رواية عذبتني باسباب فرقاك -48

رواية عذبتني باسباب فرقاك -48

أمير كان يشوف منظرها ومو قاادر قلبه يتوجع عليهاا بس غروره ما يسمح له يروح يركض لها وياخذها بحضنه ..

سااره وقفت محتااره مو عارفة تتصرف لان لحظات الصمت طالت بين الاثنين حياك أمير .. البيت بيتك ..

أمير بسخرية اي بيت هذا ؟؟ هه .. لا مو بيتي ..

راح لمريم ومسكها من ذرااع واحد ووقفها انا كلامي معااج ما خلص ..

مي خاافت من عصبيته واشلون ضااغط بقوه على ذرااع مريم أمير اتركهاا .. ما يصير تسوي جذي عورت يدها ..

أمير فتح عينه بعصبية وخزر مي أكسر راسها بعد مو بس اعورهاا ... ياالله نادي البنت ...

مريم فتحت عينها وصرخت بكل قوتهاا اطلع من بيتي .. اطلع برى .. اطلع ما ابي اشوفك ..

سااره تفائلت مريوم شهالحجي .. خليه يشووف بنته ..

مريم صااحت هذي بنتي بروحي .. بنتي انا بس .. انا تعبت فيها بروحي .. اطلع برى .. بيتي يتعذرك ..

ترك يدها ورماها على الكرسي زين يا مريم .. انا أوريج .. بنتج اليوم لازم تعرف من ابوهاا .. لازم تعرف ليش ترك امها .. لازم تعرف شسوت بحيااة امهاا .. خلها تعرف اشلون وقف قلبج بسببها .. ابيهاا تعرف شكثر وجودها اصلا ما كان له داعي .. وانهاا يت على الدنياا غصبا عني .. واني انا ما ابيهاا ..

مي وسااره مصدومين من كلامه عبالهم انه ياي يشووف بنته .. مو ياي يضيع حيااتها ويقولها اشيااء فوق عمرها ..

مريم مسكت يده وهو حس برجفه سنين ما حس فيهاا وجرته لعند الباب وهي تصررخ اطـــلللللــــع من بــيــــتي .. ما ااااااا ابي اشوووووفك .. ولا ابيك تشووف بنتي .. اطلع برررررى ..

أمير رفع حاجب واحد وقط عليهاا وعلى المكان اللي هو فيه نظرة قرف وكره وطلع من الباب ..

مريم سكرت الباب بقوه وتسندت عليه لحد ما طاحت على الارض وهي تصرخ بصوت راايح اطلع بررررى .. اطللللع .. برررى .. روح ما ااا ابي اشوووفك .. روح .. روح .. لاااا ترد مره ثاانية .. ما ابي اشووفك .. ما ااا ابي .. ما اااا ابي .. هاهاهئئئئئئ .. هااهئئئئئ ..

أمير كان واقف ورى الباب ويسمع صيااحها .. حتى هو مستغرب من نفسه ومن كلامه .. هو ما يصخي فيها اشلون يعور يدها ويرميها بقوه ويجرحها بكلامه وفوق هذاا كله يهددها ..

شالوها رفيجاتها وطلعوها غرفتهاا وهو لما اختفى صوتهاا خاف عليهاا يه يبي يفتح الباب يدخل ويطمن قلبه عليهاا بس غروره وكبريائه ما يسمح له واصل خطواته لسياارته وطلع من بيتهاا

يتبع

شالوها رفيجاتها وطلعوها غرفتهاا وهو لما اختفى صوتهاا خاف عليهاا يه يبي يفتح الباب يدخل ويطمن قلبه عليهاا بس غروره وكبريائه ما يسمح له واصل خطواته لسياارته وطلع من بيتهاا

أول ما وصل بيت أهله دخل ما شااف سيااره يوسف صعد جناحه بخطوات سريعة على الدرج وأول ما دخل رفع تلفونه واتصل مرحبا ..

ردوا عليه بصوت انثوي أهلين .. معاك مكتب سفرياات الشرق الاوسط .. اشلون اقدر اسااعدك اخووي ..

أمير الشيخة انا طياارتي يوم الاثنين الظهر ...

الموظفة تبيني أجدم لك الحجز ؟؟

أمير لحظات صمت وحيرة ما يدري شيقوول للحظات كان بقول اي بس مسك لساانه وغمض عيونه لااا .. انا ابي أكنسل الحجز ..ألغييه .. ما ابي اسافر هالاسبووع ..

الموظفه أممم .. أأجل الرحلة للاسبوع الياي ..

أمير لااا .. كنسليهاا وخلاااص .. انا اذا بغيت اسافر بحجز مرة ثاانية ..

الموظفة اوكي .. تكنسل الحجز ..

أمير تنهد بينه وبين نفسه ما يدري اللي قااعد يسويه صح ولا غلط اوكي مشكورة ..

وسكر التلفون .. سمع صوت سيارة يوسف ونزل بسرعة

يوسف كان تعباان ما له مزااج دخل وسكر الباب بهدوء سلم على امه وراح لجهة الدرج يبي يصعد جناحه تلقااه أمير بصرااخ يبتني هنيي .. وسوووويت كل اللي سويته .. عشااااان تخليني اشووفهاا غصبا عني .. لكن حريمتك انا ما ابي هالبنت ولا ابي اعترف فيهاا .. بقولهاا .. بقولهاا ان بسببها مريم كانت بتمووت .. انا كنت بخسرهاا وهي السبب .. انا ما ابيهاا .. بقول لها اني ما ابيهاا والمفروض ما كانت تيي على الدنياا .. بس مريم انحاشت وكملت الحمل من ورااي ..

أم أمير شهقت بصوت عاااالي لا يا أميير .. حرااام عليك ماما .. لا تسوي جذي .. هذي طفلة ما تفهم .. لا تضييع حيااتها .. بتتعقد اذا عرفت ان ابوها ما يبيهاا ..

أمير نزل ورااح لامه وانتي كنتي طابخة الطبخة معااه هاا .. تبووني اعترف فيهاا غصب .. حتى الحلم لا تحلموون .. بقولها في ويهها انا ما ابيج .. انتي مجرد زيادة عدد ..

طلع من البيت وصفق بالباب ..

أم أمير راحت في نوبة بكاء مقهورة على بنت ولدهاا وعلى عنااد ولدهاا .. يوسف زادت ضيقته حس انه سووى اللي عليه صعد جنااحه يرتااح شكل ساره وهي تصيح مو مفارق خياله .. دفن روحه بوسط احزانه ..

مريم على كثر ما صااحت تعبت ونامت وهي متوسده ريل مي وساره كانت ماسكه يدها وتمسح على شعرها .. كان شكلها يعور القلب متكورة على نفسها وكل شوي تتنهد ودمعتها ناشفة على خدها ..

حطوا راسها على المخده وغطوها باللحاف .. سكروا الليتات وطلعوا من الغرفة ..

مي بصوت وااطي والله حراام اللي يسويه أمير وايد .. ومحد يقدر يتحمله ..

سااره وهي تتنهد بضييق ثلاث سنين وسبع شهور وهي تحلم بردته .. وشوفي اشلون خرب عليهاا حلمهاا .. دمعتها يا حراام ما نشفت من عينهاا كلش ..

مي بضييق ما ادري شفيينا .. ليش حظنا عثر جذي .. كل وحده تصيح من صوب .. هالحب ذبحنا وكبرنا عشرين سنة لجداام .. شوفي حالتي وحالتج وحالة مريم .. هالحب بيموتنا ناقصين عمر ..

سااره ابتسمت بحزن لانهاا تشوف صورة حبيلهاا وهو يحضن غيرهاا بعيونهاا هذاا نصيبنا ولازم نرضى فيه .. يالله خلينا نروح نشوف ليلاااه .. حراام ما ابيهاا تحس بشي ..

مي اي والله طلعيها انتي وفااتي .. حرام اختربت عليهاا الطلعة تعرفين اليوم السبت امها تاخذهاا تونسها طول اليوم .. انا بقعد هني مع مريم .. اخاف تصحى ما تلاقيني .. هي متعوده علي .. بروح ارقد يمها ..

ساره مالها مزاج تطلع بس مضطره بروح المزرعة .. خلاص كبرت ولازم تتعلم تركب فرسهاا .. انا بعد محتاجة اغير جو شووي .. ما بنرد الا بااجر ..

مي فتحت عينهاا لااااا .. تعالوا اليوم لاتخلوني برووحي .. وليلاااه عندهاا مدرسة لازم تروح الصبح ..

ساره وهي عااقده حواجبهاا مدرسة ؟؟!! من متى هالحجي ؟؟ ما قلتولي .. اشلون تروح المدرسة وهي ما عندها أوراق رسمية ..

مي مريم دفعت لهم ضعف المبلغ عشان يقبلونهاا .. تدرين ساره .. ليلاااه للحين ما تعرف يعني شنو بابا .. معورة قلبي هالبنت والله ما تستااهل .. خلاااص المفروض أمير يقتنع ان الله كاتب لها تيي على هالدنياا والحين هي موجوده وعايشة بيننا .. واللي صار في مريم هي مالها ذنب فيه .. مريم اللي اصرت تحافظ عليهاا وتولدها مو هي .. فما له داعي يرفضها أكثر كافي عليها من انولدت وهي ما تعرفه ...

سااره مسكينة بنت عمي .. شووفي هالحب لوووين وصلها .. يالله انا بروح اجهز اغراضي .. قولي لمربية ليلاااه تجهز أغراضها وتجهز هي بعد .. لازم تيي .. تعرفين هالبنت ما اقدر عليهاا بروحي ..

مي ههههههههه .. اوكي بس أمانه ساروو لاتخلينها بروحها أول ما تركب الفرس أكيد بتخااف ..

سااره ان شاءالله .. هذي بنتي انا بعد ولا نسيتي ..

مي لا ما نسيت .. وبنتي انا بعد .. لان ما شكلنا بنعيل ..

ساره انا عن نفسي ما ابي بربي ليلي مع مريووم ..

مي ابتسمت وانا بعد .. اصلا ما عندي بيت غير هالبيت .. سوسو يعني هونتي عن السفر ..

سااره زفرت وحضنت مي من جتوفهاا خلاااص ما عاد في داعي للسفر .. يوسف وتزوج .. مريم محتاجتني .. خلاااص انا بستقر هني ..

مي ضحكت بهدوء من فرحتهاا بقرار سارة

مشوا مع بعض وهم يسولفوون ..

أمير حمل أغراضه وطلع من بيت أهله رجع بيته وبيت مريم فتحه وعاد الحيااه فيه من جديد وظف خدم وسيكيورتيز بس ما قدر يستخدم مثل الغرفة راح غرفة ثاانية وسكن فيهاا

صحت مريم وراحت تدور بنتهاا في غرفتهاا ما لقتها فتحت غرفة مي كانت فاتحة الاب توب على ملفات صورها مع بدر .. كانت كل صورة لها ذكرى خاصة بقلبها دموعها صارت اسهل شي عندها تنزل بدون احساس .. تعودت عليهم ..

ما حست حتى بدخلة مريم عليهاا اللي راحت وقعدت يمها تتفرج معاها على الصور اشتقتي له ؟؟

مي مسحت دمعتها بسرعه وسكرت الاب توب ودارت ويهها لمريم وابتسمت هلا حبيبتي .. اشلونج الحين .. ان شاءالله احسن ..

مريم حطت راسها في حضن مي انا اشتقت له .. اشتقت له وايد .. للحين مو مصدقة اني شفته وانه رد .. كنت كل ليلة احلم ان ايي باجر وييني الفرج ويرجع لي ويرجع لبنته ... لكن الحين اتمنى الزمن يرجع لورى ما احلم بهالشي .. ياريتني ما طلعت اليوم ولا شفت اللي شفته ..

رفعت روحها وصارت تشاهق مي .. أمير على حاله ساافر ورد وهو ما يبي بنتي .. للحين يكرههاا .. والله حراام .. لو تشووفينه اشلون يطالعهاا .. يكرهها يا مي يكرهها ..

مي سحبتها في حضنهاا خلاااص .. خلالالااص يا مريم .. خليه .. اذا ما يبيها كيفه .. احناا كلناا نبيهاا .. انتي تعودتي على فراقه ..

مريم بصيااح لا ماااا تعووودت يا مي .. أحبه وربي أحبه .. حتى لما شفته كنت أبي ارتمي بحضنه وأصيح .. وأقوله سنين الفراق تعبتني وكبرتني .. كنت ابي اقوله حبيبي طولت بسفرتك .. انا اشتقت لك ابيك .. اشتقت لريحتك .. انا حسيت يا مي شميت عطره بليلاااه .. انا اعرف عطر حبيبي .. اميزه من بين كل العطور ..

مي وهي تمسح على راس مريم عشاان بنتج يا مريم لاتسوين بعمرج جذي .. أمير لو كان بيتغير كاان تغير من زماان .. هو الخسراان .. هو اللي ما يستاهلكم .. عندج ليلاااه تسوى الدنياا كلهاا ..

مريم رفعت روحهاا ومسحت دموعهاا وين بنتي ؟؟

مي ردت لها الابتساامة في المزرعة .. سااره خذتها يعلمونها ركوب الخيل ..

مريم بضييق هه .. ركوب الخيل ؟؟!! انا اول مره ركبت فرسي كان بابا الله يرحمه معاي وانا مشبصة بثيابه .. بس بنتي من معاها ؟؟ ابوهاا اللي ما يبيهاا .. مي انا راضية اذا ما يبيها كيفه .. بس لا يهدم حياتهاا .. اخااف يسويهاا ويقول لها انا ابوج بس ما ابيج وااكرهج .. مي بنتي بتتعقد اذا أمير سوى جذي ..

مي متضايقة على حال رفيجتها ان شاءالله ما بيسويهاا ..

مريم مي انا خاايفة منه أمير تغير شفتيه اشلون مسكني بقوه ورماني على الكرسي .. أمير كان ما يصخي فيني .. يخااف علي حتى منكم انتو اهلي يخااف علي حتى من نفسه وشوفي اليوم شسوى فيني .. أمير ذبحني لما هددني .. بس انا شسوي بقلبي يحبه ويموت عليه .. مي انا انطر ليلااه تنام واقعد اتخيله فيها واسولف معااها على انها هو .. تعبت يا مي .. ياريت لو الله ياخذ عمري عشاان ارتااح ..

ظلوا على هالحال مريم تشكي وتبكي ومي تمسح وتهدى لحد ما ناموا مع بعض على وضعيتهم ..

مر أسبوع كامل وهو مقطووع عن الكل حتى مريم خافت من هذا الهدوء وكلما تتصل ليووسف تسأل عنه يقولها أكيد ساافر وهي الثانية ترجع لكومة احزانها مرة ثانية ..

ساارة ضبطت كل أمورها وكلمت محامييها يحول أرصدتهاا على بنوك أوروبية متفرعة وتصرفت بكل ممتلكاتها واستقرت مع رفيجاتهاا

يوسف كان حاس ان خطته ماشية تماام بس للحين ما شاف ساره من بعد ذاك اليوم .. يبيهاا تهدأ بعدين يكمل خطته معاهاا

مي على حالها ضحكتها صاارت من النواادر وبدر للحين مسافر عند اهله عشاان زواجه من بنت خالته

كانوا قااعدين بالروم تيفي يتاابعون برنامج أطفاال مع ليلاااه اللي كانت متوسده ريل امهاا تقريباا قرب وقت نومهاا كانت تشووف مي اشلون مندمجة مع ليلاااه في البرنامج مي ؟؟

مي لفت ويهها على مريم تبيها تكمل

مريم وين سااره ؟؟

مي هزت جتوفهاا بمعنى ما ادري ما ادري .. بس يمكن راحت تتجهز .. الليلة معزومة على عرس ..

مريم باستغرااب عرس ؟؟ عرس من ؟؟

مي مريوم شفييج نسيتي ؟؟ عرس نوال اللي كانت معانا بالمدرسة ..

مريم ويييييييييه .. محد قال لي ..

مي مريووم قلنالج بس انتي كنتي بحالة ...

مريم قااطعتهاا لا تذكريني .. زين انتي مو رايحة معاها ..

مي ابتسمت انا ويهي ويه عروس .. خليني مكااني لا اخرع الناس .. ولا تبين الناس تأشر وتقول أكاهية يت المطلقة ..

مريم كانت تبي تغير الموضوع لان مي تغيرت نبرة صوتهاا راحت قعدت يمها تسااسرهاا يوسف وجنان يايين ..

مي فتحت عينهاا حللللفي ؟؟؟

مريم والله .. ياي يقعد معانا شوي ويكمل تنفيذ الخطة ..

مي عضت على شفاايفها امبيييييه .. الحين هي بتطلع ..

مريم وعيونهاا على فوق الدرج انتي قوومي عطليهاا لحد ما ايي ويشوفهاا وتشوفه ..

مي وهي قاايمة ان شاءالله ..

مريم حطت التكية تحت راس بنتهاا وقامت تتصل ليوسف

مي أول ما دخلت غرفة ساارة طارت عيونها على صورتها هي وفاطمة وبدر ابتسمت وراحت للتسريحة سارة كانت قاعده تربط سيور الصندل ابتسمت لها حلوه ..

ساره صارت ترمش بسرعة عيونج الحلوه حبيبتي ..

ساره كانت تلبس تراجيها ويه دور العقد لفته على رقبتها .. مي ابتسمت خليني اساعدج .. ولفته على رقبتها ..

ساره خلصت لبسها وتعطرت ووقفت وهي متأبطة شنطتها الخااصة بالفستاان يالله خل ننزل ..

مي راحت عند الدريشة تطل ما شافت سياره يوسف لفت مره ثانية سااره قعدي شوي ابي اكلمج بسالفة ..

ساره استغربت طلب مي ابتسمت وقعدت خير حبيبتي ؟؟

مي مو عارفة شتقول صارت تتمايل وكل شوي ترجع شعرها لورى سااره .؟؟؟؟.

سااره باهتماام نعم ..

مي متوهقة ساارة ما ادري والله شقولج ..

وقفت وراحت قريب من الدريشة وللحين ما يت سيارة يوسف وبنفسها افففففففف هذا متى بيي .. شقولها لها الحين .. شسوي ياااربي .. شقووول ؟؟؟

يتبع

وقفت وراحت قريب من الدريشة وللحين ما يت سيارة يوسف وبنفسها افففففففف هذا متى بيي .. شقولها لها الحين .. شسوي ياااربي .. شقووول ؟؟؟

دارت ويهها مرة ثانية وضحكت باحرااج ادري اني أخرتج ..

سارة رفعت ساعتها الالمااس لا عاادي توى النااس .. اصلا في وقت واايد ..

مي صارت تشبك أصابعها وتفرقهم كل شوي تعيد الحركة من التوتر سااره .. اي سااره احناا لازم نتصرف .. لازم نشوف حل .. ليلاااه لازم تتسجل ..

ساره فتحت عيونها تتسجل ؟؟ اشلون تتسجل ؟؟ اذا أمير ما سجلها اشلون تتسجل ؟؟

مي بصرااحة انا اشوف ان احنا ندور على واحد محتاج مريم تعطيه فلوس وهو يعطي بنتهاا اسمه ..

سااره مو مستوعبة كلام مي هه .. ههههههه .. ميووون من صجج .. جيف بنت حراام .. ما يصير حبيبتي ابووها موجود ..

مي انفعلت اي ابوو يا ساره .. الابو اللي ناكر بنته ورافض يعترف فيهاا ..

سااره ولو يا مي .. مرده بيعترف فيهاا .. واذا هو ما اعترف اهله معترفين .. لازم بييه يوم وبيعترف فيهاا

مي خلاااص عيل ما في الا ترفع عليه مريوم قضية اثبات نسب والمحكمة تجبره يسجل البنت ..

سااره ما ادري يا مي اذا ما في الا هالحل .. خلاااص لازم مريم تشتكي لمتى البنت بتظل جذي ..

مي سمعت صوت السيااره خلاااص انا بنزل تحت .. ما اعطلج .. وبااجر بنكلم مريووم بالسااالفة ..

وطلعت من الغرفة .. سااره ابتسمت وردت تضبط مكيااجها وتحط اللمسات الاخيره .. طلعت من غرفتها وذيل فستانها يمشي ورااها .. كانت لابسة فستان أخضر فيروزي شيفون قص عند الصدر تصميم لبناني وبالنص كرستاله كبيرة ولابسة شال فرو مثل اللون وعلى رقبتها عقد ذهب مليان فصوص كبار باللون الفيروزي ضاغط على رقبتها ونازل على صدرها وشعرها كان مرفوع كله بطريقة مرتبة ومزين بتاج أخضر صغير بالنص مكياجها كان ناعم ذهبي وفيروزي مبين حدة وجمال ملامحهاا

نزلت على الدرج لحد ما وصلت لنهايته وهي عيونها على فستانها تحاول ترفعه عشان ما تدعس على الذيل وينشق .. مشت بخطوات سريعة تبي تسلم على البنات وهي للحين عيونها على الفستان

وأول ما دخلت عليهم الصاالة رفعت راسها وهي مبتسمة ظلت ابتسامتها ثواني طويلة بس بعدها بدت شوي شوي تبهت الابتساامة وانقلبت لرجفة بطيئه كانت عيونها عليه .. عيونها كانت تلمع بدمعة مجبورة تنحبس .. كانت ماسكة دمعتها غصب .. هو من شاافها استخف عليها وعلى جمالهاا وقف من طوله ما قدر يمسك نفسه كان عاض شفايفه بقوه والشوق باين من عيونه حتى يده مو قادر يثبتها يرفعها وينزلها بسرعة بس مو قاادر ينطق ..

انتبهت على عمرهاا وراحت لجناان مدت يدهاا وابتسمت مرحبااا .. انا سااره .. ساره أكبري بنت عم مريم ..

جناان من شافتها انبهرت بجمالها وحضورها وقفت وبوستهاا بحراره .. يمكن لانها حست انها حبيبة اخوهاا هلااا .. هلااا حبيبتي .. تشرفنا وانا جنااان .. أخـــ ....

يوسف تلحقها زوجتيي .. زوجتي يا ساره ..

سارة حطت يدها على رقبتها تبي تتحسس الدمعة لكن دمعتها مو موجوده .. فصختهاا من ذاك اليوم هزت راسها بالايجاب وتصنعت الضحكة والله ؟؟ مبروووك .. عن اذنك انا ما اقدر اقعد معااكم ..

يوسف عصب ما امدااه يشبع عينه منهاا هذاا احتراامج للضيوف ؟؟

سااره انصدمت من اسلوبه اليديد معاها انا اسفه بس ما كنت ادري ان بييونا ضيوف .. وانا معزومة على عرس رفيجتي .. لازم اروح الحين .. ان شاءالله غير مره ..

يوسف قعد وحط ريل على ريل عرس رفيجتج لاحقة عليه توى الليل بأوله .. قعدي زوجتي تبي تتعرف عليكم ..

ساره انحرجت وقعدت قباله وعيونها على السااعة اوكي ..

من داخلهاا كانت مقتولة ما توقعت انه بييها يوم بتشوفه فيس تو فيس وبتسلم على مرته كانت ماسكة دمعتها غصب وهو كان ملاحظ هالشي عيونه بدت تحمر على كثر ما حبس دموعه ..

حب انه يسمع صوتها .. اشتااق له أقوول سااره ؟؟

سارة انتبهت له وراحت عيونه في عيونها هلااا ..

سكتوا لثواني .. صفنوا في بعض .. وبعدها كسر حاجز الصمت بنفسه هه .. يقولون عشتي سنين برى ؟؟ أكيد تحررتي ..

سااره فتحت عيونهاا مو مصدقة الكلام اللي يقصده عفواً ؟؟؟ ما فهمت عليك ؟؟؟ شتقصد ؟؟

يوسف كان ماسك قلبه وهو يقول هالحجي اي .. يعني لما ساافرتي .. خبرتيهم يوصلون لي رسالتج .. انج رايحة تعيشين حيااتج وتبيعين نفسج .. اسأل يعني سويتي اللي في بالج ولا لاء ؟؟

ساره وقفت هذاا مو شغلك .. واظن عيب تقول هالحجي جداام زوجتك .. عن اذنكم انا مااشية ..

يوسف وقف وصرخ جااااااوبيني ؟؟ بعتي نفسج ولا لاء ..

ساره كانت واقفة ومعطته ظهرها ومن بين اسنانهاا مو شغلك .. لا تتدخل بحيااتي فاااهم ... حيااتي وانا حره فيها .. اسوي اللي ابي ..

يوسف حط يده على ذراعها ودارها بقوه يعني شنوو ؟؟ صج ارخصتي نفسج ؟؟

سااره حطت يدها على يده وشالتها بقوه قلتلك ما يخصك .. مو انت تزوجت خلاااص .. لا تتدخل بحياااتي .. وعشاان اطمنك .. اي اناااا بعت نفسي ..

يوسف رفع يده وصفعها بقوه بس ساره كان ثابتة مكانهاا حطت يدها على خدها والدمعة نزلت من عيونهاا وبحده كبيرة في صوتهاا تمد يدك علي يا يوسف ؟؟ وصلت فيك انك ترفع يدك على وتصفعني ؟؟؟

رفعت اصبعهاا تهدده شوووف لو شنو تسوي .. ببقى احبك .. أحبك انت .. لو شنو تقول ما راح تقدر تكرهني فيك .. لا تحاول تجرحني لا تحاول تطقني لانك ما بتوصل لشي .. ما بتقدر تنسيني حبك .. ما بتقدر تشيل حبك من قلبي .. انا أقولك لا تتعب نفسك لانك ما بتقدر على حبي .. ما بتقدر

راحت لجنان ونزلت لها وانقلب صوتها لنبرة باكية هذاا اللي انتي اخذتيه .. اخذتيه مني اناا .. هذا حبيبي انا .. لي بروحي .. بس القدر هو اللي فرقناا .. انا اللي هديته وساافرت عنه .. اتغربت سنين مو عشاان انسااه لااااا .. كنت انطره يتزوج .. يااخذ وحده بنت عالم وناااس مثل ما امه كانت تبي .. مو مثلي انا ..

يوسف دموعه تقطر وحده ورى الثانية مو قاادر يرد عليهاا ..

ساره قامت وراحت وقفت قباله ودارت ويهها على جنااان تسمحين لي ؟؟

جنااان كانت متأثرة بالمشهد حالها حال مريم ومي اللي كانوا ضامين يدين بعض

سااره مسكت يدينه وفتحت ذراعينه بهدوء ورمت روحها بقوه على صدره وصارت تصيح بصوووت عااالي والله اشتقت لك ... أحبك .. أحبك موووت ... هاههئئئ .. اشتقت لحضنك .. لدفى صدرك .. اشتقت لصووتك ..لريحتك .. اشتقت لكل شي فيك حبيبي .. هاهئئئ هائئئئ ..

يوسف ضمها بقوه .. بادلها حضنتها ودفنها بين ضلووعه وصاار يرفع راسه ويبوس شعرها ويشمها بنفس طويل وانا بعد اشتقت لج حبيبتي .. وحشتيني .. وحشتيني .. وحشتيني ..

سااره شدت بحضنتها أكثر ورفعت راسها وحطته على جتفه وابتل قميصه بدموعهاا

يوسف صار يمايلها من قوه حضنتها حاس انها ذابت بين ضلوعة بس مو قاادر يبعد عنهاا وهو دموعه صارت تنزل على جتفها ..

ظلوا أكثر من ربع سااعة على هالحال لحد ما سااره رفعت نفسها مسحت دموعها وصارت تتنهد كل شوي انا آسفه .. اخذت شي مو لي ..

رااحت لجنان ووقفتها وحطت يدها بيد يوسف يالله روحوا .. اخذي ريلج وروحوا .. يالله ..

يوسف مسح دموعه بيده وبصوت بااكي وين نرووح ..

سااره ابتسمت وسط دموعهاا بيتكم .. يالله روحوواا ..

حطت عيونهاا في عيون جناان ديري بالج عليه .. ترااه أغلى من روحي .. هذاا دنيتي كلهاا .. اذا عاش معااج مرتااح وسعييد انا بكون مرتااحه وااوعدكم اني ما ازعجكم طول عمري .. بس اتطمن عليكم من بعيد .. ابي اشوف لك ضنى يا يووسف .. ييب عيااال ...

يووسف ما قدر يتحمل بس يا سااره كاافي ..

سااره طنشته يالله .. بيتكم وحيااتكم تنطركم .. عن اذنكم ..

حملت فستاانها وركضت على الدرج ترمي احزاانها على فرااشهاا ..

يوسف ما لقى غير حضن اخته يرمي احزانه عليه وهي الثاانية اخذته وطلعت من بيت مريم لانه كان منهاار بصمت ..

مريم ومي كانوا يبون يروحون لسااره يخففون عنهاا بس ما يبوون يدخلون عليهاا الحين وهي محتاجه تختلي بنفسهاا .. وتفرغ كل احزاانهاا ..

في سيارة يوسف كانت جنان تسوق ويوسف منهار وهي كاسر خاطرها اخوها كل شوي تتلفت عليه ما توقعتهاا تحبك هالكثر .. هاانت حبيبي .. ما بقى شي وترجع لك ..

بس يوسف ما كان يرد عيونه على الشارع ودموعه مو راضية تنشف تنزل بدون احساس حاط يده على خشمه ويشم ريحتهاا اللي علقت فيه ...

في اليوم الثاني

السااعة 10 الصبح

كانت قااعدة بوسط شلة أولاد من عمرها وتااركه البناات بحالهم يس آي هاف .. عندي مثله .. مريوم شرته لي ..

علاء وقف منفعل يو آر أ لياير .. انتي جذااابة .. ذس از فور أ بوويز نوت أ جيلز .. هذا حق صبيان بس ..

ليلاااه ولا مهتمة لصراخه هوو تولد يو ذاات سبشل فور بووييز .. من قااص عليك .. انا عندي ..

علاء جذاااابة .. بابا لما شرااه لي .. قالي لي هذا حق صبياان بس ..

ليلاااه بااباا وبااباا .. اذيتووني بهالكلمة .. جم مره قلتلكم ما اعرف يعني شنوو ؟؟ لا تقولونها جدااامي ..

حست بيده على عيونها هوو آم آي ؟؟؟ من انااا ؟؟

ليلاااه فتحت فمهاا مندهشة من الصوت وحطت يدينها الصغيره على يدينه وصرخت أميييييييير ؟؟!! از ذاات يوو ؟؟ وت آر يو دونغ هير ؟؟ شتسوي هنيي ؟؟

أمير حملها بذراع واحد وصار يتمشي فيها آي كيم تو سي يوو .. ييت عشان اشوفج ..

ليلاااه حطت ذراعينها ورى رقبته كالعاده هااو ديو يو نو مااي سكول ؟؟ اشلوون عرفت مدرستي ؟؟

أمير باس خدها بنعومة كس مي .. بوسيني وانا أقولج ..

ليلاااه حطت شفايفها على خد ابووها وباسته بوسه طويله

أمير كان حاس بسعااده مو طبيعية هههههههههه .. اوكي .. شفتي ذيج العصفورة اللي فوق الشجرة ..

ليلاااه تدور بعيونها وينهاا ؟؟ ويير از ات ؟؟

أمير أشر باصبعه على الشجره لووك .. شووفيهاا ..

ليلاااه هزت رااسها بالايجااب يس آي سي .. شفييها ؟؟

أمير هي اللي قالت لي ..

ليلاااه ري للللي ..

أمير هز راسه بالايجاب وقعدها على طاولة خشبيه وهو قعد على الكرسي يالله قوليلي .. شنوو اللي شرته لج مريوم .. والولد قالج مال صبياان ..

ليلاااه غمزت له وحطت أصابعها على فمها وهي تضحك ههه .. آي لاييد تو هم .. قصيت علييه ..

أمير كان يتأملها وهي تتكلم ههههه .. زين قوليلي .. اشلون قصيتي عليه ؟؟

ليلاااه قربت فمها من اذنه وحطت يدينها الصغاار تساسره آي تولد هم ذاات ماامي بووث مي فووت بول شووز ..

بعدت عنه وصارت تأشر بيدينه شووز فوت بول .. اللي فيها حباات تحت ..

أمير فتح عينه مو مصدق وضحك بصوت عالي ههههههااااااااااايييييي .. بس هذا مال صبياان ..

ليلاااه هزت راسها بالنفي بقوه نو .. في للبناات بعد ..

أمير زين ولا يهمج للبنات بعد .. ما تكسرين نفسج ابدا ..

رفع ريلهاا يشوف مقاسهاا وابتسم ليلوو .. آي هااف تو قوو نو .. الحين لازم امشي .. بااجر بييج حبيبتي زين ..

ليلاااه ضحكت ضحكة واسعة وبانوا غمازاتها اوكي أمير آم ويتنغ ..

أمير حملها مره ثانية بييب لج شي حلوو .. اذا وعدتيني انج ما تقولين لاحد اني ييتج هني مدرستج .. خصوصا مريوم ..

ليلاااه فتحت عينها فرحانة بالشي الحلوو اوكي .. آي برومس .. ما بقول ولا حق اي احد .. حتى مااامي ..

أمير كمل مشي وبنفسه وانا شاللي ذابحني غير ماامي .. آآآآآآه يا مريوم .. اشتقت لج حبيبتي .. ساامحيني على اللي بسويه بس والله غصبا عني .. انتي اللي جبرتيني ..

الساعة 7 المغرب

في بيت مريم

كانت مريم ومي قاعدين يسولفون

مريم عيونهاا على الدرج هذول وينهم ؟؟

مي من قصدج سااره وفاتوو ؟؟ أكيد فوق ..

مريم روحي ناديهم ملل .. خل نشغل فلم ونقعد نتاابعه ..

مي حملت الكوفي ووقفت تلبس نعالها اوكي .. قااايمة .. انتي اختااري فلم حلو .. بس مو مال يهاال عشان بنتج ترى ملينا ..

مريم قامت وراها تطلع الافلام هههههه .. زين .. بشووف رومانس .. وانتي لبسي شي اثقل الجو بارد .. بتمرضيين ...

مي ركبت فووق على الدرج وهي ترتشف الكوفي وحاملته بيدينها الثنتين عشان ما تحترق ..

مشت في الممر وقربت من غرفة سااره لقت البااب مفتووح ابتسمت وقربت أكثر عشان تدخل لكن صوت فاطمة شدها وخلاها توقف مكانهاا وابتسامتهاا بدت تبهت تدريجيا

يتبع

مشت في الممر وقربت من غرفة سااره لقت البااب مفتووح ابتسمت وقربت أكثر عشان تدخل لكن صوت فاطمة شدها وخلاها توقف مكانهاا وابتسامتهاا بدت تبهت تدريجيا

فاطمة كان باين من صوتها الفرحة بقواا والله .. صج .. صج بدوور .. واااااااو ونااااااااسه ..

مي شهقت من سمعت فاطمة تقول بدوور حطت يدها على صدرها وكأنها تمسك قلبهاا وعيونها بدت تلمع وتحمر ..

سااره سحبت التلفون من يد اختهاا زين على الساعة جم حجزت لناا ..

بدر الساعة 2 الفجر يعني روحي المطار على الساعة 12 .. سااره بليز لا تتأخرون تراكم خواتي وما عندي غيركم ..

سااره ما كانت منتبه ان الباب مفتووح بدر اخر مره اسألك .. انت متأكد انك تبي تتزوج بنت خالتك ..

مي طفرت الدموع بدون احساس وطااح كوب الكووفي على ريلها واحترقت بس ما حست ان ريلهاا اللي احترقت حست بقلبها قاعد يتحول الى رمااد جسمها صاار كله يرجف وراسها تهزه بالنفي مو مصدقه اللي سمعته .. مو مصدقة ان بدر خلاااص رااح منهاا وبيتزوج غيرهاا ..

سارة من سمعت شدخة الكوب على الرخام وصوته يتكسر رفعت التلفون لحظة بدر ..

بدر استغرب بس ما علق ..

فاطمة وساره فتحوا الباب لقوا مي واقفة على حالها تهز راسها بالنفي ودموعها مغرقة عيونها وجسمها كله يرجف ..

ساره نست بدر على الخط حطت التلفون على الطاولة الصغيرة اللي بالممر ومسكت يدين مي مي حبيبتي شفييج .. مي كلميني ..

فاطمة شهقت من شاافت الكوفي على ريلهاا وهي انقلبت حمره من الحرق ويييييييييه .. سااروو شوفي حرقت ريلهاا بالكووفي ..

ساره خافت من شكلها .. صاارت فاتحة فمها تبي تطلع صيحتهاا مو قاادره وشفايفها ترجف بقوه .. صارت تصيح شوي وتختنق بالبااقي ..

فااطمة سااروو .. شكلهاا سمعتناا ..

ساره حطت يدها على فمها مي .. كلميني حبيبتي .. شفييج ..

مي تبي تصرخ وتقول اسمه بس مو قاادره حتى تنطق باسمه بس تون بصوت عاااالي وتشااهق

سااره حضنتها بقووه سمعتينا ياا مي .. خلاااص بدر بيتزوج .. انسييييه .. عيشي حيااتج لمتى بتظلين جذي دافنه روحج بالحياا ..

بدر كان على الخط ويسمع حاط يده على فمه ويتنفس بصعوبة .. للحين ما صار الزواج ومي عرفت دمعته واقفة بنص عينه ..

مي ما كانت حاسة لشي بعدت عن سااره ودارت جسمهاا عشاان تمشي

يتبع ,,,,

👇👇👇

تعديل المقال