بداية

رواية اضحك وانا في داخلي مجروح -17

رواية اضحك وانا في داخلي مجروح - غرام

رواية اضحك وانا في داخلي مجروح -17

المكاان : بيت بو سيف
الساعه : 11 : 10
سـييـف
.................................................. .................................
افف قاهرتني هاي بنت خالي مادري ع شو جايفه عمرها ترمسني من طرف خشمها ...اتذكـر يوم جفتها ف الجمعيه هزبتني هزااب قلنا ماعليه لاني غلط عليها وطيحتها بس هنيه عاد مادري بلاها جنـي ذابحلها حد ولا شـي خـل تـولـي بس .. ركبت سياارتي وطلعت من البيت وانا طالع جفت سيارتها ....شخطت ويـل صووبها ورووحـت ف الدرب اتـصلت حق ربيعي عـلي
ترن ترن ترن
عـلي : الو
سيف : هلا
علي : اهليين وسهلين
سيف : انت وين ؟
عـلي : اممم ف صوب الجمعيه
سيف : اوكيـه اترياانـي بييك
علي : اوكي باي
سيف : باي
بندت عنه وفرييت الفوون ع السيت الي حذاالي سرت صوب
الجمعيه دخلت الباركنات ادور سيارت علي جفتها ووقفت سياارتي حذااله .. جفت يآ صوبي وفتحت البااب ويلس
علي : السلام عليكمـ
سيف : علييكمـ السلآم
علي : هدي هدي بلاك معصب
سيف: مقهووور منها
علي : منوو هيه ؟
سيف : بنت عمـوه
علي : اي وحده ؟
سيف : هاي الي جفناها ف الجمعيه
علي : متـى ؟
سيف : الي هاك اليوم يوم ييت عندك الشارجه يوم يينا الجمعيه ودعمت وحده هناك قلتلك الساالفه
علي : هييه تذكـرت
سيف : ترها طلعت بنت عمـوه
علي : اونه
سيف : والله
علي : انزييين ليش منقهـر شو سوتلك؟
سيف : تقـهـرني تخـيل اليوم يايه بيتنا جنها عند شوق اقولها شحالج ترد عليه من طرف خشمها الحمدالله حتى انت شحالك ماقالتلي ..جني ماكل حلاال ريلهاآ
علي : هههههه الحيين هاذا الي مخلنك معـصب عادي انزيين يمكن البنت مستحييه عسب الي استوى ف الجمعييه
سيف : مستحيه ترمسني بطرف خشمها .. اسكت بس
عادي انا وايد ويا عـلي من زمان عشرة عمـر بينا ف عادي ارمس ويااه واقوله الي ف خـآطري .. يعني ماستحي منه
عـلي : انزين بسألك سؤال .؟
سيف : اوكـيه اسأل
علي : انت تحبها
فتحــــت عيــني ع الاخـر هاذا الي نااقـص
سيف : احبهااآآآآآآآ هذا الي ناقص احب هالخقاااقه
علي : عيل ليش مهتم .
سيف : بس جي مقهور منها
عـلي : الساالفه اكـبر من قهـر صدقني انك تحبها
سيف : سير لااه شو احبها بعد يلاا بس غـير السالفه قولي وين تبا تسير
علي : الحيين تبااني اغـير السالفه . بس باجر بتي تتشكى من حبها .. ولاتسميني عـلي بعد
سيف : جب جب غـير الساالفه وين تبا تسير
عـلي : ههههههه اوكـيه سيير صوب الممزر
سيف : اوكـيه
.................................................. ................................
المكاان : سياره امـل
الساعه : 11 : 15
امـل
.................................................. .................................
تـونـي طـآلعه من بيت خـآلي وياايه شـوق
امـل : اقول شوق
شوق : هلا
امل : بتجووفيين ف السده الي جداامج سيدي حطيـه
شوق : اوكـي ..
حطـت شوق السي دي يلست آبدل الاغااني لين وصلت عند الاغااني الي عندي امم لين وصلت عند اغنيه نوال الكويتيه اغـلى حب خلـيتهآ ... تذكـرت خالد الله يرحمه ويغمد روحه الجنه
وصلت بيت عمـي .. اتصلت حق هند قلتلها تطلع
شوق : استحـي اموول
امل : هههه عاادي تراها حبووبه
شوق: اوكييه انـزيين
امل : فدييتها خوله تولهت عليها
شوق : هيه حلييلهاآ ماتعرفين متى بنسير راك؟
امل : ف العييد اتوقع
شوق : اها
شويه ووصـلت هند فتحت البااب وسلمت ع شوق وعقب سلمت عليه وركبت
هند : كيييفكم بناتااات ؟
امل : بنشكر الله
هند : دوومز
هند : بناات انا يوعاانه
شوق : هههه مي 2 تبوون الصدق
امل : اممـ خاطري ف ماكدونلز
هند : مي 2 اموول شرايج تسيرين؟
امل : امممـ انـزيين بس بسير البييت اول
شوق: لييش ؟
امل : بسير بييب بوكي وشنطتي
شوق : لاااا انا الي بدفع
هند : والله العظيم محد غيري بيدفع
امل : انتوو اييه لاانتي ولاهيه انا
هند: جب جب يلا اكسري وسيري صوبه
سرت صوب شاارع الامارات لانه اقرب ماكدونلز هناك واناا زااايغه اماايه تهزبني وصـلنا هناك وطلبنا خذنا الطلبيه وسـرنا صووب البيييت وصـلنا البييت ع السااعه 12 الا ربع شلينا الاغراض وسـرنآ صـوب الًصاله دخلت جفت اماايه
امل: السلاام عليكم
شوق وهند: السلاام علييج خالوه
امايه : هلاا وعلييكم السلام اقربن
دشن هند وشوق سلمن ع اماايه ويلسنا وياها شويه وعقب سرنا فوق دشييت غرفتي ودشن وياايه فصخت عبااتي والشيله وعلقتهم
امل : خذن راحتكن بناات الغرفه غرفتكن الي تبا تتبدل ولا شي الكبت موجوود
شوق : لا انا اصلاا لابسه بجامه
امل : وانتي هند سيري بدلي جان تبين
هند : اوكـيه الحيين ساايره محد يحش فيني
شوق: هههه لاتخافيين محد بيحش فيج
هند : اسوولف فديييتكن
سارت هند تبدل
شوق: ماشاء الله عليها حبوووبه
امل :هههه قلتلج الا انتي مستحيه
شوق : وياا فييسج
امل : ههه احسن عن فييييسج
شويه وظهـرت هند ويلسنا نسوولف ونحش ف خلق الله هههـ..
ولعبنا شويه ملك جلاد .. وعـقب رقـدنآ
الصــبح نـشييـت ع السـآعه 11 ونـص سرت بدلت ثياابي واتغسلت طلعت من الحمام جفت شوق واعيه
امل : صبااح الخير
شوق : صباح النوووراات
وعقب وعييت هند سارت بعد بدلت وجـي نزلنا كلنا تحت جفت امايه فديييييييييييتهآ فالصـآله تحـت
: السلام عليييكمـ
امايه : وعلييكم السلام
امل : شحاالج امايه
امايه : بخـييير الحمداللله
هند وشوق : شحالج خالوه؟
امايه : بخير فدييتكن
امل : لا والله حقهم هم تقولييلهم فدييتكن واناا بنت البطه السوده
هند : ههههه يعني اونج تغااريين
امل : هيه اغاار
شوق : ههههههههه يااهل
امل : جب جب
امايه : متى بتسيروون الصاالون؟؟
امل : امممم ع السااعه 1قبل الزحمه
اماايه : زيين زييين
امل : بتيين ويانا ولآ؟
امايه : لا لا مابي
يلسنا نسوولف وياا اماايه ليين الساعه 12 وشـي عـقب سرنا فوق نتلبس ... لبست برمووده بيضه وبدي اسود فيه ابيض ولبست عبااه مصكره وشيلتي شليت شنطتي واغرااضي
امل :هااه خلصتو ولا
شوق : انا خلصت بس بلبس عباتي
هند : مي تو خلصت بعد
شويه ونزلنا تحت سرت صوب اماايه
امل : اماايه فدييتج انا ساايره تامريني بشي ؟
اماايه : سلامتج ولاتسرعيين شوي شوي
امل : ان شاء الله فدييتج مع السلامه
امايه : الله وياج
طلعت عنها وسرت السيااره
امل : هااه ف منو تحشون
هند: فييج
امل : افااااا
شوق : ههه تقص علييج مانحش فييج
امل : لا لا اناا صدقت خلااص
هند : محد قاالج تصدقييين
امل : ويا فييييييييييييييسج
سرنا صووب الصاالون تحنيينا وخلصنا وعـقب مـريت خذيت السله الي طلبتها امـس وردييت الببيييت يلسنا ليين مااذن المـغرب فطـرنا وعقب وصلتهن بيووتهن وردييت البييت
وانا فرحاانه بااجر العييد بس بعد احـس بفـرآآغ تولهت ع ريـم فدييتهآ العييد الي طاف كانت وياايه وهاالعييد برووحـي ....
سـرت طلعت ثيآآبي مال العــيد ودخنتهمـ ... ودخنت عبااتي
وطلعت اغرااضي البااجـيه وسـرت حطييت المنبه مال المباايل ع السااعه 6 الًـصبح وسـرت ارقـد
......................................
الـصـبح نشـيييت ع صوت المنبه بندت وقمت سرت خذتلي شـور
وعـقب طلعت من الحماام عزكم الله .. يلست انشف شعـري واسشوره خلـصت ع السـآعه 7 وشـي كنت لابسه مخوره طلعت بـرع ونزلت تحت جفت امايه يالسه سرت حبييتها ع راسها
امل : عيييدج مباارك امايه
امايه : علينا وعلييج حبيبتي
شويه ودخلو قوم ابويه نشييت سلمت علييه وع احمد وباركتلهم بالعييد بعديين يلسنا كلنا نتريق وقامو قوم ابويه يسيرون يسلمون
قمت انآ وسرت فوق مسكت فووني واتـصلت ف ريم
امل هلا وغلا
الريم : اهلين وسهلين
امل : كل عام وانتي بخير
الرييم : وانتي بخــيير حبـي
امل : شحالج ؟
الريم: الحمدالله بخـير وانتي .؟
امل : بخــيرالله يسلمج
الريم : تجهزتي ولا بعدج
امل : الحيين بسير البس
الريم : انزيين عيل انا بعد بسير البس
امل : اوكيه سي يو
الريم : باي
بندت عنهآ وسـرت لبست ثياابي كنت لابسه تنووره عيناويه وفييها سلفر وبدي بنفسجي فيه كتاباات بالسلفر وجاكييت بنفسجي .... لبست تاج ف شعري لونه بنفسجي وخلييت شعـري مفتووح... رسمت عيووني وحطييت شدو خفيف بنفسج ..وغلووس وردي وحطييت بلشـر خفييف.. طلعت من غرفتي ونزلت تحت جفت امايه وعبوود سلمت عليه
امل : امايه شكلي اوكـيه ولا
امايه : لا ماشاء الله علييج حلوه .
امل : انزيين اماايه متى بنروح
امايه : يلاا خلصي ترا ابوج روح هناك الميلس هوه واحمد
امل : ومنو بيودييينا ؟
اامايه : منو غـيرج
امل : اوكي بسير بلبس عبااتي وبي
سرت فووق ولبست عبااتي وشيلتي ونعالي شليت شنطتي وحطيت فيها اغرااضـي وفووني وتعطرت ونزلت تحــت
امل : يلاا امايه انا خلـصت
امايه :يلا الحين ياايه
سرت صووب السيااره فتحتهاآ وشغلتها ويلست اتريااهمـ ...
بطلت المـسجـل وحطيت الاف ام .. شوي ودشت امآيه وعبود
امل: عبوود ليش ماسرت ويا قوم ابويه..
عبود : رقدت ويوم نشييت كانو مروحيين
امايه : هيه من الـسهـر
عبود : امايه خليني آسهـر اجازه
امل : ع شو سهران؟
عبود: ع السوونـي
امل : ايـوااا
وصـلنآ بييت يدووه وماشاء الله زحمه عند البآب وقفت سياارتي بـرع البييـت .. زحمه وايد عند الميلس ...شليييت شنطـتي ونزلت جفت وايد نآس قـمت تغشيييت ودخلـت ويا قوم امايه وعبود سار الميلـس
دشينا دااخـل كانو قوم ميره والريم وهند كلهم ماشاء الله موجووديين سلمنا عليهم وع يدووه ..... وعـقب يلسنا كلنا نسولف
امل : ويينج ميروووه ماتنجاافيين
ميره : ههه حاطه مخـفي
امل : ههههه فاتكمـ قبل يووميين قوم هند وشوق باتو بيتنا
الريم : والله كششخه
ميره : وييين هاييج الاياام الي نباات ف بيتكم
امل : ههههه انتو الحيين معرساات
كلهم عرفوو ان ريييييم حاااامـل وفرحوولها واايد هيه وحميد
عالسااعه وحده تقريباا حطو الغدا تغدو وعـقب كلهم روحوو حتى ريم وميـره تميينا انا وهنـد
هند : وصفيينا انا وانتي يا املوو
امل : لاتقووليين املوو ماحب
هند : هههه انزيين يااملو
امل: ايي هندووه
هند : ههههـ اخخ بتبدا الجاامعه والكرااف
امل : هييه والله
هند : ملل
امل : هييه واايد شراايج نطلع؟
هند : ويين نسير الحيين الظهـر
امل : نتحووط ف الشواارع احسن من الملل
هند: ماقوول لا يلا قومـي
نشيينا وسرنا نلس عبيينا وطلعنا من ركبنا السياره
هند : شحالها شوق
امل : اووه نسييت اتصل فيها اليوم
هند : هههه شاطره ههه
امل : ههه جب
اتـصلت ف شووق وترن ترن ترن ترن
شوق : الوو
امل : مرحباااااا
شوق : مرااحب
امل : عيييييييدج مباارك وكل عام وانتي بخـير
شوق : الله يباارك فييج وانتي بخـير
امل : شحالج ؟
شوق : بخـير وانتي
امل : الحمدالله
شوق : انتي ويين
امل : طاالعه
شوق: اجووفج ماتقريين من خذتي الليسن
امل :ههههه حرام علييييج طالعه ويا هند ملل كنا رواحنا بييت يدوه
شوق : هييه حلييها عطيني اياها بسلم عليها
امل : اوكـيه
امل : هند آآكـيييييه شوق تباج
هند : اوكـيييه
يلست هند ترمس شوق سرت اناا صوب المحطه صبييت بتروول وبركنت هنـآك
امل : يلا هندوو بنننزل
هند : اوكـيه
عدلت شيلتي ولبست نظاارتي الشمسيه وهند بعد نزلنا المحطه كاانت فااااضيه محد فيها يلسنا نتشرآ وعـقب حاسبنا وركبنا السيااره يلسنا نتحوط ف الشوارع بدون شغله ولا مشغله ع الساعه 3 ونـص رديينا البييت .... دخلناآ داخل وفصخنا العـبي
يلسنااآ نسووولف وعـٌقب ..قـمنآ وسـرنا نـصلـي .. وعــٌقب بدلت ثياابي وهند بعد بدلـت ثيآبهآ .. طلعنا من ميلس الحـريم وسـرنا الصآآله عند يدوه نسولف وياها لين مايون الباجييين فدييتهآ يدوه شمعه العايله ...
شـويييـه وكـلهمـ يـووؤ ... ويـلسنآ سـوآآلف وعـفسه
كنت ياالسه ويا البناات رن فووني برنه المـسج
فتحته كان من رقـم غـريــب..
...... اربع ... اربع حروف و يزيد حبي...
اربع حروف و ايفز قلبي...
انت الغلا ميزك ربي ...
قلبي انا منك صويبي..
مسحت المسج وطنشت قلت يمكـن مـغلطييـن
يلست اسولف ويااهمـ وعـٌقب سـرنآ البيـت
من وصلنا البييت عطول حطيييت رآسـي ورقـدت من الـتعب
اليوم الـي عقبـه نشـيييت ع صوت آمآيه فديتها توعيني عسب نسير رآكـ ... قمت وســررت خدتلي شور نشفت شعـري ولميته ننزلت تحت عند امايه سألتها بنسير بيت يدوه ولا بيت قوم خـآلوه قاللتي قوم امـي ...سرت فوق ولبسسست تنووره تركواز ...
رسمت عيـنـي ...وحطييت بلشـر خفيف وغلوس تعطرت وطلعت من غرفتـي سـرت صوب غرفة احمـد دقيت الباااب ودشيت
امل : صباح الخـيير
احمد : هلا صباح النور
امل :امم احمد متى بتسير بسير وياك
احمد : الحين بسير يلا
امل : اوكـيه بلبس عباتـي
سـرت لبست عباتي وشلييت فونـي وشنطتي وصلنـي مسـج فتحته
انت الوحيد اللي من القلب ماكن . .
انت الوحيد اللي بغلاته تعلقت *~
وابعترف انك داخل القلب ساكن . .
ابعترف انك بالغلا حيل حققت *~
كان من نفس الرقـم الي الغـريب الي امـس سويت طاف وسـرت تحـت جفت احمد وسـرت ركبت وياه وطبعا قوم امايه مروحيين قبلنآ ...ركبت السـيآره وتوجهناآآ الي شآرع الامارات هع
ونحـنا ف الـدرب كنا جريبيين من راك سمعت صوت مسـج شليت الفون جفت نـفس الـرقم بعد استغربتت
جيتك وقلبي حامل كل الأشـــــواق.
.جيتك ونبضاته تزغرد بالأحســـاس
جيتك{ أمل}؛ جيتك فرح جيتك إشراق .
.جيتك وفاء وإخلاص ياطيب الساس..
.جيتك على أشفاهي تراتيل مشتاق
...متلهفه لقياك
ياشمعة النـــــــــــاس
استغربت وايد طرشت مسج كتبت فيه
منوو ؟
شويه ووصلـني مسـج
عرفتك بالزمن صدفة ....... بلا خطة ولا ميعاد
سكنت بقلبي وبجوفه .. وصرت لدنيتي أعياد
استغربت وايد شو هالحركات السخيفه ..
شـوييـه ووصلـنا بيت امـيه .. نزلنا وكانو قوم خالو موجودييين
سلمنآ علييهم وجـيه
امل : وينج يالقاطعه مول مانجووفج
خوله: انا قاطعه ولا انتي
امل : ههههه يالييتج والله ف الشاارجه
خوله : ههههههـ ....
شـويه ويو قوم خـآلي محمد ... يلسنا كلنا سوالف ليين الساعه 2 حـطو الغـدآ ... تغديينآ وخـلصنآ يسلنا نسولف ..وجـي
امل : تعاالو بنسـيير غرفة خالوه مهره
: اوكـيه
سرنآ صوب غـرفه خالوه مهره يلسنا كلنا نسولف وجـي
امل : شوق عندج اغنيه راشد اه يادكتوره جروح الغرام؟
شوق : لاا ماعندي اياها
خوله : انا عـندي من فتره يتني هفه عليها كله اسمعهآ
امل : اوكييه طرشييها
خوله : مب متفيجه انتي طرشيها برووحج هاج خذي الفون
امل : يالفااسده ...
سرت خذت فوونها وطرشت الاغنيه الي اباهاآ .... توني ياايه برجع الفون رن ف ايدي طاحت عيني ع الرقـم فجييت عيني ع الاخـر .. .. مصدووومه من الاسم الي اجووفـهم معقووله يمكن انا مغلطه .. كاان نفس الـرقم الي من يوووميين يطرشولي مسجات
تعرفوون رقـم منـو طـلع .... رقـم الهــــــرررررررم هزااااعووووه
والله انه سباال انا براوييه اففف
سمعت خوله تقولي
خوله : امول منو متـًصل
امل : هاه هييه هذا هزاع يوديه
فرييت علييها الفون وسرت صووب فونـي شلييته وفتحت اخـر مسج جفته اتأكدة انه نفس الرقم .. افف هزااع من ويين ياايب رقـمي يالله افف ... سرت صوب شوق ويلـست اسوولف وياهاا
وع السـآعهـ 5 ظهرنا من بييت يدوه رديينا حبيبتي الشاارجه فدييتها وفدييت هواااهاآ ...
وصلت البيت خذتـلي شـور ويلست ملاانه اذن المغرب صليت ونزلت تحت جفت اماايه لابسه عباتها بتطلع ...
امل : امايه ويين بتسيريين
امايه : بسير عند ربيعتيه ام عبدالله مربيه بسلم عليها
امل : انزيين انا ملاانه
امايه : شو اسويلج
امل : عادي اطلع
امايه : شاوري ابوج
امل : اوكـيه ويينه
امايه : طالع
امل : انتي منو بيودييج
امايه : احمد
امل : اوكـيه عـيل الله يحفظج
سرت فووق ويبت فوونـي اتـصلت ف ابويه
ترن ترن ترن
ابويه : الوه
امل : السلام علييكم
ابويه : وعليييكم السلام
امل : شحالك ابويه؟
ابويه : الحمدالله بخـيير
امل : ابويه ابا اطلع من البيت محد عندي امايه واحمد كلهم محد
ابويه : امممم الحيين الساعه بتي 7 الساعه 9 تكونيين ف البيت
امل : ان شاء الله مع السلامه
ابويه : فماان الله
بندت عنه ويلست محتااره بطلع بس ويا منو ماحب اطلع روحـي قررت اتصل ف شوق اجوفها
ترن ترن ترن
شوق : الوه
امل : هلالاا وغلا
شوق : اهليين مسرع ماشتقتيلي
امل : هههه ويا فييسج مابتطلعيين ويايه؟
شوق : لالا ماقدر لان بنسير العيين اليوم
امل : امممم اوكـيه عيل بتصل ف هند
شوق : اوكـيه باي
امل : بآي
بندت عنها واتصلت ف هند
امل : مرحبا
هند : مراحب
امل : شوتسوين ؟
هند : متفيييزره
امل : ههههه عيل بتطلعيين ويايه
هند : صبري بسأل امايه
شويه وردت هند
هند : اوكـيه يلا بسرعه تعالي
امل :اوكيه بتلبس وبي
هند : اوكـيه بآي
تلبست وتجهزت شليت فوني وشنطتي ونزلت تحت ركبت سيارتي وشغلتها وسرت صوب بيت هند وصلت ووقفت اترياها وصلني مسج من الرقم الغرييب او هزااااااااااااااااااااااااااع
صورتك في عيني
وفي ~ القلب ~ طاريك
تعال شوف بدنيتي وش مكانك؟
ان جيت كل دقات قلبي تحييك
وان (رحت) تواسيني بقايا (حنانك)
أعاهدك ما يوم ممكن أخليك!!
وماعاش من ياخذ بقلبي (مكانك)
يالله هالانساان شو يبااا خطبني ورفضت شو ماشي ذرت كراامه اففف منه
طرشت مسج ثاني منوووووه
رد علييه بتعرفيني مع الاييام
يالله والله يـقهـرني سير ول اف
شويه ودشت هند .. سلمت عليها وردييت شلييت فووني كتبتله لا انا ابا اعرف منو الحيين ولا بعطي رقمك اخويه
نزلت فووني معصبه موووول
وحركت سياارتي
هند : اوف اووف بلااج معصبه هدي حياتوه
امل : لا مب معصبه
هند : اشك الصراحه هع
امل : والله قااهرنـــــــــــــــــــييييييييييييييييييي
هند : منووه ؟؟
امل : هااااذااا هزاااعووووه يـقهـر ...
هند : ولد خاالتج ؟
امل : هيييه
هند : هييه هاكي الي جفنااه ف صحارى العييد الي طاف
امل : هييه هاذا هوه
هند : ليش شو مسوي ؟
امل : افف تعرفيين هوه خطبني وانا رفضته ومن يوميين يالس يطرش مسجاات حب وانا مطنشه واليوم اكتشفت بالصدفه ان ها رقم هزااع ومقهووووره منه وايد اقولج مايحششم افف
هند : استغفر الله سوييله طااف
امل : اوكيه انزين وين تبين تسيرين الحين؟
هند : خل نسير مكان جرييب
امل : امممـ شورايج صوب البحـيره
هند : اوكـيه
سرنا شويه تحوطنآ ورديينا صوب البيت الساعه 8 ونـص كنت ف البيت .. سـرت صوب المطبخ سويتلي اندوومـي شليته وسرت الصااله الي فوق شليت فون البيت واتصلت ف امايه
امل: هلا امايه
امايه : اهليين
امل : انتي وين مامي ؟
امايه : الحيين بعد شويه برد
امل : اوكـيه عيل بآي
بندت عنهاآ وسرت يبت الاب وفتحت المسن يلست اسولف ويا ربيعاااتي .. شويه ويت اماآيه يلست ويايه وعـقب روحـت
يلست ملاانه سرت يبت فـوني وفتحته لاني كنت غالقتنه من الـقهر...
شويه ووصـلني مـسج فتحته كان من هزاع
لاتــــزعل ولا تتعب شعـــورك
ولا تآخذ على خاطرك منــــــــي
اأبتأسـف الييييييييييين أرضي غرورك !
وبقووول اني مقصــــر غصب عني
افف شو هالمسج يلست ادوور بين مسجاتي شي يرضي غرووري ويبرد خاطري لقييت الي ابااه وابتسمت ابتسامه خبييثه هي هي هي هي هع << ضحكه شرييره
شخص يزعلني جعل ربي يشله
اصعب شلل يكون مايوجد دواه
ولا برص يضفي على الجسم كله
يبدا بوجهه ثم يمشي على عضاه
ولا مرض طاعون حتى يعله
يسمع علاجه بس من دون يلقاه
ويصاب بالسكري حتى يحله
حتى المشي بالرجل ماعاد يقواه
هههه طرشتله هالمسج وترييت ردة فعله مارد علييه شكلله انصدم هع .. فرييت فووني ع السريـر .. وسـرت الصاله ردييت ع الاب يلست اتحوط ع النت .. نزلتلي قـصه من زماان ماقرييت قصص وبدييت اقراا الـقصه ..شـويه ودشت امآيه وابويه يلست ويااهمـ .. وعـقب روحـو يـرقدوون .. قمت من مكانـي شلييت صينيه الاندوومـي ونزلـت تحـت .. سـرت صوب المطبخ وحطييت الصينيه وسرت


يتبع ,,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -