رواية مابعد الظلام -9
في مكان ثاني بالرياض في بيت ابو عبدالله اخو ابو سيف
اماني تصيح
تغريد: وبعدين يااماني لك اربع ايام وهذي حالتك
كل ابونا زعلانين ومتضايقين بس مو لهذي الدرجه
اماني: تغريد خليني بحالي تكفين
تغريد: يابنت الحلال هم ماسمحوله يطلع الا انه كان يستحق انه يطلع
يعني اكيد انه بخير
اماني: شلون وهو مايعرف شي بالرياض
تغريد: ماعليك هو صدق فاقد الذاكره بس بالنهايه رجال
يعني بيسال وبعدين معاه جوال
واحمد وسيف ماخلو احد ماسألوه بس ماله اثر لا بمستشفى ولا بقسم شرطه
اماني:...................
.........................................
يرن جواله
"محمد يتصل بك
احمد: هلا وغلا وينك ياابو الشباب ماخلينا مكان مادورناك فيه
فيصل:.................
احمد: ماعليه ماعليه وينك انت الحين
ابي اجي اخذك
فيصل: ................
احمد: اوكي اوكي خذ العنوان
++++++++++
فتح الباب
خالد: السلام عليكم
ام فيصل :وعليكم السلام تعال ياخالد تعال بقولك
خالد يضحك: خير يالغاليه
ريم : اتوقع لو نقولك ماتصدق
خالد: قولي وانا احكم
ريم: فيصل اخوي طلع حي مامات وتوه كان معنا يالله ياخالد متغير كثير
سمنان وحليان
خالد مندهش: انتي وش تخبصين فيصل مااات تعرفين وش معنى كلمة مات
ام فيصل : ريم دقي عليه وسمعي خالد صوته
خالد منصدم:............!!!!
++++++++
فيصل: ريوم حبيبتي مضطر اسكر مشغول سلمي عليهم كلهم
ريم:.............
فيصل: ياللا مع السلامه
رن الجرس
فيصل : هذا بيت ابو عبد الله
عبد الله: ايوه تفضل
دخلو مجلس الرجال
فيصل :السلام عليكم
الكل: وعليكم السلام
ووقفو بوجه يسلمون ويتحمدون بالسلامه
فيصل: اخبارك عمي ابو سيف
ابو سيف: والله الحمدلله ليش كذا ياوليدي خوفتنا عليك
فيصل: ضروف ياعمي
احمد: وش ضروفه ياشيخ
ابفهم شلون سمحو لك تطلع من المستشفى
فيصل: هههههههههههههههههههه طيب انا جاي اطلبكم طلب بعدين بقولكم كل شي
ابو سيف: انت تامر
فيصل: انا جاي وكلي امل .. في انك ماتردني
عمي انا ابي القرب منك في بنتك الكبيره اماني
ابو سيف ¤_¤
ابو عبد الله¤_¤
احمد: محمد انت.... قاطعه فيصل
فيصل: معاك فيصل ال......
احمد ابتسم بصدمه: والنعم والله والنعم
عبد الله: انت ماغيرك فيصل اللي مات بحادث
شلون طلعت وشلون جيت
حتى انا حظرت عزاك
فيصل ابتسم: هذا انا حي ارزق قدامك
عبد الله : سبحان الله ..
فيصل: هاه ياعمي وش قلت
ابو سيف : واماني لك يافيصل
فيصل : لحظه ياعمي شاور البنت
انا رجال متزوج من بنت عمي وعندي ولد..وانا مع بنت عمي مو متفاهمين.. ويمكن يصير طلاق
ابو سيف بحيره: طيب امهلنا وقت.. وانا مني موافق
قام احمد وحظن فيصل بقوه
فرح له من قلب يحسه مثل اخوه اللي ماجابته امه
فيصل حنون مثالي بس كان بدوون اصل واهل
والحين صار كامل في نظر احمد
.......
الساعه ٩ فالليل
فبيت ابو فيصل
فيصل دخل مالقى امه بس خالد وريم
فز خالد بيسلم على فيصل بيصيح على صدره
جامله فيصل قدام ريم
وضمه ببرود مافات خالد اببد
خالد انبه ضميره بس وش يقول ومن بيصدق
جت ام فيصل : هلا يمه اكيد ماتعشيت
فيصل: لا يالغاليه ماتعشيت
ام فيصل: ياللا يمه ريم حطي العشا
وريم تحط بالعشا
ام فيصل: يمه ماتبي تقولنا وش اللي غيبك عنا كل هالفتره
ووشلون مت واندفنت وفجاه حي يايمه
الحمد لله يارب
فيصل: اندفنت!!!
خالد: انا بقولكم قصة الدفنه..
.............
++++++++
في بيت ابو عبد الله
ام سيف : وش قلتي يمه
اماني مصدومه ماتدري وش تقول
هي تبيه وتحبه لكن متزوج
فيصل يناسبني كثير متعلم مثقف
حنون مو متعجرف ولامتكبر... وبنفس الوقت انا وحده تطلقت بالملكه قبل الدخله ولا من ولد عمي
قررت توافق بس مو الحين ترد لهم خبر
ام سيف : هاه يمه وش قلتي انا اقول فكري شوي
اماني: وهذا اللي بيصير..بفكر
..........
الفرحه مو سايعتها ابد
....
++++++++++
شهد راح يومها كله صياح
كلمتها ريم وقالتلها
(ليه يافيصل ليه!
حتى ولدك ماجيت تتطمن عليه
انا ياربي وش سويت عشان يصير فيني كذا
استغفر الله
)
++++++++
فيصل: يقول الدكتور كنت اقول شهد امي
ابوووي
عاد لما قال لي كذا بديت اتذكر وظليت وش قلت
قال قلت تركي اماني سيف
يعني بديت اجمع واربط
ريم : يعني يافيصل انت خلاص قررت بتتزوج
فيصل : اي خلاص ماقلنالك خطبنا
خالد يسمع وكان تعليقه على الكلام قليل...
+++++++++
في المقهى
تركي: انا اصلا ماني مصدق عيوني
فيصل: ههههههههههههه لاصدق صدق
تركي: وربي الفرحه ماهي بسايعتني
والله ولا بالافلام
فيصل: ههههههههههههههههههههههههههههههه
++++++++
منيره نفسها تتكلم بس وش تقول ولمن
بعد تفكير
قررت انها بعدين تفاتح تركي بكل شي لانها ماتقدر تسكت اكثر
+++++++++
اماني وافقت .. وملكووو
وبعد اسبوع راحو لشرقيه
...
فيصل يكلم اماني
فيصل: اماني يعني نفسي اقولك شي
اماني: قول حياتي
فيصل : اخوي خالد قبل كان بينه حب هو وزوجتي شهد
اماني ¤_¤
فيصل تنهد: وابوي بدون علم منه طلب مني اتزوجها
حاولت ارفض
او احط خبر عند خالد
لكن الظروف جت ضدي
واللي صدمني زود انها وافقت علي
تزوجتها بدت تجذبني لها وبدى يتلاشى شكي فيها
حبيتها..... بعدين اكتشفت
+++++++
شهد تصيح وتهدي فيها ريم
ريم: يابنت الحلال لانتي لا اول ولااخر وحده
شهد كانت بتتكلم وتذكرت كلامه وتهديده لها
(والله ياشهد لو امي تحس بشي اني بتكلم وبقووول كل اللي عرفته)
سكتت لاحول لها ولا قوه
++++++++
فيصل: اماني انا اشك ان مازن مو ولدي...
صدمت اماني وتكلمت بعقل وداست على قلبها : طيب جربت تحلل دمه يعني بحمض dna
فيصل : تبين افضح زوجتي واخوي
لا مستحيل
اماني: يعني بتظل على شكك.. لازم تتكلم
لازم تحط حد لاااازم
واذا خايف سوها بسريه يعني .. تقدر تتفق مع احد
او تروح لمستشفى خاص
فيصل : والله مدري..
+++++++++
تركي معصب ووده يذبحها
قال بصررراااخ: ليش ليش سويتي كذا ليييش
منيره تصيح : احبه ياتركي والله احبه
ظربها تركي كف طيحها باارضها ونزف من خشمها دم
وكمل : صدق انك حقيره وهذي وهي صديقتك وعشرة عمر انتي وياها
فشلتيني الله يخزيك ..شلون الحين بواجهه
او حتى شلون بقوووله!
باست رجوله : لازم تقول له تكفى بر ذمتي
عصب بزياده ونزل وشالها مع شعرها: انتي عندك ذمه والا حتى ضمير سواتك محد يسويها
والله محد يسويها
++++++++++
بعد ماقرر فيصل يحلل لولده
تركي اصر انه يشوفه اليووم..
طوول وهو ينتظره
(شكل صار معاه ظرف وماهوبجاي)
قام والا بجية تركي
تركي: السلام
فيصل: هلا وعليكم السلام يابزنز ومن
ماصارت لك ثلاث ارباع الساعه متأخر
تركي : ماصار شي ياابن الحلال
فيصل : وش فيك خاطرك مو زين
تركي: والله مدري وش اقولك .. شي يفشل ويمصخ بعد
فيصل: خير تكلم وش صاير
++++++++
شهد حالتها حاله ...
قدام الكل هي زوجة فيصل وام مازن
لكن بالحقيقه
هي الزوجه الخاينه الغداره .. خسرت اقل حقوقها
....
+++++++
تعالو معاي لجهه ثانيه من الروايه
مادريتو سجى حامل!!
ويوسف حاول بكل الطرق انه يرجعها كان دايم يعترضلها بكل مكان
لكن هي مصره ماترجع له ردا على اللي سوه بها
.....
بدر عرف برجوع فيصل وعرف بكل القصه قرر يجي بالاجازه عشان يشوفه ويشوف اخته ..اللي بدا يحس انه قصر معاها كثير<صح النوم =_=
.....
سعاد ندمت كثير على اللي سوته بسجى لان بدر ماسال عنها ابد
عرفت انه عقاب...
,,, ياليت كل واحد مثل سعاد يتأدب من درس ياخذه
++++
نرجع عند فيصل
فيصل :.........!!!!!!
تركي: انا قلتلك مو عشانك عشان هالمسكينه زوجتك اللي انظلمت كثير
فيصل : يعني شهد مظلومه!
تركي: ايه.. حتى زوجها منك كان غصب عنها
وللاسف هي حبتك ..لكن (سكت)
لكن الناس ماخلتكم بحالكم
++++++++
رجع لبيته شاف شهد
اول مره ينتبه انها ماعادت جميله مثل اول الهم باين عليها
نحفانه حيل...
شهد: فيصل وش فيك!
سكت فيصل بعدها قرب منها
وهو في باله( اقولها وش اقولها
انا وصديقتك واخوي اللي كان حبيبك صرنا ضدك
وما رحمناك
ظلمناك..انا متأكد لو عمي موجود ماكان هذا حالها)
قرب منها...
رفع راسها ناظر بعيونها
(ياااه شياطين الانس دمرتك
حتى لمعت عيونك راحت)
نزلت دمعت شهد وجت تبي تتكلم
حط يده على فمها
ماقدر يقولها كل هذا بسبب صديقتك
يكفيها جروووح
: شهد وش رايك نفتح صفحه جديده
انا ادري انك مستحيل تخونين
بس خلاص اللي صار صار
شهد من بين الدموع: يعني انت مصدقني
فيصل ضمها: ايه مصدقك
شهد
شهد: هلا
فيصل : انتي عارفه اني خلاص ملكت والزواج الاسبوع الجاي
مابي هذا الشي يغيرك
هذيك زوجتي وانتي زوجتي
وانتي ام مازن
شهد:...........
رفعها من حظنه : ليه ساكته
شهد: اهم شي تكون معاي
فيصل : ببقى معاك صدقيني ماراح اتركك
مو معناته تزوجت يعني بتركك
++++++++
عبد الرحمن: طيب ليش ماتقوله
خل الشك بينكم يتلاشى
يوم سامحته هو مو قادر يسامحك
خالد: تتوقع بيصدقني!
كله من هالخسيسه هي السبب
عبد الرحمن: تعوذ من الشيطان
اكيد بيصدقك
بكرا من الصبح رح له للبيت وتكلم كفايه عاد
خالد: من الصبح !
عبد الرحمن: كيفك اهم شي تروح
++++++++++++
ثاني يوم... السعاه وحده الظهر
خالد واقف قدام بيت فيصل.. رن الجرس
فتح فيصل الباب.. ابتسم
ضمه بقووه
خالد استغرب مايدري وش القصه
فيصل : تفضل تفضل
جلسو تقهوو وضحكو وجا وقت الجد بالنسبه لخالد
خالد: فيصل انا جايك بهالوقت بعترف لك بشي وكلي امل انك تصدقني
فيصل ابتسم: قول وانا احكم
خالد: انت تذكر قبل حادثك كان اخر لقاء بيننا حاد
انا مستحيل اخونك حتى لو خنتني مثل ماكنت اضن
انا بعدين عرفت من ابوي انه هو غصبك على العرس
لكن يافيصل والله العظيم اني انا انقطعت علاقتي بزوجتك من يوم ملكتكم
انا كنت بس ابي اقهرك
فيصل: ههههههههههههههههههههههههههههه
خالد: كنت متوقع انك ماراح تصدقني
فيصل: هههههههههههههههههههههه انا عرفت الحقيقه قبل لاتجيني هينا وكنت ناويي اجيك..
هي وحده حاقده على زوجته وسوت كل هذا
وهي ارسلت لي اخوها يعلمني بالحقيقه
عرفت
خالد: هههههههههههههههههه الله لايفرقنا يالغالي
فيصل : امين... على طاري انا اليوم بروح لشرقيه بنضبط والوضع معاهم
عرفت عشان العرس
خالد: يعني ماغيرت رايك عن العرس
فيصل: انا ماطلبت اتزوج انتقام
انا فعلا حبيت اماني
خالد: هههههههههههههههه اسمها اماني!
فيصل:استح ياولد محارمنا
خالد : هههههههههههههههههههه
++++++++
مرت شهوور بعدها سنين
خالد تزوج وصار عنده فيصل وريما
فيصل من شهد مازن وياسمين ورزان
ومن اماني خالد وفهد
ريم للحين ماحملت
سجى جابت ولد وسمته سامي <اهم شي الاسم عصرت مخي لين طلع
........
تمت بحمد الله
انتظروني في روايتي (حينما بكتني اختي..روايه حقيقيه)
(غونتنامو.. روايه مأساويه واقعيه)
تحياتي مع خالص ودي..
حوحه
تجميع زهور حسين
اللهم لك الحمد حتى ترضى وإذا رضيت وبعد الرضى ,,, اضف تعليقك