رواية عذبتني باسباب فرقاك -6

رواية عذبتني باسباب فرقاك -6

بدر ويده للحين ورى وماسك المنظره لمي حلوة صح .. قلت اسويها لكم مفاجئة ان شاءالله تعجبكم

ويت ساره عسل مفاجئة عسل

مي كانت تطالعهم اندمجت معاهم بالسوالف ويدها صارت على يد بدر

مريم كانت تراقب كل شي من بعيد

فاطمة مدت يدها وضربت مي على اليد اللي ماسكة فيها يد بدر انتييي .. هيييي شفييج مشبصة بأخوووي .. هدييييييييي يده

مي هذي ثالث مره تنحرج بسبب بدر شالت يدها عن يده وهو حس ببروده ما يدري شنو سببها يمكن لان يد مي كانت دافية او هو اللي كان بردان بصراحة شعور يحير

وقفت مي وحطت يدينها بمخباها ممكن اطلع

بدر استحى وقام وعيونه تتنقل بينها وبين مريم تفضلي

مي راحت لمريم وهي متفشلة من اللي صار ومشوا مع بعضهم عشان ينزلون من الطياره

ساره عصبت على اختها زييين جذي فشلتي البنية

فاطمة ببرود أعصاب وليش تمسك يد اخوي ومريم كانت واقفة تبينها تفهم غلط

ساره عصبت على اختها وخزرت فيها عشان تسكت لانها تعرف مريم عدل وماتبي اخوها يتأمل على الفاضي

بدر قام ومشى عن خواته يالله لا ارد في كلامي وارجع على طياره العصر

راحوا خواته وكل وحده شبكت يده من جهة وحده على اليمين ووحدة على اليسار ونزلوا من الطياره

ابو مريم يا هلا بولد اخووووي .. زين يوم انك غيرت رايك وييت معانا

بدر وانا اقدر افوت على نفسي .. احد يعوف ايران وهوى ايران

فاطمة اي انت متعود عليها .. احد يطلع من الجنة ويروح النار

ساره اي والله بعز الصيف الجو حلو

ابو مريم ها يا ولدي بتيي معانا الفيلا ؟؟

بدر لا عمي انا بروح اسلم على يدتي وخوالي وبرقد عندهم اليوم .. وان شاءالله باجر امركم

ابو مريم على خير .. يالله يابنات ركبوا السياره

وركبوا البنات في سياره وابو مريم وام مريم وبدر معاهم

وصلوا الفيلا وكانت اصغر من بيتهم في البحرين كانت على ارتفاع جبل وبين جبلين ضخمين وبين الجبلين كان فيه بحيره طبعا هذي البحيرة من الثلج اللي يذوب لما يجي الربيع

وداخل الحديقة مزروع فيها كل ما لذ وطاب من الفواكه وقريب من الباب الداخلي كان الورد معبي المكان من جد شي يشرح الخاطر ومكان حلو يفتح النفس والجو بارد لان البيت على ارتفاع جبل وبين جبال والغيوم صايره مثل الدخان الابيض لانها تخترق الجبال

دخلوا البنات غرفهم وكل وحده نامت على طول

ام مريم وابو مريم قعدوا في الحديقة يتريقون في الجو الحلو وبعدها راحوا هم بعد وناموا

عدى اليوم الاول والكل مرتاح واليوم الثاني واليوم الثالث وهم قاعدين بالبيت والسبب ان ابو مريم فاتح له مصانع جديدة في ايران وانشغل وياها

ام مريم كانت مشغولة بصديقاتها وجيرانها

البنات قاعدين في الفيلا وطفشانين صح البيت حلو والمناظر لطبيعية روعة بس هم ملوا ويبون يغيرون ويطلعون بس محد معاهم حتى بدر انشغل بأهله وما مر عليهم يمكن يحاول يتهرب من الموقف المحرج اللي صار وحبه مريم مع ان يه بس عشان يكون قريب منها

فاطمة افففففففففف مليت ابي اطلع من البيت

ساره صبري يمكن اليوم يمرنا بدر

مي ليش هو قال انه بيمر ؟؟

مريم تنتظر الاجابة

وبهالوقت دخل عليهم بدر سلام عليكم

البنات عليكم السلام

فاطمة ما بغييت تيي

بدر شسوي رحت شمال بيت خالتي ونمت يومين هناك

فاطمة وليش ما تودينا احنا هناك

بدر وهو قاعد على الكرسي ليش انتوا تبون تروحون ؟؟

ساره وهذي يبيلها سؤال بعد

بدر وهو يطالع مريم وانتي يا مريم بتيين معانا

مريم بابتسامة وهي تطالع مي اذا مي بتروح بروح معاكم

مريم ما تدري ليش كانت مرتاحة واول مره تكلم بدر جذي وترتاح له وتبتسم له بعد

بدر من شاف ابتسامتها طار من الفرحة ودقات قلبه بدت تتسارع ويده صارت ترجف بس محد كان ملاحظ غير مي اللي تغيرت ملامحها

مريم وهي حاطة يدها على جتف مي ميوووو شفييج .. ماسمعتيني

مي هااا .. اي سمعتج

ساره بتيين ولا لاء .. لانج اذا ما ييتي مريم مو يايه

دارت مي لمريم مريوم روحي انتي .. انا تعبانة ما اقدر

مريم خلاص انا مو رايحه بعد

فاطمة وهي تسحب يد مي ميوووون .. يالله عن الدلع عاد .. خلينا نستانس عن حبسة البيت

مي عيونها على بدر

بدر بادلها النظرات يالله يا مي تعالي ..

مي صار الكل يلح عليها استحت واضطرت انها توافق خلاص اوكي

فاطمة وهي تنطط ياااااااااااااااي .. ونااااااااااااااسة .. واخيرا بنطلع من البيت

بدر يالله انا انتظركم بالسياره

وراحوا البنات يتجهزون وفرحانين بالطلعة

ام مريم انتبهوا لبعضكم .. واذا بتباتون هناك اتصلوا لبابا

مريم اوكي ماما .. خدا حافظ

ام مريم خدا حافظ

وطلعوا البنات لابسين الحجاب الايراني

كان الوضع هدوء داخل السياره ساره قدام مع بدر والمقعد الخلفي مريم ومي وفاطمة وكل وحدة تفكر في حالها

مريم الافكار تاخذها وتييبها كل ما تتذكر جرأة هالغريب وكلامه لها ونظرات بدر واشلون تتهرب منها ولا ايوب اللي ما خذ قلبها وعقلها وتحس بتوتر علاقتهم

مي سرحانة في بدر وتتذكر نظراته وكلامه لمريم وتتحرقص من القهر

اما فاطمة فكانت ماتدري بالدنيا حاطة السماعات في اذنها وتسمع اغاني ولاهية عن الجميع

ساره تفكر بحال اخوها وهيامه لمريم وما خفى عنها ولا راح عن بالها الغريب اللي سكن بيت عمها وماتدري ليش دوم ايي على بالها وتفكر فيه

استغرقت الرحلة ساعات والحمدلله وصلوا بالسلامة

وصلوا وعلى طول بيت خالة بدر رحبوا فيهم وفرحت بشوفة فاطمة وسارة

اما مي ومريم كانوا حاسين نفسهم غريبات وقاعدين في حالهم ظلوا في شمال ايران اسبوع كامل يالله جنة ما تكفي الواحد يقعد فيها حتى شهر راحوا مع بدر كل مكان ما شاءالله عليه ونسهم وكانوا حاسين نفسهم طايرين خصوصا مي كانت تحاول تتقرب من بدر على قد ما تقدر بس هو الثاني يحاول يتقرب من مريم وهي تتهرب كالعاده راحوا مكانات وايد وكانوا كل مره يفرحون بالمكان اللي زايرينه وكأنه اول مره يروحون مريم في السنة اقل شي تزور ايران 4 مرات بس ما يمديها تروح الشمال لان مشاغل ابوها وايد حتى وهو مسافر معاهم

رجعوا الفيلا وكملوا باقي الايام في الشوبنغ والدوار في الاسواق بس بدون بدر طبعا لانه اجازته خلصت ورجع البحرين مره ثانية كانوا مقضينها سهر ووناسة وكل يوم يجونهم زوار اللي يطلب مساعدة واللي يطلب شغل واللي جاي يشوف مريم

عدت باقي الايام ويوم العوده الى الديار

البنات تجهزوا ولبسوا وقعدوا بالحديقة

فاطمة بضجر افااا خلصت السفره ما امدانا نستانس بالجو الحلو بنرد للحر والرطوبة

ساره اي والله هناك موت .. اللي ايي هني ويروح الشمال يعوف البحرين

مريم بحالمية انا عن نفسي ابي ارد من رجعنا من الشمال

فاطمة بلقافة ليش كل هذا مو قادرة على فراق اخوووي

مريم خزتها حللللللفي .. مالت عليج انتي واخوج .. انا ما وحشني غير ايوبي حبيب قلبي

ساره بزعل مسكين يا بدر .. كل اللي يسوي عشانج وانتي مو حاسة يا مريم

مريم ساره ما له داعي نبرة الزعل اللي بصوتج انتي عارفة الوضع

ساره مو لاني عارفة الوضع زعلانة .. مريمبدر مو راضي يفهم .. عيزت وانا افهم فيه

مي نطقت لانها ما قدرت تتحمل ساره هو اللي ما يبي يفهم

الكل سكت لما شاف ردة فعل ميساره كانت مصدومة ومريم مستغربة وفاطمة مرسوم على ويهها اكبر علامة تعجب شفييها مي معقولة انفجرت مره وحدة

ساره حبت تهدي الوضع اي .. يمكن هو مو حاب يفهم

فاطمة وهي تكلم بس انتي ليش محترقة

مي تورطت مو عارفة شتقول انا مو محترقة ولا شي .. بس اقول رايي في السالفة لا اكثر ولا اقل

وقامت تتمشى عنهم عشان دمعتها المحبوسة بطرف عينها ما تفضخها

مريم حست بمي لانها قريبة منها وايد بس ما حبت تلحقها وتكلمها قدام بنات عمها عشان ما ينتبهون ويفهمون اللي هي فهمته

مريم عصبت وطالعت فاطمة بنظرات انتي متى بتكبرين هااا .. متى

فاطمة بزعل انا شسويت ؟؟؟؟؟؟؟؟؟؟

مريم مفشلة البنت وين ما تروح ... اخوووي واخوووي ... يا ماما اخوج على عيني وعلى راسي بس مو على حساب اختي وصديقتي .. وشكلج نسيتي حبيبتي اخوج توكم عارفينه ما صارلكم خمس سنين .. من وصلنا وانتي تفشلين فيها وتحرجينها .. حرام عليج

ساره خلاص مريم .. صلوا على النبي .. ما صار الا الخير

فاطمة وهي تصيح والله ما كان قصدي مريوووم .. والله انا آسفة .. تعرفيني دفش .. .....

مريم احنا الاربع تربينا مع بعض ونعرف بعض .. وصرنا لبعض اكثر من الخوات .. واخوكم على عينا وعلى راسنا .. بس بصراحة سندرتونا فيه .. انا حتى استحي اكلمه .. اشلون تبوني احبه .. انا مو ذنبي انه يحبني بس انا ما احس بشي

فاطمة خلاص مريوم آسفه

ساره مريم احنا نحبج ونحب مي بس بدر اخونا صدقيني ما يهون علي اللي يصير فيه

مريم زين وانا شذنبي .. ولا عاجبكم هواشنا الحين بسببه

ساره خلاص سكروا السالفة .. ان شاءالله ما تنعاد مره ثانية صح يا فطوم

فاطمة ابتسمت بين دموعها صح .. مريووووم انا ........

مريم لو ما انج اختي الصغيره كنت ذبحتج

فاطمة راحت وحضنت مريم وساره تبتسم لهم ومرتاحة انهم تصالحوا

اما مي فحست نفسها غريبة بينهم ابتسمت لهم ورجعت عشان تركب السياره لان رايحين المطار وبيرجعون البحرين

ركبوا الطياره مريم شافت مي قاعده وعيونها في الدريشة وسرحانة شفيها الحلوه

التفتت لها مي هلا مريم .. ما فيني شي

مريم افا يا مي انا مريم .. تخشين عني

مي اخش عنج شنو ؟؟؟

مريم تعرفين يا مي شأقصد

مي تضيع السالفة حسافة بنرد بسرعة

مريم مي .. ليش

مي ليش شنو ؟؟

مريم ليش ما صارحتيني من اول

مي اصارحج بشنو ؟؟؟

مريم حبج لبدر يا مي

مي تضحك عشان تظهر العكس لمريم اي حب يا مريم انتي من وين يايبه هالحجي .. ولا عشان قلت هالكلمة صرت احبه .. خلاص يا كلمة ردي لمكانج

مريم خلاص حبيبتي براحتج .. متى ما حبيتي تقولين وتكلميني انا موجوده

مي بابتسامة ودمعتها خانتها أحبه يا مريم وهو يحبج .. أحبه .. أحبه

مريم حضنت صديقتها وما ردت ولا نطقت بولا حرف لان ماعندها جواب الموقف صعب مي بالنسبة لها اعز من اخت واللي تحبه ما يحبها للحين ما جربت هالشعور من قبل يمكن عماها وحبها لايوب ما فتح عيونها للحين عشان تجرب هالاحساس

فاطمة وساره كانوا قاعدين بعيد عنهم لان المقاعد كلها محجوزة وما لقوا مكان قريب منهم ويشوفون مي ومريم يتحاضنون فرحوا وعرفوا ان مريم طيبت خاطر مي بس ما عرفوا السبب الحقيقي لزعل مي

وصلوا البحرين بخير وسلامة ونزلوا من الطياره

ابو مريم الحمدلله على السلامة يا بنات

البنات بصوت واحد الله يسلمك

ورجعوا البنات الفيلا ما عدا مي راحت بيتهم لان ابوها يه خذاها من المطار مباشرة

ومريم ما اصرت عليها تروح معاهم لانها حبت انها تكون بروحها وهي فعلا محتاجة تكون بروحها وتفكر باللي صار وتراجع نفسها عدل يمكن اللي بينها وبين بدر مو حب يمكن مجرد اعجاب وبيتلاشى مع مرور الوقت والايام تنسيها ولا حب ازلي بيلازمها طول العمر

وصلوا الفيلا ونزلوا البنات وابو مريم وام مريم والخدم والسواق ينزلون الشنط والاغراض من السياره

ابو مريم لمح باب الملحق مفتوح عيسى .. طاهر

الحارس طاهر آمر طال عمرك

ابو مريم ليش باب الملحق مفتوح ؟؟

الحارس طاهر متبهدل ومو عارف شيقول واشلون يشرح الموضوع لابو مريم والله عمي انا مو عارف شقولك بصراحة

ابو مريم اي .. اسمعك

الحارس عيسى عمي .. عمي

ابو مريم بنفاذ صبر اي شفييكم ؟؟؟ ليش مو عارفيين تتحجون شصاير ؟؟

يالله ابي توقعاتكم شصاير بالملحق ؟؟؟

الفصل التاسع

وصلوا الفيلا ونزلوا البنات وابو مريم وام مريم والخدم والسواق ينزلون الشنط والاغراض من السياره

ابو مريم لمح باب الملحق مفتوح عيسى .. طاهر

الحارس طاهر آمر طال عمرك

ابو مريم ليش باب الملحق مفتوح ؟؟

الحارس طاهر متبهدل ومو عارف شيقول واشلون يشرح الموضوع لابو مريم والله عمي انا مو عارف شقولك بصراحة

ابو مريم اي .. اسمعك

الحارس عيسى عمي .. عمي

ابومريم بنفاذ صبر اي شفييكم ؟؟؟ ليش مو عارفيين تتحجون شصاير ؟؟

وجاهم صوت من وراهم خلاهم يلتفتون له مو صاير شي طال عمرك .. كل الخير ان شاءالله

ابومريم وهو متكتف نعم .. وانت من ان شاءالله

.............. انا الغريب اللي آويته في بيتك عمي

ابومريم :اي صح صح .. شلونك الحين ؟؟

........... وعيونه على مريم شوفة عينك يا عمي بخير والحمدلله ... كله من فضل الله ومن ثم فضلك

الحارس عيسى عمي .. علي شاف نفسه احسن وصار يشتغل بالحديقة والملحق منه ومن نفسه

ابومريم يعني رجعت لك ذاكرتك؟؟

علي لا والله .. بس من قمت والشباب ينادوني علي

ابومريم زين يا علي شكلك بعدك تعبان ليش ما تريح نفسك

علي لا طال عمرك انا من اسبوع وانا اتحرك واشتغل ... وفي الحركة بركة

ابومريم يعني ما ودك تدور على اهلك

علي اكيد ودي بس ما اعرف شي .. ولا اتذكر شي .. اعرفكم انتوا بس .. ولا اعرف شلي يابني هني .. ولا شنو صار فيني

ابومريم بس يابوك اكيد لك اهل يدورن عليك

علي الله كريم عمي

ابومريم خلاص خل الشباب يشغلونك معاهم بالحراسة ما شاءالله عليك جسمك مناسب

علي بحماس وهو يغمز لمريم أمرك طال عمرك

مريم تذكرت كلامه وانقهرت رفعت خشمها ومشت عنه

علي طنشها وراح قعد مع الشباب

مريم صعدت غرفتها وبويهها على الحمام قعدت في الحوض البخاري الصغيير مو قادره تنسى كلامه لها اشلون تجرأ وقال عنها مو حلوه ونظراته لها كانت جريئة وقدام ابوها وما خاف حتى من ابوها كانت كلها تحدي وغموض اففففففففف شهالبلشة انا ليش افكر فيه .. ما صار سيكيورتي عند بابا ... ياربي ليش افكر فيه اففففففففف .. راسي بينفجر حتى لما سافرت افكر في قصته .. معقولة ما عنده اهل يسألون عنه أكثر من شهر وهو مقطوط في بيتنا .. حتى ما يعرف جم عمره ولا اسمه

صارلها في الحمام ساعتين على هالافكار طلعت بروبها وشعرها المبلول ولبست قميص نوم مسير لفوق الركبة عنابي من الساتن ونشفت شعرها بالفوطة واتسطحت على سريرها ورجعت لها الافكار مرة ثانية حاولت تشيلها من بالها ما قدرت قامت لبست روبها وطلعت البلكونة شافت الوضع هدوء وممل رجعت على السرير على وعسى تنام بس النوم مجافيها راحت غيرت ثيابها ولبست بجامة بيت برمودا حمره ضاغطة منقطة بأسود وبدي كت اسود سبورت وجوتي رياضة اسود وخيوط حمره مثل الجوارب شعرها فرقته من النص وجدلته جدلتين ناعيمين وربطتهم بشرايط حمره

راحت فتحت الغرف على بنات عمها لقتهم في سابع نومه نزلت تحت المطبخ وطلعت لها عصير برتقال فريش وقعدت على الطاولة اللي بالمطبخ وشربت العصير وراحت لغرفة التلفزيون وشغلت لها قنوات الاغاني وقعدت تقلب فيهم تمللت مالقت شي يعجبها سكرت التلفزيون ووقفت داخل البيت عند الباب الزجاجي وتطالع الرايح والجاي الحراس يتمشون بس علي مومعاهم يمكن يكون نايم

ركبت غرفتها مره ثانية وفتحت الابتوب وبعد حوالي نص

اتصل ............... أكيد عرفتوه من صح

فرحت واخيرا فتح تلفونه وشاف اتصالاتها ومسجاتها

مريم هلا حبيبي

ايوب هلا مريوم .. نورتوا البحرين

مريم منورة باهلها يالغالي

ايوب انتي وينج حبيبتي ؟؟

مريم انا في البيت ......

ايوب ادري انج في البيت .. قصدي وين بالضبط ؟؟

مريم في غرفتي

ايوب تعالي

مريم بإستفهام وين ايي؟؟

ايوب شقتي طبعا

مريم تغيرت نبرة صوتها وغلبت عليها زعل افااا يا ايوب هذا وانا حبيبتك تبيني اييك شقتك .....

ايوب هههههههههههههاااااااااااااااييييييييييييي .. امزح معاج ياعمري .. اكيد مايهون علي .. طلعي على البلكون

مريم اي ليش

ايوب بغموض انتي طلعي

مريم فتحت الستاره والباب الزجاجي وطلعت تتمشى للحديقة كاني طلعت وبعدين

ايوب يصفر لها ويأشر أحبج .. تعالي سلمي علي

مريم متفاجئة رمت التلفون على الارض وركضت على الدرج باقل من دقيقة

طلعت الحديقة كان ينتظرها فتح ذراعه لها وهي ما صدقت على الله رمت نفسها بحضنه

في شخص كان يراقب المشهد من بعيد انصدم لما شاف الحضنة طلع من الملحق وظل يراقب الوضع من بعيد

مريم بعدت عنه اشتقت لك يالغالي ..

ايوب بمكر ليش بعدتي حبيبتي ما مداني شبعت من حضنج

مريم حست على نفسها ان اللي سوته غلط جتفت يدينها وبدت تفرك فيهم هااا .. لا ايوب انا حضنتك لاني مشتاقه لك وفقدتك بس مو جذي خلاص

ايوب مسكها من ذراعها يالله حبي لا تصيرين قاسية علي

مريم رفعت يدها وحررت نفسها انا مو قاسية ..

ايوب ما سمعها حاوطها من خصرها وسحبها غصب عنها قلتلج تعالي

مريم حطت يدينها على يدينه تحاول تفتحهم وتحرر نفسها مره ثانيه ايوووب وبعدين معاك

بس ايوب تمادى وسحبها اكثر

مريم عصبت وضغطت على يدينه بأظافرها وبعدته عنها غصب

ورفعت يدها وصفعته على ويهه

ايوب ظل اكثر من خمس دقايق مو مستوعب اللي صار معقوله مريم معقولة تجرأت وصفعتني

بدت انفاسه تتصاعد وتنزل والشرار يتطاير من عيونه عض على اسنانه ومسكها من ذراعها انتي قد هالحركة اللي سويتيها

مريم حست على نفسها وبدت ترجف من الخوف انت السبب .. انا مو بنت شوارع عشان تسوي فيني جذي

ايوب ما قدر يتحمل الغضب اللي احتواه رفع يده عشان يرد لها الصفعة وتوى بيصفعها الا ويد تمسكه من وراه

ايوب ما قدر يلف ويشوف من لان اللي مسك يده سحب يده الثانية وجتفهم بيدينه وبكل برود اذا اهلك ما عرفوا يربونك ترى فيه من يربيك اذا عتبت باب هالبيت مره ثانية .. فاهم

ورماه على الارض

ايوب خاف وركض بدون ما يلف وراه حتى

مريم عصبت عليه انت بأي حق تطرده من بيتنا

ضحك وهز راسه ومشى عنها

مريم ركضت ووقفت قدامه وهي متخصره بس هو كمل طريقه عنها وما عطاها اي اهتمام وهذي الحركة رفعت ضغطها اكثر

راحت ومسكت يده ونفضتها مثل ما يسوون اليهال لانها تدري انها للحين تعوره ما تكلم بس غمض عينه من شده الالم ووقف نعم ؟؟ شتبين ؟؟ خير ؟؟

مريم تركت يده ورفعت صبعها عشان تهدده وهو حط يده على صبعها مريم ولا كلمه .. روحي غرفتج نامي احسن

مريم منصدمة من حركاته مو مصدقة الجرأه اللي فيه ما قدرت تنطق بولا كلمة ضربت برجلها على الارض ولفت راسها ولفوا جدايلها معاها وكان شكلها بنوتة ام خمس سنين مو بنت عشرين سنة

ابتسم لبرائتها ودلعها العفوي ومسرع ما انقلبت الابتسامة الى تكشيرة لما تذكر غبائها لايوب متى بتصحين يا مريم معصبة ليش انه انطرد من بيتهم ما فكرت انه كان يبي يمد يده عليها ولا محاولاته الجريئة معاها ولا يحترم رفضها ويهين كرامتها بهالطريقة

صعدت غرفتها وفتحت جدايلها وقدت على الكرسي اللي في التسريحة وهي تسرح شعرها وتتذكر اللي صار تصرفات ايوب وتصرفات علي ومن اللي فيهم تصرف غلط ومن الصح وليش يتصرف علي جذي مو من حقه يطرد ضيف وهو مجرد حارس

مريم صحت من دوامة افكارها على صوت تلفونها

وعرفت رنته هذا ايوب بس ما حبت ترد لانها تعرف ان معصب وما تبيه يزيد والمشكلة تكبر اكثر

اتصل مره ومرتين وثلاث .......... لين مل وسكت تلفونها

راحت لبست ثيابها النوم واتسطحت على سريرها ورفعت تلفونها الا فيه 18 مس كول من ايوب ومسجين

المسج الاول مريوم .. مو انا اللي انطرد من بيتكم .. هالحارس ما ابي اشوفه مره ثانية

المسج الثاني وهذا طبعا وصلها قبل ذاك مريم .. بتندمين على الحركة اللي سويتيها .. ما اكون ايوب ولا ريال من ظهر ابوي اذا ما علمتج اشلون تعامليني .. انا تسطريني .. غرورج على العالم كله مو علي انا .. وخشمج هذا انا اللي بكسره .. فاهمه

مريم تضايقت ورمت تلفونها على الكوميدين وحطت المخده الثانية على راسها وغمضت عينها ونامت واخيرا

اما تحت فكان واقف وعيونه على البلكون ارتاح لما شاف نور غرفتها طفى عرف انها نامت ما يدري ليش هالبنت بتسبب له مشاكل وايد وعوار راس

مر اسبوع على الاحداث السابقة وعلى رجعة مريم واهلها وربعها من ايران

الاوضاع كانت هادئة مريم سكتت عن ايوب وتركته على راحته لين يهدأ وينسى السالفة مع انها تعرف ان مستحيل يعديها على خير وعلي كانت تشوفه من بعيد لبعيد وما تعطيه ويه ولا هو يكلمها وما تقدر تطرده من البيت عشان ايوب وهي تدري ان ما يتذكر شي وما يعرف اهله

مي للحين ماخذه على خاطرها من فاطمة ومنحرجة من مريم لانها اعترفت لها وشوقها لبدر فاضحها ومبين في عيونها حبت تبتعد عن صديقاتها شوي عشان ساره وفاطمة ينسون اللي صار ومحد يحس فيها

ساره وفاطمة طبعا في حالة تنقل كل يومين يروحون بيتهم ويرجعون بيت عمهم لان اخوهم يكون مسافر

فاطمة انا مو حاملة معاي ثياب لان ثيابي كلها هناك

ساره ذكرتيني .. يبي لنا نروح نشتري لنا اغراض ثيابنا صارت قديمة

فاطمة انا مو رايحة .. توني الشهر اللي طاف بابا محمد مشتري لي اغراض وايد .. وبعدين انتي ومريوم وميووو تموتون على الهياته في الاسواق والمولات .. وانا اتعب وريلي تتكسر وانتوا ما تملون مريم ومي بيدهم هالكردت كارت ويخمون السوق كله

ساره وهي تحط المكياج في ويهها مساكين ما يقصرون علينا .. انتي تدرين هالكردت كارت جم فيها

فاطمة عمي مسويها لمريم مفتوحة بس ميوو اكيد فيها لمت لانها بلاعة فلوس ابوها ما يضمنها

ساره الا على طاري مي منقطعة ماندري شخبارها .. خلينا ندق عليها اخاف للحين زعلانة منج يا ام لسان

فاطمة ويييه لا تذكريني كفاية علي ضميري تعب وهو يأنبني .. خليني انا بتصل لها .. وييه تلفوني ما في شحن

ساره وانا تلفوني مافي رصيد .. الا وين بدر ؟؟؟

فاطمة منج مو قلنا لج حولي خط مفتوح انتي ما رضيتي .. بدور راقد الليلة عنده رحلة

ساره استحي والله تفشلت من عمي .. وبعدين الرصيد هو اللي يعبيه كل شهر وخلص الرصيد في ايران .. اكيد باجر بعبيه

فاطمه وهي قايمة اروح اتصل من تلفون البيت ارحم

نزلت فاطمة الصالة ورفعت السماعة تتصل على مي

مي كانت تجهز نفسها عشان تمر مريم لانهم متفقين يطلعون يتعشون برى

سمعت رنة تلفونها وهو على السرير والفراش معفوس فوق تحت قعدت تدوره لين سكرته فاطمة وهي تأفأف

بدر كان نايم بس تلفون غرفته كل شوي يطق لان فاطمة تتصل والكول هوم اللي ف بيتهم فيه جهاز انذار اذا احد يتصل يقعد يطق رفع السماعة عشان يقول لاخته تسكر التلفون بس اتفاجأ لما سمع صوت مي حط يده على السماعة عشان ما ينتبهون له ويسمع المكالمة للاخر

فاطمة ردت مره ثانية اتصلت ومي لقت التلفون ابتسمت وردت الوو

فاطمة هلا وغلا .. هلا بالزعول

مي زعول بعينج .. يا ام لسانين ..من اسبوع ما تسألون عني

فاطمة اشلون نسال عنج وانتي زعلانة ؟؟؟

مي ومنو قالج اني زعلانة

فاطمة مبين عليج .. ترى انا ما كنت اقصد احرجج جدام اخوي ..

مي لا عادي .. اصلا اخوج ما يهمني .. وحبه لمريم صار مرض .. بس انتي فشلتيني جدامه

فاطمة خلاص قلنا سامحينا .. وبعدين انتي شفهمج بالحب وسيرة الحب

مي بإنفعال اذا انا اللي ما افهم عيل انتي يالمفعوصة تفهمين

فاطمة بحماس افا يا ميووو تحبين وما تعلميني

مي سوت روحها معصبة عشان تخفي توترها حبتج القراده يالملقوفة

بدر سمع كلام مي وخلاص ضاقت الدنيا في عيونه ما فهم باقي كلام البنات غير حبه لمريم صار مرض معقوله .. معقوله حبي لمريم صار مرض .. يعني انا مريض .. لا يا بدر مردها مريم بييها يوم وبتعرف شكثر احبها وبتحس فيني وانا بالي طويل مستعد انتظر العمر كله مو يوم ولا شهر ولا سنة

استمرت مكالمة مي وفاطمة اكثر من نص ساعة

مي اقووول فطوم انا برقد في بيت مريوم تعالوا معانا نسهر مع بعض بعد العشا

فاطمة اي بنيي نبات لان بدور بيسافر اليوم

مي بنفسها بعد بدر وين ما اروح ألقاك معاي يا بدر .. وين اقدر انساك وانت ساكن القلب والروح

فاطمة ميووو وين رحتي ؟؟

مي هلا فطوووم معاج .. الا الساعة جم تبوني امركم ؟؟

وفجأه سمعت فاطمة صفقت الباب فطووووم ... سكري التلفون .. وين اختج ؟؟؟؟

فاطمة شالت السماعة من على اذنها ومسكتها بيدها عشان مي ما تسمع

وبعدها قالت لمي ميووو بعدين ادق عليج ... بااااي

وسكرته قبل ما تسمع سلام مي ولا تعطي مي جواب متى تمرهم ................

من تتوقعون اللي أمر فاطمة تسكر سماعه التلفون؟؟؟

انتظر ردوووووودكم

الجزء العاشر

استمرت مكالمة مي وفاطمة اكثر من نص ساعة

مي اقووول فطوم انا برقد في بيت مريوم تعالوا معانا نسهر مع بعض بعد العشا

فاطمة اي بنيي نبات لان بدور بيسافر اليوم

مي بنفسها بعد بدر وين ما اروح ألقاك معاي يا بدر .. وين اقدر انساك وانت ساكن القلب والروح

فاطمة ميووو وين رحتي ؟؟

مي هلا فطوووم معاج .. الا الساعة جم تبوني امركم ؟؟

وفجأه سمعت فاطمة صفقت الباب فطووووم ... سكري التلفون .. وين اختج ؟؟؟؟

فاطمة شالت السماعة من على اذنها ومسكتها بيدها عشان مي ما تسمع

وبعدها قالت لمي ميووو بعدين ادق عليج ... بااااي

وسكرته قبل ما تسمع سلام مي ولا تعطي مي جواب متى تمرهم ................

رمى بالشنطة على الارض ودخل بخطوات سريعة وفتح ذراعينا تعالي سلمي على بابا

فاطمة ببراءه ركضت لابوها وحضنته ودفنت راسها في حضنه حمدلله على السلامة بابا

ابو بدر الله يسلمج حبيبتي .. ياني مشتاق لكم وايد

فاطمة بفرح واحنا بعد بابا مشتاقين لك .. طولت علينا هالمره

ابوبدر اي والله انشغلت عنكم صارلي اكثر من شهر ماييت

............ قصدك 3 شهور

نزل من فوق الدرج بضييق وما سلم على ابوه راح وقعد على الكرسي اللي مواجهه

ابوبدر بدر موجود يا فرحتي .. الا وين سوسو ؟؟

ساره بصراخ بابيتوووووو ..

ابوبدر قام وحضن بنته يا روح بابيتو .. وحشتيني

بعدها عن حضنه ومسك يده وهو يلفها واااااو .. شنو هالجمال .. هذي بنتي ساره ولا باربرا موري

ساره ابتسمت بابيتو .. اخجلت تواضعي

ابوبدر تشبيهين امج وايد

بدر قام عنهم يبي يمشي

ابوبدر وين رايح يبا اقعد معانا شوي

بدر لا مشكور عندي رحلة الساعة 12 وربع بروح اريح شوي قبل لا امشي المطار

ابوبدر وين رحلتك ؟؟

بدر يهمك يعني ؟؟

ابوبدر طبعا يهمني موانت ولدي العود

بدر وهو يضحك باستهزاء يس .. شور لازم تعرف داد .. لاني كل رحلاتي وسفراتي تعرفها .. لكن انا بقولك انا رايح برلين ومن برلين الى نيويورك ومن نيويوك الى لوس انجلوس وبعدها بنزل في مطار باريس وبقعد يومين وبعدها بروح المغرب ومن المغرب القاهره ومن مطار القاهره على البحرين يعني رحلتي من اسبوع الى 10 ايام .....

ابوبدر وليش كل هذا مره وحده .. انا قلت لك هذي الشركة اللي تشتغل فيها ما تسوى

بدر عصب وما عجبه تدخل ابوه بليييييز .. دونت كير أبوت مي .. ذس از ماي جوب .. لاتتدخل فيني

يتبع ,,,,

👇👇👇

تعديل المقال