رواية عذبتني باسباب فرقاك -33

رواية عذبتني باسباب فرقاك -33

مريم طفشت منه أميييييييييير .. وبعدين معاااك .. هذي ثالث مره احط الروج وانت تمسحه .. تعال شوف ويهي صرت ارجوز ..

أمير كاتمة ضحكته شسوي .. ما اقدر احكم نفسي لاتحطين هالالوان ..انذبح ..

مريم غيرت اللون .. حطيت كل الالوان بس انت متعمد تشتري هالالوان .. كلها فاقعة .. بس مو طالعة ..

أمير أحسن ..

مريم مصدومة أحسن شنوو .. صار لي ساعة وانا اتجهز وبعدين تقول أحسن ..

أمير اي لاني ما شبعت منج ..

وسحبها لداخل الشاليه مره ثانية

ومريم أمييييييييييييير .. لا ..

لا حياة لمن تنادي ...................

رجعوا مي وبدر بيت

ابو مي بعد ما راحوا تعشوا واستانسوا يعني دخلوا على الساعة 12

بدر فتح باب البيت بمفتاح مي وانصدم بشكل امها واقفه على الباب من داخل والشرار يتطاير من عيونها متجتفه وتهز ريلها بقوه

توقعاااتكم

؟؟؟؟؟

شبتسوي أم مي في بنتهاا وزوجهاا

معقولة ترضى وتتقتنع فيه

ولا تركب رااسها أكثر

ان شاءالله ما تاخر عليكم

حباااايبي

الجزء الثالث والاربعين

وصلوا بدر ومي عند بيت ابو مي بعد ما راحوا تعشوا واستانسوا يعني دخلوا على الساعة 12

بدر فتح باب البيت بمفتاح مي وانصدم بشكل امها واقفه على الباب من داخل والشرار يتطاير من عيونها متجتفه وتهز ريلها بقوه

مي خافت من شكل امها واعتفست ملامحها وعيونها على بدر

بدر كان مستغرب من اللي يشوفه وحالة مي شبك يد مي ودخلها داخل البيت

تقدمت ام مي بخطواتها حمدلله على السلامه .. جان عطيتونا خبر نفرش لكم الارض سجاد أحمر ونييب لكم طقاقة تزفكم ..

بدر مصدوم وبنفس الوقت مو فاهم شي وعيونه على مي كانت تحاول تحتمي فيه وتتخفى ورى ظهره

أم مي وقفت قبال بدر اشفييك ساكت ؟؟ لو تسوي روحك ما تدري .. ما تدري اني مو راضية عن هالزوااج .. ابوها زوجها من وراي .. انا ما ابي بنتي تاخذ واحد مثلك ..

بدر هه .. وليش ان شاءالله ؟؟

أم مي لانك ما تستاهلها .. ومو من مستوانا .. انا ما ازوج بنتي لواحد فقير وابوه قاطه وما سأل عنه .. ولا وبعد طياار

بدر كان يسمع الكلام حس بنغزه في قلبه انجرح من كلام ام زوجته اللي هي بمكان المرحومه امه كل شي مستعد يتقبله الا ان احد يعايره بأبوه .. لان تعب من صغره والناس تعتبره يتيم وتربية مره

غمض عينه وسحب نفس طويل مشكوره . ايي منج أكثر ..

مي دموعها كانوا يتكلمون عنها عيونها على بدر حبيبي .. ماما ماتقصد ..

أم مي بصراااخ لا اقصد .. طلق بنتي بالطيب احسنلك .. لا والله العظيم اقلب الدنيا كلها فوق راسك .. انت ما تعرفني زين ..

بدر ابتسم يبي يتدارك غضبه ورده فعله انا صح غلطت .. وتزوجت مي من وراج .. وما خطبتها الخطبة اللي تلييق فيها .. ومن حقج تعصبين وتصرخين ..

ومن بين اسنانه يحاول يكتم غصبه بس اللي مو من حقج تهينيني وتييبين طاري المرحومه بالغلط .. انا يمكن فقير .. بس ريال .. وما اسمحلج تغلطين في امي وهي تحت تربتها ... امي اللي عاشت عمرها تربيني .. كانت أمنيتها تزوجني وتشوف عيالي بس الله ما كتب ..

أم مي انت اللي جبرتني اقولك اللي قلته .. ومثل ما دخلنا بالمعروف نطلع بالمعروف

مي بصياااح ماما .. بس حراام عليج ..

بدر مو قادر يشوف صياحها بس حبيبتي لا تصيحين ..

أم مي بحده خلها تصيح .. باجر بتصيح أكثر .. روحي شوفي رفيجتج عرفت من تختار .. ماخذه دكتور وولد سلمان كراشي .. مو انتي يالغبية ما لقيتي غير طيار منتف

بدر يحاول يصبر نفسه عليها انا راتبي الحمدلله مو شوي .. وعندي بيت شكبره .. ما يحتاج تكون عندي ملايين عشان اكبر بعينج ..

أم مي رفعت يدها تبي تطق مي وبدر تلاقها ومسكها بالقوه وعض على اسنانه بحده والشرار بدى يشع من عينه اللي جدامج يااااااهل ؟؟ تمدين يدج على مرتي وانا واقف هه .. شكلج ما عرفتيني .. انا بدر أحمد تقي أكبري .. يمكن اكون عندج فقير .. معدم .. بس قبل كل شي انا ريال .. طولت بالي عليج وااااايد .. قلت مره كبيره بمقام المرحومة ..صدقيني مو عشانج .. لا عشان زوجتي .. لانج مهما يكون راح تكونين امها ويدة عيالها .. قلت الحين تسكت .. الحين تكسر الشر .. بس الظاهر ما في فايده .. وصلت فييج انج تمدين يدج عليها وانا واقف شعبالج طوف ولا ريل كرسي .. يكون بعلمج هذي مرتي وانا ما راح اطلقها الا اذا هي طلبت مني .. لا انتي ولا اللي اكبر منج بتقدرون تجبروني اطلقها ..

ام مي سحبت يدها بالقوه بتطلقها وريلك فوق راسك .. قوليله يا مي ..

مي تصيح وتهز راسها بالنفي لا .. ماما .. ابيه هذا ريلي ..

بدر مسك يد مي حلمي .. الحلم ببلاش .. يالله حبيبتي ..

ودار ويهه لامها انتي اللي جبرتيني على هالشي .. انا باخذ زوجتي معاااي .. بمنعها من شوفتج ..

مي كانت في صراع وبين نارين عيونها تتنقل بين امها وزوجها حبيبي .. هذا بيت بابا .. وين اروح ؟؟ ما يصير اعيش معاك واحنا للحين ما اشهرنا بزواجنا ..

بدر ما بوديج بيتي .. يالله مشينا .. والعرس جريب ان شاءالله ..

أم مي بصرااخ والله اذا رحتي يا مي بزعل منج ولا بسامحج طول عمري ..

ابو مي نزل من فوق الدرج خليها تروح مع ريلها يا منى .. روحي بابا الله يسعدج ..

مي ضحكت من بين دموعها وحضنت بدر من خصره ومشت ولا على بالها احد وهو بعد مسكها من خصرها وباس جبينها وطلعوا من الفيلا كلها

ام مي احتدت الاشتباكات بينها وبين زوجها

ام مي تكسر كلامي جدام بنتي وهالغريب

ابو مي مو غريب .. هذا زوجها ..

ام مي خله يردها ويصير خير .. بفكر بالموضوع ..

ابو مي هه .. شعقبه ؟؟ عقب ما كسرتي فرحتهم .. مساكيين يايين وفرحانين .. ابي اعرف انتي ليش ما تبين الولد ؟؟ والله انه يحب البنت وشاريها ؟؟ تبينها تاخذ كريمو ولد امه .. لا انا عطيتها ريال .. ما شفتيه اشلون حماها منج وانتي امها .. اشلون الغريب .. ترااه مو فقير حالته احسن من غيره .. واحنا شنبي بالفلوس .. عندنا خير من الله .. احنا نبي ريال يحافظ عليها ويصونها ويحميها ..

ام مي اوووووووه الحجي معاك ضايع .. انا اعرف اشلون اردها

وركبت فوق وتركت ابو مي يكفكف بيدينه

في سياره بدر

مي تشاااهق حبيبي .. انا ما لي خص .. انحشت من البيت بسببها .. انا أحبك وأبيك .. ما اقدر اعيش بدونك

بدر وقف السياره على جهة اليمين وزفر بضييييق خلاص حبيبتي .. حصل خيير .. انا اللي مضايقني اني ما توقعت تكون جذي .. ما توقعت تكرهني لهدرجة .. تبي تفرقنا يا مي .. امج تبي تفرقنا تعرفين يعني شنو تفرقنا ..

مي ارتفع صوتها بالصياح عارفة حبيبي .. وخايفه .. اخاف تسوي اللي براسها .. والله ما اقدر اعيش بدونك .. خذني معاك ما ابي عرس ولا شهر عسل ولا شي ... بس خلني معاك وبحضنك ..

بدر غمض عينه وسحبها وضماها بقوه لصدره لا حبيبتي .. مستحيل تدخلين بيتي بدون عرس .. مي .. هذا حقج ولازم تاخذينه بالكامل .. وانا مو مستعد افرط فييج .. انتي بقلبي وروحي .. انتي عيوني يا مي انا فتحتها ولقيتج انتي .. انتي اللي دوم واقفه جدامي ومعااي بأي مكان .. أحبج .. واذا احد يبي يفرقني عنج يموت قلبي اللي حبج وتعلق فيج ..

مي وهي للحين تشاهق وانا بعد اذا احد يبي يفرقني عنك .. يموت قلبي اول .. لاني مستحيل اقدر اعيش حياتي وقلبي عايش معااي وانت مو فيه .. انا حبيتك من صغري يا بدر .. من اول ما عرفت الحب عرفته معاك .. كنت احلم فيك كل ليلة قبل لا انام وكل يوم قبل لا اروح مدرستي .. كنت احتفل بعيد ميلادك كل سنة بروحي .. تتذكر من تدق الساعة 12 يرن تلفونك محد يتكلم وانت تعصب ..

بدر اتفاجئ ورفعها لا .. لا تقولين انتي ؟؟ مي من صجج .. انتي اللي كنتي تتصلين من ذاك الرقم مره كل سنة وبعيد ميلادي .. تعصبيني وما تردين .. وتسكرينه وانا اظل اتصل على الرقم ويكون دوم مسكر ..

مي اي انا .. احب اسمع صوتك .. اشتاق لك .. وكل سنة اقعد اعد الايام لين قرب عيد ميلادك أخاف تكون مسافر وما اقدر اكلمك .. لكن انا حظي زين كل سنة أقدر أكلمك وتكون هني .. قريب مني .. قريب من قلبي ..

بدر لمعت عينه بدمعة مصدومة وشهق لهدرجه تحبيني ؟؟

مي هه .. وأكثر بعد .. شبتقول لو أقولك اني انا اللي كنت ادخل غرفتك وانت مسافر من وراك وكل مره اخذ قطعة من ثيابك فيها ريحتك .. كنت افتح أدراجك وأخذ منها تذكاراتك واغراضك .. واترك لك شي من ريحتي .. اقول يمكن اذا شافها يعرف .. يمكن يحس فيني .. بس ارد المره اللي بعدها اروح ألقى ساره تردها لي وتقولي .. شفييج ميوو كل مره تنسين شي في بيتنا واخوي عباله انه أغراضنا .. ازعل واخذهم واقول المره اليايه بيحس .. عمري ما فقدت الامل .. لان حبك بقلبي كل يوم يزيد .. وصلت لدرجة اني اذا اشتقت لك اروح المطار انطرك وارتاح اذا شفتك وانسحب بدون ما تنتبه لي ..

ابتسمت من بين دموعها هه .. هههه .. حتى الكلينكس اذا تقطه على الارض اخذه من وراك واحتفظ فيه ....

بدر مو قادر يتحكم بدموعه خلاص يا مي .. ما ابي اسمع أكثر .. ما ابي اسمع عن غبائي أكثر .. ما ابي اسمع عن عمااي .. انا اشلون كنت اعمى ما اشووف .. هه انتي جدامي من رديت من ايران وانا ما كنت اشوف غير مريم .. ما كنت اشوف حبج لي .. ما كنت افهم حركاتج .. كنت اقنع نفسي انج ما تحبيني مجرد اعجاب وبيتلاشى .. كنت اشوفج مثل خواتي ما عطيت نفسي فرصة اتقرب منج .. مي سامحيني حبيبتي ..

مي بصوت رايح أسامحك على شنووو ؟؟

بدر على سنين عمري وعمرج اللي ضيعتهم بالفراق والعناد ... انا غبي .. انا حبيتج .. اي يامي حبيتج من يوم اللي ضربتج فيه ..

رفع يده يتذكر بحسره ما ادري اشلون فقدت أعصابي وضربتج .. ما تحملت اشوفج نازله جدام السكيورتيز بذاك اللبس .. غرت عليج احترقت اعصابي .. حسيت انج لي .. لي بروحي ... من حقي مو من حق غيري وما يصير احد يشوفج بهاللبس غيري .. انا اللي عذبتج ونزلت دموع عينج سنين .. انا اللي تعبتج بصدي وانا متعلق بغيرج .. مي سامحيني .. انا من هاللحظة لج وبين يدج .. ومستعد اعوضج عن اللي راح .. صح ما اقدر ارد الزمن لورى 6 سنين من عمرج راحت وانتي تحاولين تفهميني .. انا بعطيج الباقي من عمري هدية وتحت رهن اشارتج يا اغلى من روحي ..

ابتسم انتي اهم وحده بين الحريم اللي بحياتي زوجتي وخواتي وبنت عمي ..

مي يعني انت نسيت مريم الحين ؟؟

بدر انا صحيت مو نسيت .. انا ما كنت احب مريم لو كنت احبها ما كنت قدرت انساها واروح احضر زواجها وافرح لها ..

مي حست براحه وتنهدت كأني بحلم ..

بدر مسك يدها وباسها وضمها لصدره انا اللي كأني بحلم .. أحبج يا مي ..

مي وانا روحي كلها فدى لقلبك .. أعشقك وأعشق كل شي فيك حتى اسمك يا بدر أحبه واشوفه بكل مكان

بدر حرك السياره الله لا يحرمني منج .. ويظل حبج لي يكبر أكثر وأكثر .. انا محتاج لحبج حبيبتي .. ما لي هني غيرج انتي وخواتي ..

مي بدت تتعدل نفسيتها يظل يكبر لحد ما يموتني ؟؟

بدر يعل يومي قبل يومج يا أحلى مي بدنيتي .. يالله حبيبتي بوصلج بيت مريم رقدي هناك .. ما ابي امج تقول اني وديتج بيتي واحنا للحين ما أعلنا زواجنا .. ما ابيها تقول اني ظلمتج بحق من حقوقج ..

مي اللي تشوفه حبيبي انت الريال وانت اللي تآمر وانا انفذ ..

بدر بس هاا .. ابي العرس اسبوع الياي .. مو طايق ارد البيت بروحي .. ارحميني حبيبتي ..

مي لا حبيبي .. انطر مريم وأمير يردون .. انا وعدتها ما اسوي العرس قبل ما تيي .. وهي وعدتني تحضر زواااجي .. مثل ما حضرت زواجها ..

بدر فتح عينه تنطرين مريم .. عز الله ما عرسنا .. حبيبتي أمير بيلف فيها العالم .. يعني مو أقل من 3 شهور عبال ما يردون .. أقول فكري شوي فيني .. ترى انا طيب واستااهل ..

مي بدور يوووز عني ..كلش ما بتكسر خاطري .. انا وعدتها انطرها ..

بدر انا باجر متصل لامير بخليه يقطع شهر العسل يوم واحد ايي يحضر زواجنا ويرد يسافر ..

مي لا حرااااااام عليك .. خلهم يتهنون شوي .. ما ورى عليهم ..

بدر حراام عليج انتي .. اقولج مو طايق ادخل البيت بدونج .. رحميييييييييني ..

مي زين تعال معانا بيت مريم .. وبعدين انت اذا اليوم هني باجر ولا اللي بعده مسافر ..

بدر من قال هالحجي ؟؟

مي عادي يعني هذا شغلك ؟؟ اكيد بتسافر ..

بدر انا ماخذ اجازه مفتوحه .. ما في شغل الا اذا انا رديت مني ومن نفسي ..

مي فاتحه عينها مصدومة يعني ما في سفر ؟؟؟؟؟؟؟

بدر ابتسم لها ما في سفر ..

مي نطت على الكرسي بلهفه يعني كل يوم بشوفك ؟؟

بدر هز راسه بالايجاب اي حبيبتي .. كل يوم بتشوفيني وبشوفج ..

مي لا شعوريا نطت عليه وقعدت تصرخ من فرحتها

بدر منحرج لانهم واقفين بالشارع بس حس براحة لما شاف فرحتها جذي فرحاااانه حبيبتي ..

مي رفعت روحها فرحاااااانه ؟؟ الا بطير من الوناسه ؟؟ مو مصدقة انك معااي كل يوم .. خلاص حبيبي بروح معاك البيت وبرقد بغرفة ساره ..

يتبع

معااي كل يوم .. خلاص حبيبي بروح معاك البيت وبرقد بغرفة ساره ..

بدر لا مي .. ما نبي مشاكل مع امج .. روحي بيت مريم .. وانا باجر بييج ..

مي لا مو رايحه بروح معاك انت ...

بدر مي ..

مي بدر .. انا قررت وخلاص ..

بدر زين بس الليلة ..

مي مو مشكلة الليلة .. الليلة ..

بعد أسبوعين

مريم كانت واقفة يم الباب ولابسة نظارتها الشمسية وناشره شعرها ولابسه فوق كابس صوف وغطته بكبس الجاكيت ولابسه جينز سكني ازرق وفوقه جاكيت وردي قصير وبووت سبورت مثل الجاكيت لنص ساقها لونه وردي

كل شوي ترفع يدها وتطالع الساعة حبيبي ملييييت ..

أمير كان فاتح الاب توب لانه بيستلم ايميلات مهمة من المستشفى دقايق حبيبتي .. الحين اخلص ..

أمير كان لابس جنز بعد ازرق وسكني لو ويست وقميص ابيض مخصر لنص ذراعه ورابط جاكيت صوف خفيف على رقبته وساعته التشارلي بيده اليسار وشووز سبورت جنز ماركة ألدو

سكر الاب توب وابتسم لها ليش ما حطيتي روج ؟؟

مريم عفته خلاص .. ما ابي .. جذي على الاقل اضمن الطلعه .. خاطري امشي واستانس كفاية اللي شفته بأسبانيا ما ابي انحبس هني بعد في فرنسا

أمير حاوطها من خصرها ومشاها لبرى السويت هههههههه .. زين ما نبي الروج .. ترى عادي أكلهم بدون روج .. تبين تجربين ..

مريم هزت راسها بنفاذ صبر أمييير ..

أمير زين يالله .. هههههه .. لا تعصبين .. ترى حتى وانتي ماده برطومج ودي آكله ..

مريم افففففففف ..

أمير هههههههههههههههههه

طلعوا من الفندق وركبوا اللموزين

مريم عيونها على الشارع أمير وين رايحيين ؟؟

أمير عيونه عليها انتي وين تبين تروحين ..

مريم لفت له ابي استانس مليت من البارك والمولات والاسواق الشعبيه ..

أمير خلاص حبيبتي .. نروح ديزني لاند ..

مريم فتحت عيونها صج والله .. احلللف ؟؟ بقوا بخداا ؟؟

أمير بخداااا ..

مريم صج بنروح يعني ؟؟

أمير أي حبيبتي بنروح .. انتي ما رحتي هناك من قبل ؟؟؟

مريم بلى رحت 3 مرات .. وآخر مره لما كان عمري 14 وكانوا البنات معااي ..

أمير الا على طاري البنات ما كلموج ؟؟ ما عرفتي اخبارهم ؟؟

مريم بلى كلمت ميووو .. قاعدين عندي في البيت بعد ما امها طردت بدر خذاها وسكنها في بيتي مع خواته ..

أمير وساره ما عرفتي اخبارها ؟؟؟؟

مريم عادي ما قالت لي شي .. كلمتها قبل اسبوع .. ليش صاير شي ..

أمير تذكر آخر مكالمة بينه وبين يوسف

يوسف احس في شي يا أمير

أمير شي مثل شنوو ؟؟

يوسف خاشة عني شي .. ما تبي تقولي ..

أمير يوسف لاتفكر جذي .. انا مو من حقي اتدخل بعلاقتكم بس انت بصراحة وايد موسوس .. اذا البنت فيها شي بتقولك .. لا تضغط عليها ..

يوسف نصبر ونشوف .. سلم على مريم ..

أمير يوصل ..

مريم تهز يده أمييير .. أميير ..

أمير انتبه لها هلا حبيبي .. شفييج ؟؟

مريم هه .. انت اللي شفييك ؟؟ صارلي ساعة أكلمك وانت شارد ما تسمعني ..

أمير اي .. مريم ساره ما قالت لج شي عن يوسف ..

مريم وليش تقول ؟؟ طول عمرهم يتهاوشون عادي ..

أمير اي بعد ما اعترفوا لبعض ..

مريم يعترفون بشنوو ؟؟

أمير مريمي شفييج ؟؟ ساره ويوسف يحبون بعض ؟؟

مريم فصخت نظارتها مصدومة من قال هالحجي ؟؟؟

أمير يوسف اللي قال .. ليش انتي ما تدرين ؟؟

مريم طبعا لاء .. متى صار هالحجي ؟؟

أمير ليلة زواجنا بعد ما تهاوشوا لحقها واعترفت له وهو بعد اعترف لها ..

مريم شووف الحمااره ولا تقولي .. انا اوريهاا

طلعت تلفونها من شنطتها واتصلت على ساره

ساره كانت تكلم يوسف حبيبي .. عندي خط ثااني

يوسف من ؟؟

ساره هذا رقم مريوم .. اكلمك بعدين ..

يوسف زين حبيبتي .. سلمي عليها .. وابي اتغدى معااج ..

ساره زين بس اخلص اتصلك مره ثانية .. باي حبيبي ..

سكرت وردت على مريم ألوووووو .. مريومي .. شلونج عروستنا ..

مريم بصراااخ مريمي بعينج يا حماااره .. وهذا وانا بنت عمج ..

ساره بعدت التلفون من صراخ مريم

مريم ساروو ويهد .. ليش ساكته؟؟

ساره مريم شفييج تصرخيين ؟؟ شصاااير ؟؟

مريم تحبين يوسف .. ويوسف يحبج وانا ما ادري ..

ساره انحرجت منها مريوم والله ما ادري اشلون حبيته .. كل شي انقلب من حال الى حال .. انا قلت انطرج تردين واقولج ..

مريم زين خلاص .. اشلونكم مع بعض للحين تتهاوشون ؟؟

ساره اي بس هواش حبايب .. مريوم يوسف انسان وايد حلو من داخله وحنون .. وقلبه طيب .. و ...

مريم بنفاذ صبر و شنووو ؟؟

ساره ويحبني .. يحبني يا مريم .. وانا بعد أحبه وأبيه ..

مريم عيونها على أمير لانهم وصلوا الديزني لاند ساره بعدين أكلمج ..

ساره زين حبيبتي .. سلمي على أمير

مريم اوكي ..

فتح لهم السواق الباب ومريم نزلت ولبست شنطتها ورى ظهرها ولبست نظارتها هي تبتسم صج ما كان يبين عليهم ..

أمير شبك يدها يعني احنا اللي كان يبين ..

مريم لا حبيبي .. هذول أكثر من سنة مناجر وتحدي وهواش .. تقول عدوان مستحيل ايي يوم ويصيرون أحباب ..

أمير ابتسم لها وضمها من جتوفها وهو يمشيها كل شي يصير بهالدنيا .. وما بعد المحبة الا عداوه صح ولا لاء ؟؟

مريم صح ..

دخلوا الديزني ومريم صارت تراكض مثل اليهال وأمير يراكض وراها

مريم ههههههههه .. حبيبي تعال نصور هني ..

أمير وليش ان شاءالله ؟؟ عشان يحطون صورنا بمجلة ماجد مثلا ؟؟

مريم لا .. بس عشان اوريهم عيالنا .. يالله ابيه يحملني مثل هذا ..

أمير ابتسم بضييق من يابت مريم طاري عيالهم وبنفسه مستحيل يا مريم .. ما في يهال قبل ما تسوين العملية

ومشى وراها وهو حاط الكاميرا على رقبته ويصورها بكل حركة وبكل خطوه تخطيها

في بيت مريم

حطوا الاكل وقعدوا بروحهم لان مي وفاطمة طلعوا مع بدر

يوسف عيونه عليها بكل حركة ساره ؟؟

ساره لفت ويهها للخدامه كانت واقف يمها Thank you Amanda .. you can go now

ولفت عيونها عليه يا عيون ساره .. آمر حبيبي .. اذا الغدى مو عاجبك أقولهم يسون شي غير ..

يوسف لا حبيبتي .. انتي ما لاحظتي اني للحين ما مديت يدي ولا أكلت شي ..

ساره نزلت عيونها على صحنه وتفاجأت ليش ؟؟

يوسف انا قررت نتزوج ..

ساره توى الناس ..

يوسف لا .. مو توى الناس .. ابي اشوف ابوج وامج .. لازم اتعرف عليهم ما يصير ابي ارتبط فيج وانا اهلج ما اعرفهم ..

ساره وليش تبي تعرفهم .. انت تتزوجني انا .. لو بتتزوجهم اهم ..

يوسف اخطبج من منو ؟؟

ساره هه .. من بدر طبعا ..

يوسف وابووج وينه ؟؟

ساره يوسف .. اذا تبيني اخوي موجود .. ابو ما عندي .. ولا تسألني عن شي ..

يوسف وقف بصرااااخ لا .. بسأل يا ساره .. اذا بنتزوج فأنتي راح تصيرين ام عيالي وابوج يد عيالي .. اشلون ما تبيني اسأل .. لازم اعرف امج من .. وبنت من .. لانها بتكون ام زوجتي ويدة عيالي ......

ساره كانت حاطه يدها على صدرها انا ما عندي أهل لا ام ولا ابو اعتبرني يتيمه .. يوسف اذا تبيني انا ساره أحمد تقي أكبري واخوي بدر .. هذا عزوتي .. واذا ما تبي

خنقتها العبره براحتك يا يوسف ..

راح مسكها من ذراعها بالقوه لا مو براحتج .. انا لازم اعرف عنج كل شي ..

ساره تغمض عينها تحاول تهدأ نفسها وتطول بالها يوسف .. الحين مو وقت هالحجي ..

يوسف بصراخ لا وقته .. والحين تقولين لي كل شي ..

ساره يوسف انت ياي تتغدى معااي ولا تتهاوش .. قلت لك ما عندي شي اقوله ... اهلي ميتين ما عندي غير بدر وفاطمة ومريم واذا مو عاجبك منت مجبور ترتبط فيني ..

يوسف بنبرة حنان اللي جابرني قلبي يا ساره .. أحبج وأبيج ... بس انتي معانده ما تبين تتقربين مني ..

ساره انا اللي ما ابي يا يوسف ولا انت اللي قاعد تدور على اسباب للفراق ..

يوسف فتح عينه مصدوم الفراااااااااق ؟؟؟!!!!!!

ساره اي فراق .. اذا فتحت هالموضوع مره ثانية بيصير فراق .. انا يا يوسف ما صدقت على الله أعترفلك بحبي لانه كان خانقني .. ثقيل على صدري .. محتاجتك يمي .. وانت الحين طالع لي بسالفة امي وابوي .. اذا كنت تحبني وتبيني لا تسألني عنهم ..

يتبع

يوسف قرب منها ومسكها من ذراعها عطيني سبب واحد لرفضج ؟؟ ليش ما تبين تقولين لي ؟؟ انا من حقي اعرف حبيبتي ..

ساره سحبت ذراعينها يوسف .. انا تعبانة وابي ارتاح ..

ركضت ناحية الدرج ولفت جسمها له انتظر اتصالك .. اذا ما اتصلت بعرف ان كل شي انتهى ..

وكملت طريقها لغرفتها

يوسف حس بضييق حمل بوكه وسويج سيارته ولبس نظارته وطلع من بيت مريم

ساره ركبت غرفتها ودفنت روحها بفراشها تلملم دموعها هذااا اللي سويتوه فيني يا امي وابوي .. استحي اصارح حبيبي فيكم .. متفشله منكم .. والله متفشله .. شقوله امي ما كانت تبيني حملت فيني بالغلط ولما عرفت كان الوقت متأخر ما قدرت تجهضني .. كانت خايفة على جسمها ورشاقتها وخافت تموتني وتموت معااي لان خطر عليها .. شقولك يا يوسف أمي اللي ما شافتني الا لحظة اللي طلعوني من رحمها .وانا كبرت وانا ما اعرف شكلها ... أمي اللي رفضت تشوفني وتاخذني بحضنها أول ساعاتي بالحياه .. قطتني على ابوي المزواج اللي يابني هني وقطاني على عمي ومرته وهو غير وجهته من أميركا الوسطى الى شرق آسيا .. يدور له على عروس يديده ... انا عشت يتيمه وامي وابوي عااايشين .. موجودين .. بس ما يدرون عني .. اشلوووون تبيني اقولك عنهم وانا منحرجة منهم .. اشلون .. اشلون .. يا يوسف اشلون ؟؟ حطيتني بموقف صعب .. انا مو قده ..

هاهئئئئها هائئئئ .. ياربي ليش انا حظي جذي وفرحتي دوم ناقصة ..

راحت لدرجها وطلعت دمعتها ولبستها مره ثانيه خلج هني على رقبتي هذاا مكانج يا دمعتي .. انتي من اليوم وساير رفيجتي انا وانتي صرنا اصحاب ما نتفارق ابدا .. دام هذا طلبك يا يوسف .. انا ما راح استغنى عنج ولا انتي تستغنين عني

باستها بنفس طويل وسالت دمعة بدون احساس من عينها انت يا يوسف ما عرفت من امي ولا ابوي وانت بديت تتغير معاي وتعصب .. اسبوعين ما صارلي وانت كل يوم تسألني نفس السؤال .. اكيد ما راح تتصل .. انا متأكده .. عارفه حظي ماما وبابا دمروني وانا صغيره بس ما كنت ادري انهم بيقضون علي وانا كبيره ..

تعبت من الصياح واللوم والعتب ونامت بنص فراشها وبدون غطى .. ما حست على عمرها ودمعتها ما نشفت من عينها وماسكة دمعتها بأصابعها

مريم آآآآآآآآآي ريلي تعبت ..

أمير خلاص نرد الفندق ..

مريم لا للحين ما شبعت .. ابي ادخل الاستيدو بس ريلي تكسرت وايد مشيت ..

أمير مشاها للكرسي اللي على شكل خشب أشجار طويله وحملها من خصرها ووقفها فوق الكرسي يالله حبيبتي تعلقي وراي ..

مريم ويييييه حبيبي فشله جدام الناس ..

أمير هه .. عبالج احنا بالبحرين ولا بايران .. يالله تعلقي وراي يالعيوز .. انا أكبر منج بتسع سنين وانا اركض وانتي ......

مريم انا عيوز زين .. وما ابي اتعلق وراك ..

أمير حملها على ظهره غصب وقعد يمشي فيها ولا هامه احد وهي من فشلتها تمشي وتأشر على الناس لحد ما صار الوضع عادي عندها وضمت حبيبها وزوجها بيدنها وكل شوي تبوس في خدوده

بعد شهرين

مي للحين ساكنة في بيت مريم وبدر كل يوم معاها يتغدى ويتعشى معاها وهي تتصل بأبوها وأخوها وتروح تشوفهم بالشركة لانها ما تبي اي مشاحنات مع امها

بدر كان طاير فيها ويخططون لزواجهم وغير اثاث فيلته كامل عشان من توصل مريم بيحددون موعد الزواج

يوسف كان مقاطع ساره شهرين ما كلمها بس قلبه ما كان يتحمل كان يروح يشوفها من بعيد وهي تطلع وتدخل الشركة .. كان يبيها هي اللي تتصل وتسأل عنه وتصارحه بكل شي .. ضغط عليها وايد وخيرها خيار صعب ..

ساره خلاص صارت كل ليلة قبل ما ترقد تسولف مع دمعتها لحد ما تتعب وتنام كانت عكسه حارمه نفسها من شوفته .. يمكن تعودت على هالشي .. وحست ان يوسف نساها خلاص .. وامها وابوها اللي يابوها على هالدنيا هم السبب بفراقها عن حبيبها ..

مريم وأمير بعد ما طلعوا من فرنسا راحوا جنوب انجلترا راح يزور مدرسته اللي قضى فيها ايام صعبه وبداية غربة استمرت عشر سنين وبعدها غيروا وجهتهم على أميركا الشمالية كندا وشمال أميركا قعدوا بأجمل خمس بحيرات حوالين جزر الكاريبي وبعدين طار معاها على شرق آسيا قعدوا بالصين اسبوع وبعدين تايلند وماليزيا وآخر شي راحوا استراليا قعدوا فيها 3 اسابيع يتنقلون من بلد لبلد كانوا أسعد عرسان مريم تموت على السفر كانت فرحانه ان حبيبها معاها ويسوي المستحيل عشان بس يرضيها ومن تزوجها ما سمح لاحد يزعلها او يكدرها كانوا اهلها اذا بيكلمونها هو يرد عليهم اول اذا حس ان ما في شي يعطيها موبايلها ترد عليهم عاشوا أحلى 3 شهور بعمرهم ..

اليوم يوم العوده الى الوطن .. الى الاهل .. الى الاصدقاء .. الى الاشغال والمصالح

مريم كانت قاعده معاه بالطياره الخاصة اللي استأجرها كأنهم ثلاث أيام مو ثلاث شهور .. يالله شكثر تونست معااك حبيبي .. الله لا يحرمني منك ..

أمير ولا يحرمني منج يا روحي ... انتي اللي طلبتي نرد .. والله كان ودي ما اردج اعيش معااج بعيد عن كل الناس .. حبيبتي انا ارتاح لما اشوفج فرحانة معاي .. انا خلاص بفني حياتي بس عشان اسعدج .. انتي اللي مثلج لازم على طول فرحانة .. الحزن والدموع ممنوع .. ما ابي اشوفهم .. انتي أميرة قلب أمير .. أحبج يا احلى زوجة بالدنيا

مريم ضمت ذراعه وقومته عشان يرقدون على السرير اللي داخل الغرفة الثانية لان باقي على وصولهم ساعات طويلة ..

وبعد ساعات صحوا على صوت الجرس اعلان للجلوس على المقاعد وربط الاحزمة

أمير باس مريم في جبينها مريمي .. حبيبي .. يالله الحين بننزل ..

مريم طبعا على صدره كالعاده فتحت عيونها وابتسمت وصلنا ؟؟

أمير حمدلله على السلامة ..

مريم الله يسلمك حبيبي ..

أمير يالله قومي لازم نقعد على مقاعدنا

مريم طاعته وراحوا قعدوا ينطرون الهبوط وتوقف الطائرة

يتبع

في صالة الوصول

يتبع ,,,,,

👇👇👇

تعديل المقال