رواية مابعد الظلام -5
ثاني يوم في الرياض
شهد:بدر تعال لبيت عمي تغدا معاي مافي احد وابيك بموضوع
بدر:على خشمي
جا بدر واخته طابختله هالطبخه الحلوه
بدر:ماشاء الله وش هذا
شهد:هذا لاخوي الغالي اللي بيصير عرييس
بدر:لالا اكيد تمزحييين
شهد:هههههههههههه اي وافقت قلتلك بتوافق
بدر :لا هذي يبيلها
شهد :وش يبيلها؟
بدر :الليله انتي معزومه على عشا مرتب باحلى مطعم
شهد:ههههههههههه وانا موافقه على العزيمه
بدر كان ياكل ويضحك وصوته موواضح
جاء بجنون(هالحقيره جايبه رجل لبيتنا)
فتح الباب برجله وبكل قوته
+++++
اما عند نرمين وسعاد
سعد:نرمين بعد شوي تجي سجى لو تفتحين فمك بشي مو بااحسلك
نرمين:انا ابي افهم وش تبين من البنت
سعاد:سجى لو عرفت اني وافقت على بدر بتقول كل شي
وانا بزوجها اخوي حتى افتك منها اكيد
نرمين:الله يكفينا شرك
سعاد :الجرس يرن انطقي هينا ولاتطلعين
فتحت الباب
سعاد :هلا وغلا يامرحبى بزوجة اخوي
سجى احمرت خدودها
:شوفي ترى اغير رايي وارجع للبيت
سعاد:لا ياويلي منقدر عاد
سجى :ههههههههههههههههه
+++++
في الشرقيه
لمح احد يميشي طويل طوله شاذ وضخم
بيدخل لداخل
مشى وراه
++++++
الرياض
شهد تناظر مصدومه وبنفس الوقت اتفشلت من اخوها اللي ماتدري وش ردة فعله
خالد يرجف من الصدمه: انا انا آسف
ماكنت احس ب ان ك انت اللي موجود
بدر مارفع راسه من الصينيه تعوذ من الشيطان ويستغفر
:اجل تحسب انها لحالها وقلت تستفرد
خالد اللي تفاجئ من ردة فعل بدر.:لاتفهمني خطا يابدر
بدر اللي ضاغط ع يده بكل قوته:الا انا فاهمك صح
وعطاه بوقس على وجهه رماه على الارض
ويكمل:انت ياخالد تماديت كثير كثير
خالد يصرخ:يابدر افهمني
ويطيح فيه ضرب وناظر بخته اللي ميته صياح وترجف خايفه يجي الدور عليها:روحي البسي عباتك
راحت وبدر ينتظرها برا
شهد مرت من عند خالد: الله يسامحك ياخالد
خالد يمسح الدم اللي نزل من خشمه:..........
شهد ركبت:صدقني يابدر اني مدري عن شي
بدر مسك يد اخته :لا تخافين مصدقك لو انك متفقه معاه ماعزمتيني
راحت شهد مع اخوها للبيته ونامت وثاني يوم من الصبح
جوال بدر يدق
بدر بصوت كله نوم:الوو
ابو فيصل:بدر السلام عليكم
بدر :هلا عمي هلا وعليكم السلام
ابو فيصل: يبه بدر ليش اخذت شهد عندك
بدر ارتبك:لا بس بغيتها تونسني اليوم بس
ابوفيصل:جبها وتعالو افطرو عندنا
بدر :ان شاء الله ان شاء الله
ركب بدر السياره:عاد ما اوصيك
شهد:لاتوصي حريص
+++++++
في الشرقيه
مشى وراه لف الشخص الضخم على الرجل اللي يمشي وراه
مسك الرجال الضخم الرجل الثاني حط يده على فمه حتى مايتكلم
وهو يحاول يدافع عن نفسه ويقاوم لكن.....
انتظروني بالبارت القادم
*حوحه
ان استطعت ان تعيد الامس لحياتي فعد,,
ومن بين رحيلك وعودتك,,
طريق من نبضي,,
امتطيت غيااابك ,,قطعت مسافات نسيانك,,
فلااااا تسألني العوده
ولاتبحث عني الا في اعماق قلبك,,
ستجدني هناك ابحث عن قلبي!
اشعر باني افقد نفسي..
فقد اصبحت جزء من حياتي..
بربك..قيدني فيك اكثر,,
فقد غدوت قيييدي..
فعندما احببتك خرجت من رحم وحددتي اليك..
وهاأنت تغرق كل سفن الوعد...
تتركني لوحدي يبعثرني السهر,,
تنهشوني اعين الغرباء
ارجوووووك لا لاتسقطني من ذاكرتك
حتى لاتذبل ايامي,
لا لاترمني خااارج عينيك..
حتى لا اموت من الخووووف))
لاتجعلني اتبعثر في منتصف المشوااار..
احمني من قسوة الفرار..
,,,,الخاطره منقوله)
الباااااارت الثامن
مسك الرجال الضخم الرجل الثاني حط يده على فمه حتى مايتكلم
وهو يحاول يدافع عن نفسه ويقاوم لكن.....
الرجل ربط فيصل وحط لزق على فمه
فيصل:امممممممممممممم
....:لاتفتح فمك لاتموت
(هذا مين لايكون حاطين حارس ياللا ماعلينا)
طلع الرجل بخطوات مالها صوت طلع درجه درجه وجا عند غرف النوم
سمع صوت تلفزيون وصوتها وهي تضحك
دخل عليها وسكر الباب وعلى على التلفزيون
اماني بخوووف:عبد العزيز!!
عبد العزيز وباين تحت عيونه انه ماكل شي بهدوء تكلم:اووووش ياحلووه
اماني:يببببببه يممه
عبد العزيز :هههههههههههه محد بيسمعك يابطه ..قرب منها
اماني ترجع ورى لقت فصا ومسكتها
اماني :لا تقرب والا على راسك
++++
فيصل كان مربوط بالشماغ جنب الشباك ناظر لحافة الشباك(الزاويه)
قرب نفسه يمه ويحك الشماغ بالحافه حتى تقطعه
انقطع
شال الرباط عن فمه
ركض ورى الرجل اللي مسكه
اول ماطلع الدرج
احمد وهو منجن:انت وش تسوي هينا
فيصل:احمد في رجل ضخم دخل البيت لكن مدري وين راح
ويسمعون صرخه اااااااااااااااااااااااااه
احمد:اماني!!!!!!!
ركضو لعند غرفة اماني
لقو عبد العزيز واقف واماني طايحه بالارض وتصيح ويدها تنزف دم والفصا مكسوووره
احمد يمسك اماني:بسم الله عليك اماني فيك شي
يامحمد(فيصل) ربط هذا الحقير واطلب له الشرطه
فيصل مسك عبد العزيز حاول يقاومه بدخلت سيف اللي فهم وش القصه من منظرهم
مسك عبد العزيز وساعد فيصل بتربيطه
عبد العزيز يصاارخ:اتركوني اقولكم اتركوني
فيصل:اسكت
عبد العزيز:انت وش دخلك
دخل ابو سيف:خير وش القصه؟
تفاجأ باللي يشوفه
+++++
اشرقت شمس صباح جديد على الرياض
بدر يفطر لحاله
شهد تفطر مع عمها ومرة عمها وريم
(شهد اجلت الدراسه لانها بالعده)
نرمين تفطر مع يوسف لحالها وبداخلها ميته من الخووف لانه بيوديها للجامعه بعد شوي
سعاد نايمه
+++++
منيره نايمه وامها فوقها تتاملها
ام تركي(مسكينه يايمه)
++++++
في الشرقيه
ابوسيف :قلتلكم اتركوه انتم تبون تفضحونا الحين هو صحصح
احمد :يبه لو سكتنا له اكثر بيتمادا
ابو سيف:احمد انت سمعتني وش قلت برضاي عليك فك قيده وخله يروح
فيصل(الله قد ايش هي جميله واسمها اماني هههههههههه اسمها لايق فعلا هي اماني ثقافه وجمال)
حوحه:لالا فيصل لاتحبها يرحم والديك
فيصل:وانتي وش دخلك؟ تراني ساكتلك من البدايه لعنتي ابو الجد اللي جابني وساكتلك
هالمره ماتبيني احب اسكتي لا اذبحك هينا
حوحه:يمه اكلتني
فيصل عصب:اقوووووول اسكتي
حوحه(اسكت احسن)
+++++
في ديوانية ابو فيصل
بدر:ياعمي انت الخير والبركه صحيح انا سالت بس انا ماابي احرجك
ابوفيصل مبتسم:حصل خير يبه
بدر :الله يخليك ياعمي ويديمك فوق روسنا
ابو فيصل :ياللا ماتبينا نقوم؟
بدر : ياللا مشينا
راح بدر لبيت ابو يوسف حتى تتم المملكه
وبعد الملكه
ابو يوسف: سعاد ياللا ادخلي رجلك يبي يشوفك
دخلت سعاد وكانت لابسه تنوره بيضاء عليها ورد بنفسجيه وقصيره شوي وبلوسه بنفسجيه
بدر قام يسلم عليها: مبروك سعاد
سعاد بحيا :الله يبارك فيك
وجلسو يسولفون
وبعدها بيوم كانت ملكة يوسف على سجى
ام يوسف تضم سجى:مبروووك يابنيتي
سجى :الله يبارك فيك خاله
نرمين (الله يعينك ياسجى)
سعاد اللي حاسه بالذنب: سجى يوسف يبغى يشوفك وترا ابوك عنده
دخلت سجى :السلام عليكم
ابو سجى ويوسف:وعليكم السلام
ابو سجى :ياللا انا بتركم لحالكم
يوسف:ماشاء الله وش هالجمال والله انك ملاك ياسجى
ورفع وجها يمه:مبروووك ياسجو
سجى احمر وجها:الله يبارك فيك
يوسف:وش فيك انتي خايفه ..
سجى سكتت
يوسف: ياللا انا طالع امانه اذا تبغين شي دقي علي وهذا كرتي به رقمي
ومسكها ووقفها :اوعدك ياسجى اني بحطك بعيوني..
ابتسمت سجى ..
اما يوسف طلع..
++++++
بعد مرووور شهر من الاحداث ..
في بيت ابو فيصل
رن التلفون
ام فيصل : الووو
هلا هلا ياام سليمان كيفك
ام سليمان:............
ام فيصل :والله انا الحمدلله انتي كيف سليمان وسلوى؟
ام سليمان:...................
ام فيصل: ريم والله ماشاء الله عليها من احسن مايكون
ام سليمان: ...............
ام فيصل: حياااك يا ام سليمان والله ينور بيتنا فيك
++++++
في الشرقيه
احمد كانت رجله مكسوره لانه قبل فتره ركب الدبابت وطاح منها
اما سيف وابو سيف كاانو طالعين للبر
احمد طلع بعكازته لعند فيصل وهو معصب
فيصل:وش فيك عاقد الناظر
احمد:خواتي بيرحن للسوق وقال مع التكسي هذا اللي ناقص
فيصل:طيب خلني انا اوديهم
احمد:اعوذ بالله انت تبي ابوي يذبحني يقول مخلي ضيفنا سواق
فيصل :يوه ضيفنا وضيفنا ترى انا صرت منكم وفيكم
طيب انا عندي فكره وش رايك نروح كلنا وانا اسوق واذا نزلنا احط في كرسي متحرك ونتمشى في السوق...؟
احمد:والله ماهي بشينه اروح اقول للبنات يلبسون..
++++++
في الرياض
ام فيصل:والله ياام سليمان ان سليمان رجال ماينرد ماشاء الله عليه..
ام سليمان: عاد لاتتاخرون علينا بالرد
ام فيصل:اشوارها واشاور ابوها واخوها وان شاء الله انا مو ب متأخرين
ام سليمان :ياللا يم فيصل استأذن مع السلامه
ام فيصل :مع السلامه
وطلعت...
ام فيصل راحت لغرفتها تقول لابو فيصل
ابو فصيل:ماشاء الله والله محضوضه اللي تاخذ سليمان اخلاق وادب واحترام
عاد انتي قولي لريم هذي عيله ماشاء الله نعرفهم من يوم كانت جدهم هينا يعني قبل ثلاثين سنه
ام فيصل :ان شاء الله
++++في غرفة ريم
ام فيصل:هاه يمه وش رايك؟
ريم :يمه الراي رايكم اكيد بس لازم استخير خليني يومين وانا بردلك
ام فيصل ابتسمت :خوذي راحتك
++++
يوسف جالس على سريره وصافط رجوله وهو يتذكر لما كانو بالكويت
لما كانت اخته وداد جالسه
وكان بيده سكين طعنهااا
ابو يوسف يصيح:ذبحت اختك
في المحكمه
حكمت المحكمه بالبرائه ليوسف ال.... وذلك بسبب حالته الصحيه اللذي اثبتها الاطباء
............
وافقت ريم على سليمان وملكو وشافها سليمان
وللاسف ريم تعلقت بسليمان وسليمان تعلق فيها مكالمات وهدايا دامت ثلاث شهور
++++++
شهد تعبانه لانها بالشهر السابع
بدر:تقومين لنا بالسلامه والله انك منتفخه ههههههههههه
شهد:لاتضحك علي وجع الدكتور يقول معاي زلال
بدر:وانا من بيقوم بعرسي ان شاء الله
شهد:نرمين وسعاد مضبطين كل شي لاتخاف حتى ريم تحوس معاهم
بدر:ايه اشوا هههههههههههههههه
شهد:ههههههههههههه
+++++++
الجده:الوووو
ام سليمان :هلا يمه كيف حالك
الجده:حنا جياينك بالطريق من حايل
ام سليمان :له يايمه له ليش ماقلتيلي انا اجيك
الجده (اللي شاكه بشي وتبي تتأكد منه):لا انا جايه اشوف عروس سليمان
ام سليمان:حيااااك متى توصلون
الجده :المغرب ومن نجي العشا نروح نشوف ريم وامها
ام سليمان مستغربه:يمه ترتاحون اول وباكر يصير خير
الجده :انا داقه عليك علشان تكلمينهم وبس اللي عندي قلته
كانت الجده حنونه وماتحب تدخل بشي وهذا اللي خلا ام سليمان تستغرب
ام سليمان :الله يستر
خليني اكلم المره
++++++
ام فيصل تكلم بالتلفون: حياكم ياام سليمان اي والله حياكم
في غرفة ريم
:ههههههههههههههههههههه وشدعوه سلوم
سليمان:ضحكتك هذي لمخي يمه تشلع القلب شلع
ريم استحت:سلوووووم
سليمان:ههههههههههههههه اقوول انا مشغول اكلمك الليله ان شاء الله
ريم:طيب حياتي انتظرك
سليمان:فمان الله ياعشقي
ريم:فمان الله
........
على العشاء
الجده :السلاام عليكم
ام فيصل:وعليكم السلام ياهلا
وتقهويهم وجت ريم
ريم تسلم عليهم
ام سليمان :هلا وغلا بزوجة الغالي
اما الجده بعالم ثاني(الا هي انا متأكده)
الجده :اقول يأم فيصل انت كان لك اخت اسمها سمر وتوفت من ست سنين تقريبا؟
ام فيصل بحزن ايه يأم صقر الله يرحمها
الجده :لاحول ولاقوة الا بالله هذا اللي كنت خايفه استغفر الله يارب سامحني
ام سليمان بخوف:يمه وش فيه
ام صقر(الجده):تذكرين يوم رحتي مع رجلك لعمان
ام سليمان: ايه اذكر يمه يوم قعدنا اسبوعين نعالج سلوى
+سلوى كان معاها صدر من ولاتدها كان عمرها اسبوع يوم راحو لعمان وسليمان احدا عشر شهر+
ام صقر:سليمان كان جيعان وكانت ام فهد ام ام فيصل
كانت عندي وارضعته
ريم وكان احد صفقها كف
ام صقر تكمل:وانا صرت يوميا اوديه يرضع مع سمر الله يرحمها
ريم وقفت:يعني سليمان خالي بالرضاااعه وطااااحت
ام سليمان :ريم ياريم
ام فيصل تصيح :ياريم قومي ياريم
ويكبون عليها مي
وام صقر تصيح
بعد نص ساعه صحت ريم ودموعها تنزل :يمه سليمان خاالي؟ ليش يايمه ليش؟
لااااااااااا يايمه لايصير خالي لا
وتصيح
ام سليمان حزنت ماتدري شلون بتفاتح ولدها بالموضوع
ام صقر:الحمد لله على سلامة ريم ياللا ياام سليمان مشينا طلعو وهم يسمعون ريم تصيييح بصوت عالي
لا سليمان لي لا يايمه ماهو خالي ابيه يصير زوجي
لا مايطلقني ويااااااخذ غيري
حوحه:بعد ايش ياام صقر مارحمتي قلبين تعلقو ببعض بعد اييييش
انتظروني بالبارت القادم....>فيس يصيح
انه وهج النهآر..
هل مللت الإنتظآر؟
وهل غيبك الحنين؟
وصآآل الصمت والقرار
وبآت لهيب الشمس سم؛
إن ضووء الشمس نآإر..
إن ظل الوقتت دآم,
والشووق ألمحه انتحآر..
{انتتظرتك انتتظرتك كثيرآ ..غآبت شمس ,وشرقت شمس..
وانا عنك بعييد ,حياتي مثل قطعة جلييييد..
الخاطره منقوله}
البااااارت التاااسع
ابو فيصل :لااااحول ولاقوة الابالله هذي توها تتذكر
خالد بعصبيه:هذي ماتخاف ربها.. وش هالناس
ام فيصل بحزن والم:وهي وش دخلها زين انها تذكرت قبل لايتزوجون
+++++++
في الشرقيه ...
يتمشون بالاسواق وفيصل يضحك مايدري ايش السبب لكن كذا حاب انه يضحك
^_^
تغريد:يوووومه يهبل يااماني ماتوقعته بهالجمال ... ورزه مررره ينكشخ به بصراحه
شوووفي البنات قززز
اماني مرتبكه:ااااف انتي شعليك منه يااربي
تغريد:شلون شعلي منه اقوولك صااروخ ويمشي معنا يعني رزه
اماني:اللهم دم علينا نعمة العقل
تغريد بنذاله:وانتي وش منرفزك؟
لفت اماني عليها:عاتي مو متنرفزه بس اشوفك تبالغين مراا
تغريد بخبث وتناظرها:اهاااا كويسس توقعتك تحبينه اشوااا ضمنته
اماني :اااااااف
تغريد:ههههههههههههههه شفيك اتري انك طايحه فدباديبه هههههههههههههههه والا انا ماشلت خبر
اماني تخبطها:وجع احترميني انا اختك اللي اكبر منك
تغريد:فديييت اللي يستحون
وهو واقف وراهم بيحاسب وسمع كل الحوار ابتسم
لفت تغريد شهقت:يممممه وش تبي
ظل مبتسم :بس كنت بحاسب احمد انجن انكم انتم بتحاسبون
اماني بحييا:يعطيك العافيه بنتعبك معانا بس اخوي غيور شوي
فيصل (تعبك راحه واحبك مهما تتعبني):هههههههههههههههههههه تعلميني في احمد
اماني(بعذرك ياتغرييد)
+++++
في حائل وصلة الجده ثاني يوم
فاطمه تقوم تسلم على جدتها ام صقر: هلا جده
ام صقر تناظر فيها بحزن:هلابك يالغاليه
فاطمه:ليش ماارتحتي كذا قضيتي يومين سفر
الجده (وانتي وين اخليك):لابس ولد اختي محمد عنده شغل ومستعجل,
فآاطمه/طالبه في الجامعه اخصائية تغذيه
طويله مليانه شعرها طوويل وبني باهت
كل شي فيها صغييير وتمتلك قلب كبير يسع كل الدنيا
معروفه بالتضحيه للغير تصير بنت صقر
ابوها توفى وامها تزوجت واحد ثاني وجدتها طلبت تربيها
++++++
شهد تصيح وهي تتأمل صورة فيصل
(وحشتني وينك تركتني لحالي بكرا بيجي مازن وبيسالني ويييينه ابوي وش بقوله
ياترا يافيصل لو ظليت عايش بتطلع برائتي اللي للحين ماظهرت بعيني
اشتقت لك يافيصل ياليتك ترجع وارتمي فحضنك واصييييييح^تكتم شهقاتها^ ااااه يافيصل صرت مثل الجماد ...مالحقت افرح في حياتي)
+++++++++
سليمان :ماااني مطلق يعني ماني مطلق
يمه حسي فيني انا مقدر اخلي ريم ترتبط بحد غيري
ابو سليمان نازل من الدرج وصرخ:وش هالانانيه ووش قلة هالادب نقولك انت خالها
انت ماتفهم
سليمان بقهر:يبه
ابو سليمان :بتروح وتتطلقها وتتعوذ من الشيطان هاللي تسوييييه حرام حررااااام..
سليمان سكت مو عارف وش يقول او وش يتكلم ..
+++++ بعد شهرين ونص
شهد تصااااارخ اااااه ااااااه
ام فيصل تركض يمها :وش فيك يمه
شهد:اااااه مغص ياخاله مغص ااااااه
ام فيصل تنادي:ياااريم ررريم
ريم مفزوعه:نعم يمه
ام فيصل:دقي على خالد يودينا للمستشفى بسرررعه
ريم دقت ع خالد وجا بسرعه وراحو للمستشفى ..
في المستشفى
الدكتور اين ولي امر الزوجه
بدر:انا اخوها
الدكتور :اين زوجها
بدر:زوجها متوفي
الدكتور:انا مضطر لإجرا لها عمليه
ام فيصل بخوف :ليييش
الدكتور:المشيمه ملتفه حول عنق الطفل
خالد:وقع يابدر ع العمليه
بدر:طيب جيب الورقه
ووقع ع ورقة العمليه وكلها ربع ساعه وسمعو صياااح طفل متجه لباب اللي ام فيصل وخالد وبدر واقفين وراه وقفو
وطلع الطفل كان ولد مثل ماقالو الاطبا
مارضت الممرضه تخليهم يمسكونه
بدر:ياحيااتي يهبل
خالد صد (يشبه شهد مره كنت اضن ان هالولد بيبرئك ياشهد بس للاسف نسختك مايشبه اخوي ابد)
طلع الدكتور :الف مبروك
بدر:الله يبارك فيك كيف حال اختي الحين..
الدكتور: حالها من احسن مايكون بس يبغالها ساعتين على مايروح اثر البنج..
...
بعدها بيووم
ريم تطق باب غرفة شهد
ريم :كيف الحال يابطه..
شهد:ههههههه وجع لاتقولين كذا
انا زينه بس نفسي اشوف هالمزيون اللي كلن يمدحه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك