رواية عذبتني باسباب فرقاك -49

رواية عذبتني باسباب فرقاك -49

ساره حطت يدها على فمها مي .. كلميني حبيبتي .. شفييج ..

مي تبي تصرخ وتقول اسمه بس مو قاادره حتى تنطق باسمه بس تون بصوت عاااالي وتشااهق

سااره حضنتها بقووه سمعتينا ياا مي .. خلاااص بدر بيتزوج .. انسييييه .. عيشي حيااتج لمتى بتظلين جذي دافنه روحج بالحياا ..

بدر كان على الخط ويسمع حاط يده على فمه ويتنفس بصعوبة .. للحين ما صار الزواج ومي عرفت دمعته واقفة بنص عينه ..

مي ما كانت حاسة لشي بعدت عن سااره ودارت جسمهاا عشاان تمشي

سااره وقفتهاا مي وين راايحة ؟؟

مي كملت دربها نازلة على الدرج

سااره تصرخ مي ردي علي .. مي لاتسكتين .. صرخي .. طلعي صيحتج وصرخي .. بس لا تسكتين وتكتميها بقلبج ..

بدر كان يسمع اللي يصير لحد ما رااح الصوت نزلت دمعته غصب وقعد يناادي على اخته ساااره .. ساااره .. مي شفييهاا ؟؟ حبيبتي شفييها ؟؟ سااره ردوا علي .. ساااااااااااااااااااااااااره ..

بس محد يرد .. تعب من كثر ما صرخ .. سكر التلفوون وقعد يتصل مرة ومرتين وثلاث .. بعد محد يرد ..

بالطرف الثاني نزلت مي .. ومريم انصدمت من شكلها فتحت الباب الخشبي وطلعت بثيااب بيت خفيفة والجو برى كان باارد .. مي ما كانت حاسة بشي غير قلبهاا اشلون شااب عليهاا .. ودموعهاا اللي تنزل من عيونها ووصلت لرقبتها وبللت ثياابها ..

مريم ما كانت تدري بشي ساره شصااير ؟؟ ليش مي جذي ؟؟ شفييهاا ؟؟

سااره ما ردت طلعت ورى مي تصرخ وتنادي بس مي طلعت من الباب الحديدي وبهالبرد .. والسما كانت تبرق وترعد بصووت مخيف .. والشاارع كان ظلااام ..

ساره رجعت البيت تصرخ فااتي .. يبي سويج سياارتي بلحقهاا ..

مريم عيونها تتنقل بسرعة بين الباب وبين ساره وفاطمة شفيييهااا ؟؟؟

سااره كانت عيونها على الدرج تنطر فاطمة تنزل ومعاها السويج بدر بيتزوج يا مريم .. ومي سمعتنا واحنا نكلمه ..

ساره اخذت السويج ولبست جاكيت خفيف وطلعت ورى مي تدورها ومريم لحقتها .. بس للاسف ما لقتهاا .. مي كانت تمشي بين الاشجاار ما تبي احد يلحقها .. ما تبي احد يشووفهاا ..

وصلت بيت صارلها أكثر من ثلاث سنين ما دخلته وفتحت بابه الخارجي .. كانت ثيابهاا كلهاا مااي .. وشعرها يعتصر من المطر .. دموعها امتزوجوا بقطرات المطر .. كانت تمشي تحت المطر ومو حاسة على روحها ..

وقفت قبااال الباب الداخلي ومدت راحة يدينها وحطتها على الباب الخشبي وصاارت تضرب بكل قووتها وتصرخ فتحواااا البااااااااااااب ... فتحووووووووووووه .. اناااااا ييييت .. بطلووووووووووووه .. اناااااااااا مي ..

داخل البيت كان ابوها وامها قااعدين قباال التلفزيون اخترعوا من الصووت .. والخدامة ركضت فتحت الباب ..

انصدموا من شكل بنتهم كانت تقطر ماااي وثياابها خفيفة وحاافية .. مي ما كانت حاسة حتى بريلهاا نعالها انفصخ وهي تمشي بالشواارع ..

امهاا ابتسمت بخبث من شاافتهاا مي .. هلااا حبيبتي .. واخيراا رديتي بيتج .. تعااالي حبيبتي .. تعااالي غيري ثياابج لا تمرضيين ..

أبوها كان ماسك ريموت التلفزيون من شااف شكل بنته طاح الرموت من يده على الارض .. خااف عليهاا وراح مسك يدهاا يمشيهاا بااباا شفييج .. مي اشلوون تمشين جذي .. تعاالي حبيبتي ..

مي طالعت ابوها وعيونها جمر وين ارووح ؟؟

أبو مي تروحين غرفتح .. تغيرين ثيااابج .. وتناامين على فراااشج ..

مي بصياااح اي بيت واي غرفة .. هذا مو بيتي ولا اللي فوق غرفتي ..

أم مي ماما شهالحجي ..

مي سحبت يدها من يد ابوهاا بقوه وراحت قابلت امهاا خلااااااص .. ما عاد شي يهمني .. بدر .. بدر حبيبي .. بيتزوج غيري .. وانتي السبب .. اي انتي .. انا أكثر من أربع سنين بعيدة عنه .. وانتي السبب .. مسكت نفسي وقاطعتج لاني ما ابي انفجر بويهج .. ما ابي اقول لباااااباااا .. بس الحين ما عاد يهمني .. بقوله ..

أمها كانت تطالعها بنظراات ترجي انها تسكت هه .. حبيبتي .. انتي شكلج مريضة تعالي معااي .. بغير ثياابج واشربج شي صاخن تدفين نفسج فيه ..

مي انفعلت وفقدت اعصاابها راحت لابوها وهي تأشر على امهاا شووف هذي .. هي السبب في كل اللي صاارلي .. هي اللي خلتني اروح بيت بدر واشوف وحده غريبة في بيته .. هي السبب في طيحتي شهور بالمستشفى ..

غصت بصيحتهاا وهي السبب في طلاااااقي ..

انفعلت وصرخت أكثر بـــابـــااااا .. هذي ما تستاهل تكون ام ..

ابو مي مو فااهم شي بس ما كان يبيها تغلط في امهاا رفع يده وصفعها عشاان يسكتهاا عييب بابا .. هذي امج .. لا تقولين عنهاا هالحجي ..

مي ما اهتمت لصفعة ابوها وبصياااح امي ؟؟ امي اللي لعبت بشرفي ؟؟ امي اللي خلت واحد يستغل مهنته مثل هشاام يستدرجني بحجة جلسة علاج ويرقدني معااه .. امي اللي اصحى من نومي الاقي نفسي بملابسي الداخلية والاقي بدر في ويهي .. امي اللي مثل ما خلتني اروح بيت بدر واشوف وحده في بيته .. خلته هو بعد ايي ويشوفني راقده يم واحد غيره وبفراشه وفي شقته .. لحد ما جراني جر على المحكمة وطلقني بنفس اليوم .. هذي ماما .. هذي ماما القديرة اللي ما تبيني اغلط فيهاا .. سنين وانا سااكتة ما ابي اسوي مشااكل .. ضحيت بحيااتي وسعاادتي عشاان هذي الام القديرة .. ما كنت ابي بابا يعرف .. ما كنت ابيك تعرف حقيقتهاا وتنصدم فيهاا ..

أم مي تتدارك الموضوع هذي جذاااابة .. ما عليك منهااا .. يايه ترمي بلاها علينا .. سنين ناسيتنا والحين يايه تتبلى علي ..

أبو مي توى فااهم سبب كره مي لامهاا ومقاطعتهاا طول هالسنين رمى بروحه على الكرسي مختنق وغااص مو قاادر يتكلم .. بعد عمر وسنين طويلة توى يعرف حقيقة زوجته حااط يده على صدره يمسحه بقهر .. ويتنفس بصعوبة ..

مي راحت قعدت يمه على الارض بابا .. انا احبك انت .. بس هي لا تطلب مني أحبها .. هي اللي فرقتني عن بدر .. هي اللي خربت فرحتي وقلبت حيااتي .. شووفني ما جني للحين بالعشرين كبرت ... كبرت .. فرااق بدر كبرني .. انا ما استااهل كل اللي صاار لي .. بابا انا انتهيت .. حلمي بشووفه بدر طاار وتبخر .. بدر بيتزوج .. بيتزوج غيري .. يعني انا بظل جذي طوول عمررري .. انا ميتة بابا ..هاهئاهئئ ..هاهاهئئئئ ميتة .. ميتة ..

ابو مي قاام وقفها وحضنهاا بقوه .. ما اهتم للمااي اللي على ثيابها وامتزج بثياابه وبللهم وصاار يمسح على شعرهاا ..

أم مي كانت تشووف المشهد وحست ان ريلهاا صدق بنته شالت عمرهاا تبي تتسحب وتصعد غرفتهاا

لكن أبو مي صررخ بكل قووته وين رااايحة ياا منى ؟؟؟

أم مي وقفت على أول درجة .. خاايفة تتحرك هه .. بروح غرفتي ..

أبو مي بعد بنته وراح لزوجته وسحبها من يدهاا بقوه ودفعها على البااب ذلـــفي برى ..

أم مي شهقت تطردني من بيتي يا أمين .. بعد عشرة 33 سنة تطردني بهالليل والبرد ..

أبو مي فتح الباب اطردج .. اطردج مو بس من بيتي من حياتي كلهاا .. وحياة عيااالي .. طلعي برى .. انا تسووين في بنتي جذي .. سنين وانا عااايش في حيرة .. افكر بطلاااق بنتي واشلون بدر طلقهاا بدوون سبب .. اثااري السبب عندج انتي .. طلعي من بيتي .. ومثل ما مشت مي بهالبرد انتي بعد امشي .. رووحي ذووقي شوي من اللي بنتي ذااقته .. دوري لج مكان يآوويج .. اما بيتي فهو يتعذرج ..

رماااها بقوه وسكر الباب وهي قعدت تطقه بقوه وتصرخ بس ابو مي ما كان يسمع رااح لبنته وحضنها من جتووفها ومشاهاا لفوق .. فتح باب غرفتهاا اللي صاارله سنين مقفوول يالله حبيبتي .. دخلي الحماام تسبحي بمااي داافي وحاولي تناامين .. واذا تبين شي طلبيه من الخدم .. اكا التلفون عندج .. خلااااص رااحت وخلصناا من شرهاا .. حاولي ترتاحيين .. زين حبيبتي ..

بااس جبينهاا وطلع عنهاا .. بالوقت اللي مي دخلت الحماام .. وقعدت بثيابها تحت المااي مو حاسة على عمرهاا كانت قاعدة وضامة ركبتينها ومنزلة راسها وتون بصوت عالي انا ما اقدر اتحمل .. تعبت من هالعيشة ابي أمووت .. انا لااازم امووت .. بدر رااح مني ما عاد في داعي لحيااتي .. انا لااازم انهيها بنفسي .. لازم انهي عذاابي .. لااازم اموووت ..

قامت سكرت الماي وطلعت من الحمام وثيابها مغرقة أكثر من قبل .. أبووها كان خايف عليهاا نزل تحت الصالة وكل شوي يروح لجهة الدرج .. سمع صوت باب غرفتها ينفتح ويتسكر .. قعد ينطرهاا .. وانفجع لما شاافها بثياابها ومغرقين أكثر بالمااي بابا .. تسبحتي بثيابج ؟؟ !!!!!!!!!

بس مي ما كانت تسمع مشت لجهة الباب وفتحته خلت ابووها يمشي وراها عبااله انها فاتحته لامهاا لاتفتحينه لهاا بابا ..

فتحت وطلعت بخطواات سريعة .. امها شاافتها واتفائلت فتحتيه حبيبتي .. ادري اني ما اهوون عليج ..

بس مي كانت ما تسمع لاي احد حتى لسااره ومريم اللي يووها ركض من اتصل فيهم ابو مي

مي صارت تركض في الشاارع والكل يصرخ عليهاا بس هي حاطة يدينهاا الثنتين على اذنها .. ولما شاافت اضاءة سيارة من بعيد وخرت شوي عن الشاارع ولما قربت السياارة قطت روحها عليهاا .. وطارت فوق السيارة على الجهة الثانية من الشاارع بقووه .. الكل كان وااقف متصنم امهاا وابوهاا ورفيجااتهاا .. حتى سايق السيارة اللي صدمها نزل يلطم على رااسه

مريم وسارة ركضوا لهاا وكل وحده فيهم تصرخ من صوب .. مي كانت غاارقة بدمهاا وما تتحرك ..

مريم بصيااح مي حبيبتي .. ليييش سويتي جذيي .. مي ..مي قووومي .. لاتخليني برووحي قووومي .. تونا من شوي كنا نضحك مع بعض .. توناا كنا نخطط نتابع فلم .. حتى انتي قلتي ما تبين فلم يهااال .. ليش .. ليييش قلتلج روحي فوووق .. ليش قلتلج ناادي ساره وفطووم .. ليش سمعتيهم .. ليييش طلعتي من البيت .. ليش ياا مي لييش ؟؟

سااره كانت ماسكة يدين مريم وهي تهز مي بهستيريا مريم لا تسوين جذي ..

درات ويهها على سايق السياارة اطلب الاسعااف بسرعة ..

مريم شاافت امها وابوهاا قربوا وابوها طاح على ركبتينه بنتييييي .. مي بابا قووومي .. مي لاتفجعيني فييج ..

وامهاا راحت يم رااسها ماما ساامحيني .. ساامحيني .. بس فتحي عيوونج .. سوي فيني اللي تبين .. بس لا تموتيين يماا .. قووومي ..

النااس كلهاا ألتمت على مي

ومريم من شاافت امها قااعده يمهاا راحت وسحبت يدهاا بالقوه وهي تصررخ وخررري عنهاا .. مي ما تبيييج .. انتي اللي هدمتي حياااتها .. مي راااحت بسبتج ..

وصاارت تضرب روحها وتصرخ بهستيرياا مي ماتت .. ماتت .. ماتت ..

سااره راحت حضنتها بقووه وبصوت بااكي مريوووم لا تسووين جذي .. لا تطقين روحج .. مي ما تبينا نسوي جذي .. مي تحبنا واحنا نحبهاا ..

مريم هاجت على سااره وصارت تصرخ عليهاا وانتي بعد .. كله من اخووج .. هو اللي ذبحها .. موتهاا .. عيشهاا سنين على حلم انها تشوفه بس .. ما كانت تحلم انه يرجع لهاا كانت بس تبي تشووفه .. بالاخير يروح يتزوج ويعيش حيااته .. بس رفيجتي رااحت مني .. حتى انتي يا سااره ساافرتي وخليتيني بس هي لا .. ولا يووم خلتني برووحي .. كنا نرقد مع بعض ونصحى مع بعض .. حتى بنتي ربتهاا معااي .. آآآآآآآآآه ليلاااه شقولج اذا سألتي عن ماما مي .. شقوولج ..

مريم صاارت تهز مي بقووه ويدينها وثياابها غرقوا بدم مي مي .. لا تخليني برووحي مي .. لا ترووحين عني ..

وصلت سياارة الاسعاف وشالت مي ومريم أصرت تركب معااهم .. ساره ركبت معاها ام مي وابو مي وراحت ورى الاسعااف ..

وأول ما وصلوا شالوا مي بالتروولي دايركت على غرفة العملياات ..

كانوا الدكاترة والمسعفيين يحاولون ينقذونها بأي طريقة بس هي كان راسها ينزف بغزاارة

مرت أصعب 3 سااعات عليهم وهم ينطرون اي خبر يريحهم من اللي هم فيه ..

مريم حتى ما غسلت يدينها ولا ويهها اللي اتلطخ بدم مي وسااره بعد نفس الحالة حاضنين بعض ويونون بصوت واطي ..

أبو مي داخ عليهم ودخلوه غرفة العناية ..

ما بقى غير ام مي وهاني اللي ما كان يدري ليش مي سوت بعمرها جذي .. ومحد رااضي يقوله ..

لجين من اتصلوا فيها راحت مناوبة عشاان بس تكون يم مي وتطمن اهلها عنهاا ..

طلع الدكتور المسؤول عن الطوارئ والكل انتبه له وأولهم مريم مسحت دموعهاا ورااحت تركض له ماتت ؟؟؟

الدكتور ملامحه كانت معتفسه ويهه ابدا ما يبشر بالخير نزل رااسه مو قاادر يقول لهم الخبر ..

ولجين بعد دموعها هي اللي كانت تتكلم عنها .. راحت رمت روحها بحضن زوجهاا توااسيه ..

مريم من شاافت حالة لجين طااحت غشياانة ما قدرت تتحمل وتسمع خبر فقدها لرفيجة عمرهاا .. سااره طاحت على الارض تبي تصحي مريم وتبي تسمع خبر مي .. عيونها صاارت تتنقل بين مريم والدكتور ..

هاااني صرخ على الدكتور ماتت ولا لاء ؟؟ قووول ليش سااكت ؟؟

الدكتور رفع راسه بصرااحة .................................

أبي راااايكم

؟؟؟؟؟

أمير شنااوي عليه ؟؟ قااعد يتقرب من ليلاااه بدون علم امهاا

يوسف بيستمر في الدور وساره مصدقة ولا بتكشفهاا وبتغير راايهاا وبتساافر

بدر بيتزوج من بعد اللي صاار في مي ؟؟

وهي بتعيش بعد الحاادث المروع اللي تعرضت له ؟؟

الجزء الرابع والخمسين

طلع الدكتور المسؤول عن الطوارئ والكل انتبه له وأولهم مريم مسحت دموعهاا ورااحت تركض له ماتت ؟؟؟

الدكتور ملامحه كانت معتفسه ويهه ابدا ما يبشر بالخير نزل رااسه مو قاادر يقول لهم الخبر ..

ولجين بعد دموعها هي اللي كانت تتكلم عنها .. راحت رمت روحها بحضن زوجهاا توااسيه ..

مريم من شاافت حالة لجين طااحت غشياانة ما قدرت تتحمل تسمع خبر فقدها لرفيجة عمرهاا .. سااره طاحت على الارض تبي تصحي مريم وتبي تسمع خبر مي .. عيونها صاارت تتنقل بين مريم والدكتور ..

هاااني صرخ على الدكتور ماتت ولا لاء ؟؟ قووول ليش سااكت ؟؟

الدكتور رفع راسه بصرااحة .. الوضع كلش ما يطمن وانا ما ابي اخبي عليكم .. يعني اذا الحين عاايشة احتمال بااجر تمووت .. عندها رضوض قوية بكل جسمها ونزيف داخلي حااد .. وقفنااه بشكل مؤقت .. محتااجه عملية دقيقة وجرااح شااطر .. بسبب التمزق اللي صاار بالاوعية الدموية جهة القلب وتعرفون هذي المنطقة خطيرة ومو اي احد يقدر يسويها .. والحمدلله السيارة ما كانت مسرعة مع ان الارتطام صار على الرااس والذراع اليمين لكن ما في اي كسور بالجمجمة وهذا اهم شي .. عندها كسر محتاج عملية بساقها اليمين الحين قاعدين يسونها لهاا

..

هااني بغصه سووا اللي تقدرون عليه اهم شي اختي تعيش ..

الدكتور احنا سوينا اللي علينا .. بس هي محتااجة لستة أجياس دم على الاقل تعوض اللي فقدته وجراح قلب يعالج التلف الداخلي ..

سااره بصيااح زين تصرفوا .. شووفوا لها دم من اي مكاان .. ييبوا لها دكتور يسوي لها العملية بسرعة ..

الدكتور المشكلة بفصيلة دمهاا نادرة .. مو موجود مثلها في بنك الدم .. بالزور قدرنا ندبر جيس وااحد .. واحنا محتاجين خمسة عليه ..

مريم كانت على الارض في حضن سااره مو مصدقه اللي تسمعه اخذووا دمي .. اخذواا مني دم .. بس ما تموت مي .. لاتموووت ..

الدكتور اذا في اي احد فصيلة دمه ab يروح المختبر بسرعة ..

هااني انا .. انا بتبرع لها .. مثل فصيلتي ..

الدكتور بعد نحتاج انت بروحك ما بتقدر تعطيها خمس اجياس ..

أم مي انا ما اعرف شنو دمي فحصووني وشوفوا .. اذا ينااسب دمهاا اخذوا مني ..

الدكتور خلاااص اللي يبي يتبرع يروح المختبر يفحص أول .. عباال ما نتصل بالدكتور اللي بيسوي لهاا العملية .. حاولنا نكلم أربع دكاتره اعتذروا ..

سااره ليش .. ليش يعتذروون ..

مريم وقفت على طولها دكتور محمد أمير كرااشي يقدر يسوي لها العملية ؟؟

دكتور يااريت .. اتصلنا فيه بس ماايرد .. وعلى الاغلب مساافر ..

سااره اي صج مريوم اكيد ساافر ..

مريم قعدت على الكرسي تصييح والحل يعني؟؟ نخليهاا تموت ..

الدكتور حاولوا انتو تلقوون دم بسرعة .. وخلوا موضوع الدكتور علينا احنا ..

بعد 4 ساعات ...

سااره تذكرت شي بدر .. بدر مثل دم مي .. اي انا اذكر مرة قالوا جداامي .. دمهم مثل مثل .. بدر بعد يقدر يتبرع ..

هااني ركض لسااره ومد عليها التلفون اتصلي فييه خليه ايي ..

سااره بحزن بس هو مو هني مسافر ايراان ..

مريم مسحت دموعهاا اتصلي فيه .. انا ابي اكلمه ..

ساره خافت من نبرة صوت مريم باين عليهاا اشلون مستحلفة في بدر هه .. مريوم ما بنستفيد شي ..

مريم بصرااخ ساااره اتصلي ..

ساره اخذت تلفون هااني وقعدت تطق الارقام بخوف وبعد ما خلصت حطته على اذنهاا ..

هو كان ينطرهم في المطار لان السااعة الحين وحده ونص والمفروض كانوا بالطيااره وقربوا يوصلون ..

شااف رقم هااني استغرب فتح عينه مو مستوعب اتصاله فيه من بعد قطيعة هالسنين رد بسرعة ألو ..

ساره بصوت يرجف بــ ـــ ـــدر ..

بدر طاح قلبه من سمع صوت سااره وهي المفروض تكون بالطيااره واخترع من سمع صوتهاا جذي يرجف وباين انها كانت تصيح من قلب .. غص بريقه ورفع التلفون من على اذنه يتأكد من الرقم طلع صح هذاا هو رقم هااني اخو مي .. مي حبيبته اللي انجبر يتخلى عنهاا سنين ويحرم نفسه من قربهاا .. اختنق مو قاادر يرد خاف يصدق احساسه ومي فيهاا شي ..

سااره كانت تنااديه بس هو ما يسمعهاا بـــدر .. بـــدر تسمعني ؟؟؟

بدر مسح ويهه بضيق ورد عليها سااره .. انا انطركم بالمطاار .. ليش ما ييتوا ..

كان خاايف يسأل بس ما حس الا بنفسه يسأل وهو مااسك قلبه صاااير شي ؟؟ سااره .. سااره وينج ؟؟

قاطعته بصرراااخ اكيييييد صـــاااااايـــر .. مبرووووك يا بـــــدر اناا اهنيك .. اهنيك وابارك لك بزواجك .. واهنيك بانتحار مي بسبتك ..

بدر طفرت الدمعة من عيونه وشهق بصوت عالي شــــــ .. شـــــــــــنـــــووو ؟؟؟!!!!

مريم مواصلة مي راااحت بسبتك .. انتحرت لانها عرفت انك بتتزوج وحده غييرهاا .. انك نسيتهاا من زماان وعااايش حيااتك ..

بدر ارتفعت صوت شهقااته وكأنه مثل الطفل مو مصدق الكلام اللي سمعه من مريم كان عااض على قبضة يده ودموعه تنزل وحده ورى الثاانية يبي يتكلم مو قادر .. مختنق .. مااسك صيحته وخوفه بالزور ..

مريم قطت التلفون على ساره وهي الثانية كانت خايفة على اخوها لان مريم قطتها بويهه بدون مقدمات بـــ ــــدر ؟؟؟ .. تسمعني ؟؟؟؟

بدر بصرااخ باااكي ساااااااره .. سااااااااااااااره .. صج اللي مريم قالته .. صج مي انتحرت ؟؟ سااااااااااره ردي علي .. ساااره قووولي .. جذب مي ما انتحرت .. مي للحين عااايشة .. مي ما ذبحت عمرهاا عشااني ..

ساره قامت من مكاانها بدر لا تصرخ جذي .. الحمدلله مي ما ماتت .. بدور احنا ما بنقدر انيي عرسك .. آسفه .. رفيجتي بين الحياه والمووت ما اقدر اتركها واحضر زواااج اخوي اللي قطت عمرهاا على السياااره من عرفت انه بيااخذ غيرهاا ..

بدر على صوته أكثر لدرجة ان اللي حوااااليه انتبهوا اي عرس يا ساااره .. انا الحين ياي .. في طيارة بعد نص سااعة بيي فيهاا .. انا ابي اشوووف حبيبتي ..

ساااره ارتاحت وخافت بنفس الوقت وعرسك يا بدر ؟؟ حرااام تترك البنت ..

بدر كان واقف عند الكونتر ويحجز مو مهتم لكلام ساره ما في شي أهم من حياة مي ..

ساره ابتسمت بدر ؟؟؟ مي محتاج دم .. محتاجة لدمك انت .. انت مثل فصيلة دمهاا ..

بدر بلهفة لو تآمر على عمري كله ما راح أغليه عليها مو بس دمي .. يالله ساره الحين انا بركب الطياارة ..

سااره تنهدت برااحة اوكي .. تحمل بروحك .. من توصل كلمني على تلفون هااني ..

بدر ان شاءالله ..

سكر التلفون وركب الطيااره

وكلهاا دقاايق الا وجراح القلب وصل لكنهم ما شاافوه دخل من البااب الخلفي جهز نفسه ودخل الغرفة لقى ستااره كالعااده ما علق بس ظل طول الوقت يهذر مع مسااعديه عن تهور هذي المريضة اللي بين يديه .. واشلوون أذت نفسها بطريقة بشعة .. كانت عمليتها مو خطيرة بس صعبة واخذت منه ثلاث سااعات لانها بمنطقة حساسة .. قدر يعالج التلف اللي تسببت فيه على نفسها .. ووقف النزيف الدااخلي ..

خلص وطلع غسل يدينه وقعد بالسكرب الاخضر بس .. طلع برى عشاان يطمن اهلها كالعاده .. لكن انفجع من الاواادم اللي بصاالة الانتظاار مريم وسااره قااعدين على الارض ودم جاف بيدينهم وثياابهم وشوي على ويههم ..

دخل مره ثاانية يبي يشووف من المريضة انفجع بشكل مي شهق جدام الدكااتره مــي ؟؟؟!!!!!! ليش محد قاالي ..

الدكتور المسااعد دكتور انت اللي ما سألت .. وانت مو من عادتك تسأل عن اسم المريض ..

أمير هز راسه بضييق وطلع من جنااح العملياات وأول وحده انتبهت له مريم من شاافته واقف على باب الجناااح راحت رمت نفسها بحضنه بقوه وهي مو حاسة على عمرها وهو من قوة رميتها رجع خطوة على ورى وقعدت تصيح بصوت عالي وهي حاضنته من خصره وراسها دفنته بنص صدره أميييييير ؟؟؟ مي انتحرت .. انتحرت .. انتحررررت .. هئههئااهئئئ .. راااحت وخلتني .. مي ما تبي تعيش .. انا من لي غيرها .. محد يبيني ويبي بنتي .. محد يحبنا غييرهااا .. بس هي اللي تحبني .. سنين ما فاارقتني .. من ولدت بنتي وهي يمي .. الحين رااحت وخلتني .. شقول حق ليلاااه .. شقووووولهااااااا ..

أمير صاار يتنفس بضييق .. توى حاااس ان مريم حبيبته تصييح بحضنه .. حبيبته اللي صارله سنين ما ضماها لصدره .. حبيبته اللي صار لهاا أكثر من ثلاث سنين ونص ما خذاها لاحضاانه وشم عطرهاا .. سنين طويلة ما سمع حتى صوتهاا .. حس برجفه وحاول يثبت نفسه وبادلها حضنتهاا لحد ما حس انهاا هدأت شوي وسكت صوتهاا بس شهقااتها الصامته على صدره .. عيونه كانت حارقته ماسك دمعته بالزور .. ما يحب ينزلها جداام احد غيرهاا ..

مريم رفعت روحها وعيونها ذبلت مو قاادره حتى تفتحهاا طالعته بنظرة مكسورة وبلعت ريقها بصعوبة مدت يدها المتوصخة ومكست يده ورفعتهاا

يتبع

مريم رفعت روحها وعيونها ذبلت مو قاادره حتى تفتحهاا طالعته بنظرة مكسورة وبلعت ريقها بصعوبة مدت يدها المتوصخة ومكست يده ورفعتهاا

أمير كان مستغرب تصرفااتها .. بس اللي متأكد منه انهاا مو طبيعية متأثرة بطيحة رفيجة عمرهاا

مريم ضمت يده لصدرها أدري انك ما عدت تحبني مثل قبل .. أميييير .. عشااان اللي كان بيناا .. عشاان الحب اللي جمعناا بيوووم .. ابوووس يدك ..

رفعت يده تبي تبوسها بس أمير ما سمح لها سحب يده بقووه وهي صااحت أكثر وطاحت على ريله ابووووس ريلك أمير ..

امير كأن احد صافعه طرااق على ويهه .. مو مستوعب ان حبيبته وروحه وقلبه قااعده تذل نفسهاا له جدااام النااس مد يده ومسك يدينهااا ووقفها مريييييييييييييييم ..

مريم صاارت تتنفس بسرعة وصوتهاا كله ترجي أمير سااعدها .. أمير هذي رفيجتي مالهاا غيري ومالي غيرها .. اسوي اي شي عشاانها .. مي بتمووت .. مي اذاا رااحت انا من لي .. بظل وحيده انا وبنتي .. أمييير اترجااااااك سوو لها شي ...

أمير حضنهاا مرة ثانية بس هالمرة أقوى خلاااااص مريم .. انا سويت لها العملية وسويت كل اللي اقدر عليه ..

رفع يدها وشااف الدم اللي فيها ابتسم ابتساامه باهته وحط يده على شعرهاا وصاار يمسح عليه بحنان غسلي يدينج ويهج .. مي اذا صحت ما تبي تشوفج جذي ..

مريم مدت ظهر يدينها الثنتين ومسحت دموعها بسرعة وضحكت يعني بتصحى ؟؟ يعني بتعيش ؟؟؟

أمير ابتسم لفرحتهاا حس برااحة ان شاءالله بتعيش .. بس الحين محتاجة دم .. محتاجة 3 أجيااس على الاقل ...

بهالوقت وصل بدر وهو يلهث وينهاااااااا ؟؟؟؟

سااره شافت اخوها وراحت مسكته من ذرااعه حمدلله على سلامتك حبيبي ..

مريم كانت من برى ملامح هاادية بس من دااخل الله العالم بحالها راحت وقفت قبال بدر وبكل بروود يااي تكمل عليهاا .. يااي تموتهاا بنفسك .. ما كفااك اللي سويته .. سنين وهي تحلم بس تشوفك .. ما كانت تبي أكثر .. ما كانت تحلم ترجع لهاا .. ما كانت تحلم بحضنك .. بس تشوفك لو من بعييد .. والحين ....

صفعته بكل قوتها على خده اليمين ورفعت يدها الثانية وصفعته بيدها اليسار وعادت الكره في خده اليمين .. تمت تصفع فيه ورى بعض ولا احد ماسكها وبعدها صارت تضربه على صدره بقوه وتدفعه على ورى وهي تصرخ تبي تتزوج ؟؟ تبي تتزوج بعد ما دمرت حياة رفيجتي .. تبي تعيش حياتك وهي هني قاااعده تنهي حيااتهاا ..

أمير شاافها اشلون تضرب ولد عمها بقهر راح لها ومسكها من خصرها وبعدها عنه غصب وهي للحين تصرخ وتحاول تهجم عليه تبي تتزوج يالنذل .. تبي تتزوج يالخسيس .. تبي تتزوج وتذبح رفيجتي .. رفيجتي اللي من سمعت خبر زواجك قررت تنهي حيااتها وقطت عمرها على السيارة ..

رفعت اصبعهاا تهدده شووف يا بدر اذا صاار في مي شي والله ما برحمك .. والله ..

أمير بعدها أكثر بس يا مريم ..

بس مريم طنشته وكانت تبي تفلت منه وتروح مره ثانية لبدر تشفي غليلهاا منه بس هو ضم ذراعينها بقوه وبعدها أكثر وصرخ عليهاا بــــس يا مـــريـييييــــم ..

بدر ويهه انقلب احمر على كثر ما صفعته مريم ودموعه تقطر تقطير بس هو حتى مو متجرأ يمسحهم دار ويهه على اخته وبصوت بااكي ابي اشووفها ..

سااره وهي تأشر على نفسها وتشرح لاخوهاا للحين بالعملياات .. أمير سوى لها عملية ترميم أجزاء داخلية تمزقت .. وعندهاا كسر بساقها بعد سوو لهاا عملية .. الحين هي محتاجة لدم .. الدم اللي تبرع فيه اخوها ما يكفي ..

بدر وقف انا راايح اعطيهاا من دمي .. هذي مي .. هذي حبيبتي ابيها تعيش .. ابي اشووف عيوونها .. ابي اسمع صوتهاا ..

أم مي كانت تسمع كلام بدر وهي منزلة رااسها مو قاادره حتى ترفعه ما لها عين تشووفه .. كانت قااعده تسمعه اشلوون مستعد يضحي بحيااته عشاانها ويسوي المستحيل عشاان ينقذهاا .. قاامت تسحبت وطلعت من قااعة الانتظاار ..

بدر تبرع بثلاث أجيااس مع ان نسبة دمه ما تسمح بس هو وقع على مسؤوليته انه اذا صار فيه مضاعفات المستشفى ما تتحمل أي مسؤولية ..

مروا يومين طلعت فيها مي من العناية على غرفة خااصة لكنها للحين ما صحت تعمدوا يضاعفون لهاا نسبة المسكنات لانهاا تعرضت لاكثر من عملية في وقت واحد .. بدر ومريم وسااره ما فارقوها على طول معاها ..

مريم ما شاافت أمير من ذاك اليوم .. بس كانت ترجع البيت عاادي عشاان ما تحس بنتهاا بغيااب امها الثاانية .. وتوديهاا وترجعهاا من المدرسة .. عااادي مثل قبل وكلما تسألها عن مي تتعذر لها بأي شي ..

في اليوم الثالث

مريم ردت بنتها البيت وراحت تزور مي وأول ما وصلت المستشفى ووقفت السيارة في البارك ونزلت تمشي بخطواتها الواثقة وكعبهاا اللي يطق بالارض .. دخلت داااخل الممراات عشان توصل للمصعد ..

بالوقت اللي هو فتح باب مكتبه وشاافها ما حس على روحه الا سااحبها بقوه لداخل مكتبه من خصرهاا ومن وراها وقفل الباب .. مريم ما كانت تشووفه عرفته من ريحته عشقها تموت عليهاا غمضت عينهاا تتنفس منه وبصوت مخملي ليييش ؟؟

نزلها على الارض براحة ولفها بهدوء وصفن فيهاا يتأمل جمالها للحظات

مريم سكتت ما قدرت تقااوم نظرااته وصارت عيونهاا ترمش بسرعة .. وهي ضامة شفايفها بقووه

أمير مد اصابع يدينه يتحسس خصلاتها ويبعدهم لورى اذنهاا ودمعته واقفة بنص عينه تنطر يإذن لها عشان تنزل براحة على خده وبصوت حزين انتي اللي ليييييش ؟؟

مريم غصت بكلمتهاا وهي تأشر على نفسهاا انــــ ــ ــاااااا ؟؟

أمير اخذها في حضنه وصار يمسح على شعرهاا بنعومة اي انتي يا مريم .. ليش سويتي فيني وفيج جذي .. ليش رحتي وحرمتيني منج .. هاجرت سنين عشاان انسااج بس ما قدرت .. ما قدرت انسااج يا مريم .. كنت ابي اردها لج .. واخليج مثل ما خليتيني .. بس ما قدرت .. وربي ما قدرت ..

مريم دمعت عينها انت اللي جبرتني يا أمير .. عشان بنتك انا سويت كل هذا ..

أمير ما يدري ليش من تييب طاري بنته يفقد أعصاابه مع انه من وراها كل يوم يزورها وتعلق فيهاا واايد .. يمكن يحس بغيرة منهاا .. يحس ان مريم تحبها أكثر منه وتفضلهاا عليه مريم لا تييبين طااريهاا جداامي ..

مريم رفعت روحها وطالعته بنظره انها مصدومة منه ومن كلامه ممكن اعرف لييييييش ؟؟؟؟؟

أمير دار ظهره عنها من غير ليش .. قلتلج هالبنت انا ما ابيهاا ولا احبهاا ..

مريم حملت شنطتهاا اللي ما يبي بنتي يعني ما يبيني .. واللي ما يحب بنتي يعني ما يحبني .. عن اذنك .. انا مااشية ..

أمير دار لها مره ثانية ومسكها من خصرها ورماها بقوه على صدره وحاوط خصرها بقوه انا أحبج انتي بس .. فاااهمة يعني شنووو انتي بس ...

مريم حطت يدينها على يدينه تبي تفلت منه وبحدة في صوتهاا تحااول تمسك دمعتهاا فيها وانا أحبك انت واحب بنتك بعد ..

أمير ما سمح لها تفلت منه مريم انتي لازم تدخلين العمليات وتسوين العملية الثاانية .. اللي انحشتي قبل لا تسوينهاا ..

مريم فلتت منه غصب قووول جذي .. انت ما مسكتني ودخلتني هني غصب لسوااد عيوني .. تبي تجبرني اسوي العملية .. لا يا أمير انا ما ابي اسوي عملية .. اتركني في حالي .. ما ابي منك شي ..

حملت أغراضها مرة ثاانية قلت لك من قبل والحين بعيدها لك مرة ثانية وثالثة .. رد من مكاان ما ييت .. لا انا وبنتي محتاجينك ..

أمير انقهر منهاا ورااح وقف في ويهها هه .. اذا بنتج ما احتاجتني .. بالله من اللي يحتاجني .. من وين بتييبين لها اسم ولا بتظل طول عمرهاا جذي بدون اورااق ..

مريم تبي تتعداه لكن هو ما عطاها مجال وقالت كلامها بدون ما تفكر خلاااص طلقني وانا اييب لها ابوو غيرك يعطيهاا اسمه ..

أمير فقد أعصابه وصفعها بقوه وهي من قوة صفعته طاحت على الارض .. سالت دمعتها بسرعة وهي حطت يدها على خدها مو مصدقة ان هذاا أمير اللي واقف جدامهاا .. أمير اللي مد يده عليهاا قبل شوي .. أمير اللي صرخ عليها ودفعها بقوه .. أمير اللي هددها ببنتهاا ..كانت تطالعه بنظراات حقد وكره مو مستوعبه حبيبها وصلت فيه الكراهية انه يمد يده عليهاا ..

بس أمير كلش ما اهتم لطيحتها ولا لدمعتهاا ولا لنظراتها .. كل اللي كان ماكل قلبه كلمتها .. " طلقني .. طلقني وانا اييب لها ابو غيرك " .. ما كان يتوقع ان بييه يوم وبتطلب منه مريم هالطلب وبتقوله في ويهه ..

مريم وقفت وحطت يدها على قبضة الباب وامير صرخ عليهاا بعد عشرة أيام عمليتج اذا ما ييتي بنفسج .. انا بعرف اشلون اييبج غصب .. ولا تخليني اسوي شي تندمين عليه طول عمرج يا .. هه يا أم ليلاااه ..

مريم مسحت دمعتها وطنشت كلامه وفتحت الباب وطلعت بسرعة كاتمة صيحتهاا ..

أمير طلع وراها بس لخارج المستشفى ..

مريم وصلت غرفة مي لقت بدر قااعد على الكرسي ومنزل راسه فوق سريرها ونايم .. ما حبت تزعجه لقتها فرصه انها تنزل دموعها على راحتهاا وتصييح وتطلع اللي بقلبهاا داخل نفسها بس محد يسمع غيرهاا ياااريتك ما رديت يا أمير .. ياااريت .. ما ابي اشووفك .. ما ابي اشووف الكره اللي بعينك .. انا مريم يا أمير اشلوون تمد يدك علي .. وصلت فيك لدرجة انك تطقني .. بعد كل هالصبر ترجع لي وقلبك ملياان علي وعلى بنتي .. آآآآآآآآآه يا أمير والله انك ذبحتني بحبك ذبحتني .. انا صج استفزيتك بس ما توصل انك تطقني وترميني على الارض .. انت أكيد ما عدت تحبني مثل قبل .. أكيد نسيتني .. أكيد تكرهني ..

شافت بدر رفع راسه مسحت دموعها بسرعة وابتسمت اشلونها اليووم ؟؟

بدر تنهد ورفع شعره بيده عن عيونه على حالهاا .. بس يقولون احتمال الحين يخففون جرعة الدوا ويخلونها تصحى .. ابي اكلمهاا .. اشتقت لهاا ..

مريم راحت قعدت على الكرسي اللي يمه توك تحس يا بدر ؟؟ مي كانت ميته طول هالسنين

يتبع ,,,,,

👇👇👇

تعديل المقال