رواية عذبتني باسباب فرقاك -50

رواية عذبتني باسباب فرقاك -50

مريم راحت قعدت على الكرسي اللي يمه توك تحس يا بدر ؟؟ مي كانت ميته طول هالسنين .. عاافت الدنياا .. كرهت النااس .. كرهت كل شي عشاانك .. انا كنت اشوفها اشلون تذبل يوم عن يوم جداامي .. بس ما قدرت اسوي لهاا شي .. لان حالي مو احسن من حالهاا ..

بدر بدى يختنق بعبرته شسوي يا مريم .. انتي عبالج اني طلقتها لاني شفتهاا راقده يم هشاام .. لااا يا مريم انا كنت متأكد ان مالها ذنب .. مي ما تسويهاا .. مي عايشة على حبي .. عايشة على انفاسي وهوااي هو هواها .. مستحيل تنام مع غيري .. مي ما تشوف ريال ولا حبيب ولا زوج غيري ..

مريم طالعته بنظرة استغرااب عيل ليش طلقتهاا ؟؟!!!!!

بدر طفرت دمعته ومسحها بسرعة طلقتهاا لاني كنت خاايف عليهاا يا مريم .. خفت يأذونها أكثر .. امها ما تبينا نتزوج .. سوت كل اللي سوته عشاان تفرقنا عن بعض .. قلت اخليهاا يمكن اذا انا بعدت عنهاا يتركونها في حالها وما يأذونهاا .. قلت يمكن تنسااني وتتزوج .. بس انا كنت دوم اسأل عنهاا .. ساره كانت توصل لي اخباارها وتطمني عليها أول بأول .. انا محتفظ بكل أغراضها وصورها .. ما قدرت استغني عن اي شي من ريحتها ..

مريم وزواجك كان هو الحل يعني ؟؟ شووف شسويت فيها وفي نفسك ؟؟

بدر انا تعبت وانا انطرها تنسااني .. كنت انطر ابيها تروح لغيري .. بس هي كانت تنطر أكثر مني .. قلت اتزوج يمكن اذا تزوجت انسااها وهي بعد تقتنع وتشوف حيااتهاا ..

مريم وبنت خالتك شسويت معاها ؟؟

بدر ابتسم كان ولد خالتي معااي بالمطاار وعرف باللي صاار وهو اللي حجز لي تذكرتي وقال لي روح شوف حيااتك .. حياتك هناك في البحرين مو معانا مع احبابك .. بس شوفة عينج وينهاا حيااتي ..

مريم يعني كان لازم مي ترمي نفسها على السيارة عشان ترجع .. المفروض كنت ما تتخلى عنهاا عشاان احد .. امهاا مثل ما سوت فيك سوت فيهاا .. انت ما تدري ان هشاام حااول معاها يبي يتزوجها بس مي كانت تطرده مو بس ترفضه .. من تشوفه تتذكر اللي صاار وانه هو السبب في اللي صار لكم ..

بدر سحب يدها اللي فيها المغذي وباس راحتهاا ودمعته نزلت داخلها

مريم ابتسمت على حركته واشلون دمعته صارت بكف مي كانت تحلم بس تشوفك .. ما كانت تبيك ترجع لها .. بس تبي تشوفك .. بدر انت تحبهاا ؟؟

بدر رفع يدها وصاار يشمها أحبهاا .. أحبهاا .. أحبهاا .. هذي أحلى طفلة كبرت جدام عيني .. وللحين اشوفها طفلتي .. طفلتي الصغيرة اللي ما كبرت بعيني .. ما انسى اشلوون كانت تتعب عشان تفهمني انها شكثر تحبني .. وشكثر انا كنت اعمى ما اشووف حبهاا .. أحبها أغلى من روحي .. أحبهاا مووت ..

قطع عليهم كلامهم صوت متقطع وبااين عليه التعب وانـــــ ــــــــااا .. أحــــ ــــ بـــــ ـ ــككككك ..

بدر ومريم وقفوا من طولهم

بدر بلهفته ماسك يدها ويمسح على شعرها باليد الثانية مي حبيبتي .. صحيتي .. مي أنا أحبج وربي أحبج .. ليش سويتي جذي بنفسج .. ليش اذيتي نفسج .. ليش حبيبتي انا ما استاااااهل ..

مريم حبت تخليهم ياخذون راحتهم .. انسحبت من مكانها وطلعت برى ..

مي كانت تتوجع بس مو مهتمة لوجعها كانت تتكلم بصعوبة وهي تحااول تبتسم بــــ ــــــــ ــــــــدر ..

بدر نزل لها وهو مو قادر يتحكم بدموعه يا قلب بدر .. يا روح بدر ..

مي مو قاادره حتى تفتح عينهااا انـ ــــــ ـــــــااا .. أحـ ــــ بـــ ــ ــــك .. وانــ ــ ــ تــ ـــ .. بــ ــ تــ ــ تــ ــزوج وبــ ــ تـــ ــ خلــ ـــيــ ــ ــني .. بــ ـــ تـــ ـــنــ ـــــــســ ـــاااااني .. وبــ ــ تــ ـــروح .. لــ ــ ــوحدة غــ ـــيــ ــــري ..

وصرخت من شدة الالم آآآآآآآآآآآآآه ..

رجعت راسها على المخده وصاحت حـــ ــــ ــرمــ ـــتــ ــ نـــي منك ســ ــ نــ ـــيــ يـــــن .. ســ ــ نــ ـــيــ يـــــن وانــ ـــا أحــ ـــ ــلــ ــــــــــم بــ ــ ـــشووووفــ ــ تكــ .. ســ ــ نــ ـــيــ يـــــن وانــ ـــــا عــ ـــااايـــ ـــشــ ـــه عـــ ـــلى أمــ ـــ ـــل نــ ـــ ـــلتــ ــــ ـــقـــ ـــ ـــي .. ســ ــ نــ ـــيــ يـــــن وانــ ــــا أنــ ـــ ــطــ ـــر .. وبــ ــالاخــ ــيـــ ـــر يــ ـــ ـــقــ ـــوووولــ ـــ ــووون بــ ـــتــ ـــتــ ــزوجــ .. آآآآآآآآآآآآه .. هاهئهئ هاهئئهائئ .. آآآآآآآآآه .. يـــ ـــ ـــا بــ ـــ ـــدر .. آآآآآآآآآآآآآآآآآآآآه ..

بدر قلبه يتوجع عليهاا خلاااص حبيبتي لا تصيحين .. انا يمج .. ما بخلييج وبروح .. باخذج معاااي وين ما اروح .. بس انتي لا تصيحين .. انادي الدكتور يعطيج مسكن ؟؟

مي مستمرة على حالها تصيح وتوون بصوت عالي مـــ ــــا أبــ ـــ ـــي مــ ـــ ــــســ ـــكـ ـــــن .. خــ ـــ ــــلـــ ــني أتـــ ـــ ــــــوجـــ ــع .. الالـــ ـــــ ــــم اللــ ــــي بــ ـــجـــ ـــســ ـــمــ ـي مــ ــا ايــ ـــي شــ ـــ ـــي تــ ــ ــحــ ـت الالــ ـــ ـــم اللــ ــ ــي بــ ـــ ـــقلــ ـــ ـــبــ ـي ..

وصاارت تضرب على صدرها مكان الجرح بقوه

بدر يشووفها جذي مو عاارف اشلوون يهديهاا مسك يدينها الثنتين مي حبيبي .. لا تسووين جذي .. لا تصرخين .. انا طلقتج وساافرت عنج عشاانج حبيبتي .. خفت علييج .. خفت يأذونج أكثر .. انا صج فقدت أعصاابي وطقيتج وأهنتج لاني ما اتحملت اشوفج يم غيري .. ما اتحملت اشوفج وانتي تتأذين جداامي وانا اقعد مكااني سااكت ما اسوي شي .. صدقيني حبيبتي انا بعيد وانا مرتااح لانج بخير .. مي انا احبج حبيبتي .. انتي اللي علمتيني اشلون احب وعلمتيني معنى الحب الحقيقي ..

مي وهي تصييح ليييييييش ؟؟ هــاهئهاهئئئ .. ليش خليتني .. ليش ليش ليش ..

بدر قعد يمها وهو للحين ماسك يدينهاا نزل شفايفه على شعرها وباسها بنفس طويل لان جبينها مغطى بالشاش اصصصص .. خلااااص حبيبي خلااااص .. انا ييت عشااانج .. بس لا تصيحين .. انا يمج ومن اليوم ما بخلييج ولا بروح عنج مكاان ..

يتبع

ترك يدها ومي حضنته من خصره ودفنت راسهاا على صدره وقعدت تصييح بهدوء وتتنهد كل شوي ..

بدر بعد كان يتلذذ بطعم دموعه لكن بدون صوت

ظلوا على هالحال أكثر من نص ساعة

مي هدأت شوي بس للحين تتنهد وبصوت ضعيف يااريت قطيت روحي من زمان على اي سياارة بس ترجع لي واشووفك ..

بدر مد أصابعه على شفاايفهاا اصصصص .. لا تقولين هالحجي .. انا من سمعت ييتج طيراان .. اشوى اني احمل جوازي معااي وين ما اروح .. حبيبي اشلوون تأذين نفسج عشااني .. يعني اذا صاار فيج شي انا برتااح ؟؟ مي انا أحبج سنين وانا انطر خبر يطمن قلبي عليج .. كنت ابيج تتزوجين .. بس انتي ............

قاطعته بصوت مخنوق كنت انطرك .. يعني اذا اناا تزوجت انت بترتااح ؟؟

بدر ما عنده جواب نزل عيونه ما قدر ينااظرهاا والشووق فااضحه وبااين بعيونه

حست فيه ابتسمت ورفعت روحها وطالعته بعيون تعباانة انا للحين مو مصدقة انك رديت .. مو مصدقة انك ييت عشااني ..

رفعت راحة يدينهاا وحطتم على خدوده وعيونها في عيونه مو مصدقة انك قااعد يمي وانا بحضنك .. انا من زماان صااحية بس ما فتحت عيني .. فتحت شوي شفتك خفت اكون بحلم .. بس لما دخلت مريم وقعدتوا تسولفوون .. حسيت اني مو بحلم حتى لما نزلت دمعتك بيدي انا حركتها عشاان تحس اني اسمعك بس انت ما حسيت فيني ..

تغيرت نبرة صوتهاا الى بكااء ترجي بـــدر لا تساافر وتخليني .. لا تروح عني .. بليييييز لا تروووح .. انا أحبك .. والله أحبك .. ما اقدر اعيش بعيد عنك .. لا تخليني تعبت من فرااقك .. تعذبت .. سنين وانا تعذبت .. عذبتني بأسبااب فرقاااك .. صدقني حبيبي انا مو حمل فرااق أكثر .. قلبي ما يتحمل .. انا والله ما خنتك .. والله .. والله .. هشاام ما لمسني .. انا للحين بنت .. اذاا تبي تتأكد انا مستعده ..............

بدر دار جسمها عدل وضمها بقوه أكثر من قبل يسكتهاا وهي بعد دفنت عمرها بأحضانه أدري حبيبي .. أدري انج للحين بنت .. خلااااص لا تصيحين .. عشاان خااطري لا تصيحين .. اذاا صج تحبيني وقفي دمووع تعبت واناا اشووف دموعج ..

مي مالت رقبتها أكثر على جتفه وهو لوى برقبته على جتفها ..

اختلطت أنفاسه بأنفاسها وامتزجت ريحتها بريحته ..

بدر كان يشمها بنفس طويل وبصووت عاااالي أثيري آآآآآآآآآآآآآآآآآه .. اشتقت لريحتج .. اشتقت لطيبة قلبج .. اشتقت لصوت أنفااسج .. اشتقت لصوووتج .. اشتقت لقربج وحضنج .. انا اللي اترجااج حبيبتي .. انا اللي اترجااج لا تبعدين عني اكثر .. اختنقت بعيد عنج .. سنين وانا عااايش على الذكرى .. سنين وانا عاايش على امل ... لا تحسبيني اني كنت مرتااح .. لاااا يا روحي .. انا كنت انطر أكثر منج .. تعذبت على كثر ما نطرت .. تعذبت على كثر ما دمعت عيني .. مي عذبتيني وانتي بعييد عني .. عذبتيني بأسبااب فرقااج .. ردي لي .. ارجعي لي ..

رفعهاا من حضنه وقاابلهاا وعيونه ملياانه ترجي مي انا ابي اتزوجج مرة ثاانية .. تتزوجيني حبيبتي ؟؟

مي غرقت عيونهاا بالدمووع للحين مو مصدقة اللي تسمعه للحين حاسة نفسها بحلم مو حقيقة كانت تتأمل شفايفه وهو ينطق ويطلب منها هالطلب .. وكأنها تبي تستوعب ..

بدر خااف من هدوءها مسك يدينها وصوته بدى يختفي على كثر اختنق بعبرته تتزوجيني يا مي ؟؟ تتزوجيني مرة ثااانية ؟؟

مي سحبت يدينها ومسحت دموعهاا وسحبت نفس قصير وهزت راسهاا بالنفي لا يا بدر ..

بدر شهق مو مصدق ليييييييش ؟؟؟

مي حطت راسها على صدره اخاااف ..

بدر صاار يمسح على شعرها بحناان ليش تخاافين حبيبتي ؟؟

مي سالت دموعها من جديد اخاااف تبعد عنييي .. مو لاااازم نتزوج .. اهم شي اشوفك وتشووفني .. اخااف يفرقونا مرة ثااانية .. شنو شفناا من الزوااج ما شفناا غير الدموع والفرااق .. واذا انت فارقتني انا ما اضمن نفسي اني اقدر اعيش مرة ثاانية ..

بدر ما حب يلح عليهاا أكثر باس شعرهاا خلااااص .. نتكلم بالموضوع بعدين .. ميوون حبيبتي ابييج تعرفيين شي وااحد اني انا أحبج وبظل أحبج وانطرج لوقت ما انتي تكونين مستعده تتزوجيني ..

زفر بحراره مستحيل اخلي احد يقرب من حياتنا ويخربها .. خلااااص يا مي انتي لي حبيبتي .. لي بروحي .. ما بسمح لاي احد يبعدج او ياااخذج مني ..

مي بهدوء وهي للحين في حضنه توعدني ؟؟

بدر ابتسم وبااس شعرهاا اوعدج يا روحي .. والحين يالله ناامي شووي .. عشاان تطيبين بسرعة ونطلع من هالمكاان .. نرجع لحيااتنا اللي ضااعت منا ..

مي ظلت بحضنه وهو يسولف لهاا عن كل اللي صاار له بغيابها عن حيااته عن عذابه وهي كانت تسمع وفرحاانه لحد ما دخلت عليهاا الممرضة وعطتهاا دواها وناامت متوسده صدره ..

هو ظل يمهاا لحد ما غفت عينه وهو على وضعيته ..

مريم فتحت الباب وشاافت شكلهم ابتسمت ولبست نظاارتها وطلعت من المستشفى ..

بعد 5 أياام

مي تحسنت صحتهاا أكثر والسبب يرجع لبدر .. ما تركها كان يأكلها ويشربها بيدينه وينومها على صدره يغني لها ويقص عليهاا أحلى القصص .. وهي كانت طااايرة من الفرحة مو مصدقة انه رجع لهاا وخطبها مره ثانية وبيبقى معاهااا ما بيفاارقها ابدا ..

سااره للحين ما تدري بخطة يوسف ومريم وتتعذب كل يوم لما تمر يم بيت جناان وتشوف سياارة يوسف .. كان يقعد مع اخته طول اليوم عشاان سااره ما تشك فيهم وبالليل يرجع بيتهم .. وهو متحمل وصاابر أهم شي ترجع له ..

مريم من ذاك اليوم ما شاافت أمير كانت خاايفة وتعد الاياام بقت خمسة ايام وينفذ تهديده بس هي كانت تقوي نفسهاا ومو خااايفه منه .. لانهاا وصلت لقنااعة انه ما يقدر يجبرها على شي هي ما تبيه مو من حقه هجرها وهجر بنته سنين والحين يااي يصرخ ويهاوش ويهدد وآخر شي تمادى ووصلها للطق .. كانت تقضي يومها بين الشركة وبنتها والمستشفى تزور رفيجتهاا ... وهو الثااني كان ينطر ما يبي يتسرع ويسوي شي يندم عليه راحت خمس ايام وبااقي خمس اياام .. كل يووم يزور ليلاااه .. وهي تعلقت فيه واايد على كثر ما يشتري لهاا هداايا .. ويفرحهاا ..

السااعة 7:30

مدرسة ليلاااه

نزلت من السيارة بعد ما بوستهاا امهاا ودخلت المدرسة وهي تراكض كعادتهاا

وأول ما تسكر باب المدرسة لقته متكي على ركبه وفااتح ذراعينه مثل كل يوم ينطرها تيي تحضنه وتبوسه وما يبين من ويهه الا ابتسامته العريضة واسنانه البيضا ونظاارته الشمسية على عيونه ..

ليلاااه من شاافته فتحت عينها وقطت شنطتها على الارض وركضت رمت روحها في حضنه قوود مورنغ أمووري ..

أمير حملها وراح لشنطتها واخذهاا قووود مورنغ سويتي ..

ليلاااه ضاامه رقبة ابوها واااي آر يو هير إيرلي ؟؟ ليش ياي قبلي ..

أمير ابتسم وصاار يلعب بجدلاتهاا يو آر ليت تو دي .. انا ياي مثل كل يووم ..

ليلاااه هزت راسها بالايجااب ياا آم ليت تو دي بكووز مااامي وااز تاايرد .. ما قعدت الا متأخره ..

أمير نغزه قلبه وبدون ما يحس شفيييها حبيبتي ؟؟

ليلااااه فتحت عينها مستغربة وأمير شااف نظرتهاا حااول يرقع الموضوع آآآي ميين يور مام .. واات هاابنند توو هير ؟؟ واااي شي وااز تاايرد ؟؟ .. شفييها لييييش تعباانة ..

ليلاااه هزت جتوفها ببراءه آي دونت نوو .. هي مو مريضة .. از ات نو أ سك .. انا اشووفها كل ليلة قبل لا ترقد تقعد تصيييح .. اصلا ماامي كله تصيح .. كله تصيح ..

أمير ما كان مرتااح بس ما يبي يحسس بنته ليلااااه ؟؟ كم وذ مي .. تعالي بوريج شنو شريتلج ..

ليلاااه رفعت قبضة يدها فرحااانه يـــــسسسسس ..

فتح لوكرها وطلع منه شوز فوت بول لونه بنك ومرسووم عليه ستروبري وشرايطه ذهبية .. كان شكله يسحر ومبين عليه انه مسويه اوردر عشااانهاا هي بس ..

ليلااااه فاتحه عينهاا مو مصدقة وحاطة يدينها الصغاار على فمهاا واااااااااااااااو .. ذس از فوور مي .. ات از سوو بيوتفل ..

أمير شاله من اللوكر ونزلها على الارض ونزل لمستوااها هانيي ... ذس از فوو يو .. شووفي يوور نيم از هير ..

وراها اسمها اشلون مطرز بالذهبي على جهة وحده وهي مو مصدقة حملته تتأمل فيه وبعده رمته على الارض وضمت ابوووها بقووه وكأنها تشكره ثاانك يوو أمير .. آي لاف يوو توو مااج ..

أمير يرتااح لما يفرحهاا باسها في خدها وصار يمسح عليه بأصابعه يتحسس جمال بشرتها يذكره ببشرة أمهاا آآي لاف يوو توو بيبي ..

ليلاااه بااااسته بقوه في خده يووو آآآر قوود ......

سكتت ما عرفت تقولهاا

أمير ضحك بخفة قوود ماان حبيبتي ..

ليلاااه وهي تأشر باصبعها على رقم وااحد أمير ؟؟ آي وونت وون ثنغ .. أووونلي وون .. مريوووم ما ترضى تشتري لي ..

أمير مسك صبعتها وباسها بنعومة طلبي حبيبتي .. قوووولي شتبين وانا اشتريه لج ..

ليلاااه كانت تأشر على ولد داخل مع ابووه وهني كانت صدمة امير شفييهم ؟؟

ليلاااه ببراءه آي وونت لااايك ذس .. آآي ونت ماان يمشي معااي انا وماامي احنا كله نمشي بروحنا ... ابي هذا اللي يقولون له بابا .. انا ما عندي واااحد .. آوول مااي فرندز هااف وون .. كل ربعي عندهم الا اناا .. تقدر تشتري لي .. والله والله ما بقول حق ماامي .. آآآآي برومس ..

أمير طفرت دمعته بس تلحقها قبل لا تنتبه لها بنته ما لقى شي غير انه يحضنهاا كان وده يقول لهاا انا بابا بس ما يدري ليش يسكت ما يقدر يوواصل كلامه وبنفسه ساااامحيني حبيبتي .. سااامحيني انا ما استااهل اكون ابووج .. وصلت فيك يا أمير ان بنتك تطلب منك تشتري لها ابوو .. ياااربي .. مريم حبيبتي اشلوون تحملتي تطلب منج تشترين لهاا ابوو وابوها موجود .. كله منج انتي ومني انا .. احناا السبب .. احناا اللي ظلمنا معانا هالبنت ..

بعدها وعطااها الشووز وهو غااص ومختنق من طلبهاا ليلاااه .. رووحي حبيبتي وريهم الشووز .. خليه هني باللوكر لا تودينه البيت .. بعدين تاخذه منج مريوم ..

ليلاااه هزت رااسها بالطاعة والايجااب وحملت كل واحد بيد وشنطتها ورى ظهرهاا وركضت على صفهاا

أمير كان يشووفها اشلون تتبااهى فيه جداام الصبياان واشلوون قااهرتهم ورافعة ضغطهم مسح دمعة انولدت من جديد ولبس نظاارته وغير اتجااهه لنااحية الباب وطلع من مدرسة بنته ...متوجه للمستشفى اليوم لازم يمر على مي ويفحصها لان من بعد العملية ما زاارهاا ...

سااره كانت وااقفة عند بيت جناان .. تدور على سياارة يوسف ما لقتهاا .. نغزها قلبهاا .. حركت سياارتها لفيلااا كراشي وقعدت تنطر برى لان سور بيتهم رفيع ما يبين منه شي وبعد انتظار 45 دقيقة طلع من بيتهم وهي استغربت من نومته هني .. رااحت ورااه لحد ما وصل بيت جنااان .. الشي زااد من حيرتهاا وقفت سياارتها على الشاارع الثااني اشلوون يرقد في بيتهم ؟؟ وايي هني الصبح ؟؟!!!!!!!

لمحت عيال جناان طالعين وعليهم ثيااب المدرسة شهقت من هذوله .. واي مدرسة السااعة تسع .. ويييه هذول كبااار .. متى ياابوهم .. ليكون كان متزوووج ؟؟؟؟ لاااا مو معقوله .. اشلوون ..

حطت يدينه على رااسها افففففففف راااسي ما اقدر افكر بييّن .. هذوول كباار وااايد ..

شافت يوسف طالع ورااهم وراكبين معااه بسيارته فتحت عينها ومعااه بسياارته ؟؟ انا لااازم اروح ورااهم واشوف وين راايحين .. بس يا سااره يمكن عيااله .. لاااا ما ابي حتى افكر فيهاا .. يوسف ما يسوي جذي .. ما يخدعني .. مو لهدرجة .. هذول أكبر من خمس سنين .. يعني قبل ما أعرفه وقبل ما نحب بعض .. افففففففف .. شسوي الحين .. راااسي بينفجر .. أحسن شي ألحقهم وأشوفهم وين راايحين ..

في سياارة يوسف

كان معصب ويصرخ على عيال اخته الحين ابي افهم انتو متى بتكبروون ؟؟؟؟؟ اشلووون تتعااونون على اليااهل وتطقوونه .. عنبوكم ياااهل عمره 3 سنين ليش طقيتووه .. الحين شقوول للاخصاائي .. المفروض يفصلكم من المدرسة .. انا ادري ابوكم اللي علمكم تسوون جذي وتأذون اختي .. لكن حريمته ما ترجع له واناا موجود ..

علي ولد جنان العود وعمره 9 سنواات ليييييييييش ؟؟؟

رضا نط من ورى عمره 8 سنوات اي خالووو .. لييييش ؟؟؟ احنا نبي بابا يرد البيت ..

يوسف بصرااخ انتو الحجي معاكم مامنه فااايده ... يالله نزلوا .. واذا قالوا بيفصلونكم انا ما بقول شي .. بصرااحة تستااهلون .. كل وااحد شطووله وتتقوون على يااهل .. انا اعرف هذي كلها حركات عزيز انا حافظها ..

علي وهو حاامل شنطته ونازل من السياره خااااالووو .. بليييييييز .. اذا فصلونا ماما بتقعد تصيح ..

يوسف وهو يدفعه على باب المدرسة خااايف واايد على امك .. مالت عليك انت ويااه .. يالله جدااامي ..

رضا نزل على الارض يربط خيوط جوتيه وشنطته طااحت يمه على الارض

يوسف وعلي سبقووه لدااخل المدرسة وهو يناادي علييهم خااااااااااااالو يوسف .. علوووي نطروووني ..

سااره كانت واقفة يمه بالسياره وفاااتحة الدريشة من سمعته قااال خااااالو فتحت عينهاا مو فااااهمة شي كل شي اختلط عليهاا فتحت باب السياره ونزلت لرضاا وما اهتمت اذا يوسف شاافها ولا لاء ..

طلعت من شنطتهاا كارامل جوكلت وعطتها ايااه ممكن ؟؟

يتبع

طلعت من شنطتهاا كارامل جوكلت وعطتها ايااه ممكن ؟؟

رضاا فتح عينه يطالع الجوكلت ومد يده عشاان يااخذه بس سااره سحبته بسرعة بعطيك ايااه اذا قلت لي شنو اسمك ؟؟

رضاا وللحين عيونه على الجوكلت اسمي رضاا ..

سااره وهي ماسكة قلبها رضاا .. اسم حلو .. شنو اسم البابا ؟؟

رضاا بنفااذ صبر عزيز .. يالله عطيني ايااه ..

سااره تنهدت برااحة وهذاا اللي يااي معااكم هو باابا ؟؟

رضاا هز راسه بالنفي وضحك ههههههههه .. لا هذا مو بابا .. هذاا خالي يوسف .. اخو ماما بالرضااعة ..

سااره رمت الجوكلت على الارض مو مصدقة فاتحة عيونها وتمشي لجهة سيارتها وهي جاامده ركبت سياارتهاا وهي للحين مو مستوعبة شغلتهاا ودعست على البنزين ومشت بسرعة ..

يوسف كان واقف عند باب المدخل سمع صوت السياارة لف جسمه ولمح سياارتها وطلع برى يركض ..

شاف رضا فاتح الجوكلت وياكل منه نزل جسمه له ليش تأخرت ؟؟؟

رضاا كنت اربط خيوط الجوتي .. ويت وحده سألتني شسمك قلتلهاا اسمي رضاا وقالت واسم البابا قلت لهاا عزيز .. بس

يوسف مو قاادر يستوعب عيونه كل شوي تتلفت على الشاارع وقلبه من الخوف يدق بسرعة رضاا ؟؟؟ .. خاااالو .. اشلوون شكلها ؟؟

رضاا وهو يااكل ولا مهتم ما شفت شكلهاا كانت لابسة نظااره وحاطه شال فوق راسها ..

يوسف بنفسه اكيد مو سااره .. ما اظن انها تلحقني .. اصلا هي من عقب ذاك اليوم ما شفتهاا ولا سمعت اخباارهاا .. اكيد وحده مشبهة على رضاا ..

مسك يد ولد اخته ودخل معااه داخل لغرفة الاخصاائي ...

سااره للحين مصدومة وقفت السياارة يم بيت جناان مو قاادره تستوعب نزلت بهدوء ومدت أصاابعها على الجرس بتردد

جناان كانت قااعده على اعصاابهاا والتلفون ما نزل من على اذنهاا تحااول تتصل بيوسف بس هو ماا يرد .. تبي تعرف شصاار معااه ما صدقت تسمع صوت الجرس ركضت فتحت الباب ..

ساره من شافتهاا فصخت نظارتها ومدت يدها تتذكريني صح .. انا ساره أكبري بنت عم مريم .. مريم مرت أمير .. ممكن ادخل ؟؟ ..

جنااان فااتحه عينها مدت يدهاا ببرود وكأنها مو مصدقة صافحتهاا وهي متوهقة مو عاارفة تتصرف حـــ حـــيااج ..

سااره دخلت البيت وعيونها تراقب المكاان .. كان في أكثر من صورة ليوسف غمضت عينها وسحبت نفس طويل وقعدت على احد الكراسي

جنان قعدت يمهاا وهي للحين مو عاارفة شتسوي كان ودهاا تقوم وتروح اي مكان تتصل بيوسف ايي وينقذهاا من هالموقف ..

وقفت وهي تبتسم لسااره بإحرااج تشربين شي ؟؟

سااره هزت راسها بالنفي وطارت عيونها على برواز صغير فيه صورة عيال جناان اخذتها وابتسمت من هذوول ..

جنان زادت ورطتهاا هــ ـــ هذول عيالي .. هذا علي وهذا رضا ..

ساره ابتسمت وطالعتها بنظرة استخفاف ويوسف ابووهم ؟؟

جناان فتحت عينهاا وسحبت الصورة من يد ساره لا .. هذول من طليقي .. انا كنت متزوجة وااحد غير .. وتطلقت من 6 شهور ..

سااره عاجبتها سالفة التعذيب النفسي اللي مسويته في جناان اهااا .. وبعدين تزوجتي يوسف ؟؟

جناان انخطف لونها وغصت وعيونها تتنقل بين الباب والتلفوون خايفة تنفضح جدام ساره وتخرب على اخووها

سااره قاامت ووقفت على طولهاا وهي تتمشى على كبر الصالة وتطقطق بكعبهاا عشان تزيد من توتر جنان يعني ما جاوبتيني ؟؟ تزوجتي يووسف بعد ما تطلقتي من زوجج ؟؟

جناان كانت قاعده وتراقب ملامح سااره كانت معطتها ظهرهاا هــاا .. اي .. تزوجته ..

سااره انقهرت انها للحين مستمره في جذبتهم دارت ويهاا وراحت قعدت يمهاا بعصبية يعني تزوجتي اخووج ؟؟

جنان شهقت وفتحت عينهاا انتي عرفتي ؟؟ من قاالج ؟؟

سااره ابتسمت غصبا عنهاا ومبين انها جابرة الدمعة توقف بعينها ولدج رضاا هو اللي قال لي .. قال هذا خالي اخو امي بالرضااعة ..

سالت دمعتهاا ووقفت على طولها ومسحتها بسرعة بس مسرع ما سالت الثانية والثاالثة انا صدقتكم .. انتواا جذبتوا علي .. مثلتوا علي انكم متزوجين بس عشاان ما اساافر .. ليييش ؟؟ ليش تسوون كل هذاا ..

جنان وقفت لها وراحت في ويهها يوسف سووى كل هذا عشاان ما تساافرين يا ساره .. أخووي يحبج .. سنين وهو يتعذب من فرااقج .. حراام تروحين وتخلينه .. حراام تضيعين أكثر من عمرج وعمره .. عذبتيه يا ساره عذبتيه بأسباب فرقااج ردي له وتزوجوا وعيشوا حيااتكم ..

ساره قاطعتهاا بصيااح شنو ارد له وشنو اتزوجه .. انا ما اصلح له .. انا ما اصلح اكون زوجة لاحد ..

حملت اغراضها وراحت لجهة الباب ودارت ويهها لجناان انا راايحة .. مساافره .. برد مكان ما ييت .. وبلييييز جناان اذا صج تحبين مصلحة اخووج لا تقولين له اني عرفت كل شي .. ولا تخبرينه اني بساافر .. انا الحين بروح المطاار بمر البيت باخذ اغراضي وبساافر .. لا تقولين له على الاقل الحين نطريني اساافر وبعدين قولي ..

طلعت وسكرت الباب وراها ودموعهاا على خدهاا ركبت سياارتها ومشت

جناان كانت تراقبهاا ومن مشت تنهدت بضييق لاااازم اقوله .. لاني احب اخوووي لازم اقوله يا سااره .. ما يصير تتركينه وتساافرين عنه هالمره بعد ..

راحت لتلفوونهاا تتصل لاخوهاا .. اتصلت مرة ومرتين وثلاث .. بس يووسف ما يرد افففففففففففف .. رد يا يووسف .. رد .. ألحق على حبك قبل لا يضيع ..

بس يووسف ما يرد لانه مشغول مع اولادها دااخل المدرسة

ساره وصلت بيت مريم ولمت أغراضها بسرعة وطلبت لها تاكسي بدون ما تخبر أحد وركبت معااه متوجه للمطار ..

يوسف وصل بيتهم لان نااسي مخطط مهم لمشروع داخل فيه شريك وللحين ما يدري بشي عن تلفونه نزل من السيااره ودخل مكتب ابوه يااخذه لان يقضي شغل ورسم مخططاته الهندسية كلهاا هناك ..

أخذ المخططات وطلع من بيتهم ركب سياارته .. تذكر التلفوون طلعه من مخبااه اووووه كل هذوول مس كولز من جنووون .. أكيد تحاااتي عيااالها ..

اتصل عليهاا وهي ما صدقت تشوف اتصاله ردت بسرعة لكن يوسف ما عطااها مجاال هلااا جنون .. لا تخاافين أخوج قدهاا .. أقنعت أبوو الولد يتناازل ..

جناان كانت تقااطعه بس هو مو معطيهاا فرصة تتكلم يووسف .. يوووس اسمعني ..

يوسف مواصل انا ادري ان عزوز هو اللي يعلمهم يسوون جذي عشاان يذلج .. يبيج تتصلين فيه وتذلين نفسج .. لكن لو يموت ما اخليه .. حريمته ..

جناان بصراااخ يووووسف اسمعني ..

يوسف مو رااضي يسكت بس صج شهالعيااال ياربي .. ياااهل عمره 3 سنين ما خلوه فيه شي صااحي ..

جناااان طفشت وصرخت أكثر ساااااره بتسااافر يا يوسف .. ألحق عليهااا ..

يوسف جمد مكانه .. سكت مو قاادر ينطق .. شفاايفه بس ترجف يبي يسألها مو قاادر يبي يفهم مو قادر ينطق .. تجمعت الدموع بعيونه

جناان حست بصدمة أخوووها حبت تفهمه الساالفه يوسف .. يوسف تسمعني .. سااره اليوم لحقتك وشافت رضا وهو قال لهاا .. قاال لها انك خاله اخوي بالرضااعة .. وانك ما يصير تكون زوجي .. يوسف .. سااره عرفت كل شي .. وحذرتني ما اقولك .. سااره بتساافر ألحقهاا يا خوي ..

يوسف سالت دموعه وتغير صوته وغلب عليه نبرة البكاء وين اروح ؟؟؟ وين ألحقهاااا .. ساااره رااحت مني مره ثاانية .. رااحت ما بترجع .. ضاااع حبي يا جناان .. ضاااع مني خلااااص ..

جنااان بصرااخ أكثر يوووووسف شفيييييك .. ليييش قااعد تصيح مثل اليهااااااااال ؟؟؟ روووح ألحقهاا قبل لاتساااااااااااااافر .. في وقت .. لحق حبك قبل لا يضييييع ..

يوسف باستسلام ما بلحق يا جنان .. أكيد رااحت خلااااص ..

جنااان فقدت أعصاابها يااااااااااا حماااااااااااااار .. رووح يمديك .. ما صاار لها سااعة وين بتلقى حجر وبتساافر في اقل من ساااعة .. أكيد مرت خذت جوازها وأغراضهاا .. سبقهاا المطااار بسرعة ..

يوسف مسح ويهه بضييق تهقيين ألحق ؟؟

جنااان تمللت وهي تحااول معاه يويو حبيبي .. حرك بسرعة .. بتلحق عليهاا .. أكيد للحين ما وصلت المطاار ..

يوسف مسح دموعه وبند السياارة ونزل يصرخ على السكيورتي جهز الموتور باايك .. خلاااص جنون انا بروح لها بالموتور أسرع لي .. ما ابي اعلق بالزحمة ..

جناان تنهدت براااحة زين حبيبي .. خبرني بللي يصير معااك .. ترااني قااعدة احااتي ..

يوسف وهو ركب الموتور وصوته وااصل لجنان اوكي .. بااي جنان ..

لبس الخوذه وتحرك بأقصى سرعته ..

يووسف عشاان يلحق على حبه اضطر يركب الموتور باايك اللي صاارله سنين ما طلع فيه .. كان يسووق بسرعة جنونية ويتجاوز السيارات بتهور ومو مهتم لاحد يبي يوصل بأسرع وقت ممكن ..

سااره كانت قااعده بالتااكسي ودموعهاا ما نشفت وهي تاركتهم على راحتهم لبست دمعتهاا لانها بعد ما عرفت ان يوسف ما تزوج صاارت هالدمعة تلزمهاا أكثرمن قبل .. كانت ماسكتها بأصاابعها وعيونها على الشاارع وتشااهق بصمت وصوت من داخل نفسهاا يصيح بس محد يمسع غيرهاا أدري حبيبي انك جذبت عشااني .. عشاان ما تخسرني وتخسر حبك .. بس انا قلت لك احنا ما نصلح لبعض .. انت ولد عالم ونااس .. لكن انا شنوو ؟؟ بنت امها وابوهاا ما بغوها .. قطووها على النااس تربيهاا وتصرف عليهاا .. امك ما كانت غلطاانة يوم شكت اني بنت حراام .. اي وحده مكاانها ما بترضى .. هالمره رااايحة مو رااجعة يا يوسف .. حتى لو تزوجت صج بعد ما برجع .. خلاااص انا مالي مكان بهالبلد ..

يوسف كان يسوق وهو يتلفت على السياارات وكأن يدورها يااارب .. يااارب لا تحرمني منهاا .. ياارب ألحق عليهاا .. حبيبتي لا تروحين عني .. لاتروحين وتخليني والله ما عااد فيني صبر .. ما أقدر أفارقج أكثر ..

وقف في الاشااره وهو يتلفت براسه على السياارات شاف تاكسي بالسايد الثالث طالع الكرسي اللي ورى لمحها لافه ويهها على الطرف الثااني من الشاارع فتح عينه مو مصدق حاول يلف الموتور عشاان يلحق عليهاا بس ما قدر لان الاشاره فتحت اضائتها على اللون الاخضر والسيارات مشت وأولهم التاكسي اللي فيه سااره ..

زاد سرعته وصاار يتجاوز السيارات يبي يوصل للتاكسي ويوقفهم بس مو قاادر .. محد معطيه فرصة يتجااوز .. لحد ما لف التااكسي تحت الجسر وهو راح فوق الجسر .. ما حس بعمره الا يصرخ لااااااااااا .. ما اخليييييج تروحين وتخليني يا ساااره .. اموووت اذا رحتي عني حبيبتي .. والله اموت ..

زاااد سرعته أكثر وكأنه وحش ثاااير ورجع على نفس الطريج .. كان ورااه شرطي مرور يلحقه ويدنجر له عشاان يوقف بس يوسف ما كان مهتم يبي يلحق على حيااته قبل لا تروح منه ..

توقعااتكم

؟؟؟؟؟؟؟؟؟؟؟

مي وبدر تصاالحوا خلاااص وبدون مشااكل ولا بتطلع لهم سالفة تنكد عليهم

؟؟؟؟؟؟؟؟

مريم بتعرف عن لقاءات أمير ببنتهاا من وراها ولا بتظل سر بينهم .. وهي بترضى تسوي العملية ولا بتعاانده وهو بينفذ تهديده ... وشنو تتوقعون يكون تهديده ونيته اتجااها

؟؟؟؟؟؟؟؟؟؟؟؟؟؟

تتوقعون يوسف بيلحق على سااره وبيتلحق حبه قبل لا صج يضيع وهالمرة للابد ولا لاء .. ولا سااره بتساافر وبعيشون البااقي من عمرهم بعذااب وتعااسه يرثون حبهم الضاايع

؟؟؟؟؟؟؟؟؟؟؟؟؟؟

البارتات اليايه كلهاا بهذاا المستوى واحلى واطول ان شاءالله

طمنوني اذا عجبكم هذا البااارت

.........................

الجزء الخامس والخمسين

زاااد سرعته أكثر وكأنه وحش ثاااير ورجع على نفس الطريج .. كان ورااه شرطي مرور يلحقه ويدنجر له عشاان يوقف بس يوسف ما كان مهتم يبي يلحق على حيااته قبل لا تروح منه ..

شااف سيارة التااكسي وزاد السرعة أكثر لف الموتور لجهة سااره وصار يهرن عليهاا يبيهاا تلتفت .. بس سااره كانت شاارده ما تسمع لشي غير قلبهاا كان يعورهاا .. تذكر حضنته بذاك اليوم .. تذكر صوته .. تذكر ريحته .. مو قاادره تتحكم بدموعهاا ..

سايق التااكسي انزعج منه وقعد يتحلطم هذاا شيبي ؟؟ أختي تعرفينه ؟؟

سااره مسحت دموعها بظهر يدها ولفت عيونهاا على الدريشة شاافته .. بس ما دققت على شكله ما كانت بحااله تسمح لهاا وخصوصا انه متلثم بالخوذه مو بااين منه شي .. كان يأشر عليهااا يبيها تشووفه مره ثاانية بس سااره هزت رااسها للسايق بالنفي لا ما اعرفه .. سررع لو سمحت .. ابي الحق على الرحلة ..

يتبع ,,,,,

👇👇👇

تعديل المقال