رواية عذبتني باسباب فرقاك -32

رواية عذبتني باسباب فرقاك -32

يوسف بس هي ما تبي مني شي .. ما تبي حتى تكلمني ..

أمير شسويت بالبنت يا يوسف ؟؟؟

يوسف ما سويت شي .. خليتها تعترف بحبها لي وقلت لها انا سويت جذي عشان اطلع اللي بقلبج .. ولاتصدقين نفسج اني ممكن احب وحده مثلج ..

أمير كان مصدوم وهو يسمع كل هذا وما سويت شي .. حرام عليك قتلت فرحة البنت .. حسبي الله على ابليسك ..

يوسف انا متعود اكلمها جذي عادي ما تزعل ..

أمير بس الحين الوضع انقلب .. البنت تحبك وانت هزأت فيها ..

يوسف انا ما هزأت فيها .. كنت امازحها .. بس هي تغيرت بالعاده ترد علي وتدعي علي .. انا شفتها تصيح انفجعت ..

أمير يعني ما قويت على شوفة دموعها

يوسف بصراحة .. بصراحة .. اي قلبي عورني .. انا ما اقدر اجذب عليك يا خووي انا أحبها .. أحبها من زمان بس عدائيتها وهواشنا المستمر كل ما نشوف بعض .. خلاني اعاند قلبي وافرض عليه الكره .. بس انا أحبها .. ما اتحمل اشوفها مع غيري .. والله يوقف قلبي ..

أمير ابتسم وأشر لمريم اللي نزلت تودع أمها والاهل ودار له صارحها بحبك وأجبر بخاطرها .. حرام اللي تسويه فيها وفي نفسك .. انا أعرفها من سنتين طيبة وروحها حلوه .. وترضى بسهوله ..

يوسف رد له الابتسامه ومشى معاه لمكان ما كل الاهل ملتمين ان شاءالله ..

وصل أمير ونزل لعمته وباس يدها تآمرين أمر يالغالية يا أم الغالية ..

أم مريم وهي تمسح دموعها والله اني تعودت عليها .. أسبوع قاعده معااي .. ماما أمير هذي مريومتي .. مالها غيرك الحين انت سندها وعزوتها .. حطها بعينك .. لاتزعلها ولا تنزل دموعها ..

أمير مريم بقلبي قبل عيني .. لا توصيني عليها .. هذي أنفاسي اذا ابي اموت ابعدها عني ..

أم أمير الله يخليكم لبعض ويسعدكم دنيا وآخره .. وتفرحوني بعيالكم حوالي

أمير من اييبون له طاري العيال يتذكر مرض مريم ابتسم بخفة ان شاءالله ..

مريم حضنت اهلها وخصوصا ساره ومي وودعت امها وعمتها ومسكت يد أمير وطلعوا من البستان على المطار

أمير كان مستأجر طياره خاصة فيها سرير كبير

مريم ما صدقت على الله وأول ما وصلت انسدحت على السرير ونامت

أمير فصخها جوتيها وغطاها وانسدح يمها ونام معاها

كان التعب باين عليهم

وبعد ساعات طويله صحت مريم من نومتها لقت نفسها نايمه على صدره ابتسمت حبيبي ..

فتح عيونه وقام قعد حبيبي .. صحيتي ؟؟

مريم اي .. احنا وين بنروح ؟؟ وليش للحين ما وصلنا ..

أمير سحبها وسدحها مره ثانية مكان حلو .. وقريب بنوصل

مريم يعني ما وصلنا .. عيل انام احسن ..

ضحك عليها بحنان ومسح على شعرها اي نامي بس نوصل بصحييج ..

وبعد 4 ساعات وصلوا وأمير صحى مريم ونزلوا من الطياره .. كانت لاموزين تنطرهم

مريم كانت حاسة نفسها أميره كان مدللها آخر دلال وكل شي مخطط له من قبل

دخلوا المنطقه اللي فيها الفندق كانت خيالية شي مو طبيعي

مريم تتلفت مو مصدقه حبيبي احناا .. وين .. اللاااااااااااااااي .. شوووف .. شوووف هذاااا ؟؟؟

أمير بابتسامه الحين تعرفين حبيبتي ..

انا بصراحة تعمدت انزل لكم البارتين مع بعض عشاان تندمجون أكثر مع الاحدااث

ابي رااايكم اذا عجبوكم

البارتات

وعن الاحدااث اللي فيه

ابيكم تتوقعون الاحدااث القادمة

في قصتناا

شنو بصير في ابطالنا

مريم وأمير

يوسف وساره

مي وبدر

؟؟؟؟؟

الجزء الثاني والاربعين

وبعد 4 ساعات وصلوا وأمير صحى مريم ونزلوا من الطياره .. كانت لاموزين تنطرهم

مريم كانت حاسة نفسها أميره كان مدللها آخر دلال وكل شي مخطط له من قبل

دخلوا المنطقه اللي فيها الفندق كانت خيالية شي مو طبيعي

مريم تتلفت مو مصدقه حبيبي احناا .. وين .. اللاااااااااااااااي .. شوووف .. شوووف هذاااا ؟؟؟

أمير بابتسامه الحين تعرفين حبيبتي ..

وصلوا الفندق وهو عباره شاليهات صغيره على البحر

شاليه معاريسنا كان نظام ستوديو جدرانه ورق أحمر مزين بالورود والقلوب البيضا ومكتوب بكل مكان Just married وفيه حديقة خاصة على البحر يطلعون لها من البلكون الارضية وفي باب ثاني له مسبح داخلي مسكر للخصوصية طبعا وأوراق الورد الاحمر طافح فوق الماي وأكواب الشموع الاحمر منتشرين بكل مكان حوالين المسبح وداخل الغرفة محاوطين السرير والتسريحة وعلى الارضية الخشبية في الغرفة وريحتها جنان

مريم كانت تتفحص المكان وهي مو مصدقه الشاليه من داخل كأنه قصر كل شي فخم السرير من خشب السنديان بستايل ياباني والفراش حرير أحمر حتى الاضاءه كانت خافته وحمره

مريم راحت لأمير وضمته من خصره الله لا يحرمني منك .. كل هذا عشااني ..

أمير رفعها عيل عشان أمي .. أكيد عشانج .. عشان حبي ..

مريم زين احنا وين ؟؟ للحين انا ما اعرف انا في وين ..

أمير لازم تعرفيين يعني .. مو مهم اهم شي انتي معااي .. صح ولا انا غلطان ..

مريم ابتسمت وهزت راسها بالايجاب

أمير حبيبتي .. روحي اخذي شاور .. اكيد تعبتي من طول الرحله

مريم للحين حاضنته وانت وين بتروح ؟؟

أمير بطلب لنا اكل .. وباخذ شاور

مريم كانت عيونها على باب المسبح أموووووري .. ابي اتسبح هناك ..

وهي تأشر على المسبح بدلع

أمير رفعها من على خصره ومسك يدها وجرها للباب الزجاجي وفتحه اخذي راحتج حبيبتي

مريم ابتسمت له وهو سكر الباب عليها

فصخت ثيابها وقعدت بس بالداخلي وكان طقم أحمر من نعومي

أمير كان ماسك سماعة التلفون بيطلب أكل بس لمح خيالها من الباب الزجاجي لان مزكرش فالرؤيا مو واضحة

وقف على طوله وابتسم فصخ التيشرت والبرمودا وقعد بالبوكسر الاسود

مريم كانت واقفة على طرف المسبح وكل شوي تنزل أطراف أصابع ريلها تتحسس الماي تلقاه بارد تطلع ريلها بسرعة

فتح الباب ومريم ألتفت له واستحت ان شافها بالطقم الداخلي انقلب لونها وصاروا خدودها طماط

أمير ضحك على شكلها ههههههه .. يصير اتسبح معاج ؟؟

مريم خلاص وصلت حدها ضمت يدينها وحطتهم على خدودها وهزت راسها بالموافقه

أمير مو قادر يتحمل شكلها انفجر ضحك هههههههههههههههههههههههههههههه .. زين تعالي .. تعالي

راح اخذها بحضنه يخفف عنها شوي ويلامس دفى جسمه بجسمها و يمسح شعرها ويبعدها عن اذنها عشان يهمس لها أحبج ..

مريم رخت نفسها شوي وانا أحبك ..

أمير للحين على وضعيته وصار يمايلها بهدوء اذا منحرجة مني بروح .. بخليج تاخذين راحتج ..

مريم صارت شفايفها على رقبته وهو بعد حس بحراره أنفاسها شد بضمته لها وهي حست انها ضاعت بين ضلوعه

حركت شفايفها وهمست له كنت منحرجة .. بس الحين لا ..

أمير ارتاح من سمع كلامها ونزل تحت الماي شوي شوي يالله .. تعالي حبيبتي

مد ذراعينه لها وهي قعدت على السور وهو مسكها من خصرها ونزلها على راحه عشان ما تخترع من الماي

مريم بردت من الماي وتعلقت فيه سسسسسسأأأأححححح .. بااارد ..

أمير حضنها وغطس نفسه وغطسها معاااه

رفعوا روحهم وشعرهم لازق على ويهم من الماي ولونه انقلب أحمر وأوراق الورد متعلقة بشعرهم وويهم

مد يده يبعد شعرها عن ويهها ويشيل الاوراق الحمره هاا حبيبي للحين بردانه ؟؟

مريم بدت تاخذ على الوضع لا .. صار الماي دافي ..

أمير لفها وضمها من وراها مريووم ؟؟

مريم مسنده راسها على جتفه وبصوت كله دلع هممممم ..

أمير فرحاااااانه ؟؟

مريم ابتسمت ودارت له وعيونها راحت في عيونه فرحاااااانه ؟؟ الا حاسة نفسي بحلم وخايفه اصحى منه ..

حط يدينه على خدودها وباحساس صادق لا مو حلم يا روحي .. انا قطعت عهد على نفسي اني اعيشج أحلى أيام حياتنا .. اعيشج مثل الاميره .. أعوضج عن كل عذابج اللي ذقتيه بسببي .. انسيج اللي راح .. انومج كل ليلة بحضني وبصدري أصير لج مخدتج .. انتي اهم شي بحياة محمد أمير كراشي .. انتي اللي عطيتيني احلى احساس بالدنيا .. علمتيني اشلون احب .. علمتيني اشلون احزن .. علمتيني اشلون اموت اذا فارقتج .. انتي يا مريم كل شي .. وبدونج انا ولا شي .. تصدقيني لو اقولج .. ان قلبي كان اسود حاقد ما يعرف الرحمه .. بس لما انتي دخلتيه غيرتي فيه كل شي .. انا لج يا مريم وبين يديج .. أحبج يا قلبي .. والله أحبج

لمعت عيونه بدمعه مريم تلقتها وانا أحبك يا أغلى ناسي .. انت بالنسبة لي الحياه .. تعرف يعني شنو الحياه .. اذا تفارقني يعني تنفيني من الوجود .. انا اضييع بهالدنيا اذا ما تكون يمي .. أمير أحبك وربي اللي خلقني أحبك ..

مريم رفعت يدينها على خدوده وضمت ويهه مثله وقربت منه أكثر

أمير كانت عيونه ثايره ولمعتها فاضت صار خشمه على خشمها وأنفاسهم تتبادل كل واحد ياخذ هوا الثاني

تلامست شفايفهم بكل هدوء ومريم مالت براسها ونزلت يدينها وأمير تحركت يدينه وصارت فوق شعرها وغمر أصابعه بين خصلاتها وهي بعد دخلت أصابعها بشعره وصاروا بنص المسبح والاواق تلف عليهم وما في ضوى غير ضوى شموع حبهم

كانوا ضامين بعض وعايفين العالم باللي فيه

في مطار شيراااز

كانوا البنات واقفين ينطرون المدخل ينفتح عشان يصعدون الطياره

مي اففففففف .. يعني لازم ريلي يكون الطيااار .. ابيه يقعد يمي .. شهالحاله ياااربي

نور ذبحتينا بهالريل .. خليه يقعدج معااه جدام وفكينا .. اشوى اني ما بلشت عمري وحبيت .. جان من زمان استخفيت مثلكم ..

أبرار خليها .. ريلها ومحتره ان ما بيقعد يمها في الطياره .. لو انا مكانها كنت بمووت قهر ..

لجين بحالمية اي والله بدر شحلاته الله يهنيج فيه يا مي .. ويرزقني بواحد مثله او مثل أمير

مي ابتسمت للجين انهم ظلوا طول الوقت صاحيين ويسولفون واخذوا على بعض وهي ارتاحت لها وحست بتغييرها

ساره كانت بعالم ثاني بعد ما شبكت دمعتها بالسلسلة ولبستها برقبتها صارت يدها على طول تتحسسها بأصابعها وتتذكر اللي صار

يوسف كان يراقبها طول الوقت ويشوفها ماسكة الدمعة وده يروح لها ويكلمها بس يدري انها بتصده

فتحوا البوابة والكل دخل الا ساره دخلت آخر وحده لانها كانت تلم أغراضها اللي طاحوا من شنطتها وأول ما دخلت لقت الفيرست كلاس مليان ويوسف قاعد بآخر كرسي ومسند راسه على ورى ومغمض عينه ولان الطياره مو محجوزه كامل لهم معاهم ناس غرب راحت للاكومنمكز لقته فل واللي ماخذه مقعدين

انصدمت راحت كلمت المضيفه بس محد راضي يتنازل كانوا واقفين بالنص بين البزنز مان والاكونمكز

ساره بطول بال يعني اقضي الرحله وانا واقفه ولا شنوو ؟؟

المضيفه بحاول أكلم اللي بالاكونومكز .. يمكن ام الولد تتنازل ..

ساره فتحت عيونها تحاول تنزل صوتها تحاولييييييين ؟؟ شنو تحاوليييييييييييين ؟؟ ابي اقعد .. تصرفي

المضيفه والله مو بيدي .. محد راضي يتنازل ..

ساره تعرفين ان كابتن بدر اخووي .. تبيني اروح اقعد عنده واقوله التيم اللي عندك ما يصلحون لشي .. مكان مو لاقية لي .. شهالفوضى ..

المضيفه طلت على البزنز مان لقت الكرسي اللي يم يوسف فاضي

ابتسمت لساره يصير تقعدين يم هذا الراكب ..

ساره عرفت قصدها لا .. يم هذا لا ..

المضيفه احتارت معاها حيرتيني .. شسوي كل شي مو عاجبج ..

ساره مو عاجبني .. هيييي انتي .. تحجي عدل .. انتي اللي مو عارفة ترتبين الركاب ومخليه كل واحد على كيفه ..

حست بيد ماسكه ذراعها وساحبتها بالقوه خلاص انتي روحي شوفي شغلج .. يالله جدامي ..

قعدها غصب على الكرسي اللي يمه وقعد يمها

ساره شوي وتنفجر بس كتمت غيضها ولفت على الدريشة

يوسف رجع غمض عينه يبي يسترخي

كلها دقايق بسيطة وفتحها مره ثانية ما قدر يحكم نفسه لما شافها ماسكة الدمعة اللي فوق صدرها وضامة شفايفها بالقوه وكأنها تبي تحبس الدمعة اللي بعينها غصب

مد يده وحطاها على يدها اللي ماسكه فيها دمعتها

ساره انتبهت له ونزلت يدها عشان يبعد يده

يوسف اخذ يدها وسحبها غصب انتي شفييج ؟؟ قلتلج كنت اتغشمر .. ليش تسوين جذي .. ترى ماله داعي

ساره لافه ويهها وحاقرته

يوسف حط أصابعه على ذقنها ولفها ليش ساكته ؟؟ اذا فيه شي بقلبج قوليه لا تخلينه بقلبج .. عصبي علي .. هاوشيني .. طقيني اذا يريحج .. ردي لطبيعتج بس لا تسكتين ..

ساره نزلت دموعها مو قادر تتكلم مو قادره ترجع على طبيعتها مو قادره تهاوشه وتاخذ حقها منه

يتبع

في صالة الوصول

مي كانت واقفة وتنطره يطلع لان الكابتن ولازم يتأكد من كل شي ويوقع على وثيقة الوصول واخلاء المسؤوليه كالعاده

شافته يمشي ببدلته وهو جار شنطته الترولي

لمحها واقفه يم ابوها وأشر لها

مي ما صدقت وصل لها نطت عليه اشتقت لك

بدر بادلها بضمته انا أكثر يا قلبي ..

نسوا العالم والناس حتى ابوها اللي يمها نسته كانت مشتاقه حتى لصوته وهو مشتاق لريحتها

أبو مي حس وجوده مو ضروري انسحب وخلاهم بروحهم

مي رفعت روحها أحبك ..

بدر وانا أحبج .. يالله حبيبتي .. ما بقينا الا انا وانتي الكل راح ..

ضمت ذراعه ومشت معااه وطلعوا من من المطار

في شاليه المعاريس

مريم لفت نفسها بشرشف السرير وركضت على الحمام كان نص الباب زجاج مزكرش والنص الثاني خشب دخلت وسكرت الباب وطاح الشرشف على الارض

صرخ عليها ههههههههههه .. مريوم .. قاعد اشووف ترى واضح ..

مريم يالعيااااااااار .. لا تجذب ما يبين ..

أمير والله يبين .. حتى شوفيني ..

مريم انصدمت فيه واقف ويشوفها بس ما كان واضح أمووووووووور .. روح عني ابي اتسبح ..

أمير امج قالت لي انتي ما تعرفين تتسبحين بروحج ..

مريم شقاااااااااااااالولك .. أخاااف من الماي .. ولا شنووو ؟؟

أمير لا تخافيين من الوحده .. فتحي الباب خليني اونسج ..

مريم يااااااااااربي .. أموووري .. شفيييك ؟؟ ما تشبع ؟؟ تقص علي اول بتسبح معاااج .. وبعديييييين ......

أمير اي كملي ... وبعديييييين ؟؟؟؟؟؟؟؟؟

وهو فاتح الباب

مريم صرخت اميييييير .. اطلع بررررررى .. ابي اتسبح صجججج ..

أمير وهو يغمز لها وانا بعد ابي اتسبح صج .. وما في الا حمام واحد ..

راح وحملها ومريم صرخت أمييييييييييير .. لاااااااااااا ..

ساره وصلت بيت مريم واخذت شاور وعلى طول مسكت تلفونها هلا حبيبي

دافن روحه تحت الغطى فوق فراشه اشتقت لصوتج .. حبيبتي ؟؟

ساره وهي تلبس لانها توها طالعه من الحمام هممممممممم

يوسف ابي اطلب منج طلب ؟؟

ساره قعدت وفتحت السبيكر لانها تنشف شعرها بالفوطه آمر .. عيوني لك ..

يوسف ابيج تفصخين الدمعة .. ما ابي اشوفج لابستها .. عشااان خاطري اذا كان لي عندج خاطر ..

ساره من عيوني ..

فصختها ودخلت داخل صندوقها وسكرت الدرج

ساره خلاص حبيبي .. ما راح تشوفها ..

يوسف ما ابي اشوفها لا بعيونج ولا على رقبتج ..

استمرت مكالمتهم لحد ما رقد يوسف على التلفون وساره ضحكت عليه وسكرت ونامت ..

مي نزلت من السياره بدوور تعال معاااي ...

بدر نزل وراح لها لا ميونه حبيبتي .. الحين ظهر فشلة بالليل أمرج ان شاءالله ..

مي والله ما شبعت منك .. زين بنصعد غرفتي على طول .. شوف ما في احد ماما مو هني .. وبابا مر الشركة وهااني اكيد رااقد .. يالله حبيبي ..

بدر مي شوفي حالتي .. انا للحين بثياب الشغل .. وفشلة ادخل غرفتج جني حرااامي .. وقبل ما يصير العرس ..

مي فتحت باب السياره خلاص انا بروح معااك بيتك ..

بدر مي حبيبتي ما يصير .. شتبين ابووج يقول عني ..

مي يقول راحت مع ريلها تونسه وتقعد معااه والمغرب تييبني .. يالله اركب ..

بدر ابتسم وركب السياره مره ثانية متوجه لبيته بعد ما تركوه له خواته وراحوا سكنو مع مريم ..

طلعوا من الحمام وكل واحد لابس الروب الخاص فيه كانوا مجهزين بالحمام بطريقة متناسقة مع نعالهم وفوطة الشعر

أمير كان حاطة الفوطة على جتفه ويحركها يمين ويسار

أما مريم فكانت رافعتها بشعرها على فوق أموررررري .. وين شنطتي ؟؟

أمير دار جسمه لها ورفع حاجب واحد مستغرب اي شنطة ؟؟

مريم فتحت عينها مصدومة الشنطة اللي عطتني اياها مي وانا طالعة .. شسوي ما جهزت نفسي ولا شريت لي شي .. قلت اخذلي جم قطعة من ثيابها .. حبيبي لا تقول ما يبتها ..

أمير هه .. طبعا ما يبتها ..

مريم انصفق ويهها ليييييييييييش ؟؟ ليييييش ؟؟ شلبس الحين انا .. ما عندي ولا شي غير الجنز والقميص اللي ييت فيهم .. ولا شووز ولا .. ميك اب .. ولا شي .. افففففففففففف

راحت قعدت على كرسي التسريحة وحطت يدها على خدها مهمومة

أمير راح فتح باب الكبت ما عاش اللي يضايق مريومتي الحلوه .. شووفي ..

مريم نطت على الكبت شنوووو هذاااااا ؟؟؟

وصارت تمرر أصابعها على الثياب المعلقة مبهورة فيهم

أمير حضنها من وراها ونزل راسه على رقبتها وباسها انا عروستي ما تدخل بدون جهااز ..

مريم صارت تقلب بالثياب وقمصان النوم هذول يدد ؟؟ أميير متى شريتهم ..

يتبع

مريم صارت تقلب بالثياب وقمصان النوم هذول يدد ؟؟ أميير متى شريتهم ..

أمير أكيد يدد حبيبتي .. انتي حرم الدكتور محمد أمير كراشي .. لازم تلبس وتتجهز باللي يليق فيها .. هذول يا روحي شريتهم لما كنت بلندن شهر وانا كل يوم انزل السوق وكلما اشتقلتلج اتخيلج لابستهم بدل الميليكان .. شووفي .. هذوول كلهم اشتهيت اشوفهم عليج ..

فتح الباب الثاني شوفي .. هذوول بعد .. واللي ما قدرت اشتريه انا بعوضج عنه هني وبأي مكان نروح تشترين اللي ناقصج ..

مريم لفت جسمها له وطالعته بنظره كأنها مو قادره تنطق صفنت لمدة ثواني واختنقت بعبرتها حبيبي .. اللي تسويه وااايد .. والله واااايد .. يبت اهلي واهلك وخطبتني من اول ويديد وسويت لي عرس خياااال .. كل البنات تحلم فييه .. ويبتني هني .. وقاعد تعيشني احلى ايامي .. وهذول اللي اخترتهم من اشهر محلات بالعالم .. واللي قاعد تسويه أكثر بعد .. اخااف اكون ما استاهل ..

سكتها وأخذها بحضنه اصصصصصص .. ما ابي اسمع كلمة ما استاااهل .. انتي اللي تستاهلين .. تعرفين ليش ؟؟

مريم ليش ؟؟؟

أمير لانج أكثر شخص مهم بحياتي .. تعرفين انج مالكتني .. بيدج حياتي وبيدج بعد مماتي ..

مريم بدت تلمع عيونها بالدمعة أخاف يكون حلم .. أخاف اصحى منه .. أمير انا أحبك وخايفة افقدك ..

أمير شد بحضنته ودفنها بين ضلوعه تفقدين الموت حبيبتي ان شاءالله ..ما ابي اسمع منج هالكلام حياتي .. انتي مو بحلم انتي معاااي انا أمير أكثر شخص تحبينه ويحبج .. واحنا هني بجزر الكناري بأسبانيا .. واليوم انا دخلت علييج هني وفوق هذا السرير .. وكنا اسعد عرسان .. ما ابي تشكريني على شي هو بالاساس من ابسط حقوقج .. كل اللي سويته نقطة ببحر من اللي لازم اسويه لج .. انتي قطعة من قلبي .. شوفيني يا مريم .. عايش على انفاسج .. أحبج وأحب ريحتج

وسحب الفوطه وفل شعرها ودخل أصابعه بين خصلها وأحب شعرج .. كل شي فيج احبه ..

مريم ابتسمت الله لا يحرمني منك .. ولا من حبك وحنانك .. انا أعشقك .. وأموت فيك .. انت يا أمير حافظت علي كنت عايشه معاك بشقتك أسبوع كامل ما فكرت تلمسني وتهين كرامتي .. حتى بعد ما حاول أيوووب ........

أمير يمسح على شعرها اصصصصصصصص .. حبيبتي .. انا احبج لنفسج مو لشي ثاااني .. ما ابيج تتذكرين شي نسينااه أكثر من سنة .. انتي لي انا وحلالي انا ... ومستحيل ألمسج وانتي مو زوجتي .. الحب شي والزواج شي ثاني .. ما كان لي الحق اتعدى حدود الله حرمها علينا .. اناااااااا اذووووووب فيج وبحلاج .. عسااج دوم بقربي وباحضاني .. الله لا يفرقنا يالغالية ..

أختارت لها مريم قميص نوم ستان أبيض طويل وفيه فتحات طويلة لنص الفخذ علاقي بشرايط ناعمه بالصدر دانتيل شفاف وبالظهر موصل بخيوط على شكل أكس لنهاية الظهر ولبست فوقه الروب الخاص فروا على رقبتها ويدينها واسعه من الدانتيل وبعد فيه فتحات للفخذ موصل مع القميص ولبست نعاله الخاص طلعت من الحمام لقت أمير لابس سروال ازرق مقلم وبدي مكتف مبين وسامة جسمه وطولة الجذاب راحت وحضنته من خصره

فيني النووم ..

أمير مشاها لطاولة الاكل ناكل وبعدها ننام .. يالله حبيبتي ..

وقعدوا على الطاوله ياكلون ويسولفون عن اللي صار وعن العرس وعن حياتهم ومستقبلهم مع بعض

مي وبدر دخلوا في بيته ومي كان عادة نفسها صاحبة البيت سبقته على غرفة ساره أخذت من كبتها ثياب ودخلت الحمام خذت شاور بالوقت اللي بدر دخل يتسبح

طلعت وهي لابسه بجامة ستان شورت لنص الفخذ وبدي علاقي باللون المووف الفاتج تعطرت ونشفت شعرها بالاستشواار وراحت له غرفته لقته للحين في الحمام

انسدحت على السرير تنطره بس هو تأخر لان بدر ينسى عمره تحت الماي

بعد ربع ساعة طلع من الحمام ولاف الفوطه على خصره والماي يقطر من شعره ابتسم لما شافها نايمة ما قدرت تصبر نفسها نامت على الفراش بالعرض وشعرها منتشر عليه ومكوره ريلها وباين عليها بردانه

لبس شورت لنص فخذه أسود وبدي ضاغط على جسمه وتعطر ونشف شعره بالفوطه وراح قرب منها وصفن بهدوء بملامحها وبنفسه يالله يا مي .. شكثر كنت اعمى .. عمر وانتي جدامي وانا ما اشوفج ولا اسمع دقات قلبج .. سامحيني حبيبتي .. اوعدج اعوضج عن كل سنين عمرج اللي تعبتي فيها وانتي تفهميني وانا مو راضي افهم .. حبيبة قلبي .. لازم اعجل بالعرس بسرعة ..

حملها بهدوء وغطاها باللحاف وانسدح يمها واخذ راسها ووسده بذراعه وقعد يمسح على شعرها لحد ما غفت عينه ونااام ..

فتحت عينها لقت ريلها للحين نايم وهي نايمه على صدره وهو الثاني مايل برقبته على الجهة الثانية

ابتسمت على ملامحه المرهقة وباسته على شفايفه وهو فتح عينه وابتسم لها صح النوم حبيبتي ..

مدت أصابعها ترتب حواجبه صح بدنك يالغالي ..

سحبها وهي ارتمت على صدره مره ثانيه أهوون علييج ؟؟ تخليني كل هالوقت نايم ؟؟ اشتقتلج حتى وانتي على صدري ..

ابتسمت بخجل وقامت عنه وهو سحبها مره ثالثه وين رايحه ؟؟ انا ريلج وللحين ما اذنت لج تقومين ...

خزرت فيه انا مرتك لو جاريتك ؟؟

ضمها بقوه انتي حبيبتي قبل ما تصيرين مرتي .. أحبج

باسها على جبينها يالله قومي تجهزي بنطلع نسهر

مريم بفررررررح صجججججججججج ؟؟!!!!!!!!!!

أمير اي حبيبتي .. قومي تجهزي قبل ما اغير رايي .. وانام وانومج معاي ..

مريم نطت من فوق السرير لا كل شي ولا تهون .. عطني ساعة واجهز ..

أمير ساااااااعة ؟؟!!!!!!

مريم انا عطيتك اياها من الاخر عشان ما تقول أخرتك .. تبيني اقول 10 دقايق وبعدها اتأخر وتعصب علي ..

امير دفن ويهه بنص المخده زين انا برقد بعد شوي .. لاني بعشر دقايق اجهز ..

مريم ما ردت عليه طلعت لها فستان أسود ساده وماسك عليها ومن فوق قصته على شكل عيون لبسته ولبست معاه جوراب اسود طويل شفاف ولبست شوز أسود ساده بكعب عالي وحلق لولو صغار وقلاده مكونه من لئآلئ واصله لخصرها وساعة بعد لولو صغار وبعدستها فصوص ألماس وخاتم خطوبتها بيدها اليمين ومحبس زواجها باليسار

حطت لها مكياج هادئ آي لاينر دخاني وروج أحمر فاقع

تعطرت بعطرها الشانيل اللي شراه لها أمير مع الاغراض

خلصت وقعدت تتأمل شكلها اذا يحتاج له تعديل وهو نزل بجسمه وراها ولف عقد لولو خالص على رقبتها صغير وماسك فيها وبالنص قطعة بلاتين مرصع بالالماس اسم مريم أكبري ..

مريم انبهرت فيه وااااااااااو .. شنووو هذاا ؟؟

أمير هدية زواجج يا عروس ..

مريم بس انت عطيتني هدية زواجي امس ..

أمير لا يا روحي .. هذي هديتج لاني صرتي مره الحين ..

مريم استحت ونزلت عيونها وقعدت تنطره يجهز

أمير لبس بدله سوده من بدلاته الديور مع الشوز الخاص فيها وقميصها أبيض وتايها اسود ضعيف كان خامها لماع بلمعة مطفية وشعره كان على طبيعته ونازل على عينه وهو يحاول يسرحه على ورى ويبعده عن ويهه .. لبس ساعة الاكوست وتعطر وحمل بوكه وراح وقف عند الباب يا الله يا أحلى أميره ..

مريم راحت تمشي له وهي تتأمل كشخته وهو طاير عقله فيها وهو حامل لها الجاكيت الفرو الاسود لبسي حبيبتي برى الجو بارد ..

مريم وهي تلبسه بس هني زين ..

أمير لان في نظام تدفئه ..

مريم بخوف وانت ما بتلبس شي ؟؟

أمير أكا لبست هذا الجاكيت الطويل من داخل صوف .. يدفيني واذا تبين يدفيج انتي بعد ..

مريم ابتسمت زين يالله ..

أمير شنو يالله .. صبري خليني استطعم من هذا الحلو أول ..

بدر وهو يسحب فيها مي قومي يا روحي .. ابوج يتصل .. ما يصير ..

مي ولا كأنها تسمع غاطه بنوم عمييق

بدر مجلس قعدتها وهو يضرب على خدها مي .. قومي .. صارت الساعة عشر .. اهلج يبونج .. ياااااربي انا شماخذ لي .. معقوله على كل اللي سويته مو راضية تصحى .. مي .. مي

مي تسمعه وصاحيه بس تعانده ما تبي ترد البيت .. تبي تقعد معاااه

بدر يأس منها وحملها للحمام ووقفها مي شووفي الماي ثلج اذا ما تصحين بسبحج بالماي البارد ..

مي اخترعت وفتحت عينها لا بس خلاص .. خلاص ..انا صاحية .. صاحية من زمان اصلا وركضت برى الحمام على غرفة ساره تبي تبدل

وبدر انفجر ضحك على شكلها وراح يطلع له ثياب عشان يبدل

في بيت ابو مي

صاير حرب كلمة صرااع قليلة عليه

أم مي ترد وتروح معااه وهو بس مالج عليها ... بس تيي انا اوريها .. والله بذبحها بيدي ...

هااني ماما .. شهالحجي البنت على ذمته .. وحتى لو راحت معااه ولمسها حلاله .. ما يصير

أم مي لا يصير .. ما يحق له يلمسها وهو للحين ما سوى لها عرس ولا دفع مهرها .. حرااااام ..

أبو مي حرام شنو .. تحرمين اللي الله حلله .. وبعدين هي اللي رفضت تاخذ منه مهر ..

هاني شتبي في الفلوس .. عندها الخير وايد .. احنا نشتري ريال يحبها ويصونها ويحافظ عليها .. ولا شراايك بابا ؟؟

ابو مي صح كلامك يا ولدي .. بس عااد من اللي يفهم ..

ام مي انا ما افهم .. وبس تيي حسابها عندي .. هالحمااااره صج ما عرفت اربيها ...

مريم طفشت منه أميييييييييير .. وبعدين معاااك .. هذي ثالث مره احط الروج وانت تمسحه .. تعال شوف ويهي صرت ارجوز ..

أمير كاتمة ضحكته شسوي .. ما اقدر احكم نفسي لاتحطين هالالوان ..انذبح ..

مريم غيرت اللون .. حطيت كل الالوان بس انت متعمد تشتري هالالوان .. كلها فاقعة .. بس مو طالعة ..

أمير أحسن ..

مريم مصدومة أحسن شنوو .. صار لي ساعة وانا اتجهز وبعدين تقول أحسن ..

أمير اي لاني ما شبعت منج ..

يتبع ,,,,

👇👇👇

تعديل المقال