رواية ما دريت ان الليالي غيرت قلبك علينا -32
نواف : مافيك اﻻ العافيه وكلها رفسه عادي وبعدين ﻻتجلسين تتدلعين وتسوين ع راسي فاهمه انا دكتور وادرى ماتحتاجين مستشفى اكلي تبن وتستاهلين لومابيك تتالمين ماضربتك احسن
بجلس اتفرج وانتي تالمي موتبين سعادتي خلاص
هذي سعادتي وبعدين ياقلبي ترا كل هذا ﻻنه ولدي
ضناي وﻻانتي بقريح
ملاك تتعصر من الالم ماهي قادره تستوعب كلامه
ندمت انها فكرت تزوج يوسف شموخ
حست بالظلم والالم الي مرت فيه
نواف للحين ع بروده
جلست تطالع فيه
موهذا الي عرفته انقلب شخص ثاني
القهر والحقد مبين عليه
نواف : شفيك راح الالم قولي شكل ضربي من شوي مانفع
ملاك بعدت عنه : وخر عني يالمريض
نواف : انا الحين صرت مريض اجل وش تقولين عن نفسك
ملاك بدا يخف الالم عنها حمدت ربها انه ماضربها
بقوه : ماجد قولي من انت قولي الحقيقه
نواف ببروده المعتاد : نواف ولد خالد ال ......
دكتور عمري 32ملاك شهقت : 32 اول تقولي 25
نواف : ھَھٍھَھَھٍھَھَھٍھَھَھٍھَھَھٍھَھٍھَھٍھَھٍٱإيـﮱ. ليه حرام الواحد يصغر نفسه
ملاك بدت تشاهق وتبكي بصوت عالي
نواف : خير ازعجتيني
ملاك : طلقني
نواف ؛ نعم ؟
ملاك : طلقني اكرهك
نواف : شكلي عطيتك وجه بزياده قومي انقلعي غرفتك ومابي اسمع صوت لك
ملاك : موع كيفك
نواف : هين
سحبها من شعرها وطلعها فوق الغرفه
ملاك : اه خلاص اسفه اسسفه
رماها ع الارض بكل قسوه : اجلسي هنا وتالمي مع نفسك ويارب ارجع والقاك مفارقه الحياة ياحياتي انتي
قفل الباب ووطلع للمستشفى
بالسياره : شفيني من جابت طاري ولدي تركتها وماكملت عليها اووف كيف تركتها كيف
بس ﻻزم اعذبها بالاول وفي اشياء بعرفها قبل
\
/
\
/عند ملوك
جالسه وتاكل اظافرها من الخوف
من صحت وهي تسمع اصوات برا
وكل ماجت تشوف مين ماتلقى احد
ملوك : انتي غبيه اقولك سامعه صوت
الخدامه : مدام مافي احد
ملوك شوي وتنجن : انقلعي انقلعي
حطت يدها ع اذونها ماتبي تسمع شيء
محد مصدقها
ملوك : ناايف نايف
نايف : سمي
ملوك ؛ سم الله مصارينك قوم ابي اطلع طفشانه
نايف : طيب يلا قومي بدلي ونطلع
ملوك : بسرعه انت اجهز
\
/
\
في المستشفى
بغرفة شموخ
جالس جبنها يتامل ملامحها اشتاق لها كثير
قاطعه صوت نواف : لوسمحت اخوي
فهد : نعم ؟
نواف بنفسه "" الله ﻻينعم عليك : ممكن تتفضل برا
بنكشف عليها
فهد : ﻻزم ؟
نواف : ايه
فهد ماوده يطلع : طيب اكشف عليها قدامي شلي يمنع
نواف وصلت معه مايحب احد يجادله : كيف اكشف قدامك من حظرتك ﻻيكون زوجها وانا مدري
فهد مستغرب من اسلوبه الي يشوفهم يقول بينهم عداوه : طيب طيب ﻻتعصب بطلع
نواف : اوف يارب من وين جت هالاشكال
التفت للمرضه يبي يصرفها : جيبي لي ملف ازرق ع مكتبي
طلعت برا تجيبه
سحب له كرسي وجلس جنبها
نواف : اوعدك اخلصك منه حتى لوماكنتي لي
حتى لو اخترتي فهد انا راضي بس اهم شيء تكونين
مرتاحه ومبسوطه
ﻻحظ حركة عيونها
انبسط يومين وهي بغيبوبه اخيرا صحت
نواف : الحمدلله ع السلامه
شموخ بدون ماتطالعه :............
نواف : الحمدلله ﻻتقلقين انتي بخير بس الله يعوضك الي فبطنك مات
شموخ "" هالصوت موغريب علي
اول مالتفت انصدمت من الي قدامها
هذا زوج ملاك شجابه
نواف ابتسم من شكلها المتفاجئ
قرب منها اكثر
شموخ : ابعد شايفني ملاك قدامك
حس باحباط كيف ماعرفته
بس اكيد ماتعرفه وهو مغير بشكله وطالع كانه واحدثاني لوبتعرفه كان من زمان من يوم شافته بالمول
مربي لحيه خفيفه وشعره
وحتى لون بشرته متغيره
نواف : ماعرفتيني ؟
شموخ : ماجد زوج ملاك الحقيره
نواف : ﻻ
شموخ تضايقت من صوته نفس نبرة نواف بس الي يختلف. تحس بصوت الي قدامها نبرة حزن وفيه بحه سبحان الله يخلق من الشبه 40
نواف : انا نواف ياشموخ الي حبك من قلبه وماتخلى عنك ابدا نواف الي ضحى عشان يشوف ضحكتك
شموخ ماخاب ظنها
ماقدرت تقول حرفين ع بعض
انشلت عن الحركه من وين طلع لها
نواف : وحشتيني ياشموخ
شموخ بغصه : نو اف ؟
نواف : ياعيون نواف ياروحه انتي
شموخ : انت مامت
نواف : ﻻ شوفيني قدامك
شموخ : انا شكلي من التعب اتوهم اشياء موحقيقه
نواف : ﻻياروحي كل شيء حقيقه
شموخ حطت ايدها تغطي وجهها : وش تبي ماكفاك
الي سويته فيني وﻻجاي تتشمت
نواف انصدم من كلامها لهدالدرجه تكرهه وشايله بقلبها عليه
نواف : ﻻياشموخ تكفين ﻻتقولين كذا انا ماسويت كذا اﻻ عشانك شموخ ملوك وملاك ساح....
ماخلته يكمل كلامه ويفهمها الحقيقه
شموخ : برا برا اكرهك اكرهك طول عمرك كذاب
برا يالاناني جاي تتشمت بس كشفتك اكيد انك مع ملوك وتعرفها وهي الي مرسلتك لي
دخل فهد من سمع صراخ شموخ
شموخ : فهد وخره عني هذا من طرف ملوك جاي يذبحني طلعه عني
فهد لف ع نواف
فهد : وش تبي منها جاي مسوي دكتور وانا مصدقك
اطلع قبل اجيبلك الشرطه يسحبونك
مارد عليه وﻻبكلمه
بالاصح انربط لسانه
توقع انها تسمعه وتفهم منه كل شيء
ماجا ع باله ابد تكون ردة فعلها كذا
مشى لباب يبي يطلع من الغرفه
حس انه مخنوق
بعد مارمى بنته حبيبته
وترك اخوه الي ممكن يموت بجرعه زايده من المخدرات
واخته ديمه تركها مع تركي متورطه
والاهم بدر صديق دنيته ماسال عنه
حس انه محتاجله
رجع يطالع غرفتها
كيف قست عليه وماخلته يكمل كلامه
رجعت فيه الذاكره لليوم الي كان منوم قبل
يعلن خبر وفاته الكاذب
/
\
/
بما انه دكتور بنفس المستشفى الي تنوم فيه
طلع متنكر لقسم الامراض السرطانيه
دخل غرفة توأمه(صقر ) يتطمن عليه
حزن كثير ع اخوه توأمه الي رمته امه بالمستشفى
بسبب مرضه بس هو ماتركه صرف عليه وع علاجه
نواف : ان شاء الله ياصقر تقوم بالسلامه
صدقني ياخوي الطب تطور بس انت الله يهديك لوتطيع اسفرك اعالجك برا احسن
صقر :...........
نواف : صقر شفيك رد
صقر :..............
خاف من سكوته
قرب منه وحط ايده يشوف نبضه
بس الصدمه الكبيره بالنسبه له
لقاه مييييييت
دمعت عيونه ع طول
اكثر من 10 سنين فيه المرض
بنفس الوقت ابتسم انه مات وارتاح
ع الاقل مات وهو خايف ربه مومثله الي ماخذ عبره
من مرض اخوه
ع طول طلع وبدل بالملفات والاوراق
ومسح اسم اخوه وحط اسمه
وطلع برا المستشفى
محد بيشك خصوصا الشبه كبير بينهم
\
/
\
/
عند شموخ
يحاول يهديها : خلاص راح اهدي انا معك ماراح يقرب منك
دفنت وجهها بحضنه : ﻻتتركني تكفى هذا انسان مريض اخاف يسوي فيني شيء
فهد استغرب خوفها : شموخ انتي تعرفينه
شموخ : ايه
فهد : منهو
بدت تقوله كل شيء من طلعو من البيت بالفجر
لين وصلهم خبر وفاته
فهد : بسم الله ع قلبك ﻻتخافين حبيبتي محد بيقرب منك وهوماعليك منه انسيه وكانه ميت صدق
شموخ رفعت راسها من حضنه : يوسف وين
فهد : ماندري وين راح محد شافه
شموخ : خواتي ﻻيدرون بليز مابي انكد عليهم
فهد : ان شاء الله تامرين امر
جلس يمسح ع شعرها لين نامت
طالعها وهو يتوعد بنفسه لنواف ماراح يخليه بحاله
الي فهمه من شموخ انه من طرف ملوك يعني اكيد
له علاقه بملوك وماسوا بشموخ كذا اﻻ بامر منها
( مسكين يانواف بعت الناس كلها عشانها بس الظاهر مالك حظ كل شيء انقلب ضدك )
\
/
\
/في بيت بدر
كان نواف عنده مل وتعب محتاج سند معه مافي اﻻبدر هو الوحيد الي يفهمه
فتحت له الخدامه الباب
ودخلته جوا المجلس
بالصاله عند بدر
جالس مع امه واخته روان
ام بدر : مين ؟
الخدامه : هذا صديق بدر في اجلس داخل مجلس
بدر استغرب ماله علاقه باحد بعد نواف : منهو؟
خدامه : مايعرف اسم
بدر : خلاص روحي عن اذنك يمه بشوف مين
بالمجلس
نواف خايف من ردة فعل بدر اكيد بيزعل عليه
ودي :•}.جُـgد الـζـزِنْ •°.
*بدر : السلام ع ..............
وقف مطير عيونه
نواف : هلابدر
بدر : بسم الله الرحمن الرحيم اعوذ بالله من الشيطان الرجيم
نواف : شفيك بدور
بدر للحين مومستوعب الي قدامه
خاف انه يتخيل وﻻصار بعقله شيء
طلع ركض من المجلس
بدر : يمه انا شكلي انجنيت يمه انا صاحي وﻻلسا نايم واحلم
ام بدر : بسم الله عليك يمه شفيك
بدر يرتجف : نواف هو الي بالمجلس
روان : يمه اخوي انجن
ام بدر : تعوذ من ابليس
بدر : ﻻيمه نواف هوهو متاكد تعالي شوفيه
لبست عبايتها هي وروان ودخلو مع بدر المجلس
اول ماشافته شهقت روان : اهئي نواف ؟!!!
نواف : هلا خالتي كيفك وكيف صحتك
بدر قرب من نواف وضربه ع صدره : انت نواف متاكد انت نواف وﻻانا انجنيت
ام بدر : تعالي روان خليهم لحالهم
طلعو وتركوهم
نواف ضم بدر الي يرتجف : بدر شفيك وربي انا نواف مانجنيت وﻻشيء
بدر : كيف كيف والي دفناه مين
نواف : اخوي صقر
بدر : بس كيف عمك يقول دافنينك انت
نواف : تكفى عمي متى شافني عشان يعرفني
بدر : ليش كذبت علي ليش يانواف ياخوي الي ماجابته امي
نواف : اعذرني يابدر تكفى
بدر : وش عذرك قول
نواف : بقولك كل شيء اسمعني بدون ﻻتقاطعني
بدر : قول اسمعك
بدا يقوله كل شيء خطط عليه وعرفه
بدر كان متفاجئ ماتوقع يحب شموخ هالكثر
نواف : وهذي كل السالفه
بدر : وايش استفدت ؟ هذي هي انكرت جمايلك وطردتك
نواف : ﻻتلومها الي سويته فيها موشويه وهي للحين موعارفه شيء ﻻاتلومها
بدر : وانا هنت عليك
نواف: ﻻ صدقني كنت اجي دايم واشوفك من بعيد انت وخواني وبنتي حتى دايم ﻻشفت بنتي ومحد منتبه اضمها بسرعه واروح مابي احد يدري اني عايش
بس الحين ﻻ ان شاء الله ﻻطلعت الحين رحت لهم
بدر : ابومحمد رجع
نواف : ادري
بدر : كيف عرفت
نواف : بطريقتي
بدر : ايه
نواف : زعلان مني ؟
بدر : ﻻليش ازعل ماسويت شيء انت
نواف : اسف تكفى اﻻ انت ﻻتزعل
بدر : كيف مازعل يانواف كيف هنت عليك واختي نسيتها يوم درت انك مت شلناها للمستشفى حاولت تنتحر
نواف : ليه
بدر عصب من غباء نواف : مدري ليه نسيت الي سويته
نواف قام وحب راس بدر : انا اسف اسف اسف
ماعيدها
بدر : ههههههه مسموح وانا اقدر ازعل منك
نواف ماصدق ع طول جلس جنبه : يعني خلاص سامحتني
بدر : اي وبكمل معك الي بديته
نواف : ياحبيبي انت الله ﻻيخليني منك بس كيف بفهم شموخ
بدر : يحلها ربك قوم الحين لبنتك وخوانك فرحهم
نواف : ان شاء الله
طلع ع طول رايح لبيت ابو محمد
\
/
\
/في بيت ابورزان
حددو ملكة رزان بكره
فهد للحين يتصل عليها ومطنشته ويرسل مسجات
بس نفس الشيء ماعطته وجه
رزان : خايفه يمه
ام رزان : ماعليه حبيبتي ﻻتفكرين كثير صدقيني ماراح تلقين اطيب من سلطان يكفي امه بس طيبة الكون فيها
ارتاحت شوي من كلام امها : ادعيلي
ام رزان : الله يوفقك ويسعدك دنيا واخره
رزان : تمنيت ريوف تكون معي اليوم
ام رزان : ساره معك كلمتها انا هي وامها
رزان : زين
ام رزان : طيب تجين معي بروح انا وخوك نجهز لبكره
رزان : اي دقايق بجيب عبايتي طفشت من البيت
\
/
\
/
في بريطانيا
جلس ع طرف السرير يتأملها
دلعها ورقتها تجذبه عكس سيما الي ناشبه فيه
قرب منهايصحيها : ريفو يلا حبيبتي اصحي تاخرنا ع امي من زمان نتنظرنا
ريوف : همم
مشعل باسها ع خدها : يلا حياتي تاخرنا
ريوف : تيب خمس دقايق بس
مشعل يبعد المفرش عنها : مافيه وﻻ 5 ثواني
ريوف عدلت جلستها : خلاص صحيت والله
مشعل : انا بروح اجيب لك شيء تاكلينه وانتي تجهزي ع ماجي اوكي
ريوف : تيب اممم ابي المشغل
مشعل : والله ماعرف هالسوالف جا ع باله سيما في مشعل دايم تروح له : امممم في واحد اسمع عنه شرايك اوديك له
ريوف : اوكي
شاف ريوف دخلت
سحب جواله ورد ع سيما
سيما : ويييينك
مشعل : هلا سيما بغيتي شيء
سيما : ممكن اعرف لي عملت هيك ؟
مشعل : اممممم وايش سويت ؟
سيما بقهر : ميشو وين راح كلامك الي ؟
مشعل طلع برا البيت : سيما ياسيما تبين تفهميني انك ماكنتي تتسلين
سيما بكت بقهر : ﻻ بحلف لك انتي بحبك جد ومافكرت يوم اتسلى والله يامشعل
نسيت كل الي صار بينا ؟
مشعل بملل : ﻻمانسيت بس انا ماتعديت حدودي يعني بالعربي ماخسرتي شيء حلي عني عاد ماصارت
سيما : ميشو انا موافقه اتزوجك لوبالسر بس بليز مابتتركني ميشو عن جد بحبك ماتخيل حياتي بدونك
مشعل : سيما افهميني ياقلبي
بهل اللحظه جت ريوف وسمعته
حست بالقهر وعدها بس ماوفا بوعده وللحين يكلمها
مشعل : خلاص خلاص اليوم بجيك .....اوكي خلاص قلتلك بجيك ...وانتي اكثر .... باي
ريوف "" هين يامشعل اذا ماخليتك تشهق باسمي ماكون ريوف
حطت ايدها ع كتوفه
ريوف : خلصت نمشي حبيبي
مشعل بادلها نفس الابتسامه : يلا بس ماودك تاكلين شيء قبل
ريوف "" سدت نفسي الله ياخذها : ﻻحبيبي ماشتهي وبعدين تأخرنا ع مامتك
مشعل قرص خدها : لبى مامتك منك يلوموني لاقلت احبك كل هالدلع ومايبوني انجن عليك
فهمت من كلامه انه يقصد سيما انقهرت مسوي بريء وماسوا شيء ابدا
نزلت راسها بخجل : ميشوو
مشعل : لبيه
\
/
\
/
في بيت بومحمد
جالسيت بحديقة البيت
وشموخ ""بنت نواف "" تلعب
بومحمد : شوي ويستوي
ديمه : بجيب المشروبات ﻻتثلج
بومحمد : محمد حمود افتح الباب الجرس يرن
محمد : ان شاء الله
اول مافتح الباب طاح الجوال من يده
محمد : نوواف
بومحمد : مين ؟
محمد :نو اف كيف انا كنت حاظر الدفن
نواف ابتسم ع شكل اخوه المصدوم : سالفه طويله حبيبي كيف بتخلوني واقف برا ؟
بومحمد : حياك تفضل
نواف : تسلم
جلس معهم وهو يشوف الفرحه بعيونهم
اول مالمح بنته تلعب راح لها وضمها
اشتاق لها كثير دايم يشوفها من بعيد
بس اختفت ابتسامته. لما بكت خايفه منه
حس بقهر داخله بنته ماتعرفه الي بسنها
ع الاقل يعرف من امه ومن ابوه
جت ديمه : وش فيها تبكي
اول ماشافت نواف
طاح الي بيدها
ديمه : ن و اااااف
ماستوعبت الي قدامها كيف ميت ويرجع
طاحت ع الارض مغمى عليها
بومحمد : ديمه ديمه عطني مويه بسرعه
اول مافتحت لزقت بابوها : نواف انت رجعت
نواف : انا مامت اخوي صقء توأمي هو الي مات موانا
ديمه متفاجاه : ليه ماقالت لنا امي ان لك تو
ام
نواف بدا يقولهم بس مو الحقيقه طبعا
: حصل خربطه وانا طلعت من المستشفى وسافرت انشغلت وماعرفت عن الي صار اﻻ يوم رجعت
محمد ؛ يعني الي دفناه اخوك
نواف : ايه واخوكم هو مريض بالخبيث الله يكفينا ويكفيكم شره
ديمه : بس ليش امي ماقالت لنا
نواف ماحب يشوه صورة امه بعيونهم : ﻻ امي كانت تروح وتزوره بس هو رفض احد يعرف عنه شيء واحترمنا رغبته ماني نخرب نفسيته
المهم الله يرحمه ماعلينا كيفك ان شاء الله مبسوطه
ديمه : الحمدلله ابوي مومقصر معنا ابدا
ﻻحظ بنته سكتت وصارت تلعب باصابعه
ابتسم ع شكلها تشبه له مررره
بس لون عيونها مثل لون السماء الصافيه نفس لون عيون امها
نواف : باخذها معي
ديمه : من ينتبه لها
نواف : انا
محمد : تعرف تتصرف مع الاطفال
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك