بداية

رواية آه يالدنيا عيال عم ولا يتعارفون -17

رواية آه يالدنيا عيال عم ولا يتعارفون - غرام

رواية آه يالدنيا عيال عم ولا يتعارفون -17

دخل عليهم قوم سعيد..
حمدان:سلامى وين موزه ؟؟..أمايا تباها؟؟؟
سلامى طالعت حمد:يمكن سارت غرفتها........
حمدان سار عند المكتبة وشل الرموت..:سيري زقريها قوليلها أمايا تباها..
سلامى :أوكية...وعيون حمد على سلامى..يقولها أريد أعرف السالفة..لين متى بأجل هاي السالفة أريد أعرف؟؟ موزه ليش جيه تعاملنى؟؟؟..ليش هيه غريبة وياي؟؟..ليش تعاملنى غير عن عيال عمها؟؟؟..سارت سلامى عند موزه....
حمد يلس في الكرسي: عيل وينة أبويا وعمى؟؟
محمد يعابل المدفأه: سارو بيت عمى منصور..
حمد:وأمايا شيخة؟؟
سعيد ماسك الستارة ويشوف الجو:سارت بيتنا ويا الحرمات..
حمد:ليش؟؟شياهم؟؟؟
حمدان شغل التلفزيون:ما تعرف قوم عمى ماعندهم سالفة غير الشغل والشركات..
حمد:أهاااااااا..عيل بسير عندهم..
سعيد :حووووووو..وين تبى؟؟؟
حمد:بسير عند أبويا...أبا أعطيه الأوراق عشان يوقع عليهن...وبتخبر شو سوى في المشروع.. وبعدين فرعنا الأسبوع الياي بخلص وبفتتحونه...ولازم نسير ونشوف شو سوى فيه .
سعيد:لا إله إلا الله...حمد ما بسير بقعة..عنبوه نحن قلنا نريد نرتاح من الشغل وأنت ..إمرة ماصدق ..خبري كيف تحب الشغل هالكثر؟؟
محمد يلس عدال حمد:شو تتحسب الناس مثلك..؟؟؟..همهم إلا اللعب وسوالف..
سلطان توه دش الصاله:غيرو الموضوع ..
سعيد يلس عدال حمدان عند التلفزيون:زين ..حتى سلطان مل الشغل..
حمد :خلاص ....إرتحت أستاذ سعيد..مابروح بيلس عندك..
سعيد:هيه جيه أباك..
حمد:أقول ..... متى بسيرون المزرعة؟؟
محمد:قال عمى اليوم فليل..
سعيد:تصدقون والله إشتقت حق المزرعة من زمان ما سرتلها..
سلطان:صدق والله ..من زمان ....
محمد:أحلى شىء فيها الخيول...
سلطان: حمد...بعتو الخيول ؟؟
حمد:لا حشا..وليش نبيعهن؟؟؟
سلطان:زين..تحسبتكم بعتوهن..
حمد:لا والله ..آخر مرة ساير لها...من تقريبا5 أشهر...كانن موجودات...
حمدان:أقول تذكرون واحد ..أونة ساير يتخقق وراكب الخيل وإنكسرت إيده..
حمد:هههههههههه..ويطالع سعيد....
سعيد:ول خيييييييبة...وبعدكم تذكرون السالفة.........
حمدان:هههههههه.لازم..عنبوه ياسعيد حتى الإنقليزيات ماسلمن منك...
محمد:ههههههه..لا مش هاي السالفة..أونة يسابقها..ههههه..توه ياي يركب الخيل وماوحالة يمشى 5 كيلو وإلا طايح..
سلطان:ههههههههه..ولا والفضيحة العودة حليلها يت وساعدتة...
محمد:أوووووووووووووووووووو...إنجليزية تساعدة..يا الفضحة...
سعيد ويه قوز قزح:أيه..حليلى كنت صغير تونى أتعلم..
سلطان:يوم صغير....شو مسيرنك...تتخقق عليها؟؟؟..حشة يأنت من كنت صغير وتغازل..
سعيد:إن ماسكتو والله انى بسير عنكم..
حمد ويطالع سعيد:سعيد ..نسيت أخبرك...آخر مرة يوم سرت شفتها...تسلم عليك...
سعيد ويظحك:صدق والله..
حمد:هيه ..لو تشوفها كبرت...وشو محلاتها..
سلطان:هالأنقليزيات ....وين لهن حلاه؟؟
حمد:عاد يارتنا حلوة ..عنك...
سعيد: هزرك....منلقاها باجر؟؟
كلهم ظحكو عليه....
حمدان:عاد سعيد دخيلك..يوم تشوفها لا سير تتخقق عليها....تيمل...عن الفضايح..
سعيد:أيه شو تتحسب ماعرف للخيل..هذاك أول الحين أعرفله...
محمد:سعيد ... عن الفضايح...تراها هيه تشترك في السباقات ..يعنى لاسير تسابقها ولا تقولها بتغلبها...
سعيد:أشوفكم .. مخلينى ما أعرف شىء..بس خلونى أشوفها ما سابقتها...تخسي تغلبنى..
حمد:منشوف..
ويلسو سوالف ونكت ..وظحك...وكل شوي يتذكرون شو كانو يسوون في المزرعة ولا يوم كانو صغار في البلاد ولا برى البلاد...بس أكثر واحد كانو يظحكون علية سعيد وحمد ..لأنهم كانو صدق مواقف...
الساعة 3:50الظهر......
مى:أحم ..أحم..
حمدان:ماسرتن ويا أمهاتكن؟؟
مى:منشوف قوم موزوه ونسير..
حمدان:أهاااااااا
سعيد كيف يالس يشوف مى...وحمد يطالعه ..وسعيد ما عاطنة فيس..
سعيد:عيل وين قوم سلامى عنكن..
مى:ما أعرف من الغدا ما شفتهن..الحين منسير نشوفهن ومنروح عند قوم أمايا..
حمد ويغمز لسعيد:قربن..
مى:لا مشكور...مستعيلات...
سعيد يغمز لحمد:إنزين زقروهن وتعالن...منسولف رباعه.
نورة:مى يالله نروح فوق.
مى:يالله بااااااااااي شباب.
نورة ظربتها على جتفها وقالت بصوت واطى:أيه ...يعلنى بلاج ..بعد شو هاي شباب؟؟؟
مى:عادي عيال عمى..
نورة:ترانى بخبر عليج أمايا يالله نسير..
مى:إنزين ....
وسارن فوق...عند قوم موزه..
الساعة2:52 الظهر...
سارت سلامى عند موزه ..دقت الباب مافجت الباب..بعدين دخلت الغرفة..لقتها فوق الشبرية تصيح....سارت عندها....وكانت راقدة وصيح..
سلامى تمسح على شعرها:موزوه.......ليش تصيحين؟؟؟
موزه:...........
سلامى:آسفة ما كان قصدي...والله آسفة...بس عصبتينى يوم قلتى يعلة يموت..والله موزه حمد طيب ليش جيه سوين فيه؟؟...وبعدين حليله مريض..ليش تدعين علية؟؟
موزه:.........
سلامى:موزوه تعرفين ..توه يالس يسألنى ليش كنتى تصيحين...وما خبرتة شىء...موزه الريال حس فيج.......حس أن شىء فيج..
موزه:.............
سلامى مادام أنها ما بتتكلم بقولها:موزه..سمعينى........مب إلا أنتى تحبين....حتى أنا أحب سلطان..وأنتى تعرفين هالشىء..وكنتى دوم تتطنزين....وتقولين وع سلطون شو فيه عشان ينحب.؟؟؟ تذكرين؟؟
موزه إبتسمت:.........
سلامى:موزه أعرف أنج تحبينة..
موزه رفعت راسها:...............
سلامى:مالومج حمد ينحب ..
موزه:أنا ما أحبه....
سلامى وطالعها وتبتسم:لين متى بتمين تكابرين..؟؟...موزه باين أنج تحبينة..
موزه:لالالالالالا
سلامى:حلفى......
موزه:..........
سلامى:أنا من زمان أعرف أنج تحبينة بس كت أترياج تقولين بس غرورج وكبريائج ..منعج بس الحين بتقولين كل شىء...
من قالت جيه سلامى صاحت موزه: سلامى .....حب من طرف واحد.. بس... سلامى.. بحبة وبعد كم من يوم .................مابلقاه.............سلامى بمووووووووووووت......
سلامى:لالالالالالالا .....لا تقولين جيه.......أول شىء..ليش تقولين حب من طرف واحد؟؟
موزه:ما تشوفينة؟؟
سلامى:يا ويل حالى...موزه خبرينى كيف تبينة يعاملج..مرة تهادينة..ومرة تغايضينة.. ومرة تكونين معصبة ولا تعطينة ويه....ومرة تصيحين....كيف تبينة يعامج....خبلتيبة..
موزه ظحكت:هو إلى يبدى..
سلامى:موزه والله أنة فنان ..وااااايد طيب...والله لو تشوفينة..يوم كنتى تصيحين...كيف يسألنى... والله حرام تسوين فيه جيه....
موزه:سلامى فهمينى...هو يعتبرنى مثل أختة وبس........
سلامى:شدراج؟؟.....يمكن يحبج...
موزه:لا ظحكينى...أحسة واااايد بارد....ويحب بس يغايضنى ..
سلامى:يحيج بعد يغايضج...مب أنااااااااااااا..
موزه:هههههه..ليش؟؟
سلامى:أفففففففف..لا سالين.........بس بعيونة...نتكلم بالنظرات..
موزه:هههههههههه..بعد كيف جيه؟؟
سلامى:شدرانى بأخوج؟؟
موزه:هههههههه..صدقة عيل شو تبين؟؟؟
سلامى:يتكلم يقولى شحالج؟؟شخبارج؟؟؟....ينطق..
موزه:أيه عيب منقود ...شو تبين بسج بس يوم يطالعج ..
سلامى:هههههههه....صدقج والله وايد عليه..
موزه:يحيج على الأقل محيره ..وتعرفين أنه يحبج ويباج...وبتتزوجون..لو مب هالسنة السنة الياية..
سلامى:إن شاء الله حتى أنتى..
موزه: يصير خير..
سلامى:سمعينى....بس لو مرة أباج تسمعينى..
موزه:شو؟
سلامى:الحين سيري تسبحي وغيري شكلج هالكئيب..وبعدين خلينا ننزل..ويلسى سولفى ولا كأنه شىء مستوي....والمكتوب هو إلى بيستوي....ولا تفكرين بشىء.. وكونى طيبعية مع حمد وغيرة..ولا تبرهنين شىء..والله خوانج بجتلونج..
موزه:ههههههه..أدري...أوكية بسير أسبح..
وسارت موزه تسبح...ولا وشوية..نورة تدق الباب...سارت سلامى تفج الباب..
الساعة3:50 الظهر..
سلامى:هلااااااااااااا..أنتن وينكن؟؟؟
نورة:كنا تحت .....أنتن وينكن من الغدا من شفناكن..
سلامى:والله يلسنا في الحديقة...وبعدين سرنا فوق..
وسارن ويلسن في الصاله الفوقية..
نورة:أنا بسير عند أمايا ..بسيرن..
سلامى:ليش وين هن؟؟
نورة:في بيتكم..
سلامى:ليش سارن..
نورة:شدرانى بيلسن في بيتكم..بعدين بسيرن عند أهل بوظبي..
سلامى:أهااااااااااا...بنتريا موزوه ومنسير ..
نورة:لا أنا بسبقكن..
سلامى:تريي موزه بتتسبح وبنتسير رباعه..
نورة:مافينى أتأخر أمايا شيخة تبانى أهمز ريولها....عاد طالبتنى أناااااااا..
سلامى:برايج عيل بعدين منلحقج..
مى:شلينى وياج ما بيلس عند هاي الوحشة..
سلامى:شووو؟؟
نورة:لا إله إلا الله ..ما تعرف تيلسن بدون ما تناقرن..
مى:حليلى ما قول شىء..
سلامى:شليها لا الحين أرتكب فيها جريمة..
وسارن عند يدتهن..وسارت سلامى تقول لموزه أنها بتنزل تحت بسير المطبخ..عشان تاكل شىء..ياعت
الساعة4:15 العصر..
ونزلت سلامى تحت..وشافتهم...يالسين يشوفون فلم في الدي في دي..وكيف مخربين الصاله ومنزلين المخاد تحت وكلهم يالسين تحت..
سلامى ومخلية إدينها على خصرها: لا والله..إيه شو سويتو ليش جيه خربتو الصاله.؟؟
سعيد ويفرها بالمخدة:يعل الله يقص هالسان...شعنج....؟؟؟
سلامى:شووووووووووووو؟؟
محمد:سلامى ليش داشة بالعرض؟؟؟
سلامى:إيه شعندكم....هالكثر الفلم حلو....وسارت جدام التلفزيون تشوف شو يشوفون..اللللللللللللللللللله ..فلم القراصنة..أنا من زمان كنت أريد أشوفة...
سعيد ..يعرف لو يلست سلامى ما بتخليهم يشوفون من كثر ما بتهم تهذرب..وتعلق وكل شوي بتقولهم ترجمو شو يقولون لأنة الفلم مب مترجم...:شلى عمرج ويالله ..برى...
سلامى:حراااااااااااام..أريد أشوفة وياكم.....
سعيد:حلفى والله..تشوفين حد بنات عندنا؟؟؟؟؟؟؟؟؟؟هااااااااا
سلامى مخلية شكلها تقول مسكينة: إنزين عادي كلكم عيال عمى....مب عيال اليران...
محمد ..لو يلست بتم تضارب ويا سعيد ولابيشوفون شىء من حشرتهم:سلامىتراج طفرتينا خلينا نشوف الفلم....زولى..
سلامى:بخبر عليكم أمااااااااياااااااا..
سعيد عصب ..:خوفتينااااااااااااا....زولى لا الحين أصنج بالجوتى..
سلامى:أقول ترانى أختكم مب بشكارتكم جيه تكلمونى؟؟
سعيد:والله يا سلامى أن ما زلتى ...لأصفعج..
سلامى:مارييييييييييييييد..
سعيد:هذا الفلم مب لج....لسن 20وفوق..وأنتى حتى العشرين مادشيتيهن..خير وين تبين؟
سلامى:جذااااااااااااااب..18 مب 20
سعيد..بتهم تحن..عشا تفارق..قالها:زولى ...بعدين بخليج تشوفينة ..في المزرعة..شو قلتى..والله إن ما زلتى ما بتشوفينة..حلفت..خلاص...
سلامى..تعرفه مادام حلف يعنى صدق بخليها تشوفة:لالالالالالا.....خلاص بسير..
سعيد:أففففففف..أعوذ بالله ..حشة يالهلبنت ..ميذاه...
الساعة 4:40 العصر....
وسارت المطبخ ...وبعد شوي نزلت موزه..ومن نزلت كل العيون عندها..كانت حلوة..وهى لابسة الوردي..لابسة جاكيت طويل لين ركبها وبدي وردي أفتح عن الجاكيت وتنورة بيضة جنز وشيلة وردية..وخدودها الحمر ..وهي تبتسم لهم وظهرن غمازاتها..ولا مخلية في ويها شىء وظاهرة جنان..
موزه:سلام عليكم...شو مسوين في صاله..
كلهم :وعليكم السلام......
حمدان:موزه ..تعالى...حمدان وايد يحب موزه..ويعاملها ما تقول أختة تقول بنتة....
سارت عند أخوها....ويلست عداله..
حمدان وخلا إيده ورى رقبتها بصوت واطى: ها موزوه أشوفج فرحانة اليوم....
موزه:لا عادي...يوم إلى بفرحنى؟؟.
حمدان:هااااااااا..إنزين ليش ما تغديتى اليوم؟؟؟
موزه:ماريد ما مشتهية......وبعدين شدراك؟؟
حمدان:أمايا خبرتنى.......
موزه:كنت ماكلة الظحى ...وبعدين كلت كافى ويا سلامى...
حمدان يقرصها على خدها:كم مرة قتلج بسج من الكافى..
موزه:ااااااااااااااي....حليلى ماكلت وايد..
حمدان:اليوم المغرب منسير المزرعة..
موزه:والله......
حمدان:هيه.......
موزه:يااااااااااااااااااااي..من زمان ماسرت المزرعة..
حمدان:جهزي أغراضج..
كلهم كانو يطالعون الفلم إلا حمد يالس يطالع موزه وحمدان كيف يتكلمون ويظحكون بصوت واطى عشان ما يخربون على سعيد..
موزه :حمدان أريد أشوف الفلم وياكم..من زمان كان فب خاطري أشوفة..
حمدان:هههههه..توه سعيد يهاد سلامى..عشان قالت تبى تشوفة..
موزه زعلت:حليلى ..عاد أنت أخوي مب سعيد..سعيد ماله خص فينى..
حمدان:إنزين أنا قلت لا..عادي شوفيه..
موزه:يااااااااي..فديت أخوي..حبيبى..
حمدان:ههههه..كل هذا عشان قتلج شوفي؟؟
موزه:لا والله ..أنت أخوي الغالى..
حمدان:لا تتكلمين بصوت عالى بياكلج سعيد..
موزه مخلية إيها على ثمها:نسيت...الوحش ..
حمدان:هههههه..حليله مب وحش..
موزه ولفت عيونها على حمد...ويوم شافها لف عيونة أونة يطالع الفلم.. إبتسمت....قامت..
حمدان:وين تبين؟؟؟
موزه:بييب المكسرات..
حمدان:أوكية..
والمكسرات كانن جدام حمد لأنة هو الوحيد إلى ما كان يالس تحت كان يالس فوق الكراسي لأنة ظهرة يعورة من اليلسة تحت وايد..ومن شاف موزه ياية صوبة ..ما يلس يطالعها..ويوم شلت المكسرات يت عيونها بعيونة.....إبتسم لها..وقالها :موزه آسف...ما كان قصدي أضايقج..
موزه حست قلبها يدق بقوة :لا عادي..
حمد :موزه أسمحيلى.......
موزه من كثر ما كانت خايف ما رامت تقول شىء..أول مرة تخاف منة جيه...:.................
حمد فسر سكوتها أنا بعدها زعلانة منه....جافها بنظرات حزن..ونزل عينة...هيه ما كانت زعلانة منه..بس لسانها مارام يظهر ولا كلمة..من شافتة جيه..بعد هيه سكتت..بعدين سارت عنه ..
موزه يلست عند حمدان وطالع وياهم الفلم وتاكل المكسرات ويا حمدان ..
موزه:حمدان ليش ما يبتو فلم مترجم ...أنا ما أفهم كل إلى يقولونة؟؟
حمدان:ههههههه...أنا بترجملج..
موزه:لا تظحك....عليه....بس أشوف ما أفهم شو يقولونة...أطرش في الزفة..
حمدان:هههههه..يعنى كل هذا ....ولا فهمتى..
موزه:لا فهمت...بس عاد مش كل شىء..بعنى مش كل كلمة..تعرف الأمريكان يكالون الأحرف..
حمدان:أوكية ...أنا بترجملج كل شىء..فالج طيب..
ويلس يقولها ..ويظحك عليها..حمد يطالعها كيف يالسة وتظحك ويا أخوها....عنبوه يا موزه..أنا شو سويت عشان ما سامحينى؟؟...أنا ما سويت شىء...بس لازم أكلمها.. وأتفاهم وياها..مستحيل أخليها..لازم أفهم الموضوع منها..إلا بلقا فرصة وبكلمها..ولا بخليها إسير لين ما تفهمنى السالفة..وشو بلاها..
الساعة 4:50 العصر..
مى معصبة:ليش جيه سلامى تعاملنى ؟أنا شو سويت لها؟؟
نورة تبتسم:سلامى جيه...دومها تحب تغابض وتهاد...ما تعودتى عليها؟؟
مى:بس هيه وايد تغايضنى...أنا شو سويتلها؟؟
نورة:حبيبتى سلامى طبعها..وما تقدر تغيرة من كانت صغيرة ..
مى مبرطمة:أفففففف.أكرها ...أكرهاااااااااااااااا..
نورة:عيب هاي بنت عمج....وبعدين والله سلامى لو يلستى تغايضينها بزيد شو تبينها؟
مى:أنا ما قول شىء لها ..هيب تغايضنى ..حتى لو ما لقت شىء بظهر شء..
نورة:شوفي ..كلميها عادي مثل ما تكلمين موزه..ولو شفتيها تغايضج لا تردين عليها..
مى:هي ويا موزه غير ليش ؟؟
نورة:هههههه..ما شفتيهن..هالهنتين..مراض يظاربن حتى يتماطن بالكشيش...وتستوي ظرابة صدق..بس بعد تقريبا 3ولا4ساعات يرد لبعض تقولين مب هن إلى توهن يضاربن.. بس هالكلام يوم كانن صغار مب الحين..
مى:أدري..
نورة:إنزين ..وهن جيه مب كانن صغار..بس يوم كبرن يظاربن بس مش مايوصل أكثر عن يوم ويردن..وهن مع بعض من كانن صغار يعى تقولين توأم..
مى:أهاااااااااا..عشان جيه دومها موزه ويا سلامى..
نورة:هيه.......
مى:إلا ما لاحظتى موزه من ينا بريطانيا غريبة؟؟
نورة تفكر:لا والله ..عادي ليش؟؟
مى:شوفيها دومها تلقينها سرحانة...ومرات تشوفين شكلها صايحة..ولو لاحظتى كيف نظراتها ويا حمد..غريبة..
نورة:أنتى تتوهمين..البنت ما فيها شىء..
مى:شوفي كيف ما فيها شىء...سمعى يوم الحفلة ما نزلت وقالو أنها راقدة..ولو شفتيها كيف كانت مهتمة من الحفلة وكيف كانت ترتب لها ..يعنى معقولة عندنا حفلة ولا تحضرها وفي بيتهم وهي مسوية كل شىء؟؟
نورة:يا الذكية ..لأن في نفس اليوم عرفنا أن ولد عمى حمد مريض..
مى:هاااااااااااااا..قلتيلها بعضمة لسانج..ولد عمى حمد....يعنى هي وايد مهتمة منة..
نورة:يا مامة أنتى ما زعلتى عشان حمد؟؟؟
مى:زعلت ..
نورة:إنزين كيف ما تبينها تزعل؟؟
مى:شوفي يا أختى..أنا هذا حمد بس يوم سافرنا عرفتة يعنى من قبل ما كنت أشوفة غير يمكن 5زلا 10 دقايق ومتى إلا في المناسبات ..وهو ما يكون فاضى عشان يزور حد ولا مسافر..إنزين فزعلت عليه..لأنة ولد عمى وحليلهم ما عندهم غيرة..بس أنا حمد ما أعرفة وايد ..يعنى بس من تقريبا يومين ولا ثلاث ايام عرفة ..بس...بس موزه زعلت وااااااااايد تقول أخوها إلى فيه..
نورة:طالعو هذي..يعنى أنتى عادي عندج؟؟
مى:يا ذكية..أنا ما قلت عادي...بس يعنى أنتى زعلتى وايد مثل لو مثلا لاسمح الله واحد من عيال خالى(هم ويا خوالهم وايد مع بعض أكثر عن عمومتهم)قول الصدق؟؟
نورة:لا...
مى:شفتى؟؟؟؟أنا والله العظيم ما كان قصدي شىء..بس أقولج أنا صدق زعلنا عليه وحزنا وحتى والله صحت ..وهو ولد عمنا ..وأحترمة وبالعكس ريال ما تنعق عليه كلمة..والنعم فيه...إنسان محترم وشخصتيه فنانة..وطيب..ورحيم....بس حمد ما عرفناه إلا من كم من يوم يعنى ..عشان جيه..بس موزه لو شفتيها غير..وحتى يوم سرنا الحديقة..
نورة:يعنى شو قصدج من هذا كله؟
مى:مافهمتى شو قصدي؟؟
نورة:لا......شو قصدج؟؟
مى:موزه تحب حمد...........
نورة:أييييييه ..عيب عليج شو تحب وما تحب ..خلى أمايا تسمج والله لتقص لسانج..عنلاتج زاد..
مى:أووووووووووووهووووووو..أنا والله قتلج وأنتى عاد تبين تصدقين صدقي ولو ماتبين تصدفين كيفج..
نورة:الظاهر هالقصص إلى تقرينهن من النت أثر فيج..
مى:لالالا..شو يخص هذا بهذا؟؟
نورة:بقول لأمايا تقطعة هالنت...ما وراه إلا الدمار.....
مى:نورة عن الخبال؟؟...أنا شو قلت؟؟
نورة:عيل شو هالأفكار إلى تفكرينها؟؟؟
مى:أقول اختى أنتى ماحد يروم يكلمج بسير عنج أبرك لي.....بعدين بصدقين..
نورة:أقول يالله خلينا نروح عند أمايا شيخة لا تهاد علينا وايد بطينا عليها...
مى:يالله ...بس والله الجو حلو...
نورة:إنزين ماعلية منقول لأمايا شيخة إتى الحديقة...بس ما بطيع ماتروم تفارج كوارها..
مى:ما علية منسحبة وياها خاري...
نورة:منشوف جان بطيع..
ودخلن الصاله..لأنهن كانن في الحديقة يسولفن...بس مى ثانى وحدة لاحظ والله يعين منو بعد بلاحظ..كل الناس بلاحظن ومعقوله حمد مايلاحظ؟؟؟....لين متى ولا هو ما يريد يفكر بالفكرة ؟؟.....
الساعة5:5 العصر
وبعدين يت سلامى الصاله..وفي إيديها عصير..والثانية ..صحن فيه فطاير..
سلامى من شافت موزه يالسة وتشوف الفلم وياهم:لالالالا والله..شمعناااااااااااااا موزه ..وأناااااااااااااااا لالالالالالالالالالالالالالا..هااااااااااااااا
سعيد:الله يغربلج...من وين ظهرتى..حشة هب صوت؟؟؟ول خيييييييبه ..إهبى حشة كل هذا بتاكلينة؟؟
محمد:إيه شعندج؟؟
سلامى:ليش موزوه تشوف الفلم وأنا لا؟؟؟؟؟؟؟؟؟؟هاااااااا
سعيد:أخوها سمحلها .......
سلامى:وانااااااااااااااااااا؟؟
سعيد:أخوج ما سمحلج.........
سلامى:لا والله..........
سعيد وخلا مخدة ثانية ورى راسه لأنة كان منسدح وهو يشوف الفلم..:أنا أخوج وما أسمح..وبسأل محمد...محمد هل تسمح للشيخة سلامة تشاهد الفلم معنا؟؟؟
محمد:لالالالالالالالالالا..لا أسمح..
سلامى وبصيح:لييييييييش لالالالالالالالالالالالا؟؟؟
سعيد: شو تبين كلمناج بالفصة ..عشان تفهمين وبعدج ما تفهمين ....كيفنااااااا....بس ماريدج ...
سلامى:مااااااااااريد..أريد اشوف الفلم...
حمد يأشر بإيده:تعالى.........تعالى........
سلامى:ياااااااااااااااااااي..بشوف الفلم ودلع بلسانها على سعيد ومحمد.......
سعيد لف لورى عند حمد:إيه .....وأنت منو إلى عطاك الضوء الأخضر عشان تسمحلها.. مب أختك أختى أناااااوقلت لا يعنى لالالالالالالالالالا....
حمد:حرام عليك..شو تباهاااااااا..خلها تشوف ...ترا حتى موزه يالسة تشوف ما قالها أخوها لا..
سلامى:صدق والله..حش يأنت مب أخو فرعون..
موزه تبا تفتك من حشرتهم :سلامى يالله إنسير عند أمايا شيخة..
سعيد:شوفي تعلمى من بنت عمج.........عنبوه أنتى متى بتتعلمين؟؟؟؟
سلامى:أنااااااااااااا..شوفينى؟؟
سعيد:من يت ولا سمعنا حسها..يت ويلست عند أخوها ولا تحركت....وأنتى تزاعجين تقولين في عسكرية ...عنبوه إذنى عورتنى من صوتج..إهبي..
سلامى:أناااااااااااااااا..
سعيد:والله أن يلستي تقولين إلا أنا وأنا ..لأصفعج..وخلاص الفلم ما بخليج تشوفينة..
سلامى:لالالالالالالالالالالالا...خلاص بسير عند أمايا شيخة..
حمد:لا إله إلا الله ..يا سعيد..حليلها خلها شو تباها..من تشوفها إلا تهد عليها.
سعيد: ما أعرف شو إيينى من أشوفها..تقول بليس يركب على راسي لازم أهد عليها...تعصب بالواحد..
موزه تمط سلامى..سلامى دومها إلا تهاد ويا سعيد..ويمكن عشان هم نفس الشخصية...ورا بعض..وهو يحب يهاد وياها وهي بعد تحب تهاد وياه..يعنى متعودين دوم يتهادون...ويضاربون: سلامى بس عاد يالله إنسير.....
سلامى:لو ما خليتنى أشوفة بقول لأمايا وبتشوف..
سعيد: خوفتينى..يالله ..زولى..
محمد يطالع الساعة:أوووووووووووووه..كله منكم الصلاه فاتت...
سلطان: غربلات بليس....
محمد: أخرنا سعيد وهاي أم لسانين.....
سلامى: شو يخصنى؟؟؟؟؟؟؟.إلى يبا الصلاه ما بفوتها.......
سعيد: زولى عن ويهى لا أجتلج.......
حمد: يالله بسكم ..تراكم صدعتونا.....وسارو يصلون......
موزه: يالله إنسير عند قوم أمايا ..الصلاه فاتت كله منج.......
سلامى تمشى وعيونها على الفلم:دقيقة.......
موزه:إيه تراج...طفرتيناااااااااااااا..
سلامى:دقيقة....الحين يالسين يصلون.......بس دقيقة..
موزه:ونحن ما منصلى ..عشان فلمج؟؟؟؟
سلامى لا حياه لمن تنادي...
موزه:أنا بسير غرفتية بصلى يوم تخلصين تعالى فوق.....
سلامى:هااااااااه..إنزين.......وسارت موزه تصلى....ويلست سلامى تشوف الفلم....بعدين سمعت صوت...قامت تربع فوق...لأنهم يو......
الساعة5:60 العصر...
أم سالم:هظلتن..وين كنتن؟؟
مى: أمايا شيخه كنا في الحديقة نسولف...
أم سالم: والسوالف وما تيوز في الصاله لازم في الحديقة؟؟..
نورة تعرف الحين يدتها بتهم تهاد ...:أمايا شيخة فديت خشمج وتحبها على خشمها..فديت يا أمايا يلسنا شوية برى الجو حلو....ما بطينا..
أم سالم: وأنتى ..شله ما يتى ما قتلج سيري زقري موزوه وهاي أم لسانين سلامى وتعالن أباج تهمزين ريولى؟؟؟؟؟؟؟
نورة:فديييييييت أمااااااياااااااا شيخة..الحين بهمز ريولج...فالج طيب..كم أمايا شيخة عدنا نحن؟؟
أم سالم:هيه جيه أباج.....وأنتى شعنة واقفة شعندج يلسي...
مى :أمايا شو رايج نسير برى في الحديقة نسولف...
أم سالم:جنج تبين تجتلينى مسودة ويه....شوفي كم مرضفة وحذالى الكوار وبعدنى بردانة وتبينى أظهر برى؟
مى:لالالالالالا..أمايا شيخة والله مش برد برى الجو حلو..وبعدين منشل الكوار مالج برى...شو قلتى؟؟
نورة:يالله أمايا شيخة ...دخيلج.
أم سالم:تراكن طفرتنى..إنزين بسير بس هب باطية شوية وبرد داخل..
مى:إنزين..
نورة:عيل وينها أمايا وأبويا..؟؟؟
أم سالم:سارت أمج عند البشكارة وسوي وياها القهوة...عشان هالبشكارة ما تعرف ترم القهوة زين..وأبوج سار ويا علي ما أدري وين يبون..
مى:إنزين عيل ماحد غيرنا في البيت..يالله نروح برى...وسارو برى...ويدتهم حليلها تنتفض من البرد لأنها ما تقهر البرد وايد...ومع السوالف والقهوة نست البرد...بس مثل ما قالتلهم ما بطت بس يمكن ساعة ولا ساعة إلا ربع وردت داخل...
الساعة6:20 المغرب..
نزلت موزه وسلامى....
سعيد يطالعهن:أقول أنا أحلم..ولا هاي أم لسانين موجودة؟؟؟؟ولا ينيتها؟؟
سلامى:أووووووووووووووو..لا ينيتها.......
سعيد:ما يحتاي تراج ينيه...بسم الله..روووووووووووووع..
سلامى:أنا روع؟؟....أنت شفت شكلك في المنظرة؟؟؟؟؟
سعيد:خخخخخ...يعلنى بلاج كل الناس يتمنونى..
موزه:سلامى دخيلج.....تراج صلاه الظهر بسبتكم فاتت..الحين بيي المغرب ..بعد تبونا نفوتة؟؟؟؟
سلامى:وليش حطيتوه كله على راسي؟؟
سعيد:لأنج أم لسانين.........
موزه سارت عن حمدان..
موزه:حمداااان..تعبت منها..سكتهم..أمايا كم مرة تدق تيلفون.....متى منروح.....
حمدان يبتسم: ههههههه..بحاول أشوف شو إسوي...
حمدان :سعيد......بسك............
سلامى: صدق والله ليش أخلى عقلى وعقلك......
محمد: سلامى يالله...عيب....عنبوه .شعندج اليوم؟؟؟؟ملتبسة؟؟؟؟
سلطان ساكت ويطالع سلامى.......
سلطان: وبعدين؟؟..موزه شلى بنت عمج......ويطالع سلامى...سلامة بس يالله سيري ويا بنت عمج..
سلامى:إن شاء الله..
سعيد ومحمد يظحكون عليهاااااااااااااااا..
سلامى:ليش تظحكون؟؟
موزه:خلاص حبيبتى يالله ..والله أمايا كم مرة تدق تيلفون..
محمد:يالله ..مع السلامة ...والله يحفظج..
سلامى:سعيييييييييييييد..
سعيد:خير؟؟
سلامى:الفلم لاتنسي تشلة عشان منشوفة بعدين..
سعيد :إن شاء الله عمتى..
سلامى:حبيبى أخوي........فدييييييييييتك.
سعيد:حبيبتى أختي إلى تسمع الكلام........يالله الحين مع السلامة..
سلامى:إن شاء الله أخوي..
حمدان:هههههههه..شياكم..بسم الله ....
محمد:عادي أنا متعود عليهم...لو تشوفهم في البيت..
حمدان:فديتها أختى ماسوي جيه...
سلامى:لو سمحتو لا تغلطون...
سعيد:إلى يغلط على أختى جنة غلط علية أنا شخصيا....
حمدان يخلى إيده على يبهت سعيد:لا مش محموم.....اللهم سكنهم في مساكنهم..
موزه: أنا بسير عيل المطبخ....بشرب ماي....من كثر ما كلت مكسرات ..
سلطان:موزه...أريد ماي..
موزه:إن شاء الله ..
الساعة 6 :15 المغرب
سارت موزه المطبخ....ويوم كانت بتفج الباب..شافت حمد..يكح..بس هي ما فجتة كله..بس تبى تشوفة ..وتتأكد إلى شافتة في الكنينكس صح ولا لا..كان يفج الدوا وخذ حبة وسار وصب كوب ماي وخذ الدوا وبعدين يلس في كرسي..وخلا الكوب عداله وشرب شوي وبعدين يلس يكح ويلس يدور على كنينكس بسرعة في مخابي جاكيتة.. ولا إنتبه للكوب وطاح ونكسر ونكسر..وبعدين قام وسار عند الكبت وخذ كنينكس ويلس يكح وسار وغسل ويه ..وسار ولم الكوب المنكسر وعقة في الزباله...موزه تم قلبها يد بسرعة..حمد شو فيه؟؟..أكيد زاد مريض بسير أقول حق قوم حمدان..بس مارامت تدخل داخل المطبخ..عشان ما تشوفة ..بس يلست تشوفة شو يسوي لو أنها ما تشوف كل شىء لأن فتحة الباب مب وايد كبيرة بس تأكدة أنة بخير وكان بس ياخذ دواه وكل شىء بخير...ردة الصاله..
سلطان:وين الماي؟؟
موزه الحين شو أقوله؟؟:مالقيت ماي خلص...
سلطان مستغرب:خلص؟؟
موزه:هيه...
وكانو كلهم يشوفون الفلم مندمجين...لأن الأحداث بدن فيه..وسحبت سلامى عشان بسيرن عند أمهاتن...وكانت سلامى لاصقة ماتريد تروح تبى تكمل الفلم......وردت موزة تربع ووقفت جدام حمدان وصييييح..حمدان من شافها قام....وكلهم قامو شو ياهاااا.. توها مافيها شىء..ليش شو ياها...
حمدان يمسك موزه:موووزه شو فيج....موزه تأشر عند الباب.....وصيح.........
شو تتوقعوووووووون شافت؟؟؟؟؟؟؟؟؟؟
--------------
منتديات غرام
https://www.graaam.com
--------------
الجزء 21


يتبع ,,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -