رواية بلا رقيب -13
فهـــــــد :وش بـعـــد اللي ماتحبينــــه بالرجال ...
حسن أليك ياعزيــــزي ....
ميشـــو :هل تريد الحق ....
فهــد :أكيـــــد ...
ميشــــو :أنا الرجل بحد ذاته بالنسبه لي مخلــوق كريه .... أما بالنسبــه للصفات اوبالأحــرى التصرفات التي تعجبني من الرجال الزواج في سن مبكـــــره ...
صمت قليلاً ويبدو أنها أصابته ...
فهـــد :قصدك اللي تزوجــون وهم الصغار طيب ومتى المفروض يتزوجــون وكم عمارهــم .....؟!
ميشــو :في ســـن الثــــلاثين ....
صاح بــــي وكأني أسن قانـــــون ......
فهــد :ايشششش لشيبنا يعني .....
ميشــو:وماشأني أنا بك أنا أقول مايعجبني ومالايعجبنـــي لا أهتم أو أبه أذا كان يوافق أرائك اولا يوافقها ....
سعــل بحده ثم سألني أن اكمـــــل حديثي .......
ميشــــــو :أحتقر الرجل الذي يتزوج أكثر من أمـــرأه .....
هذه المره بالتأكـــــيد أصابته بالصميــــــم .....
فهـــد :ماعليــه وش بعـــد ...
ميشـــو :عـــدوي الرجل اللذي يعتقــد بأن المـرأه مكــانها المنزل .....
فهـــــــد :وأنا بعــــــــد ....( خللك ســاكت أحسن لك مأبي أفضحك قدام ميشو والقراء )
ميشـــــو :لأستسيغ الرجال المــدخنين والذين يسافرون بكثره للخــارج ...
وســردت عليه باقــي صفاته بالطريقه مهذبه وكأني أتحدث عن شخص أخـــــر ...
ميشــــو :حسناً مارأيك ...
لكــن لم يجبني بل صمــت قليلاً ثم سألنــــي..
فهــــد :وش أسمك ...
كنت اتوقع مثل هالسؤال ..... وقد حضرت الأجابه مسبقاً ..
ميشو :وماشأنك أنت انا حتــى لم اسألك عن اسمك ..؟!
فهــــد:بس من عيوني أسمـــــي ...
قاطعتــه ..
ميشـو :فهــــــد ....
فهـــد :ولايهمك أذا بغيتـــي أصير لك فهــــد ...
اجبت بالنبره حالمـــــه أضناها الشوق ....
الحلقه الثالثه عشــر
((1))
<<..من أجل من اضحـــي ..>>
ضحــى ..
وصلت البيت بعد معاناه مع الحر وزحمــة السير وزياده عليهــا التوتر اللي مصـاحبني من وافقت أطلع مع عسـاف ... دخلت البيت وكانت الصدمــه لي يوم لقيت أو بالأحرى مالقيت أحد ......
بديت أنادي :ساراا ملااك وعــد .....
ماجاني رد غير صدى صوتي .. جلست أكلم نفسي :يعني وين راحــو ذولااا ........
حسيت بحركه جايه من فوق .... وبعدها بالثواني نزلت روبــي وراها مشاعــــل .....سالتها ..
ضحــى :وينهم مولاقيه أحد ......
ميشو :لأعلم .. لم أخرج من غرفتـــي منذ ساعتيـن .....
لاعاد هذي حاجه تحط العقل بالكف يعني وين راحــو ..
ميشو اللي جلست قدام التلفزيون وبحضنها روبـي ... قالت لي بكل برود .....
ميشــو:حسناً أي سيذهبـون لابد أنهم في مكان ما في المنزل ......
يقهرني برودها خاطري أخنقها لين تصحى من الااامبالاه اللي عايشه فيها ....
ضحـى :اللحين خواتك مولاقيتهم فالبيت وأنتي بكل برود ...........
قطعت كلامــي يوم شفت التوأم ووعــد نازلين من فوق ....
ضحــــى :وين كنتم ...
وعد :بالسطح ولاممنوع بعــد ....
ضحــى :الساعه ثلاث العصر وش تسون فالسطح ....
وعد :نصنع القنبله النووويه ....
وطنشتنــي وراحت تتهاوش مع ميشو على المكـــــان ...
سألت التوأم ....
ضحى :وين الباقيين ......
ملاك :سليب ....
لاصدقوني البيت اليوم فيه شي موطبيعي النظام كله مختل ....
سارا :ايه صح ضحـى قبل مأنسى خليني عســافوه سألنا الربع طعشــر مررره عن مــوعد رجعتك من المــدرسه ....
أرتبكــت ليه يسألهم وش قصده من هالحــركه اكيد يبي يوضح لهم شـــــي ..
ضحــى :متى صار هالكــلام وش يبـــــي ...
سارا :مأدري وش يبي هالمليق ياكرهيله ..
ملاك :ايه صح ألصبح وأنتم طالعيــن قفلوا الباب بالمفتاح مو كل شــوي لاقيته فالبيت مره بالصاله مره بالمطبــــخ ...
وعــد :ايه صح بعد احسن لو تطلبون منه يطلع من البيت كلش مأحبــه ثقيل دم ..
ياحليلكم تكرهونه أجل أنا شقول وأنا اللي مأبتليه فيــه ..
ضحــى :ايه صح وعــد قبل مأنســى اليوم رحت للمديرتكــم وبطلع الروح قدرت أقنعها تسمـح لك تدخلين الأختبــارات بس بلجنه خاصه وطبعاً ماتكملــين اليوم الدراســي تختبرين بس وتطلعيــن ...
شكله مأعجبها كلامــي مع أن كل اللي أسويه عشـان مصلحتها ..
وعــد :اووف يعني كان لازم مايحتاج ادخل هالاختبـار بالنهائي أقدر اجيب الفل وأنجح ...
ضحــــى :يازينك ساكته بس عساك تجيبين بس اللي ينجحك .. وأختك الثانيه وش عنــدها مـع أبله هيله ..
وعــد :وعععععع ياشين مأطريتي ..
ضحــى :وجــعع ان شــاءلله وأن أكلمــك تردين علي فاحترام ..بعــدين أحترمـي هالمعلمـه على الأقل أبلة ديــن ..
وعـــد :سوري مأقدر أحترمها وهي مو محترمتنــي .. وش عنــدها مع نوف تقــول لها انها متشبهه وأن اللي تســويه حرام وتقــول لاتقص شعـرها ولد ..
ضحــى :واختك المحترمـه وش ردت ..
وعــد :ماردت طنشتها وطلعــت لأن الأبله كانت طاردتها وتقول لاعاد تحضرين لي وأنتي على هالشكــل ..
عفيه على خـواتي العاقلات اللي يقدرن اللي أسويهـن عشــانهن .. يستحقن وسام الأخوات المثــــاليات .. مأقـــدر اقول الا حسبي الله ونعم الوكــيل ...
×××××××××××
((2))
<<..أهــــدي الأذى ..>>
ميشـــو
على غفله من أصحاب المنزل تسللت الا داخلـــه .. لأعلم أي جنون أصاب سـوسو لتطلب مني الحضــور وقت الظهيــره .. ولكنــه توقيت ممتـاز للتسلل الا الداخــل فالمنزل يصبح في حالة خمول كامــل فالأغلبيه ياخذون قيلولتهم أو يلتزمــون غرفهم للراحــه .. وصلت الا جنـاح ســوسو بدون ان أصادف أي كائن بشــــري ..
طرقت على باب غــرفتها أنتظرت دقائق لتفتح لــي الباب .. أستقبلني ظلام حالك وجــو بارد ببرودة القطب الجنــوبي ...
سوسو:ميشو بليز أدخلي بدون تعليقات ...
وأدارت مفتاح النور ... تجــولت بالنظري على منظر الغــرفه المزري ... ثم أنتقلت للســوسو الذي تركـت شعــرها ينزل ليغطــي جزء كبيـرمن وجهها حدقت بس بعيـنيها الحمــراء فأيقنت أن لديها ماسيصعقنــي ......
ميشـــو:لمـاذا طلبتي حضــوري ..؟!
سوسو :ميشــو خلف كشفنـــــي شافني يوم ركبت معكم وهــو اللي كان يلحقنا ... وأبعــدت الشعــر عن خدها لتكشف عن عـــلامـة زرقاء على طــوله ..
صحت بذهــول ..
ميشو :هــل هو ذالك السافــــــل الذي كاد يتسبب بمقتلنا ...
هزت راسها بالنعم وهــي غير قادره على الكـــــلام ...
سألتها وأن أتوسل بالداخلــي لله ان لاتكــون قد فضحتنا ....
ميشــو :لم تخبــريه عنا أليس كذلك ..
بدأ بالبكــاء فعرفت ماوراء هذا البكـــاء كم أمقت جبنها ولكنــي بالنفس الوقت أشفق عليها فمـن بمقدوره أن يقف امام ذالك المرعب ويصمــد ...
ميشو :حسناً أهدأي وأخبريني بمــاذا اخبرتيــه ...
سوسو :والله ماكنت بقول بس خلف والله مايرحم طقنــي لين تكلمــت مأقدر أتحمــل غضبه ميشو تصــوري مانعني من الطلعه من البيت .....
ميشو :لم أسألك عن كل هذا .. لم تخبريه عن كارميل اليس كذالك ..؟!
سوسو :ماقدرت غصب عني أخاف مأقدرأكذب عليه .. وانتي مايحتاج أقول أنه كان واثق انك معــي ...
لايحتاج أن تخبرني كيف قال ذالك فأن أعرف وأتصوره بلكنته المتعجرفه وهو يسألها أذاكنت تلك المتشــرده هي المتسببه بكل هذا ..
لم أنتبه أن أطلت الصمت حتــى سألتني اذ كنت غاضبه منها ..
ميشو :بالتأكيد لاياعزيزتي فأنا غاضبـه من نفسـي فالغلطـه غلطتي على كل حال ...
سوسو :طيب وش أسوي عشـان تسامحينــي ..
ميشـو:لاشـي ءأخبــريني هل حققتي أي تقــدم مـع مشـاري ...
تحــول بريق الدمـوع في عينيها لبريق الحمــــاس ...
سوسو :ميشو شكلــه حبنــي ...
ميشو :لم تأتي بجديد فكـــــل الرجال يحبــونك وسيحبونك ..
بدت خيبة الأمل على وجهها وهي تقــول ..
سوسو :حسيته غيـــــــر ..
ميشو :ياصغيـرتي لاتبدي بهـذا الغباء اذ رغبتي بالأنتصــار على أحمــد لاتجعلـي مشـاري فقط يحبك أريده أن يعشقك يصبح متيــــــم بحبك ...
بدا الأرتباك على وجهها دلاله على انها ستقول مالا يعجبني ..
سوسو :ميشــو انا ماتعــودت أكلم شبــاب انا لو ماقلتي لي اني بهالطريقه بأنتقم من أحمـد ماسويت اللي سويته ميشو تدرين خلف ليه كان يلاحقنــا كان يحســب أني راكبــه مــع واحــد وتدرين لو عرف أني أكلم واحـد والله ليدفنـي وأنا حيــه خلف ألزم ماعليـه سمعــت العايله .....
كفــى أرجــوك لاتخبــريني عن شــرف أخيك ونبله فأن أعلم به حتــــــى من نفســه .... أجبتها ببيت شعـــــر بالتأكيد لم تفقه ماحـــــواه ..
ميشــــو :ستبدي لك الأيامُ ما كنت جاهلا
ويأتيك بالأخبار ِ من لم تُزوّد
سوسو:وش قصدك اتوقع تذميــن بأخوي بس ماعليه أنتي ماعرفتي خلف زيــن واتمنــى ماتعرفينه ..
ميشو :بالتأكيــد لأن معرفتي به لن تزيدني أي شـــــرف ...
ولكــن أي كلمـه من كلامـي لن توقف سوسو عن ذكــر محاسن وفضائل أخيـــــها الطاهر ....
لأعلم لما أن صــامته ولم أفضح مأكتشفته حسناً يبدو أن الصوره لم تصلها ..
ميشــو:سوسو لاتخبــريني بأنكــي لم تريي تلك الصوره ..
وضح الأرتبــاك على محيــاها ..
سوسو :أنتي شفتيها بعــد ياويلــي خلف كان بيروح فيها يوم شافهـــــا ماني مصدقه كيف هنــد(اللـــــي كان بيتزوجها خلف الرابعــــه ) تكـون بهالسذاجــه وتعطي صورتها لأي أحــد ...
قلت بتملق ورياء ....
ميشو :ياعزيزتي الصور تنتشــر بكل سهـوله هذه الأيـــــام اخبــريني هل مازال مصــرعلى الزواج بهــا ...
سوسو :أكيـــد لااا أعوذ بالله أخوي مايتزوج من هالأشكال ومن اللي سمعته من امــي ,,تعرفـين بعـد اللي صـار بينا مستحيل أجلس معه فمكـان واحد وزاده موضوع هنــد ,,انه مايفكر بالزواج هالأيــام ...
يألهــي تلفظ هذه الأشكال بطريقه مقرفه ولا كأنها تتحـدث عن قريبتهـــــا ..أغفــري لي ياهـــند فلم أقصد أيذائك ومأنتي سوء وسيلـــــه للانتقــام أجل لاتحـدقوا بي هكــذا أنا من نشـــــرة صورتها وفي مكــانين في أحد المــولات التجاريه وفي الجامـعه وكما ترون لم يمضـــــي أسبوع الا وقد أنتشــــــرت للأسم المصـــــاحب لها فللأسف اسم والدها معروف نوعاً ما وللأسف أيضـاً هي جميـــــله فلهذا وذاك كان انتشــارها الســــريع ..
سوسو :ميشو وين وصلتي ياعســــــل ..
ميشو :ليس بعيــداً .. هل تعلميــن يجب أن أعود للمنزل سريعاً ...
سوسو :ياخســاره كنت أتمنــى نقدر نحضر اليوم زواج ميساء أخت ريم ..
اندهشت لم تخبـرني سوسو من قبل عن هذا الزفاف ..
ميشــو :ولماذا لانستيطع الحضــور ..
سوسو :لاني محــرومه من الطلعه الا أجل غير معلــوم وانتي شــي أكيد بدوني ماتقدرين تحضـرين ...
ميشو:بالتأكيد ومافائده ذهابي بدونك .. ولكــن كنت ارغب بمشـاهدة الريم وشقيقتها في هذا الزفاف ....
سوسو :يعني أنا اللي ماودي أشوفهم بس شــسوي حتــــى الريم من ثلاث أيام فبيت اهلــــها ..
هل صحيح ماسمــــعت الريم في منزل أهلهـا ..يبدو أن الحظ السعيــــد مصاحب لي في هذه الأيام ..ميشــو أيتها المجنونه هيا تحركـــــي ماذا تنتظرين .. قفزت بالســرعه من على السرير اللذي كنا جالسين عليه ...
ميشو :اعذريني سوسو يجب على الذهاب بالسـرعه للمنزل ولكــن سأعــود أليك بعــد العشـاء ...
سوسو :والله ياحبيلك ميشـــــو .. بس شــوفي وأنتي داخلـه أنتبهي احد يشوفك خلف متــوعد فيك بيحش رجــولك لوشافك داخله بيتنـــــا .. أسمـعي سيارتكم لاتجين عليها يعـرفها ...
ومـدت لي مبــلغ ليس بالقليل أخذت منها بدون تفكيـــــر....
سوسو :هذا عشــان تأخذين لك لليمـوزين ..لاتأخرين اوكي حبيبتي أنتظرك ..
ميشــو:سأحاول الاأتأخر وحتى لو تأخرت قليلاً كوني واثقه بأني سأعــــود ..
بالتأكيد سأعود ليس من اجلك أنتي بل من أجل
هديه صغيـــــره يستحقها الثنائي المبهج خلف والريم ..
×××××××××××
((3))
<<.. موهبــــة ملاك ..>>
ســـارا
اليوم صايبني أحـساس مقــرف بالكـائبه احس أن حيـاتي مالها طعم مملـه اليوم مثل بكــره وبكــره مثل اليوم ... ويوم الاثنين 1\3\1425 مثل طعم اليوم السبت15\4\1428
ومافيـــــه أي تغيــير .. توقعـون اللي مثلنا لادراسه ولاشغل وحيـاتهم كلها فراغ ×فراغ وبس مرابطيــن فالبيت ويطلــعون بالسنــه حســنه كيف يقـدرون يواصلــون حيـاتهم من غيــر مايصابون بالأحباط والتعاســه لأن اذا مالحقتوا علــي بالســر هالصمـود حنتحــر..
سمعت بصوت وزيز بأذنــــــي .. وجلست أحكه على بالي حشـره..
مــلاك بهمس:وجع لاتحكين أذنك هذا أنا ..
سارا :وقع أن شاءالله وش عنــدك تساسريني ...
ملاك :مابي احد يسمعنا .. بطلع للحــوش وألحقيني ..
وطلعت وش عنــدها توأمــي النكد أكيـد وراها بلــوه ...
حسيت بخبطــه على ظهري من وعــد ...
وعد :ملاكــوه يالتبنه ورى ماتردين علي ..
قلت لها وأن امسج محل يدها :التبنه انتي ومصيرك فبطن خــروف .. انا سارا يمل الضرس ...
وعد :تستاهلين كيف بدري أنك سارا وانتي لابسه بيجامة ملاك ..
سارا :بس لوطالعتي زيـن بتلقين البنطلون حق بيجــامتــي ..
وعــد :يعني وش المفــروض أفهم من كذا ...
يووووه أنا جالسه أسولف ونسيت الخبله مـلاك فالحوش ..
سارا :اقول وعـد بطلــع للحـوش بحش رجـولك لولحقتينــي ..
وعــد مبسوطـه :انقلعي خليني لو مره وحده احطه على المحطه اللي ابــــي ..
خبله المفـروض من تحذيري لها تلحقني بس شكــلها محسبتها زيــن اخخخخ غبيه ...
طلعت ركض للحــوش ولقيت مــلاك جالسه على الدرج وتــعد العـصافير اللي على الحيط جلست جبنها ..
سارا :عسى ماتأخـرت عليك ...
ملاك :لااا تطمني أنا اللي جايه قبل المـوعد بعشـر دقايق ..
سألتها بأستغـــــراب ..؟!
سارا :والله ..
مـلاك :والله ..أسمعــي سارونه اللي بأقوله لك عيزاه يفضل سر بيني وبينك ...
سارا :اوكي ولايهمك من عيـوني فضفضي لي اسمعك ..
طالعتني بالنظره تخـوف ودليل على أن اللي وراها شــي كايد ..
مـلاك ووطت صوتها :أنا شاكــه ان ضحـى وراها سالفه مــع عسافوه ..
ياويلي وش قاعده تقــول هالهــبلا ..
ملاك :سارونه لاتطلعيني كذا انا مابنيت شكــي الا على دلائل .. ولاتفهميني خطأ أنا ماشك بضح ضح انا أشك ان هالبلوه عســافوه وراه مصيبه ...
ياربي هذي جالسه تكلم بألغاز وناسيه أني بالعافيه أفهم الكلام الصريح ...
سارا :بليزملاك تكلمـي بلغه مفهــومـه وقولي وش المصيبه اللي ورى البلوه عساف بس لاتنسين مثل ماقلت لك بلغه مفهــومه ..
ملاك :وأنا وش دراني وش هالمصيبه بس اكيد شــي يتعلق فينا بنات مبــارك يعني مثلاُ شي من أملاكنا ...
مالت قالت أمــلاك قالت هذي شكــلها جايتها ضربت شمــس من الحومــه بالقوايل ...
سارا :أي املاك واللي يعافيك تكلمــين عن هالخرابه اللي عايشين فيها ولاجمس طاش ماطاش ترى هذا كل اللي ورانا وقدامنا ...
مــلاك :هالخرابه على قولتك هو اللي ساترنا لولا الله ثم هــو كان تلاقينا فالشارع ...
معها حق توامــي كيف طافت علـي هذي يعنــي لو ماسخـرلنا الله هالبيت يعنـي أكيـد بنستأجر وحنا مولاقين نأكل عشـان نسكـن فأجار بعــــد ..
سارا :طيب مــلاك يعنــي البيت بأسم جـدتي مــو ..
ملاك :أكيـد مــو بس جدتــي شقول الله يرحمها برحمتــه وعيالها مبـارك وعمتــي ...
سارا :وعمتــي ماتت ومبـارك حي يرزق يعني مافيه خــوف من هالناحيـــه لحضه لايكــون باروووك باع البيت ..
ملاك :يسويها الئيم وهذا اللي خايفه منــــه ..
ياربي شهالوهقـه مصيبه لوكانت شكـوكنا بمحلهــا بس عســاف وش بيكـون مـوقعه من هذا كلـــه ..
سارا :طيب وعســاف شكــوو ..
مـلاك :مادري يمكــن باع البيت عليــه .. أوأي شـي توقعي أي شـي منه مو ولد عم مبــارك ... وفجأه بدت تقـلد صــوته وانا فاطســه ضحك ايه صح شكل مأحد خبــركم عن موهبة ملاك فالتقلــيد عندها موهبــه غير طبيعيه فتقليد الأصوات لدرجــه ماتفرق فيها بيــن اذا كان هــذا الصوت أصلي أوتقلــيد ..وتتفنن بتقليد أوصوات الرجال من الشخصيــات المعروفه ... تحمست أسمعها تقــلد صار لنا وقت ماسمعناها تتغنــى ..
سـارا:ملاك ياعمري قلدي عبد الرحمـن بن مسـاعد ..
مــلاك :
احــــم احـــــــم .. وش رايك ألبس شمـاغ ولاغتـــره ...
سارا بقهــــر :ايه بدينا بحــركات لعانه يالله ياحبيلك ..
مــلاك بصوت قريباً نوعاً ما لصوته :
مذهله
ماهي بس قصة حسن
رغم ان الحسن فيها
بحد ذاته مشكله ...!!
مذهله ..
كل شي فيها طبيعي
ومو طبيعي
أجمل من الأخيله
طيبها .. قسوة جفاها
ضحكها .. هيبة بكاها
روحها .. حدة ذكاها
تملئك بالأسئله ..
مذهــلــــه
يابدايات المحبه ..
يانهايات الوله
هالحسن سبحان ربه ..
ظالم وما أعدله
أعذب من الأمنيات ..
عالم من الأغنيات
يا أجمل الشعر البديع ..
من آخره لين أوله
سمعنا صــــوت تصفيق ولفينا على الباب شارع لقينا ميشــو واقفه بعبــاتها وتصفق وتحـت يدها كيـــــس كشخــه وغريب ...
ميشو :رائع ملاك أنتي رائعـــه ...
طنشت كلامـها ورحت لها وانا جايه بأخذ الكيس منها طقتني ..
ميشــو:لما لاتكبري عن تصـرفات الأطفال هذه ...
مـلاك :ياحبيلك ورينا وش بالكيــــس لك ..
ميشــو:وهل تظني بأني أملك المال الذي أشتــري به من المحل الذي أسمه مكتوب على هذا الكيس .....
سارا :ولا بالأحــلام .. بس لمين اكيــد للعبيطـه سعـاد ..
كالعاده ماجاوبتني بس نظراتها لمــلاك كانت غريبه ....
ميشو:ملاك هل اطلب منك خدمـــــه ..
يؤ وش تبي هذي من مــلاك ميشو تطلب من أحد شــــي اليوم عيــــــد .. قلت بلقافه ..
سارا :امري تدللي ....
ميشو :هل حقاً كما قالت سارا يامـــــلاك ...
ملاك :وش تبين من خظك هذي الساعه المجانيه اللي أنفذ فيها الطلبات بمجاناً ..
ميشــو:حسناً هيا بنا الاحجرتي لأستطيع الحديث هنا ..
اوب اوب شكــل السالفه فيها أن اخخخخ يال الوناسه حلوه يال شكلي تأثرت بميشــــو .. بس والله شي عجيب شكلنا لأول مـره بنطلع على واحد من أسرار ميشـــــوو ..
لحقنا فيها لحجرتها تصدقون توني ألاحظ حجرتها ماتشبه غرفتنا فيها شي مختلف بس مأدري وشو .. بس أكيــــد مو صورة ميشو اللي أخذه نصف الحيط الصوره طالعه فيها راس ميشــو من فوق وشعــرها وروبــي اللي رافعتهــا بيديها الثنتين .....
ميشو :سارا لاتخبريني أنك معجبه بالصورتي ...
سارا :يال للغـــــرور .. وياشين شوفت النفس مايمدحــونها يقولون تقصــر بالعمــر ..
ميشو :ملاك اغلقي الباب أريد الحديث معك بجديه وبنفس الوقت بالسـريه ..
وقفلت الباب وبدأكـــــلام ميشــو اللي خلانا نفتح عيونا وأذونا على الآخـــــر عشان ماتفوتنا كلمـــــه من اللي تقـوله ..
×××××××××××
((4))
<<..كيــــد ميشو ..>>
ميشـــــو
سمـاعي للمــلاك وهي تلقي الشعــر للأمير عبدالرحمن بن مسـاعد أدهشنـي فقد برعت بتقليد طريقته بالألقاء رغم فشلها بتقليد صــوته .. مع ان الصوت اللذي كان يخرج منها صوت خشن كأصوات الرجال ... وهذا اللذي شدنــي هنـــــا .. عدت للتوأم العســـــل ..
ميشو :ملاك هل أستوعبتي طلبي ...
ملاك :ايه مايبيلها كــلام بتعطيني الجهاز الكسره هذا وأجلس أنتظرك لين تعطيني نغمــه فأتصل على الرقم اللي مسجل بأسم الريم .. وأقفل قبل مايرد علي أي احد ولأن الجــوال الثاني بيكون مخبأ بيطــول على بال مايرد علي احد بعـدين أرسل الرساله اللي كتبتيها لـــي ..
بعدين انتظر لين يدق على الرقم هـــذا
أبدأ انا بالكــلام وكاني حبيب الريم المسكينه اللي بتورطينها .. وأبدا بكــلام غزل بالســرعه أخلي كلامي ورى بعــض وأقول أني نفذت المهمــه بتمــام ونشرت الصوره من شان خاطر عيـونها بس .. وأذا اللي بدأ الطرف الثاني وكان رجال بالكلام أسوي نفسي مخربط وأقفل بس لحضــه أذا سكت وأنا قلت كلامــي لتكلم وش أرد عليه وشي ثاني ليش اقول كلام المهمه والصور والكلام هذا اصلاً موجــود بالـرساله ..ايه صح وأذا أحتاج الامر لأسمـــــي اسمي سلطــان ..
لاتبدو الدهشــه من سرعة بديهتها فهذه المـره الخامسـه اللذي أكرر فيها المخطط على مسمعها ..
ميشو :لاتردي عليه فقط أقفلي الخط واذاعاود الأتصال والغالب هذا ماسيحـدث لاتردي عليــه .. وبالنسبه لتكرار الكــلام الموجـود بالرساله هذا أمر تكتيكــي .. ولاتنسي قولي الكــلام خلف بعضه وهو بالتأكيد من جراء الصدمـه ولرغبته بسماع المزيد لن يقاطعك ..
ملاك :بس والله سهــل بس ماراح تقـولين لنا وش الغرض من كل هذا ...
ميشو :بالتأكيد لااا لتدعوني أندم على طلبي المسـاعده منكـما ..
صرخــن بصوت واحد :لاخــــلاااص توبه ...
ميشــو :ارجـوا منكما الألتزام بالســريه والأفضل أن تختارا مكـان هاديء وبعيد عن الأعيــن لتقضين فيه الوقت بأنتظار أتصالي ..
سارا :أوكي ولايهمــك ..
عدت لتأكيـد على ملاك ..
ميشو :ملاك أرجــوك لاتنسي أن تغيـري صوتك ...
ملاك :ولايهمك هذا شغلي وأحلى شـي انك ماطلبتي مني أقلد شخص معين ..
أرجــو من الله أن تستطيـع النجــاح ولاتتسبب بفضحــي ..
خرجت من الحجــره بعد انا أخفيت الهـديه بشنطتي الكبيــره ولبست عباءه غير العباءه المعروف بها في منزلهم .. صعدت الى الليمـوزين اللذي كان ينتظرني في الخارج والذي حضرت به من السوق ....
ذكرت له عنــوان منزل سوسو الذي يقع بحي راقي بعيــدجداً عن حينـا الفقيــــر .. وصلت قبل العاشره بخمسة عشـردقيقه لازال الوقت مبكــر لتنفيذ الخطــه ولكــن سيارة خلف ليست مــوجـوده .. لم لأتصل وادع سوسو تتأكد لي من الأمــــر ... اتصلت بها فأجابت بسرعه غير متوقعه ...
سوسو :هلا ميشو وينك تأخرتي ..
ميشو :انا بالقرب من منزلكــم .. أسمعي لن أنزل حتى تخبريني بأن شقيقك الأخرق غيـر موجـود ..
ضحكت بالطريقه غريبه ..
سوسو :أعترفي ميشو تخافين منه بس تطمنـي ماهو مـوجــود على الساعه ثنعش يمكـن يجي لأنه طالع البر مع ربعـــــه من العصـر ..
ميشو : يألهي بر بهذا الجــو الخانق أخبريني أنك تمزحيـن ..
سوسو :ميشو بتجين ولاكيف أنا حتى جناحي مأقدر اطلع منه حاط لي حرس ....
أرجــو الا يكـون قد وضع على جناحه هو الأخر حــــرس ..
نزلت بالســرعه من السياره وحرصت على الا يراني احــد من الخـدم لأنه لايوجــد سواهم بالأضافه لسعاد المحتجزه بغرفتها ..
لم يصادفني أحد حتى وصلت جناح خلف والريم الباب الخارجي كان مفتوح حاولت في باب غرفة النوم اللذي كنت أحمل مفتاح وياللدهشـه وجدته مفتــوح ,, تتسألون من أين لي مفتاحــه قصه طويله سأختصرها لكم بأني حصلت عليه من سوسو اللتي كانت تخشى أن يجده أحد معها فتركته معي ونستــه ,, دخلت الى الغرفه التي كانت أيضاً أنوارها مفتــوحـه لو لم تخبرني سوسو أن خلف والريم غيرموجـودين لشككت بالأمر..
وعلى حسب الخطــه التي رسمتها لنفسي وضعــت الهـديه المغلفه والتي تحتـــــوي على خاتم من الألمـاس دفعته من المكافأه المجزيه التي حصلت عليها من جراء تهوري مع كراميل وسوسو حينما قدت الســــياره بأكثر شوارع الرياض أزدحام .. وكان على الهـديه بطـاقه كتب فيها سلطان أعذب الكلمـات لحبيبته الريم .. وضعتها في أحد دروج دولاب الريم وبأمكــان اخرتحت ملابسها وضعــت الجوال الذي كان أحدث مــوديل وايضاً دفعت قيمتــه من المال الذي حصلت عليه من كراميـل ... هذا الجوال لايحتوي الا على رقم واحد وهـو رقم الجـوال الذي تركتــه مع مــــلاك مسجل بأسم حبيبــــي وكان الجــوال بالأضافه لرسائل الحب والهـيام الكثيره التي ضاق بها صنـدوق الوارد يحتوي على الصور التي ألتقطتها بأحد الحفــلات لزوجات خلف بأستثناء الريم ولزوجته القادمــه هند وهي نفس الصوره التي قمت بنشـــــرها وايضاً لشقيقته حبيبتي سوسو ..
حينما كنت أهم بالخروج من الغرفه احسست بحركــه قادمــه من الغرفه الأخرى التي يضمها الجناح فعدت بالســرعه لأختبأ خلف الباب وأنا أنتفض يألهي أرجــو ان لايكــون خلف قد عاد يارب يارب أنقذني من هذه الورطــه.. ومن الفتحه الضيقه بين الباب والحائط رأت عيني ولم أصدق مارأت فتلك الحركه التي كادت تتسبب لي بنوبه قلبيه لم يكــن مصدرها سوى تهاني الزوجـه الثالثه لخلف ولكــن السؤال هنا مالذي تفعله تهاني في جناج الريم .. كانت تتوجــه للغرفة نوم الذي أنا أراقبها منها لم تدخل بل مدت يدها من خلال فتحت الباب الصغيــره وأغلقت الأنوار ومن ثم سمعت صوت المفتاح يقفل به الباب من الخارج .. كنت سأقع بورطــه حقيقيه لولم يكــن معي مفتاح أخر للغرفه .. يبدو ان هذا المفتاح يوجــد له عدد لايحصـى من النسخ .. انتظرت عشر دقائق حتى فتحت الباب وخرجــــت مباشره لجناح سوسو وقد كان الظلام يصاحبني طــوال طريقي ..
اسقبلتني سوسو والتوتر بادي عليها .....
سوسو :ميشو وينك الله يأخذ أبليسك روعتيني ..
ميشو :اسف لم أقصد اقلاقك علــي ولكن الوقت أخذني وأنا أتجول في منزلكم أو دعيني أقول قصركم الرائع ..
تحولت ملامحها القلقه المتوتره الا حبــور زائد ..
سوسو :يقالك يعني اول مره تدخلينه ...
قلت بنفاق وأنا أحاول أن أصل الا مأريد ..
ميشـــــو:لا لكن لأول مره أدخله وهو خالي من أصحابه ..أخبريني سوسو هل كل هذي الأمــلاك ماشاءالله كانت ورث من والدك ..
وبدت سوسو بسرد قصة حيــاتها والتــي أصبحت احفظها أكثر منها ..
سوسو :لاطبعاً صح أبوي كان الله مغنيه بس أغلب هذي ورث امــي من جدي هذا اللي تقول أمــي وطبعاً كل هذا زاد بعــد مامسك عمي مبارك الأمــلاك بعد ماتزوج أمي ..
حسناً هانحــــن ..
ميشو :سوسولأريد التطفل ولكــن عمك مبارك أين هـــــو من كل هذا ...
ضحكة سوسو على سذاجتي المصطنعه ..
سوسو :ياحبيلك ميشو صدق أنك على نياتك ماشفتي شــي .. عمي مبارك يسكــن قصر على قولتك أفخم من هذا عشر مرات ..
أصطنعت التعجب...
ميشــو :حقاً لم أكن أعلم .. سوسو هل والدتك مـوجـوده ..
حدقت بي وكأني حمقاء..
سوسو :احسدك على ذكائك أمي وش تبينه تسـوي فيذا والعايله كلها ترقــص فقاعــة الـ....... ماعدا المنحــوسه اللي جالسه قدامك ...
ميشو :وبالتأكيــد لن تعــود قبل الرابعــــه ..
سوسو :وهذي يبيلها ذكاء ميشو حبي وش تخططين عليــه ...
ميشو :فالبدايه يجب علينا التأكد من عــودة شقيقك الأحمق حتى يتسنى لنا اللهــو كمانشاء ...
سوسو :بس ولاتهمتمي خلف ماراح يجي قبل ثنعش واذا جاء شي أكيــد بيمـرعلي عشـان يتأكد أن اوامره منفذه .. وهذا اللي كنت بقوله لك من يوم دخلتــي لازم نقفل الباب عشـان مايفاجئنا وتكــوني أنتي تخبيتي قبل مأفتح له ..
ميشـــو :لا بأس ولكن بالتأكيد لن تخرجي له هكذا يجب عليك تغيري ملابسك الجميله ..
قاطعتني ســوسو :طيران ألبس بيجامـه وأجي وأعفس شعــري كني توني صاحيــه من النوم .. ولازم نقفل الأنوار من اللحيـن لأنا ماندري متى يهف عليه ويرجـع ..
ميشـــو سألتها قبل أن تختفي بغرفة ملابسهــا ..
ميشــو:أخبريني منذ متى خلف يطلعك على مـواعيد خروجـه ورجــوعه ..
جاني صوتها من بعيــــــد وكأنها تخوض معركــه لا أرتدأ ملابسها ..
سوسو :قصده يهددنــي أويمــكن بيقص علي يقول بجي 12 وأنا أطلع وأرجــع قبل أثنعش ألقاه جاي عشــر ...
الحمـدالله لقد مضت العشــر ولم يحضــر وهاهي الساعه على مشارف الحاديه عشـر والنصف ..
عادت سوسو بعد أن أرتد بيجـامتها اطفائنا الاضواء وبدأنا الحديث بأمــور مختلفه ونحــن على هذه الحال سمعنا صوت طرقات متتاليه نهضت ان على أثرها لأختبيء بغرفة المــلابس .. وأتجهت سوسو لفتح الباب بعد أن شعثت شعــرها بصوره أكبر ..صوت فتح الباب تلاه صوت خشن مخيف يجمــد الدماء في عرقها ..
خلف :وش فيك ساعه على متفتحيــن الباب ..
سوسو بصوت مرتجف :كنت نايمـــه ...
وأتصورها تشـير لبيجامتها وشعرها وكأنها طفله تخشى تعنيف والدها ...
خلف :طيب أنقلعي كملي نومك ..
تلى هذا صوت تقفيلة الباب .. خرجت من مخبأي بعد أن
عددت للمائه عند الرقم تسـعه وتســعون ضغطت على زرالأتصـال على مــلاك وكلي امل ألا تخذلنـــــي ..
سألتني سوسو الشاحبــــه ..
سوسو :وش فيك لاتكـوني خايفه ...
ميشو:انا ومالذي يدعــوني للخــوف ..
سوسو أشارت برأسها حيث كان خلف يقف ...
سوسو :المــرعب المدمـــــر خلف الاقشــــر ..
يال السذاجـــه ..
ميشو :كلا ياعزيزتي لم أخف ..
سوسو :لاتغرك الشخصيه بس تراه الليله بزياده معصب شكل الطلعه ماجت زي مايبي ...
ميشو :كلا ياعزيزتي لاتختلقي له الاعذار
هذا هو الرجل السعــــودي يعــود من رحلته السعيــده اللذي قضــى بها أجمل أوقاته في لهــو وسمـر مع رفاقه ليصب جام غضبه على اهل بيتـــه بسبب وبلا ..
سوسو :وأنتي وش فيك على الرجل السعــودي موجايز لك ..
رغم كل ماعانت مازالت لاترضى بالحديث عنهم بسوء..
ميشو:كلاياعزيزتي وهل أجرؤ..
سوسو :يالله ميشو لاتطــولينها وهي قصيره بغيــر ملابسي وأجيب عبايتي وأنتي أتصلي على حق الليمــوزين اللي كنتي جايه معه ...
وفعــلت ماطلبت منـــــــي وقضينا أجمــل ليالينا وخصوصاً أن سـوسو قد خرجت خلســه ...
×××××××××××
((5))
<.. لأمنــع جريمـــه ..>
عســـاف
رجعت من البر وأن عايف نفســي صدق قرف مأدري وش مطري علينا الكشتات بهالحــر .. سبحت بالحمــام اللي كان ملحق بالمجلس واللي كانت حالته زفت وبحاجه للترميـم .. وبعدها طلعت والروح راده فينــي يازين البراد .. غيرت ملابســـي وتوني جاي بحط راســي على الوساده دق جــوالي اووف هذا خلف وش يبي تونا متفارقين امداه يشتاق لــي ..
عساف :هلاخلف .....
خلف :عســاف تعااال بالســرعه ولاترى برتبك جريمــــــه ...
وأنقطع الخط ... يالليل التبن هذا وش عنــده بعد وش هالجريمــه اللي بيرتكبها بعـــد ..
غيرت ملابسي للمره الثانيــه وركبت السياره وعلى بيت خلف وأنا طول الطريق أفكر وش عنــده لايكــون سعــاد طالعه لأنه زي مافهمت منه مانعها من الطلعــه .. وهي المقصـوده بالجريمــه و لالحضه
للحضه يمكـــن المزيــونه بنت خالته اللي كانت بيتزوجها وأنتشرت صورتها لايكــون نازله لها صوره جديده ولامقطع فيديو أيه البنات هالأيام مايجيبون لأأهلهم الاســواد الوجــــه .. انا وش قاعد أسوي خل ألحق على هالخبــل قبل مايرتكب جريمتــــه ..
وقفت سيارتي تمشيت حال ودقيت على خلف أشوف وينــه .. وسمعت دقت جواله العاليه شفت خياله بالظــلام يرفع جواله يطالع بالرقم ..
قربت منــه وجلست جنبــه ..الله يستر راسه اللي منزله مايبشر بخيــر ...
عســاف :خلف ..
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك