رواية الجو بارد وابي حبك يدفيني -15
اشواق رفعت راسها لتسقط دمعتها مسحتها:هلا
فجر قربت لها:شفيك ياعمري
اشواق بكذب:خوف اي وحده بيوم زواجها
فجر:فديتك لاتخافين حمود وايد يحبج
اشواق بخاطرها"بس انا ماحبه ماحبه:ايه وايد
ابتسمت فجر
الا بدخلت رنيم وامجاد
رنيم:واي عقبالي
فجر بضحكه:لا مطوله ثلاث سنين لقدام
امجاد:يصبر اخوي
رنيم:وانتم شدخلكم فهودي راضي
فجر فطست ضحك
امجاد:فهودي والله وصرنا ندلع
رنيم بغرور:ماادلع اي احد بس فهودي
وناظرت باشواق السرحانه وحست بحرن على اختها قربت لها:شوقتي
اشواق تصنعت الابتسامه:هلا
رنيم:طالعه وايد حلوه
اشواق:تسلمين ياقلبي
امجاد:محمد بيذوب لشافج
اشواق تضايقت بس ماحاولت تبين
شوي دخلت ديانا وام احمد وام ناصر وام نواف
ام نواف قربت لاشواق وباستها:سامحني ياشواق انا ظلمتج بهالزواج
اشواق:لاياعمتي لاتقولين هالكلام انا وافقت برغبتي
ابتسمت ام نواف
قربت ام احمد لبنتها:طالعه قمر بنتي
اشواق ناظرت بامها ودموعها توشك على السقوط
ام احمد هزت راسها بمعنى لاتبكي
اشواق ماقدرت وقامت حضنت امها وجلست تبكي بحراره
والكل انصدمو وجلسو يبكون معاهم
حتى فجر
ام احمد:شوقه حبيبتي بسج
اشواق بشاهق:آآآه يمه
ام نواف حست انها حقيره من اقنعت اشواق توافق على محمد
رنيم قربت لاشواق:اشواق ماحد يقدر يجبرك على محمد بس تكفين لاتبكين
اشواق قوت بضمتها لامها وظلت تبكي فتره
بعدها هدت نوعا ما
وابعدت عن امها
ام احمد:ليش اصريتي على انك تبين محمد وانتي ماتبينه
اشواق ناظرت مكياجها اللي خرب:لاني ابيه
رنيم بعصبيه:كذابه وانتي موافقه عشان
اشواق لفت عليها وبصراخ:رنيم انخرسي
رنيم انقهرت وطلعت وامجاد لحقتها
حاولت تعدل مكياجها اشواق
وفجر بعد
ام ناصر:زفتكم الحين
ام احمد:فجر زفتها اول
ام ناصر:ايه
فجر حست برجفه وفرح
حطت لمساتها الاخيره على نفسها
وانزفت على موسيقي كلاسيكيه
والبنات باسوها وفرحانين
دقائق
ليتغطو جميع الحضور
ويدخل وليد
فز قلب فجر له
قرب وليد وهو منسحر منها
باس راسها:مبروك يافجري
فجر بهمس:يبارك فيك
جلسو وسلمو عليهم
شوي وانزفو
سلمت فجر على اهلها وطلعت مع وليد راحو الفندق
نعود لعروستنا اشواق
ديانا دخلت عندها وشايله لارا بنت ناصر:شوقه زفتك الحين
وقفت اشواق :طيب
وناظرت باميره وحنين دخلو عندها
اميره باستها:مبروك شوقه
اشواق:يبارك فيك
حنين بحقد:مبروك عليك اخوي
ديانا:حنين انتي شتبين جايه
حنين:وانتي ايش دخلك
بدخلت العنود:دخلها انها اختها
التفت حنين من شافت العنود ابتسمت:اهلين العنود
العنود بجفاء:اهلين
ناظرت حنين ببطن العنود الواضح وبالخاتم الالماس اللي لبسته وغيرتها ولعت
ام احمد دخلت:اشواق يالله زفتك
اشواق مشت بسكات
وانزفت والبنات سلمو عليها الارنيم
شوي دخل محمد
وقرب لاشواق وباس خدها وقرب بيبوس شفايفها بجراءه قدام الكل
صدت اشواق
ابتسم محمد بخبث:مو مستعجل على شي كله ساعه وتكونين بحضني
خزته اشواق وحست بقرف من شافته
رنيم قربت وهي متلثمه وبصوت ماسمعه الا اشواق ومحمد:وقسم بالله ياولد عمتي لو تزعل اشواق وقسم بالله بتندم
ومشت
واشواق خلاص شوي وتصرخ وتجلس تبكي
حست ام نواف فيها وزفوهم
اشواق سلمت على اهلها وضمت رنيم حيل وهمست لها:خايفه
ومشت بسرعه ركبت مع محمد وحركو للفندق
رنيم جلست على رجولها وتبكي
امجاد جلست جنبها:رنوم شفيك
رنيم:شوقه ماتبي محمد حرام ليش كذا
امجاد:بس هي وافقت برغبتها
رنيم ناظرت بعمتها:الله يسامحك على اللي سويته لاشواق
ام نواف حز بخاطرها فادخلت داخل
ورنيم ضمت نفسها وجلست تبكي
امجاد اتصلت بفهد
ودخل وشاف رنيم تبكي وبخوف:رنيم
رفعت راسها رنيم وشافت فهد قامت بسرعه حضنته وجلست تبكي:فهد
فهد:قلب فهد
رنيم:شوقه ماتبي محمد هو مايحبها لو يحبها ليش يمد ايده عليها
فهد ابعدها ومسح دموعها:ياقلبي انتي ترا محمد مو سيئ لهدرجه
رنيم:الا سيئ
فهد:حياتي والله محمد يحب شوقه حيل بس ماعرف يعبر عن حبه زين
رنيم:انزين انت بعد تطق مثله
فهد ببتسامه:اطق العالم كله الا انتي
توردت خدود رنيم ونزلت راسها
رفع راسها فهد:احبك
رنيم باست خدها وركضت داخل
ضحك فهد وامجاد
وطلع فهد
ودخلت امجاد
بالفندق عند وليد وفجر
فجر بدلت فستانها لبست قميص نوم ابيض
وتعطرت وطلعت لوليد
اللي انسحر من شافها
قربت فجر له وهي ميته حياء وجلست
وليد قربها لها اكثر وهمس باذنها:مو مصدق انك ملكي الحين
فجر ارتجفت وتحس بانفاسه تلفح رقبتها
حس فيها وليد وابعد شوي:نتعشي
فجر بهمس:مو مشتهيه
وليد:ولا انا
فجر نزلت راسها
وليد رفع راسها وقرب وطبع قبله طويله على ثغرها
وبعدها حضنها
فجر كانت خايفه بس حست بالدفي بحضنه
حضنته وهمست له:احبك
وليد ابعد وجلس يناظرها ويشوف صدرها اللي يرتفع وينزل ابتسم وقف وانحنى عليها وشالها
فجر ناظرته بخوف ومن شافت ابتسامته استحت
دخل الغرفه وليد
وحطها على السرير
قفل الباب وقرب لها وو.<
...........
بفندق اخر
محمد واشواق
اول مادخلو
محمد
مسك اشواق على طول وقربها له
واشواق ترجف من الخوف
رفع راسها محمد:مو قلت لك يا اشواق انك لي
اشواق حاولت تبعد بس ماسكها
محمد:ولاتفكرين
اشواق بخوف:محمد اتركني
محمد:انسي
اشواق دزته بقوه
وجت بتدخل الغرفه بس محمد اسرع
مسكها وسحبها بقوه له:لاتتعبيني
اشواق تضربه على صدره:اتركني انا مابيك ليش ماتفهم
محمد قرب وباس رقبتها:يكفي انا ابيك
اشواق حست بقرف من باسها وصارت تحاول تبعده بس ماقدرت شالها محمد
واشواق تتحرك:نزلني
دخل الغرفه محمد وسكر الباب وبهمس:اشش
اشواق:نزلني
محمد نزلها على السرير وجات بتبعد اشواق بس مسكها
وو.<
............
بعد العشاء بالقاعه
الكل طلع من القاعه ورجعو بيوتهم
<<<<<
ببيت ام نواف
نامت وهو تتذكر شكل اشواق وتبكي
ونور كانت تحس بتعب خصوصا انها بشهورها الاولى فاتحس بتعب
نواف بهمس:نور حياتي شفيك
نور:احس بدوخه بس لاتحاتي
نواف قربها له:بس
نور:والم بظهري خفيف
باس راسها نواف وحضنها اكثر ونام ونور نامت بحضنه
<<<<<
ببيت احمد
اميره نومت عيالها
ودخلت الغرفه شافت احمد نايم
ابتسمت واخذت لها بجامه وبدلت وانسدحت حطت راسها على صدره وسكرت عيونها
وماحست الا باحمد يمرر ايده على ظهرها ويقربها له
رفعت راسها اميره وشافته صاحي
قربت راسها له:احسبك نايم
احمد:مجنون انام والقمر مو جنبي
ابتسمت بخجل اميره
باس شفايفها احمد وو<:
<<<<<<<<
بيت ابو ناصر
الكل نامو
الا هيام اللي تفكر"بجريح الايام"
مسكت جوالها
وهي تتذكر من اعطاها رقمه
ورفضت تكلمه
بس هالمره حست انها تبي تكلمه
دقت عليه وهي متردده
.الو
هيام:........
............الو
هيام:الو
.........هلا والله من معي
هيام بتردد:انا نبع الغلا جريح
جريح الايام:نبغ الغلا بالمنتدي والمسن بس هنا غير
هيام:قصدك تبي تعرف اسمي
جريح:بكيفك والله
هيام:اسمي جنى
جريح:هههه قصدك هيام
دق قلب هيام بخوف:انت منو
جريح:انا جريح الايام انا اللي حبك من طفولته بس الايام وجروحه ابعدتني عنك
هيام:انت مين
جريح:برسل لك صوره الحين يمكن لشفتيها تعرفيني
هيام:اوك باي
جريح:ههه لهدرجه مستعجله يالله باي
قفل وجلست هيام عشر دقايق تنتظر المسج
دق جوالها يعلن عن وصول الرساله
فتحته هيام لتنصدم بالصوره
وتسقط دموعها
<<<<<<
ببيت ابو احمد
طبعا الجميع نامو
وبالهم عند اشواق
خصوصا رنيم
<<<<
بقصر طارق
بدلت العنود وانسدحت وايدها على بطنها
وطارق مشغول بالمكتب
اخذت صورته العنود اللي جنبها وصارت تناظرها"اه شكثر احبك ياطارق الله لايحرمني منك"
وباست الصوره
وضمتها ونامت
دخل طارق وشافها نايمه وضامه صوره
قرب وشافها صورته ابتسم وشال الصوره بشويش بس حست فيه العنود وفتحت عيونها
ابتسم طارق
حط الصوره
وجلست العنود
طارق:اسف فوقتك
العنود:كنت انطرك
باس خدها طارق:ادري تاخرت عليك بس انشغلت شوي
العنود:عادي حبيبي
قام طارق بدل
وانسدح جنبها
حضنها بشويش
ونامو
<<<<<
ببيت ام وليد
مشاعل:شفتي يمه شفتي عصاك واخذ فجر
ام وليد وحقد الدنيا بقلبها:اوريها هالفجر وموتتها بتكون على يدي
مشاعل:وش بتسوين يمه خلاص وليد تزوجها
ام وليد:بتشوفين وش بسوي ولاتستعجلين
مشاعل وقفت:نشوف تصبحين على خير
ام وليد:وانتي من اهله
وظلت طول اللي تفكر بفجر وايش بتسوي معاها
<<<<
انتهى البارات
توقعاتكم
لوليد وفجر؟وهل ام وليد فعلا بتنتقم من فجر لتبعدها عن وليد؟
اشواق ومحمد وكرهه له هل في امل تحبه؟
رنيم وفهد وحبهم بيبقي؟
طارق والعنود وحقد حنين هل بتقدر تفرق بينهم؟
والصوره اللي شافتها هيام ياترى لمن؟وليش بكت؟
البارات الواحد والعشرين
في صباح يوم جديد
بالفندق
وليد صحى وشاف فجر باقي نايمه
ابتسم وهو يتذكر امس وخوف فجر منه ورغبتها له بنفس الوقت
قرب وباس شفايفها
فتحت عيونها فجر واستحت من شافت وليد قريب منها
وليد:صباح الورد
فجر بحياء:صباح الشهد
وليد حس فيها وابعد
سحبت الشرشف بسرعه فجر ودخلت الحمام
فقع ضحك عليها وليد
بعد ربع ساعه طلعت فجر
بروبها
وليد وقف وقرب لها
فجر:وليد
وليد:قلبه
فجر:احم روح اخذ دش
ضحك وليد لانه فاهمه:طيب
وراح اخذ دش
وطلع
شاف فجر لبسه فستان احمر قصير وشعرها اللي طال عقب القصه بدل وقرب لها:وش هالحلا
فجر مستحيه
وليد:اوف فجر قبل ماكنتي تستحين ومن تزوجنا صرتي تستحين
فجر رفعت حاجبها:ليش كنت فاصخه حياي قبل
ضحك وليد وقرب لها:امزح وباس شفايفها
فجر حمرت خدودها:ورانا سفر
وليد:وه نسيت اغرضنا جاهزه
فجر:ايه بس نسلم على اهلنا قبل
وليد:اكيد ياروحي قومي لبسي عباتج
فجر قامت لبست عباتها وركب وليد شناطهم بالسياره وحركو لبيت ابو احمد
<<<<<
بالفندق الاخر
اشواق جالسه بالزاويه وضامه نفسها
وتبكي
صحى محمد وناظرها:اوه عاد انتي هيه ترك ماخليتيني انام طول الليل من صوتك
اشواق بشهاق:اكرهك
محمد قام ورفعها وبحمق:اذا سمعت هالكلمه منج مره ثانيه لاتلومين الا نفسك
اشواق ودموعها تنزل:وش بتسوي بتمد ايدك علي مو اول مره وانت مو رجال لو انك رجال كان ماتجبر وحده عليك وتقرف من قربك
جسمي كله قرفانه منه لانك لمستني
وماحست الا بكف طيحها بالارض
محمد بعصبيه:راح تندمين يا اشواق راح تندمين على كلامك هذا
وحس بصداع وجسمه نمل
بسرعه فتح الدرج واخذ كيس صغير ودخل الحمام وحط بيده بودره وشمه
وسند ظهره على الجدار وحس براحه
فتح الباب وهي يضحك وطلع لصاله
اشواق رفعت نفسها وتحس بالم بخدها ناظرت بالمرايا شافت دم عند شفايفها ودموعها تنزل
دخلت الحمام واخذت دش وتفرك بجسمها بقسوه لانها قرفانه منه
بعدها طلعت ولبست بنطلون ابيض وبلوزه حمراء
وخلت شعرها اللي كان بوي وطال مفتوح
وناظرت بخدها وعلامه اصابع محمد بخدها
تنهدت بتعب وتعطرت
ولفت الا بدخلت محمد
محمد انسحر فيها:جهزي الاغراض لاننا بنسافر الحين
اشواق:ابي ارواح اسلم على اهلي
محمد:تحلمين من هنا للمطار على طول
اشواق:مو بكيفك ان
قاطعها محمد بصراخ:قلت لك روحه لاهلك مافيه
وخمس دقايق معاك وتطلعين برا
وطلع
اشواق جلست على الكرسي ودموعها تنزل"الله ياخذك وافتك منك"مسحت دموعها وقامت جهزت الاغراض خافت لايذبحها لو عاندت
وبعد ماخلصت طلعت شافت محمد جالس بالصاله
قام اخذ الاغراض وببتسامه قهرت اشواق:شطوره زوجتي
وطلع
حست بقهر اشواق ولحقته
ركبو السياره
وحركو
وطول الطريق السكوت سيد هم
وصلو المطار
ونزلو
شوي وسمعو صوت مناده
للمسافرين
لاسطنبول
وقفو ومسك ايدها محمد حاولت تفك ايدها اشواق وماقدرت
مشو وركبو الطياره
واقلعت بركابها
<<<<<<<
ببيت ابو احمد
فجر جالسه تسولف مع بنات عمها
رنيم:اشواق ليش ماجت
ديانا:عرسان شلك فيهم
رنيم:عرسان بلاك ماشفتي اشواق امس
ديانا:لاشفتها
فجر:المهم انا بروح لان وليد دز لي مسج تاخرنا
وقمت سلمت على مرت عمها وبنات عمها وعمها وطلعت
ركبت مع وليد وراحو المطار
ومنه ركبو الطياره
لتقلع الى اسبانيا
<<<<<<
ببيت ابو ناصر
هيام
واقفه عند الشباك من امس
مانامت تفكر بالصوره
دخلت امجاد عندها:هيوم
هيام:نعم
امجاد:شفيك
هيام:بليز اتركيني بروحي
امجاد:طيب
وطلعت
تنهدت بضيق هيام"معقوله يكون سلمان معقوله
لالالا مو معقوله لو سلمان كان رجع لاخته الوحيده المحتاجته من زمان بس هو عرف اسمي وكمان الصوره لي انا وسلمان واحنا صغار كيف وصلته اكيد هو اااه ياسلمان ياحب طفولتي وينك عن هيومتك وينك عني محتاجه لك"اخذت جوالها
وجلست تكتب له رساله
بس وصلت لها رساله قبل ترسل
طلعت وقرتها من جريح الايام
"وانا ياهيام محتاج لك كثير والله كثير وابي ارجع بس خايف ارجع وماحصل من ياقبل برجوعي"
اتصلت فيه هيام على طول بعد ماتاكدتت شكوكها
........الو
هيام بلهفه:سلمان
قلب سلمان
هيام جلست تبكي:وينك سلمان ليش تركتنا ليش
سلمان:اهدي ياعمري كنت مجبور كنت محطم وخايف
هيام:خايف من ايش مافكرت بفجر اختك وانها وحيده ومحتاجتك بعد وفات امها وابوها وانا ياسلمان مافكرت فيني من بعدك ايش صرت فيني
سلمان:هيام قلبي فهميني
انا كنت بالمستشفي
هيام:لاتحط لنفسك مبررات وظلك نفس ما انت مختفي ليش رجعت ليش
سلمان:هيام فهمي احبك ياهيام احبك رجعت لجل اختي ولجلك
هيام:توك تذكرت اختك توك فجر تزوجت وسافرت واخوها مادرا عنها
سلمان:من قالج انا حضرت زواجها وتبعتها لين دشت الفندق مع وليد
هيام:لا بصراحه تعبت حالك ليش ماحضنتها عوضتها عن يتمها حسستها ان لها اخو وسند وعضيد لضامتها الدنيا يحتويها ليش خليت نفسك متفرج
سلمان:بسج خلاص كافي تلوميني لومي الدنيا لومي البشر
هيام:صدمتني ياسلمان صدمتني اهون علي ابقي اعرف انك مختفي ولا اعرف انك موجود ولفكرت بفجر
سلمان بحزن:فكرت فيها ياهيام فهميني
هيام:شفهم
سلمان:ابي اشوفج عشان افهمج
هيام:اسفه مابي اشوفك ولاحتى بدش للمنتدي ولامسن ولابكلمك
سلمان:هيام في اشياء وايد لازم تفهمينها عقب قرري
هيام:مافي اي شي ممكن يبرر اللي سويته
سلمان:عقب ساعه ابي اشوفج عند......... ولو ماجيتي تحملي اللي بيجيج
وقفل
رمت جوالها بقهر هيام
"اوف بس انا لازم اروح اعرف ايش اسبابه اكيد عنده اسباب وانا اذا رحت بروح اشوفه لاني ولهانه عليه"
تنهدت براحه
وطلعت لها لبس
ولبست ولبست عباتها
وراحت لابوها
دقت الباب
ابو ناصر:دش
دخلت :السلام
ابو ناصر:وعليكم السلام
هيام:بابا في كم غرض خاصات ابي اروح اشتريهم اذا موافق
ابو ناصر:طيب حبيبتي روحي
باست ابوها هيام وطلعت
ركبت مع السايق حمدت ربها ان ماحد شافها عشان لايبلشونها
وقالت لسايق
وراحو المكان المحدد
نزلت هيام
وشافت واحد معطيها ظهره
دق قلبها بقوه عرفته وعرفت انه سلمان
قربت وحس فيها سلمان والتفت
شوووق احتاج كل منهما
وبقي يناظرون بعض
سلمان قرب وحضن هيام بقوه
هيام كانت منصدمه ودموعها تنزل
سلمان بهمس:حدي ولهان عليج
هيام ساكته وتبكي
سلمان ابعد وفك غطوتها وتناثر شعر هيام:من يومج حلوه
هيام:يالله تكلم
سلمان تنهد:هيام انا من توفي ابوي وامي ماتحملت الصدمه
تركت البيت
وتعرفت علي شله يتاجرون بالمخدرات وادمنت
وضعت ياهيام ضعت وجلست ست شهور ضايع ومدمن
بس فقت على نفسي
ورحت لمستشفي الامل اتعالج وجلست اتعالج شهور وطلعت بس صعبت علي رجعتي صعبت علي حيل وماقدرت الا اتطمن عن اختي وحبيبتي من بعيد
هيام كانت تسمعه ومنصدمه:اول شي خل فجر تفرح انك عايش وموجود
والاشياء الباقيه اذا انكسرت ماتصلح
ولفت طرحتها ومشت
سلمان واقف منصدم
ركض بسرعه وسحبها وصارت قريبه منه:ما خبرتك قاسيه ياهيام
هيام:اتركني
سلمان:هيام بغيتج تفهميني بس خذلتيني
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك