رواية اضحك وانا في داخلي مجروح -22
راشد :اوه السمووحه مادريت
رووح راشد وهو متلووم حليله هههه
امون: اوييييه فشييله
امل: هههه عآدي
طلعنا برع وقبل مانطلع جفت سيااره اخو اموون قمت تغشييت
امل : يلاا عيل تامريني بشي
امون :سلامتج الغلاا فمان الله
امل: باي
نهآيه البـآرت
بدآأيـه البـآرت
وسرت صووب سياارتي وامون ساارت صوب سياارة اخوها..
ركبت السيااره وتحركت صوب البيت دشيت البيت جفته خاالي
ركبت غرفتي واتصلت ف امايه
امل : السلام عليكم
امايه: عليكم السلاام
امل : امايه انتي وين؟
امايه : رديتي انتي ؟
امل : هييه توني
امايه: سرت بيت يدتج ..غريبه راديين من وقت
امل : مادري بس البنت روحت وانا بعد سرت
امايه : اها انا بعدني شويه عن ارد
امل: زين عيل بيلس اذاكر
امايه: اوكيه فمان الله
بندت عن امايه وبدلت ثيااابي وسرت بـرع الصاله الي فوووق يلست اذااكـر شـويه وعـقب سرت غرفتي شليت فوني وسرت تحت الحوي الجوو بدا يبرد ..يلست اتمشى ف الحوي..
جفت بااب الحوي انفتح انخشييت ورا الايداار جفت سيااره ابويه
دشت وبندوو الباااب.. طلعت سرت دااخـل وسـرت صوب امايه
يلست ويااهمـ... شويه وسـرت ارقـد
........................
عـقب اسـبوعـيين
الجوو بدا يبرد وقمنآ انسيير البـر
.................................................. .................................
المكاان : بيت بو احمد
الساعه :3ونـص
امـل
.................................................. .................................
كنت طايحه ع السرير ملانه سمعت صوت البااب ينفتح رفعت راآسي .. جفت امايه فديتها
امل: هلا بالطش والرش
امايه : اهليين وسهلين
امل: اقربي اماايه
امايه: خخخ انزين قوومي تجهزي
امل :حق وشو؟
امايه: بنسيير عزبة خالج
امل: اي خال؟
امايه : خالج محمد
تراوتلي صوره سيف مادري ليش
امل : اوكييه بقوم بتصل ب شوقوو
امايه: يلاا عقب الصلااه بنروح
امل : انزين
طلعت امايه عني سرت ادوور فووني مادري وين فارتنه خخ
شلييت الفون واتصلت ع شوقوه..
ترن ترن ترن ترن ترن
افف محد يرد
ردييت اتصلت ... ترن ترن ترن
شلته
امل : الوووووووووووه وييينج يالعيووز اتصل من متى محد يرد
ماردت عليه
امل : شوقوه وير ار يو بيبي؟
سمعت صوت
سيف : احم احم انا مب شووق
امل :هاه
سيف : هه شحاالج
ويهيييييييي قفططططططططط من متى يالسه اصاارخ من متى واخر شي سيفووه ماعلييه ياشووقوه براويج
امل : هلاا سيف الحمدالله بخير وانت شحالك
سيف :بخـيير دامج بخـيير ..
لاوالله احلف انت بس
امل : عيل وين شوق .؟
سيف : شوق ف الحمام تسبح سمعت الفون يرن ورديت
امل : اهااا اوكيه عيل تامرني بشي؟
سيف: سلاامتج ااا هزااع مارد يتصل؟
امل : لا انا غيرت رقمي
سيف : احسن بعد اليوم بتون العزبه؟
امل :هييه بني ان شاء الله
سيف : بتنوور
امل : منووره باهلها يلا عيل فمان الله
سيف: مع السلامه
بندت عنه وفرييت الفوون ع السريير ونطيييت ع السرير طحت ويلست اجووف الصقف وانا افكـر
.................................................. .................................
المكاان : بيت بوو سيف
السااعه : 3:33
سيــف.
بندت عنها وانا ماودي ابند بس شو اسوي لاازم مصختهاآ.. احس بشعوور غرييب يوم رمستها ويوم اجووفها ..هيييه بعد الله يهدييها ماتعطيني مجال بس الحمدالله احسن من اول بواايد .. اه يااقلبي شكلك الا بدييت تحب .. احس بشعوور غرييب يوم اجووفها احس ان الهواا خـلص وان الدنيا مافييها حد غيرها.. احس قلبي بيطلع من مكاانه .. اتمنى ان الزمـن يتوقف ..يآترى
هاذا الحـب ولا شـي ثآني .. المشكله اول مره اجربه ماعرف شـي عنـه ..
طلعت من غرفه شوق وسرت غرفتي طحت ع السرير افـكر ف الي صار والي بيصييير معقوله احبها... بس ماقدر امسك عمري يوم اجووفها موول ماقدر اشل عيني عنها احس باشيااء غـير انسى العاالم بالي فيييه ... اآهـ .. تعيبني جرأتها .. يعبني شموخها
احسها غيييـر .. بس مادري مادري مب قادر احدد مشاعري
قمت من مكاني وسرت صوب غرفة شوق ..
دقييت البااب سمعت صووتهاآ ودشيت
سيف: نعييماا
شوق: الله ينعم عليييك
سيف : ترا فونج رن
شوق : منووه.؟
سيف : اممم امل
شوق : ردييت؟
سيف : خخخخ هييه ..
شوق : وياا فيييييييسك
سيف : اممم بسألج شوق فيه مره حبيتي ؟
حسييت انها تفااجأة بس عادي انا وشوق وايد ويا بعض
شوق : حبييت ؟؟ بصرااحه لاا؟
سيف : انزيين ماتعرفيين كيف يحسوون الي يحبون ؟
شوق : لييش تحب؟
سيف: لاا بس فضوول
شوق : امممم انا سمعت ان الي يحب يوم يجوف الي يحبها قلبه يدق بسرعه ويتمنى الزمن يتوقف وبعد يتوتر مايعرف شو يسوي
ويجوفها في عيينه ملااك وويطيير من الفرحه اذا رمسها وبـس
سيف: ايواا
شوق : متأكد ان مافي شي ينطبق عليك
سيف : لا لا مايخصه بس اجوف واحد من الربع متولع ف وحده
ابا ااعرف يعني كيف يحسون
شوق : اهآ
سيف: يلاا عيل انا بظهـرعنج
شوق: اوكيه بتصل ف امول انا
سيف : اوكي باي
طلعت عنها وانا افكر فالرمسه الي سمعتتها ...كلها تنطبق عليه
يعنـيي اناآ احبهآ .... معقووولــه ..انا عمـري مـآفكـرت فهالاشيااء
الحيين احب .... الصرااحه مادري شو اسوي او كيف افكر افكااري متلخبطه ...بس كششخه اليوم بجوفها ف العزبه
.................................................. .................................
المكان: بيت بو احمد
الساعه : 3:50 ..
امـل
.................................................. .................................
توني طاالعه من الحماام مااخذه شور ع السريع كنت سايره صوب التوالييت بنشف شعري .. سمعت فووني يرن سرت صووب السرير جفت رقم شوق ابتسمت اتذكرت سييييف حلييلـه...
شليت الفون برقه هالمره <<خخخخ تعقدت حليييلها
امل : هلاا
شوق : اهلين وسهلين شحالج؟
امل : بخيير الحمدالله وانتي ؟
شوق : يسرج حالييه ولا يضرج
امـل : دوومز حبي
شوق : وياج.. اليوم بتوون العزبه صح ؟
امل : هيه قبل شويه اماايه قالتلي
شوق :يـــــــــسس احس كششخه بنستاانس
امل : هييه نااايس ماقلتيلي شو بتلبسين؟
شوق : ماعرف
امل: مخوره ولا بدله
شوق : احس مخوره ماينفع وبعديين اذا لبسنا بدل مابناخذ راحتنا
امل : شراايج نتهور ونلبس بنااطليين
شوق :خخخ تصدقييين يباالنا ..
امل : خلااص تم بس مابنعق عبيينا
شوق : طبعاا بيذبحونا
امل : هييه خخخ انزين اي لون بتلبسين؟
شوق :امممم عندج بنطلون مخمل اسود
امل : هممممممممممممممم هييه صح عندي
شوق: وتيشرت احمـر ؟
امل : طبعاا
شوق : اوكـييه عيل ترتووب
امل : سكارف ولا شيله سوده
شوق : شيله
امل : اوكيه
شوق : بتخبرج انتي احس وايد تلبسين سكارفات
امل: هههههه لاني يوم كنت ف الاعدااديه والثنويه كنت موول مالبس شيله سوده كله سكارفاات ف تعودت
شوق: ايواا وانا اقول
امل : يلاا عيل بسير اتجهز عسب امايه موصتني اخلص من وقت
شوق : خخخخ مي 2..
امل : يلا عيل بااي
شوق :باي
بندت عنها.. وسرت نشفت شعـري .. وسمعت الاذان قمت صليت
ولبست ثياابي سرت صوب وتعطرت شويه ... تذكرت سيف
جاان ابتسم . سمعت صوت امايه التواليت وتجحلت من برع وحطيت قلوس خفيف لبست اكسسواراتي تزقرني .. لبست عبااتي وشيلتي وشليت شنطتي وحطييت فييها فوني وmp3 مالي ونزلت تحت اركض هههه زين ماندبقت ع راسي ركبت السيااره
امل : سووووووري تاخرت
امايه : هاذاا وانا موصتنج
امل :شو اسوي اماايه اتجهز
امايه :زين زيين
امل : احمد بيسير ولا
ابويه : هيه توه قبل شوي طالع ويا سيف
امل : زيين زين
وصلنا هناك تقريبا عقب ساعه الا ربع .. نزلنا كلنا ونحنا سرنا صوب مكان الحريم وابويه سار صوب مكان الريااييل
دخلت ويلست حذاال شوق وعقب طلعنا انا وهيه برع نلعب بالرمل ونسوولف
امل : خااطري العب بالدرجاات
شوق : ههه انا اخااف العب بالدرااجه
امل : بالعكس اناا احب واايد العب فيهم
شوق: شورايج هناك دراجه سيف ناخذه
مادري لييش عيبتني الفكره
امل : هيييه اوكيه بس ويين المفتااح
هههه عادي بنسوييلهم اكششششن وبعد احسن هالمره محد غيرنا وغير قوم شوق
شوق : المفااتييح ف السده داااخـل
امل : اوكيه يلاا سيري يبييه
شوق : اوكييييز
يلست ع الرمل اترياا شوووق تيي
شويه ويت شووق
شوق : حصللللللللته
امل : يلاا عيل ههه
كنت اتريا اجوف ويه سيف يوم يجووفني صارقه دراجته خخخ
سرنا صوب الدراجاات كانت درااجته حمرا وسوده عيبتني وايد ..
رفعت عبااتي وربطها ع خصري عسب ماتحترق ويلست ع الدراجه ويالله ياالله عرفت اشغلها
امل : هاااه شوقووه مابتيين وياايه؟
شوق : لا لا مافيني ع حشره سيفوو
امل : ههه برااحتج عيل
لفييت شيلتي عدلت وتلثمت فييها
حركت الدراجه ويلست اسووقها ف العزبه.. كان خاطري اطلع بس ماااقدر بيذبحووني ...
يلست اسوي صووت بالدرااجه وشوقوو من بعيد وااقفه تسويلي باي هههه
شويه وجفت احمد وسيف طاالعيين احمد يو جافنييه بهت وسييف فج عيييييييينه خخخخخخخخ نقعت من الضحك ع اشكاالهم يلست اسوق ولاجني اجووفهم شويه وجفت احمد ساار داخل
طاحت عيـني عـ سيف .. ابتسملي وسووالـي بآآآي خخخخخ حليله ماقاال شي .. جفت احمد طلع وياه ابويه وخالي يااافشلتي من خالي جفت ابويه يطاالعني مافهمت تعاابيير وييه اذا معصب ولا بس خالي كان يضحك سرت صوووبهم ووقفت الدرااجه وبندتهآ.. ونزلت عدلت عبااتي وشيلتي عدل
امل : احم كانت الصرااحه جوله حلوه
ابويه : اموول ليش راكبه الدراجه الحين لو طحتي
امل : لا لا عادي ابويه اصلا انا اعرف اسووق
احمد : وليش ماتستأذنيين تاخذيينها جييه
خالي : خلهاا عادي مافييها شي
احمد : لا خالي عييب تاخذ درااجته جيييه
سيف: لالالا عادي مافييها شي
عقب كلهم ساارو واحمد وه منقهر منيي خخخ جان اطلعله لساني
انننه وروحت عنه بعييد ..سرت صوب شوق ..
شوق : خخخخخ اكييد انهزبتي
امل : لا عادي بس هاه احمدووه يباا يشرهم
شوق : لييش؟
امل : ابويه كان عادي عنده بس يقولي عن تتعورين واحمد لا اونه عيب تشلين الدراجه جيه جان خالي يقووله لا عادي الامافيها شي وهو عاد انجعم
شوق : خخخخخخخخخخخخخخخخخخخخ حلييلج تعالي بنسير نصلي توه اذن
امل : يلاا عيـل
سرنا دااخل وصليينا المغرب وكلنا طلعنا برع يلسنا ع الرمل نسولف وجيه وعقب بدن الحريم يزهبن حق الشوي .. يلسنا نشوي ومستانسين وعقب تعشيينا و يلسـنآ شويه ورديينا البيت..
.................................................. .................................
المكان : سيااره سيف
السااعه: 9 ونص
سيـف
.................................................. .................................
كنت سااير صووب البيت يلست اتذكر امول يوم تسووق دراجتيه
فدييتها ... الحيين عرفت اني مااستغني عنها واني صـدق احبها
اآآه عمري ماتوقعت اني احب حد ..الله يعلم شو نهاايه هالحب ..
الله كرييم .. وصـلت البييت .. توني داخل رن فوني جفت رقم علي
ردييت عليه: الو
علي: مرحباا الساع
سيف: مرااحب..
علي : علوومك؟
سيف : بخير الله يسلمك
علي : دوووم شو مسوي
تنهدت ورديت عليه
سيف : ماشي توني راد من البر
علي: شوفييك سيفوه؟
سيف : ماشي مافيني شي
علي: افاا انت ويااي من من اليوم وامس الاا فيييك اشيااء
سيف :والله ماعرف شو اقوولك ..
علي : قولي الي تبا تقوله اي شي فخاطرك
سيف: طحـت ومحد سما عليه
علي: .؟؟؟
سيف : آآه ياعلي حبيييتها بدون ماحس بعمـري..عمري ماتخييلت احب بهالطريقه او اني اجرب الحب ... هاذا الي فيني
علي:منو هاي الي تحبها .؟؟
سيف : اآآه بنت عمـو؟
علي : هايييج ؟؟
سيف : هييه الي قلتلي عنها والحيين انا اشتكي من وييل حبهاآ وعذاابه...
علي : ماعلييه هون ع عمرك ....
سيف : المشكله ماعرف شو اسوي احس اني متلخبط
علي: هييه تحبك ولا؟
سيف : ااا .. مادري بصرااحه يعني هيه قبل كانت موول ماتندانيني بس الحيين احسن بواايد يعني مادري اذا حب ولالا
علي : مااعلييـه ان شااء الله خيير ..
يلست اسولف وياه واشكيله من حبها الي ذبحني ..
.................................................. .................................
المكان : بيت بو احمد.
السااعه: 12
امـل
.................................................. .................................
كنت طاايحه ع الفراش اتذكر الي استوا اليووم اآه ..كشخه استانست اليوم وااايد ...يلست اتجلب شويه ليين مايااني رقااد ..
.......................
عـقـــب ثلآث ايآم يوم الخـمييـس ..
.................................................. .................................
المكاان : بيت بو احمد
السااعه: 4 العـصر
امــــــــــل
.................................................. .................................
توه مأذن الـعصر سرت اصلي وعـقب اتجهزت عسب بنسير الـبر كلنا وياا قوم يدوه ..حتى يدووه قالت حـق امايه تعزم قوم خالي
اللله كششششششششخه كلنا بنكوون موجودين ف عزبه عمـي
حتى كم وااحد من ربع ابويه وعمـي بيوون .....
شليييت فووني واتصلت ..ف هـند .
هند :الوه
امل : مرحب
هند : المرحب باجي
امل : شحالج؟
هند: يـسرج الحال ومن صوبج .؟
امل :بخيير دامج بخـييييييييـر
هند :ههه توني كنت ارمس ميروه
امل : شحاالها القااطعه وانتي بعد قاطعه
هند : اسمحيلي بس والله واايد بزي
امل : مسمووحه فدييتج... اليوم بتون؟
هند : اكييييييد هاذا اجتمااع من سنه نتريااه
امل : هييه والله صدقـج ...
هند : هااه شوبتلبسيين؟
امل :مادرييبكم انتن شو بتلبسون؟
هند : اممممم شراايج مخوره احسن ناخذ راحتنا ونعق العباه
امل : اوكييه عيل خبري الشله وانا بخبر شوق وبسير الحين اتجهز
هند:انزيين بآي
امل : بي باي
بندت عنها واتصلت ف شوق.. ماردت عليه طرشتلها مـسج ..
سرت الحمـآآم خذتلـي شـور ع السرييـع ..
.................................................. .................................
المكان: بيت بو سـيف ..
الساعه: 4ونـص
سيــف ..
.................................................. .................................
طلعت من غرفتي .وسـرت تحت جفتهم كلهم زاهبيين.. شوق قالت بتي وياايـه .. وركبناآ السـيآٍره .. وسرنا صوب عزبتهمـ..
وصلـنآ هناك ع السااعه خمس ووشـي.. ماشااء الله سياايير واايد هناك .. نزلت شوق وسارت داخل وياامايه ونزلت انا ويا ابويه سرنا صوب مكان الريآآآيـيييل..دخلنا وسلمنآ وجـيييه.. يلسنا كلنا نسوولف انا يلست ويا احمد وحميدوخليفه وابويه سار ويا الرياايييل سمعنا وااحد من الريااييل يرمس عمـي سلطان بصوت عالي كلنا صديينآ صوبه..
بوسعود: ياا بواحمد
بواحمد : عوونك الغالي
بوسعود : عانك الرحمن .. والله اليوم انا يااينك واتمنى انك ماتردني
بواحمد : افا عليك اذا اقدر علييه مابردك ان شاء الله
بوسعود: تسلم الغاالي اليوم انا ياي اطلب القرب منك فبنتك حق ولدي سعود
بواحمد : والله مابنلقى احسن واخيـر من سعود . وانا بشاور البنت وبرد علييك خـبر ان شاء الله
بوسعود: الله يجدم الي فيه الخـير
يوم سمعت الموضوع حسيت قلبي بيوقف احس الهوا خلص يعني امـل .. معـقـووولـه.
.................................................. .................................
المكان : العـزبه
الساعه : 6
امـل
.................................................. .................................
كنت يالسه ع الرمل برووحي اتريااهم ايون... جفت سيف طلع يمشي بسرعه استغربت .. تمييت اطاالعه فتـره .. سار صوب سيارته .. وهو ياي يركب السياره صد صووبي تمت يطالعني ونزل عيينه وركب السيااره وتحرك وشوح وييل وروح ..
استـــغربــت بلآه معصـب معقووله تضاارب ويا حد ولا شي استوى ..؟؟ مادري بس اول مره اجووفه جيـه..قلبي عورني عليه
احـس انـي استهمييت مادري يعني لييش معصب جيه ياآربي
حسييت بغصه ف قـلبي ...سمعت صوت ورايه جفت البناات قمت وقفت عن يحسوون بـشي
امل : هلاا وغلاآ
سملت علييييهن كلهن ويلسننا نسوولف وانا عقلي موول مب وياايه ...
دخلنا دااخـل.. ويلسنا ف الصاله ويا يدوه وحريم عمامي ومرة خالي واماايه كانو هناك سمعنا صوت: هووود هوود
كلنا عدلنا شيلنا ويلسنا عـدل... وشووق سارت داخـل
يدوه: هداا هداا اقربو
دشو احمد وخليفه وحمد سلمو ع يدوه
احمد : شحاالكن بناات عمـي؟
ميره وهند :الحمدالله بخير وانت شحالك؟
احمد : بخـير
خلييفه : شحااالج ميره ؟
ميره : بخير الحمدالله وانت؟
خليفه : الحمدالله وانتي يالعرووس شحالج ؟
الريم : تراني مب عرووس خلااص ؟
خلييفه : خخخ ومنو قال انتي انا ارمس اختج ؟
يدوه : اي اخت بعد
خليفه : امـل
امل : اناا ؟ ومنوو قص عليك وقايللك اني عرست؟
خليفه : محد قص عليه وبعد ماستويتي بس بتستوين
يدوه : لييش ؟؟؟شومستوي ؟
احمد : يدووه توه سعوود لد """" خطبهاآ توه من ابويه .
يوم قال احمد جيه تراوتلي صوره خالد وسيف معقووله.؟
يدوه : هييه عرفتهم والله ونعم الناس
امل : بس انا ماباا
يدوه : وجييه ماتبين ؟
امل : بس مابااه ..
يدوه : بنجوف عقب ريال والنعم فيه
جفت خلييفه يطاالعني جنه يقصد خـآلد .. امم صح اني ماافكر هالايام وايد فيييه بس بعد مب بهالسهووله انا الحين مافكر ف العـرس قمت عنهم وسرت دااخـل ..
.................................................. .................................
المكان : الـبـر
الساعه : 6 ونـص
سيــف
.................................................. .................................
طاايح عـ الرمـل افـكر بالي استوآآ .... ماقدر استحمـل بتطيير من ايدي وانا جـييه يـآلس مآقدر ..ياارب ماتواافق .. ياارب يردوونهم
بس عرب والنعم فييهم وكل حد يتمنااهم ماظنتي بيرفضون .. بس والله بمووت ان واافقت ماقدر نظارااتها تذبحني .. ماقدر .. اآآه ياقلـبي ..يوم حبيت بيبعدوونك عن الي تحبهاآ .. اول مره احب وهاي بتكون النهايه ... ماقدر استحمـل .. احس بغصه ف قلبي
احس جنه حد يعـصر قلبي .... تعبأآآآآآآآآآن حــيـل مااقدر استحمل
ليتني ماكنت موجود ...ليتني مايييت اليوم ... ليتني مت قبل مااسمعه يخطبها.. يارب الله ياخذ امانته قبل ماحظر عرسها ...
مـرررت عليه كل الموااقـــف الي استوتلي وياها من اول مره ف الجــمعـيه .. ليين اليوم يوم جفتها نظرتها ماانسااها ... احبـ نظرتها اعـشق عيونهآ... احسها غــير عمـٍري ماجفت مثلها
انا الي عمـري مالحقت بنت ولا حبيت ولا صدييت صوبهم همم الي كانو يلحقوني بس انا اسوييلهم طاآف .... الحيين تي بنت تعذبني وتااخذ قلبي ....بــــس والله غــير عنـهمـ كلهم عمـري ماجفت هالنظره ف عيين حد نظرتها نظرت شموخ نظرت حزن ماعرف اوصفهآ.. بتروح عنـي حسييت قلبي عورنـي يوم قلتهآ..
تنهدت بصوت عالي ليت الالم الي ف قلبي يخف اعتدلت ف يلست
يودت الرمل بين ايدي وتنااثر من اايدي .. رديت مره ثانيه امسك الرمـل وافـرهـ .. سمعت صوت الاذاان تعوذت من بليـس .. وقمت وانا انفض الغباار من ع كندوورتي وشليت غترتي باآيدي .. وركبت سياارتي وفريت الغتره ع السييت الثاني وحركت سياارتي ..لين وصلت عند مسيد جرييب بندت سيارتي ونزلت صليت ودعييت من قـلبي ان الله يـفرج همـي ويخليييهآ... ويجعلها من نصيبي ... خلصت صلاتي وانا طالع من المسيد جفت مسكين يالس يترزق .. عطييته الي الله كاتبه .. عسى الله يفرج همـي .. ركبت سيارتي ...حطييت راسي ع السكاان بتعب آآه يـآقلبي ..
يآرب يفرج همـي ..
سمعت صوت فوونـي يـرن .. مادري وين فارنه يلست ادووره لقييته تحت السيت الي ورااآآ جفت رقـم احمد افف الحين بيسألني ويني .؟ رديت عليه
سيف : الو
احمد : هلاا ويينك
سيف: وااحد من الربع اتصلي مغرز جريب سرت عنده ونسيت اقولكم
احمد : وينك من الصبح اتصلك محد يرد؟
سيف : كنت فار فوني ف السياره.
احمد : بترجع ولا؟
سيف : لا مابرجع برد البيت ببدل ثياابي
احمد : سيف فييك شـي؟
سيف : سلاامتك ماشي ليش؟
احمد : بس احس صوتك متغيير
سيف : يمكن من التعب عادي
احمد : اوكيه عيل هالله هالله بالدرب
سيف : اوكيه بآي
بندت عنه وجفت 7 مس كولات من احمد 2 من شوق و5 من ابويه ... فريت الفون .. وحركت سياارتي ... قبل لاا اوصل الشارجه... شلييت الفون. واتصلت ف عـلي
علي : مرحباا ملااييين
سيف : هلا
علي : اهلين
سيف : وين انته؟
علي: سيفوه شو فيك؟
سيف : ماشي وين انته
علي .: سييف شو فييك صووتك متغـير
سيف :وين انته بيييك بقوولك؟
علي : الواالد الوالده اخوانك فيهم شي.؟
سيف :لالا الحمدالله انا الي فيني هب همـ
علي : اوكي انت وين؟
سيف : عند ""
علي : تم مكااانك انا الحين بييك؟
سيف : اتريااك
بندت عنه وفريييت الفون وسندت راآآسي ع السيت افـكـر ..
شـويه وسمعت صـوت حد يدق الجاامه رفعت راسي جفت علي
فتحت الجاامه
سيف : اركب
علي : انزل
سيف : علووه اقوولك اركب
علي : وانا اقوولك انزل مستحييل اخلييك تسووق وانته جيه..
ماكان لي باارظ انتااقش وياه . نزلت وركت الصوب الثاني ..
حـرك عـليه السيآره وانا وهو ساكتيين انا اترياه هوه يبدآ وسرحان
سمعته يقول
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك