رواية الجو بارد وابي حبك يدفيني -13
طارق لف عليها:العنود انا احبك وخايف تتركيني مثل وسكت
وقفت العنود:طارق انا مستحيل اتركك
طارق ناظر بعيونها وبدون لاينتبه:ولاتخونيني
العنود كان احد رش عليها ماي بارده كانت منصدمه:اخونك
طارق:لا العنود انا ماقصدت
العنود نزلت دمعتها:اجل شقصدت
طارق:زوجتي خانتني يالعنود خانتني
وتركت ولدي يبكي لين مات من الصياح وهو طفل بالمهد كانت مشغوله مع عشيقها
العنود حست بجرح بقلب طارق قربت له وحطت ايدها على كتفه:حبيبي
التفت طارق عليها:لبيه
العنود:انسي الماضي
حضنها طارق وبهمس:العنود انتي كل شي بالنسبه لي
العنود:وانت كل دنيتي
طارق ابعد عنها شوي:نطلع
العنود ببتسامه:نطلع
طارق مسك ايدها وطلع
طارق:روحي لبسي عباتك بنطلع
العنود:ان شالله وطلعت غرفتها لبست عباتها ونزلت
مسك ايدها طارق وطلع ركبو السياره وحركو
بالكويت بالمستشفي
بغرفه فهد
الكل جالسين عنده
امجاد جالسه جنبه وتمسح على راسه
فتح عيونه فهد بتعب وهو يهمس:رنيم
امجاد بفرح:فهد انت قمت
الكل فرحو وقامو له
ام ناصر :حمدالله على سلامتك ياولدي
ابو ناصر:حمدالله على سلامتك
هيام :حمدالله يارب
ضاري باس اخوه:حمدالله على السلامه ياخوي
والكل جلسو يتحمدون له بالسلامه
وفهد كان يناظرهم ويدور رنيم:وينها
الكل:؟؟؟
امجاد فهمت قصده:تسال عن رنيم
فهد:ايه
امجاد:تطمن هي بخير بس تعبت شوي ونوموها بغرفه
فهد فز وحس بالالم بس ماهتم:ابي اشوفها
ابو احمد:الله يهديك يافهد رنيم بخير لاتشغل بالك
ضاري:ارتاح يافهد انت تعبان
نزل من السرير فهد وفك المغذي ومسك ايده عشان الدم:ودوني لها
ام ناصر:يافهد ياولدي بطل عناد
فهد:يمه ابي اشوفها
هيام وامجاد:امش نوديك
مسكته هيام وامجاد ومشو لغرفه رنيم
دخلو تركي من شاف فهد فز:حمدالله ع سلامتك شمقومك عن سريرك
فهد كان يناظر رنيم النايمه قرب لها
وجلس جنبها ومسك ايدها وبهمس:رنومتي
رنيم فتحت عيونها وشافت فهد ردت سكرتهم وافتحتهم
فهد ابتسم بتعب: حمدالله ع سلامتك
والكل واقفين يناظرونهم
رنيم :فهد
فهد:روحه
رنيم نزلت دموعها:اسفه
فهد:انسي
رنيم جلست وحضنته وهمست باذنه:احبك
فهد كان مو مصدق ان رنيم تحضنه وتحبه حضنه بقوه وقلبه يدق بقوه:اموت فيك يارنيم
رنيم بهمس:انت لي
فهد:وانتي لي
ابو ناصر:كح كح
ابو احمد:احم احم
فهد ورنيم حسو بانفسهم ابعدو
ضاري:اشوفكم نسيتو انفسكم
تركي:شفت شلون شافو انفسهم تعبانين استغلوه فرصه
محمد ناظر باشواق:عقبالي
اشواق حست بقشعريره
وراحت جنب امها اللي حست فيها ولمتها بذراعها
ام ناصر:يالله يافهد قام نرجعك لغرفتك
فهد ناظر برنيم:بس انا مرتاح هنا
رنيم استحت
صفرت امجاد:والله وصرنا نستحي
الكل ضحكو
ديانا قربت لرنيم وحضنتها:خوفتينا عليج يالدلوعه
رنيم ابتسمت
ام نواف:الا رنيم كيف دخلوك غرفه العمليات وانتي ايش عرفك بشغلهم
انحرجت رنيم
فهد:رنيم دخلت العمليه
تركي:اوه دخلت وساعدتهم وهم يسون لك العمليه
ضاري:وتبرعت لك بدمها والدكتور يقول:بفضل الله ثم هالممرضه ولدكم بخير مايدري ان بنتنا توها راحت اول ثانوي
فهد ناظر برنيم اللي منزله راسها ورفعه:آآآه يارنيم
ناظرته رنيم:سلامتك من الاه ياقلب رنيم<<حست بنفسها
فهد:رنيم احبك تدرين وش يعني احبك يعني انا ملكك وابيك
اشواق:ياهوه انتم لاتخورونها
امجاد ناظرت باشواق:العشق يابنت مايرحم
الكل ضحكو بستثاء رنيم المستحيه
فهد:رجاء لاحد يعلق على زوجتي
امجاد:لا والله متى تزوجتو
هيام:قال زوجتي قال
تركي:اجل انا بحجز لي زوجه
ضاري:حتى انا ديون زوجتي
الكل انصدمو خصوصا ديانا
فجر:اوخص ياديون
فهد:ضفو بس
امجاد:اقول قوم عن رنوم بس
فهد:منك بس زوجتي ووكيفي
امجاد:لامو زوجتك
فهد:عمي صح رنيم زوجتي
ابو احمد:ايه زوجتك
فهد:هاه سمعتي يالله ضفو
رنيم خلاص ميته من الاحراج
ضاري:لاوالله وانا ياعمي
تركي:شف الغيره
ابو احمد:انت شفيك تونا عرفنا انك تحب ديانا والا فهد من زمان مصرح بحبه
ضاري:وانا بصراح:احبك ديانا
ديانا خلاص ماتت من الحياء وطلعت من الغرفه
ناظر بعمه ضاري وسمح له يلحقها
ابتسم ضاري ولحقها
وشافها تمشي بسرعه لحقها ومسك ايدها:ديون
ديانا مستحيه
ضاري:ديانا احبك حسي فيني
ديانا بخجل:ضاري اتركني
ضاري قربها له وحوطها بيدينه:قلت احبك
ديانا ناظرته وتحس بانفاسها وصرخت بصوت عالي:اترررررركني
ضاري تركها ومنخرع من صرختها
جلست بالارض ديانا تلم نفسها وتشاهق
طالعو الكل على صوتها
ام احمد نزلت لمستوى بنتها على طول وحضنتها:شفيك حبيبتي
ديانا وهي تحضن امها:نايف بياخذني ماما بياخذني
الكل متاثرين بالحال اللي ديانا فيه ورحمين ضاري اللي يتعذب بحبها
ضاري ضرب رجله بالكرسي:يارررب
وجاء بيمشي ماقدر ناظر بتركي:رجلي
تركي قرب له بخوف:شفيها
ام ناصر قربت له:شفيك
ضاري:ماقدر امشي
تركي:يمكن انكسرت مشى فيه تركي
ودخلوه الغرفه
طلعت الممرضه
تركي:هاه سستر رجله شفيها
الممرضه: انكسرت بنجبرها له وراحت
ام ناصر:ياربي وش هالمصايب
ام احمد بعد ماهدت ديانا
جلست تسولف معاها عشان تروق
ابو ناصر ناظر بفهد اللي واقف ومستند على رنيم:وانت شموقفك هنا
فهد:بطمن على ضاري يبه
ابو ناصر:ضاري مافيه الا العافيه رنيم وديه غرفته
رنيم:انشالله
امجاد جت ساندت رنيم وودو فهد لغرفته انسدح فهد
ورنيم جات بتمشي سحبها فهد وباس خدها
ابتسمت بخجل وطلعت مع امجاد
وجلسو عند اهلهم
شوي طلع ضاري مجبرين رجله
ديانا تناظره وتشوفه يناظرها وبداخلها تبكي
حطت راسها على كتف فجر ودموعها تنزل
فجر بهمس:اهدى
ديانا:تعبانه
فجر ضمتها وجلست تهديها
ابو ناصر:زين جت كسر مو شي ثاني
ضاري:حمدالله يبه
تركي:من التناكه اللي براسك والا احد يضرب رجله بكرسي حديد
ضاري ناظر بديانا:من القهر والنار اللي بقلبي
الكل سكتو لانهم حسو بضاري
ورجعو الفندق
بس ام ناصر وتريك جلسو عند فهد
الكل نامو من التعب
بستثناء ضاري اللي حاس ان حبه لديانا مستحيل لانها للاسف تخاف منه
وديانا تبكي بحضن فجر
فجر:ديانا بسج ياقلبي
ديانا:انا اخاف من ضاري
اخاف من كل الرجال
فجر:حياتي اهدي وانشالله يعدي هالشي
ديانا:ضاري يحبني بس انا وجلست تشاهق
فجر مسحت على شعرها وخلتها تبكي براحتها لين نامت
.......
حنين اتصلت بمشاعل:الو
حنين:مشاعل
مشاعل:بشري وش صار برنيم
حنين:رنيم ماصار لها شي
مشاعل:اجل
حنين:فهد اللي صدمه مهدي حقج ذا مو رنيم
مشاعل:شلون
حنين قالت لها اللي صار
مشاعل:اوه فهد مسوي حبيب
حنين:ماشفتي شنو سوا من قام وربي حسيت بقهر
مشاعل:حظها كبير
حنين:يالله انا بنام باي
مشاعل:باي
<<<<<<
بالسعوديه
عند طارق والعنود
اللي من الصبح يتمشون
طارق وهو ماسك ايدها:عمري ماحسيت بالسعاده كثر اليوم
العنود:انشالله ايامك كلها سعاده ياقلبي
طارق:شقلتي
العنود بحياء: قلبي
طارق باس ايدها:آآه ياقلبي نرجع البيت حياتي
العنود:ايه لاني تعبت
طارق:ليش ماقلتي لي من اول ماتعبتي نسيتي انك حامل
العنود:لا بس شفتك مبسوط ماحبت نرجع
طارق ببتسامه:فديتك
ومشو
ركبو السياره
ورجعو القصر
دخلو واستقبلتهم هدى
طارق:مساء الخير عمتى
العنود:مساء الخير خالتى
هدى:تو الناس انت ماتدري ان زوجتك بشهورها الاولى ومايصير تتعب كثير ومن الصبح فراره مارتاحت
طارق:عمتي انا
هدى:مابي اسمع شي خذها خلها ترتاح فوق
ناظر طارق بالعنود اللي تبتسم:عجبتك هالتهزيئه
العنود:انا شدخلني
شالها بسرعه طارق:فوق اعلمك شدخلك
هدى بصوت عالي:ياطارق اعقل ولاتطير بالبنت
طارق:ان شالله
هدى ابتسمت وراحت غرفتها
طارق دخل غرفتهم وهو شايل العنود
حطاها على السرير وقرب لها
العنود بخجل:طارق برمي عباتي
طارق باس شفايفها وناظرها:انا ارميها لك
العنود سكرت عيونها
طارق ابتسم وفتح عباتها وو(_<
انتهى البارات
توقعاتكم
البارات الثامن عشر
بعد مرور ثلاث ايام
فهد طلع من المستشفي
ومافي اسعد منه بعد ماعترفت له رنيم بحبها
ورنيم صارت تحس بسعاده لاتوصف وفرحانه انها ماخسرت فهد واكتشفت انه ماحد بيحبها ويخاف عليها كثر فهد
محمد
منجن خلاص وصار يضغط على امه عشان تكلم اشواق
ضاري
نفسيته مو ذاك الزود
عقب اللي صار له مع ديانا بالمستشفي وخوفها منه
تركي
غرور شاغله باله وخايف تضيع من ايده
ديانا تفكر بضاري
ومابيدها شي تسويه خوفها منه ومن اي رجال ماتقدر تسيطر عليه
فجر عايشه بسعاده
وتكلم وليد كل يوم ومافي اسعد منهم
هيام تعلق قلبها بجريح الايام
طارق والعنود
حبهم كبر وتعلقو في بعض وطارق صار كل وقته بالبيت ولطلع يطلع ساعه ويرجع لو تغيب عن عينه ثانيه يشتاق لها
<<<<<<<
بالفندق
مجتمعين الكل بغرفه
ابو احمد
ام ناصر:رجعتنا بكرا لرياض لاتنسون شي من اغراضكم
امجاد:مابننسى شي
فجر:يبه
ابو احمد:سمي
فجر:ابي اطلع مع وليد اليوم قبل نسافر ممكن
ابو احمد:اكيد ممكن
فجر قامت باست راسه:تسلملي
فهد:وانا بعد ابي اطلع مع رنيم لحالنا وناظر بامجاد
رنيم استحت
امجاد:لاوالله مافيه انا معاكم
فهد:تحلمين
ابو احمد:هههه موافق بس لاتتاخرون
فهد وهو يناظر رنيم:انشالله
ضاري ناظر بديانا:ديانا
ديانا:هلا
ضاري:ابي اطلع معاك اليوم ممكن
ديانا باحراج:طيب
ابتسم ضاري
تركي دق على كتفه:ياهوه تراني اخوها وهنا
ضاري:عمي موجود انت شدخلك
الكل ضحكو
محمد:كل واحد بيتمشي مع حبيبته الا انا وهو يناظر باشواق
اشواق قربت لامها
ام نواف:اشواق ابيك بموضوع
اشواق:انشالله عمتي
نواف ناظر بنور:مشينا
نور وققت ونواف وقف ومسك ايدها وطلعو
احمد ناظر اميره ابتسمت وشالت اسماء وقامت
واحمد شال رائد وطلعو
فهد ناظر برنيم ابتسمت وقفت:دقايق اتجهز واجيك
فهد وقف:انتظرك
ديانا فهمت انها لازم تقوم وقفت وضاري ابتسم:نمشي
ديانا:نمشي
مسك ايدها ضاري وديانا ارتجفت بس حاولت تخفي رجفتها وطلعو
تركي ناظر بمحمد وامجاد وهيام:صفت علينا شرايكم نطلع سوا
كلهم وقفو:يالله نطلع
وطلعو
ام نواف ناظرت باشواق:نطلع شوقه
ابتسمت اشواق:نطلع عمتو
قامو وطلعو
ابو احمد ناظر بام احمد: صفت علينا شرايك نطلع
ام احمد بحياء:نطلع ليش لا وطلعو
ام ناصر وابو ناصر طلعو
بغرفه حنين اتصلت بمشاعل وجتها وطلعو
فجر جاء لها وليد وطلعو
<<<<<<<<
بالسعوديه بقصر طارق
العنود واقفه برا بالبلكونه
وحاطه ايدها على بطنها وفاكه شعرها
لابسه فستان قصير ممتزج بالوان صيفيه وبدون اكمام
وتفكر بطارق وحبها له
رغم كل اللي سواه الا انها تحبه وتموت فيه تحس بالحنان والدفى بلمسه ايده
كان سبب حزنه والحين هو سبب سعادتها
تنهدت براحه وحست بطارق وهو يحضنها:اشتقت لك
العنود لفت بفرح:طارق انت جيت
طارق:جيت ياروحي
العنود:وحشتني
طارق:شكثر
فتحت ايدينها العنود:كثر هالدنيا وزود
طارق ضم يدينها له وقرب وباس شفايفها:احبك
العنود استحت
مسك ايدها طارق ومشو للباب
فتح الباب طارق بعدها وقف كانه تذكر شي دخل ايده بجيبه وطلع علبه صغيره
فتحها كانت خاتم الماس
ابتسمت العنود:مره حلو
طارق شال الخاتم:انتي احلى ولبسه اياه
باست خده العنود:شكرا حبيبي
طارق:لا بوسه على الخد ماتنفع ابيها على شفايفي
العنود بخجل:طارق
طارق قرب لها والعنود سندت ظهرها على الدولاب
وخلى العنود متحوطه بيدينه:مافي طلعه الا لسويتي اللي قلته لج
العنود ناظرته وحطت ايدها على رقبته:بس جذيه
طارق هز راسه:بس
العنود قربت وباست خده وشفايفه
طارق ذاب قفل الباب وبهمس:شكلنا مابنطلع
ضحكت بدلع العنود
طارق فك كرفتته ورماها وقرب العنود له باس رقبتها وو:<
<<<<<<<
نعود للكويت
عند رنيم وفهد
بعد ماجهزت رنيم طلعت
وانسحر فهد منها قرب ومسك ايدها:ياويل قلبي
رنيم بحياء:سلامه قلبك
فهد ابتسم وطلعو
راحو البحر
فهد شابك ايده بيد رنيم:احبك
رنيم:وانا احبك فهد اسفه على كل جرح سببته لك
فهد حط ايده على شفايفها:اشش انتي دواي انتي كل دنياي
رنيم كانت تناظره وتحس باحساس غريب
احساس انها ودها تحضنه وتوقف الدنيا
احساس ان فهد لها هي وبس
رنيم بهمس:توعدني انك ماتاخذ غيري
فهد ببتسامه:اموت قبل اخذ غيرك
رنيم بخوف:سم الله عليك
فهد:تخافين علي
رنيم:لو ماخفت عليك اخاف على منو
فهد:طيب احضنيني
رنيم انصدمت استحت فرحت كلها بنفس الوقت
فتح ايدينه فهد
ورنيم حضنته بقوه وبهمس:احبببك
فهد شدها اكثر وهو فرحان
ورنيم نفسه
فجر ووليد
وليد:بشتاق لج
فجر:وانا كمان
وليد:فجر تتزوجيني
فجر بصدمه:هاه
وليد:انا محتاجتك يافجر مابتحمل فراقك فجر انا اسبوع وبلحقج لرياض واخطبج من عمج
فجر بحياء:ربي مايحرمني منك
وليد:ولامنك
قرب بجراءه مسك وجهها وجلس يناظرها وباس شفايفها
فجر نزلت راسها ووجهها محمر
ابتسم وليد وتنهد بحب ومسك ايدها وكملو تمشي
..........
ضاري وديانا
ضاري:ديون
ديانا بصوت خافت:هلا
ضاري:ابيك
ديانا ناظرته على طول
ضاري: ديانا لو خطبتك بتوافقين
ديانا نزلت دموعها وفكت ايدها من ايده:اسفه ماقدر
وراحت تركض
ضاري كان منصدم ماتوقعها ترفض ناظرها وشافها تبعد
ركض لها وهو يناديها وماترد عليه ديانا ويحاول يسرع لان رجله مجبره
ومن قرب لها ضاري سحبها ولفها وصدمت بصدره:ديانا
ديانا كانت منصدمه وتحس بانفاس ضاري وايدينه اللي ماسكتها
ناظرته وحست بشعور غريب
الامان والخوف بنفس الوقت ضاري كان يناظرها بحب وبتعب
ديانا جلست بالارض وهو تبكي:ضاري انا ماقدر اتزوجك
ضاري نزل لمستواها:ديانا انا احبك
حطت ايدها ديانا على شفايفه:بس كافي
ضاري باس ايدها وشالت ايدها ديانا بسرعه:انا اخاف منك ماقدر اكون لك زوجه وانا اخاف منك
ضاري رفع راسها وركز بعيونها:انا راضي فيج وابيك وافقي ياديانا واوديك لدكتوره وراح تعالجك
ديانا حضنته:شمعنا انا
ضاري:القلب مابغي الا انتي
ابعدت ديانا بحياء ومسحت دموعها:موافقه
ضاري طار من الوناسه شالها وجلس يدور فيها من الفرح:واخيراا
ديانا ضحكت بحياء
.
نواف ونور
نواف:نور حياتي شفيك
نور:مادري حاسه بدوخه ومعدتي تعورني
نواف:نروح المستشفي
نور:لامايحتاج
نواف:لايحتاج ابي اطمن عليك
نور بتعب:طيب
مسك ايدها نواف ركبو تاكسي وراحو المستشفي
اول ماوصلو نزلو
ودخلت نور عند الدكتور وكشف عليها وسوا تحاليل
نواف دخل لدكتور:ها دكتور زوجتي شفيها
الدكتور:الحين بتطلع النتايج ونعرف تطمن انشالله خير
نواف ناظر بنور بتوتر:انشالله
شوي دخلت الممرضه معاها اوراق
اخذهم الدكتور وجلس يشوفهم ناظر بنواف:مثل ماتوقعت زوجتك حامل
نواف بفرح:حامل
نور بفرح حطت ايدها على بطنها:انا حامل
نواف نسى انه بالمستشفي شالها بفرحه:ايه حامل ياقلبي
انتبه لنفسه وناظر بالدكتور:يعطيك العافيه
الدكتور:واجبي
طلعو نور ونواف وفرحتهم لاتوصف
............
اميره واحمد
يتمشون وهم ساكتين
احمد:اميره سشالفه اخوك محمد
اميره:اي سالفه
احمد:سالفته مع اشواق انا ملاحظ انه بس يضايقها
اميره:وليش يضايقها
احمد ناظرها ورافع حاجبه:وش فيك زعلتي
اميره بنرفزه:مازعلت بس محمد اخوي ماحد يطيقه فيكم
احمد:لاتنسين انه ولد عمتي
اميره شالت اسماء:واشواق بنت عمه
احمد:الحين انا شقلت عشان تزعلين
اميره ناظرته بنص عين:ابد ماقلت شي
انقهر منها احمد وحاول يتحكم باعصابه
مسك ايد رائد وكملو تمشي وكلهم ساكتين
...........
ام نواف واشواق
ام نواف:شوقه
اشواق:لبيه
ام نواف:اممم بكلمك بموضوع
وابيك تفهميني
اشواق:قولي عمتي انشالله بفهمج
ام نواف:محمد يحبج و انتي تدرين ان
اشواق:عمتي
ام نواف:خليني اكمل
اشواق سكتت
ام نواف:محمد ولدي بيضيع ياشواق وماحد بيخليه يرد لوعيه غيرك طلبتج يا اشواق وافقي لخطبناج انا ام يا اشواق واتمني اموت ولا يضيع ولدي
اشواق حز بخاطرها من شافت دموع عمتها:انا موافقه عمتي
ام نواف بفرح:صدق يا اشواق
اشواق:ايه صدق
ام نواف باست اشواق
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك