رواية عذبتني باسباب فرقاك -30
أمير خلاص بيوم عرسك بييب لك واحد من هناك ..
يوسف كان لابس بدلة رسمية بلون رمادي خام ايطالي ستان وقميص ابيض وتاي رمادي ضعيف وطويل مثل خام البدلة والجاكيت مخصر وبانطلون سكني وشوووز رسمي أسود ماركة برادا كان مسرح شعره بالجل تسريحة الديك ولابس ساعة صنقل ماركة فيليب
دخل عليهم بويه مبتسم مبروك مقدما
أمير دار له هلا .. هلا بدر .. انت بعد مبروك مقدما ..
بدر كان لابس بدلة سوده مطفية مقلمة بخيوط لماعية وقميص أبيض وتاي أسود عريض لابس شووز رسمي ماركة ديور وساعة جلد ماركة جنيفا بس ما سرح شعره لانه ما يحب يحط فيه شي دائما على طبيعته ونازل على جبينه كانت البدله ضابطه عليه مع ان الجاكيت مو مخصر بس البانطلون اسكني
بدر الله يبارك فيك .. متى بتملجون .. ابي اشوف مرتي ..
يوسف الحين .. اصبر شوي يالمطيور ..
بدر بلاك ما جربت الحب ..وما جربت الفراق .. اليوم سادس ما شفتها ..
يوسف صفن للحظات وابتسم وان شاءالله ابقى طول عمري جذي .. بلا حب بلا وجع قلب ..
أمير قاام يغني .. اقول الله يستر منك .. والله بعدين ما نسكت بنتشمت فيك طول الوقت ..
بدر اي .. وان شاءالله هاليوم قريب مو بعيد ..
يوسف طلع عنهم وخلاهم يهذرون بروحهم وينطرون وصول الشيخ ...
فوق في غرفة مريم
جهزت العروس وجهزوا البنات وجهزت امها قبلهم
مي وهي تشهق ما شاءالله .. لااله الا الله .. مريوم شنو هذا آيه .. سبحان الله .. ما قلتلج راح تكونين أحلى عروس ..
مريم ابتسمت بخجل ونزلت راسها
لبست الفستان كان مقاسها بالضبط لانه اكس سمول ولبست الشوز والعقد كان ماكله رقبتها كلها وباين جمال عنقها ولان الفستان قص بدون سيور نازله الاوراق على صدرها كانت الطرحة ملفوفه على راسها من فوق ومربوطه على جهة وحده ومن جدام دقلتها بف مفكك على ورى ومثبت بتاج ألماس مكون من خطين ضعاف الالماسات فيه ناعمة وصغيره وبالنص ورود صغار كان شعرها كله تموجات مرفوعة بشكل ملكي و مفتوحه ونازله الى النص الاخير من ظهرها ومنثر عليه كرستالات على شكل دموع
كان مكياجها يسحر ناعم وثقيل بنفس الوقت رمادي أحمر ممزوج بالسلفر والاسود الدخاني وبلاش برونز فاتح مغطي ملامحها الناعمة وعلى شفايفها روج بيج بلمعة فضية وجلوس ثلجي جنان كان جسمها كله يبرق بالسلفر الناعم حتى على شعرها
المناكير كان أبيض وعلى كل ظفر فصوص كرستال صغيره كلش بس لمعته تبين من بعيد
مريم انتي بعد حلوه يا مي .. لو يشوفج اليوم بدر يطير عقله ..
مي وصلها فستانها وكل اكسسريزها مع ساره .. كان يبيها تلبس على ذوقه
كانت لابسة فستان ماروني حرير ماسك بدون سيور وفوق عند قصة الصدر خط مخمل عريض مليان فصوص كرستال ومثله خصر واطي والثالث حاشية بالذيل كان ماسك على كل جسمها وشوية كلوش من تحت ركبها وفوقه جاكيت مخمل قصير لتحت الصدر يوصل لنص ذراعها ولابسة شووز ماروني مخمل مثلث من قدام مثل الجاكيت ولابسة عقد ألماس وفيه ورود مارونية صغيره وناعمه وحلق على شكل ورود وأساور حمره ومضاعد ألماس
ومكياجها كان سموك أحمر وماروني وذهبي وشفايفها بيج غامق دارج على الرمادي شعرها كان مرفوع كله ونازله منه خصلات مزينة بورود حمره صغيره ..
ساره مسكين أخووي ماله حظ في شي .. يالله انا اصورج ونطرش له الصور ولا يهمج ..
مي شهالزين ساروو .. يالله ضبطيلج ريل من هالكراشيه اللي برى ..
ساره كانت لابسة فستان أحمر باهت حرير مثلث على الصدر ومربوط ورى رقبتها وبالنص كرستالة كبيرة على شكل ورده وماسك على خصرها وكلوش من نص فخوذها وفيه ذيل بالحاشية كان ناعم وروعه على قوامها الرشيق كانت لابسه عقد ألماس سلسلة وفيها ورده كبيره وحلق طوال على شكل ورد صغار اربع وحدات مصفوفات على بعض وخاتم وأساور مثل العقد وساعة بجلد أحمر ألماس دستها على شكل ورده كبيرة كانت لابسه شووز فضي مزين بالكرستال
شعرها كان كله حلزونات مفككه مثل الكيرلي ومرفوع رفعة نازلة على جنب حتى من جدام قذلتها ومزينته بكرستاله مثل اللي بالفستان
مكياجها كان مناسب لون بشرتها البرونز الفاتح درجات الاحمر مع الذهبي والفضي ومحدد بالاسود وبلاش أحمر رمادي وشفايفها روج أحمر باهت مثل درجة لون الفستان
ساره وعععععع .. انا اخذ واحد من كراشي .. مينونة ولا ناقصة عقل ..
مريم فتحت عينها هييييييي .. انتي شفييج على كراشي .. حدج عاد اهل ريلي ما ارضى عليهم
ساره وييييييه .. من الحين ما ترضى عليهم .. استحي على ويهج للحين ما ملج عليج الريال ..
مريم اهل ريلي اهلي .. وكلها دقايق ويملج علي .. مالت علييج .. ذلفي برى انتي واختج ومرت اخوج معاكم ..
فاطمة نطت وانا شيخصني تطرديني ..
فاطمة لبسها كان بنوتي .. فستان أسود علاقي ماسك لنص الخصر والباقي مفرفر لفوق الركبة ......... لزوم الرقص طبعا وشووز أسود بكعب بسيط وشعرها مسوية فيه بف صغير وكرستاله على جنب ومكياجها كان ناعم سلفرر سموك بدون آي لاينر وجلوس شفاف كانت لابسة سلسلة مكتوب عليها اسمها وحلق على شكل مربعات كبيره
دخلت أم مريم ومعاها الخدامه وحامله المبخر بيدها يالله ماما .. تعالي ابخرج ..
وراحت مريم نزلت لها وابتسمت ماما أحبج ..
دخلت بصوتها اللي تعودت عليه وانا بئد أهبج ..
مريم فتحت عيونها على الاخر منصدمة ناناااااااا ؟؟ نانا انتي هني ؟؟؟؟؟؟؟؟؟؟؟؟؟
وراحت حضنتها نانا اشلون تروحين وتخليني بروحيي .. اشلون هنت عليييييج ؟؟
رفعتها من على حضنها غصبا عني حبيبتي .. عمي محمد يوم اللي رجع من هني كان معصب وجبرني اسافر حتى بدون ما اودعج .. قال لي خلاص مريم كبرت مو محتاجتج ..
مريم زين لييش ما اتصلتي فيني ؟؟ نانا انا عشت وحيده من غيركم ؟؟
أم حميد خلاص حبيبتي اليوم فرحتنا كلنا .. لاتصيحيين ..
مريم ابتسمت يعني انتي كنتي تعرفين ان ماما عايشه ما ماتت ؟؟
أم مريم اي حبيبتي كانت تزورني كل أسبوع وتبات معاي .. يالله الشيخ وصل نزلي عشان تملجوون ..
الا بدخله خالتها نسرين وبنتها
نسرين واحنا بعد يينا عشانج يا مريم .. انتي مو وحيده عندج أهل يوقفوون معاااج ..
مريم كانت متفاجئه مو قادره تنطق
لجين مريم .. تقبلين فيني بنت خالتج ورفيجتج .. انا ييت هني عشانج .. مستحييل انسى اللي سويتيه عشاني .. انتي صحيتيني من اللي كنت فيه .. ألف مبروك حبيبتي ..
مريم ابتسمت وحضنتها أكيد .. وهذا يشرفني يا بنت خالتي .. تكونين أختي بعد مو بس رفيجتي ..
ودارت لخالتها عمري ما بنسى لكم وقفتكم هذي معاااي .. خالتو شفتي حتى ماما معااي .. كلكم معاااي بيوم عرسي .. الله لا يحرمني منكم ..
الخاله حضنتها الحمدلله ان اختي موجوده وتشوفج وانتي بثوب عرسج .. الله يهنيج ويحفظج ياااارب
دخلت عليهم أم أمير والعمه وانبهروا بجمال جنتهم
يتبع
دخلت عليهم أم أمير والعمه وانبهروا بجمال جنتهم
أم أمير لا اله الا الله .. ما شاءالله تبارك الرحمن .. والله بيطير عقله ولدي .. كللللللللللللللللللللللللللللللللللللوششششششششش
مريم ابتسمت ونزلت راسها مستحية من اطراءات ومدح الجميع
بعد ربع ساعة دخلت عليهم فاطمة يالله الشيخ وصل ..
مريم تحس دقاتها تتسارع فرحانة وخايفة ومرتبكة بنفس الوقت .. واخيرا حانت اللحظه .. هل معقول يتفكرش العرس هالمره بعد ؟؟ الله العالم ..
غطوها بطرحتها وفوقه ردا أبيض شوي متين مزيين بتطريز فضي وكرستال شفاف عشان ما يشوفها أمير قبل الملجة ومسكوها ساره ومي كالعاده وطلعوها من الغرفة وهي تمشي بخطوات ثقيله
نزلوا قبلها أم أمير والعمه وأم حميد وأمها نزلت بالمصعد اللي سواه أبو مريم خصوصا لها قبل لا يموت
كانوا واقفين يستقبلونها ألف الصلاة والسلام عليك عليك يا حبيب الله محمد
كلللللللللللللللللللللللللللللوووووووووووووووووششش ششششششششششششششش
أمير كان وده يركض لها ويشيل اللي عليها ويشوف حلاها وياخذها بحضنه بس كان ماسك نفسه بالغصب ومصبر روحه تعدي الملجة على خير ويسوي فيها اللي يبيه ..
طلعوها لبرى الحديقه ومريم انصدمت من اللي تشوفه مو قادره تنطق بس تشاهق
ساره حست فيها وضغطت على يدها شفتييي .. شسوى عشانج ... قلتلج عرسج من ألف ليلة وليلة ..
مي الللللللللاي ماكفااه اللي فوق .. كل هذي سفره .. تينن .. ابي وحده مثلها ..
ماخذ ركن من الحديقة وفارش عليه سفره كبيره مكونه من 8 شلالات كبيره من الكرستال الشفاف منتشرين على حدود السفره وبين كل شلال والثاني شمعه اسطوانية ضخمه ومزينين بخرز سلفر كبيرة كان كلشي فضي حتى المنظره اللي بنص كبيره ولونها سلفر ملكي حتى الصواني اللي داخلهم الحلاوه مربوطه بقماش فضي فيه لمعة فولك والمزهريات كلها سلفر فاخر والورد الابيض مرشوش باللمعة الفضية .. شي خيالي حتى كرسي القرآن كان كرستال شفاف متقلب الالوان وبنص السفره كانت صينيه فضية وعليها فواكه منسقه على الطريقة الايرانية كان الشمعدان الفضي والكرستال مليان السفره بشموع صغيره ريحتها جناااان والمباخر الصغيره .. حتى مكعبات القند حاطينها بأواني كرستال هي والعسل حاطينه بمله فضه صغيره ..ويمه صندوق سلفر كله مجوهرات وألماس طبعا هذا هدية أمير لمريم وصيغتها .. كل شي كان يخبل ..
مشوا لمكان المقاعد الصغييره المخمل بخام فضي كانت بالارض وفيها قواعد من الكرستال المتقلب الالوان قعد أمير على اليمين ومريم على اليسار كان يبتسم ويطالع الناس وكل شوي يتلفت لها يبي يشوف منها شي بس مو قادر مغطينها كامل وهذا اللي حارق دمه يبي يشوف يدها مو مبين منها شي
راحت أم أمير ونزلت لمستواها وهمست باذنها ماما .. مريم حطي هذي الليره الذهب تحت لسانج
مريم انصدمت وبنفسها اشلون احطها .. ما بعرف اتحجى .. اففففف
رضخت لاوامر عمتها وحطتها ويت عمته وقربت منها طاسه فيها ماي ورد وزعفران وأوراق ورد مجففه يالله حبيبتي .. فصخي جوتيج وحط ريلج هني
يت مي وساعدتها
مريم ما اعترضت لان هذي عاداتهم وحلات الملجة بهالمراسيم كلها
أم حميد حطت بحضنها قرآن صغيير وفتحته على سوره ياسين
أمير كان يشوف اللي يسوونه فيها ويبتسم وحمد ربه ان الريال وهي البنت
فتح الشيخ دفتره وقال بسم الله الرحمن الرحيم والصلاة والسلام على أشرف الخلق وسيد المرسلين محمد وعلى آله وصحبه اجمعين .. العروس بكر ؟؟
أمير نعم بكر ..
الشيخ احم .. اين ولي أمر العروس ؟؟
مريم حست بغصه وما قدرت تتكلم تذكرت أبوها وترحمت عليه
أبو محمود راح قرب من الشيخ شيخنا العروس راشده .. وقرارها بيدها ..
الشيخ على بركة الله .. مريم محمد تقي أكبري ؟؟
مريم بصوت يالله ينسمع نعم ..
الشيخ انتي موافقه على هذا الزواج ؟؟ دون اكراه او اجبار من احد ؟؟
مريم اي موافقه ..
أمير تهللت ملامحه وبانت عليه الفرحه
الشيخ خطيبك سيدفع مليون دينار بحريني و20 قطعة من الذهب الخالص وصندوق مجوهرات كامل صداقا متقدم ومليونين متأخر .. أتوافقيين ..
مريم علت صوتها لا ..
الكل انصدم وأولهم الشيخ لماذا يا ابنتي ؟؟
مريم انا مهري هذا القرآن يا شيخ .. ما ابي غيره ..
الشيخ ابتسم ودار عيونه لامير موافق يا ولدي ..
أمير اللي تشوفه العروس انا راضي فيه ..
الشيخ مريم ؟؟
مريم نعم ..
الشيخ انتي مريم محمد تقي أكبري ؟؟ البالغة من العمر 22 عاما ؟؟
مريم نعم ..
يابت أم حميد خلق ابيض مزكرش بالفضي وحطت فوق راس مريم وأمير وكل اللي حواليهم يشدون منه شوي وشالوا القند وعطوا البنات أبرار واحد وساره واحد وبدوا يحكون فيه من تحت ونور ماسكه لهم الصينية
الشيخ أتقبلين الزواج من خاطبك محمد أمير سلمان كراشي على سنة الله ورسوله وعلى الصداق المسمى بكتاب الله المجيد
مريم صفنت شوي وبعد لحظات ردت نعم .. أقبل ..
أم حميد كلللللللللللللللوووووووووشششششششششش
الشيخ رددي خلفي ما أقوله يا بنتي .. زوجتك نفسي .. على الصداق المسمى بكتاب الله المجيد زواجا دائما أمام الله وأمام جميع خلقه .. والله ولي التوفيق ..
مريم كانت تردد ورااه والكل يسمع وفرحان
الشيخ محمد أمير ؟؟
أمير بصوت واضح نعم ..
الشيخ أتقبل بمريم زوجة لك ؟؟
أمير بفرح نعم .. أقبل ..
الشيخ قل لها ذلك بنفسك ..
أمير دار ويهه لها وعارف انها تشوف من تحت الغطا قبلت بكِ زوجة ..
الشيخ على بركة الله ..
ومد لهم الدفتر يوقعون فيه وقع أمير أول وبعدها عطوا مريم الدفتر ومي كانت رافعه الغطا عشان مريم تشوف شافت توقيع أمير ابتسمت ووقعت
الشيخ توقيع الشهود
وقع أبو محمود وأبو أبرار
الشيخ أخذ الحلاوه والمشموم من داخل السفره ورماه على الغطا اللي فوق راس مريم وأمير الله يبارك لهم بالزواج .. منك المال ومنها العيال ان شاءالله ..
فاطمة بعفوية واخيييييييييرا تم الزواج ..
الكل ضحك عليها وانحرجت ونزلت راسها ..
وشالوا الغطا من على راسهم وارتفعت أصوات التهاليل والكل صار يبارك ويهني المعاريس
بس مريم للحين مغطية عنه
أمير استغل انشغال الكل ومد يده يبي يرفع الغطا الا ويد تضربه على يده ما فيييك صبر ؟؟ انطر شوي ..
مريم ضحكت بهدوء على حركة أمير واشلون امه صادته ..
أمير ماما حرمتي .. ابي اشوفها حرام عليكم ..
أم أمير رفعت ريل مريم تنشفها لبسي ماما جوتيج ..
مريم لبست جوتيها وباست القرآن اللي بحضنها وسكرته وشالت الليره من تحت لسانها وعطتهم عمتها
أم أمير ابتسمت وخذتهم منها ومدت لهم العسل
أمير للحين محتج ماما ابي اشوفها ما يصير تاكل العسل من صبعي وما اشوفها حرام علييج ..
أم أمير زين .. بنوديها داخل وبنرجعها لك تأكلها العسل وتأكلك ..
قامت مريم ودخلت داخل الصاله عشان يرتبونها مره ثانيه
أمير كان يلاحقها بعيونه لحد ما غابت عن أنظاره تنهد براحه الحمدلله .. تزوجنا وعدت على خيير .. واخيييرا صرتي زوجتي يامريم .. الله لا يحرمني منج ..
يتبع
أمير كان يلاحقها بعيونه لحد ما غابت عن أنظاره تنهد براحه الحمدلله .. تزوجنا وعدت على خيير .. واخيييرا صرتي زوجتي يامريم .. الله لا يحرمني منج ..
داخل الصاله
ساره مريوم وقفتي قلوبنا لما قالج الشيخ عن المهر وانتي قلتي لا .. عبالنا انج هونتي ..
مريم شنوو اهون انتي بعد .. بصراحة ضحكني شنو مليون ومليونين .. انا متزوجة اجمع ملايين ..
مي أمير اللي قال المهر مو هو .. بس كلامج كان حلو .. زين سويتي مريوووم .. بصراحه عجبتيني ..
دخلت عليهم نور وشايله بيدها صندوق مفتوح هذا لج ..
مريم ابتسمت وطلعت منه زهره فارسية لونها أبيض سكري كانت وحده بس وكبيره مرشوشه بلمعة الفضه ومزينة بكرات كرستالية شفاف وملفوفة بورق أبيض والاوراق الخضره طالعه لبرى
مريم شكرا حبيبتي ..
نور لاتشكريني انا .. اشكري اللي كاتب لج الكرت
مريم ابتسمت وفتحت الكرت وقرت المكتوب فيه
الروح ولهانه على شوف شــــرواك
وإن ماحصل قلنــا عليها السلامـــي
القلب واحد والمشـــاعر ترجـــــاك
ترجي وصالك قبل دفن العظـــامي
تبقى رفيــــــق الروح والروح تفداك
انتي ورده وأحلى ورده شافتها عيوني .. وعشان تكمل زينتج .. ناقصتج الورده الفارسية ..
أحبج يا مريومتي الغالية
ابتسمت وحملت الورده وشمتها وبحالمية وانا احبك مووت يا أميري ..
مي وساره كان يبتسمون لها لانهم قروا الكرت معاها
ساره تذكرت اخوها الملطوع برى ينطر شوفة مرته ميوووو
مي مشغولة ترتب نفسها همممممممممم ..
ساره لفتها على الدريشه وفتحت الستاره شرااااااااااايج ؟؟
مي ملامحها ساكنه وفمها مفتوح وعينها عليه ساره ؟؟
ساره واقفه وراها نعم يا عيون ساره ؟
لفت عيونها عليها وهي تأشر هذا يشبه بدر ..
ساره اي وايد .. تصدقيين ميوو انه متزوج ؟؟
مي صج ؟؟
ساره اي ومرته اسمها مي بعد .. يبيها ومشتاق لها ..
مي المفاجئة كانت قوية عليها صارت تشاهق بدون صوت وكأنها تبي تصيح ساره هذا بدر ؟؟ بدر ريلي انا .. ساره يه عشان يشوفني .. ساره شوفيه يضحك لي ..
ونادت على مريم مريوووووووم .. حلمي تحقق .. بدر هنيييي ..
مريم لفت وشافتها ورفعت حواجبها متفاجئه اي والله .. حلمي وحلمج تحققوا ..
ساره ميووو .. يالله لا تنطرين اخوي أكثر .. روحي له ..
مي هزت راسها بفرح ورفعت طرف فستانها وطلعت له بخطوات سريعة لقته واقف وفاتح ذراعينه لها
كانت تبعد عنه بمسافة متر استحت وضمت شفايفها لبعض ومالت براسها أحبك ..
ورمت روحها في حضنه
همس لها بإذنها اهوون عليج يا روحي .. اهوون علييج تذبحيني بفراقج جذي .. ارد ما ألقاج تنطريني .. اشتقتلج يا مي .. يالللللللله اشتقت لعطرج هذااااااا .. اشتقت لريحتج ولحضنج
مي ما قدرت تمسك دمعتها وانا اشتقت لدفى صدرك حبيبي .. والله ما كان بيدي البعد ولا انا اللي اخترت .. بعدت عنك مجبوره .. خفت افقدك .. وانا ما صدقت على الله ألقاك .. وتحبني ..
بدر شد بحضنته انا مو بس احبج يا روحي .. انا اعيش على حبج وأموت من فراقج ...
مي انا كنت احلم بشوفتك .. ما كنت اعرف ان حلمي اليوم بيتحقق .. بدر أنا أحبك وكل يوم حبك قاعد يكبر .. صرت أشوفك بكل مكان .. حبيبي لا تخليني ..
بدر اخلي عمري ولا اخلييج .. مستعد اتحدى العالم عشانج بس ما تبعدين عني .. ولا عن حضني .. ودي ادخلج وادفنج بين ضلوعي .. وما اطلعج منه ابد ..
صوت قطع عليهم لقاءهم لا طلعها ..
مي تعرف هالصوت دارت وشافته وهو ابتسم وكمل كلامه طلعها بنتنا ونبي نشوفها .. ولا زوجناك اياها بتحرمنا منها ..
مي من صدمتها راح صوتها هااااااااااااني .. باااااااابااااااااا ؟؟؟؟؟؟
هاني وهو يقلدها هااااااااااني .. خليتيني اييج يومين بالطياره وبالاخير تنحاشيين .. تعالي خليني اضمج
راحت حضنته مو مصدقه ما كانت تتوقع انه بيوفي بوعده وبيرد عشانها
رفعت روحها من حضن اخوها وحضنت ابوها بابا .. اشتقت لكم .. وحشتووني
ابوها رفعها ومسكها من جتوفها اذا تحبينا هالكثر اشله انحشتي وييتي هني بدون ما تعطينا خبر .. تخلينا نعفس عليج الديره ..
مي نزلت راسها بابا انا سمعتكم انت وماما .. تبي تجبر بدر يطلقني .. خفت ........
قاطعها ابوها محد يقدر يجبر بدر يطلقج اذا هو ما يبي .. ولا انت شرايك يا بدر ..
بدر ابتسم وهذي يبيلها كلام .. الموت علي ارحم ..
مي استحت ونزلت راسها
أبو هاني بجدية مي .. بابا .. انتي على ذمة ريال ما يصير تسافرين بدون علمه ما يجوز .. واحنا يينا معااه هني نشوفج ونفهمج .. وامج لا تخافيين منها ما تقدر تسوي شي ..
مي طالعت بدر حبيبي انا آسفه ..
بدر حضنها من جتوفها لاتتأسفين يا قلبي .. انا عاذرج .. انتي كنتي خايفه تنامين وتقعديين ايي يوم ثاني ويفرقونج عني .. صح
مي هزت راسها اي .. صح
أبو مي يالله بابا .. افرحي بعرس رفيجتج .. وشوفة ريلج .. احنا يينا هني نشوفج .. وباجر راجعيين
بدر وهي بعد راجعة معانا .. صح مرتي ؟؟
مي بخجل مصطنع صح ريلي ..
وضحكوا عليها كلهم وهي كانت فرحانة ما توقعت الله يحبها هالكثر بتشوف زوجها وابوها واخوها بيوم واحد ..
طلعت لها ساره ميوووو .. يالله الحين بيطلعون مريم تعالي ..
ابتسمت لبدر وهو باسها على جبينها وراحت بخطوات سريعة تمشي مع رفيجتها بزفتها
دخلت داخل وكانوا مجهزين مريم عشان تطلع لامير وقفت معاهم عند المدخل الداخلي للفيلا
بالجهة الثانية أمير قلبه تتسارع دقاته وأخييرا بيشوف زوجته وحبيبته وحياته ودنيته مو مصدق انهم حنوا عليه وبطلعونها له بعد طول انتظار
مريم كانت عيونها تلمع وموجهة على الباب ودها تشوفه ويشوفها بدون حواجز تنطر متى يفكون قيدها ويطلعونها له مثل ما يفكون أسر الطير الابيض ويفتحون قفصه ويخلونه يحلق ويطير كانت حاسة نفسها مثل هذا الطير الابيض تبي تسابق الزمن وتتحرر من كل هالرسميات وتروح له ياخذها بحضنه مثل ما يسوي دائما يدفنها بصدره
أمير زاد شوقه لها كل شوي يرفع يده ويناظر الساعة صارت عيونه تتنقل بين الساعة وبين الباب ينتظر خروجها بفارغ الصبر
الجزء الواحد والاربعين
بالجهة الثانية أمير قلبه تتسارع دقاته وأخييرا بيشوف زوجته وحبيبته وحياته ودنيته مو مصدق انهم حنوا عليه وبيطلعونها له بعد طول انتظار
مريم كانت عيونها تلمع وموجهة على الباب ودها تشوفه ويشوفها بدون حواجز تنطر متى يفكون قيدها ويطلعونها له مثل ما يفكون أسر الطير الابيض ويفتحون قفصه ويخلونه يحلق ويطير كانت حاسة نفسها مثل هذا الطير الابيض تبي تسابق الزمن وتتحرر من كل هالرسميات وتروح له ياخذها بحضنه مثل ما يسوي دائما يدفنها بصدره
أمير زاد شوقه لها كل شوي يرفع يده ويناظر الساعة صارت عيونه تتنقل بين الساعة وبين الباب ينتظر خروجها بفارغ الصبر
طلعت أمه وعمته وبصوت واحد بر جمالش بر كمالش بر محمد صلوات ..
واعتلت صوت التهاليل ممزوجه بصوت تغريد العصافير مع ألحان البيانو كان أمير عازفها بنفسه ومضبط معاها الكلمات اللي اختارها من أغنية راشد الماجد " مريم " وبصوته طبعا كان يقولها على طريقة كلمات شعر مو أغنية بصوته الاثيري
الحلا يحتويها والغلايرتجيها ..
شيخة الحسن مريم الله الله عليها
عيدها عاد ثاني بين قلب ومحاني ..
قلت ازف التهاني وأتعنى واجيها
يالبنات الصبايا عندي الهاهدايا ..
ما طالت الروايه واستحيت اهديها
لن مريم هديه من إله البريه ..
القلوب النديه لاضمت ترتويها
نور شمسً تعلا فوق بدرًتجلا..
دونها الوصف و لا غاية الحسن فيها
انتي قرمً اسنافي وارف الطلوافي ..
شيخة الحسن مريم الله الله عليها
مريم كانت تسمع الكلمات وبصوته بعد كانت تبتسم وهي على باب المدخل للحين ما طلعوها ينطرون تبدي الفرقة بالزفة عشان يزفونها والكل حواليها اللي ماسكه المبخر واللي ماسكه القرآن واللي ماسكه سلة التوزيعات واللي ماسكة صينية المشموم وأوراق الورد واللي ماسكه المرش وهي ماسكة الورده اللي هداها اياها أمير ..
خلصت الالحان وبدوا الفرقة يعزفون الموسيقى الايرانية الخاصة بالزفه
أم حميد ضبطت طرحة مريم ونزلتها على ويهها ومريم ابتسمت لها
تقدمت مريم والكل وراها وقفت على الباب الخارجي مع وقفة الموسيقى
بدت الزفه بصوت جنان صوت عذب لآخر درجة بدى يغني وينادي بإسمها عشان تتقدم ومريم صارت تخطي بخطوات رزينه وكلها غرور وعيونها في الارض لانها منحرجة من اللي حواليها وكأنهم بياكلونها بعيونهم والبنات صاروا يرمون الورد والمشموم عليها وفي طريقها وعلى الناس كان الممر طويل من المدخل الى نص الحديقة كان مسور بأوراق الورد وأعمده فخار موصلين ببعض بشيفون أبيض وفضي وكان أمير واقف هناك بالنص
مريم تقدمت أكثر على صوته بس محد يشوفه .. أغلب الحضور كان متفاجئ من هالصوت لان الفرقة تعزف بس المغني مو واقف معاهم
وصلت لنص الممر وطلع بويهها
مريم انصدمت وفرحت بنفس الوقت
اللي كانوا يصفقون وراها بعد انصدموا هالصوت وهالاحساس يطلع منه ..
مد يده ومسك أطراف أصابعها يمشيها
مريم عجبتها الحركة ابتسمت ومشت معاه
وصلوا لنهاية الممر ودخلت داخل ولمحته ابتسمت بخجل ونزلت راسها
هو كان يبتسم على حياها مهما يكون البنت بيوم عرسها لازم تجيها حالات خجل سبحان الله بالفطره
وصلها له وختم زفته مثل ما بداها بر جمالش بر كمالش بر محمد صلوااات
وقرب المايك من فم عمته كلللللللللللللللللللللوووووووووووشششششششششششششش
يوسف وقف يم أخوه ألف .. ألف مبروك يا بوسلمان ..
مريم للحين الطرحة مغطيه ويهها
أمير ابتسم وقال الله يبارك فيك ..
ومد يدينه ورفع الطرحه عن ويهها وتأمل جمالها لثواني .. صفن فيها وباسها في جبينها وبنفسه يا ويل قلبك يا أمير ... هذي مريوووم .. طالعة أميره .. ربي يحرسج من العين
يوسف قرب المايك من فم أمير عشان الحضور يسمع
امير عيونه كانت تلمع يتأملها بحنان وبصوت كله حالميه
Congratulations sweety .. You look so beautiful in white
واشتغلت الموسيقى
مسك أطراف اصابعها اليمين وحطهم على جتفه وحاوط خصرها وقربها منه أكثر
مريم مالت براسها على رقبته وبدها يرقصها سلو على نغمات الاغنية
"Beautiful In White"
Not sure if you know this
But when we first met
I got so nervous
I couldn't speak
In that very moment I found the one and
My life had found it's missing piece
So as long as I live I love you
will heaven hold you
You look so beautiful in white
And from now to my very last breath
This day I'll cherish
You look so beautiful in white
أمير يهمس بإذن مريم يا أرض أحفظي ما عليج .. حبيبة قلبي اليوم طالعة أحلى من القمر ..
مريم ابتسمت بخجل وما علقت
أمير صار مشتاق لصوتها مريوووم ؟؟
مريم بين يديه هلا ..
أمير يمازحها انتي مريم زوجتي .. ولا وحده غييير ..
مريم حست برعشة من كلمة زوجتي كانت حلوه من فمه وعرفت قصده وحبت تكمل معااه اذا ما تبيني برووح ..
أمير تبيني أموت .. رفعي روحج عني .. والله اختنق .. ريحتج وأنفاسج انا عايش عليهم ..
مريم ضحكت بهدوء وهو صار يلفها على راحة
Tonight
What we have is timeless
My love is endless
And with this scream I say to the world
You're my every reason
You're all that I believe in
with all my heart I mean every word
So as long as I live I love you
will heaven hold you
You look so beautiful in white
And from now to my very last breath
This day I'll cherish
You look so beautiful in white
أمير باسها في رقبتها حبيبتي ؟؟
مريم همممم ..
أمير مو حرااام علييج تحرميني منج أسبوع .. تعرفيين ما أقدر أعيش .. ما اقدر اتنفس .. امووت
مريم قاطعته بهمس اسم الله عليك من الموت .. يعل يومي قبل يومك ان شاءالله .. يا بوسلمان ..
أمير ضحك بخفة .عجبج الاسم ؟؟
مريم وااااايد .. الله لا يحرمني منك يا بوسلمان ..
أمير تذكر مرضها بس ما حب يكدر نفسه ولا منج يا أمسلمان ..
Tonight
Oooooh oh
Na na na na na
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك