رواية عذبتني باسباب فرقاك -7
بدر وهو يضحك باستهزاء يس .. شور لازم تعرف داد .. لاني كل رحلاتي وسفراتي تعرفها .. لكن انا بقولك انا رايح برلين ومن برلين الى نيويورك ومن نيويوك الى لوس انجلوس وبعدها بنزل في مطار باريس وبقعد يومين وبعدها بروح المغرب ومن المغرب القاهره ومن مطار القاهره على البحرين يعني رحلتي من اسبوع الى 10 ايام .....
ابوبدر وليش كل هذا مره وحده .. انا قلت لك هذي الشركة اللي تشتغل فيها ما تسوى
بدر عصب وما عجبه تدخل ابوه بليييييز .. دونت كير أبوت مي .. ذس از ماي جوب .. لاتتدخل فيني
ابوبدر وانت يابدر ماتهمك حياة ابوك ؟؟
بدر هااا بشر ؟؟ صار عندي اخو امه امريكية ولا تايلندية ولا باكستانية ..... ولا خلني ساكت احسن
ابوبدر خلاص يا بابا ادري اني ظلمتكم وايد .. بس انا تغيرت .. وييت عشانكم
بدر هالحجي عيزنا واحنا نسمعه .. كل مره تيي وتقول جذي وما تكمل اسبوع ترجع تسافر وتغيب شهرين على الاقل ..
ابوبدر بدر خلاص انت كبير وواعي وعمرك تعدى 27 سنة .. انا طلقت زوجتي
بدر آم سو سوري داد .. هارد لك هالمرة.. وان شاءالله تلقى اللي تعوضك في المره اليايه
فاطمة وساره واقفين ويسمعون كل اللي يصير وخايفين لان بدر يشد وابوهم يشد وبدر صارله سنتين ما شاف ابوه وطبيعي اللي قاعد يصير
ساره خلاص يا بدر روح ارتاح انت وراك سفر .. وبابا بعد بيروح يرتاح
بدر اكيد رايح لان مو طايق اقعد اكثر
ساره بدت تعصب على اخوها وبعدين يا بدر .. خف على بابا شوي ما يصير جذي
بدر خلاص يا ام قلب حنون .. مو كأنج من اسبوع لما شفتي عمي محمد مع بنته قعدتي تصيحين وتندبين حظج على ابوج اللي ما تشوفينه الا4 او 5 مرات بالسنة .. ليش لان ماعنده وقت لعياله وقته لنفسه وبس
ابوبدر انا عاذرك يا ولدي .. بس انتوا عطوني فرصة وبتشوفون اللي يسركم
بدر ما نطق مشى وهو يهز راسه لان أكثر واحد عارف ابوه ووعوده اللي ما تصدق
فاطمة راحت وقعدت يم ابوها وحضنته من خصره بابا لا تزعل من بدر .. ترى يحبنا هو وبابا محمد اللي مهتمين فينا
ابوبدر ادري يابنتي .. صدقيني انا اسافر عنكم غصبا عني .. والله احد وده يبعد عن هالقمر
ساره بابا صج ما بتسافر وتتركنا ؟؟
ابوبدر لا يعني بسافر بس اغلب سفراتي بالخليج وارد بنفس اليوم
فاطمة وهي تغمز على ابوها هاا بابي هالمره ناوي على خليجية
ابوبدر خلاص يبا تعبت انا بعيش لكم انتو وبس .. وشرايكم اعزمكم على العشا الليلة
فاطمة بحماس ياااااااي .. بطلع مع بابا واخيرا الناس بتشوف ابوي
وقامت تركض على الدرج
ساره تضحك على اختها
ابوبدر وانتي جاهزه يا ساره ؟؟
ساره بصراحة انا كنت بطلع مع مريوم وميووو بس اذا بتطلع معانا انت الاولى .. وانا جاهزة بس اغير ملابسي
ساره قبل ما تروح غرفتها مرت على غرفة بدر لقتها فاضية ولابس بدلة الشغل وماخذ معاه شنطته اكيد طلع اي بدر ضاقت فيه الدنيا من شاف ابوه كل مره يشوفه يزعل ويتضايق يتذكر اللي صار معاه بطفولته ومراهقته ولما صار شاب وحلمه ان يصير كابتن طيران مالقى غير عمه هو اللي تبنى له هالحلم وبعثاه بريطانيا يتعلم الطيران هناك من أفضل وأعرق الجامعات الانجليزية وعاش هناك أربع سنوات وعلى حسابه الخاص
بدر يحاول ياخذ مكان ابوه عند خواته يحس من بعد امه ماعنده الا هالاختين طلع من البيت وقعد يدور بالشوارع بس تملل مالقى احد غير صديقه ومساعده الخاص ماجد
بدر بضيييق آلو
ماجد هلا كابتن .. شفييه صوتك ؟؟
بدر وهو يسوق السياره وما يدري وين يروح رجع من السفر
ماجد ابووك ؟؟؟
بدر اي
ماجد عسى ما شر ؟؟
بدر ما شر .. انت وينك
ماجد طالع من البيت
بدر وين رايح ؟؟
ماجد بروح اتعشى .. تعال معاي
بدر بتتعشى بروحك ولا معاك احد ؟؟
ماجد لا كابتن بروحي .. من فاضي يطلع معاي
بدر خلاص خلنا نتلاقى في السنتر
ماجد صار حبيبي انا بنطرك هناك
بدر يا لله باي
ماجد باي
نزلوا من السياره وكل وحده تعدل شعرها ولبسها
مي أفففففف شعري تعفس مريوم شوفي مو عدل
مي كانت لابسة بنطلون سكني اسود وبدي اسود وعبايه مفتوحة كامل يعني للزينه بس كمها واسع ونازل منها خرز ملونة بألوان نارية أحمر وبرتقالي وماروني وأصفر وفي الظهر ورود مطرزة بالوان لماعة من الاحمر والاصفر والبرتقالي وحاطة مناكير ملون ولابسة صندل اسود مفتوح وشعرها نصه مرفوع والباقي محلزن بحلزونات كبيرة ومفتوحة واصلة لنص ظهرها وحاطة مكياج ناري اي شدو بدرجات الاحمر ومسوية الاي لاينر مفتوح وحاطة مسكره خفيفة وروج برتقالي فاقع بدون لمعة ولابسة حلق دوائر كبيرة واسمها مكتوب داخلها بالالماس الخالص
مريم ويييه ميوون .. شعرج حلو .. امشي بثقل لا تخافين
مريم كانت لابسة مثل مي بس هي لابسة سير وردي لان عبايتها من الكتف الى نهاية الظهر مطرز بشرايط زهرية وبنفسجية وكمها واسع والشرايط مخملية نازله معاها كرستالات على شكل شريطة صغيره وشعرها ناشرته على ظهرها وواصل لنهايته ومسوية بف صغير ومزينته بكرستالات مثل اللي بكم عبايتها وحاطة مناكير مدرج بالبنك والبنفسجي ومرسوم عليهم شرايط صغيره وناعمة بالفضي وما حطت الا لون واحد اي شدو بنك موزع بطريقة عشوائية على جفنها وفيه لمعة فضية تحت حواجبها السود والاي لاينز مشدود لنهاية عينها والمسكره كانت ثلاث طبقات كثرت من المسكرا لان الاي شدو كان ناعم حبت تبين جمال ووسع عيونها والبلاش منثور على وجنتيها وخشمها وخفيف على جبينها شفايفها غطتهم بالجلوس الوردي الشفاف ولابسة حلق ألماس وألونها تتفاوت بدرجات الزهر على شكل زهرة القرنفل ونازله منها شرايط صغيره كانت فيها لمعة فضية شفافة ولابسة جوتي بكعب عالي وتمشي بكل كبرياء
مي وهي تسرع خطواتها لانها مو ملحقة على خطوات مريم السريعة والثقيلة من صجهم فطوم وسارو ما بييون
مريم تمشي بظهر مفرود ورافعة راسها وبدون ما تلف على مي بالطقاق .. يالله انا يوعانة
مي وهي تسرع وراها زين نطريني عاد .. تعبت وانا ألحقج
دخلوا البنات المول وطبعا عيون الشباب كلها عليهم وحتى البنات كانوا يمشون وعطرهم يمشي وراهم وأصوات الكعب تطقطق على الارض
راحوا قعدوا على طاولة من طاولات شيليز عشان يطلبون لهم الاوردر
وفي الطاولة اللي وراهم كان في شابين قاعدين
.............. واااااااااااااو .. شنو هذاااا .. بدور شوف
بدر ما اهتم قاعد يطالع المنيو عشان يطلب له عشا شأشوف ؟؟ خل اشوف لي شي آكله احسن
ماجد وهو حاط يده على المنيو وساحبه من بدر اقولك شووف هالقطع الي وراك
بدر مستغرب من تصرفه رفع حاجبه ورفع راسه عشان يشوف واتفاجأمريم ؟؟؟؟!!!!؟؟؟؟ مي ؟؟؟؟!!!!؟؟؟؟
ماجد انت تعرفهم ؟؟
بدر بنت عمي ورفيجتها
قام بدر وراح وقف يم طاولة مريم ومي مساء الخير
ماجد ما جذب خبر مسرع ما لصق فيه انا ماجد رفيج بدر ومساعده في الشغل
مي عيونها على بدر مو مصدقه انه بدر زادت اللمعة اللي فيهم وابتسمت وظهرت جمال اسنانها هلا بدر مساءالخير .. أهلين ماجد .. انا مي
مريم طول الوقت كانت تراقب مي وتصرفاتها وتنتظر ردة فعل بدر بس للاسف بدر عيونه كانت عليها وهذا الشي اللي خلاها تتوتر وخصوصا جدام رفيجتها
ماجد وانتي اكيييد مريم صح ؟؟؟
مريم ما قدرت تتحمل خفة دم ماجد وضحكت ضحكة سحرت قلب بدر ههههههههه هههههههههه هههههه .. صح انا مريم انت شدراك
ماجد العصفورة قالت لي .. من اطير انا وياها ونصير فوق الغيوم تغرد باسمج في اذني
بدر دعس على رجل ماجد عشان يسكته
ماجد آآآآآآآآآآآآآآآآي
مي شفييك ؟؟
ماجد قروص قرصني في ريلي
البنات ماتوا ضحك على حركات ماجد ومي ما اهتمت لكلام ماجد وكانت طايرة بشوفة بدر وهو الثاني طاير بشوفة مريم ونسى هواشه وكلامه مع ابوه
قعدوا الاربعة مع بعض على السوالف والضحك ومريم ما رفضت حبت تفرح مي شوي وعجبتها السوالف مع ماجد وهو انهبل من حركات مي قعد يغازلها بلباقة وهي ماخذه الوضع مزح وكل شوي تطالع في بدر على وعسى يحس فيها وهو بالمثل بس مو لها لمريم
ماجد يا قلبي على قلبج .. عيل تخافيين من الطياره هااا .. تعالي معاي اخليج تسوقينها بعد
مي لا يمااا .. انا لو يقعدوني اخر وحده ألواني تتقلب مو بعد اقعد جدام واشوف كل شي
ماجد وبعد دلوعة .. هذي اللي بتذبحني
مي افااا وليش اذبحك
ماجد من حلاج يا قلبي .. شنو هالعيون .. ابدع فيج الخالق
بدر بدأ يتضايق ما يدري ليش بسك يا ماجد ذبحت البنت
ماجد وانت شعليك مني ولا غيران مني
بدر وليش اغار منك .. خل البنت في حالها .. وعيب مصختها حتى البنت استحت
ماجد خلنا نعيش عندك مريوم انا ابي هالقمره
بدر ماجد .. لا مي ولا مريم لاتقرب منهم .. مي مثل اختي ساره .. اقعد عدل
ماجد زين زين لا تعصب ..
مي انقلبت ضحكتها الى دمعة متحجرة بعيونها مريم لما سمعت اللي صار حملت شنطتها يالله شباب عن اذنكم احنا عندنا شغل
وسحبت مي وراحوا الحمام
مريم خذت مي راحوا عند المغاسل مي تجمعت الدموع في عيونها ومريم واقفة وراها
عضت على اسنانها وهي معصبة مي .. لا تصيحين .. ما يستاهلج
مي تتلحق دموعها مريم يقول انا مثل اخته ساره .. يعني مستحيل يفكر فيني
مريم بيي اليوم اللي يحس فيج .. لا تضعفين وتستسلمين من اول معركة .. انتي جدامج حرب كاملة عشان توصلين للي تبينه .. واذا كنتِ تحبين بدر .. لازم تنطرينه ..
مسكتها مريم من جتوفها ولفتها مي لازم تصبرين عليه بدر للحين يحبني .. ومحتاج شوية وقت
مي وعيونها في عيون مريم يعني في امل ؟؟
مريم تبتسم لها اكييد في امل .. ما شفتيه اشلون بدى يغار
مي ردت لها الابتسامة من بين دموعها صج ؟؟؟ يعني بتساعديني وبتوقفين معاااي ؟؟
مريم تربت على جتفها طبعا .. وهذي يبي لها كلام
وقطع عليهم سوالفهم صوت جاي من وراهم يا هلا ببنت خالتي الحلوه
مريم دارت لها ومن غير نفس لجين ؟؟ هلا
لجين وهي ماسكة عباية مريم عباتج حلوه من وين شاريتها
مريم انقرفت من حركتها وسحبت عبايتها بالقوه هذي حبيبتي غالية وايد .. ماتقدرين تشترين مثلها .. اوعدج اذا مليت منها وييت بقطها .. بقطها عليج
وطلعوا مي ومريم من الحمامات
لجين انقهرت من حركتها مغرورة وسخيفة وتافهه............. اففففففففففففف
وطلعوا من المول وركبوا سياره مي البورش متوجهيين لبيت مريم
مريم تصدقين ما ادري شخبار ايوب من صارت ذيج السالفة وهو مقاطعني وانا بعد ما فكرت اتصل .. قلت اخليه يهدأ
مي مريوم شتبين فيه .. والله انا خايفة المره اليايه يتعدى حدوده أكثر .. حمدي ربج ان هذا السيكيورتي موجود .. والله ستر جان انتي الحين في خبر كان
مريم احبه واخاف منه بنفس الوقت .. الله يهديه
مريم لفت وييها لورى وسمعت السياره اللي وراهم يهرن وتدنجر ويييييه مي هذا يهرن ورانا .. سرعي
مي مفزوعة شيبيييييييي ؟؟؟
مريم بصراخ مي سرعي الطريج ظلام اخاف يسوي فينا شي
مي زين جربنا نوصل بيتكم
مريم ميوووو اكا بيتجاوزنا وبيوقف جدامنا
وفعلا هذا اللي صار تجاوزتهم السياره ووقفت قدامهم ونزلوا اللي فيها وحالة مي ومريم ما يعلم فيها الا الله بذاك الوقت وخايفين من اللي ياييين ومقربين منهم ولابسين اسود في اسود وكابس ونظارة شمسية بنص الليل مو باين منها شي
شنو تتوقعوووووون صاااااار؟؟؟؟
انتظر ردودكم حبايبي
الجزء الحادي عشر
مريم لفت وييها لورى وسمعت السياره اللي وراهم يهرن وتدنجر ويييييه مي هذا يهرن ورانا .. سرعي
مي مفزوعة شيبيييييييي ؟؟؟
مريم بصراخ مي سرعي الطريج ظلام اخاف يسوي فينا شي
مي زين جربنا نوصل بيتكم
مريم ميوووو اكا بيتجاوزنا وبيوقف جدامنا
وفعلا هذا اللي صار تجاوزتهم السياره ووقفت قدامهم ونزلوا اللي فيها وحالة مي ومريم ما يعلم فيها الا الله بذاك الوقت وخايفين من اللي ياييين ومقربين منهم ولابسين اسود في اسود وكابس ونظارة شمسية بنص الليل مو باين منها شي
مريم بهستيريا مي .. اكا يقربون منا اكثر .. تـــــــــصـــــــــــرفــــــي بـــســــــــرعـــــــة
مي رافعة يدها واصابعها ترجف مـــ ــــــ ــــــريــــــ ــــــــ ـــــم شـــ ــــــ ــــسوي ؟؟؟؟؟
مريم مي بعدي شوي
مي وين اروح ؟؟
مريم روحي ورى بسرعة انا بسوق
مي اوكي
نطت مي المقعد اللي ورى ومريم اخذت مكانها وقعد تنتظر الشباب يقربون من السياره
مي مريم ينيتي .. حركي اكا بيفتح الباب
وفعلا واحد منهم حط يده على قبضة الباب عشان يفتحه
مريم رفعة اصابع يدها وتسوي فيهم بااااي وحطت القيير على r وداستة كله لورى لين وصلت لاخر الشارع
وقلبت السياره وطلعت على الشارع العام
مي منزلة روحها من الخوف تحت الكرسي وتون من الخوف
مريم تضحك بصوت عالي على شكلها ههههههههههههاااااااااااااييييييييي ... تعالي شوفي ويهج صج نكته ... هههههههههههااااااااااااااااايييييييييييي
مي رفعت راسها مريوم لا تتطنزين .. يعني انتي اللي مو خايفة
مريم شله اخاف ضيعتهم حبيبتي .. انا على الشارع العام
مي نطت قعدت قدام يم مريم ما اقدر يا مريوم .. شهالفن .. اشلون ضيعتيهم
مريم بصراحة ما ادري
مي يالله الساعة 2 ونص .. مريوم تأخرنا
مريم توج تقولين خلينا نفلها للصبح والحين تبين تردين البيت
مي اي والله بموت من الخوف خلنا نرجع ونكمل السهره هناك
مي صرخت ومريم كانت صافنة بالشارع مــ ــ ــريـــ ـــــــم انـــتبهيييييييي .. بيدعمج
مريم لفت السياره على السايد الثاني ميووو هذا هما
مي سرعي خلينا نرد بسرعة .. جربنا من البيت
مريم اي .. بدخل من هذا الطريج
ودخلت مريم شارع الفلل اللي قريبة من بيتهم ومي عيونها لورى تراقبهم
تنهدت ودارت لقدام اشوى راحوا
مريم لا تفرحين اخاف يطلعون في ويهنا
دخلواا الشارع اللي فيه فيلتهم بس قبل ما يلفون قاطعتهم سيارة الشباب اللي كانوا لاحقينهم وصدموا فيهم
داخل الفيلا كان الكل نايم والبيت هدوء ومحد داري باللي قاعد يصير برى والحراس لاهيين بالسوالف طبعا برى غرفة الحراس قاعدين في الحديقة
والبنات مساكين رايحة عليهم قفلوا عليهم السياره وميتين خوف مريم تحاول ما تظهر لهم هالشي بس مي شوي ويغمى عليها
مريم ميووو .. لا تسوين جذي الحين بيحسبونا خايفيين منهم
مي لا والله يعني اجذب .. اذا انتي مو خايفة .. انا نشف دمي
مريم لا مو خايفة وانتي بعد لازم ما تخافيين
ونزلت الدريشة
مي بصراخ مريوووووووووووم شتسووووين ؟؟
مريم لفت ويهها لمي وخزتها بعيونها يعني سكتي
ودارت لهم بابتسامة مصطنعة نــــــــــعم .. خـــــــــــــــــير .. شتبون .. لاحقينا
الشاب لا لا لا لا .. ليش الحلوه معصبة ؟؟ وهذا انا لاحقج لانج عجبتيني وفنانة بالسواقه
مريم منقرفة منه ووووووووووع .. وانت لوعت جبدي
الشاب عصب بس تمالك نفسه مشكورة ..يالله يا حلوة نزلي
مريم اقلب ويهك ..
الشاب لا انا جذي ازعل .. يالله ترى بالي مو طويل مع البنات وما احب الدلوعات وايد
مريم بعد عني طريجي .. ورح ألعب مع اللي قدك .. انت ما تعرف انا بنت من
الشاب نزلي ولا تطولين السالفة
مريم وليش انزل يعني ؟؟
الشاب وهو ماد يده داخل السياره وفاتح الباب وساحب مريم من ذراعها بقوه انا ما احب دلع البنات
مي شافته نزل مريم بالغصب فتحت باب السياره وركضت لباب البيت وطبعا هو باب حديد وكبير وايد وتمت تصرخ وتطق الباب بقوه على وعسى احد من الحراس يسمعها بس للاسف محد رد عليها
الشاب الاول يصرخ على الشاب الثاني سكتها قبل لاتفضحنا
الشاب الثاني ركض وسكر فم مي ومسكها من خصرها يبي يحملها غصب وهي تحاول تفلت منه
وبهذي اللحظة كان علي داخل غرفة الحراس ياخذ منها الجرايد لانها توصلهم من الليل طبعا وقعد يقرى في الجرايد ولا يدري باللي صاير برى لم الجرايد وعدلهم ويوم يه بيقوم رفع راسه على الكاميرا وشاف اللي صاير مريم ومي بيد اثنين وماسكينهم بالغصب
اخذ نفس قوي وطلع يركض لعند الباب والحراس مستغربين من اللي صاير
عيسى علوي شفييك .. وين رايح هالحزه ؟؟
علي بصراخ فتحوا الباب مريم ومي برى
طاهر برى اشلون ؟؟
علي لانكم مسكرين الصوت عن الكام .. فتحوا الباب بسرعة
وطلع طاهر المفاتيح وكانوا عباره عن حلقة كبيرة مليانة مفاتيح وقعد يدور المفاتيح ويده ترجف
علي منفعل وكل شوي يرجع شعره على ورى وهو كأنه يعانده وينزل على جبينه بسرعة يا طاهر
طاهر لقيته .. لقيته
وفتحوا الباب للاخر بس للاسف كان جرار لما حسوا ان الباب انفتح ركبوا البنات بالسياره ومشوا
عيسى خذوهم .. طاهر خل نتصرف ..
علي شاف سيارة مي تشتغل ركبها وطاهر لحقه يبي يروح معاه بس ما قدر
داس على البنزين بقوة ولحق وراهم ولما طلعوا على الشارع العام بدى يتجاوزهم عشان يوقفهم
البنات يصرخون ومي اغمى عليها ومريم تحاول تصحيها لكنها تصحى وتشوف نفسها بسياره شباب ومخطوفة ترد مرة ثانية على حالتها مو سهله عليها اللي قاعد يصير فيهم
الشاب من هذاااا ؟؟؟
الشابالثاني هذي البورش سيارتهم .. اخاف الا احد انتبه لنا ولحقنا .. حاول تضيعهم
الشاب ما اقدر سيارته سريعة .. يسبقني قبل ما اوصل
وصل علي وقرب من السياره يبي يشوف البنات ويطمن على حالتهم بس مو باين ولا وحده فيهم لانهم حاطيين مخفي دارك ما يبين منه شي طق هرن عشان ينتبهون له
مريم سمعت الهرن وفرحت حطت يدها على سويج الدريشة واشوى انه مو مقفل وفتح وشافت علي وطبعا الشباب اللي قدام ما يدرون ان الدريشة تفتح
مريم توها بتصرخ الا علي حط سبابته على فمه يعني لا تصرخين
ما تدري ليش مريم حست براحة لما شافته وهدأت شوي وضربت مي بجوعها في خصر مي
وذيك صرخت من الم الضربة لانها في حالة هذيان نص صاحية ونص مغشي عليها
مي آآآآآآآآآآي .. مريوم خليني يمكن اصحى آلاقي نفسي في البيت ويطلع هذا حلم
مريم تهمس لمي باذنها بسج من الاحلام .. احنا في وضع لا نحسد عليه علي ورانا بسيارتج
مي فرحت وبصوت عالي ويييييييييييينه ؟؟؟؟؟؟؟؟؟
مريم حطت يدها على فم مي تبي تخرسها يا حماره لا يسمعونا
مي وهي تشيل يد مريم زين .. وينه
مريم تأشر على ورى بعيونها
وسكتوا البنات وهم كل شوي يتلفتون على ورى علي بعد شوي عنهم عشان يعطيهم الامان ويلحقهم من بعيد
الشباب فكروا انهم ضيعوهم وافتكوا منهم ودخلهم على شارع كله حدايق ومزارع وكان ظلام
دخلوا مزرعة كان بابها حديد بس مفتوح ووقفوا السياره ونزلوا منها وسحبوا البنات سحب
مريم عيونها على الباب تشوف ضوى سيارة مي عرفت ان علي واقف برى استسلمت لهم
مريم وهي تمشي هدني .. عورت يدي .. سخيف
الشاب يالله يالمدلل .. الحين الدلال كله بيروح داخل
مي بصراخ يالحمييير .. خلونا .. شتبون فينا
الشابالثاني سلامتج نبي نلعب معاكم عروس وعروسه
مي بصياح آآآآآه يا يالنجس
الشابالثاني ترااااج وايد متعبة وبتتعبيني معاج يا قلبي
................ صح بتتعب ويمكن ما تعيش لباجر بعد
الشاب اللي ماسك مريم نعم .. سمعني .. وانت شدخلك .. يالله اذلف برى من مكان ماييت
علي قرب منه ومسك يده اللي ماسك فيها مريم وبدى يضغط عليها بأقوى ما عنده هد البنت
الشاب عاند وما رضى يهد مريم تمسك فيها أكثر
علي هدوا البنات وواجهوني انا
الشابالثاني روح ما عندنا شغل معاك لا تضيع وقتنا
علي مشى بخطوات هادئة وببرود أعصاب وقف قبال الشابالثاني وابتسم في ويهه ومال براسه ورفسه في ركبته وطيحه في الارض
الشابالثاني طاح يون مو قادر يتحرك لكن علي زاد في ركلاته لين سمع عظمة ساقه تتكسر
وصرخ على مي ركضي السياره يا مي
مي خافت تروح وظلت واقفة مكانها
مريم صرخت عليها روحي يا مي ركضي السياره
وراح للشاب الي كان ماسك مريم بس ما قدر يقرب منه لانه طلع سكينه وحطاها على رقبتها
علي رفع يدينه الثنتين يحاول يهدي الشاب اوكي .. اوكي لاتأذيها
مريم بس دموعها تنزل تصيح بصمت وعيونها على علي ومليانة نظرات ترجي وخوف
علي عيونه بس على رقبة مريم خايف هالشاب يتهور ويأذيها
رجع بخطوات لورى عشان يعطيه الامان اترك البنت تروح وانا اوعدك اني ما أأذيك
الشاب احلف بس .. انا عندي مع هالبنت شغل ولازم اكمله
علي شغل ؟؟؟ شغل شنو ؟؟
الشاب بزنس وخلاص
علي فهم كلامه بس ما علق عبالك انت اذا أذيتها ما بتتأذى .. بعدك صغير وعمرك ما تعدى 25 سنة والحياه جدامك ... وصدقني انا شاب مثلك لو كنت بضيع نفسي مثل ما انت مضيع نفسك كنت الحين يا بالسجن او القبر ... لا تفجع اهلك فيك .. واذا كنت تبي هالشي بنات الناس وايد بس بالرضى والحلال مو بهالشكل .. انت تعرف الخطف اللي خطفتوهم فيه بحد ذاته جريمة وهذا غير السلاح اللي تهددنا فيه ونيتك السوده عليها
علي كان يراقب حركاته ولما شافه بدى يلين ويبعد السكين عن رقبة مريم ونزلها لتحت بس وبخفة يد ضربة علي بيده على ذراع الشاب وطيح السكين من يده ولكمه اكثر من لكمه على ويهه وعينه وجتف يده ورماه ةعلى الارض
ولما خلص نظف يدينه مع بعض اتمنى ان تكون آخر مره
مريم علي لقييت هذا الحبل بصندوق السياره
واخذ علي الحبل وربط يدينهم وريلهم ورماهم بوسط الزرع
علي ان شاءالله هذا يكون درس لكم ... خل البعوض ياكل فيكم
مشى علي ومريم لحقته علي .. علي ...
بس علي حاقرها
مريم رفعت صوتها وهي تسرع خطواتها علي .. علي .. مشكور
علي وقف ومريم لقتها فرصة وراحت وقفت قباله وعيونها مبتله من الدموع مشكور يا علي
علي لاف ويهه عنها على شنوو ؟؟
مريم حطت يدها على يده على كلشي يا علي ..
علي طاحت عيونه بعيون مريم حس برعشة بكامل جسمه وخاف من هالرعشة وضحك بسخرية هه ههه هه
مريم ليش تضحك ؟؟
علي بكل هدوء وعفوية لانج حلوة يا مريم
مريم ابتسمت بين دموعها مو قلت لك حلوه .. بس رايك كان غيييير ... كان العكس
علي بصراخ مو لانج حلوة .. وغبية هذا اللي قاعد يصير فيج
ومشى عنها
مريم ركضت ومسكت اطراف اصابعه وبهاللحظة حس انه اطرافه تكهربت من لمستها وجسمه تخدر سحب يده بسرعة البرق عشان لا يتأثر أكثر
مريم شفيييك ؟؟
علي مريم اترجاج .. لا تطلعين في الليل وتتأخرين .. حرام عليج نفسج .. مو كل مره تلقيين واحد ينقذج
مريم مالت راسها بدلع يعني انت خايف علي ولا شنووو ؟؟؟؟
علي لا شكلج صدقتي نفسج وايد ... يالله تأخرنا
مريم ضربت بريلها على الارض مو عاجبها تصرف علي
ونادتها بصوت دلع عليييييييييييييي
بس علي كان ماشي اصصصصصصصصصص
يعني يسكتها ويقولها خلاص يا مريم
راحت وركبت السياره ومي كانت تنتظرها شغل السياره وتحركوا من مكانهم يم المزرعة المشؤومة
وكان الوضع هدوء مريم ومي عيونهم على الشارع وعلي مركز في سياقته وكلما يلف السياره على اتجاه يلاقي عينه راحت في عين مريم يبعدها بسرعة ويحاول يلهي نفسه ويلهيها معاه
اما الوضع في المزرعة كان سئ لدرجة ان الضرب اللي حصلوه الشباب من علي كان ارحم من الضرب اللي انضربوه بعدها
الشاب الثاني والله يا عمي يه وراهم واحد كسر ريلي وما قدرت اتحرك بعدها
......... جــــــــــــــــــب .. ولا كلمة .. الشرهه مو عليكم على اللي يعتمد عليكم
الشاب الاول حاولنا معاه ياعمي بس شوفة عينك ما قصر فينا .. زين ما بط عيني
.............. هذا اللي فالحين فيه آآآآآآآآه وآآآآآآآآآآه .. شي عدل ما تسوون .. انتو ما يعتمد عليكم المره اليايه انا بسوي كل شي بروحي .. كل واحد افشل من الثاني وانا اللي اقول عندي ريال ينشد فيهم الظهر وبيخلصون لي الموضوع
من تتوقعون هالمجرم؟؟؟؟؟
انتظر تفاعلاتكم
الجزء الثاني عشر
وكان الوضع هدوء مريم ومي عيونهم على الشارع وعلي مركز في سياقته وكلما يلف السياره على اتجاه يلاقي عينه راحت في عين مريم يبعدها بسرعة ويحاول يلهي نفسه ويلهيها معاه
اما الوضع في المزرعة كان سئ لدرجة ان الضرب اللي حصلوه الشباب من علي كان ارحم من الضرب اللي انضربوه بعدها
الشابالثاني والله يا عمي يه وراهم واحد كسر ريلي وما قدرت اتحرك بعدها
......... جــــــــــــــــــب .. ولا كلمة .. الشرهه مو عليكم على اللي يعتمد عليكم
الشابالاول حاولنا معاه ياعمي بس شوفة عينك ما قصر فينا .. زين ما بط عيني
.............. هذا اللي فالحين فيه آآآآآآآآه وآآآآآآآآآآه .. شي عدل ما تسوون .. انتو ما يعتمد عليكم المره اليايه انا بسوي كل شي بروحي .. كل واحد افشل من الثاني وانا اللي اقول عندي ريال ينشد فيهم الظهر وبيخلصون لي الموضوع
الشابالثاني عمي ايوب .. اسمعني
ايوب شسمعك ؟؟ خلاص عطيتكم مهمة صغيرة ما قدرتوا عليها
الشابالاول عطنا فرصة طال عمرك وأكيد هالمره ما بنخيبك
ايوب بصراخ جب انت معاه .. وانتوا عبالكم بيخلونها بروحها بعد اليوم .. زين اوصفولي اللي طقكم
الشابالثاني طويل وايد طويل أطول مني وشعره ناعم ونازل على جتفه وعيونه خضره وابيض وفيه لحيه خفيفة وناعمه وجسمه رياضي ومعضل
ايوب يكلم نفسه من هذا .. مريم ما تعرف احد شكله جذي .. الله يستر عسى ما يخرب علي شغلي مع هالجلبة مريوم .. عيل انا تكفخيني يا بنت محمدأكبري .. والله لادمرج واخرب حياتج يا مريم .. بس انتي صبري علي .. ما اكون ايوب ولد عبداللهشاهري
اما في سيارة مي
مي وعيونها تعبانة مريوم ابي اروح بيتنا
مريم دارت ويهها لورى لييييييش ؟؟ ما بترقدين معاي
مي لا ابي اروح البيت كفاني ما ياني اليوم
مريم وسيارتج ؟؟؟
مي خليها عندج ومري علي باجر ..
مريم خلاص ميووو اللي يريحج .. علي لف الدوار يمين
علي ما علق طالع مريم وهي تأشر له على الشوارع عشان يوصلون مي بيتهم ومريم كل مره عيونها تطيح في عيون علي تبتسم بحيا وتطالع الشارع
ومي المسكينة منهاره ما تدري شنو يصير حوالينها
وصل علي السياره عند بيت مي على الساعة 4 الصبح ونزلت مي ودخلت بيتهم وهي تتسلل عن لايشوفها احد
وعيون مريم على الباب كانت تنتظر رفيجتها تدخل البيت وعلي كانت عيونه على مريم لفت ويهها له توها تبي تتحجى وتقول له يمشي بس علي كان يتأملها وعيونه ترمش بهدوء
مريم استحت ونزلت عيونها علي يالله خلنا نروح البيت مي دخلت بيتهم
علي يتنهد بقوه وبكل جدية مريم .. ممكن اكلمج شوي ؟؟
مريم رفعت راسها وعلى ويهها أكبر علامة استفهام وتنتظر علي يكمل كلامه
علي حرك السياره وبعد عن بيت مي وراح لاقرب بحر ونزل من السياره وبدى الهوى البارد يداعب شعره قعد على صخره كبيره ومريم للحين تنتظر منه الكلام بس هو ساكت وتصرفاته غريبة
فصخت عباتها وجوتيها ورفعت بنطلونها لركبتها ونزلت وراه وشعرها يتطاير أكثر منه وراحت وقعدت يمه
وعيونها عليه وهو عيونه على البحر علي .. ان تحب البحر ؟؟
صوت موج البحر كان طاغي والسما بدت تحمر والشمس تعلن بالشروق
علي غمض عيونه وكأنه يتنفس هوى البحر احبه موت .. ما ادري ليش
مريم حاطة يدينها الثنتين على راسها تحاول تلم خصلات شعرها اللي تتدافع مع نسمات البراد
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك