رواية عذبتني باسباب فرقاك -51
الجزء الخامس والخمسين
زاااد سرعته أكثر وكأنه وحش ثاااير ورجع على نفس الطريج .. كان ورااه شرطي مرور يلحقه ويدنجر له عشاان يوقف بس يوسف ما كان مهتم يبي يلحق على حيااته قبل لا تروح منه ..
شااف سيارة التااكسي وزاد السرعة أكثر لف الموتور لجهة سااره وصار يهرن عليهاا يبيهاا تلتفت .. بس سااره كانت شاارده ما تسمع لشي غير قلبهاا كان يعورهاا .. تذكر حضنته بذاك اليوم .. تذكر صوته .. تذكر ريحته .. مو قاادره تتحكم بدموعهاا ..
سايق التااكسي انزعج منه وقعد يتحلطم هذاا شيبي ؟؟ أختي تعرفينه ؟؟
سااره مسحت دموعها بظهر يدها ولفت عيونهاا على الدريشة شاافته .. بس ما دققت على شكله ما كانت بحااله تسمح لهاا وخصوصا انه متلثم بالخوذه مو بااين منه شي .. كان يأشر عليهااا يبيها تشووفه مره ثاانية بس سااره هزت رااسها للسايق بالنفي لا ما اعرفه .. سررع لو سمحت .. ابي الحق على الرحلة ..
الساايق زاد سرعته عشاان يوصلها بسرعة .. ويوسف زااد السرعة معاااه ؟؟
صعد التااكسي فوق الجسر اللي ياخذهم على صالة المغادرين وسااره من شاافت نفسها فوق والطيارات على الجهة الثاانية حاولت تمسك دموعها وتستعد للنزول من التااكسي نزلت عينها داخل شنطتها تطلع الفلووس منهاا ..
لكن الساايق ضغط على فراامل السياره بقوة وطااحت شنطة سااره تحت الكرسي ونزلت يدهاا تلم أغراضهاا شفييك عمي ؟؟ احد يضرب بريك جذي ؟؟ عورتني ...
بس الساايق ما كان يرد ..
سااره انقهرت منه اشلون مطنشهاا اففففف .. خذ فلوووسك .. حتى سوااقه ما تعرف تسووق ..
رفعت راسهاا وصفنت مكاانها ودموعهاا صاارت تتجمع أكثر وأكثر وبدت تنزل من طرفين عينهاا نزلت من السيااره ..
ونزل الساايق فتح الصندوق ينزل الشنطه ..
سااره ولا كأنها تشوفه كانت واقفة تنطر شنطتهاا عشاان تدخل دااخل ..
يوسف لف الموتور قدام التااكسي بالعرض عشان يوقفه وأول ما شاف ساره فصخ الخوذه عشان تعرفه .. بس لما حس انها ما تبي تعطيه فرصه حتى يتكلم حط خوذته على الموتور وراح مسكها من ذرااعهاا وبااين عليه انه معصب ومن بين اسنانه ويييييين راااايحة ؟؟؟
سااره بس تتلذذ بطعم دموعها وحاقرته دارت ويهها على العاامل حطهم بالترولي ودخلهم داخل .. وصلهم للكونتر ..
يوسف شد أكثر اذا تبين تساافرين مره ثاانية .. موتي حبج من قلبي أول .. انا مو مستعد انطرج طول عمري ..
وصرخ على العامل لا تدخل شي .. خل أغرااضها هني ..
العامل ابتسم ووقف متحير
سااره حطت يدها على يده تبي تشيلهاا يوسف خلني في حاالي ..
يوسف بصرااخ انتي اللي ارحميني .. وارحمي حاالي .. ما بسمحلج تساافرين وتخليني يا سااره ..
سااره بدت تشااهق خلني اسافر يا يوسف .. خلني ابعد .. انا ماصلح لك .. ما اناسبك .. اهلي ما يشرفون اهلك ..
يوسف سالت دمعته غصب محد يهمني بالدنياا غيرج .. وسفر ما بتساافرين يا سااره .. على جثتي ..
ساره ابتسمت بضيق هه .. اشلوون بتمنعني ؟؟
يوسف سحب شنطتها من يدهاا وطلع جوازها وشقااه من النص ..
سااره فتحت عينها على الاخر .. وحطت يدها على فمها مو مصدقة الحركة اللي سوااها
يوسف ضحك ضحكته الشريره هه ههااي .. شفتي اشلوون قدرت امنعج بحركة بسيطة .. ما تعبتني وااايد .. يالله وريني الحين اشلوون بتساافرين ..
قعد يكمل شق الجواز ورقة ورقة ويطيرهم بالهواا وعيون ساره على جوازها اشلون يتشقق هيييييي ييييي .. انت بأي حق تسوي جذي .. اشلوون تشقق جواازي ؟؟ اشلوون اساافر الحين ؟؟
يوسف قرب فمه من اذنها وهمس لهاا لانج حـــــبــــيـــــبـــــتــــيييييي .. هذااا الحق اللي تتكلمين عنه .. قلبي اللي وهبتج ايااه وانتي تخليتي عنه .. ما راح اسمحلج تروحين عني هالمره بعد ..
ساره دارت ويهاا بمعنى اسكت ما ابي اسمعك
يوسف مسك أصابعها ورفع يدها وقربهاا من فمه وبااسها بتردين معااي .. وبنتزوج .. انا ما اقدر اعيش دقيقة أكثر بعيد عنج ..
سااره وهي تشااهق بس انت جذبت علي .. كلكم جذبتوا علي ..
يوسف قاطعها بترجي لان كلناا نحبج ونبييج بيناا حبيبتي .. تعيشين بوسطناا .. ساره لا تروحين عني والله امووت ما اتحمل ..
سااره وعيونها غرقاانة بالدموع امك ما تبيني يا يوسف .. وانا ما ألومها ..
مد أصابعه على شفايفها يسكتهاا اصصصصصصص .. امي الي قالت لي اجذب عليج وامثل اني متزوج جناان عشاان تردين لي .. قالت لي من تلقااها ييبها .. وانا ازوجك ايااها بنفسي ..
سااره مسحت دموعهاا وابتسمت بفرح صج ؟؟؟؟؟؟
يوسف حضنها جداام النااس بقوه ولا اهتم لاحد اي حبيبي .. ماما عرفت غلطهاا وتبي تشتري سعاادتي .. وسعادتي قربج انتي .. ساااره ؟؟؟
بعد عنها ونزل على ركبة وحده وهو ماسك يدهاا والنااس كلهاا تجمعت عليهم وبصووت باااين عليه الحزن ونظراات كلهاا ترجي تتزوجيني حبيبتي ؟؟
سااره سكتت مو عاارفة شترد .. تنهدت بضييق و دارت عينهاا عنه ...
بس يوسف ما يأس تلفت بعيونه على النااس اللي ألتمت عليهم وتمسك بيدها أكثر شوووفي حبيبتي .. شوووفي الكل حااضر معاانا وانا أطلب منج تتزوجيني .. عشاان الحب اللي جمعناا .. وعشاان سنين الفرااق الطويلة اللي ذقنااها مع بعض .. انا أعترف جداام كل هالنااس .. أعترف لج اني أحبج مووت .. أحبج ياا سااره .. انا تعذبت سنين .. عذبتيني بأسبااب فرقااج .. ردي لي .. وردي لي حيااتي مره ثاانية .. ساااره بطلب منج مره ثاانية وثالثة .. وحتى لو بظل طول عمري أطلب منج .. بعد بنطر وبطلب منج حبيبتي .. سااااره ؟؟ تتزوجيني حبيبتي ؟؟
ساره حطت يدهاا الثاانية على جبينهاا ولفت ويهها مره ثاانية سحبت نفس طويل وفتحت عينها وضحكت بوسط دموعهاا اي .. موااافقة .. موااافقة نتزوج وأكمل البااقي من عمري معااك وتحت جنااحك وبأحضاانك ..
يوسف ما حس على عمره الا وهو قايم على طوله وحاضنها بقوه وأنا أوعدج اني أسوي المستحيل بس عشاان أسعدج .. انا أحبج وأبييج دوم قربي حبيبتي ..
سااره انحرجت من حضنته وحاولت تبعد بس هو ما سمح لهاا همست بإذنه عندي شرط قبل ما يصير هذا الزوااج ..
يوسف وهو يبعد شعرها عن اذنها عشاان يهمس لهاا آمري حبيبتي .. شروطج أوامر وكلهاا على راااسي ..
سااره بدلع ابي اسمع مواافقة امك بنفسي ..
يوسف حضنهاا أكثر بس ؟؟ ما طلبتي شي .. الحين نروح لهاا وهي اللي تطلب منج وتترجاج بعد تاخذيني وتفكينها من شري ..
سااره تغيرت نبرة صووتهاا من ضيق وحزن الى فرحة وضحك هههههههه .. لا ترى هذي امي انا بعد .. ما ارضى عليهاا ..
كانت متفائلة فيهاا وحست انها لقت ام تعوضها عن امها اللي قطتهاا
بعدت عنه لانها انحرجت أكثر من صوت التصفيق الحاار والتصفير من النااس اللي حواليهم مسحت دموعهاا وعضت على شفاايفها متفشلة امبييييه .. فشله .. متى يووا كل هذوله ..
يوسف على عكسهاا كان فرحاان ويضحك بصووت عاااالي يوووا يشهدون على حبنا ويشووفوني شكثر أحبج وأترجااج تتزوجيني .. يالله حبيبتي خلينا نمشي ..
سااره طارت عيونهاا على التااكسي زين انا برد بالتاكسي وانت تعال وراي بالموتور ..
يوسف مسكها من يدينهاا لا حبيبتي ريلج على ريلي ..
ودار عيونه على راعي التااكسي طلع بووكه من جيبه وطلع اللي فيه كله ومبين ان المبلغ مو شوي عطااه ايااه تفضل اخووي .. واذا ما عليك امر رد الشنط مكاان ما يبتهم .. والبااقي حلااال عليك ..
سايق التااكسي فتح عيونه مو مصدق يشوف أنوااط واايد مد يده واخذهم بسرعة ان شاءالله .. ما طلبت شي .. أرد من مكان ما يبتهم ..
يوسف مشى سااره للموتور يبي يقعدها ورااه لكنه انصدم بالشرطي وااقف والدفتر بيده يالله .. خذ مخالفاتك .. تسجلت عليك 6 مخالفات ..
يوسف غمز لسااره وضحك بـــــــس ؟؟؟ ليش تعبت نفسك .. جاان مليت الدفتر كله أريح لك ولي ... الحين لو بتخالفني خالفني على كيفك وانا رااضي .. أهم شي لحقت على حيااتي قبل لا تروح مني ..
الشرطي عطني الرخصة .. واذا ما كان عندك رخصة سواقة الموتور بصيرون سبع ..
يوسف طلع محفظته وسحب رخصته تفضل ..
الشرطي وهو يقرى اسمه يوسف سلمان كراشي .. اي مبين عليك ولد زواد مو لله تقول خالفني ..
رجع عليه الرخصة هااك .. انا ما بخااالفك على شي .. بس هالمره حااسب وانت تسووق .. لا تصير مطيوور جذي .. ترااك قااطع 3 اشارات وغير سرعتك وتجاوزاتك الخطيره .. ترى الروح مو لعبة واذا صار فيك شي .. بتزعل البنت عليك .. ولا انا غلطان يا بنتي ؟؟
ساره كان تخزر في يوسف لا مو غلطاان .. يوسف انت مينون ؟؟
يوسف مد أصابع يدينه وشبك أصابعها مينون بحبج .. خفت ما ألحق عليج ..
يوسف ركب على الموتور وساره ركبت ورااه وبدون خوذه لف عليها ولبسهاا خوذته
شافهم الشرطي وراح لهم مره ثاانية وبعدين معااك ؟؟ لبستهاا السفتي وانت بتسووق جذيي ؟؟
يوسف شسوي ؟؟ أخليهاا بدونه يعني .. أخااف يصير فيهاا شي أو يحيشهاا برد تعرف الجو باارد ..
الشرطي فصخ خوذته هااك ألبسهاا وبااجر ردها لي .. هذا تلفون مكتبي .. شهالجيل ياااربي ..
يوسف ابتسم وتوى بيلبسهاا الا يااه صوت من ورااه .. صوت رياال طااعن بالسن خذ البنت على اقرب شيخ خل يملج عليكم .. لا تدور فيهاا بالشوارع وتحضن فيهاا من غير زوااج .. ترى هذا ما يجوز يا ولدي .. احنا مو قاعدين بأمريكا ..
يوسف نزل وراح باس راس الريال احتراما له ان شاءالله يباا .. أوعدك الحين أجرها من شعرهاا واتزوجهاا وأظل احضن فيها لين اشبع منهاا .. مع اني ما اظن اني بشبع ..
سااره فتحت عينهاا بحمق وهو يغمز لهاا يهديهاا تآمر على شي يباا ؟؟
الريال وهو متكي على عكاازه لا يا ولدي .. الله يوفقكم ويهنيكم ..
دار عيونه على سااره ديري بالج على الولد لا تزعلينه ترااه شااريج ..
سااره بفرح ان شاءالله يباا .. يووسف بعيووني .. مستحييل ازعله بعد اليووم ..
مسك يد يووسف يوصيه وانت بعد أحرص عليهاا يا بووك ولا تخليها تنحااش مره ثاانية .. ترى هذول الحريم دنيتنا ما تسوى من غيرهم ..
يوسف ضحك بخفه ان شاءالله يباا .. بحرص عليهاا وبسجنهاا بقلبي بعد ..
الرياال رفع يدينه يدعي لهم الله يسعدكم ياااارب ..
يوسف ابتسم له ولبس خوذة الشرطي وقعد مد يدينه الى ورى ومسك يدين ساره وحطاهم على بطنه يوديني عدل حبيبي ..
ساره هزت راسها وطاعته .. ضمت خصره بقوه .. وهو حرك الموتور ونزل من فوق الجسر ..
ساره مع ان الجو كان برد وهي لابسة جاكيت خفيف لكن ما حست ببرد كلش لانها مشبصه فيه وضامته بقوه خصوصا لما بدى يزيد سرعته أول ما طلع على الشاارع العام .. وهو مو مصدق كلما نزل عينه على اصابع يدينها اشلون متمسكة بجاكيته يزيد سرعته أكثر يبيها تتمسك فيه أكثر ..
ساره كانت خاايفة ومايلة براسها على ظهره وريحة عطره تشبعت بأنفااسهاا ..
وصل يم أقرب بحر وحط يدينه على يدينها يبي يفك أصاابعها وهي انتبهت له وفتحت ..
نزل ونزلها مسكها من خصرها وهي نزلت معااه .. كان صوت المووج عاالي لااازم يصرخ عشان تسمعه ..
حطت يدها على الخوذه تبي تفصخها بس هو منعهاا .. خاايف عليهاا تمرض حبيبي لا .. أخااف يلفحج الهوى ..
سااره كانت مستغربة تصرفااته قرب منها أكثر وكأن يبي يحضنهاا حط يده على رقبتها وفتح السلسة بهدوء وحطااها براحة يده وهو عيونه في عيونهاا ويحاول يرفع صوته عشاان تسمعه شوووفي هذي الدمعة هي اللي عذبتنا سنين .. من أول ليلة اعترفنا لبعض بحبنا وهي ملازمتناا .. لكن من بعد اليوم انا ما ابيهاا ولا ابي أشوفهاا لا على رقبتج ولا على عيونج ..
ساره كانت تطالعه بنظرات فاايضة حب ابتسمت وهزت راسه بالموافقة مأيده كلامه ..
ارتااح من شااف نظراتها حط الدمعة براحة يدهاا وضم أصابعهاا بقوه وحط يدها عليهاا ودار على جهة البحر ولفها معااه يالله حبيبي .. خلينا نخلص منهاا ومن كل الحزن اللي بالدنياا .. احنا انولدنا من يديد وحبنا انولد معانا .. نبي حيااتنا كلها فرح ما نبي دموع وفرااق ..
سااره دمعت عينها بس مسكت دمعتهاا وهزت راسها بقوه ورفعت نفسهاا ووقفت على اطراف اصابعها ورمتهاا بكل ماتملك من قوه بعرض البحر وهو كان ماسك يدها وسااعدها لحد ما شاافو مكانها صاير مثل الدوائر الكبيرة تصغر شوي شوي ..
دارت جسمها له وهو شااف عيونها اشلوون تلمع ابتسم وحضنهاا بقوه وهي شدت بحضنتهاا وهو صار يمسح على شعرها اللي نازل من الخوذه على ظهرها ..
رفعها بهدوء وهو الثاني يحاول يمسك دمعته ومسك يدها يالله حبيبي ..
سااره وعيونها كلها استفهاام وين ؟؟
يتبع
سااره وعيونها كلها استفهاام وين ؟؟
قعد وهي قعدت وراه ما تبين تسمعين موافقة امي .. يالله ..
ساره ارتاحت وضمته من خصره مره ثاانية وهو حرك الموتور متجهه لبيتهم ..
أمير وقف سيارته في الكراج ونزل يتمشى بخطوات سريعة لداخل البيت
أمه شافت شكله اشلون متضاايق راحت استقبلته من الباب شفييييك حبيبي ؟؟ ليش متكدر ؟؟
أمير ابتسم بضييق ما فيني شي .. ابي ارقد .. لا تخلين الخدم يقربون من جناااحي ..
أم أمير عرفت ان ولدهاا فيه شي وهذا الشي يخص مريم او بنته لان محد يهمه غيرهم ان شاءالله ماما .. ما بخلي احد يزعجك .. بس انت شنو اللي متعبك ؟؟
أمير زفر زفره طويله ومسح ويهه بيده كل شي .. كل شي متعبني .. يالله عن اذنج
وراح لجهة الدرج .. سمع صووت الموتور وقف مكانه مستغرب دار جسمه لامه مره ثانية مو هذا البايك موتور مال يوسف ؟؟
أم أمير استغربت أكثر من امير اي .. هذا صوته .. غريبة يستخدمه .. هو من سوى الحادث فيه وهو ما يستخدمه ..
دخل عليهم يوسف والابتسامة شاقة ويهه شق ومبينه جماال اسنانه وشابك أصابعه بأصاابع حبيبته .. ساره كانت منزلة رااسها ومنحرجة وخايفة من ردة فعل امه ..
أم أمير كانت عيونها تتنقل بين أمير ويوسف وسااره متفاجئة ..
ساره بدى ينخطف لونها خافت من ردة فعل ام امير وصارت تحرك أصابها وكأنها تبي تسحبهم من أصابع حبيبهاا ..
يوسف كان ينطر اي حركة من امه .. خاف من نظراتها ومن سكوتهاا .. خاف تخذله للمره الثاانية .. كان يطالعها بنظرات ترجي .. ويحاول يتمسك بأصاابع ساره على قد ما يقدر وما يسمح لهاا تسبحهم من يدينه ..
أمير من شافهم جذي ابتسم لامه وصعد جنااحه بس ما قدر يدخل وقف بالطاابق الثاني يطل عليهم من فوق ..
أم أمير توهاا منتبهة لنفسها وصااحية من صدمتهاا طارت عيونها على ولدهاا واشلون يبتسم لها بخوف .. تهلهلت ملامحها ويوسف تنهد براحة من شااف ملامحها لانت وكأنها بدت تتبسم ..
ضحكت أم أمير وراحت لسااره خذتها بحضنهاا هلاااا .. هلاااا حبيبتي .. نورتي بيتج ماما .. هلاااا بردتج ... رديتي الروح لولدي ..
ساره سالت دموعهاا حست ان صج عندها ام .. ام ثانية غير خالتها كبرى اللي ربتها .. بادلتها الحضنة ورفعت راسها وباست أم حبيبها على راسهاا وبعدها نزلت على ركبتينهاا وباست يد عمتهاا ودموعها نزلت على كف أم أمير ..
هي من شاافتهاا جذي عورها قلبها عليهاا وقفتهاا وحضنتهاا مرة ثاانية خلاااص حبيبتي لا تصيحين .. انتي ذهبة وانا ما بفرط فييج .. ابيج تصيرين جنتي الثانية .. مرت ولدي الثاني .. الله كااتب لي يصيروون جناايني الثنتين بناات أكبري .. واناا اتشرف فيكم وفي نسبكم ..
بعدت عنها ورفعت يدها تدعي يالله مثل ما رديت ساره ليوسف وقريت عينه .. ترد مريم وبنتهاا لامير وافرح فيهم اثنينهم ..
أمير زادت ضيقته دار جسمه ومشى لجهة جنااحة
ساره ضحكت بين دموعهاا وباست راس عمتهاا مره ثاانية يصير تصيرين امي .. انا ما عندي ام .. أقدر اناديج ماما ؟؟
أم أمير ضحكت من قلبهاا اي حبيبتي .. انا يشرفني اكون امج .. انتي بنتي الرابعة .. انتي ونور ومريم وليلاااه أربعكم بنااتي .. أبيج يا سااره تتزوجين هالشري .. ابيه يرد مثل ما كااان ... رديله حيااته يا بنتي ..
سااره هزت راسها بالايجااب وضحكت وسط دموعهاا ان شاءالله ماما .. بفكج منه ومن شره ..
يوسف كان حاس نفسه بحلم مو مصدق فتح عينه وخزرها الحين انا شري هاا .. زين أوريج .. نطري بس ينقفل علينا باب غرفتنا وانا اعلمج ..
ساره تفشلت من كلامه وشبت خدودها نزلت راسها منحرجة ..
أم أمير خزرت في ولدهاا عيب يا ولد .. استح على ويهك فشلت البنت ..
مسكت يد ساره وقعدتها على الكرسي قعدي ماما الحين بخلي الخدم ينجبون الغدى .. اليوم غدااج معانا ..
ساره ابتسمت لهاا ان شاءالله ..
أم أمير راحت لجهة المطبخ ويوسف استلم سااره وقعد يطفر فيهاا وهي منحرجة من حركااته ..
أمير شافهم اشلون فرحاانين ويوسف سادح جسمه على الكرسي وساره تلعب بشعره ابتسم ودخل جنااحه وسكر الباب .. رمى بجسمه على فراشه بقوه و زفر بحراره بدر رد لمي وتصالحوا .. وساره رجعت ليوسف واكا بيتزوجون .. وانااا حبيبتي متى بترد لي .. آآآآآآآآآه يا مريم اشتقتلج حبيبتي .. ليش كل هذاا .. ليش .. تبيني اطلقج يا مريم .. يعني تبيني اموت حبيبتي .. ما اقدر .. انا صج فارقتج سنين بس عارف اني برجعلج متأكد انج تنطريني .. وانج لي بروحي .. مهما طال غياابي برجع وبلقااج .. لكن اذا طلقتج بتروحين مني .. بتروحين لغيري حبيبي .. وهذاا الشي يعني مووتي انا اموت ولا اشوفج مع غيري .. ما هقيت انه بييج يوم وبتطلبين مني احررج من حبي .. أحررج من زواجنا .. زواجناا اللي تعذبناا سنتين واحنا ننطره .. وبالاخير حتى سنة ما عشناها مع بعض حملتي وانحشتي مني .. كله منها .. هي اللي حرمتني منج .. هي محد غيرهاا ..
مسح دمعته وقام طلع من الدرج كرت صغير واتصل على الرقم الموجود وبعد رناات طويلة ردوا عليه
Good evening .. House city orphanage with you .. How can I help you
( مساء الخير .. دار أيتام المدينة معك.. كيف يمكنني مساعدتك )
أمير أستجمع كل قوته ونطق Good evening .. Can I speak with the director of the orphanage
(مساء الخير.. أستطيع أن أتحدث مع مدير دار الأيتام)
الموظفة OK .. one minute please ( حسنا .. دقيقة واحدة من فضلك )
أمير على الخط ينطر المدير يرد عليه وفي باله أشياء واايد يبي يسويهاا ...
الساعة 5 العصر
تجهزت هي وبنتها لبسوا جاكيت أحمر طويل للركبة وفيه اربع ازرار فوق الصدر والباقي كلوش وبوت أسود للركبة بعد نازل في الارض فاردين شعرهم ولابسين فوق شعرهم قبعة صووف وقفازات لنص الاصابع بعد لونهم احمر ومناكيير أحمر جناان على اصابعهم البيضا .. مريم ما تحب تحط مكياج ثقيل لان بنتها بتقول تبي وهي ماتحب تحط شي في ويهها وتخرب برائتها حطت مكيااج روتيني وروج أحمر بااهت وآي لاينر خفيف ..
طلعوا من البيت وليلاااه طول الطريج سااكته ومشغولة بالبي اس بي .. تلعب ومندمجة بالالعااب ولا تدري عن احد .. مريم كانت تشووفها من المنظره اللي جدامها تبتسم لها وتنزل عيونها على الشاارع تركز في سياقتهاا ..
وصل المستشفى وهو لابس بانطلون سكني خاام اوروبي لونه أسود وقميص رصاصي وفوقه صخمه صووف وفوقهم جاكيت مخمل أسود مخصر ولاف السكاارف الرصاصي على رقبته ونظارته الكلازز على عيونه رااح للكونتر اللي بالطاابق الارضي يسأل عن حالة مريض استلمها أمس وياخذ ملف مي مره وحده لانه الصبح انشغل وماا قدر يمر عليهاا ...
بركنت مريم سيارتها ونزلت وراحت فتحت الباب الخلفي لاميرتهاا بس ليلاااه تلعب وما انتبهت لامهاا وخصوصا انها حاطة الماايك على اذنهاا وما تسمع
مريم سحبت الماايك من على اذنهاا يالله وصلناا ..
ليلاااه قاامت تزاحف بملل ونزلت وبعدها تلعب .. مريم تكلمها وهي ما ترد عليهاا ..
أمير لمحهم يتمشوون في الباركات ويقربون من جهة الباب عرف انهم يايين يزورون مي ارتاح من شافهم حمل الملفاات وسبقهم يم المصعد ولما سمع خطواتهم قربوا فتح باب المصعد ودخل ..
مريم ما شافته سرعت بخطواتهاا أكثر عشاان تلحق على المصعد وهي تصرخ على بنتهاا يالله ماما قبل ما يسكر الباب .. ليلااااااااه شيلي المايك وسمعيني .. افففففففف .. هذي آخر مره تطلعين وتييبين معااج هذي ..
أمير كان ضاغط على الزر عشاان الباب ما يتسكر وهو يضحك من داخله على صراخ مريم وبنتها مطنشة وتلعب ولا على بالهاا .. راحت سحبتها من ذرااعها وجرتها لقريب المصعد .. ليلاااه ما رفعت عينها عن البي اس بي تلعب ولا هامها صراخ امهاا ..
مريم حطت يدها على باب المصعد وعيونها راحت في عيونه .. ارتبكت وحست نفسهاا ما تبي تدخل المصعد معااه تبي تطلع وتاخذ بنتهاا .. من بعد ما مد يده عليهاا ما تبي تختلي معاه بمكان واحد حتى لو كانت بنتهم معاهم .. بس اضطرت تدخل لانها ما تقدر تطلع صارت داخل المصعد خلاااص وهي ما تبي تبين له ضعفهاا ..
هو سكر الباب وضغط على الزر .. شااف بنته مشغولة بالماايك وما تسمع تقدم بخطوته ووقف وراها .. هي حست فيه وبأنفاسه تقرب منها وشمت ريحته غمضت عينه تبي تهدأ من توترها ..
مد أصابع يده داخل خصلاتها وصار يمشطهم على برى وأصابع يده الثانية على شفاايفها يتحسس الروج الاحمر وقرب شفايفه من اذنهاا وهمس لهاا اشتقت لطعم الروج من شفاايفج .. آآآآآآآآآآه .. اشتقت لريحة شعرج .. اشقت لصوتج ..
مريم ما قدرت تتحمل حست برعشة غريبة حركت فيها كل احاسيسها وفتحت جروح قديمة
هو شااف رعشتهاا ضحك بهدوء وبعد أصابعه عن شفايفها وقربهم من فمه وباس بقايا آثار لون الروج اللي طبع في يده بنعومة وصاار يلعب بخصلاتها أكثر وقرب منها وهمس مره ثاانية راحت خمس أياام وبقت خمس اياام .. وانا للحين عند كلاااامي .. اذا ما ييتي بعرف اشلوون اييبج غصب ..
مريم سحبت شعرها من بين أصاابعه وطنشت كلامه وحمدت ربها ان بنتها مشغولة بلعبتها وما تدري عن شي ..
هو قعد يلعب بأعصابها طلع سبحته من جيب جاكيته وقعد يطق فيه بأصاابعه .. عشاان يسمع بنته ويقهرها ..
مريم كانت صج على اعصاابها وعيونها على بنتهاا بس ما بيدها شي غير تنطر هالمصعد اللي مو رااضي يوصل ..
الشي اللي ما كانت حاسة فيه ان أمير موقف المصعد بين الطوابق عشاان محد يقدر يفتحه ..
وهي من كثر خوفهاا وتوترهاا صارت تهز ريلها بسرعة وأمير كلما شافها جذي طق اقوى بسبحته عشاان يزيدهاا عليهاا
ليلاااه تعبت من الوقفه ورفعت عينهاا من على اللعبة وشاافت امها بااقي شوي وتصييح سحبت المايك من على اذنهاا مريـــــومي ؟؟ وااتز روونغ وذ يوو ؟؟ شفييج ؟؟
مريم بدت تعصب لان صج طالت وقفتهم شاات اب .. سكتي ..
أمير وااقف ومستمتع بصرااخها لان فعلا قدر يتلف أعصاابها قاام يلف سبحته أقوى .. ويطق بصوت عالي .. وهو مستند على ذراعه ويبتسم بسخرية ..
ليلاااه توها حاسة ان في شخص ثالث واقف معاهم بالمصعد داارت ويهها وشاافت أبوها فتحت عينهاا وفمهاا ماااي بست فـــرنــــد ؟؟!!!! يوو آآآر هير ؟؟ انا ما شفتك ؟؟
أمير هذاا اللي كان يبيه ان بنته تنتبه له وتكلمه نزل لها وفصخ نظارته وصار يلعب بشعرهاا آآم هير ايفري دي .. اشتغل هني ..
ليلاااه وهي ترفع يدينها وتنزلهم وكأنها تستفسر يوو وورك هير ؟؟ واات دو يو دو ؟؟ شنو تشتغل يعني ؟؟
أمير عيونه على مريم آآسك يور مام .. شي وول تلل يوو .. هي تعرف ..
ليلاااه طارت عيونها على امهاا اللي حابسة الدمعة غصب مااامي أمير شنو يشتغل ؟؟
مريم خلاااص فقدت أعصاابها وصرخت في ويهه بنتهاا شاااااااااات اب ..
ليلاااه تغيير صوتهاا ومدت البرطم وااي دو يو سكريم ان مااي فيس ؟؟ ليش تصرخين علي انا ما سويت شي .. ما سويت شي .. هاهئئئ هاهائئئئئ ..
وصااحت ...
امها وابوها واقفين ومحتاارين اشلوون يسكتونهاا .. مريم حست بغلطتها انها حطت حرتهاا في هالطفلة اللي مااالها ذنب
نزلت لها واخذتها بحضنهاا دونت كرااي سويتي .. خلاااص آآم سوو سوري ..
بس ليلااه حقدت على امها وبعدت روحها بقوه دونت تااش مي ..
ورمت روحها بحضن ابوهاا .. مريم من صدمتهاا فتحت عينهاا وصاارت تتنفس بصعوبة ..
أمير حمل بنته ووقف وصاار يمسح على شعرهاا لحد ما هدأت .. كانت عيونه عليهاا وكأن يحملها المسؤولية وهي الثاانية من شاافت بنتهاا بحضن ابوهاا طفرت دمعتهاا غصب مو مصدقة فرحانة انها بحضنة وزعلانه انها بدته عليهاا .. وهي ما تعرف انه ابوهاا .. يعني لو اي واحد غريب بتروح ترتمي بحضنه ..
سحبت بنتها بالقوه شيل يدك عن بنتي ..
أمير ابتسم بغرور ليلاااه ؟؟ يوو نوو واات آآي هااف آفتر فاايف دييز ؟؟
ليلاااه هزت راسها بالنفي وهي تفرك عينها بيدينها الصغار ..
أمير مد أصابعه على بشرة حبيبته يمسح دمعتهاا لانه ما قدر يتحمل يشوف دمعتها ويسمع صوت شهقتها عندي شي انطره أكثر من ثلاث سنين .. ولااازم الحين يصير لانه ما يتأجل أكثر
وراحت عيونه في عيونهاا وبده للحين على خدها سمعتيني .. بعد خمس أيام يا مريم .. يا حبيبة هالقلب ..
شاال يده من على خدهاا ضرب فيهاا على صدره و ضغط على الزر وانفتح باب المصعد
مريم سبقته تبي تطلع بس هو تمسك بذراعها وهي حامله بنتها انطرج يا مريم .. وانا للحين عند تهديدي وانتي تعرفيني عدل .. لا تتأخرين عن موعدج ..
مريم سحبت ذراعها ومشت عنه .. وهو راح لجهة الكونتر ..
دخلت غرفة مي كانت قاعده مع بدر وابوهاا .. ليلاااه من شاافت مي ضحكت على شكل ريلها اشلون معلقة بحديد ومجبسة لفوق ركبتها .. وعلى كثر ما ضحكت حطت يدها الصغيرة على فمها ولا كأنها من شوي كانت تصيح هههههههههههههههههه .. ميووووو .. ليش ريلج جذي ؟؟ ههههههههههههههه ..
يتبع
بدر أول مره يشووفها ما قدر يمسك نفسه ضحك معااهاا وابو مي استانس على شكلهاا اشلون ميتة ضحك على بنته .. مريم ضحكت معاها لانها انحرجت من ابو مي وبدر اشلون بنتهاا تقول ميوو ولا مهتمة لاحد ..
الوحيده مي اللي كانت ما تضحك فااتحة ذراعها تبي تاخذ بنتهاا اللي ربتهاا في حضنهاا ..
مريم كانت خايفة تعطيهاا بنتهاا وتأذيهاا بفوضتهاا بس مي اصرت واخذتها في حضنهاا آآآي مس يوو ليلي .. ليش توج ياية ..
ليلاااه للحين في حضن مي انتي اللي شتسويين هني ؟؟ واات دد يو دو هير ؟؟
مي باستها بقوه أيااا عليهاا بنوتتي الحلوه .. اكيد فقدتيني صح حبيبتي ؟؟
ليلاااه هزت رااسها بقوه يس .. آآآي مس يوو توو ماش .. حتى سألي مريومي ..
بدر قاطعهم مد يده يسلم على ليلاااه انتي ليلاااه صح ؟؟
ليلاااه ضحكت بدلع هههه .. يس آآي آم .. وانت بدر رااايت ؟؟
مي فتحت عينها وطالعت مريم وهي الثاانية بعد كانت فااتحة فمهاا على الاخر ..
بدر فرحاان فيها راح يمها واخذهاا بحضنه من وين تعرفيني ؟؟
ليلاااه أشرت على مي رفيجتي ميوون .. انا شفت صورك كلهم تحت مخدتهاا .. كل يوم تصيح .. كل يوم .. تقعد تصيييييح واااااااااايد .. وتقول بموت ابي اشوووفه .. ابي اشوووفه .. حتى ما ترقد الا ماما تعطيها دوا اول ..
مريم حست ان بنتهاا بدت تسوي مشااكل لان بدر تغيرت ملامحه وعيونه في عيون مي وهي تحاول تداري نظراتها وتتهرب منه راحت وسحبتها من حضن بدر وقعدتها معاها على الكرسي ..
ابو مي ابتسم لانها صاارت يمه وقعد يسولف معاها ..
مريم كانت تكلم مي بالاشارات لان بدر تضاايق من سالفة الحبوب وقاام طلع من الغرفة ..
لقى امير ياي مع دكتورة مناوبة وممرضة من شاافه سلم عليه ودخلوا على مي اثنينهم مع الدكتورة والممرضة طبعا ..
مي من شافت أمير انحرجت ونزلت رااسها .. ابو مي قاام على طوله وسلم على أمير بامتنان انه انقذ بنته .. مريم من شاافته زادت ضيقتها مسكت بنتهاا عشان تطلع من الغرفة بس ليلاااه من شافت ابوها نطت في حضنه أموووري .. يوو آآآر أ دكتور ؟؟؟!!!!! واااو .. آي لاف ات ..
سحبت السماعة من على رقبته وصارت تلعب فيهاا وهو راح لمي وللحين شاايل بنته شلونج اليوم ؟؟
مي منحرجة منه الحمدلله .. احسن ..
أمير باس بنته في خدها ونزلها ليلاااه .. قوو تو يور مام .. عندي شغل شوي .. بس اخلص اشتريلج جوكليت ..
مريم كانت مستغربة تصرفاته مع بنته واشلون هي متعلقة فيه هالكثر .. مسكت يدها وطلعت برى بالوقت اللي دخل بدر ..
مي كشفت لامير عن مكان العملية وبدر واقف قبالهم .. أمير صار ينظف مكان الجرح بهدوء وهو كل شوي يتلفت على الممرضة تعطيه الادوات لحد ما خلص وقعد يسأل مي وهي تجاوب ويكتب ريبورت عن حالتهاا لحد ما خلص وعطااه الدكتورة المناوبة .. وطلعوا ما بقى غيره هو ومي وبدر
دخل القلم بجيب الاب كوت عفية علييج والله .. شفتي ربعج كل وحده حاولت تنتحر على طريقتهاا .. قلتي أغير شوي .. اسوي اكشن ودم ..
مي عااضة على شفايفها ومتفشله منه ومن حبيبهاا اللي وااقف يمه شسوي مو بيدي ..
أمير وقف ودار ويهه على بدر عيل بيد من ؟؟ بيدج انج تنهين حيااتج لحظة ضعف .. أكا بدر ما حاول ينتحر .. يوسف ما حاول ينتحر .. انا سنين ما شفت مريم تخلت عني عشاان بنتهاا .. بنتهاا اللي كانت بتقضي على حيااتهاا .. هالبنت اللي تبوني اعترف فيها واقوول لهاا اني ابووهااا وانا بصراحة ما احبها .. لانها هي اللي حرمتني من حبيبتي .. هي السبب .. هي محد غيرهاا .. وبعد ما فكرت انتحر .
أمير هز رااسه بإستيااءو دار جسمه عشاان يمشي انفجع بشكل بنته وااقفة وتطالع فيه وفي مي وبدر .. كانت صاافنه ما تتحرك عيونها بس ترمش بسرعة ..
أمير من شاافها اختنق مره وحده مو قاادر حتى يااخذ انفااسه انخطف لونه .. بدر ومي شاافوا شكلها وشكل ابووها .. ظلوا يرااقبون الوضع ومي يدهاا على قلبهاا خاايفة على ليلاااه
رااح ونزل لهاا واخذهاا بحضنه وااتز هاابند تو يوو بيبي ؟؟ شفييج سااكته ..
ليلاااه بعدت عنه وطالعته بنظراات هاادية وهي تحاول تبعد خصلاتها وبعد سااكتة ..
مريم فقدتهاا ودورت عليهاا لقتهاا داخل الغرفة وواقفة يم أبووها وقفت مكاانها ما قدرت تتحرك ..
أمير قلبه شوي ويوقف ليلاااه للحين سااكته وما تتحرك حملها وصار يدور فيهاا تبيني اشتريلج شي حلوو .. يوو وونت جوكليت ؟؟ سوويت ؟؟
ليلاااه على حااالهاا صاافنه فيه وعيونها الخضرة الصغيرة في عيونه الخضرة الكبيرة .. أمير احمرت عينه دمعته متحجره وغااص مو قاادر ينطق .. خووفه عليهاا زااد من شاافها تتأمله بهدوء ..
ليلاااه تنهدت بنفس طويل وابتسمت ..
أمير ارتاح من شااف ابتسامتهاا قعدها على طاولة الاكل وقعد يمسح على خدهاا ويبتسم لهاا ..
مريم الدموع قااعده تتجمع بعيونهاا مو مصدقة ان هذاا ابو بنتها .. اشلوون قااعد يحن عليهاا ويحبهاا .. بس اللي يقوله العكس ..
ليلاااه مدت يدينها الصغاار تبعد شعرهاا عن عيونهاا واااي دو يوو هيت يور دوتر ؟؟ هي سوت شي غلط ؟؟
أمير حرقت عينه فتح فمه يبي يرد عليهاا مو قاادر ضغط على نفسه وبصووت راايح لااا ..
ليلاااه عبست في ويهه واااي يوو دونت لاف هير ؟؟ ليش ما تحبهاا ؟؟ اذا هي ما سوت شطانة ..
أمير ما عنده رد على كلااامهاا كلااامهاا زااد من ضيقته وبنفسه كل ذنبهاا انها حرمتني من حبيبة قلبي ..
رفع عيونه لقى مريم وااقفة قباله ورى بنتها مسح ويهه بيده ووقف يبي يمشي .. بس ليلااه تمسكت بيده بـــابا ـــاااااا ..
أمير شهق بس تحكم بدمعته لان مايبي مريم تشووفهاا هــــــــــااااا ..
ليلاااه ببراءه انت بابا ااااا .. يعني انا عندي بابا .. لااايك أوول ماااي فرندز .. انا سمعتك تقول هالبنت اللي تبوني اعترف فيها واقولها اني ابووها وانا ما احبهاا .. يعني انت ما تحبني ؟؟؟
أمير تبهدل أكثر لا ااا .. يوو آآآر رونغ .. آآم نوت يور داد .. انا مو بابا ..
مريم نزلت دموعهاا .. حتى مو قاادر يعترف انهاا بنته حتى وهو غلطاان ينكرهاا ..
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك