رواية الجو بارد وابي حبك يدفيني -11
ناظرت فجر بعمه اللي تحسه بمثابه ابوها وشافته يمسح دموعه قربت له وارتمت بحضن عمها وجلست تبكي
فجر:وحشتني يايبه
الكل استغربو من كلمه فجر يبه وبكو
ابو احمد:انا جاي اخذج معانا كافي بعدنا عنك كم سنه
فجر ابتسمت
وجلست تسلم على الكل
حنين:خالتي مشاعل وينها
ام وليد:راحت تجيب اغراض
ابو ناصر وقف:حنا نستاذن
ام وليد:وين تو الناس
ديانا وهي تناظر وليد:يالله بابا نطلع
ابو احمد استغرب
وام احمد نفس الشي
طلعو
وجو بيركبون السياره
فجر رجعت لوليد اللي واقف يناظرها:وليد شفيك
وليد بضيق:خلاص بتروحين وتخليني
فجر حضنته وباست خده وبهمس:مابخليك
وليد حضنها اكثر وهو فرحان:احبج
فجر بهمس:وانا بعد احبك
وليد:ماسمعت
فجر بصوت اعلى:احببببببببببببببببك
ابتسم وليد وابعدت عنه واشرت له بيدها وركبت السياره
وليد دخل البيت:يمه
ام وليد:خير
وليد:مشاعل وينها
ام وليد :طالعه
وليد:اشوفها اخذت راحتها من تركت البيت انا
ام وليد:انا موافقه انت شدخلك وليد:شلون شدخلني انا مسؤل عنكم
ام وليد:مسوول كم لك ترك البيت راح بس الحق ورا فجر
وراحت وتركته
حس بقهر وليد وطلع
باحدى الفنادق
نزلو
ابو احمد وابو ناصر وام نواف
ابو احمد وام احمد بغرفه
وابو ناصر وام ناصر بغرفه
ام نواف وحنين بغرفه
ونواف ونور
واميره واحمد وعيالهم بغرفه
وباقي البنات اجتمعو بغرفه
وتركي وضاري بغرفه
وفهد ومحمد بغرفه
..........
بغرفه البنات
مجتمعات وفرحنات بفجر
ديانا:فجوره تصدقين القصه عليك جنان
فجر:هههههه حتى وليدي عجبته
البنات سكتو بعدها فقعو ضحك
رنيم:ياهوه يالحب
فجر استحت منهم
ديانا بعصبيه:لا فجر ماتحب وليد
فجر ناظرتها واستغربت عصبيتها
وفهمت ليش عصبت
اشواق:بصراحه الكويت تجنن وابي اروح البحر
هيام:اهجدي بس مافي بحور
اشواق:بقول لبابا واشوف نخلي فجوره تودينا
امجاد ورنيم نطو على اشواق مع بعض وجلسو يبوسونها:فديتك شوقه يالله روحي بسرعه
اشواق وهي تضحك:طيب قومو عني
ابعدو امجاد ورنيم عنها
وقامت بتروح غرفه امها وابوها
طلعت ولفت شافت باب غرفه العيال انفتح ناظرت وشافت محمد طلع وجمدت بمكانها وقلبها يدق بسرعه من الخوف
محمد من شافها ومو لابسه حجاب خفق قلبه بقوه
قرب لها ووقف قدامها وبهمس:شوقتي وحشتيني
اشواق ساكته وتبي تتكلم تبي تتحرك ماقدرت
محمد قرب لها اكثر واشواق لصقت بالجدار ومحمد مقرب لها مره
اشواق بصوت مرتجف:محمد
محمد:قلب محمد روحه وكل هله
اشواق بخوف:ابعد عني
محمد:خايفه مني
اشواق نزلت دموعها
محمد بحنان باس دمعتها:اشش مابيك تبكين انا بروح لاتخافين وراح
اشواق مسحت دموعها وتحسست مكان ماباسها محمد واستعربت الحنان اللي حسته
تنهدت وراحت غرفه ابوها وامها ودقت الباب
ام احمد فتحت الباب
اشواق:ماما بنروح البحر
ام احمد:قولي لابوك واخوانكم لازم يروحون معاكم
اشواق:تيب فينو بابا
ابو احمد:انا هنا تبون تروحون البحر روحو بس لاتاخرون
دخلت اشواق وباست ابوها:فديتك بابا ان شالله
وطلعت
قالت للبنات وديانا كلمت تريك
والشباب وافقو وتجهزو وطلعو
راحو البحر
..
بغرفه نواف ونور
نور توها طالعه من الحمام<<اكرمكم الله
نور:نواف ابي اطلع
نواف ضحك:هههه توك طالعه من التواليت وتقولين بطلع بدلي طيب
نور:هههه انا قلت لك عشان تجهز نفسك
نواف وقف وقرب لها:اجهز حالي
نور:ايوه
نواف مسكها من خصرها:بس انا مشتاق لك
نور ابعدت عنه بسرعه:نواف ابي اطلع
نواف جلس على السرير وعقد حواجبه
نور حسته زعل قربت له وبتجلس جنبه سحبها نواف لحضنه:بنطلع بس مو الحين
باست شفايفه نور بخفه:طيب
نواف خق على بوستها وو__<
..
بغرفه احمد واميره
امير جالسه تلبس اسماء وتمشط شعرها واحمد يلبس رائد
اميره:احمد احنا خلصنا
احمد:واحنا بعد خلصنا
اميره ابتسمت:مشينا
احمد مسك ايدها:مشينا
وطلعو يتمشون
............
بغرفه ام نواف وحنين
حنين:ماما انا بطلع مع ميشو
ام نواف:مشاعل وينها
حنين:كلمتها وهي تنتظرني تحت
ام نواف:اوك بس لاطولين
حنين:تيب وطلعت
قابلت مشاعل وحضنتها:وحشتيني
حنين:وانتي اكثر
مشاعل:وايد اشياء بقولها لج
حنين:وانا كمان
وطلعو
..
بالسعوديه
بقصر طارق
العنود جالسه بالصاله وبدون لاتحس من التعب نامت
طارق كان طالع وسمع صوت التلفزيون
دخل الصاله شافها نايمه مثل الاطفال
ضامه نفسها وشعرها نازل على وجهها
قرب لها وجلس يناظرها
مد ايده وابعد شعرها قرب لها وباس خدها
فتحت عيونها بسرعه وبهمس.طارق
ابعد طارق بسرعه:ليش نايمه هنا
العنود وقفت وتحس بخمول:نمت بدون لاحس
طارق:طيب انا طالع وانتي روحي دارك ارتاحي
العنود مشت وهي دايخه
طارق يناظرها ويشوفها تترنح
وحس انها بتطيح
قرب لها بسرعه ومسكها:العنود شفيك
العنود بطفوله حطت راسها على صدره ودموعها تنزل:تعبانه
طارق شالها بين يديه:سلامتك الحين بجيب لك دكتور
العنود سانده راسها على صدره ودموعها تنزل
طلع فيها طارق لجناحهم
ودخل الغرفه
حطاها على السرير وقام:بكلم الدكتور وراجع
العنود مسكت ايده: خليك جنبي
طارق ناظرها وخايف عليها:طيب
مسك جواله وكلم الدكتور
وجلس يمسح على راسها
العنود نامت
طلع طارق
وشاف الدكتور جاء ومعاه ممرضه:اهلين دكتور
الدكتور:كيف حالك استاذ طارق
طارق:حمدالله بخير
الدكتور:خير ان شالله من المريض
طارق:زوجتي يادكتور امس اغمي عليها واليوم بس دايخه
الدكتور:طيب خلينا نشوفها
طارق :تفضل
طلع طارق والدكتور والممرضه للجناح
طارق دخل الغرفه وقرب للعنود وبهمس:العنود
العنود فتحت عيونها بتعب
طارق:قومي الحين الدكتور بيكشف عليك
العنود جلست
وطارق دخل الدكتور
والممرضه وطلع برا طارق
كشف الدكتور عليها
نادت الممرضه طارق
الدكتور:مبروك استاذ طارق زوجتك حامل
ناظرها طارق على طول والعنود ناظرته:حامل
الدكتور:ايه
طارق:يعطيك العافيه دكتور
الدكتور:الله يعافيك واجبنا
وطلع هو والممرضه
طارق بهمس:مبروك
العنود نزلت دمعتها:انا المفروض اقولك مبروك اللي بغيته تحقق
طارق بغرور مصطنع:صح كلامك اللي بغيته تحقق وكله كم شهر وانتي برا حياتي
العنود بقهر وجرح من حبه:اطلع برا اكرهك انت بلا مشاعر اطلع برا
طلع طارق
والعنود ضمت نفسها وتشاهق:اكرهك اكرهك
ووانتهى البارات
توقعاتكم
فجر وليد؟
جيتهم لكويت هل بتغير اشياء بحياه ابطالي؟
طارق والعنود؟
البارات الخامس عشر
بالكويت
على رمال البحر
امجاد بضحكه:رنوم بسك هبال
رنيم:ههه واحنا ليش طالعين الا عشان ننبسط
امجاد:بس بركاده مو بخبال
دزتها رنيم وراحت تركض وفكت شعرها وخلته يتطاير مع الهواء
وفهد كان يناظرها وقلبه يدق بجنون كان منجن على شكلها
رنيم بصراخ:مجوده تعالي
ضحكت امجاد ولحقتها
ديانا تتمشي مع فجر:فجر ابي اعرف ليش رجعتي لوليد بعد اللي سواه
فجر:احبه
ديانا:بس اهو شك فيج وخلا امه تظلمج
فجر:انا سامحته
ديانا:كيف
فجر:ديانا وليد وقف وياي وطلعني بشقه وتم وياي وبدراستي ساعدني ويطلعني ويدلعني وليد وايد يحبني وانا احبه
ديانا:مادري شقولج
فجر:لاتقولين شي لاني احبه واحبه وايد
ديانا:ان شالله يكون مقدر حبج
فجر ابتسمت:وانتي ليش مو حاسه بضاري
ديانا:ضاري
فجر:ايه يعني مو شايفه نظراته لج
ديانا نطرت ضاري وشافته يناظرها:عادي
فجر تغمز لها:عادي
ضحكت ديانا وجلسو يتمشون
اشواق جالسه تناظر البحر وتفكر بالعنود مسكت جوالها واتصلت فيها
ردت عليها العنود:الو
اشواق:حست بصوت العنود انها كانت تبكي:عنودتي شفيك
العنود بصوت باكي:انا حامل
اشواق بفرح:جد مبروك
العنود ببكاء:يبارك فيك
اشواق:شفيك مو مبسوطه انك حامل
العنود:فرحانه وايد اشواق مابي احد يعرف الحين
اشواق:طيب حبيبتي هدي شوي
العنود:اكلمك بعدين باي
اشواق:باي
قفلت وتفكر بالعنود
والتفت على صوت محمد:اقدر اجلس
اشواق:عادي
جلس محمد:تدرين انج حياتي
اشواق:محمد لو سمحت
محمد:اشواق احبك
اشواق وقفت:انا غلطت من خليتك تجلس
سحبها محمد وطاحت جنبه وناظرها بحده:انتي لي
اشواق:فك ايدي انا اكرهك
فك ايدها محمد:اليوم تكرهيني بكرا تحبيني
اشواق تركته وراحت
تنهد محمد وجلس يناظر البحر
اشواق راحت جلست جنب هيام
هيام:ضايقك محمد
اشواق بكت:قال لي انتي لي انا خايفه منه هيام
هيام مسحت دموعها:خليك قويه لاتبكين ومحمد مابيقدر يسوي لك شي
اشواق:طيب شنو فاتحه انتي
هيام:المنتدي
اشواق:حلو هالمنتدي عاد
هيام:ايه
اشواق ابتسمت ولفت تناظر البحر
هيام جتها رساله من"جريح الايام"
وفرحت ماتدري ليش فتحتها
وردت عليه"اهلين جريح تسلم لاهتمامك انا بخير انت اخبارك شمسوي وانا وصلت لكويت حمدالله"
وجلست تتصفح تنتظر رده
دقايق وجتها رساله"
"هلا فيك زود يانبع الغلا انا بخير دامك بخير وادري انك وصلتي لكويت وانا شايفك حمدالله على سلامتك"
هيام من قرتها قامت تتلفت بس ماشفت احد
جتها رساله ثانيه فتحتها"تتلفتين تدوريني مابتشوفيني يكفي انا شيفج"
هيام قفلت المنتدي والاب كله
وتموت وتعرف من هالشخص تحس انها تعرفه
.......
تركي
ترك ضاري وراح يكلم غرور
اتصل فيها ماردت
اتصل اكثر من مره لين ردت:الو
تركي بشوق:اشتقت لك
غرور:تشتاق لك العافيه
تركي:حياتي فيك شي
غرور:لا
تركي:احبك
غرور بضعف:تركي اهلي بيزوجوني ولد عمي
تركي بصدمه:شنو يزوجونك وانا
غرور جلست تبكي:انساني
تركي بعصبيه:انتي لي ياغرور سامعه لي
غرور:تركي اقولك بيزوجوني
تركي:بيزوجونك لي
غرور:تركي
تركي:قلت لك انك لي وانا تركي كلمتي وحده
غرور:طيب شلون
تركي:خلي هالموضوع علي شسم ولد عمك
غرور:شنو بتسوي
تركي:شسمه
غرور:احمد
تركي:طيب باي
غرور:باي
قفل وبراسه يكلم احمد يفهمه غرور له وبس
<<<<<<
نروح لحنين ومشاعل
جالسين بمطعم
مشاعل:الحين هالحقير طارقوه يتركج انتي وياخذ عنودوه
حنين:شفتي شلون وانا احلى منها
مشاعل:وش براسك
حنين:بركب صور لي وله واورهم العنود بس مو الحين لسه بدري
مشاعل:والله انك مو سهله
حنين:انا حنين مو اي وحده
مشاعل:فديتك
حنين:ولاتنسين رنيم تراهي للحين براسي وابي انتقم منها
مشاعل:شلون
حنين:ابيها تموت تنشل تحترق بس النار اللي بقلبي تطفي
مشاعل:انا اعرف مهدي يبيني باي طريقه اقوله اجيك بس يسوي اللي نبي برنيم
حنين:بس شلون
مشاعل:سمعيني زين
وجلست تقولها
حنين:خطيره بس متى نسويها
مشاعل:توهم جاين لسه مانبي نقتل فرحتهم خليها عقب اسبوع
حنين:بجلس على نار لين يصير اللي نبي
مشاعل:بيصير ياقلبي بس الصبر حلو
حنين:نصبر ليش لا
ابتسمت مشاعل بخبث وحنين بادلتها نفس الابتسامه
<<<<
نروح لا احمد واميره وعيالهم
جالسين يتمشون
اسماء:ماما ابي هذا وتاشر على غزل البنات
اميره ناظرت باحمد راحو اشترو غزل البنات لاسماء ورائد ولهم بعد
احمد ناظر اميره واميره ضحكت
احمد:شفيك
اميره:على شفايفك في غزل البنات امسحه
احمد:انتي مسحيه
قربت اميره ايدها بتمسحه مسك ايدها احمد:لا مسحيه بشفايفج
اميره حمر وجهها:احمد
احمد:يالله بسرعه
قربت اميره بسرعه
بتبوسه عشان يروح وبسرعه باس شفايفها احمد
ومسح اللي على شفايفه
ضربته على كتفه اميره بخجل:دب العيال معانا
احمد:ماهم يمنا
اميره:هههه انزين خلينا نمشي
وكملو مشي
<<<<<
بالفندق عند نواف ونور
نور لبست وخلصت ولبست حجابها:نواف حبيبي تاخرنا
نواف وهو طالع:طيب ليش مستعجله
نور:لاننا تاخرنا
نواف:طيب تعالي سكري ازاريري
قربت نور بحياء وسكرت ازاريره
نواف ذايب على حياها:مشينا
نور:مشينا
طلعو
وجلسو يتمشون
وشافو طفل يبكي
نور مسكته وجلست:ليش تبكي
الطفل:ماما لاحت
نور:انت شسمك
الطفل:نواف
ناظرت نور بنواف على طول وابتسمت:طيب حبيبي ماما وين راحت
الطفل هز كتوفه بعلامه مادري
نور مسكت ايده:الحين بنروح ندورها
نواف:نور لاتوهقينا بالولد
نور:يعني نتركه حرام
نواف:لا بس وشاف وحده جات وبفرح:شكرا اختي وشالت ولدها
نور:لا العفو ولدك حيل يجنن
الحرمه:تسلمين عقبالك
نور ببتسامه:امين
نواف كان يناظرها وكيف حبت الطفل
مسكها من خصرها وقربها له
نور ابتسمت بخجل وكملو تمشي
<<<<<<<
نرجع لسعوديه بقصر طارق
هدى عرفت بحمل العنود وطلعت لغرفتها باركت لها
ورجعت الحديقه عند طارق
جلست جنبه:طارق شفيك
طارق:ولاشي عمتي
هدى:اكيد
طارق:ايه
هدى:انت مافرحت بحمل العنود طارق شجالس يصير ايش فيه بينك انت والعنود انا دخلت من ساع توقعتها فرحانه للاسف حصلتها تبكي
طارق:المفروض تفرح انها بتفتك مني
هدى:شقلت ماسمعتك
طارق:ولاشي قلت مابيننا الا كل خير
هدى:طارق انت ليش تزوجت العنود
طارق بدون لاينتبه:احبها
هدى:طيب دامك تحبها ليش تعاملها كذا
طارق وقف:عن اذنك عمتي
هدى عرفت انه يصرف:اذنك معاك
طارق طلع لجناحهم
دق الباب
العنود:منو
طارق فتح الباب:انا
العنود ناظرته وصدت:شبغيت
طارق:ولاشي اظن هذا بيتي والغرفه غرفتي والا لازم اخذ الاذن منك قبل ادخل
العنود ابتسمت:انت ياطارق ماترتاح الا لجرحتني
طارق سكت ماعرف شيقول
قربت له العنود بخطوات بطيئه:بحسب الايام والدقايق والثواني بس عشان افتك منك
طارق عطاها كف وطاحت على السرير:وانا انتظر اليوم اللي تكونين فيه برا حياتي
العنود جلست تبكي:تضربني ياطارق الله ياخذك وافتك منك انا اكرهك تعرف شنو يعني اكرهك الله ياخذ حقي منك
طارق شدها له:ادري انك تحبيني كافي نكران
دزته العنود وركضت التواليت وجلست تستفرغ
طارق يسمع صوتها وخاف عليها
قرب للحمام وشافها مستنده على المغسله:العنود شفيك
ناظرته بكره العنود وسكرت الباب وسندت ظهرها على الباب
ومن سمعت صوت الباب يتسكر طلعت
وانسدحت على السرير وايدها على بطنها ودموعها تنزل
طارق طلع من البيت كله
<<<<<<
بالكويت
على البحر
بعد ماانبسطو ابطالي
رجعو الفندق
رنيم قبل تدخل تذكرت شالها:اوه مجوده تعالي معاي بجيب شالي من السياره نسيته
امجاد:روحي لحالك انا تعبانه
رنيم:اوريك يانذله
وراحت نزلت تحت
شافت سيارتهم قربت لها وشافت ضوئها والع ابتسمت:تريك الدب نسي يقفلها
شافت واحد جالس بالسياره
انتابها شعور بالخوف
ناظرت عدل شافته فهد
تنهدت براحه وقربت لسياره
وشافته يشم شالها اللي يحمل ريحتها وبدون شعور نزلت دمعتها
مسحتها ودقت الشباك
فهد التفت ونزل الشال وفتح الباب
رنيم:احم فهد
فهد بدون لايناظرها:نعم وليش نازله لحالك
رنيم:نزلت اجيب شالي
فهد اخذ الشال ومداه لها
خذت الشال ومشت
فجاه وقفت ولفت ناظرته شافته مستند على السياره ويناظرها
رجعت له رنيم:فهد
فهد:هلا
رنيم بعبره:اسفه
فهد بستغرب:على ايش
رنيم:على كل شي
فهد:عادي رنيم انتي ماغلطتي والحب ماهو غصب ولاتخافين انا بديت انساك وقريب بخطب واتزوج وانتي راح يبقي حبك ذكرى وبنت عمي مو اكثر
رنيم نزلت دموعها وراحت تركض
فهد ضرب السياره برجله:انا شسويت بس كذا احسن انا لازم انساها
وطلع لغرفته
رنيم دخلت الغرفه
والبنات انخرعو من شافوها تبكي
دخلت رمت نفسها على السرير وهي تشاهق
امجاد قامت لها:رنيم شفيك
رنيم غطت نفسها باللحاف وجلست تبكي
والبنات تركوها تبكي براحتها واضح عليها مابتتكلم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك