمه اليوم ما يصير يا يوسف .. بيتنا بعيد وايد عن بستان مريم .. وبعدين فشلة مو حلوه نخلي الاوادم هني بروحهم عيب ..

يوسف قام اففففففففففف ...

أمير وين رايح ؟؟

يوسف بملل بروح اقط روحي بالفراش احاول ارقد .. لا ارقد عليكم بالعرس ..

درا ويهه بيمشي الا شاف ساره طالعة من المصعد ابتسم بخبث وراح لها بل .. بل .. بل .. شلختي النوم .. شوفي ويهج اشلون منتفخ ..

ساره حطت يدها على ويهها وركضت للمنظره الكبيره ما كان فيها شي بالعكس نامت نوم ما نامته من 3 ايام حتى العشى ما نزلت تتعشى معاهم

كان واقف وراها شفتي اشلون صايره شيفه ؟؟

ساره ما تبي يرتفع ضغطها بسبته واليوم عرس مريم دارت جسمها له وتخصرت انت تشوفني شيفه ؟؟

يوسف ما فهم عليها وتلوعين الجبد ..

ساره غريبة ..

يوسف شنو الغريبه

ساره يعني انت مصر على رايك ؟؟ ..

يوسف ومستحييل اغييره ..

ساره خلاص اخليك على رايك ..

شافت ربعهم الشباب هي والبنات وراحت لهم وخذتهم بالاحضان واتعمدت تمر جدامه اقوول حمود .. صج اانا اليوم كريهه ..

محمود من قال هالحجي ؟؟ اكيد اللي يقول عنج جذي واحد عمي ما يشووف ..

ساره اي والله انه عمي ..

عبدالله ساروو .. ابييج اليوم تصورين معااي ..

ساره شحقه ؟؟

عبدالله لاني وعدت اختي انج تصورين معاااي .. تعرفينها تحبج وتموت على لونج .. ودوم تقولي فيها جمال اجنبي ..

ساره وربعها تعدوه ولفت ويهها لوره وغمزت له نصور ليش لاء ؟؟

كان واقف مكانه هادي من برى لكن الله العالم من داخل كان يغلي وماسك نفسه بالغصب .. ما تعود احد يعكس كلامه ويكسره .. وانقهر لانها تركته وراحت مع ربعها ولا همها كلامه

عض على اسنانه يصير خيير يا ساره ..

ودخل المصعد عشان يروح غرفته بس كان دمه ثاير عليها يمشي ويتهدد لحد ما وصل غرفته ودخل ودفن راسه بالمخده يحاول ينام ..

نزلوا أم أمير وعمته وبدر وساره وفاطمة عشان بيرحوون للبنات في البستان

بدر وأمير أعصابهم تعبت من الانتظار .. يبون يختصرون المسافه ويوصلون أسرع من الشهقة والثانية

يتبع

وصلوا البستان وكانت أم مريم قاعده على كرسيها و تنطرهم بالصالة اللي تحت حيالله من يانا ..

أم أمير والعمه الله يحيج ويبقييج ان شاءالله ..

ساره وفاطمة شافوها وركضوا لها ماما كبرى ..

اخذتهم وحضنتهم هلا .. هلا بناتي اللي ما شالهم بطني ..

بدر دخل وباس راسها سلام خاله ..

أم مريم هلا حبيبي .. عيل تبي تشتري البستان هاا .. أياا يالمعلون والله ما عرفت صوتك ..

بدر شسوي خاله .. كنا مستخفيين عليهم .. المهم مرتي وينها ..

أم مريم للحين راقده هي ورفيجتها .. طول الليل وهم يصيحون كسروا قلبي .. كل وحده تشكي حظها للثانية ..

أمير راح ونزل لها وباس يدها ابي اشووفها .. اشتقتلها خاله ..

أم أمير فال مو زين تشووف عروستك الحين .. انطر ماما ما بقى شي ..

أم مريم صبرت سنتين ما تقدر تصبر جم ساعة .. الحين بتصحى وان شاءالله خير ..

ساره امبيييييييه .. أمير اذا مريم ما صدقت ولا سامحتك .. شبتسوي بالاوادم اللي يايبها ..

بدر رماها بالتكيه على راسها انتي شهالفال قافلتها بويه الريال ..

العمه وليييش ما تصدقه ؟؟ هو ما غلط بشي .. احنا اللي غلطنا واحنا اللي بنفهمها كل شي ..

أمير خاله انا يبت الاغراض .. وين احطهم ؟؟

أم مريم المكان مكانكم .. اخذوا راحتكم ..

بدر زين وانا ابي اشوف مرتي ..

أم مريم انطر يا ولد .. خل البنت نايمه .. طول الليل وهي تنوح ابي اشوفه اشتقتله .. انطر شوي ..

ودارت لام أمير عيال هالزمن ما فيهم صبر ..

العمه اي والله صدقتي يفشلوون .. كله محترقيين

ساره ماما .. علميني .. فهميني .. انا مو قادره اصدق اشلون انتي هني عااااايشة .. بابا محمد قال انج مدفونه بشيراز مو عايشة بشيراز ..

فاطمة بحضنها انا بعد مو مصدقة .. امي رجعت لي ..

أم مريم وهي تروي لهم اللي صار كامل هذي ثاني مره تقول القصة .. أول مره لمريم ومي والحين للكل ..

لما صار الزلزال انا كنت محشوره داخل البيت وبغرفتي ما قدرت حتى اطلع .. انهار البيت وانا داخله وظليت تحت الانقاض أكثر من 24 ساعة تكسر جسمي .. وغبت عن الوعي .. والحمدلله قدروا يطلعوني بقدره قادر .. وظليت في غيبوبة أكثر من 6 شهور .. سويت أكثر من عملية لكن ما في فايده مستحيل اقدر اوقف على ريلي .. جسمي خلاص ما يتحمل .. وانا رضيت بكتبة ربي ..

ساره حبيبتي مريوم أكيد طارت من الفرحة يوم شافتج ..

أم مريم شقولكم عن مريم ورده فعلها ..

.. انا قبل لا يموت المرحوم قلتله قولها انا مدفونه بشيراز .. ما كنت ابيها تيي وتشوفني على هذا الكرسي ... كنت اعرف بحبها لامير وشجعت ابوها ان يزوجها لان احنا مو دايمين لها .. وما في احد بيحبها وبيخاف عليها كثره .. ما كنت ابيها تيي وتشوفني وتدفن روحها معاي .. قلت له قولها اني مدفونه بشيراز لاني خلاص ما ابي ارد البحرين ابي اكمل البااقي من عمري هني بين هالطبيعة .. قلتله يقولها اني مدفونه عشان متى مايه الوقت اللي تحتاج تزورني بقبري تييني بنفسها وهذا اللي صار

أول ما وصلت راحت سيده المقبره تدور على قبري وتصييح تبي تشكي لي تبي تفرغ كل حزنها على قبري وتلومني اني تركتها ورحت عنها

صارت تركض مفزوعه وتصرخ ماامــــــــا .. ماما انتي وينج ؟؟ ماما انا مريم بنتج ... ماما قووومي .. قوووومي شوفيني .. قووومي شوفي الدنيا اشلون ظلمتني من بعدج .. تعالي شوفي شصاار فيني ..

شافوها اللي يشتغلون هناك وعرفوا انها بنتي انتي مريم أكبري ..

مريم كانت تهز راسها اي انا بنتها .. ابي ازورها .. وين قبرهاا ..

قالو لها روحي بستانكم هناك بتعرفيين وين قبرها ..

مريم احتارت شنو دفنوها بالبستاان يعني ؟؟

ردوا عليها روحي وانتي تعرفيين ..

طلعت مريم من المقبره واتصلوا فيني وانا عرفت انها خلاص ما يتني الا انها محتاجتني خليت الخدم يطلعوني برى انطرها على الباب

وأول ما وصلت فتحت ذراعي لها بس مريم كانت مصدومة مو مصدقة كانت تمشي ببرود وتميل براسها يمين ويسار مو مصدقة اللي تشوفه عبالها انها بحلم .. ومي كانت ماسكتها والثانية مصدومة أكثر منها .. مو مصدقه عيونها

مريم لفت لها شنوو هذااا ؟؟ من هذي ؟؟

مي مريم هذا امج ..

مريم بصياح ماما ماتت .. هذي مو امي .. مو امي

ما انكر كانت أصعب كلمات اسمعها من بنتي انها تنكرني ما تعرفني .. مو مصدقة اني انا امها ..

ناديتها تعالي ماما .. انا امج .. انا ماما كبرى ..

وما حسيت الا برميتها في حضني وهي تشاهق لييييييييييش ؟؟ ليييييييييش ؟؟ مو حرااااااام علييج اللي سويتيه فيني .. مو حراااااااااام .. انا بنتج وحيدتج تخليني بروحي .. الدنيا تلطم فيني .. هاهائئئئئئ ..

انا خفت عليها ماما شفيييج .. مي شفيييكم ..

مريم ماما انا ييت اهني .. اشتكيلج وانتي بقبرج .. ماما أمير تزوج بنت عمته وتركني .. ما نطرني .. ما نطر اطلع من حزني عليكم .. انا دفنت عمري وانا اصيح عليكم وانتي هني عايشة حياتج ..

والله تمنيت الموت يوم شفت بنتي بهالحاله خلاص حبيبتي .. لاتصيحين جذي .. اهم شي انتي بخيير .. وكل شي يتعوض ..

رفعت روحها معصبة علي شنو اللي يتعوض .. قولي لي .. سنة من عمري راحت اشلون ارجعها .. ولا أميير .. حبيبي اللي اهملته وراح اخذ غيري .. شفتي اشلوون انتي انانية .. ما تحبين الا نفسج ..

مي عصبت عليها بس يا مريم عيب .. لاتصرخيين في ويه خالتو .. انتي ما تشوفيين حالتها ..

مريم انتبهت للويل جير وطاحت على ركبها مصدومة ماما شنوو هذااا ؟؟ ليش قاعده هنييي ؟؟ قومي .. قومي اوقفي ..

انا نزلت راسي عاجزه مو قادره افهمها

وهي زادت بصياحها ماما .. ليييش ما تمشيين ؟؟ ردي علي .. ماما

بعدها حطت راسها على ريلي وغابت عن الوعي .. كانت تصيح من قلبها مجروحة ومصدومة صحيناها انا ومي .. ولزمت عليها اييب لها دكتور بس هي ما رضت .. بعد ما ارتاحت فهمتني وفرحت اني موجوده معاها بمحنتها وعرفت قصة مي وكسرت خاطري هي الثانية والله بناتي ما يستاهلون اللي يصير فيهم .. والله كل ليلة ما ينامون قبل ما يذبحون روحهم من الصيااح ..

أم أمير الحمدلله انج معاها بهاليوم

أم مريم اي والله .. لما ياني أمير البارحه وفهمني ما صدقت على الله .. ان عرس بنتي بيصير هني وانا بكون معاها .. الله يتمم لهم على خير ويهنيهم ..

ساره ماما كبرى .. يعني عموا محمد كان هني قبل ما يسافر ؟؟

أم مريم ابتسمت بحبور اي كان عندي .. هو كل اسبوعين ايي يزورني ويترجاني ارد معااه .. بس انا ما كنت ارضى .. اقوله خلني هني وبنتي متى ما تبيني بتييني .. ورجع وهو زعلان مني .. لحد ما ياني خبر وفاته ..

الجميع الله يرحمه ..

ساره حبت تغير الموضوع ان شاءالله ما تفشلنا مريوم نحيسه .. انا اعرفها يمكن ما تصدق ..

فاطمة بس نحيسه .. الا تنشف الريج .. مسكين يا أمير بيبلش عمره فيها ..

ام مريم فاتووووو ويهد .. لاتقولين عن بنتي جذي ..

ساره انا بروح أوقضهم .. الحمير 3 ايام ما ارقد بسبتهم ..

فاطمة انا بعد بيي معاااج ..

صحت مريم وفتحت عينها .. خافت من اللي شافته وغمضتها مره ثانية .. ردت فتحتها بس نفس الشي قاعده تشووف اللي شافته ما تغير .. غمضت عينها بقوه ودات على الجهة الثانية جهة البلكون وشافت شي خلاها تنقز من مكانها ..

يالله توقعاااتكم

؟؟؟؟

شنو اللي شاافته مريم وخلاااها ما تصدق عينهاا

؟؟

تتوقعون بترضى مريم تتزوج أمير

؟؟؟

الجزء الاربعين

صحت مريم وفتحت عينها .. خافت من اللي شافته وغمضتها مره ثانية .. ردت فتحتها بس نفس الشي قاعده تشووف اللي شافته ما تغير .. غمضت عينها بقوه ودارت على الجهة الثانية جهة البلكون وشافت شي خلاها تنقز من مكانها ..

وراحت فتحت البلكوون وصرخت على مي مي .. مي .. تعالي ..

مي اوووووووه مريوم ابي انام ..

مريم راحت وسحبتها من يدها

مي انزعجت من ضوى الشمس مريوووووووم سكري الستاره .. ابي اناااام ..

مريم قومتها قووومي تعالي شوفي ..

مي قامت وهي مغمضة عين وفاتحه عين ومايله براسها تحك شعرها شنو اللي اشووفه

مريم شوفي ..

مي وهي تقرى المكتوب على ثمان بالونات غازية صايره على شكل قلوب حمره ومكتوب عليها بالابيض

next year same this day our wedding day

وتحته بنر كبير لونه أحمر مكتوب عليه

You know my heart how much I love you and I can not live without you

I am here today with all my family and my friends to get married

Baby please do not rush into your decision .. I need you in my life .. Please do not leave me

I hope to hear your heart and you take the right decision

Azizom will you marry me

صرخت وااااااااااو .. شنوو هذا ؟؟؟ انتي تحلمين وانا معاج بالحلم .. ونااااااسه

مريم تسكتها اصصصص .. سكتي انا بعد عبالي حلم .. شووفي

وطلعتها لبرى البلكوون طلي تحت شووفي ..

مي وهي فاتحه عيونها هذول طاولات وكراسي .. شووفي الورد معبي المكان حتى المسبح كله ورد .. شنو هذا سبيكر .. هذا حق شنوو ؟؟ وسجاد أحمر .. بكل الممرات .. مريوم شوفي أعمده مزينة بالورد نازل منها شيفون أبيض .. شنوو هذاااا .. اللللللللللللللللاي .. جنه فلم .. هذا بعد في الحلم ..

مريم زين ذاك حلم واللي هني بالغرفة شنو .. بعد حلم ..

مي لفت وطار عقلها الللللللللللاي ..

راحت تلمسه هذا صج فستان .. مريوم لمسيه فستان صجي .. وهذا جوتي بعد صجي ..

كان جسم مليكان وثوب مغطي كل أجزائه بفستان أبيض خالص بخام حرير لمعته مطفية تصميم أوروبي فخم قص بدون سيور ومشبوك بدانتيل شفاف على شكل ورود مزينة بالكرستال الطبيعي وتحت الظهر مفتوح وموصل مع قصة الصدر بخيوط متشابكة لنهاية الظهر وبالنهاية الخيوط ورده كبيرة من قماش الفستان ومنفوخه وبالنص كرستاله كبيره كان عند الخصر خط عريض من الكرستال ومن تحت منفوخ بنفخة بسيطة وناعمه وفيه شوية ذيل كان كلاسيك وفخم .. هادئ وكان حواليه أوراق ورد جوري أبيض وزهري والشووز الابيض مثل خام الفستان بكعب وسط بالنص مدفون بوسط الورد

مي وهي حامله الطرحة مريوووم .. اكا طرحه بعد .. لمسيها صجية

مريم سحبت الطرحة من يدها خلي عنج هذي شوفي هذا ..

مي قامت تفرك عيونها شنووووو هذاااااااااا ؟؟

مجسم على شكل قصر صغير باللون الابيض والوردي فيه قبة صغيره وأعمده على شكل منارات وباب مسور مفتوح وبداخله أربع قطط شيرازية صغيره لونها أبيض مريشة وعيونها خضره فاشين داخل القصر وكأنهم خايفين من شي كان شكلهم جنان ولازقين في بعض وكانهم يحتمون ببعض

راحوا ثنتينهم وقعدوا على الارض

مريم مدت يدها وشالت أول قطوه كانت هاديه وحطتها على صدرها تدفيها مسكينه خااايفه ..

مي سحبت الثانيه حتى هذي .. مريوم شوفي شمكتوب بالورقة المربوطه على رقبتها

مريم فتحت البطاقة وقرت تعرفيني شكثر أحبج

ومدت يدها على القطوه الثانية اللي عند مي وفتحتها وطمعان بطيب قلبج ..

مريم شافت القطوتين اللي قاعدين بعد على رقبتهم مثل الكرت سحبت الثالثة وفتحتها انا ما أخطيت يا عمري .. غلطتي اني تركتج وانشغلت عنج .. سامحيني على انشغالي مو عشان شي ثاني ..

وتركت الثالثه وشالت الرابعه .. نزلي تحت وانتي تعرفين الحقيقة ..بس قبل ما تنزلين افتحي الباب الصغير اللي بداخل هالقصر ..

مريم طارت عيونها على الباب مدت أصابعها وفتحته

سكت الكلام عيونها تتنقل بين اللي ورى الباب وبين مي .. ومي بالمثل منبهرين باللي يشوفونه

مجسم من الفرو الابيض ملفوف عليه عقد ألماس عباره عن أزهار ماسية متشابكه وملفوفه على بعض وطالعة منه فروه وأوراق صغيره نازله منها ألماسات على شكل قطرات الندى كان شكله يخبل يبرق بوسط الاضاءه الخافته اللي بالغرفة وساعة واسويره على الجهتين مثل العقد مزهره بالالماس وخاتم عليه ورده كبيره وحلق مكون من 3 ازهار صغيره

مي تمد يدها تبي تتحسسه واااااااااااااااااو .. اينن ..

مريم ضربتها على يدها تركييه ..

مي لييييييش .. خليني اشوفه .. قبل لا نصحى من الحلم ..

مريم قامت معصبة وفتحت الاضاءه ميووو .. شفيييج هذا صج مو حلم .. كل شي صج .. يعني أمير هني .. بعد كل اللي سواه فيني ياي يقص على عقلي بهذول ..

مي وقفت ورفعت حواجبها ونزلت عيونها خايفه من ردة فعل مريم مريوم أدري انه صج .. نزلي تحت لامج وعرفي الحقيقة .. لكن انا اموت واعرف من وين عرف مكانا ... ليكون خالتو ..

مريم بعصبية شعرفني يا مي .. خلاص خليني ابي انااام

انفتح الباب سبرااااااااااااايز ..

مي ومريم انصدموا بدخلة ساره وفاطمة انتو يتوا ؟؟ اشلووون ؟؟

فاطمة وهي منسحره على الفستان اي اذا ما تبونا بنطلع ..

مي انتي اي ذلفي .. بس ساره لا ..

فاطمة عشتوا .. تبيني وغصبا عليج .. انا حماتج الصغيره ..

وراحت خذتها بالاحضان هلا بمرت اخووي ..

مي هلا بحماتي ..

وبعدت عنها وراحت حضنت مريم هلا بأحلى عروس ..

مريم حضنتها عروس بعينج ..

فاطمة سااارووو تعالي شوفي هذا ألماس يهبللللللل

ساره راحت تشوف عيييييييييني .. بط عييييييييييني .. شنو هذا يبرق اشلووون .. جنه فيه ليتات ..

فاطمة شوفي القطاوه يهبلون .. مريوم عطيني وحده ..

ساره كل هذا عشانج يا مريم .. آآآآآآه قلبي .. تستاهلين حبيبتي

مريم راحت انسدحت على السرير وتغطت سكروا الليت ابي ارقد

فاطمة وساره يسحبون الغطا بالقوه ومريم متمسكه فيه شترقدين مريوم .. صار ظهر قومي تجهزي اليوم عرسج ..

مي خلاص يا ساره خليها على راحتها ..

ساره نطت من فوق السرير شنو على راحتها وما راحتها .. الريال حاجز طياره كامله ويايب الكل ومخسر خساير ما تخطر على البال .. انتي تعرفين ...........

مريم قامت معصبة ومتخصره ابي اعرف شي واحد .. اشلووون عرفتوا مكانا ؟؟؟

ساره رمت روحها على السرير 3 ايام ما رقدت وانا ادوركم انا وأمير وبدر

مي فر قلبها بدر ؟؟؟؟

ساره خزت فاطمة لان بدر ما يبيها تعرف بييته يبي يفاجئها اي مسكين كان يبي ايي معانه بس يته رحله فجأه ما قدر .. وقال لي اوصلج هذي ..

باستها في خدها

مي بخيبة امل خسااااااااره .. اهم شي انه بخير .. قوليله وصلتني .. وهذا وصليها له ..

وباست ساره في خدها

ودارت ساره لمريم مريوم حراام علييج تبين تفشلين الريال وتفشلينا معااه ..

مريم ماسكه دمعتها وتهز ريلها بعصبية ما ابي اتزوج .. والناس اللي يابهم يردهم مكان ما يابهم ..

مي ساره .. أمير طلع متزوج بنت عمته من 6 شهور .. تبين مريم تتزوجه وهو خدعها جذي .. ما يصير ..

ساره ميووو خلج محضر خيير .. لا تشيشينها .. مريوم شوفي شسوى عشانج .. والله حراام ..

مريم طلعوا برى ابي انااااااام

ساره زين نااامي .. نوم اليهد ان شاءالله .. بس قبل ما تنامين ماما كبرى تبيج ..

مريم قولو لها نايمة .. والحين ذلفوا عن ويهي وقولو لهذا الجذاب اني ما افكر بالزوااج .. طلعوا برى ..

انفتح باب الغرفه حتى احنا يا مريم ؟؟

مريم انصدمت وقامت من فوق السرير هلا خاله ..

دخلت أم أمير وعمته ووراهم أمها جاره نفسها بالويل جير الالكتروني

مريم دمعت عينها تذكرت كل اللي صار بذاك اليوم وراحت لعمة أمير خاله قولي لهم .. فهميهم أمير متزوج بنتج .. حرااام اهدم بيته .. حراااام

العمه سعاد انحرجت من نفسها ومن اللي سوته ونزلت راسها

مريم نزلوا دموعها شفتوا .. حرام عليكم اذا انتوا ترضونها انا ما ارضاها .. ما يهمني اي شي يسوي ما يهمني .. انا مو موافقة على هذا الزواج

أم أمير لازم توافقين يا مريم ..

مريم بصيااح وشنو اللي يجبرني اوافق .؟؟

العمه سعاد حبج لامير .. وحب أمير لج .. احنا يا بنتي جذبنا علييج ..

مريم جذبتوا علي ؟؟ جذبتوا علي في شنو ؟؟ انا شفت عقد الزواج بنفسي ؟؟ ما له داعي اي شي بتقولونه ما بصدقه .. لا تعبون نفسكم على الفاضي .. أمير انتهى من حياتي ..

أم أمير يا بنتي لا تقولين جذي والله يموت ولدي لو يسمعج تقولين جذي .. انا وعمته ما كنا نبيه ياخذ وحده غريبه عن عائلة كراشي .. خفنا لما شفناه رافض الزواج وبعدها يااني وقالي ابي اتزوج .. انا فرحت قلت الحمدلله بس صدمني وقال لي ان اللي بياخذها مو من عائلتنا غريبة عنا .. فكرنا وقلنا ما في الا نفهمج ان متزوج بنت عمته ..

العمه سعاد انا زورت العقد .. قلت اثبات عشان تصدقيين .. ما كنت متوقعه ان ولد اخووي يحبج هالكثر .. احنا نعرفه انه مغرور وما ينزل روحه لاحد .. اتوقعنا انج بتهدينه وما بيفتكر لكن اللي صار العكس أمير انقلب حاله من ذاك الولد الهادي الراكز العاقل الى وحش ثاير كسر البيت باللي فيه على روسنا ..

مريم كانت محتاره مو مستوعبه اللي تسمعه ولا هي قادره تصدق ولا تجذب ملامحها كانت مبهمه وبعدين ؟؟

أم أمير احنا يينا هني لعندج .. نخطبج من امج وقدام الكل حق ولدنا ..

مريم بغرور والمطلوب اني اوافق الحين .. وانا شيضمن لي انه ما كان متفق معاكم ..

أم أمير والعمه منصدمين بردة فعل مريم

يتبع

أم أمير والعمه منصدمين بردة فعل مريم

أم أمير ابتسمت لا يا مريم حراام تظنين فيه وهو بريئ .. وانا يشرفني تكونين جنتي .. مرت ولدي العود ..

مريم بس انا ما نسيت اشلون طلعتوني من بيتكم بصياحي .. انا ما عندي احد ما كنت ادري ان امي موجوده كنت ادور على حضن ارمي نفسي عليه ما لقيت .. يتيمة ما عندي احد يوقف معااي .. كنتوا تدرون بس ما اهتميتوا لعبتوا فيني .. انا لما دخلت بيتكم دخلت وانا مبتسمة فرحانه حاسه ان هالبيت بيكون بيتي وربي بيعوضني عن اهلي اللي فقدتهم بس انتو بشنو يازيتوني ؟؟ طلعتوني بصياحي بدمعتي وأحزاني نحشتوني من الديره كلها ..

مي تدخلت مريم حبيبتي انا من سمعت قصتج وانا واقفه معااج .. بس حراام أمير ماله ذنب ليش تعاقبينه هو .. والمسكين فرحان .. تعالي شوفي قالب البستان جنه عشان يفرحج ويسويلج عرس ما صار مثله ابد ..

ساره مريوم انتي طول عمرج قلبج ابيض .. شاللي قسااه جذي مره وحده ..

مريم الدنيا يا ساره .. علمتني اشياء وايد .. امي تخلت عني وأمير تعبت منه .. تعبت وانا اسامحه .. والله تعبت .. هاهاهئئئ ..

ورمت روحها في حضن مي

أم أمير راحت ومسكتها من جتوفها سامحيني يا بنتي .. انا ييت هني عشان احضر زواجج .. ابي افرح فيكم .. انا اعترف اني غلطانه .. بس أمير ماله ذنب حرااام يا بنتي

مريم رفعت روحها ومسحت دموعها وانا شيضمن لي انج بتحبيني ؟؟

أم أمير ماما .. انا ما انكر انج دشيتي قلبي اول ما شفتج وحبيتج حرام الجذب بصراحة حبيتج وحبيت قلبج اللي حب ولدي .. بس تفكيري كان غلط .. انتي من اليوم بنتي الثانية انتي ونور واحد ..

مريم ابتسمت ورمت روحها بحضن أم أمير

العمه فرحت لما شافت مريم رضت وحضنت ام حبيبها وقالت

بر كمالش بر جمالش بر محمد صلوات

أم أمير + أم مريم + العمه كلوووووووووووووووووووووووووووووووووووشششششششش

مريم حضنت رفيجاتها ومسحت دموعها بس مسرع ما نزلت دموع غيرها دموع الفرح طبعا

فاطمة بفرح واخيييييييييييييييييرا بيصير هالعرس .. ملينا واحنا ننطره ..

الجميع ههههههههههههههههههههههههههههههههههههههههههههه

أمير كان واقف على الدرج سمع التهاليل والضحك ارتاح قلبه وانسحب من البستاان راح يرتاح شوي عشان يكون الليله بأحسن حال

أم أمير والعمه طلعوا من البستان رجعوا الفندق يتجهزون مع باقي الاهل

والبنات وصلوهم فريق كامل للتزيين استأجره أمير عشان يزينون عروسته

مريم الابتسامة ما فارقت ويهها والكوافييره تشتغل بشعرها ميووووو ..

مي قاعده يمها وهي الثانية يشتغلون بشعرها تتصفح بالمجله هممممممممم

مريم حلمي تحقق يا مي ..

مي ابتسمت لها الله يهنيج حبيبتي .. يااني فرحانة لج ..

مريم عقبال ما يتحقق حلمج انتي بعد ..

ساره فهمت عليهم ويابت صندوق كبير هذا من بدر .. عليج بالعافيه

مي شنوو هذاا ؟؟

ساره انا بروح اتسبح فتحيه وانتي تعرفين ..

الساعة 7 المغرب

وصل المعرس وكل أهله

أمير كان واقف قبال المنظره الكبيره يطالع نفسه هااانت يا أمير كلها دقايق وتصير لك .. لك بروحك وملكك .. يالله شكثر اشتقتلج يا روحي ..

كان لابس بدلة توكسيدو خام أوروبي حرير بدون لمعه مطفي ماركة جيورجيو ارماني شراها من لما كان بالمؤتمر طلبها اوردر من باريس هي وفستان مريم كان القميص أبيض وتوكسيدو أبيض ورصاصي وأسود والسكارف اسود وبالنص مشبك ألماس كبير على شكل معين كان كلر البدله يلمع بحرير الستان والجاكيت مخصر والبانطلون سكني مرتب ولابس شووز أسود رسمي لماع ماركة غوتشي كان مضبط شعره بالواكس والجل بطريقة كلاسيك فرق بالنص ولافه على ورى وحاط بجيب الجاكيت الصغير ورده جورية بيضه ولبس ساعته الجلد الاسود ماركة تشارلي عديتها كبيرة ومليانه ألماس وكرستال أسود طبيعي ..

وقف أخوه ورااه ليش ما عطيتني اتعطر من عطرك .. هذا دانهيل اللي يبته معاك من لندن ؟؟

أمير اي .. عندك مثله ..

يوسف لا مو مثل هذاا .. هذا اصلي .. شوف ريحته معبية المكان ..

أمير خلاص بيوم عرسك بييب لك واحد من هناك ..

يوسف كان لابس بدلة رسمية بلون رمادي خام ايطالي ستان وقميص ابيض وتاي رمادي ضعيف وطويل مثل خام البدلة والجاكيت مخصر وبانطلون سكني وشوووز رسمي أسود ماركة

يتبع ,,,,

👇👇👇

تعديل المقال