رواية اضحك وانا في داخلي مجروح -24
روحت غرفتي وبدلت ثياابي لبست بجاامه غلييضه شويه وسرت تحت
امل: هااه انا يييت ويين اماايه
الريم:اماايه هنااك تعالي اباج
امل : ياالله اذااا عن هاييج السالفه خلاص انسي لاني رفضت
الريم :انتي لين متى بتميين جييه حرام عيشي حيااتج
امل : بعيش حياتي بروحي وماله داعي اعرس بشتغل وبصرف ع عمري وكل شي مب لاازم اعرس وريل وعفسه
الريم: لا مب احسن ولا شي امايه وابويه مب دايميلج بعد عمر طويل ... عقب شو بتسويين بتيلسين بروحج وانا واحمد وعبود بنشغل بتميين روحج محد ف هالدنيا دايم لحد اسمعي رمستي انا اكبر عنج واعرف
امل : اوكيه خلاص انا رفضته وانتهى الموضوع
نشييت عنها وسرت صوب المطبخ ماانكر ان كلام ريم صح بس بعد مااقدر بكل سهووله اتخلى عن الماضي...
رحت المطبخ جفت امآيـه شو تسوي . وساعدتها شويه وردييت داخل
دشيت الصااله جان اعطس اتشوووه
امل : الحمدالله
الريم: يرحمج الله
امل : يهديينا ويهدييكم الله
يلست اسولف ويا ريم وراسي يعوووورني قمت عنها وسرت فوق خذتلي حبه بندوول ونزلت تحت عندهم يلست اسولف وياهم وكل شويه اعاطس .. تعشيينا وعقب روحت ريم سرت فوق برقد لاني تعباانه واايد حطييت رااسي برقد ..رقدت بسرعه من التعب
عـقـب اربع ساعااات ..
....
انتبهت من رقادي وفزيت بسرعه سرت صوب الحماام ...
طلعت من الحمام وانا هلكاانه من التعب جسمي يتناافض واحس
حراارتي وصلت 10000 اخخخ سرت صوب المكيف وبندته
دوورت الادووول وخذتلي حبه .. طحت تحت فرااشي وانا مييته انتاافض وخشمي رووحه ف حاله.. .... شليت فوني من تحت الموسده جفت السااعه 3 ونص يااربي ... تمييت فتره جيه
وعقب ردييت رقـدت
نشييت ع صوت اماايه
امايه: يلاا امول نشي بتسيرين الكليه
امل : مابـسيـر اليوم
امايه: شحـقه؟
امل : تعباانه ..
امايه: شوفيييج؟؟ شي يعوورج؟
امل: البارحه طول اللييل مارقدت من الحمى
حطت امايه ايدها ع راسي تجوف
امايه : حراترج مرتفعه صبري بيبلج بندول
ساارت امايه تيبلي بندول وعقب
امايه: نشي بودييج المستشفى
امل : لالالا مابسييييير ماحب المستشفيات
امايه : يلا عن الدلع قومي لبسي عبااتج عليج حمى مب زين
امل: اوه انزيين
نشيت وانا تعباانه دخلت الحماام وبدلت لبست عباتي المصكره وشيله .. وشليت فوني ونزلت تحت
جفت امايه وابويه
امل : السلام علييكم
: علييكم السلاام
ابويه : يلاا قومي بوديج المستشفى
امل : ابويه مابا اسيير
ابويه: نشي يلا عن الدلع شو ماتبين تسيريين .مرييضه تراج
امل : عادي بكل بندوول وبصح
ابويه: وهاه اونج تبين تستويين دكتوره ومادانين المستشفياات
امل: لا عادي عقب الحين انا مابا اسسير
اماايه: يلاا طووفي بسرعه ماشي حراارتج وايد مرتفعه مب زيين
امل : انزييييييييييييين
سرت وانا مول مالي خااطر تعباانه وارفاانه ركبت السيااره وسرنا صوب المستشفى نزلت ويا امايه ودخلووني عند الدكتووره فحصت علييه قالت احتقان ومادري شوه .. عطتني ادويه مرينا الصيدليه خذناهم وردينا البيت ..
دخلت البيت سرت فصخت عبااتي وابويه سار الدوام ومادري وينها امايه ..
طحت ع الغنفه ف الصااله تحت وتلحفت ملاانه لين شويه رقدت
نشيت ع صوت امايه
امل : هاه امايييه.؟
امايه: نشي تريقي عسب تاخذيين الدوا
امل : ماشتهي
امايه: لا ماشي بتاكلين الدوا وبطنج خالي
امل: خلاص اوكيه
سرت كلت شويه وخذت الدوا وسرت فوق كملت رقادي>.<
..............
عـقب ثلآث ايآم
نهآيـه البـآرت
بدآـ]يـ‘ البـآرت
.................................................. .................................
المكاان : بيت بو سيف
الساعه: 6 المـغرب
ســـيييـف
كنت يالس ف غرفتي افكر ف ساالفه واتشااور فيييهاآ
سمعت حد يدق البااب
سيف : ادخـل
شوق : السللام علييكم
سيف : وعلييكم السلام
شوق : بزي ؟؟
سيف : لالالا الا ملان ماعندي شـغل
شوق : امممم الصرااحه المصرحه انا ياايه اباك ف سالفه
سيف : سالفة شو؟؟؟؟؟؟؟؟
شوق:سييف انت متى بتخطب امل
سكت عنها والصرااحه ماعرفت ارد عليها
شوق: سيف لييش ماتخطبها .؟؟انت مب ناقصنك شي ريال وماعلييك رمسه وتقدر ع المسوؤليه.. وبعديين يمكن البنت تطير من اييديييك ..نسيت المره الي طافت شو استوي فييك .؟
سيف : اخاف؟
يمكن اسستغربت من كلمتي بس هاي الحقييقه
شوق: تخااااااف ؟؟ من شو؟
سيف : اخاف ترفضني وانصدم
شوق : بـس . هاذا الي مخوفنك لاتخاف وتوكل ع الله ... مافيك عيب عسب ترفضك؟ وبعديين ااذا تميت جي ماتحركت بتندم اكثر
يمكن حد يخطبها ولا شي .؟ ماتدري انته؟
سيف : يعني رايج اخطبها.؟
شوق : هييييه اخطبها وفك عمرك من الصدعه والتفكييـر
اممم الصرااحه اقتنعت ... صح رمستها ع الاقل اخطبها واجرب حظي ولاان حد يخطبها وتوافق وانا يالس افكـرر
شووق : متىىى بترمس اماايه؟
سيف : امممم مادري شرااايج .؟
شوق : رمسسسهم الحيين كلهم تحت ابويه واماايه ؟؟
سيف : خخخخ شكلج مستعيله اكثر عني
شوق : خخخخ ظاربني حفوز
سيف :يلا انا سااير ادعيلي
شوق : يلا عيل بترياك
سيف : اوكيه
شوق : ولا اقوولك شحقه اترياك بوقف ع الدري اتسمع خخخ
سرت عنها تحت
دخلت الصااله وانا افكر كيف ابدى بالرمسه.؟
سيف : السلام علييكم
: علييكم السلام
سيف : شحاالك ابويه؟
ابويه: بخير الحمدالله شو مسوي؟
سيف : والله الحمدالله
تمييت يالس اتسمع سوالفهم وانا متوتر مب عارف شواقول ولاشو اسوي قررت ابدى ارمس
سيف : ابوويه
ابويه: هلااا سيف
سيف : اممممم الصرااحه انا اباا اعرس
خخ حسيييت طريقتي غلط بس نفااد اهم الشي المضمون
امايه: هاي السااعه المباركه يوم بتعرس
ابويه : زيين جانك بتعرس ومب ناقصنك ريال والكل يتمناك
امايه : من باجر بدورلك ع وحده زيين
سيف :لااا
امايه: ويدي لييش؟ مب تقول تبا تعرس ؟
سيف : هييه بس لاتدوريلي
ابويه : تبا وحده محدده؟
سيف: هييه
امايه : منوو ليكون وحده تعرفها ؟
سيف : لالالا اباا بنت عموه؟
ابويه : والله ؟؟؟ اي عمــه ؟؟؟؟
سيف : عموووه عاشه .
اماايه : تباا امل ؟
نزلت راسي
سيف:هييه
ابوييه : والنعم والله
امايه : ونعم الاختياار ماشاء الله عليها جمال وادب واخلااق
سيف : يعني بتخطبوولي اياها ؟؟
ابويه: اكييد
سيف : انزيييين متى؟
امايه : ههه شكلك مستعيل
ويهي قفط صدق اني دفش ههه
سيف : هااه لا عادي بس عسب اعرف يعني
ابويه : برمس ابوها باجر ولا ورا باجر ع حسب
سيف : ان شاء الله يلا عيل انا بسير فوق تامروني بشي؟
امايه : سلاامتك الغالي
ابويه:سلامتك
سيف : الله يسلمكم
سرت فوق وانا امشي بسرعه وصلت فووق وانا طاير من الفرحه ف نفس الوقت متوتر اترا الرد
ماحسيت الا بشوقوووه
شوق : مبروووووووووووووووك سسيفوووه فدييتك والله خخخ اخيرا بجووفك معرس
سيف : خخخخخ جنج عيووز .. وبعديين شدراج يمكن ماتوافق
شوق : لاا ماااعليييك ان شاء الله بتوافق
سيف : ان شاء الله يلا يالحلوه انا بطلع تبين شي ؟
شوق : احم احم شكرا ع الاطرااء الجميل وسلامتك .
سيف : خخخ الله يسلمج
قرصتها من خدها وسرت عنها الغرفه بدلت ثياابي وطلعت
.................................................. .................................
المكان : بيت بو احمد
السااعه: 6 ونـص
امـل
.................................................. .................................
طلعت من الحمام متسبحه... افف يالله يالله فجت عني الحمى الحين احسن خفت عليه الدنيا بدلت ثياابي ونزلت تحت محد ف البيت
افف انا ملاانه والله شليت فون البيت واتصلت بفون امايه
امايه : هلا
امل :اهليين وينكم اماايه محد
امايه : هيه انا طلعت وشليت عبود عندي مشاوير
امل :انا بطلع اوكيه
امايه : وين بتسيرين؟
امل : مادري لين الحيين برمس حد من ربيعاتي
امايه: انزيين لاتطوليين وبسرعه ردي
امل: ان شاء الله باي
امايه: باي
بندت عنها ... وسرت فوق غرفتي شليت فوني واتصلت ف شوق
امل : الو
شوق : هلاوغلا
امل : شحالج؟
شوق : بخييييييييييرالحمدالله وانتي؟
امل :الحمدلله اقول شواقه؟
شوق : هلا
امل : شرايج تطلعيين ويايه؟
شوق :لا لا مااقدر
امل : افاا لييييييييييييييش؟؟
شوق : باجر مدارس اسمحيلي مااقدر
امل : مسموحه
شوق: اقول بلاه صوتج متغير
امل : زجمانه
شوق : سلاماات ماتجوفيين شر
امل : الله يسلمج يلاعيل بخليج
شوق : اوكيه الغلاباي
امل : بااي
بندت عنها وفرييت فووني افف ماحب اطلع روحي يعني الحين شو اسوي؟؟؟
اممممممممم تذكرت ربيعتي نوف قلت خل اتصللها اجوفها
اتصلت فيها ترن ترن ترن ترن ترن ترن ترن
نوف : الو
امل : هلاا وغلا
نوف: اهليييين وسهلييييييين يامرحبا السااع امول متصله فيني من وين طالعه الشمس
امل : خخخخخخخخ حرام عليج انتي بعد ماتتصليين
نوف: ههه انا انشغلت هع
امل : شحاالج؟
نوف : بخيير الحمدالله وانتي شحالج؟
امل : بخير دامج بخير
نوف : شو مسويه ؟ شخباارج
امل : الحمدالله
نوف: ويييييين اموول متولهه عليييج وين اياام الاسكوول اربع وعشرين ساعه نبربر ف الفون وسوالف وعفسه
امل : خخخخ انا بعد اقوول تذكرييييين يوم فطوووم طاحت
نوف : هههههههههههههههههههههههههههههههههههههههههههههههههه ه اموووول انتي مغبره تذكريين هالسالفه من صف 8
امل : هههههه والله ماانساها هالطييحه
نوف : تذكرين يوم ابله عوضيه ظربتنا بالكتاب
امل : خخخخخخخ وكيف مااتذكر هاليوم والله سوالف
نوف : والله اياام
امل : اياام كم عشاناها يمحلاهاا
نوف : ماشاء الله عليج لين الحين صوتج حلو
امل :خخخخ هيييه صح انا متصله اقولج شي
نوف : امـري:.؟
امل : ابااج تطلعيين ويايه؟
نوف : تسوقيييييييييييييييييين؟؟؟
امل : هيييه من فتره
نوف : وانا اخر من يعلم افا
امل : اسمحيلي والله
نوف : مسموحه
امل : هاه شوقلتي بتطلعيين ولا؟
نوف : اوكيه خلاص بس بسـال ريلي وبتصل ؟
امل : اوكي حبي تيك يور تاايم
نوف : باي
بندت عنها وطحت ملاانه افكـر استعييد ذكريات الطفوله والمراهقه
شويه واتصلت نوف
امل: هلا
نوف: اهلين
امل : هاه شو قال؟
نوف : اوكييه بس قالي لااتاخر
امل : اوكيه يلا انا بتجهز وبمر عليج
نوف : تندليين؟
امل : افا انا مااندل بيت نوفي
نوف خخخ فديييتج امووول
امل : هههه يلا عيل باي
بندت عنها وسرت بدلت ثياابي ووتكشخت شويه ولبست عباتي وشليت اغراضي وطلعت ركبت السياره وسرت صووب بيت قوم نوف اتصلت فيها قلتلها تنزل شويه ونزلت نوف ركبت السيااره
نوف : السلام عليييكم
امل : علييكـــم السـلآم
سملت علييها
نوف: امووووووول متغيـررره؟
امل : محلوه ولا مخسفه؟
نوف : طبعاا محلوه
امل: هههه يلاا قوليلي وين تبينا نسير؟
نوف :مادرييبج ع راحتج
امل : تبيينا نسير مول ولا نتمشى ف السيااره
نووف : بنسيير مووول من زمان ماسرت وياج مكان
امل: هيه والله يلا قوليلي وين اي مول
نوف: خل نسير صحارى اجرب احسن بعد
امل: هيه اوكـيه
سرنا صوب صحارى نزلنا شويه تحوطنا كان المول شويه زحمه
عقب شويه طلعنا من المول
وصلت نوف بيتهم وسرت صوب بيتنا ...
عــقب يوومين
.................................................. .................................
المكان : بيت بو احمد
الساعه :3 ونـص
امـل
.................................................. .................................
وصلت البييت وانا هلكاانه من التعب افف ارف.. والشوارع اليوم زحمه مادري شو مستوي الحمدالله اليوم الخميس
دخلت البيت سرت صوب غرفة الطعام جفت امايه
امل: السلام عليكم
امايه: علييكم السلام بلاج اليوم متـأخره
امل : الشواارع زحممممه
امايه: زين عيل تعالي تغدي
امل : مابا غدا بسييير ارتاح شويه
امايه: انزيين بترقديين؟
امل: هييه تعبانه
امايه: مابتسيرين بيت يدتج؟
امل : يوم بنش بي برووحي
امايه: انزين عـقب ابااج بساالفه
امل : اوكيه يلا باي
طلعت من عندها وسرت فوق دخلت الغرفه بدلت ثيابي وانسدحت
ع السرير قلت بتريا الاذان وبـرقد
مآحـسيييت بـعمري ورقدت
عـقب اربـع سـآعات
انتبهت من رقادي سمعت صوت فوني شليته وحطييته ع اذني وانا طايحه ع السرير
امل : الوه
امايه : اموول انتي لين الحيين راقده
امل : ليش.؟
امايه : نشي بسج الحين بيـأذن العشا
امل : اوكيه باي
بندت عنها وفرييت الفون وطحت ع اكمل رقاادي ..
عـقب خمس دقاايق استوعبت الرمسه ونطييت بسرعه
شليت فوني جفت الساعه 7 ونـص
اوييه فاتنتني صلاه العصر والمغرب نشيت بسرعه سرت خذتلي شوور ع السرييع وصليت ..
بدلت ثياابي لبست بنطلون جنز اسود وبدي برتقالي وبني هاي نك
لبست عباتي المصكره .. وشيله سوده شليت شنطتي واغراضي وتعطرت وطلعت ركبت السياره وشغلت اغنيه عسى مايوحشك غالي ...
تذكـرت خالد الله يرحمه .. بندت الاغاني وحركت السيااره
احس مودي تعكر مريت صوب الدكان وخذتلي ديووو
وروحت صوب بيت يدووه عـقـب ربع ساعه وصلت ماشاء الله البيت متروس سياايييـر .. كلهم موجوديين ..
نزلت من السيااره.. وشليت شنطتي .. برد بـرع .. افف
سرت صووب البااب دشييت سلمت علييهم
امل : عيل ويين البناات؟
ام خليفه : بـرع يالسات
امل : زين عيل بسيييرلهن
طلعت من وسرت ورا البيت وين مادووم نييلس ..
امل: السلاااااااااااااام علييييكم .
: عليييكم السلام
هند : هلاا والله بأمووول
ميره: ويين امول مغبره كح كح مانجوووفج
امل : بسم الله بلااكم حطييتو علييييه انتو الي ماتون ولاتسألون
هند : ههههههه
سرت يلست حذال ريم
امل : شحالج يالبطه
الريم : بطه انتي
امل : ههه كم باجللج وبتولدين؟؟
الريم : شهـريين
امل : الله يسهل عليييج
ميره : وشحاالكم
امل : نشقح بس ترانا ماننطح
هند : اخااف الا تنطحيين
امل : جييه ثوور
الريم : ههه بسم الله ع اختي
ميره: خخخخ ماصاار سؤال؟
امل : ملل بس الجو طرر بـرد
الريم: خاطري اسير البحر
هند: انا عكسج خاطري اسييير الـبر
الريم: ههه
سويييت طاف وشليت الايبد من شنطتي وحطيت السماعات ويلست اسمع اغاني
سمعت ميرووه ترمستني
امل : هلا
ميره: بلااج ساكته
امل : ماشي ملاانه
ميره: انزين غنيلنا
امل:
ادعي علي بالموت ولا سمني
بس لاتفارقني دخيل الله وتغيب
طاري السفر يابعد عمري همني
شلون أودع فـ المطار أغلى حبيب
تعال قبل اتروح عني ضمني
اقرب من انفاسي ترا حالي صعيب
ابـ انتثر قدام عينك لمني
وابسئلك هل نلتقي عما قريب
نسيت حتى اسمي دخيلك سمني
باللي تسميني آلبيلك وأجيب
مجنون عاقل ماعلي من لامني
الريم : اموووووول صووتج يعذبني
ميره : خخخخخخخ يعذبج هاه
الريم: يالسباااله
ميره : ولدج السباال
الريم: فديييت ولدي انا
تميييينآ نسـولفـ شويه وعـٌقب روحت البييييت وخذت ويايه امايه
وصلت البييت دخلت غرفتي وبدلت ثيابي ونزلت تحت
جفت امايه ف الصاله
امل: امااايه يوعانه شو العشا
امايه: ماسويينا عشا
امل : لييييييييش.؟؟
امايه: بنشتري من وين تبون
عبود : انا ابا من ماك خاطري فيه
امل :حتى انا بس ماك مايوصلون
عبود: تراج ماتقصرين
امل : مب متفيجه اسير
عبود : بليييييييييز امول
امايه: سيري وخذييه وياه سيرو الي ف المطار اجرب
امل : لالا ماحبه وايد زحمه بسير الي ف شارع الامارات
عبود : يلاا عـيييـل
سرت فوق ولبست عباتي وشيلتي
نزلت تحت وانا اركض ع الدري
امايه : شوي شوي عن اطيحييين
امل: ههههه مابطييح يلا عبوود سبااق اذا وصلت السياره قبلك مابودييك
ركضت عنه وهو يركض يتحرطم علييه ركبت قبله وقفلت البيباان وهو حليله يدقدق ع الجامه حرك السياره وطلعتها من البااب كسـر خاطري شكله يضحك خخ ... وقفت عند الباب وظربتله هرن جفته ياي يركض ركب السيااره
عبود : ياحماره ليش تروحيين؟؟؟؟
امل : جب جب لاانزلك الحيين
عبود: ماترومين بتنزلييييني ف الشارع
امل : هيييه اسويييها تراني لاتتحداني
عبود : انزيين خلااص
جفته يتعبث ف المسجـل
امل: شو تسوي؟
عبود : ماشي ادور اغنيه عدله احطييها
امل : اغانييه كلها عدله بس ذوقك الي مب عدل
عبود: لا والله .. انتي وين بتسيرين؟
امل : بسير الي ف شارع الامارات
عبود :زيين بعد مب متفيج انزل
امل : لاتخليني اعااند واسير الثاني
عبود : افف انتي بلااج عليه اليوم
امل: هههه بس جيه مقهووره منك
عبود : سخيييفه
امل : حرمتك
عبود: فدييتها حرمتي
امل : عشتوو من الحيين تتفداها
عبود: هييه فدييتها انتي شو معورنج
امل : جب جب ايدي معورتني
وصلنا ماك طلبنا وخلصنا وعقب ونحنا راديين
عبود: امول مري الدكان
امل :why?
عبود: ابا اشتري بطااقه
امل : من اسبوعيين مدخل خمسين وييين سارن؟
عبود: هاكي قبل اسبووعييين وردييت دخلت عقبهن بطاقتين
امل : خييبه البطااقه اتم عندي شهر وانت ف يوميين
عبود: يالخريييطه من يوميين مدخله ويوم دخلت قبل اسبوعين كنت مدخله وياييه
امل : عادي عادي هاي اول مره
عبود: لااله الا الله .. تراج حشره صخي
امل : طالعه عليك حشره تهبي امر الدكان الحين
عبود: اوووهوووووووووو خلاص بسكت
امل : هههه هييه اسكت مول لاترمس ..
شويه ودخلنا الفريج مرييت الدكان اشتريييتله بطاقه وردينا البيت
يلسنا نتعشى
عقـب العشـآ..
امايه: امول تعاالي فوووق ابااج شويه
عبود : شو تبييبها؟
امل : مايخصك افف رزه
عبود: جب انا مارمسج ارمس امايه
امايه: بس عاد عن الحشره تعالي فوق
ركبت ورا امايه وانا مستغربه شو تبا فيني؟
وصلنا غرفتي يلست ع السرير وامايه حذالي
امل : هااه امايه امري .
امايه: مايامر علييج عدو ولا ظاالم بس بقولج شي واسمعيني عدل
استغرربت من طرييقه امايه اول مره ترمسني جيه.؟
امل: ان شاء الله
امايه: انا بدخلج ف الموضوع بدوون مقدماات ..
امل : انزيين
امايه: سـيف ولد خالج خــــطبـج ...
الصـــدمه كان عنواني هاييج السااعه حسيت اني ماستوعبت الرمسه
امل : منوه؟
امايه: سيف ولد خالج ومن الحين اقولج انا مب مستعده ارد اخويه المره الي طافت ردييت اختي هالمره فكري عدل ..؟
الصراحه مااااااااااعرفت شو اقووول.. ماعرفت شو اسوي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك