بداية

رواية ضمني على صدرك وابعدني عن الناس -2

رواية ضمني على صدرك وابعدني عن الناس - غرام

رواية ضمني على صدرك وابعدني عن الناس -2

اماعلاقه شعاع ومعاذ تطورت على التلفون
بس قالت ان اسمها دلال
وهو متأكد انها شعاع
معاذ:دلوله تصدقين انا للان مادري انتي من وين
شعاع: انا من الجوف
معاذ: بعدي اهل الشمال والله
شعاع: الله يسلمك
معاذ:دلو ابي اعرف ليش اول مكالمه طلبتي شعاع
شعاع: بس اسم طرى على بالي ليش تسأل
معاذ: لاني احب وحده اسمها شعاع
شعاع انبسطت: الله يخليها لك
يله انا استأذن الحين باي
معاذ: باي ياقلبي
اما بندر للآن ماترد عليه
ارسل الصبح
مشكلتك أنك ملاك
شاغل الدنيا بحلاك
لو عيوني ما تراك
قلبي وا حساسي معاك
(صباح الخير يامدلل)
فاديه: قرتها ومسحتها ورجعت نامت
يوم الخميس
البنات مشغولات بتجهيزات الحفله
فاديه:الو
شعاع: ايوه فاديه
فاديه:وينك تأخرتي
شعاع:انطر ماجد قال عنده شغل نص ساعه وراجع
فاديه: ليه مانتي بحاجت منيته ارسلك راجو
شعاع: لا ماقدر ماجد مايرضى يله هاذا هو جاء دقايق وانا عندك
وصلت شعاع وشمس
فاديه: هاه بنات وش رايكم
شمس: روعه خصوصا ان الون الازرق لون الركوي المفضل
شعاع: اوه شمس ازعجتينا كل شي حاشره راكان به
شمس: طيب هو مسيطر على كل كلي
فاديه: خلاص شعاع وانتي الله يخليه لك
شمس: آآآمين
ومامرت ساعه الا وكان الملحق مليان بنات
وطبعا انواع الوناسه
والفله
رقص بانواعه شرقي وغربي وسامري
والي لابسات لبس رجال والي مسويات بوي واكيد لاتخلو من الممنوعات دخان وشيشه وافلام نص كوم
وعلى الساعه ثنتين كل البنات رجعو لاهاليهم
طلعت فاديه لغرفتها هلكانه رفعت الجوال لقت 92مكالمه
من نفس الرقم ومسجلته (معجب قليل ادب)
طلعت نتايج الثانويه
شعاع:86
بسبت المكالمات
فاديه :95
دافوره
بلقيس:93
ومي مصدقه حالها
فاديه:شفت يابلقيس الي يقعد معي مايخسر
بلقيس:والله يابنت جيرانا انا اصلا شاطره
شعاع:بلقيس حارتنا ضيقه وبنعرف بعضنا
بلقيس: هههههه امزح الفضل بعد الله لفدو
فاديه: احسب بعد
فاديه جتها رساله فتحتها
(الف الف الف مــــــبــــروك يــافـــــدو قــــلــــبــــــي)
تفاجأت بس ماحبت تبين للبنات لانهن مايدرن بالموضوع
وكالعاده مسحتها
اما بندر كان اغلب وقته مرابط عند بيتها ومايحرك سيارته الا لما تنطفي انوار الملحق والحوش
دق جواله مسج
توقع فاديه بس خاب امله وكان كول مي من اخته ودق عليها
بندر:الو
فاطمه:بندوره عندي لك خبر حلو
بندر:وشو هالخبر
فاطمه: صرنا عمام مرت بدر ولدت
بندر:والله وش جابت
فاطمه: جابت بنت وبدر يقول انت تسميها
بندر بدون تردد:فاديه
فاطمه: حرام عليك فاديه قديم
بندر: يافاديه ولا على اسم امي وضحى
فاطمه: لا وش وضحى فاديه احلى
بندر:هههههههه يله انا الحين جاي
وسكر وناظر ببيت فاديه وتنهد
وقال:آآآآه يافاديه حتى اسمك طلع من دون تفكير
وشغل الراديو وكانت اغنيه ثامر توفيق يارب
يارب الي فقلبي هو فقلبك
وعلى قد حبي يكون حبك
الله يعلم ماتمنا من الدنيا
الا حبك
اعذرني بدعي عليك
عسى الي فيني يجيك
لو نص حبي فيك ماتنام وربك
وتنهد وقال: اعذريني بدعي عليك عسى الي فيني يجيك
وصل للمستشفى
بندر: الف مبروك ياخوي تتربى بعزك
بدر: الله يبارك فيك عقبالك يابو فيصل
بندر: قريب قريب ان شالله
فاطمه برباشه:والله يابندر بتزوج اكيد بالعطله
بندر:لا تطلعين اشاعات علي قلت قريب
فاطمه: لاتلومني تفائلت
بندر:بس شوفيلي ام فاديه قاعده ببارك لها
فاطمه: قاعده ادخل
بندر: السلام عليكم
تهاني:وعليكم السلام
بندر: الحمد لله على سلامتك
تهاني: الله يسلمك
بندر: وش رايك باسم فاديه يام فاديه اذا مو عاجبك اغيره
تهاني : حلو وعاجبي
بقى بندر مع اهله بعد ماتركو تهاني ترتاح
بغرفه شعاع
شعاع: شمس وش فيك سرحانه
شمس: سلامتك عرسي باقي عليه اسبوعين وخايفه
شعاع:من ايش
شمس: من كل شي العرس راكان اهله الحياه الجايه كلها
شعاع: شموسه كلنا على هالطريق
شمس رمت المخده عليها:شعاعوه انا بتزوج ولا بموت
شعاع:ههههه امزح وش فيك
ودق جوال شمس
حياه الروح يتصل بك
شعاع: دق الي ينسيك كل شي
شمس: ياعمري هو
وطلعت لغرفتها
شعاع دقت على معاذ
معاذ: هلا دلوله شخبارك
شعاع: الحمد لله انت شخبارك
وبقت تسولف معه ساعتين
فاديه كانت تدق على شعاع ومشغول
فاديه: اف من تهذر معه من ساعه ابطب عليها وهي بكيفها
نزلت لامها
فاديه: ماما راجو هنا بروح لشعاع
ام فاديه: راح للبقاله تلاقينه الحين عند الباب
فاديه: يله ماما تامرين بشي
ام فاديه: سلمي عليهم
فاديه: انشالله باي
طلعت ماشافت راجو عند الباب
دقت عليه
راجو: ايوه ماما
فاديه:وينك انت
راجو:انا الحين يجي عند باشا
فاديه: ماشالله مسوي جلسات مع هنود الحاره تعال بسرعه
راجو: زين انا الحين يجي
ظلت واقفه عند الباب
تستنا راجو
وفجأه سمعت صوت كلب
جايها
ركضت بس كان اسرع منها
وعضها برجلها
بندر لما شاف الكلب هاجم عليها طلع من سيارته زي المجنون ولما شافه الكلب هجم عليه وعض ايده
بس راجو لما شافهم طلع عجرا(عصى) عنده بالسياره
وظرب الكلب وهرب الكلب
بندر يكلم فاديه: صار فيك شي
فاديه(بألم): عضني برجلي
راجو: يله انا يودي انتم مستشفى
راحو للمستشفى وعطوهم ابر ضد السعار ( هاذا مرض تسببه عضت الكلب)
الممرضه: لوسمحتو اسمائكم
بندر: بندر خالد الشمالي
فاديه:فاديه محسن الزاهي
الممرضه: تقدرون تروحون انتم سليمين وطلعت
فاديه: بصراحه يأخ بندر ماني عارفه كيف اشكرك
ابتسم بندر: ولو يأنسه فاديه الناس لبعض
فاديه: انا شايفتك بس ماني فاكره وين
بندر بجرائه: ايو انا الي سميته قليل ادب
فاديه: الي تدق علي وتزعجني
بندر: ايوه بس تأكدي لوما ازعج سكون قلبي عواصف حبك مأزعجتك
فاديه: هيه انت ماكنك تماديت
انا من وين اعرفك انت ووجهك
بندر: انا صديق معاذ الي شريتي منه ديكورات الملحق
فاديه تذكرت: ايوه عرفتك قليل الادب
بندر ضحك:شفتي حتي الحين قلتيها بعد
فاديه ضحكت تحت الغطاء بس مابينت وكانت بتطلع بس وقفها
بندر:فاديه انا احبك شدتني شخصيتك وظليت افكر فيك واكتشفت اني احبك ووجودي عند بيتك مو صدفه انا كل يوم هناك بس عشان اشوفك اوحتى المحك من بعيد
فاديه بأستهزاء: لا صدقتك
بندر: فاديه انا مثل ماسمعتي ولد الشمالي يعني عز ومال واصل وفصل ماني محتاجك بشي (قال بضعف)
بس انا حبيتك
فاديه شافت بعيونه الصدق بس قوت حالها وطلعت
جلس بندر على الكرسي وحط ايدينه على راسه
فاديه رجعت للغرفه الي فيها بندر وقالت:انت من وين جبت رقمي (رفع راسه و شافت الحزن بعيونه)
بندر:اخذته من راجو
فاديه طلعت وهي تتوعد راجو
بيت ابو طلال
ابو طلال:بلقيس دقي على الزفت خالد اخوك شوفيه وين
بلقيس: يبه دقيت عليه مقفل جواله
ابوطلال: طيب قولي لزفت الثاني طلال يدوره
بلقيس: امرك يبه
دقت على طلال
طلال: هلا بلقيس
بلقيس: ابوي يقولك دور خالد
طلال: وش مسوي بعد
بلقيس: ابوي عطاه فلوس و قاله يكتتب بالاسهم وماكتتب ومادري وين ودا الفلوس
طلال: ههههههه ذيب هالخالد خلاص انا ادوره
دق على جوال خالد الثاني
خالد: هلا طلال
طلال: ياخي انت بتجلط ابوي ولا بتذبحه بدري
خالد: اي بدري والي يسلمك هاذا كبر جدي
طلال: هههههه شلون كبر جدي
خالد:ههههه كذا طلعت
طلال: طيب وين فلوسه عطهم اياه فضحنا
خالد: يله بس ماله عندي شي
طلال:شلون وفلوسه
خالد: موكافي حارمنا من العز الي عنده هالبخيل
طلال: خالد رد فلوسه امي وبلقيس مالهم شغل بيحط الحره بهم
خالد: هاذا الي كاسر ظهري خلاص انا بحلها
طلال:افتح جوالك الثاني ورد عليهم
خالد:طيب مع السلامه انت
قفل طلال وخالد قعد يضحك ويتخيل شكل ابوه
اخذ جرعه مخدرات ونام
في الملحق
فاديه رجعت للبيت وكنسلت الروحه لبيت عمها
مشغله التلفزيون بالملحق ورافعته ومندمجه وجت اغنيه عباس ابراهيم ادواك عندي
ادواك عندي والاظلم دايم البادي
والله لاوريك شيا مابعد شفته
ماهو بصالحك يومك تدور عنادي
الله من ريق ماينشاف ونشفته
وهي كل يوم على هالحاله
للساعه ثلاث الفجر تصلي وتنام

عند شعاع ومعاذ
معاذ: دلو حياتي صارلنا شهرين على التلفلون وبعدين
شعاع: معاذ مليت مني
معاذ:لا مو كذا بس نفسي اشوفك
شعاع: مستحيل ماقدر ابدا
معاذ:طيب ليش
شعاع: والله والله لوتفتح الموضوع مره ثانيه ماعاد اكلمك ابدا
معاذ:خلاص ماعاد افتحه بس ماتحرميني صوتك
شمس دقت الباب عليها
شعاع:معاذ انا لازم اقفل الحين
معاذ: لايكون زعلتي
شعاع:لا بس لازم اقفل باي قبل لايرد
معاذ حس انه زعلها ارسلها
¤ شفت النجوم اللي تخاوت مع الليل ¤
¤اضرب عددها في عددها وزدها ¤
¤واحسب خطوط الطول والعرض بالميل ¤
¤واجمع شعوب الارض وادبل عددها ¤
¤ و اكتب رقم مليار مليار تدبيل ¤
¤ مليار في مليار و ادبل مددها ¤
¤ واحسب عدد ماسبح العبد بالليل¤
¤ وما دارت ايام السنة في بددها¤
¤ شوف النتيجة كم تطلع بتحليل ¤
¤ ذي قيمتك وغلاتك عندي وهذا عددها¤
قرتها وارسلت
أموت بقلبك الصافي خفوق بالوفا مليان..
تغيب عني لكن حسك ساكن الوجدان..
الساعه ثلاثه الفجر
خالد خايف يدخل من الباب فكر ينط سور جيرانهم وبعدها لبيت اهله
نط ودخل بيت ابو فاديه وقف مذهول وهو يشوف من شباك الملحق بنت لابسه
بجامه شورت لنص الفخذ وعاري من فوق وبيضا
وترقص على شكيرا وبيانسي وتقلدهم
بس لما خلصت الاغنيه طفت الانوار وصعدت غرفتها
اما خالد كمل نط سور بيتهم ودخل غرفته وبقت صورت البنت فباله
اما فاديه كانت تفكر ببندر
ولقت خمس مكالمات له ورسالتين
الاولى(فاديه تكفين اذا حركت فيك شي ردي علي)
والثانيه(( إعترفت لك بحبي و ليتني مافعلت .. اعترفت و ليت ربي ياخذ الروح و يفكني .. اعترفت وقسى قلبك و قلت .. اوعديني ماتفعلين الخطا واتهمليني .. شلون تقوى تشكك في سواتي جهلت ..إني ما امشي فالدروب اللي تذمني ))
وكانت تفكر فيه وجتها رساله منه
(لهاذي الدرجه كارهتني بس صدقيني مو بيدي احبك اسف اذا ظايقتك
مع مقطع صوت لكاظم الساهر
لاغنيه انسى
ابتأسف ونا ماخطيت
لاني بالفعل حبيت
انا سمعتني الايام
ياريتك تسمعي ياريت)
تجرأت وارسلت
(قلبي معك لو شفت نفسي مع الناس..
ماغاب طيفك عن خيالي دقيقة..
اجلس مع الناس واسرح بهواجس..
لافي يدي حيلة ولا لي طريقة..
حبك بوسط القلب مبني على ساس..
واموت فيك هذي الحقيقة..
بندر مابي اكذب واقول حبيتك ولا بقول ماهميتني بس شعور مادري ايش اسميه)
رد(صدقيني نفس الي صابني هذاك اليوم بالسوق وطلع اسمه حب)
ارسلت (حبيت اقولك لاترتجي مني غير هالمسجين شي اصلا ماني مصدقه اني رديت عليك)
بندر قرا هالمسج وهو مبسوط
وارسل
(وانا لاتتوقعي اني افقد الامل بيوم ويكفي انك تبادليني الشعور يله تصبحين على خير)
قرت المسج ومامسحته ونامت مبسوطه
صحت مروقه على الآخر ولقت مسج من بندر
وردة شوق ارسلك..
عساها الصبح توصلك..
تفتح عيونك الحلوة..
وصباح الخير تقلك..
نزلت تغني
حبيبي خايفه هالحب يكبر
وقلبي يعشقك اكثر واكثر
واذا شفت اني ماستغنى عنك
تخليني ومن حبي تنكر
دخلت عليها الخدامه معها ورده
ماري:فاديه هاذا راجو يقول واحد يعطي يقول لك من بابا مال الكلب
(فاديه راجو يقول هاذي من الرجال حق الكلب لك)
فاديه شمتها وحضنتها وحطتها بقلاس فيه ماي وحطتها على الطاوله
يوم زواج شمس
شمس من كثر الاظطراب كل شوي تروح للحمام
شعاع وفاديه كانو رائعتان
وطايحات فيها رقص
وصار العرس وتمت الفرحه على الجميع
وسافرت شمس مع راكان ماليزيا بلد العرسان
رجعت شعاع للبيت تبكي من فراق اختها وحبيبتها شموسه
دق عليها معاذ وكان البكي مبين بصوتها سألها
معاذ:شفيك ياحبيبتي تكفين قولي
شعاع زادت بالبكي
معاذ: حبيبتي اذا تحبيني صحيح فضفضي قولي لي
شعاع: راحت راحت يامعاذ تزوجت وتركتني احس البيت فاضي بدون شمس مايصلح يامعاذ آآه ياليتها ترجع
معاذ تأكد انها شعاع لما قالت شمس وضل ساكت
هدت شوي وقالت:انا فرحانه عشانها بس هاذي اختي كانت معاي بكل شي فرحي حزني بزعلي بعصبيتي برواقتي وكل شي يامعاذ كل شي
معاذ: .... شعاع
تفاحأت شعاع:.....
معاذ: انا عارفك من البدايه بس مشيتها لاني احبك ومحتاج اسمع صوتك لانه يطفي اشواق قلبي
شعاع قفلت وارسلت
(توقعت كل شي الا انك تستغفلني ياخساره حبي لك)
ورساله ثانيه
(امسح رقمي من جهازك وامسح اسمي من ذاكرتك وانساني)
وطفت جهازها وقعدت تبكي
اما معاذ انجن وندم انه اعترف انه كاشفها وظل طول الليل يدق ويلقاه مقفل
بيت ابو طلال
نزلت بلقيس وشافت اخوها خالد يتسحب معه صينيه فيها اكل وخايف ابوه يشوفه
بلقيس: خالد وش فيك تتسحب
خالد: شوي شوي وطي صوتك
لايسمعك ابوي
بلقيس: هههههه ابوي مو بالبيت ارتاح
خالد:الله يريحك باي
بلقيس لبست عبايتها
خالد: على وين العزم ان شالله
بلقيس: قريب رايحه بيت جيرانا
خالد:ليش وش فيه
بلقيس: ولاشي سهره بناتي
خالد ابتسم بخبث:فيها رقص
بلقيس:اكيد باي انا تأخرت
طلعت واكل خالد بسرعه عشان يلحق السهره من اولها
فاديه كانت مجهزه للسهره عصيرات وفوشار وبطاطس
وكاكاوات ومانست اهم شي الاونو
وصلت بلقيس وبقت شعاع
فاديه:وش رايك نرقص ونستهبل على ماتوصل شوشو
بلقيس: يله دوري اغنيه نستهبل عليها
طلعت اغنيت اضواء الشهره لكارول سماحه
وبدا التحدي بالرقص بالطبع الافضليه لفاديه لانها متعوده واهلها فري بعكس بلقيس الي ابوها متحشر واخوانها على طول موجودين بالبيت ماتاخذ راحتها بالرقص
فاديه: اف زهقت طولت شوشو
بلقيس: دقي عليها
اديه على طول دقت
شعاع ماطلعت من حالت امس
فاديه:شوشو وينك طولتي
شعاع: اعذريني ماقدر اجي
فاديه: ليه عسى ماشر
شعاع: ماشر بس تعبانه شوي
فاديه: سلامتك ياقلبي ومعذوره
شعاع: الله يسلمك سلمي على بلقيس باي
فاديه: الله يسلمك باي
بلقيس:لاتقولي مي جايه
فاديه:انا ما قلت انتي قلتي
بلقيس: طيب يله خليني اغلبك بالاونو
وبدو لعب
اما خالد كان حاظر من البدايه ويتفرج عليهم من الشباك
هز جواله بأيده وكان صديقه
حمود
رد بصوت واطي: هلا حمود
حمود: وشفيك طولت الناس ولعت زقايرها وبدت تحشش
ودرعو بالحريم الحق يارجل

صاحب سوء

خالد: كيف تبدون بدوني شلون لو مو سهرتكم على حسابي
(فلوس الاكتتاب)
حمود: شنسوي طولت
خالد: يله انا ماراح اطول باي
بعد شهر
معاذ راجع للبيت شاف ماجد اخو شعاع قدام باب بيته ويودع واحد بسيارته نزل عشان يسلم على ماجد ويظبط علاقات
معاذ: السلام عليكم
ماجد:وعليكم السلام هلا والله بالجار القاطع
معاذ: لا قاطع ولا شي بس الدنيا مشاغل ومثلك عارف المحل ماخذ اغلب وقتي
ماجد: الله يوفقك تفضل تقهوه عندي قاعد لحالي
معاذ ماصدق خبر دخل على طول
ماجد: يوه منصور نسى جواله
معاذ: من منصور
ماجد:الي كنت واقف معه
دخل منصور واعطاه جواله ماجد وطلع
معاذ: انا شايف حولته قبل كذا
ماجد: ههههههه هاذا جاي يخطب اختي
معاذ: اختك مو تزوجت
ماجد: لا الصغيره بعد مافلس من الكبيره
انجن معاذ :هالاحول واضح داخل على طمع
(كان يبيه يرفضه عشان يخطبها)
ماجد: وانت صادق شكله كذا
معاذ: انا استأذن
ماجد: بدري وين
معاذ :والله تارك المحل وانت عارف اذا ماقابلته بيضيع
ماجد: على راحتك بس لازم تعيدها
معاذ: اكيد قريب انشالله
فمان الله
ماجد :مع السلامه
طلع من دوانيه ماجد ودق على شعاع على طول وماردت
ارسلها (شوشو ردي ضروري لاتتكلمين بس اسمعيني)
ودق
شعاع كسر خاطرها وردت ولا تكلمت
معاذ: شوشو ....اشتقتلك
قفلت الخط
ارسلها(خلاص والله بسولف جد) ورجع دق
ردت وبقت ساكته
معاذ بجديه: شعاع انا اليوم كنت عند اخوك وقالي على الاحول الي كان خاطب اختك واليوم جاي يخطبك
شعاع: ايش منصور خطبني
معاذ بداخله(ياقلبي هالصوت اشتقتله والله اشتقتلك ياشوشو):مثل ماسمعتي ابغاك ترفضينه وانا الاسبوع الجاي اخطبك
استانست شعاع وقالت من ورى قلبها:انا برفضه وبرفضك معه مش مستعده ارتبط بواحد استغفلني
وقفلت الخط وارتمت على السرير بفرح
رجعت شمس من شهر العسل
استقبلتها شعاع بالدموع والاحظان
شمس:شوشو حبيبتي خلاص كافي بكى
شعاع:وحشتيني
شمس:طلعت غاليه وانا مادري
شعاع: والله حتى انا مادري اكتشفت هالشي بعد مامشيتي
شمس: تعالي اوريك هديتك
شعاع: شوفتك هي اكبر هديه بس اذا ماعجبتني هديتك ياويلك
شمس:هههههه ادري تعلميني فيك
شعاع:احكيلي وش سويتي هناك بالتفصيل
شمس:ياي ياشوشو بلد ولا اجمل شنو مطاعم شنو منتزهات شنو فنادق شنو طبيعه
جنت الله على ارضه بأختصار روووووعه خيال جنان
شعاع: والركوي شخباره
شمس: وجع بس انا ادلعه ياقلبي فديته
شعاع: ههههه شكلك رحتي في خرايطه
شمس: هو بس خرايطه آآآه ياحبي له
شعاع:لاااا الجلسه يبغالها عصير ثواني وراجعه
طلعت شعاع وحبت شمس ترسل رساله لراكان رسايلها الي بجهازها كلها ارسلتها له اخذت جوال شعاع تدور شي جديد وشافت رسايل معاذ وكانت مسجلته حبي
شعاع :هاذا العصير البارد وصل
شمس: وشو هاذا شعاع هاذي اخرت ثقتنا بك
شعاع ارتبكت:شمس خليني افهمك السالفه
شمس رفعت صوتها: وش تفهميني سواد وجهك مايبيله شرح واضح
شعاع: اسكتي لاتسمعك امي واجلسي بلا قل عقل
شمس هدت وجلست وحكت لها من لما راحت مع شذا للسوق الين اخر مكالمه
شمس:بشوف اخرتها معك بس اذا ماخطبك الاسبوع الجاي انا بتصرف
شعاع ارتاحت قدرت تقنع اختها وكملت سوالف مع شمس
خالد طلع من بيت وكان صديقه
حمود: وينك طولت


يتبع ,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -