رواية على درب الأمل ارسم خطاوي ضحكتي -7
( سبحان الله في ناس ما تعرفيهم عدل بس يبون يخربون عليج حياتج يمكن يحقدون علشان موقف صار بالصدفه او شي من هذا القبيل وحب الانتقام يكون اول خيار ): بس الله ما ينسى عباده^^ والله يهدينــــــــــــا)
بالنسبة لجمانة شخصية أحمد أول ما تزوجته كانت شخصيته غامضة ، جامدة ،متسلطة، أناني احيانا ، مشغووله دوم ما يهتم الا بالشغل وكل حركة بحياته مدروسه مثل أي صفقه من صفقاته في العمل ....
بس لما عرفته عدل قدرت تعرفه حتى أكثر من نفسه شخصية طيبه وحنونـــــــــــــــــه بس هو مغلف نفسه بالجمود و التسلط ،يعبر عن اهتمامه بالأفعال وما يحب يتكلم علشان ما يبين أنه ضعف أو متاثر ، أفعاله تتكلم عن اللي بداخله......... اذا في شخص محتاج مساعدته ما بيتأخر وبيسوي المستحيل علشان يساعده ....... وغيوووور...... ّ فقدانه لحنان أمه ومعنى الأسرة من الصغر بسبب شغل أبوه ،عيشه بداومه
شخصيته نقدر نوصفها كالكيكه جامدة من الخارج وهشة ولينة من الداخل
شووووووووووووو تتوقعووون بيصير لأبطاااااااااال الرواية ننتظر الردووود والسموووووووحة
وقارب طيووور نهاية الروااية على الظهوور قريباااااااااااااااااااااااااا
هل تتوقعوون نهااااااية سعيدة
أو,,,,,
البارت الرابع عشر
الفصل الاول
كان يالس يتأمل صورتها دمعت عينه غصب عنه وحضن صورتها ما يقدر يبين حزنه وألمه جدام أبوووه لو هو استلم وبين مشاعره شو بيصير لأبوه وكيف بيقدر يهون على أبوه وهو مو قادر يهون على عمره
اتخذ من الجمود قناع له على الأقل جدام أبوه والناس
أنساك كيف أقدر أنساك
وأتحمل فرقـــــــــــــــــــــاك
يا أغلى من في الكون
ذكراك عايش على ذكراك
في كل لحظة معاك عااايش على طوول
نزلت من غرفتي وانا اجر المي وحزني ولما وصلت للصالة وشفت أبوي يالس وحذاله دلة القهوة تذكرتها كانت دووم تيلس حذال أبوي وتصب له قهوة وحتى لو هو نسى التمر هي ما تنسااااااه تعرف أدق التفاصيل وتعرف شو يحب أبوي وشو يكره .......................كانت .............. كانت أغلى شي بالنسبة لي
.....................
.....................
.................
بابتسامة : السلام عليكم
أبو ضاري : وعليكم السلام والرحمة
ضاري : اشحالك يبى عساك طيب
أبو ضاري : بخير دامك بخير
ضاري : يبى اصب لك قهوة
أبو ضاري هز راسه
شرب أبوي القهوة وبعدين قال عطني التمر
يلسنى فترة من الوقت وكل واحد بس يطالع جدامه وساكت
كسر الصمت صوت أبوي : لولو صبيلي قهوة
هنا أنا تسمرت فمجاني ............ ما عرفت شو أقوول والا شو أسوي ابى اخفف على أبوي بس بنفس الوقت أحس أنه صدري مكتووم مو قادر اتكلم حاس بغصة
ما قدرت غير اني امسح على كتف أبوي أهديه وأطمنه ( ما اعرف كنت اهديه والا اهدي عمري)
طلعت من البيت بعد ما هدى الوالد وانا الدنيا صاكة بويهي
حزني على فراق اغلى الناس من جهة ، وبعدي عن أعز اصدقائي من جهة بعد ما خلص العزى لا شفته ولا كلمته مشتاق له ........ أبي أحد ارمس معاه افضفض يمكن تتحسن نفسيتي صارلي فترة اسير الدوام ومحمد ماخذ اجازة
علاقتنا صارت بينها حاجز
أعرفه الحين وده يفضفض ويطلع اللي بداخله بس يكابر ومو راضي يكلم أحد
ما اعرف شو اسوي ويااك يا محمد
الله يفرجها عليـــــــــــــــــنا وعليـــــــــــــــك
دخلت على إمها البيت
جمانة: السلام عليكم
ابوها وامها: وعليكم السلام والرحمة
سلمت عليهم وحبت راسهم
امها : اشحالج يا بنتي
جمانة : بخير الحمد لله ، انتو شخباركم عساكم بخير
ابوها : الحمدلله ، وشخبارريلج وعمج
جمانة : كلهم بخير وسهالة ^^ ، اليوم يايبالكم بشارة حلــــــــــــــــــــــــــــــــــــــــــــــــ ـــــــــوة
.................................
كانت يالسة بغرفتها وتفكر بحالها وبحال اخوها
من يوم العزى ما احتكت بيه ولا رمسته ، هو ما يهون عليها وتحبه وااايد بس بنفس الوقت حزنها على ربيعتها وأختها اعماهاا حزنها وخلاها تبتعد عن أخووها ** مشاعر متضاربة بداخل منى وما تعرف تحكِــم عَقلها وتتصرف **
سمعت حد يدق الباب: ادخل
جمانة وتفتح الباب شوي : ادخل والا ممنوع الدخوول
منى : امممممم خليني افكر ،امممممممممممممممممممممم هي ممنووع
جمانة وهي تدخل الغرفة : لا حلفي بس ، اصلا مو بكيفج الغرفة غرفة اختي
منى : جد ما كنت اعرف ، جان عرفتيني عليها يمكن نصير صديقات
جمانة : ما عليه بتعرفيها بيوم من الايام
منى : ومصدقى عمرج يلااا مناك هههههههه ( وهي تدفعها بعيد عنها وتبي تطلعها برع الغرفة)
جمانة : ههههههههههههههههههه
بشوي شوي ، والا تراج ما بتحصلي الشرف وتحصلي حــد يقولج خالو
منى اتفاجات وبعدين صررررررررررررررررررررررررررررخت : صج جوووجووووووووووووووووو
جمانة تضحك على هبالها وتهز راسها بمعني انه الخبر صحيح
محمد كان داخل البيت وحالته كما هي ما يكلم حد واذا حد رمسه بيجاوب بس بالقطارة ** عازل نفسه**
سمع الصوت صراااخ خاف شي صار لاخته سار الطابق الثاني واتوجه لغرفة منى
شاف خواته يضحكن ومنى ماسكة بطن جمانة
لما شافت أخوها نقزت صوبه بسرعه : محمد بصير خالة وبتصير خااااال ههههههههه تعال تعال
محمد مو مصدق واستانس بالخبر : صج جمانة
جمانة تهز راسها وهي مبتسمة
محمد ما صدق سار سالها ودااار بيها وهي تصرخ ويقول : أحلى خبر .... أحلى خبر
وحضنها بقوة ويقوول أحلى خبر...... أحلى خبر
بعدها سكت محمد وتغير صوته من صوت الحماسة لصوت خفيف حزين يهز كيان اي حد يسمعه
: الله يحفظه .... الله يحفظه
منى وجمانة لحظة جمووود وصمت عم على المجان
جمانة وهي تضمه بقوة أكبر : ان شاء الله ويحفظك يا غالي
جمانة وجنها مست جرح بعده ما برى
محمد بنفس الصوت : راحت الغاليه راحت الغاليه ، شو انا بسوي من بعدها ..... خلاص انا تحطمت ... تلاشت دنيتي جدامي جمانة ... تلاشت
بكووو كلهم ايه بكووووو
:(
بكووو على أختهم وصديقتهم وزوجة اخووهم
بكووو على أخوهم <<<<<<<<<<<<<<<<<<<<<<<
يشوفونه يتعذب ويتقطع جدامهم وهم ما يقدروو يسووو شي له غير انه يواسوووه
منى ما تحملت وحضنت اخوها : انت ما تلاشيت ... ايهييييييي ايهيييييييييييييي حاول تتماسك علشاااني وعلشانا ، احنا ما نقدر نعيش بدوونك ، محمد لا تسوي جي
محمد حضن خواته بقــــــــــــــــــــــــــــــــــــــــــــــــ ـــــــــــــــــــــوة ما يبي يفقدهم هم بعد
اهييييه اهيييه
موقف ماثر :(
بيرجع محمد للشغل وجو الحزن
مأثر عليه وعلى ضاري
ربيعهم في الشغل بيعزمهم على مزرعته ( وفي اسطبل خيوووووول هناك)
ما بيطيع محمد بالاول يسير، بس مع اصرار ربعهم بيسيرووو جماعه وفكره انه يغير جوو ويصفي ذهنه
ضاري معاهم طبعا وبيعزموو ................
منو هذا الشخص ؟؟؟؟؟؟ وكيف بتكون ردة فعل كل من محمد وهالشخص ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شوووووووووو بيصيرهناك؟؟؟؟ وكيف بيكون الجوووو
ممطر مع تلبد الغيوم وتداخل البرق والرعد
والا صااااافي وصحوووو ^^
ننتظر
البارت الرابع عشر
الفصل الثاني
مر الأسبوع بهدووء على كل أبطالنا
منهم الفرحان
ومنهم المهموم ( الله يفرج علينا وعليهم )
هذي الدنيا يوم لك ويوم عليك
يا الويك اند وكل واحد ترخص من أهله بيسير يقضي إجازته مع ربعه وثاني شي تغيير جوو ونفسيه
كلهم تواعدو يلتقو في مزرعة أبو منصور ( ربيعهم بالشغل )
الجو جان دافئ على بارد^^
في سيارة محمد
≈≈
محمد جان لابس بنطلون أسود وتيشيرت أسود عليه جكيت جلد اسود محدد من أعلى الأكمام وعلى القبة بشريط من الجلد أبيض
جان لابس السلسلة الغالية على قلب لولو لما كانو فشهر العسل
السلسلة من فضة فيها قلب صغير قد قطرة الماي وجانت أغلى هدية على قلبها ๏๏
ومن يوم الحادث محمد لبسها وما قدر يتخلى عنها مع العلم انها جانت لابستنها في يوم الحادث ๏๏
وياااا كثر غلاها على قلبــــــــــــــــــــــــــــــــه
≈≈
محمد: غريبة ضاري تعذر وقال أنه بيسير بروحه لأنه عنده شغله يسويها بس ماعليه ، يلا شو ورانا بنلتقي هناك
تذكر كلام امه
** يا ولدي لين متى بتم جي
محمد : يمه وشو فيه حالي الحمدلله بخير وسهالة
أم محمد : يا ولدي الموت حق وكلنا نعرف ، والله يرحمها بس يا بوي ما يصير جي ..................
ابي اشوف عيالك قبل ما الله ياخذ امانته
ما يصير جي يا ولدي
لا تعذب عمرك وتعذبنا وياك
¦¦¦
الله يرضى عليك¦¦¦¦¦¦
تنهد محمد من قلبـــــــــــــــــــــــــــــــــــــــــــــــ ـــــــه
◄►►▼▲◄►
في سيارة ضاري
: انزين ليش ما خليته ايي معانا
ضاري : تستهبل حضرتك
: ما استهبل ، وبعدين عن الحساسية الزايدة وما اعتقد بيوم من الايام غلطت عليه
ضاري : لا حوووووووووووول ، انت تعرف اسلوب محمد وشفته كذا مرة ما يدانيك وما يطيقك
سعود : يعني انا اللي ميت عليه ، وبعدين لازم انا اللي ما طيقه واللي أحقد عليه مو هوو
ضاري : ليش ؟؟؟؟؟؟؟؟؟؟؟
سعوود: ...............
ضاري : رد ... ارمس ... كمل ... ليش سكت؟؟؟
سعوود:..................
@ ضاري جان لابس برمودى بيضا مع قميص كتافي برتقالي ورابط الجاكيت الابيض على خصره ورافع النظارةالبيضاء السبورت على راسه@
@وسعود جان لابس
قميص عيناوي طويل على جسمه( طبعا هو عريض شوي) وبنطلون اغمج شوي من القميص ومحطي نظارة شمسية سودة سبورت وعليها خط من على الجنب باللون العيناوي @
وصلووو المزرعه
محمد وصل قبل ضاري وسلم على ربعه اللي هم أبو منصور وولده منصور اللي يبلغ من العمر 8 سنوات
وعادل ( متزوج من 5 سنوات وعنده بنتين ^^)وجاسم ( خاطب وبعد 5 شهور عرسه )وحمدان ( ينظم لشلة ضاري وهي شلة العزابية ^^)\
كان الجو سوالف وضحك مع ربعه وهو يحاول ما يبين لهم أنه مو متفيج والا ملان بالعكس جنه عادي
لمح محمد سيارة ضاري
ولما صد للسيارة انصدم من اللي نزل منها
شقد يكره هذا الانسان وما يطيقه
يبي يعلمه درس يبي يأدبه على شو ما يعرف بس يحس انه اعصابه تلفانه وانه ما يتحمل يشوفه أكثر ولاكن احتراما للي قاعدين سلم عليه بدون نفس وكذالك رد سعود عليه السلام بدون نفس
وسار لضاري وسلم عليه بحراره وقاله
: هلاااااااااااا بضروي ، بلاك تأخرت
ضاري : هلا بمحمد عاد شو اسوي الطريج ^^
محمد : اتخبرك احنا مصيفين والا شو ، شفيك لابس جي
ضاري : حسيت عمري حران ولبست جي ، ( ويغمز لربعه الباجين ويكمل ) بس ادري اني كشخة ما يحتاي تقووول
محمد : خخخخخخخخخ ومصدق عمرك
ضاري : لااازم وليش ما اصدق عمري خخخخخخخخخخخخخخ
دخل أحمد وحصلها يالسة جدام التلفزيون وكل انواع العصاير والشبسات والحلاوة جدامها
وكانت تاكل أصابع الشوكو ومندمجه بالتلفزيون لما لمحته ابتسمت له
وهو ياي صوبها قال : شنو هذا كله، هذا كله تبي تاكليه
جمانة : يوعااااااااااانه قلت اكلي خفايف
أحمد خفايف شو هذا كله جنك فود
جمانة : صح بس يشبع والحين انا اكل عن شخصين
احمد : انا ما ابس ولدي يطلع ضعيفون والا معصقل ابيه بنشد بيه الظهر وشلها ودار بيها : يعني بطلي هذا الاكل واكلي أكل صحي
جمانة : احمد أحمد ..... بس .... بس بيدور راسي خلاااااااص
أحمد : اول شي قولي ما بتاكلي هذا الاكل مرة ثانية وبتنتبهي على عمرج
جمانة : هههههههههه خلاص خلاص بس هدني ...... لاعت جبدي
أحمد وهو يدورها : ههههههههه ما هادنج ههههههههه
جمانة : أحمد خلني شوي
ترك احمد جمانة وهي على طول الحمام وسارت واستفرغت ( أكرمكم الله)
أحمد ركض وراها : بلاج .............
جمانة : الله يهديك خليت راسي يفتر وتقلب الاكل في معدتي لين ما استفرغت ( الله يكرمكم )
أحمد : احسن علشان ما تاكلين هذا الاكل
جمانة وصلت للسرير وايلست : ااااااااخ اااااااخ يا بطني
أحمد : هههههههههه شفتي حوباتي علشان تسمعين الجلام
جمانة : ان شاء الله بس عاد مو جي ههههههههههههههه
قرب أحمد ويلس حذالها
( فصخ الغترة وبين شعره الاسود الناعم اللي يوصل لحد أذنه وحلقه الاسود بأذنه اليمين)
جمانة ناظرة أحمد وركزت على شي
أحمد مستغرب منها
: بلاج فيج شي
جمانة : انت بالنسبالي أحسن واحلى واحد بالكون من غير ما تغير بنفسك شي او تثبت للعالم شي أهم شي انك واثق بنفسك ومتقبلنها صح ( ومسكت راسه)
أحمد سكر عينه وفتحها بمعني ايه
جمانة فهمته ومسكت اذنه بخفة : يعني اذا قلت لك نطوي صفحة الماضي والالم ونبدا حياتنا من يديد مثل ما قلت لي
ونحاول نمحي اثار الماضي بتساعدني
مسك لها ايدها الثانية وضغط بقوة وقال بصوت خفيف: انتي مو بس تقولي .......... لو تطلبي قلبي سمته لج بدون تردد ولا سائل عنه ................ لاني مأمن عليه عندج
جمانة ابتسمت وفتحت الحلق اللي باذنه وطلعته ومسحت ايدها على مجانه
كل واحد يشوف الثاني وبقلبه حب جبير ما ينوصف مو لانها بتصير ام وموو لانه بيصير اب لاااا
لانهم قلبهم الحين على بعض كل واحد يتمنى للثاني الخير قبل نفسه
كل واحد يتمنى يسوي اي شي في سبيل سعادة الطرف الثاني
في ايثاااااااااااااااار في الحب
في حنااااااااااااااااااان في الحب
في معـــــــــــــــزة في الحب
سبحان الله شخصين ما تمدهم اي صلة ببعض
بعد ما ينربطون برباط الزواج
يعيشون مع بعض
يشربون مع بعض
ياكلون مع بعض
يتفاهمون ويا بعض
جان بالاول قلبين
بس بالاخير قلوبهم اتحدووووووووووووووووووو
وصار قلبهم واحد
قلب يحمل اجمل المعاني من الرقة ورهفة الاحاسيس والتضحية
كل واحد قرب راسه للثاني وسندوهن لبعض
( هذي الحركة اسويها انا واختي ايلس حذال اختي ونقرب روسنا من بعض نسند روسنا ^^ حركة استهبال لنا ^^نااااااااايس)
البارت الخامس عشر
الفصل الاول
( القشة اللي قسمت ظهر البعير )
كلهم يالسين في بيت العريش يالس أبو منصور في النص وحذاله من جهة اليمين محمد ،ضاري ، سعود ومن جهة اليسار منصور،عادل ، جاسم و حمدان
ابو منصور: منصوور تعال صب قهوة
( محمد يتابع تحركات منصور)
منصور : ان شاء الله يبى( منصور عمره 8 سنوات)
وشل منصور دلة القهوة وبدى يقهوي ابوه وأعمامه( اللي هم ربع أبوه دايما من لما جنا صغار نسمى ربع أبوي أعمامنا ^^ استوت عادة عندنا )
وجان ماشاء الله عليه ماسك الدلة بيد والفناجين باليد الثانية
ولا حسيت انه يده ترجف او انه مو قادر ^^
** ما شاء الله عليه**
محمد يرمس أبو منصور : بدال ما تدلعه وتخليه يالس حذالك تشغله ، حليله بعده صغير
أبو منصور : مو صغير وبعدين ابيه يتعلم ييلس بميالس الرياييل ويعرف يوجب ضيوفه
محمد : بس يا بو منصور بعده ياهل
أبو منصور : وهو يتعلم من هو ياهل أحسن له بدل ما يكبر وما يعرف كيف يتصرف مع الرياييل ، وصدقني جي أحسن ولو جان ولدك كان علمته علشان يرفع راسك جدام الرياييل
وكملو يلسه ورمسه وهم يتقهوييون( يا حبهم للقهوة الله يعينا بس كيف تتحملون طعمهـــــــا ^^ طلعت برع الموضوع سوري بس ارمس عن طعم القهوة وجي..................... خلاص قبل لا تصفعوني بكمل يلا نرد للروايـــــــــــة >.<)
في شخص جان سرحان بالكلام
( وصدقني جي أحسن ولو جان ولدك كان علمته علشان يرفع راسك جدام الرياييل............. ولدك ................ ولدك )
: يا حلوها من جلمة ........... ولدي
ولدي
ولدي
( في نفسه طبعا )
تعالو منسير احلى مجان عندي
: وين ......وين
: اسميكم ما تملون من الرمسة تعالو وبتعرفوووو،
شوفو الطلعة ما تكمل الا بركوب الخيل
وكل واحد منهم ركبله على خيل
<<<<<<<<<<<<<<<<<<<<<<<<<<<<<<<<<<<
بس جان خيل بو منصور غير عنهم بلونه ( حلووووووو الله خيــــــــــــــــــل انا بتخبـــــــل ..... احم احم المهم نرجع للموضوع >.<)
جان حصان بو منصور لونه رمادي وشعره فضي على رمادي^^
ضاري: وليش انت غير ، ولااااااا شال احلى واحد
أبو منصور : هههه عاد انا سبشل وثاني شي هذا الخيل انا مروضنه وعلى قولتهم جان شوره براسه لين ما استويت انا صاحبه ^^
( خخخخخخ حلو حلو ..... المهم نكمل >.< )
في هذي الاوقات ابتعدو شخصين وجانو يتسابقون بالخيل
وقفو بعد ما عدو مسافه وابتعدو عن الباجين
نزل سعود من الخيل : لا تتطالعني بهذي النظرة وتخلي عمرك برئ، اللي لازم يتطالعك بها النظرة ويكرهك انا هب انت
محمد وبعده راكب على الحصان: تكرهني ........ انت هه ليش ان شاء الله ماخذ حقك وانا ما ادري ( وقالها بسخرية )
سعوود اطالع محمد بنظره وطول النظرة وبعدين قال : مو لازم تعرف وانت.......... ما تهمني .................
بس اقولك لو تكن لها ولو شوية ذكرى ... مع اني اشك ..... بس على الاقل خلى يمر على موتها 6 شهور وبعدين سوى اللي تباه ما يهمني
محمد وهو مستغرب : اشقصدك
سعود بسخرية : انت ما شفت عمرك لما كنت اتطالع ولد ربيعك منصور ، كانه ذكرك بشي تبيه ، بس اعيدها واقولك انت ما تهمني ... بس هي ..........
وما كمل الا ومحمد ماسكنه من قميصه وقاله: لا ترمس عنها ، ولا تقول اشياء على كيفك اونك تفهم اي شي ، ولا تطريها على لسانك فهمت ( قالها بصراخ)
سعود فك عمره من محمد تقريبا هو ومحمد نفس الطول والبنية : مو محتاي منك اذن علشان اطريها جدامك وثاني شي هي بنت عمي واقرب لها منك تفهم والا لا
محمد وهو واصله معاه : لا تطريهااااااااااااااااااااااااااااااااا
سعود : ههههههههههه شوفيك متنرفز على شو ، لا تقولي ................ مسرع ما نسيتها .... بس العتب مو عليك ............وهي غالية علي تفهم وذكراها على الاقل ابيه يبقى ... لو عني انا متذكرها وراح اضل اذكرها ولو لاخر يوم بعمري ... بس انت على الاقل حشم وأخـــــــــــــر مخططاتك والا..
وطااااااااااااااااااااااااااااااااااخ
عطــــــــــــــــــــــــــــــــــــــــــــــــ ــــــــــــــــــــاه كف
ومسكه من قميصه مرة ثانية وقربه من ويهه: قلت لك ارمس معاي عدل .. ولا تطريها . واذا انا متذكرنها والا مو متذكرنها مو شغلك فهمت
سعود بصوت هادي وهو ماسك خده: كل واحد بيوم من الايام يبي يحس باحساس الابوة لانها فطرة فينا كلنا ، وهذا شي خارج سيطرتنا ، واي أحد ااذا شاف ولد ربيعه ينادي باسم يبى <<<<<<<
ينقبض قلبه
يبي يحس
يلتمس هذي الكلمة
ورفع عينه بعين محمدوكمل: بس مو بها الوقت ، على الاقل خلها تمر فترة على وفاتها......... مو الحين ........ واذا صج هي سكنت كيانك مثل ما قالتلي مرة( وحس بنقباض بقلبه وقالها بصوت واطي ) انك سكنت قلبها وكيانها ..........
مو الحين
ترك سعود محمد وراح عنه
وكل واحد عايش بدوامــــــــــــــــــــــــــــه
تتهمني ويتهمني زماني باشياء كثيرة
بس الاهم هل انا جي بالحقيقة
ام ما عرفت ابين اسبابي وخانني التعبير
تعبر عما بداخل محمد:
جالس بين الناس ولا ني معاهم
جسدي في مكان وروحي وقلبي فمكان
قالولي انساها واتجاهل فرقاها
بس كيف انسى وهي دنيتي وحياتي
هي فرحتي واهااااتي
هي منااي ............ ومنجاي
انساها قولها بسيط
بس هل اقدر فعلا انساها
اذا القلب بينسى يدق دقــة يمكن اقدر انساها
او اذا نسى الانسان يتنفس يمكن اقدر انساها
او ....... او .............. او
يمكن بتعود اعيش بدونها
اتنفس بدونها
اكل واشرب بدونها
انساهاااا كلمة بتتردد بداخلي
ولكن بيرد عليها صدى صوتي
ما أقدر انساهااااااااااااااااااا
مشاعر سعود : ( وحبه المكبوت والمخنووق)
أحبها
ايه احبـــــــــــــها وما اقدر انساها
ما تدري بحبي لها وعشقي وغرامي
بس هذا ما يهمني
أهم شي عندي مقدار حبي لها ما قل
بالعكس كل يوم يكبر الحب اللي بداخلي لها
كل ما اشوفها تذكرني ببرائة الاطفال
وحنان الام على ولدها
تكلمني وتنصحني وتضاربني
طيبة الدنيا عندها
وبعينها الدنيا بخير دام الناس بقلب واحد
بس اي قلب قلب الاخوة والصداقة
والا قلب الحب والغرام
بس مهما جان الجواب مشاعري فياضة لها
وانساها جلمة مسحتها من قواميسي
( لازم اقول رايي بصراحه غامضني سعوود ايهي ايهي ............. كاسر خاطري ..... وفي نفس الوقت عاجبني فيه تضحيته وايثاره وحبه الجبيــــــــــــــــــــــــــــــر لها ....... وكبريائه هي لا تستغربوو...... كبريائه ما سمح له يخرب حياة من حبها ... شو حبها الا عشقها ويعشق ترابها ...... وخبى حبه ودفنه بقلبه ... وما حاول يبين لها اي شي علشان جان خايف عليها .... ما حاول يشتتها باعترافه بالعكس احتفظ له بنفسه )
( ارمس وايد ..... ما عليه بس لازم علشان اذا ما علقت ما ارتااااح .... احبكم>.< )
( من خواطرقلب الامارات )
بس ياترى شو بيصير ؟؟؟؟؟؟؟؟؟؟؟
وشو بيكون موقف كل من محمد ضاري والعيلتين؟؟؟؟؟؟؟؟؟؟؟؟
البارت الخامس عشر
الفصل الثاني
( القشة اللي قسمة ظهر البعير )
يا وقت العودة للبيت قضو يومين ورجعو بيوتهم
حد يجر الذكريات
الحزن
الألم
والأمل
وصل البيت وحصل أمه وابوه وسلم عليهم وخذ اخبارهم وما قدر يصبر أكثر فستأذن وسأل عن اخته وسار لها غرفتها
طق طق طق
منى: ادخــــل
محمد : السلام عليكم
منى وقفت وسارت تسلم على أخوهابالخشوووم: وعليكم السلام والرحمة ، منورة الغرفة
محمد : هههه طبعا طبعا
منى : ومنو قال انك انت ، انا اقصد عمري
هههه
حست انه اخوها في شي ما لحقت انها تصد له الا وهو مسكها وضمها ( طبعا تخيلوو محمد مع طوله ما شاء الله وهي توصل لصدره)
وتحس انه يهتز
يصيح
هيه يصيح
منى: محمد فيك شي
محمد ساكت وضام اخته
منى بدت تصيح معاه: محمد شي فيك يعورك شي........ حد صاير له شي
محمد:...................
أحس قلبي يعورنـــــــــي
مسكته منى بعد ما مسحت دموعه ويلسته على السرير: ارتاح ... ارتاح
تمدد محمد على السرير ويلست هي حذاله ومسكت ايده
محمد: قلبي يعورني منى شو اسوي
منى رصت على ايده
يكمل محمد : احس اني اخونها بأمـــــــــــانيّ ............ بس ما بايدي والله ما بايدي...............امي تضغطني من صوب ...... وانا ......... انا لما شفت منصور تمنيت............... تمنيت............
منى : كمل شو تمنيت
محمد : تمنيت عندي حد يشيل اسمي ........ حد املى بيه دنيتي.............حد ينسيني كل همي وحزني................. من حقي احس بالابوة ............ من حقي................. ابى اكون....
منى ما تعرف شو ترد عليه بس
رصت ( ضغطت) على ايده مرة ثانيه وخوزت ايده من على عينه وحبت يبهته ( جبهته) : من حقك يا خوي ولو انت تبي تسوي اي شي ........ محد بيجبرك
محمد يلس وحضن اخته : انا ادري انكم ما تبو تشوفوني جي ضعيف ومنهز بس غصبن عني.................. واعرف انه امي تبي تنسيني حزني باني اتزوج ......... وصدقيني ما كنت افكر اتزوج بعد ما ................
سكت شوي بعدين كمل
انا ابي حد أملي بيه وقتي ودنيتي ......... بس عطوني وقت.............. بس ابي منكم تعطوني شويــة وقت( قالها بصوت خفيف اشبه للهمس)
الأمر اللي مريت بيه مب هين ............ مب هين
منى مسحت على ظهره مثل الياهل : خذ الوقت اللي تباه ولا تستعيل ولا تحاتي الوالدة انا برمسها ....... بس انت لا تحاتي
كان في شخص مستمع لكل اللي قالوه وتأثر واختفى قبل لا احد يشوفه
>,<
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك