رواية آه يالدنيا عيال عم ولا يتعارفون -22
سعيد: منروح البيت...وايد يلسنا عندك..ما مليتنا؟
خالد: والله ماسيرون...الغدا عندي...
حمد: لالالالالالالالالا..شو غداه..منروح البيت...إن شاء الله مرة ثانية.
خالد: أنا حلفت.....خلاص خبرتهم أنكم بتتغدون عندي.....
سعيد: خالد ..صدقنى مرة ثانية ..منتغدا وياك..
خالد: أقولكم حلفت تقولون مرة ثانية...والله بزعل......وبعدين أنتو ضيوف....
سلطان:إنزين ما خبرنا الأهل ...
خالد: عادي دقو تيلفون.....
حمد:بس على شرط.........
خالد:أشرط إلى تباه حبيبى........
حمد:ههههههه..العشا..عندنا وبدون نقاش..أنت وأبوك وخوانك.....
خالد: ههههههههه....أوكية...بشوف....
محمد: لا ما شىء تشوف..ولا ما منتغدا عندك......
خالد: أوكية..خلاص......
محمد: إنزين يالله خلونا نظهر شوي..ملينا من اليلسة....
خالد:يالله..........
وظهرو..يتمشون.......
الساعة12:30.....الصبح..
وصلن البوابة..
سلامى:عنبوه وينهم قوم أمايا بطن......
مى:صدق والله ...من الصبح طالعين لين الحين ما وصلو......
موزه:نسير البحر..
نورة:أخاف يشوفونا الوحوش..بكسرون كراعينا..
مى:وشو يخصهم؟
سلامى:صدق والله..ما حيده من ممتلكاتهم.......
نورة:إيه...ليش أنتن دورن المشاكل؟؟
موزه:يالله..أمس سرت البحر..ماحد قالى شىء..
مى:يا الخاينة وليش ما قلتيلنا؟؟
موزه:هههههه..بس كيفى..أنتن ليش دزن بالوية..
مى:يالله بسرعة...شكلة روعة..
وسارن البحر..يلعبن .....بالماي والرمل....
موزه:بناااااااااااااااااااااااااات..الشردة.......
مى:خيييييييييييييييييييييبة..يالله.......
سعيد ..الله يغربلكن شو يسون برى..بس خلنى أشوفكن..مسودات ويه..سعيد بس هو إلى شافهن...أما البقية..ماكانو منتبهين...
خالد:يالله نرد البيت....الحين الوالد وصل.....
--------------
منتديات غرام
https://www.graaam.com
الجزء 25
الساعة 12:15....الظهر..
يلسن تحت الشيرة..وموزه يالسة تنتف الحشيش..وسلامى تغنى..ونورة خايفة من سعيد لأنهن كانن برى وهو شافهن..مى سارت تيب آيس كريم..من المطبخ......
موزه:حلوة الشيرة وايد كبيرة..
سلامى:حلوة غنية مدخل غرامى..
موزه:كلمات فزاع؟
سلامى:هيه....
موزه:لازم كلمات فزاع...
يت مى....:منو يبى نكهت الفراوله؟؟؟
سلامى:مى..
مى:كاكاو؟؟
موزه:مى.....
مى:نورة......ماتين؟
نورة:لا.....
مى:شفيج؟
سلامى:أونها خايفة من سعيد........
مى:ليش؟
موزه:لأنها الكبيرة وكل شىء بردونة عليها.........
مى:ما عليج منة..خليه يتكلم أنا براويه..بعد هذا إلى ناقص ..سعيدان ويهد علينا..
سلامى:خخخخخخخ..خاطري يسمعج..
موزه:صبرن صبرن......ما لاحظتن شىء؟؟؟؟؟
مى:شووووووووو؟؟
موزه:كانو 6 ..كيف إستو 6.. الوحوش كلهم خمسة..كيف 6؟؟؟
سلامى:صدق والله..حمدان ..سلطان..محمد سعيد حمد...هم خمسة..كيف 6؟
مى:أنا ما لاحظت شىء....
سلامى:لا صبري منو كان لابس أحمر؟؟
موزه:يمكن حمد..
سلامى:لا حمد ما يلبس هاللون..ألوانة غير..واليوم كان لابس أسود..شفتة وسعيد أبيض وسلطان أبيض ...وحمدان رصاصي إلا محمد ما شفتة.
نورة:شفتة لابس أخضر غامج..
مى:شفتوهم دخلو المزرعة إلى عدالنا يمكن عندهم عيال ..
نورة:يااااااااااا ويلناااااااااااا...تخيلو لو كان مواطن؟؟؟
سلامى:وشو يعنى؟؟
موزه:إيه شو شو يعنى؟؟الهبلة أكيد شافناااااااااا..
مى:ما عليكم....علي ما ظن بس سعيد شافنا...ولو شافنا شو يعنى؟؟
سلامى:خخخخخخ..مننكر كل شىء منقولهم مب نحن..وخلهم يخبرون قوم عمى وأمايا ..بقولهم يتبلون علينااااااا.
موزه:إنزين أنت ليش ما تتأكدن..منو إلى عدال مزرعتنااااا؟؟
سلامى:نورة ..سيري سألى حد من العمال قوليلهم منو مزرعته هاي؟؟
نورة:لا والله....سيري إنتى..
سلامى:شدرانى ما عرف أتكلم إنقليزي زين..أخافة ييلس يظحك علية..إنتى تدرسين إنقليزي..
مى:إنتن صدق ما تعرفن شو تخصص نورة؟؟
نورة:ههههههه..خليهن تراهن من الصبح يالسات يقولن إلا إنقليزي وإنقليزي..
سلامى:ليش إنتى من إنقليزي؟
نورة:لا
سلامى:والله..
نورة:هيه..
موزه:وليش ما تقولين من الصبح؟
نورة:تحسبتكن تعرفن بس أنتن جيه بس أونك ما تعرفن..
موزه:عيل شو تخصصج؟
نورة:هندسة معمارية..
سلامى:ياااااااااااااااااي..ماء شاء الله العائلة الكريمة كلها هندسة..
نورة:هههههه....شو أسوي تراكن غيرانات.....
موزه:جان قلتى من الأول....
نورة:شدرانى تحسبتكن تعرفن..
سلامى:يا لله يا الفضيحة بنت عمى ولا أعرف شو تخصصها....
موزه:إنزين تعرفين إنقليزي...سيري وسألى..دخليلج.......
نورة :الله يمرر هاليوم علي خير.......سلامى يالله قومى نسير..
سلامى:يالله.......
سارن يسألن منو إلى عدال مزرعتهم..
مى:إنتن ليش خايفات عادي.....
موزه:لأنا ظهرنا رواحنا ولا حد عدنا..
مى:هههههه..ظحكتينى...إلى يسمع جنا سرنا مكان بعيد ..البحر جدام المزرعة خمس دقايق ..شو إستوى؟؟
موزه:إنتى ما تعرفينهم؟؟؟؟
مى:عادي......
موزه:بس أخاف يكون إلى وياهم واحد من ربعهم ...شو منسوي؟؟..والله ياويلنا...
مى:شو يعنى؟؟؟..ما عليه ..
الساعة........12:30 الظهر...
دق حمد لأبوه وقاله أن بو خالد عازمنهم علي الغدا..هو عمة منصور.....وبعدين سكر عنة
علي:اليوم بو خالد ..عازمينا علي الغدا..
أم سالم:منو بو خالد؟؟
علي:أسمه سلطان بن خليفة..ما تعرفينة..
أم سالم:وشعنة يعزمكم؟؟
علي:العيال سارو عندهم اليوم يسلمون عليهم وحلفو عليهم الغدا اليوم عليهم..وقال بوخالد لحمد دق لبوك وعمك وخلهم إيون..
أم سالم:ليش وين هم؟؟
علي:ما شفتى المزرعة إلى عدالنا علي اليمين..
أم سالم: ما فطنتها..
علي:الحين يوم منوصل براويج إياهاااااااا..
أم سالم:عيل قولهم العشا اليوم علينا..
علي:قلت لحمد..وكان حمد قايلهم..
أم سالم:وياه حرمتة وعياله؟؟
علي:والله ما عرف.......
أم سالم:زين لو حرمتة وياه ..منقصر الدوب وياها..
ودق لمنصور وقاله......وهم عن يوصلون البيت ربع ساعة..
الساعة..1:10..الظهر.....
شافن بشكارتين ..شالات صحون..ومطابق.. ودلال..وموزه ومى عند الشير...يالسات يترين قوم نورة..
موزه:مى.......طالعى..
مى..قامت وياها موزه:من وين يايات؟؟
موزه:شكلهن شالات فواله..
مى:فواله؟؟؟
سارن عندهن......
....:سلام عليكم.....
موزه:وعليكم السلام........
........:يقول ماما نورة ..هذا قهوة ..والحين في جيب غدا..
مى:غدااااااااا؟؟.....قهوة؟؟؟؟
موزه:وين بيت ماما نورة؟
...... تأشر علي المزرعة إلى عدالهم..
موزه:والخيييييييييييبة....ظهرو مواطنين....
.......:ماما نورة يقول سوى سلام حق يدوه وحق ماما..
موزه:إن شالله..
وسارن البشكارتين وودنة المطبخ..سارن قوم موزه ويلسن عند النافورة يترين قوم سلامى........وما بطن ين..
نورة:شو قتلكن؟؟
مى:هههههه...توهن البشاكيرهم يايبات قهوة والحين بييبن الغدا...
سلامى:قهوة ..وغدا؟
موزه:هيه ..علي ما ظن اليوم جنة الغدا عليهم..
مى:إنزين شو قالولكم؟
سلامى:لقينا شويبة وسألناه..قالنا هم من دبي..
نورة:الله يعين..يعنى ربيعهم..
موزه:يا ويلى من سلطان....أكيد شافنا ربيعهم..
مى:ما عليكن...أنا بتحمل المسؤولية.
سلامى:أنا اليوم شو بسوي بسعيد..
مى:أفففففففف..قتلكن أنا بتحمل المسوؤلية..ما تفهم..سعيد خلنه علية..وبعدين متأكدة ماحد شافنا غير سعيد..لأنة هو يلس يطالعنا لين ما دخلنا أما البقية ما لفو صوبنا سيدة دخلو المزرعة...لأنهم ما إنتبهو.....وسعيد ما ظنى بخبر حد......
سلامى:مى سمعي أنا اعرف سعيد أكثر عنج..أخوي وأعرف طبعة ..شوفي أنا صح دوم اهاد وياه بس يوم يكون معصب ما قول شىء لأن سعيد يوم يعصب خلاص ما يثمن الكلام إللى يقوله ولا التصرف إلى بسويه..وكلهم يعرفون هالشىء ..فلو كان معصب ويلس يهاد لا تردين علية لأنج لو رديتى بزيد سكتى عنة ولا تردين .
مى: سعيد أخوج وكيفه وياج بس أنا ما يخصة فينى لأن الحمد لله أبويا بعده مامات بس أبويا إلى يهد علية..وبويا في حياتة ما رفع صوتة علينا .. ولو شىء ما عايبنة فينى يعرف درب ابويا ويقولة أما هو يخسي.
سلامى:علي ما ظن إلى تتكلمين عنة هو أخوي..
مى:وشو يعنى؟
سلامى:إحترميه شوي..وبعدين هو ما سوالج شىء..
مى:قصورة بعد يسوي شىء..
نورة:مى..شعندج علي الريال شىء قالج؟؟
سلامى:الله يعين هو ما قال شىء جيه قالت عيل لو قال شو بسوين..
مى:ما يروم يقولى شىء..
سلامى:يلسي جيه قوليلة وشوفي شو بقولج.....
موزه:أفففففففففففف..تراكن مللتبي..شعندكن...كل حادث ولة حديث..خلنا نسير داخل...ولو بيستوي شىء منعرف ما تاكلن قرصكن ني.....
ودخلن داخل..ويلسن في الصاله وسكرن الباب ويالسات يشوفن تلفزيون.
الساعة....1:30....الظهر..
وصلو قوم منصور المزرعة...ونزلو من السيارة وسار منصور يسبح..وبعدين سار هو وعلي عند بو خالد....البنات سمعن حشرة وعرفن أنهم وصلو....ظهرن برى..وكانن كلهن ويا يدتهن يالسات في الصاله..وسارن وسلمن على يدتهن وعلى حريم عمومتهن.
موزه:هلا والله..عنبوه تسيرون عنا ولا تخبرونا؟؟؟
أم سالم:أنتن رقود وين نشلكن؟؟
سلامى:حليلها أمايا تعبانات..رقدن....
أم سالم:عيل خلاص لاتقولن ليش ما شليناكن..
مى:أمايا شيخة...يت اليوم بشكارتين ..من يرانا يايبات فوالة وغدا..
أم سالم:وحليلهم وشعنة عبلو علي عمارهم..
أم حمدان:وحليلهم...ما نبى شىء ..
أم نورة: عيل حرمتة موجودة..
موزه:هيه لأن البشكارة قالت ماما نورة ..سو سلام حق يدوه وماما....
أم محمد:وحليلها....
أم سالم:ماحد يعرف تيلفونهم منسلم عليها ..
أم حمد:عمتية ما قال علي اليوم العشا عندنا...
أم ساتلم:هيه ..
أم حمد:عيل بتى اليوم..
أم سالم:بس منسلم عليها ومنتعرف عليها ..وباجر منطرش لها فواله..
موزه:أمايا عندهم بنات كبرنا؟
أم حمدان:شدرانى؟؟..ما نعرفهم إلا عيال عمج يعرفونهم..وعمومتج
سلامى وموزه يطالعن بعض.....الله يعينا:أمايا ما قالو من وين؟
أم حمدان:مادري..بس يمكن من دبي.....
مى عند باب الصاله: اللللللللللللللللله..من وين يايبين هالأرانب؟؟؟؟؟؟
سارت موزه وسلامى يطالعن الأرانب..ونزلن عند قوم شموه وسارة..وكل وحدة تتبع أرنبها.....وعيونهن ما يفارقن أرانبهن..
مى.....وتمسح علي شعره:ياااااااااااااااااي..محلاتهن ..
سلامى:مصغرونهن........
موزه من بعيد تطالعهن..لأنها قالها الدكتور تبتعد عن هالحيوانات للإحتياط..بس..ولا هو عادي..بس هي من كانت صغيرة ما تتقرب من هالحيوانات وما تحب تصكهن..وكل واحد وطبيعته: يعلكن اللوعة...كيف يالسات عندهن....
مى: موزوه تعالى طالعي محلاتهن.....صغار....
سلامى: محلاتهن...حلو شعرهن..ولونهن بعد.....
موزه: أنا بسير عند قوم أمايا......
سلامى: شموه عطينى إياه.....
شموه: ماريد.........خلى عمى يشتريلج واحد......
سلامى: يا الزطية...........
شموه: سارة يالله نروح..
سلامى: طالعووووووو...وين تبن؟؟
سارة: باباتى قالى نعطيهن أكل......
مى: تعرف شو تعطونهم؟؟؟؟؟
شموه: أعرف...في المدرسة علمونا..أن الأرنب ياكل كاروت..
سارة: آند.. ليتيس..
مى: شاطرات....
سلامى: يالله ..سيرن عند ميري..وقولولها تعطيكن....
مى:ههههههه...
سارن داخل..عند قوم موزه..بس ما لقوهن..راحن يصلن..وسارن يصلن..
الساعة2:01........الظهر..
نزل علي ومنصور من السيارة ...وشافوهم فارشين برى...وسارو عندهم.....كلهم قامو....وتوايهو وياهم..
منصور:وشحالك يا بو خالد؟؟..وشخبارك؟؟
بو خالد:بخير يعلك الخير...وشحالكم أنتو وشحال بو سالم؟
منصور:بخير..الحين بو سالم يدور علي عروس...
بو خالد:هههههههه..وحليلة...قوله جان يبى فاله طيب بدور له ...
علي:وحليله وين يروم علي عرس...
حمدان:أنا قايله بدورله عروس..وبكون عرسي وعرسة بيوم واحد.....
بو خالد:ههههههههه..عيل وينة ليش ما يى وياكم....؟؟
منصور:مايريد إيي ...ما يروم يودر رجابة.
بو خالد:حليلة.....وشحالك علي ؟؟
علي:بخير يعلك الخير....شحالك أنت ؟؟...
بو خالد:بخير ...بشوفتكم.....معقولة متياورين ولا عرفت انكم موجودين إلا يوم قالى خالد..
علي:والله إلا أمس واصلين ..وبعد فليل..
بو خالد:يا الفضحة ما كان عندنا خبر..
علي:لا فضحة ولا شىء..
منصور:ماشاء الله هذا ولدك تحسبتة أخوك..
بو خالد:ههههه..إنزين أقولة يوم نسير مكان لا تقول أنى أبوك قول انى أخوك..عشان ما تكبرنى..
علي:ههههههههه..يا بو خالد الكبر ورانا ورانا ما نروم ندسة..
بو خالد:ماشاء الله عليك ..شكلك ما تقول عندك ولد كبير....تقول هو أبوك..
حمد:هههههههه..حرام عليكم ...أنا شكلى جيه..
علي:خلاص..حمد...الحين بقول أنت أبوي..مثل سلطان ما يقول خالد أخوه..
حمد:هههههه..أبويا عاد أخوك ما مشكلة لكن أنا مثل أبوك..لا حرام هاي وايد..بعدين ماحد بيعطينى ويه..
بو خالد:الحين معقوله ما حد منكم معرس..
منصور:أووووووووووه..لا تطري العرس..يوم نقولهم عرسو..يقولولنا بعدنا صغار..
بو خالد:إلا مثل خالد..يوم أطريلة هالسالفة..نفس الكلام..
علي:ما تشوف إرتفعت نسبة العنوسة....الشباب ما يرودون يعرسون..هاي الموضة هالأايام...أونة يوم بوصلون 28 ولا 27 بعرسون..
سلطان:عمى حرام خلنا نتهنا بشبابنا..
بو خالد:أي شباب ..الحين لا تقولون شباب..قولو شواب..خلاص شوبتو..
محمد:حرام وين شوبنا بعدنا..
بو خالد:يالله يعل عرسكم كلكم في يوم واحد..
يلسو يسولفون ...وبعدين يلسو يتكلمون عن الشغل ..يعنى كل العادة ..تجار شو عندهم غير هالسوالف ويلستهم ما تخلى عن هالسوالف ...سعيد ..ولا يتكلم..ساكت..ومن داخل متغيض...الحين لو خالد شافهن....شو بقول عنا؟؟..فاجين روس بناتهم ومرتغدات برى رواحن..الحين المزرعة كم كبرها ما سدتهن ظاهرات برى..عنبوه شعندهن متخبلات قلنالهن منحوطهن..بس الظاهر الكلام ما ييبهن..الله يغربلهن بفضحنا..ماحد يقولهن شىء.. بس والله خلنى بس أرد وبتشوفن..حمد منتبه لسكوت سعيد ويعرف ليش ساكت وشكلة محمر لأنة هو عرف السبب لأنة شافهن..بس خلا عمرة عادي..عشان ماحد يلاحظة..ويسولف وياهم ويظحك..حمد دبلوماسي في حركاتة وتصرفاتة..بس سعيد من النوع الحار ما يقدر يستحمل..وإلى في قلبة بظهرة ما يروم يجامل وسريع في تصرفاتة..
حمد بصوت واطى...ومخلى إيدة علي ثمة..عن حد يشوفة يالس هو وسعيد يصاصرون.. مب حلوة ..وهم كلهم يتكلمون: سعيد...إن يلست جيه بلاحظونك...
سعيد:...............
حمد: سعيد....ماحد شافهن...وحتى خالد......
سعيد إنصدم..يوم حمد شافهن عيل أكيد هم بعد شافوهن..الله يغربلهن: يوم أنت شفتهن أكيد هم بعد..
حمد:لا أنا متأكد..والله ماحد..سعيد دخيلك..خل عمرك عادي..عن خاطري..بعدين سوي إلى تباه..
سعيد:حمد..ماروم...والله بموت من الغيظ..كيف يظهرن؟؟...الحين لو خالد شافهن؟؟
حمد:أقولك ما شافهن..والله..أنا متأكد.....
حمد..مايروم يتكلم أكثر..لأن كيف يتكلم ويفهمة..جدامهم..سكت عنة...وبعدين سارو داخل يتغدون..
الساعة2:10.......الظهر
في غرفت الطعام..
أم سالم:وحليلها عبلت علي عمرها..
أم حمدان:وايد يايبة..
أم سالم:وين البنات؟؟؟
أم محمد:يمكن يصلن الحين بين..
أم نورة:جودي......سيري زقريهن....
وسارت وزقرتهن......وكلهن ين إلا نورة ما يت..
أم سالم:عيل وينها نورة؟؟؟؟
مى:ما تريد تتغدا..
أم سالم:شعنة؟
سلامى:تقول ما تشتهى..
أم نورة:ليش شو ماكلة؟؟
مى:كلنا فطاير..وكافى..
أم نورة:جودي...سيري ووديلها غدا..وقوليلها ماما يقول لازم تاكلين..
أم سالم:أجديتى....هي بروحها يابسة بعد وين ما تبى تاكل..
موزه وسلامى يطالعن بعض..نورة خايفة..يستوي شىء..وبينرد كلة علي راسها.. أما مى..عادي عندها..وتغدن كلهن والحرمات ويدتهن سارن فوق يرقدن والبنات سارن قسمهن..يوم دخلن شافن نورة..منسدحة وتشوف التلفزيون..جان يسون شراتها ويطالعن تلفزيون..
مى:تغديتى؟
نورة:شوي.....
موزه:نورة..عادي مب إلا إنتى كلنا ..
نورة:أنا ما حب حد يهد علية..
مى مطت الرموت من عندها..ويلست في الكرسي ومخلية ريولها علي الطاولة:والله متفيجة.....مايروم يهد علينا..
سلامى:عنى أنا ..أخوي وأعرفة...شعوري مثل نورة خايفة..
موزه:أنا بعد......
مى:أنا ..عادي عندي وحتى ما فكر بهل أمر..
ويشوفن التلفزيون وكل وحدة تفكر..إلا مى..يمكن عشان واثقة أن سعيد ما يروم يقولها شىء..ولا أنها تباه يهد عشان هي مظيجة علية..وخاطرها تهاد وياه..ماحد يعرف..
الساعة3:10........الظهر..
سار حمد يتغسل..ويوم رد..لف ما لقى سعيد..سار عند محمد..
حمد:محمد....وين سعيد؟؟.....
محمد:قال راسة يعورة وظهر..
حمد....خيبة:متى سار؟؟
محمد:من شوي..(وياي بيظهر جان يزقرة أبوه)..الله يهداك أبويا أريد اروح..الحين تزقرنى.. وسار عند أبوه...مارام يقوله يريد يروح بسرعة..ويلس وياه..شوي ..وبعدين تعذر وظهر..وسار يربع البيت..لأن يعرف سعيد يوم يعصب بسوي أي شىء..وبفضحهم عند عمومته..
سعيد..ظهر من عندهم..معصبببب..ودخل البيت...وسار سيدة قسمهن.....وفج الباب بقوة.. وسكرة بقو..كلهن نقزن..ويوم شافن سعيد فجن عيونهن..وهو الشرار ظاهر من عيونة..وويه أحمر..متغيض عليهن..ومن كثر ما كان متغيض نسى حتى يدق الباب بس وين له ذهن في هالوقت..عرفن..عمارهن..وكل وحدة ماسكة علي قلبها ..إلا مى..من شافتة خلت ريل علي ريل ..ويلست تبدل في التلفزيون..
سعيد يزاعج: علي ما ظن تعرفن ليش؟؟ ليش حضراتكن ظاهرات برى وتناقزن في البحر؟؟ شو ما فيكن مذهب؟؟..الحين لو شافكن خالد شو بقول عنكن؟؟ هااااااااااااااااه
كلهن منزلات راسهن وعيونهن في الأرض..ولا وحدة تتجرأ تشوفه إلا مى بعدها يالسة تبدل ..ولا كأنة موجود..ولا عاطتنة أي إعتبار..
سعيد تغيض..علي حركت مى:إإإإإإإإإإإإإيه إنتى؟؟؟؟
مى لفت ويها عندة:خييييييييير..شعندك..تراك صدعت براسي..شو تبى؟؟؟
سعيد سار عندها..ومط الرموت وفرة وإنكسر الرموت...قامت مى ..معصبة ..
مى:شعندك داخل عليها جيه؟؟؟؟؟؟؟....ليش البيت ما له حرمة؟؟
سعيد يطالعها من فوق لتحت: قسم بالله..أنج ما فيج أدب والأدب ما طاحج..
مى شهقت: شوووووووو؟؟؟؟؟ ترانى مخلتة الأدب لك.....
سعيد: لو فيج أدب مايلستى ترادين...وتحترمين إلى جدامج.....
مى: هههاااااااااااي.....ومن تكون أنت ؟؟....عشان أحترمك؟؟؟؟؟؟
سعيد ماحس إلى إيدة فوق..وعلي ويها: أنا من أكون أنا ولد عمج..سعييييييييد....
مى..ما صاحت مسكت صيحتها..بعدين صاحت..لأن الطراق قووووي: كيف تتجرأة وظربتى؟؟
سعيد:بظربج وبظرب عينج بعد..........بعد غلطانة وتراد.....
سلامى:سعيد دخيلك........بس......كلة منى أنا الغلطان.........مب هي..
مى:لا أنا إلى قتلهن أيسيرن..وبعدين أنت ما يخصك فينى فااااهم..أبويا بعدة حي وراسة يشم الهوا....وأبويا الوحيد هو إلى له الحق....فهمت.....
سعيد: إن ما سكتى بييج طراق ثانى فاهمة........
مى:تخسي....ما تروم.........
دخل حمد البيت وسمعهم وسار يربع....وشاف سعيد.......سار مسكة..
حمد:إستهد بالله شفيك.......
مى:وين....أبويااااااااااااااااااااااااااااا؟؟؟؟
حمد:مى......دخيلج..صبري..
مى:شو صبري..منو هو عشان يظربنى..أبويا في حياتة ما ظربنى ..
موزه ونورة صاحن لأنة الموقف شكلة بيكبر..وسلامى سارت ودخلت غرفتها..وسكرت الباب..ومى بسير برى........
حمد: مى..صبري..صبري..عمى ماحد ..عند يرانا..
مى:ما علية بترياه..والله إلا بخبرة......ويا أنا يا هذا السبال في البيت.....
من سمع كلمة السبال يبى يسير عندها..مسكة حمد..
حمد:سعيد......سعيد.....شفيك....بسسسسسسسسسس..
سعيد:والله براويها منو السبال.......
مى:أنت والله سباااااال..وبعد السبال أحس عنك..والحين بتشوف ما خليت أبويا يردة هاطراق..ما كون بنت منصور..
حمد:موزة............موزه....... ..شليها من هنيه..
موزه..ولا كأنها موجودة من بينهم.......من الخوف حاسة عمرها في حلم..
حمد يزاعج:مووووووووووووووزه..........
موزه إنتبهت:هاه.........
حمد:شليها..بسرعة..عن إيون قوم عمى..وبتستوي مشكلة كبيرة..سيري بسرعة...
مى:شووووووووووووو..مشكلة كبيرة...
حمد ظهر سعيد بالقو..
مى: بتشوف يا سعدان ..ما خليتها مشكلة كبيرة........بتشوووووووووووووف..
وسارت غرفتهااااااا...ويلست تصيح..من إلى سواه سعيد..ما توقعتة جيه يسوي..ونورة كانت في حجرتها..وسلامى..بعد..موزه تعرف إحساس مى..لأنها هي بعد ياها واحد من حمد...فيلست عندها..
في الصاله.....
حمد:سعيد أنت خبلة؟؟؟؟
سعيد:حمد أسكت أنت بعد...
حمد:أنت شو فيك..تخلى عقلك وعقلها..
سعيد:ما شفتها كيف يالسة تراد..
حمد:سعيد....أنت الغلطان مب هي..
سعيد:شووووووووووووووووو....أنا الحين غلطان..
حمد:هيه...............هن مب غلطانات.....
سعيد:لا والله..يظهن برى ...ومب غلطانات..
حمد:الله يهداك وين برى..جدام البيت إلى يسمعك يقول سارن يرتغدن السوق ولا سارن السنما ولا مكان ثانى........جان إلا جدام البيت..
سعيد:أنت ما تغار علي أهلك؟؟؟؟؟؟؟....الحين لو شافهن خالد..
حمد:ماحد ما يغار علي أهله..بس مب جيه ..بالتفاهم..
سعيد:هي نرفزتنى..
حمد:أنت أصلا كنت معصب..وبعدين مش كل شىء ينحل بالصراخ والظرب..وبعدين الحين لو درى عمى..شو بسوي؟؟..ظربت بنته..وهو تعرفه...ما يحب حد يقول حق بناتة شىء لو غلطن هو إلى بكلمهم مب حد ثانى...
سعيد:عادي خلة يعرف ......بخبرة...عن بنته وقلت أدبهااااا.
حمد:سعيد..ماحد يهون عليه عيالة..حتى لو سوت إلى سوتة ..بقول هي صح وأنت الغلط..لأنها بنتة..ماحد يقول عيال هم غلطانين..
سعيد:عادي ما يهمنى...
حمد:سعيد..شو ما يهمك..تريد تسوي مشاكل..الحين عمى..لو درى بالسالفة..بيزعل منك...وأقل شىء بسوية برد البلاد..
سعيد:أحسن عشان ما شوف رقعة يهاااااااا..
حمد:سعيد..عيب حليلة ما ياب ولد.. والله أن عمى معتبرنا مثل عيالة... وأنت تعرف هالشىء...الحين شو بقول..عنا؟؟
سعيد :...........
حمد:سعيد...سير تأسف منها..
سعيد:تخسي.......
حمد:سعيد.......لا تم تعاند.......مش عشانها عشان عمى..
سعيد:ماريد....
حمد:سعيد......أنت غلطان....ومليون من المية......
سعيد:هاي مشكلة هالأيام الصح يخلونة غلط..
حمد:سعيد..خوز الشيطان عنك..وفهمنى..أنت ظربتهااا..يعنى الحين الظرب صح؟؟.. شوف أبوك ..كد يوم من الأيام ظربك ولا صارخ عليك؟؟..أكيد لا....كيف كان أسلوبة؟؟.. بتفاهم..وبهدوء..سعيد أنت تذكر..كثر المشاكل إلى سويتها..ولا مرة عمى قالك شىء.. كان بس يكلمك..وصح أنة يزعل منك بس ولا مرة ظربك ولا مرة صارخ عليك...صح ولا؟؟؟
سعيد:صح........
حمد:شفت........لأن هذا الإسلوب غلط.....سعيد يالله نسير ..عندها..
سعيد...متردد......
حمد:سعيد يالله عن إيون قوم عمى.......دخيلك عن خاطري..
سعيد بس عشان عمة وحمد ..بسير ..لو عشانها ما بسير...:أوكية....
حمد:حشة ....ذليتنااااااااا.
وردو مرة ثانية...
مى صيح فوق شبريتها......يتها موزه.....سارت عندهااااااااا..
موزه:مى....قلنالج لا تردين عليه..
مى:عيل يقولى ما فينى أدب..
موزه:مى...جيه الرياييل..ما يتمالكون أعصابهم..
مى:ما يخصنى بخبر ابويا ....وخليها توصل إلى توصلة..ما يهمنى..
موزه:لا يا مى..لا تفكرين بهاي اللحظة..فكري بعدين..فكري يوم بعرف عمى شو بسوي ؟؟..وشو بكون موقفة؟؟..مى والله لو عرف عمى بتستوي مشاكل..ومش بس بين عمى منصور ..بين عمى خليفة بعد...
مى:شو يخص عمى خليفة؟؟
موزه:عمى خليفة..أبو سعيد..فيزعل منه عشان ولدة ظرب بنتة..ولا تنسين الصغار يظاربون وطيح بروس الكبار..
مى: خليه أريد عمى خليفة ..يهد علية..عشان ظربنى..
موزه:لا مى.....والله مب زين...لا سوين جيه..
مى:لا والله ..لو ما خبرت بقول تخاف منى ومرة ثانية بيظرنى ..لو لقى حد يهد علية ما بييسر يظربنى..
موزه:إنزين بقولج ..بكون سر بينا أنا وإنتى حتى سلامى ما تعرفة.أوكية..
مى:أوكية.....
موزه:تعرفين حمد..بعد ظربنى مرة..
مى ..مستغربة:جذابة..حمد مب من النوع هذا..
موزه:والله العظيم ..ظربنى..يوم كنا في المطار..بس ماحد يعرف...لو ما صدقين شموه أختى شافتة..ما صدقينى سأليها..الحين هي برى في الحديقة..سيري أنا بكون هنية...
مى:صدق ظربج......؟؟؟؟؟
موزه:هيه.....
مى:ليش؟؟؟؟؟؟؟
موزه:سالفة طويلة.......
مى:قوليلى........
موزه:بس بشرط ..ما تقولين لعمى....
مى:أممممممممممم..بفكر........
موزه:لا ..ماشىء بتفكرين..
مى:إنزين علي مسؤوليتج ما بمد إيدة مرة ثانية..
موزه:علي مسؤولتية........
مى:أوكية.....
موزه:إنزين ..الله يسلمج حمد أول شىء..خبرتها......لين ما شافتة طايح في المطبخ في بيتهم..
مى:والله.....سبحان الله..آخر شىء ظهر ولد عمج..
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك