رواية الجو بارد وابي حبك يدفيني -14
ام نواف واشواق
ام نواف:شوقه
اشواق:لبيه
ام نواف:اممم بكلمك بموضوع
وابيك تفهميني
اشواق:قولي عمتي انشالله بفهمج
ام نواف:محمد يحبج و انتي تدرين ان
اشواق:عمتي
ام نواف:خليني اكمل
اشواق سكتت
ام نواف:محمد ولدي بيضيع ياشواق وماحد بيخليه يرد لوعيه غيرك طلبتج يا اشواق وافقي لخطبناج انا ام يا اشواق واتمني اموت ولا يضيع ولدي
اشواق حز بخاطرها من شافت دموع عمتها:انا موافقه عمتي
ام نواف بفرح:صدق يا اشواق
اشواق:ايه صدق
ام نواف باست اشواق
واشواق قامت تمشي على البحر ودموعها تنزل"يارب ماحبه واخاف منه شلون اصير زوجته شلون وجلست على رجولها وتبكي بقوه
ام نواف قربت لها وجلست جنبها وحضنتها:لهدرجه كارهه محمد
اشواق حضنت عمتها وجلست تشاهق
وام نواف تحاول تهديها ومستغربه انقلاب حالها
اشواق ابعدت عن عمتها ومسحت دموعها:هذي دموع فرح
ام نواف:لاتكذبين ياشواق
وقفت اشواق:انا قلت لك موافقه
تنهدت ام نواف وقامت ورجعو الفندق
واشواق
رمت نفسها على السرير وجلست تبكي
وتذكر طق محمد لها
اجباره وتحكمه فيها وضمت مخدتها ونامت وهي تبكي
............
حنين ومشاعل
مشاعل:حدي بشتاق لج
حنين:وانتي بعد
مشاعل:حنونه لجيتي تنفذين خطتك على العنود علميني شيصير
حنين:ابشري
ابتسمت مشاعل
<<<<<<
البارات التاسع عشر
بعد مرور شهر
من الاحداث
طبعا ابطالي رجعو من الكويت
الجميع عرفو بحمل العنود ونور وفرحتهم فرحه
العنود وطارق
لاتزال السعاده تحاوطهم<<ياترى هل ستدوم؟
حنين
كم كبر حقدها وكرهها وحب انتقامها من طارق لما رات من السعاده التى تعيش بها
محمد
زواجه هو واشواق عقب شهر
وحده فرحان
نواف ونور
سعادتهم بالحمل لاتزال تغمرهم وينتظرون حضوره واشراقه بحياتهم
ضاري
زواجه هو وديانا بعد ثلاثه شهور
وسعادته لاتوصف
فهد
حبه لرنيم يعيشونه بحريه
وكل يوم ماينام قبل يسمع صوتها
هيام
اصبحت تحدث جريح الايام على المسنجر واصبح مستوليا على تفكيرها كليا
تركي
سوا المستحيل لاجل ان تكون غرور له وخطبها وزواجهم وملكتهم مع ديانا وضاري
ديانا
تشعر بخوف وفرح بنفس الوقت
اصبحت تحب ضاري ولكن خوفها لايزال موجودا
اشواق
اصبح الحزن يكسيها
فان خوفها من محمد خوف لايوصف من اجل عمتها وافقت ولم تسمع كلام احد فالكل كان مستغرب موافقتها
رنيم
فاهي كافهد لاتنام بدون سماع صوته
فجر ووليد زواجهم بعد شهر
مع محمد واشواق
ومشاعل وام وليد اتو من الكويت واستقرو بالرياض
<<<<<<<
بقصر طارق
العنود جالسه مع هدى
وتسولف
دخل عندهم طارق
وناظر بالعنود:مساء الشوق
العنود بحياء:مساء الحب
طارق ابتسم وجلس جنبها
وقربها له ومحوطه بذراعه
هدى تاشر قدام طارق:طارقوه عمتك انا ولاحتى طليت بوجهي جننتك العنود
ضحك طارق:حيل ياعمه جننتي
استحت العنود
هدى:مادري شمصبرك عليه يالعنود
العنود بسرعه:حبه
طارق ناظرها وهو ذايب على خدودها المورده
لفها له وقرب بيحضنها
هدى:ياطارق انتبه لبطنها
حط ايده طارق على بطن العنود وحضنها وايده على بطنها
هدى حست جلستها مو عدله فاقامت وطلعت
طارق همس باذن العنود:مشتاق لك
همست له العنود:وانا كمان
طارق ابعد وهو مبتسم وقف:نطلع غرفتنا
العنود:تعبانه مافيني اطلع
انحنى عليها طارق وباس شفايفها وبحب:انا اشيلك
شاله بين ذراعيه طارق وطلعو
والعنود دافنه راسها بصدره وايدها على بطنها
فتح الباب طارق ودخلو غرفتهم
حط العنود على السرير
طلع له بجامه وراح اخذ دش
من طلع قرب وانسدح جنب العنود وناظرها:بردان دفيني
العنود قربت له وحضنته بخفه لانها حامل وماتقدر تحضنه حييل
طارق همس باذنها:حبك بس يدفيني
ابتسمت العنود
وطارق قربها له شوي ونام
والعنود نامت معاه
..
ببيت ام نواف
بغرفه نواف ونور
نور منسدحه وضامه بلوزه لنواف تحمل ريحته
دخل نواف
ورفعت راسها نور
وابتسمت:اشتقت لك
نواف قرب وشاف بلوزته بحضنها جلس جنبها وبحب:ربي مايحرمني منك
نور انسدحت بحضنه:احضني:مشتاقه لك
نواف باس راسها وحضنها بشويش
....
بغرفه حنين
جالسه هي ومشاعل
حنين:بموت قهر يامشاعل
مشاعل:ليش قلبو ماعاش من يقهرك
حنين:اقولج صار يحبها
مشاعل:طبيعي بيحبها مو هي زوجته
حنين:وانا
مشاعل:انسيه ياحنونه
حنين:قبل اخرب بيته مابنساه
مشاعل:شبراسك
ابتسمت بخبث حنين:راح تشوف وش بسوي لولدت العنود هديه قومتها بالسلامه
مشاعل:شوقتيني
ضحكت حنين:الصبر حلو
مشاعل:حلو دامه منج
ابتسمت حنين وجلست تفكر باللي بتسويه
....
عند ام نواف
هي ومحمد جالسين بالصاله
محمد سرحان ويفكر باشواق
ام نواف حاسه انها ظلمت اشواق من خلتها توافق على محمد وهي ماتبيه
<<<<<<<
ببيت ابو ناصر
ام ناصر وابو ناصر جالسين بغرفتهم
ضاري وفهد وامجاد وهيام
جالسين بالحديقه ويسولفون
امجاد:الحين فهد الكبير وضاري الصغير ليش يتزوج قبل فهودي
ضاري:شدخلك
فهد:انا رنومتي لسه ماخلصت ثانوي صغنونه فديتها فابدري على زواجنا
امجاد:اوخص صغنونه افهم مني ومنك رنيم
هيام:انتي شحاشرك هم احرار
امجاد:اخواني وبنات عمو لازم احشر حالي
ضاري:هههه ليتك تنثبرين بس
فهد اخذ جواله وقام
هيام:انا مافي شي شاغل بالي الا اشواق
امجاد:مادري ليش وافقت
ضاري:اكيد في سبب يمكن عمتي مكلمتها
هيام:صح كلامك اكيد عمتي كلمتها
امجاد:بس حرام تظلم شوقه مع محمد
ضاري:الله يسعدها ماتدرون يمكن خيره
الكل :يمكن
رفع راسه ضاري فجاه ووقف بصدمه
<<<<<<<<<
ببيت ابو احمد
بغرفه تركي
جالس يكلم غرور
تركي:وه بس الصبر لين تمر هالثلاث شهور
غرور بدلع:الصبر حلو
تركي بخقه من دلعها:بشويش على ماقدر على هالدلع انا
غرور:احبك
تركي:اموت فيك
وظل يسولف معاها
.
بغرفه البنات
ديانا جالسه تسولف مع رنيم
واشواق واقفه عند الشباك وسرحانه
رنيم تهمس لديانا:شوفي اشواق
ديانا ناظرت باشواق النحفانه والحزن كاسيها:خايفه عليها
رنيم:لو اعرف بس ليش وافقت على محمد وهي واضح انها ماتبيه
ديانا:حتى انا
رنيم:ديوم انتي اطلعي وانا بكلمها
ديانا:طيب وقامت طلعت
رنيم قرب لاشواق وضمتها:شوقه
ناظرتها اشواق بحزن:لبيه
رنيم:اشتقت لك
اشواق:يابكاشه
رنيم:اشواق حياتي شفيك
اشواق:ولاشي
رنيم مسكت ايدها وجلستها ع السرير:اشواق ابسالك سوال
اشواق:اسالي
رنيم:ليش وافقتي على محمد وكلنا ندري انج تخافين منه وماتحبينه
اشواق:لا احبه
رنيم:لاتكذبين
اشواق صدت تخفي دموعها
لفت وجهها رنيم وشافت دموع اشواق اللي نزلت حضنتها:اشواق لاتدمرين حياتج مع محمد انتي ماتحبينه ومستحيل بيسعدك
اشواق ببكاء:عشان عمتي وافقت
رنيم:شلون عمتي
اشواق ابعدت ومسكت ايدين رنيم:تكفين مابي احد يعرف
رنيم:بس ياشواق
اشواق:لابس ولاشي ورمت نفسها بحضن رنيم:تكفين رنيم
رنيم تمسح على شعر اشواق:اهدى ومابقول لاحد
وظلت اشواق تبكي حتى غلبها النوم
عدلت سدحتها رنيم وقامت وجوالها دق
ناظرت بالاسم"دنيتي" ابتسمت وردت:الو
فهد:جعلني مافقد هالالو
رنيم:اخبارك
فهد:سمعت هالصوت كيف بتكون اخباري عال العال
رنيم بحياء:اشتقت لي
فهد بصوت ذوب رنيم:كثير اشتقت لك
رنيم:وانا كمان
فهد:الله لايحرمني منك
رنيم:ولامنك
وظلت تسولف معاه
..........
نطلع للحديقه
عند فجر وديانا
ديانا:تصدقين فجر انا ممنونتج
فجر:ليش
ديانا:لانك خليتيني انتبه لضاري
فجر:ههه شدعوه
تنهدت ديانا:اخاف ماقدر اسعده
فجر:لابتقدرين
ديانا:فجر اخاف منه لقرب لي اشوف وسكتت
فجر:مو ضاري قالج بيوديج لدكتوره تتعالجين
ديانا:انا مو مجنونه عشان اروح لدكتوره
فجر:لاحياتي الدكتوره مو لانج مجنونه
وقطع حديثهم دقه جوال فجر
فجر ناظر بجوالها وابتسمت لديانا وقامت
ردت بشوق:وحشتني
وليد:مو كثري
فجر:اخبارك ياروحي
وليد:بخير ياعمري وانتي
فجر:بخير
وليد:دووم
فجر:تدوم دقات قلبك لي
وليد:وعمرها دقات قلبي مابتكون لغيرك
فجر استحت
وليد:فديت المستحيه ياناس
ضحكت فجر وجتها نوبه الكحه وجلست تكح
وليد بخوف:فجر عمري شفيك
فجر تكح:مماا فيني شي
وليد:فجر حياتي شفيك
فجر جلست ونزلت الجوال وهي تكح بقوه
وليد قفل وركب سيارته وحرك بسرعه جنونيه 10دقايق وهو واقف عند بيت ابو احمد شاف الباب مفتوح دخل
وسمع صوت وحده تكح بالحديقه
عرف انها فجر قرب وشافها بالارض ووجهها احمر وتكح
وبخوف:فجر
رفعت راسها فجر
شاف ايدها وفمها كله دم وليد :فجر ايش هذا
فجر بصعوبه:آآه ووليد
شالها وليد بسرعه وركض فيها لسياره ركبها وحرك بسرعه
وكل شوي يناظرها
وقف عند المستشفي
فتح الباب وشالها ودخلها بسرعه
حطوها على السرير ودخلوها
وليد جلس يروح ويجي بالمستشفي وحده خايف"يارب خير يارب انا مالي غيرها"
<<<<<
نرجع لبيت ابو ناصر
بعد مارفع راسه ضاري وقف وبصدمه:ناصر
الكل التفتو بسرعه وضلو بحاله صدمه
ناصر قرب لهم وهو شايل معاه بنت:ماتبون تسلمون علي
هيام بفرح:ناصر وباسته:حمدالله على السلامه
ناصر:الله يسلمك
والكل سلمو عليه وفرحانين
امجاد:ناصر انت تزوجت
ناصر:ايه وهذي بنتي لارا
انصدمو اخوانه
فهد اللي كان توه قفل من رنيم
شاف ناصر وسلم عليه
ناصر:امي وابوي داخل
امجاد:ايه
ناصر:حيل اشتقت لهم
ضاري:تشتاق لك العافيه يالله ندخل ودخلو
ام ناصر كانت نازله ومن شافت ناصر نزلت دموعها
قرب ناصر وباس راس امه:اشتقت لك يالغاليه
ام ناصر:وينك عنا ياوليدي من سافرت لاحس ولاخبر وناظرت بالبنت اللي ماسكها
ناصر:ادري اني غلطان من راسي لساسي
وبنزلت ابو ناصر
وفرح برجعت ولده الكبير حضنه :حمدالله ع السلامه
ناصر:الله يسلمك يبه
ام ناصر:من هالبنت ياناصر
ناصر:بنتي يمه
انصدم ابو ناصر وام ناصر
ام ناصر:تزوجت اجنبيه ياناصر وبدون علمنا
ابو ناصر:وجاب بنتك وجاي بقوه عين
ناصر:يبه خلوني افهمكم
ام ناصر:شتفهمنا
ناصر:تعالو نجلس ونتفاهم
ابو ناصر وام ناصر جلسو
وناصر جلس يقولهم انه كان مجبور وانه طلقها ورجع
وتفهمو اهله مع انهم زعلانين شوي
ناصر شال لارا اللي نامت وطلع لغرفته يرتاح
فهد:وانا تعبان بروح ارتاح
ضاري:وانا بعد
وراحو غرفهم
امجاد ناظرت بهيام:سرينا
هيام وقفت:سرينا
<<<<<<
ببيت ابو احمد
ديانا حست ان فجر تاخرت
وراحت تشوفها
وماحصلتها
حصلت بس جوالها
شالته وشافت اخر مكالمه وليد
اتصلت فيه وحدها خايفه على فجر
رد وليد:الو
ديانا:وليد فجر فين
وليد:لاتخافين هي معاي
ديانا براحه:اشوا اوك باي
وليد:باي
قفلت وهي مطمنه ورجعت دخلت داخل
<<<<<<
بالمستشفي
وليد جالس عند فجر
وماسك ايدها وهي نايمه مثل الاطفال ويبكي
سند راسه على كتفها
وهو يتذكر كلام الدكتور
وليد:دكتور طمني
الدكتور:تفضل معاي لمكتبي
وليد مشي مع الدكتور
ودخلو المكتب
جلس وليد
الدكتور:انا مابخبي عنك شي
وليد:خوفتني دكتور فجر شفيها
الدكتور:تاخرتو بجيبتها لهنا فجر معاها السل وحالتها جدا سيئه
وليد بصدمه:السل
الدكتور:للاسف ايه
وليد:يعني مافي علاج
الدكتور:بترتاح عندنا اليوم وبنعطيها علاج تدوم عليه دوم يهدي الكحه اللي تجيها
وقف وليد وحزن الدنيا فيه:يعطيك العافيه دكتور
وليد رفع راسه عن كتف فجر ودموعه تنزل"فجر لاتتركيني ماصدقت رجعتي لي مابستحمل ضياعك مني مره ثانيه مابستحمل"وظل يناظرها ودموعه ماوقفت
<<<<
بقصر طارق
صحى طارق وماحصل العنود
قام وبدل بجامته ونزل تحت
شاف العنود جالسه تبكي مشغله التلفزيون
دخل وبخوف جلس جنبها:عنودتي شفيك
العنود وهي تمسح دموعها وتاشر على التلفزيون:تفارقو
طارق جلس يضحك
العنود برطمت:ليش تضحك
طارق يحاول يمسك نفسه عن الضحك:تبكين عشانهم افترقو
العنود:ايه وكمان هو خاين
طارق بلع ريقه:يمكن من تزوجها وفاء لها بس قبل زواجه كان طايش
العنود:بس كان لازم يقولها مو هي تكتشف هالشي
طارق:وانتي لو كنتي مكانها شبتسوين
العنود:انا ماسامح على الخيانه
وبتركو
طارق حس بضيق وخاف لو حنين نفذت اللي براسها وعلمت العنود عن علاقته معاها خاف للحظه انها تتركه
العنود:طارق شفيك
طارق ناظرها:اوعديني ماتسمعين كلام اي احد بيخرب بيننا
العنود:شتقصد
طارق:مو مهم تفهمين الحين بوقته بتفهمين بس اوعديني
العنود:اوعدك
ابتسم طارق:الساعه2واحنا صاحين شكلنا مابنام الا الصباح
العنود سندت راسها على صدره:شكلنا
<<<<<<<
في شروق الشمس
بالمستشفي
فتحت عيونها فجر وشافت وليد نايم جنبها
ابتسمت وبهمس:وليد
فز وليد وناظرها:سمي
فجر:انا وين
وليد بحزن وهو يتذكر كلام الدكتور:بالمستشفي
فجر تذكرت امس:وليد انا شفيني
وليد ابتسم ولكن ماقدر يمسك الدمعه اللي خانته ونزلت
فجر:وليد شفيك
وليد:ولاشي ياعمري
فجر:وليد انا فيني شي
وليد:سم الله عليج ياقلبي مافيج شي
فجر:طيب متى اطلع
وليد:بروح اشوف الدكتور وارد لج
فجر ابتسمت
وليد طلع وراح لدكتور
وسجل لفجر خروج
وراح جاب علاجها
عقب راح لها
فجر وهي توقف:ابي عباتي
تذكر وليد انه شال فجر بدون عبايه ولاشي من خوفه عليها
ضحك:مايجبتها
فجر:ياسلام وانا كيف اطلع
وليد رمى جكيته:حطيه عليج لان صعب اخلى احد من بيت عمج يجيبها المستشفي وانا قلت لهم اننا راحين الشرقيه على البحر
فجر:طيب حطت الجكيت عليها وطلعو بسرعه
ركبو السياره وحركو
وصلو البيت
نزلت فجر بسرعه ودخلت
لحقها وليد:فجر
لفت فجر:قلبها
وليد:دواج
فجر:اوه نسيت
وقربت وخذته
وليد:اوعديني تاخذينه بوقته وماتنسينه
فجر:اوعدك
باس خدها وليد وطلع
دخلت دواها فجر بجيب جكيت وليد ودخلت
واستلموها البنات اسأله
<<<<<<
فجر ومرضها؟وخوف وليد ياترى ايش بيصير لفجر؟
رجعت ناصر؟
رنيم وفهد؟
اشواق ومحمد ؟
البارااات العشرين
بعد مرور هالشهر
فجر وليد=حب بجنون وليد كل ماجاء وقت الدوء عشان فجر تاخذه يتصل فيها
العنود وطارق
يعيشان بسعاده
والعنود بشهرها الخامس
تركي وغرور
لايزلان يحبان بعضهم وبقوه
ضاري
ديانا مسيطره على تفكيره بالكامل وديانا ايضا ضاري احتل جل تفكيرها
والكل عرفو برجعه ناصر
وفرحو بعودته
<<<<<<
اليوم سيتوجان عريسان وعروستان من ابطالي
فجر&وليد
اشواق&محمد
بالقاعه تحديد
البنات محيوسات
واللي ترقص واللي تضيف........الخ
بغرفه
فجر واشواق
فجر بفستانها الابيض الطويل
فرحانه حدها
بعكس اشواق اللي الحزن يكسيها
فجر:شواقه
اشواق رفعت راسها لتسقط دمعتها مسحتها:هلا
فجر قربت لها:شفيك ياعمري
اشواق بكذب:خوف اي وحده بيوم زواجها
فجر:فديتك لاتخافين حمود وايد يحبج
اشواق بخاطرها"بس انا ماحبه ماحبه:ايه وايد
ابتسمت فجر
الا بدخلت رنيم وامجاد
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك