رواية اعطني حريتي اطلق يديا -17
مآفهمت وقامت مع ام صقر ..
.
.. خلود جآارت ام صقر في رقصهآ وحركآت يديهآ .. وتصفيقهآ وتهآبد زيهآ .. وكأنهآ متمرسه ..
.. تحمست ام صقر وفصخت بررقعهآ وهي ترقص .. واول ما انتهى الشوط .. ضمتهآ وقعدت تطبطب ع ظهرهآ ..
.. وضحى ..
خذت بنآتهآ .. وطلعت فوق ..
تحس بقهرر وهي تشوف خلود .. اكيد بتوافق عليه .. شكلهآ تمسكن عند خالتي عشان تجوزهآ مآجد ..
.. آلنآس تحت طرب ورقص وونآسه ..
.. وهي فوق دموع وقهرر وضيقة صدر ..
توضت وخذت سجادتهآ متوجهه لمن يقهر ولآيقهر .. رب أرحم بعبآده من ام بولدهآ ..
¤ ¤ ¤
" عند الرجآال "
ماجد .. يهمس لصقر ..
وش رآيك يآخوي .. آخطب منهم قدام ذآ آلوجيه .. عشآن يستحون يردوني وأظمن موافقتهم ..
.. صقر نهره .. خبل انت .. بتخطبهآ في محلك انت ؟؟
عقب هيتهم في محلهم .. وجب لك جآهه كان ودك ..
.. بدر متكي على المركى ..
وبجنبه عمه ابو حمد .. دق جوآل عمه ورد ..
.. هلآ ابوي .. خلصتوو ..
.. ودنآ نقعد شوي نسمع الشعآر ..
سعود وينه ؟؟
.. لآ لآ اجل بقوم .. تولمو واطلعوو ..
بدر .. عمي كان ودك بالقعده .. آنآ بسري الحين .. بودي أهلك على دربي ..
.. ابو حمد .. اجل خذهم جزاك الله خير .. ومد له مفتآح الجيب .. وبدر عطآه مفتاح سيآرته ..
.. فتحت آلباب ..
.. امهآ مركبتهآ قدام اريح لهآ .. واوسع .. وأأمن لو ضربو مطب صنآعي مفاجئ ..
.. ام حمد شافت بدر هو اللي يسوق وسحبت ام بدر قدام مع بنتهآ .. وهي رجعت ورآ .. مع البنآت ..
.. رجعو في سيآره وحده عشان الرجال بيتأخرون بعد ماطلق ابو صقر عشان يحضرون مرآد الشعآر ..
بس الحريم سرو بدري لأنهم ضيوف ..
.. بدر .. همس بأذنهآ .. بدون لايسلم حتى .. قربي عن امي لآتضآيقينهآ ..
ام بدر .. منتهى انزلي وأنا بركب مكآنك ضيقت عليك .. وانتي علآ ذآ الحآل ..
.. بدر .. حط يده ورآ ظهرهآ يقربهآ له أكثرر .. لآيمه مآعليهآ .. ارتآحي انتي بس ..
.. جسمهآ انكمش من برودت لمسته .. لصقت فيه .. بدون لا تكلم .. وعند كل لفه تمسك في ذراعه .. نزل أهله .. وبعدهآ أهله ..
.. جت تنزل .. ومسك يدهآ .. بدون لآيطآلعهآ .. ولآيتكلم ..
.. آنحنى يمهآ ويد ع بطنهآ لايعورهآ .. وبالثانيه سكر بآبهآ ..
وهو يقول .. تصبحوون على خير يآخآله ..
حررك السيآره وعيونه قدام .. مسك يدهآ بهدوء .. سحب القلآفز ورمآه .. وشبك يده بيدهآ .. ضغطهآ بدون لآيقول ولآكلمه .. لآهو ولآهي ..
// آلبآارت الخآامس والخمسون //
" أمل "
.. تسحبت ونزلت تحت .. طلعت بطاقة اتصآل .. ودقت ارقام حفظتهآ عن ظهر غيب .. من كثر مآكآنت تتصل فيهآ بالسآعآت .. هذآ لهآ اسبوع تحآاول تتصل ومآفي رد .. توقعت غير رقمه أكيد .. تسلل الآحباط لنفسهآ .. وقبل لآتسكرهآ سمعت صوت ضعيف .. يعبرر عن صووت صآاحبه .. بغت تسكرهآ هذآ مو صوته الرجولي آلآسرر .. بس رده اللي هي متعوده عليه أكد لهآ انه هوو ..
احمد .. آمل !!
أنآ مآقلت كل شي بينآ انتهى ..
أمل برجآء وهي تحآول تبلع عبرآتهآ وتكتم نفسهآ ودموعهآ رفضت آلآ تنزل بصمت ..
.. تكفى احمد تكفى ..
جيبه لي مرره وحده .. مره وحده وبس .. برضعه لين يشبع ويمتلي بطنه وأرجعه لك .. تكفى طلبتك ..
أحمد .. لآرد ..
أمل زاد بكآهآ .. أحمد تكفى بشوفه مره وحده .. ورب البيت هالمره وبس .. تكفى ارحمني .. آنآ مآ أنآم من شووقي له .. وصدري عيآ لآيجف .. يرتجي جيته .. طلبتك لآتردني ..
.
احمد .. آااه يآامل .. لآتطلبيني .. خلآص مآعآد ينفع ..
امل بجزع .. لآتقول حطيته عند باب مسجد ؟؟
وآلا بالبرر ؟؟
وآلآ عند زباله ؟؟
وآلآ .. قلي وين وين وديته ؟؟
أحمد .. هه يآليت كآن أرحم ..
ذبحته بيدي .. تدرين كيف ؟؟
رميته بتصريفة مجآااري .. ورآقبته لحد مآغررق ..
رمى السمآاعه من يده .. وآنهآار من جديد .. وكأنه بهآلثآنيه رآميه ..
أمل .. طآااحت مغمى عليهآ .. بعد مآاتبدد كل أمل وامنيه لهآ بأنهآ تروي عطشهآ من ضمته وشم ريحته لو مرره وحده بحيآتهآ ..
¤ ¤ ¤
" بتول "
.. ارتبكت .. واحتآست .. بيجيهآ أبو صقر ومآجد ونهآر ..
دخل صقر يستعجل القهوه ..
صقر .. بتول هآا .. خلصت آلقهوه ؟؟
.. طالعته بتوول .. ونزلت دموعهآ ..
.. آستغرب صقر .. توهآ كانت تضحك ومآفيهآ الآ العآفيه ..
.. سألهآ .. بتول أهلس فيهم شي ؟؟
.. هزت رآسهآ بنفي .. وزآدت دموعهآ ..
.. صقر .. اجل وش فيس عسى مآشرر ؟؟
.. غصت بآلحكي .. صقورري مآ اعرف اسوي قهووه ..
.. ضحك في داخله .. بس مآحب يبسط الأمر عندهآ .. عشآن تهتم بعدين وتحآول تعلم ..
آفآاا مآتعرفين ؟؟
اجل وش بتسوين لنآ عشآ ؟؟
.. زاد بكآهآ وهي تقوله ..
صقر آنآ ماغشيتك .. بس انت ماسألت أن كنت اعرف اطبخ وآلآ لأ ..
صقر .. مآعليه تعلمي .. مآيولد من آلنآس عآلم ..
سحبهآ يلقم بريق القهوه قدآمهآ ..
.. قالهآ حطي فنجال من آلقهوه .. عشر دقايق تقلب وبعدهآ حطي الزعفران وآلمسمار .. وآلهيل حطيه في الدله ..
وطلب ذبيحه مندي من المطعم عشان يعشي ضيوفه ..
عآتبووه ابوه واخوآنه .. ورآه متكلف وذآبحن لهم .. وهو يضحك بنفسه .. لو يدرون عن السبب تندرو عليه وحطوه سآلفتن لهم ..
¤ ¤ ¤
" عقآب "
.. نزل نوف عند أهلهآ ..
ومر أمه .. يتقهوى معهآ ويبشرهآ عن حمل نوف بعد ماتأكدو عند طبيبه ..
.. عقآب .. أبشرس يآام عقاب ..
آلحرمه لقحه .. و بتشوفين ورعي عقب شهور بأذن الله ..
.. توسعت عيون جآابر .. واعتدل في قعدته ..
أعقب يآذا .. لقحه !!
مآ مدآكم !!
!.. سحب عقاب المركى من تحته .. وضربه فيه .. أذكرر ربك يآرجآل .. أذكر ربك علي وعلى حرمتي وورعي ..
جآابر يغيظه .. مهوب من سوآيآك .. غير من طويسآات حليبة البل آللي تقرطحهآا ..
.. ام سآلم .. اعوذ بالله .. حلفت أن تذكر ربك ..
عقآب ينغزه .. قومي رجآل مهووب طرطور ..
.. جآابر .. وهو يقوم وينحآاش لآتصكه أمه بفنجآلهآ .. آبك انت لو تمسى مع صخره حملت من هآلحليبه ..
.. رجمته ام سالم بفنجالهآ .. اللي تفاداه جابر وانكسرر ..
.. خذت فنجاله وصبت لعقاب فيه .. أشرب صوره يمك .. أذل عليك من عوينآته .. لو هو مآيقصد بس الشيآطين يثورهآ ..
¤ ¤ ¤
.. صقرر ..
بعد مارآحو أبوه واخوآنه ..
.. قآلهآ .. بكره بنروح نخطب .. لمآجد أخوي ..
.. استغربت .. مآجد مآعنده زوجه وبنآت ؟؟
صقر .. آلآ بس يبي يعررس ثانيه ..
بتول .. كشررت بوجههآ .. انتم كذا .. لآزم تاخذون ثنتين .. وكأنهآ تذكرت أنهآ مآخذه منهم بعد .. صقوري لايكون انت بعد بتزوج علي بعد ما اجيب اثنين أو ثلآثه ..
صقر .. آكيد ابعرس .. طبعنآ كذه ..
.. هي بسرعه تصدق .. لو كان مزح .. لانهآ ماتكذب فتصدق أي شي .. أظلم وجههآ .. وتبدلت ملآمحهآ .. عقدت حواجبهآ وبعدت عنه ..
.. سحبهآ له .. وضحك من قلب ..
صقرر .. هههههههههههههه
.. أذا لقيت لي وحده بيضآ .. وصغنطوطه .. ونعوومه .. و....
دفته من صدره .. ولمعت بعيونهآ الدموع ..
ضمهآ صقر أكثرر .. وهو يكمل ..
و ... واسمهآ بتوول البدر ..
..
.. بسرعه تزعل .. بسرعه ترضى ..
تبدلت ملآمحهآ في ثواني .. قالت له بدلع .. وهي تسبل له عيونهآ ..
وأذا مالقيت آلآ بتول وحده ..
صقر .. أمررنآ لله .. قديمك نديمك لوجديدك أغنآك .. نشب ونشيب مع بنت البدر ..
.. المهم .. بكره يآبنت البدر .. حنا خطآر عند عمس فهد .. بنخطب بنته لمآجد ..
جهزي ثوبي .. وكبكآتي حقت عرسنآ ..
.
.. بتول ماكانت معه .. سألته ..
من بنت عمي فهد ؟؟
خلووود ؟؟
.. صقر .. الله الله .. راح يفصح ثوبه عشآن يرقد .. وأهي تغافلته .. وارسلت لفادي اخوهآ ..
¤ أخوان صقر بكره المغرب بيجون عند عمي فهد يخطبون خلود .. كان الامر يهمك .. ¤
.. ارسلتهآ .. ومسحتهآ من صندوق الرسائل المرسله ..
.. تدري اخوهآ يبهآا .. وأهو ابدا من الغريب ..
.. منى ..
.. رجعت لشقتنآ .. وكلآم سآرونه يدور بعقلي .. قبل كنت اتمنى المووت لفهد .. بس الحين !!
.. نفسية عزوز تحسنت كثيرر .. ودلع الأبوو لعيآله مهمآ كآن .. مو مثل غيره لاعم ولآخال ولآجد ..
.. قبل لم يمرض .. أو يحتاج اشتري له شي .. انحررج اطلبه من ابوي واخوآني .. مع انهم مو مقصرين بس ولو .. احرراج .. مهمآ كان مو ولدهم .. ولآهم ملزومين يخدمونه .. وأذا احد منهم رفض وقآل أنا مشغول .. امووت بكي .. مع أن حالي أحسن مليون مره من غيري .. ع الأقل عندي أهل مدلعيني .. ويراعون خاطري ..
.. وأحلآ حآجه .. أن طلعته ودخلته مع ابوه دآيم .. احساس بالنشوه .. من أشوفه داخل بيد ابوه ..
دعيت من كل قلبي ربي يحفظه ويخليه لولده .. مآراح القى أحن منه على عزوز ..
.. تنهدت بداخلي .. أوووف حآيسين الدنيآ .. فهد دخل غرفته ينآام .. وأنا شلت عبآيتي .. وقعدت اجمع الأكواب .. وأشيل بقايا أكل المطعم .. وامسح الطاولآت .. عشان ادخل غرفتي مرره وحده .. ابدل وآنآم .. باقي فتره بسيطه وامتحن ..
.. فهد ..
.. فصخت فآنيلتي .. وقطيت نفسي على السرير بنآم .. بس مآ جآني نوووم ..
.. صوت كعبهآ يطقطق بقلبي مو ع البلآط .. استغفررت ربي كثيرر .. وتعوذت من الشيطآان .. بس مآقدرت .. بشوفهآ ع الأقل وأرجع آنآم ..
.. وآقفه ع المجلى .. تحط الاكواب والصحون فيه .. وتشيل بقايا الأكل بكيس ..
.. مآاحست بدخلته .. تراجع حسآبآتهآ .. وعقلهآ غآيب عن اللي حولهآ ..
.. فهد .. شفتهآ سرحآانه قلت استغل هآلشي .. لو خانقتني بعدين .. أهم شي اصبر عمري لو بدفآهآ ..
.. مديت يدي لدرج الاكواب اللي فوق راسهآ .. وأنا آقوول لهآ ..
.. عطششششآااان ريقي يآابس .. مآقدرت آنآم لين آذوق شي يبل ريقي .. وتعمدت أقط جسمي عليهآ وآنآ اتنآول الكوب من فووق ..
.. حسيت بررعشة جسمهآ .. نزلت يدي .. وضميتهآ .. دفنت راسي في رقبتهآ .. بعد مآهمست بأذنهآ ..
.. منآااايه .. آنآ الليله بآيعهآ بآايعهآ ..
حآولت اصبرر مآاقدرت ..
سكوتهآ شجعني .. وخجلهآ جرأني ..
حملتهآ بين يدي وآنآ مو حآس بعمرري ..
¤ ¤ ¤
.. بدر ..
.. شكلهآ متوتره .. تحاول تشغل نفسهآ عني .. لازالت بقلبي حرره منهآ ..
علقت ثووبي .. ومريت من جنبهآ داخل للحمآم .. ومآعبرتهآ ولآ كلمتهآ ..
.. طلعت وأهي بنفس وضعهآ .. سحبت اللحآف وتغطيت .. قلت لهآ .. لآخلصتي طفي آللمبه ..
.. منتهى .. يقهررر .. آنآ صح غلطآانه .. بس بعد هو غلطآن .. ليش يحآول يرفع يده علي ..
.. شفته يتمدد على السرير ولآعبررني .. بالطقآاق .. أهو الخسرآن ..
.. سكررت اللمبآات بعد مآغسلت مآكيآجي .. وفرشت اسنآني .. وبدلت ملآبسي ..
نمت .. وسحبت اللحآف بقووه .. آبي انبهه لوجودي .. آعرفه من تزوجنآ وأهو متعود على حظني ..
مرت نص سآعه وسآاعه .. وسآعه ونص .. ولآ التفت لي حتى ..
.. بدر .. مآجآاني آلنووم .. آبي حضنهآ وريحتهآ .. بس مآ ابي أذل نفسي لهآ .. خل تعرف أني آقدر استغني عنهآ لآبغيت ..
.. حسيت بريحتهآ تقرب مني ..
سكررت عيوني .. مآ ابي اضعف قدآمهآ ..
.. منتهى .. آلظاهر آنآ اللي تعودت على حظنه مو هو .. قربت له بعد مآحسيت أنه نآام .. دخلت يدي تحت رقبته .. وطوقته بيدي الثانيه .. بعدهآ نمت احلى نوومه ..
¤ ¤ ¤
" عبدالله "
.. نوره ذي مآهيب عيشه .. ولآحيآة .. بكل .. ثانيه .. و دقيقه .. وسآعه .. ويوم .. لازم تعآيريني بأصلي .. " أحمد ربك خذيتك وانت خضيري وأنا بنت اصل وفصل "
وهربت من أهلي عشآنك ؟؟
.. الخضيري مآله رب ؟؟
.. مايصلي ويصوم ؟؟
.. مخلوق من طينه غير طينتكم ؟؟
.. وانا تزوجتك بالحلآل .. بعد ماملك لنآ شيخ قريتنآ .. فلآ تقعدين تعآيرين ..
.. نوره .. أي هذا حكي امك وخواتك .. عشان تآخذ الشيفه سمر بنت خالتك .. عقب ماتركت أهلي عشآنك .. و حملت .. طلعت على حقيقتك .. بس مآراح اخليك تآخذهآ الزفته .. وامك وخوآتك جعلهن للموت .. هن السبب ..
.. تنهد من قلب .. هذا شهرهآ .. خل تولد و ويصير خيرر ..
// آلبآارت آلسآادس وآلخمسون //
.. فهد ..
طلعت مآخذ شورر .. شفتهآ تبكي .. ومن شافتني نطت من السرير وهي منزله رآسهآ .. تبي تطلع من آلغرفه ..
.. مسكتهآ قبل لآتطلع .. بكلمهآ ..
.. نفضت يدي .. ورآسهآ لازالت منزلته وخشمهآ ووجههآ كله أحمرر ..
.. منى .. فهد ارجوك .. اتركني آروح ..
.. بكيت ضعف نفسي .. آنآ كنت طول هآلسنين أحلف وأقسم أنه مآيمس مني شعرره .. وبمجررد مآاحسيت برجولته استسلمت له ..
.. ابكي نفسي لأنه بعد اللي سوآه فيني رجعت اخضع له ..
.. وابكي مشآاعر وليده في هآلليله .. أو كآنت موجوده وآنآ طفله .. وأهو صحآهآ بعد مآكنت أظنهآ مآاتت ..
.. فهد الليله .. مآهو فهد اللي اغتصبني وأنا طفله ام 16 سنه .. ولآ هو فهد اللي اغتصبني بليلة زواجنآ .. بس بعد اللي صآار .. مآاقدر أحط عيني بعينه .. هزمنننني .. وانتصرر هو ..
¤ ¤ ¤
.. جوزا ..
.. وقتي ضآايع بين غدير النفآس .. وعيآل سآالم ..
وماعندي وقت ابد ابد حتى لو بحك رآسي .. مشغوووله مرره .. وجوزا الصغنطوطه .. ودي آكلهآ .. تموون نفسهآ علي .. وبرروك يآاقليبي شكله يخآاف مني .. عقب مآشآف أمي .. وهوآشهآ عليه .. كن له ذنب ..
.. حطيت الغرفة اللي تحت .. لي أنا وغدير والعيال .. وسالم يرقد فوق في غرفتي .. واحيآان يرقد معنآ ..
.. طفيت اللمبه .. وفرشت للعيآل بجنبي في الرقه .. وغدير على السرير .. نآاموو .. وآنآ قعدت آقرى المعوذات .. علي وعلى وآلدايني .. وسالم .. وهآلضعوف اللي مآلهم وآلي ولآ تآلي يعوذهم ..
.. حسيت بيد تمسك يدي .. بغيت اصررخ .. بس صك فمي .. وهمس ..
.. هشششش .. لآيقومون العيآال .. آنآ سآلم .. ابيس فوق ..
.. وطلع قبل لا أتعذر له وأقوله يخليهآ لبكرره .. ميته تعب ومآفيني حيل أرقى فووق ..
¤ ¤ ¤
.. فادي ..
.. من جتني رسآلة تووته رجعت طوآلي من الآسترآحه .. وقعدت أشبرر غرفتي رآيح جآاي .. أخطط وأفكرر .. ولاعزمت على شي أترآجع عنه .. أحسه حل فاشل .. السلآح وخذه بدر كله من بيتنآا .. حتى سلآح أبووي .. ومآيمديني أدبر شي قبل بكرره ..
.. وفكرة اني اسوي مثل فهد استبعدتهآ .. لأني خسران خسران حتى لو خذتهآ .. وبعدين بفرق بين ابوي وعمآاني .. والفكره نفسهآ سخييفه .. بعد مآاذن الفجرر .. خطررت لي خآاطره .. وهي " ومن كآن له حيلة فليحتآال "
.. بصبرر لحد السآاعه ثمآان واطبقهآا .. وريحت جسمي ع السرير وآنآ أقلبهآ في رآسي .. وأرتب أفكآاري ..
.. أقام لصلآة الفجرر .. وقمت أصلي أخاف ربي مآايوفقني بخطتي .. وهذي عآادتي لآجتني شده ذكرت صلآاتي وحرصت عليهآا .. ولآ جآ الرخآ تستآاهلت !!
¤ ¤ ¤
" بدر "
.. رجع من آلدوام حده تعبآاان .. شآف منتهى لآبسه .. ومتزينه .. وعبايتهآ ع الكنب .. وصيآاني حلآ مغلفه .. سألهآ بتعجب ..
.. وييين على الله ؟؟
.. منتهى .. بدر انت عآارف أن نسبآاكم البدوو بيجون أهلي .. وبروح أشررف على كل شي .. أهلي محتآاجيني ..
.. بدر يتخطآهآ .. تعآالي بس بنآام آنآا ..
أذا أذن العشآا وديتك .. بعدين اسلوبك هذا مآيعجبني .. تجهزين وتحطيني أمام الامر آلواقع .. وكأنك تقولين غصب عليك ودني ..
.. استأذنتي مني قبل ؟؟
.. سمحت لك تروحين ؟؟
.. وألآ تخطين من رآسك بس وتمشين عليه ؟؟
.. منتهى .. بدررر .. هذولآ أهلي .. وبيجيهم نآاس .. من بيساعدهم بالله ؟؟
.. بدر .. آهآااه عشان تجيني مثل يوم يخطب سعد عندكم .. تحطين وتشيلين .. ووقفه وكرف وقل أكل .. تآليتهآ اسبوع مانمتي مثل خلق الله .. ظهررك تاعبك وأرهقتي نفسك .. وآلاخت خلوود .. كنهآ العيد من بعيد .. حآاطه رجل على رجل ومرريحه نفسهآا وانتي تكرفين .. لأ ثم لأ ..
.. منتهى .. هههه والله لو تسمعه خلود .. كان تحب راسه على رآيه فيها .. هي مآتطيقه خلقه بدون لاتدري أنه يسبهآ أجل كيف لو درت ..
.. انقهررت .. ارسلت لخلود بقهررهآ ..
¤ خووخه أبو سعود مآرضى اجيكم ألآ بعد العشآ .. خايف علي أتعب أنا والبيبي .. يقول خلود حمآار مكده .. أكرفيهآاا ¤
.. ضحكت وأنآا أتخيل شكل خلود وهي معصبه ..
.. بدر .. خيرر أن شآاء الله .. ضحكيني معك ..
.. مآامدآني آررد ألآ وهالخبله مرسله الرد .. سحب بدر الجوال من يدي .. وقلبي يرجف .. هالخبله أكيد بتزفت الررد ..
.. خلود ..
¤ قولي للثور اللي عندك .. تقول خوخه .. ترا أن ماجبت بقرتك تساعدنآا .. حرمنآك انت ويآهآ من العلف مدة اسبووع ¤
.. عصب بدر .. مآثور غيرهآ هآلبقرره .. وجعله يقوي فآدي عليهآ .. محدن قاطع لسآانهآ هآلعووبآ الآ فادي ..
.. منتهى .. قريت رسالتهآ بعد ماشفته معصب .. وماقدرت امسك نفسي انفجررت اضحك ..
منتهى .. ههههههههههههههه ..
سحبهآا بدر بقهرر مصطنع .. وضحكتهى روقته غصب عنه .. وكتمهآ في صدره ..
.. فادي .. دقيت باب عمي فهد .. اكيد ام حمد مآاعندهآ احد الحين .. عيآلهآ بداومآاتهم .. وعمي بمكتبه ..
.. فتحت لي الشغآاله .. وطيررت عيونهآا .. مستغرربه جيتي ..
.. ضحكت على شكلهآا ..
.. هي آنتي .. لآتنحين لي كذآ .. جيبي لي قهوه بالمجلس ونآادي ام حمد ..
.. ومآ امدآاني ادخل المجلس ألآ وام حمد جآايه تررحب وشكلهآا مستغرربه جيتي ..
.. سرحت في شكلهآ .. متغطيه .. وعليهآ شرشف مغطيهآ كلهآ .. ولو يدينهآ مآشفتهآ ..
.. تنهدت بداخلي .. عقبآال مآاشوفهآ كآشفه عندي الاسبوع الجآاي لآ ملكت ام لسآان ..
.. مدت له الفنجآال تقهويه .. وهي تفررك تبي تعررف سبب جيته آلغريبه .. بس مآهيب زينه تسأله وهو مآبعد تقهوى حتى ..
.. فادي .. خذ الفنجآال .. وقعده .. وبمسكنه .. قآالهآ وجهه مآيبشرر بخيرر ..
.. يآام حمد .. خبررك أنآ التميت على شله سووء .. وخربوني ..
.. وآنآ اخطيت وخير الخطآئوون التوآبون ..
.. وأنآ مآ اخطيت في حق نفسي بس .. ونزل رآسه .. اخطيت في حق عمي ابو حمد بعد ..
.. ام حمد .. يآاولدي .. من تآاب من ذنبه كمن لآذنب له .. وسعد سبحآان الله ماكآن الله كآاتب أنه من نصيب خلود .. عشآان كذا خلآك سبب لرده .. وآلواحد يمك مآيدري وين الخيرره فيه ..
.. يمكن ربي كاتبن لهآ الخيره مع غيره .. وله الخيره مع غيرهآا ..
.. وحنآ أهل .. لآيضيق صدرك .. وهي توهآ صغيره .. وربي بيرزقهآ بأذن الله ..
.. فآادي بتردد حسب خطته ..
بس .. بس .. بس آنآ .. آنآ ..
.. حثته ام حمد يكمل عشان يطلع مآبخآاطرره .. انت وشوو ؟؟
.. بس أنآ ذاك اليوم .. قررت اجبركم تزوجيي ايآهآ لو غصب عنكم ..
.. عشان كذآ بعد زواج بتول اختي بليله .. يوم شفتهآ بتنآام عندنآ ..
.. تغافلت خوآتي تالي الليل .. وووو .. .. .. وآستدرجتهآا لغرفتي بعد ما ارسلت لهآ روزه تقولهآ أن بدور تبيهآا عشآن توريهآا غرفتي ..
.. وبدور صررفتهآا تسوي لي عشآا عشان تأخرر مآتطلع .. لأن خلود ماراح تنزل تحت وآنآ فيه ..
.. وأول مادخلت غرفتي قفلت وراهآ .. وهددتهآ بأنه لو تكلمت بقول هي جآايه غرفتي وقاطه نفسهآ علي .. ومآراح افتح لاحد لحد مآ انتهي منهآ .. بعد كذا بفتح الباب وافضحهآ ..
.. الدم تحسه اندفع دفعه وحده لرآسهآا .. وآذانهآا تداخلت الاصوآات فيهآا .. مسكت رآسهآا من الم ارتفاع الظغط المفآجئ .. ونوبآات أغمآء مثل النعآاس تجتآاحهآ بكل ثانيه ..
.. كمل فادي ..
.. هي مره وحده بس ياام حمد .. مره وحده وكآنت سبب هدايتي بعد الله .. وانا سمعت أنهآ بتخطب .. قلت استرر عليهآ من الفضيحه .. بنت عمي شعرر وجهي ..
.. وانا حلفت لهآ بعد ماتعوذ مني الشيطآان أن استرر عليهآ ومآ اعلم احد .. وانا قلت لك بس .. عشان مابي عمي يدري ويجيه شي لاقدر الله .. والا يتفرق هو وابوي بعد ما الله جمعهم .. ويمكن بدر ومنتهى يتطالقون بسبتنآا ..
حس انهآ صدقته .. بنرت صوته .. ومسحة الحزن والندم على وجهه .. سآاعدته في أنهآا تصدق حكيه ..
.. استأذن بعد مابين اسفه وندمه .. وشهآمته بأنه يصحح خطأه ..
وترجاهآ لاتقول لخلود شي .. لأن مآلهآ ذنب وأهو اجبرهآ .. ولآ لعمه ..
.. وانه بيرجع يخطبهآا بعد مآايردون على البدوو ..
.. وأول مآركب سيآارته .. طلع جوآله بفرحه .. " مشكورره يآاحلى تووت "
¤ ¤ ¤
.. رجعت خلود من الجامعه الساعه 3 زفرت بطفش .. الحين هم نسبآ عمي .. وش دخلنآ أنا يسيرون علينآ .. عضت لسآانهآ يوم تخيلت ابوهآ يسمعهآ ..
.. مآشافت امهآ .. طلعت غرفتهآ بتبدل وجلست تراسل مع منتهى وهي تدعي على بدر آللصقه ..
.. الظآهر يحسب منتهى من ورث جدوده مآلهآ أهل .. مآالت عليه .. اناني شايف نفسه .. تحلطم .. وفجأه انفتح باب غررفتهآ بقووه .. نقزت مرتآاعه ..
¤ ¤ ¤
" جآابر "
ذلحين وش قومس مآحملتي .. واختس حويمل .. وحنآ معرسين بليلتن وحده ..
.. ضحكت موضي على غبآائه .. وبلكآعه قالت ..
.. قوومه يعشي حرمته كل ليله مررقت حبآارى .. ويغديهآ رآس غزآل .. ويفطررهآ قررص مخبوص بسمن سمآان ..
.. وانت ذبحتني بالخبز والجبن .. والتمر واللبن .. غديت كني خضآضة لبن ..
.. جآابرر .. آلله يعظم اجرري .. مغيرر أغذآس .. جنوبس تكبرر .. وكرشس تصغرر .. تقول قربتن منشقه !!
.. كل مآعبووهآ خررت ..
.. موضي .. آهب يآوجهك .. أذكر ربك .. وأتفل علي .. لاتنفضخ كرشتي .. وتنثع مصرآيني ..
.. جآابر بعيآاره ..
التفله الخآاصه ابميه .. وآلعآمه آبخمسين .. وآلتفله مع القرآيه وصوري ابميه وخمسين .. خصم خآاص عشانس حررمتي ..
موضي .. وهي تشرب صوره طيب الصور لحآله .. تحت التجربه !!
// آلبآارت السآبع والخمسون //
" ام حمد "
.. فتحت البآاب بقوووه ..
.. انتفضت خلود .. وحطت يدهآ على قلبهآ تهدي روعته ..
.. يمه بسم الله هبلتيني ..
.. انتبهت على وجه أمها المتغير .. واعتدلت واقفه .. يمه عسى ماشرر !!
ظنت أن حمد اللي باقي له نصف ساعه ويوصل الرياض أن فيه شي ..
.. ام حمد جاوبتها السؤال بسؤال ..
.. خلود .. يوم تمسين في بيت عمك بعد زواج بتوول أحد جآاك وألا قرب لك ؟؟
.. عقدت حواجبها وهي تحاول تكتم غضبهآ .. وجاهدت لايرتفع صوتهآ الغاضب على أمهآ ..
.. خير أن شآء الله .. من يقوول ؟؟
.. سآمعه شي ؟؟
.. وقبل لاتجاوب أمهآ .. حلفت ..
.. وربي اللي رفع سبع وطمن سبع مامس أحد مني شعره .. قسم بالله ..
.. وماشفت زول رجال ألأ أني صادفت فادي عند الباب .. وطلع مآلمس حتى طرف اصبعي ..
.. تعرف نبرة الصدق اللي في صوت بنتهآ .. ونظرآتهآ البريئه .. ورجعت لهآ الثقه في تربيتهآ اللي حآاول فادي يهزهآا ..
.. جلست ام حمد على الأرض فجأه .. وغطت وجههآ بشيلتهآ .. وأنهآارت تبكي .. صعب على الأم أن احد يطعنها في صميم تربيتها طول هالسنين .. وببرود يتهم بنتهآ في شرفهآا ..
.. جلست خلود بجنبهآ ع الأرض .. وحضنتهآ .. سحبت الشيله وبعدت يدين أمهآ عن وجههآ .. ومسحت دموعهآ بيدهآ ودموعهآ هي نزلت من شآافت دموع امهآا ..
.. خلود .. وشفيك يآلغاليه !!
.. أحد حاكي لك شي عني ؟؟
.. تشكين فيني يآ ام حمد ؟؟
.. أنآا لو هآلعالم كله أتهمني بالشينه .. مآيهمني .. بقول يكفي أمي هي اللي تصدقني .. كان عتآاب خفيف من خلود لأمهآ .. طلع غصب عنهآ .. احساسك بانك متهم مرر .. وأحساس الظلم أمررر وأدهى ..
.. أم حمد .. فآادي حسبي الله عليه ..
.. جآاني الصبح وقآالي أنه امسى معك ليله .. هنآاا غضب خلود المكبووت خررج عن السيطرره ..
.. وقفت بسرعه ووجهت اصابعهآ لأمهآ تهدد ..
.. هآلزفت فآادي بعرف أربيه .. وأعلمه كيف يقط كلمته ماثمنهآا ..
.. باتصل بحمد وأقوله .. خله يلعن خيرره ويمسح به البلآااط ..
.. وبعلم ابوي وعمي .. خل يأدبونه هآلخبل ..
.. مسكتهآ أمهآ .. خلود طلبتك .. لاتفضحينآ في الناس .. ماجد ولد ابو صقر جاي المغرب مع أهله يخطبوونك .. وأكيد أنه سوآا كذا عشان تاخذينه .. وابووك لايدري بشي والله أن يروح فيهآ قبل لآيسمع باقي الخبرر ..
.. وحمد .. مطيورر وعصبي .. بيذبحه قبل لايسمع شي ..
.. تكفين لاتشبينها بينهم .. وتفرقينهم .. تعرف بنتهآا عنيده ومآتخلي حقهآا ..
وبرجآا .. بنقوول لبدر وهو بيحلهآ ..
.. أخوه ويعرف له ..
.. قالت بعنآاد .. عنآااد فيه بآاخذ هآلبدوي أبو مرره ولآ أخذه هآلززفت ..
.. وأتصلت في منتهى تفرغ غضبهآ وتهدد وتوعد ..
.. بدر انصدم ..
.. ماتوقع ابد اخوه يسوي كذآ ..
.. نزل منتهى عند أهلهآ .. وطلب منهآ يكتموون على السآلفه لآتكبرر .. وأهو بيحلهآ ..
" مآاجد "
صررخ فيهآ .. وضييييح جيبي الدخوون .. وقف قبال مرايته .. يتأمل وجهه .. شآال عوآرضه .. وخلآ سكسوكه صغيره صآبغهآ بالأسوود .. خفف شنبآاته وحددهآ ..
قربت بالمبخرره سمعته يدنن وينشد .. وهي مآسكه ظهرهآ من وجعه .. هذآ شهررهآ ..
.. قال يغيضهآ ..
.. مآباركتي لابو عيآلس .. آاقصد أبو بنآتس .. العيآال بتجيبهم لي أخلود ..
.. عطته مقفآهآ طآلعه .. لآوافقو باركنآ لك .. ولآردوك عزينآاك ..
.. لبست نقآابهآ وشرشفهآ .. ونزلت بقهوتهآ تحت عند خآلتهآ مثل ماطلبت منهآ .. نزلتهآ ومدت فنجال لابو صقر ورفع يده " أكرمس الله " .. ولام صقر تقهويهآ وثاني لصقر وثالث لبتول ورابع لهيآ إختهآا ..
.. نزل عليهم مآاجد وريحته تسبقه ..
.. شافته أمه .. وقلبت الطوفريه بعجل بما فيهآ من فنآجيل تصاقعت في بعض .. وقدوع انكب منه شوي .. تسندت على عصآهآا ووقفت .. والطوفريه بيدهآ الثانيه ..
.. بعد ما استوت واقفه .. ورمت عصآهآ ..
قلبت اللي بيدهآ وقامت تطق عليهآ وتغني .. وتهزع .. بدون لاتراعي مشآاعر اللي لهآ ساعه تقهويهآ ..
.. مآاجد لفى يوم الأثنين .. مآااجد لفى يووم الأثنين ..
.. لآشآااف فيهآ ندآامه .. لآ شآااف فيهآا ندآامه ..
.. مآاجد .. لآ والله منيب شايفن فيهآا ندآامه .. صح يآاوضيح ..
.. قاطعهم أبوصقر يوم شاف دمعة وضحى ..
.. آهجدي يآامرره .. عجوزن ذآ كبررس وتناقزين مثل آلبهم .. اللي مثلس يلزم سجآدته واستغفآاره وذكره .. وانت الواحد لابغى يعرس يطيب خاطر حرمته قبل ..
.. فشلهآا وكسرر فرحتهآا ..
.. عودت مكآانهآ وهي تلهث ..
.. هذآ سالم يوم اعررس محدن قآله شي .. وانت أولهم ..
.. ابو صقر .. سالم ماطلب غير حقه .. له في الشرع أربع .. وانتي ادرى باللي خذاهآ .. وبنتس اللي مآابغت الرضووه ..
¤ ¤ ¤
" حسن "
.. لأ مخدرات لأ .. أنآ قلت لكم بس خمره وبنآات .. أبي أشوه سمعة أخووه وبس .. لكن مخدرات مهوب كارنآا .. ولا أتعامل بهآ ..
.. جبرر .. يآاخوك مآ طآاع ..
وغشينآه حطينآ الخمره باللبن .. وعرفهآ .. حطينآهآ في بيبسي وعصير وشم ريحتهآ .. لو الشاهي خلطنآهآ معه مآطاع ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك