رواية اضحك وانا في داخلي مجروح -30
امل: اقولك امس صبغت الوايت كوت بالرش كتبت بالوان العلم .. I LOVE UAE
سيف : والله كشخه بس تراج انتي واعدتني تراويني اياه
امل: خخخ مانسيت؟
سيف : لامانسيت ولا بنسى
امل: اوكـيه اليوم انا لا بستنه ..
سيف : اوكـييه تعالي صوب بيتنآ بجوفه
امل: اممم اوكـيه
سيف : اوكـيييه تراني بترياج
امل: انزين
سيف : اممم لاتنزلين مكان اليوم وانتي لابستنه
امل: ان شاء الله اي اوامر ثانيه؟
سيف :لا مشكوره هههه
امل: ههه العفو
سيف :باجر بتداومين ولا؟
امل: لا مابداوم خل يوولون.
سيف: ههههههه
امل: بسير الصالون اليوم
سيف : اوكي شو بتسوين
امل : بقص شعري وبصبغه
سيف :لالالالا لاتقصيينه انا احب الشعر الطويل
وانا شخصني فيك ..طبعا قلتها ف خاطري
امل: عادي بقصه ع طوله
سيف : اوكيه بس لاتصبغيييينه
امل : اوكـيييه
سيف: وين انتي الحين؟
امل : صوب الجمعيه
سيف : زيين عيل قريب
امل:هيه الا بتخبرك سيف
سيف :تخبري
امل: اممم متى بيبدون مسيرات ؟
سيف :اليوم شي مسيره ع البحيـييره
امل:الله كشخه
سيف : تبين تسيرين؟
امل:هههه هيه
سيف : خلاص عيل تزهبي بودييج
امل: والله ولا تتمصخر عليه؟
سيف : لا ماتمصخر بودييج
امل: كشخه منزمان خاطري اسير محد طايع يوديني .
سيف : مادامج مرتي مابخلي شي فخاطرج الغلا
امل:تسلم.. امم تراني وصلت
سيف : اوكيه الحين بطلع
امل : باي
بندت عنه وحطيت فونـي.. طلعت عطر من السده وعطرت سياارتي .
ريحتها حلوه اصلا بس لازم اول مره يركب سياارتي .. نزلت المنظره الي جدامي وعدلت شيلتي وشكلي.. جفت سيف ياي رفعتها
ويلست عدل فتحت باب السياره ودخل
سيف : السلام علييكم
امل: عليكم السلام والرحمه
سيف : يلا راويني
تجدمت شويه لاني كنت متساانده ف مايبني شي عطييته ظهري عسب يجوف
امل هاه شورايك؟؟
سيف : ناآيس والله
سيف : لا والله حلو
امل: عيونك الحلوه
سيف : عيوني حلوه لانها تجوف احلى ماخلق ربي
اوييه استحييت بصرااحه مهما كان تراني بنت وبستحي لو ماحبه
حسيت حد سحب شيلتي
امل : لييش؟
سيف: بس صبري
شل التوكه من شعري وفتحه
امل:لاا سيف
سيف :جب خليني اجوف شعرج
امل: مابي
ع طول رديت رفعته ولبست شيلتي
سيف : تراني جفت طوله يوييلج لو نقص انج واحد
امل: اوكييه اففف جان قلتلي بروحي بفتحلك اياه . شعري كشه
سيف :لا والله محلااته شعرج ..
امـل: هيـه جامل شورايك
سيف : ماجاامل انا يلا انا بروح
امل : اوكييه
سيف : تجهزي اليوم عسب امر عليج
امل: اوكـييه
سيف :فداعة الله
امل:الله يحفظك
روح عني سيف وحركت السياره هوه كان واقف عند الباب يجوفني
بقولون ليش اتعامل وياه اوكيه يوم اني ماحبه.. بس انا طبعي جيه هوه ماجرحني ماسوالي شي ماجفت منه الا كل خـيـر
ليش اكرهه؟ .. بس بعد انا ماآحـبه .. مادري شو الايام الياايه مخبيتلنآ .. وبصرااحه انا مستغربه من عمري بسرعه تعودت عليييه صح استحي شويه بس عادي اسولف وياه واخذ واعطي وياهـ
وصلت البيت ونـزلت.. دخـلت دآخـل جفت امايه
امل: السلآم
امايه : علييكم السلام
امل: يلا امايه حطي غدا ميته من اليوع
امايه: هههه انزين تعالي تغدي الغدا زاهب
يلست اتغدى وعـقب سرت فوـق بدلت ثيآبي ورقـدت ..
....
نـشييت ع صوت فوني يرن افف منو هالمتفيج يتصلي الحين
شليته حتى بدون ماجوف الرقم
امل:الو
سيف: هلاا وغلا
امل: اهلين
سيف : ويين انتي من متى اتصلج
امل: انت منو؟
سيف :اوييه امول بلاج.؟
امل: اوه سيف سووري كنت رااقده
سيف : يعني مابتين ويايه.؟
املل: وين؟
سيف : هههههههه انتي شكلج موول مسطله المسيره.
امل:لا لا بي اتريااني شويه وبجهـز
سيف : يلا انا اترياج
امل: اوكيه باي
بندت عنه وفزييت سرت الحمام اتغسلت وعـقب بدلت ثيابي
وصليت ولبست شيلتي وعباتي وتعطرت عالخفيف .. وشليت شنطتي وفوني ونزلت تحت ..
امل: امايه انا بطلع ويا سيف
امايه: اوكيه
امل: باي
طلعت من البيت بسرعه جفت سيف موقف ف الحوي
ركبت السيااره
امل: السلا م علييكم سووووووووووووووري سيف تاخرت
سيف :عليكم السلام .. لاعادي فديتج خذي راحتج انا الي سوري وعيييتج من رقاادج
امل: لالا عادي
سيف : يلا بدت المسيره تراها.
امل: الله اوكيه هييه صح كشخه الي سويته ف سياارتج
سيف : من ذوووقج غناتي
يلست اتعبث ف المسجل ادورلي غنيه .. لقيت عنده اغنيه راشد
اناضايق خلييتها وعليت عليها
سيف: هههههه احسج تحبين تسمعيين راشد؟
امل: يس احب اغاانييه واايد
سيف : ايواآ
امل: هع والله انا مرتبششه
سيف: خلي الحماس الله يخليج
امل: ههههههه
شـويه ووصلنا صوب البحـييره الدنيا مصتكه زحمممه موت
دخلنا ف زحمه المسييره وهرنات وعـفسـه وتجوفين خلق الله كلهم ع الجامات
امل : سييييف ببطل الجامه
سيف :لالا شو تبطليينها واصلا نصهم يصورون.
امل: انزيين انا بتغشى
سيف : لالا اطالعي من ورا الجامه
امل: اوكييه
كنا . مرتبشيين مطوليين عالاغااني ع الاخـر..
جفت سيف حط اغنيه الله ياداار زايد كيف محلاهاآ
جفته طول ع الاخـر.. ويااب سلاحه من ورا تلثم بسفرته
كان السيد واقف زحمـه.. نزل من السياره وخلى الباب مفتووح
قاام ايووول انا عاد ع طول شغلت الكاام ويلست اصور
ماشاء الله عليييه يواالته طرر يوم ايبس يخبللل .. هع .. ثنيينه شباب بعد ارتبشو وياه نزلو ايووولوون وياه كشخـه..
عـقب ماخلصت الاغنيه رد السيااره
امل: ماشاء الله عليييكم كششخه تيوول
سيف :هههه اعجبج ..
امل: صورتك تراني
سيف : راويني الفيدو
امل :شووف ..
عطييته الكاام وخليته ايجووف .. انا كنت اطاالع برع اجوف المسيرره ..
امل: سيف خلني اطلع من فوق .
سيف : لالالا
امل: افااا ليش؟
سيف : بس عيييب
امل:اممم اوكـييه عيل
سيف : جووفي جووفي هالثنييه
امل:هيه بلااهم
سيف : هاييل ربعي
امل: هههه سلم علييهم
سيف :لا والله
امل : اسوووووولف هع
جفت هنتيين واقفااات ع سياارتهم متلثمات بغتره حسيت اشكالهم صدق غلط يعني صدقه سيف يوم ماخلاني اطلع ..
اجوف سيف يطاالعهن
امل: تجووف هاييل انته
سيف :ها لالا
امل: اوكيه دقييقه
فتحت الجاامه الي حذاالي وصرخت عليهن
امل: الرقــمم لو سمحتن
يلسن يتضحكن .. رشييتهم بالرش وصكرت الجاامه
امل: المشكله ماعطني رقم ولا عطييتك اياه
سيف : لا والله اصلا انا ماكنت اطالعهن
امل : تكت ايزي
اصلا انا كان عادي عندي لو يغازل جدامي نوبروبلمـ ..
شـوييه وعـقـب طلعنا من المسيـررره .. سرنا تعشيينآ الشوارع وايد زحمه حق العيد واليوم الوطني يالله يالله وصلنا البيت طوول الطرييج سوالف وضحك هع
امل : يلاااا سيف سي يو
سيف :تيك كير
امل: يوتو باي
نزلت عنه ودخلت البيت كانت الساعه 10
جفت اماييه يلست وياها شويه وعقب روحت فوق بدلت ثياابي .. ويلست ماكان فيني رقاد
فتحت الاب توب .. ويلست ع النت طلعتلي رواايه اقراها وفتحت المسن سمعت فوني يرن يوم سرت صوبه جفت اسمـ سـيـف
شليته
امل: الو
سيف: مرحب
امل: مراحب
سيف : شحالج حبي؟
آمل : بخير وانت؟
سيف: الحمدالله ..شو تسوين؟
امل: امم ع النت
سيف: ع المسن؟
امل: هييه
سيف: عطييني ايميلج ؟
امل : """"@hotmail.com
سيف : اوكيه الحين بفتح الاب وبضيفج
امل: اوكـيه
سيف : امممم فتحته.. صبري بفتح ايميلي
امل: تيك يور تايم
سيف : فتحته يلا مره ثانيه عطيني ايميلج
امل: """"@hotmail.com
سيف: ضفتج
امل:هييه وصلتني الاضاافه قبلتهاآ
سيف : زييـن
جفته مطرشلي مكالمه فديو رفضتها
سيف: لييش ؟؟
امل: بس مابي
سيف :لاا بطلييها
امل: مابي شكلي غلط
سيف:لالالا مابا بطلي
امل: امممم اوكـيييه
بطلتله الكاام كنت اجوف شكلي ف الكاام اوييه فضيحه انا لابسه بجاامه هع
سيف :قـمر وربي قـمر
امل:يلا انت بعد بطل الكام
سيف : انزين
شويه وفتحلي الكام كان لابس جلابية.. عيبني شعره كشخه ماشاء الله .. هع
سيف : شوتسويين .؟
امل : شوفت عينك يالسه ..
سيف : اآآهآ
امل : انزيين سيف انا ببند الكام
سيف: افا ليش؟
امل: بس ماحب جـييه
سيف : براحتج غلاي
بندت الكام ويلست ارمسه ع الفون
سيف : امممم انزيين وجـييه
امل:هييه امم انت باجر مابتداوم؟
سيف : امبلا بسير
امل:عيل ليش سهران لين الحيين يلا سير ارقد
سيف : تبين الفكه مني؟
امل: لا مب قصدي بس سير ارقد مب زين باجر بتنش فيك رقاد.
سيف : تاخفين علي؟
ماددري الصرااحه كيف اوصف شعوري هاييج اللحظه حسيت بالذنب حسييت بواايد اشيااء سكت ولا ردييت حتى نفس ماتنفست
مادري كم مـضى من الوقت ونحنا جيـه ساكتين..
سيف : يلا انا بخلييج اوكي
امل: امم اوكيه
سيف : تصبحيين ع خيـير
امل: وانته من اهله
سيف :باي
امل : باي
نزلت التلفون من اذني وانا مصدووومه وف نفس الوقت قلبي يعورني ..
انا ادري ان الي اسويه ف سيف حرام بس شو اسوي لااستطييع افف
.................................................. .................................
المكان : بيت بو سيـف
الساعه: 11 ونـص
سيـف
.................................................. .................................
بندت عنهاآ.. وانا مقهووور منهآ مادري احسها مب طبيعيه
يعني يوم اقولها كلام حلو مول تصخ ولا تغيـرالسالفه ..
مادري ليش احس ان الي فيها مب مستحى شي اكـببـر .. يعني
معقووله تكون مغصووبه عليه .. مستحييييل لو مغصوبه مابتكون اوكيه ويااي يعني هيه عادي عندها تسولف وياي تطلع وياي ..بس يوم اغازلها ولا اقولها شي تغـير الموضوع.؟
امممم اهـم شي انها مرتي ع سنه الله ورسووله وكفايه اني احبهآ
ان شاء الله مع الايام تعتدل يمكن تستحي محد يعلم ..
بندت الليتاات وطحـت بـرقد .
.................................................. ...............................
الـيوم الي عـقبه
.................................................. .................................
المكان : بيت بو احمد
الساعه: 11 ونص
امـل
.................................................. .................................
نشييت من رقاادي ع صوت امايه توعيني
امل: هاه امايه
امايه: يلا فدييتج نشي بنسير نييب العبي ..ورا باجر العيد وفليل زحمه الشوارع
امل: ان شاء الله
نشييت واتغسلت وبدلت ثياابي لبست عباتي وسكارف ونزلت تحت
ركبنا انا وامايه السياره وانا راكبه السياره تذكرت اني ماخبرت سيف
شليت فوني وقلت بطرشله مسج احسن الحين هوه ف الدوام..
طرشتله " مرحبا سيف انا بظهر من البيت بسير ايب عباتي من عن الخياط اوكـيه؟"
شويه ورد عليه" اوكيه فديتج وتحملي بعمرج"
خليت الفون حذالي وتحركت من البيت .. وقفت عند المحطـه
دخلت خذتلي كروسون جبن وعصير وخذت حق امايه فديتها بعد ..ركبت السيااره وحطيت الاغراض .. عقب سرنا صوب الخياط نزلت وخذت عباتي وعباة امايـه..
ركبت السياره ع رنه فوني .. كانت ريم متصله
رديـــيييت عليهآ..
امل : الوو
الريم: مرحبااا
امل: مرااحب حبي
الريم: كيفوو؟
امل:منييحه وانتي كييييفك؟
الريم: منييحه دام انتي منييحه
امل : ههه جلبنا لبنااني
الريم: خخخ حلاته.. انزيين اقولج انا بحجز ف صالون باجر بتين انتي وامايه عسب نتحنى؟
امل: اممم هييه انا ابا اسير اقص شعري
الريم: اوكييييه انا بعد ابا اسير بسوي شي
امل: اوكييه شرايج العصر نسير انا وانتي ؟
الريم : خلاص بشاور حميد وبرد عليج
امل: اوكييه
الريم: يلا باي بسير بتصل ف الحرمه عسب تحجز
امل: اوكيه باي
بندت عنها وصدييت ع امايه
امل: امايه الريم بتجحز ف صالون حنى قلتلها تحجزلنا وياها
امايه: زيين والله
امل: يلا الحين ويين بتسيريين؟
امايه:مري هالمحل ع اليسار بشتري مكسرات
امل : اوكيه
مريت المحل الي تباه امايه نزلنا اشتريينا وعـقب رديينا البيت
صليييت الظهـر وخذتلي شور وعـقب نزلت تحت كانو حاطين الغدا يلسنا نتغدى .
عقب الغدى سرت فوق وانا ساايره اتصل فيني سيف
امل: الو
سيف : هلا والله
امل: اهلين
سيف : شحالج؟
امل: بخير الله يسلمك وانت علومك؟
سيف : كل شي تماااام .. شوتسوين
امل: ماشي توني متغديه والحين يالسه
سيف : بالعافيه فديتج
امل:الله يعافييك
سيف : شرايج تطلعين وياي اليوم؟
رفعت حاجب واحد وانا مستغربه جييه كل يوم العيد؟
امل:لالا ماقدر
سيف :افااا ليش ماتقدرين
امل: بطلع ويا ريم بسير الصالون
سيف : امممم اوكيه عيل ورا باجر
امل: اوكيه عيل
سيف : زيــن زيــن
امل : باجر بعد بسير بتحنى
سيف : الله احب الحنى واايد
امل: هع بسير ويا ريـم
سيف : اوكـييه فدييتج
امل: اممم وهـييك
سيف : يس
امل: انت طالع؟
سيف : راد من الدوام
امل: اهاااا يحليييلك مدااوم
سيف : ههههه تغايضيني ويا هالفييسس
امل: اممم فدييته فيسي هييه اغاايضك
سيف : ههههه هييه والله فدييته
امل: باجر دوام عندك صـح؟
سيف : يس يوم الخميس اجاازه
امل: اممم زييـن زيـن
سيف : امم حياتي انا وصلت البيت الحين تامريني بشي؟
امل: سلامتك
سيف :الله يسلمج فمان الله
امل: ربي يحفظك..
بندت عنه وفرييت الفون حذالي ع السرييـر..
طحـت شـويه ..كنت ملااانه وايد مـآعرف شو اسـوي
شلييت الاب وفتحت الفوتوشوب يلست اصمم من الملل
عـقب سمعت الاذان ـسرت توضيت وصليت الـعـصر
شلييت فووني واتصلت بريـم
ترن ترن ترن ترن ترن ترن
الريم: الو
امل: مرحبا
الريم: مرااحب
امل: شحالج؟
الريم: يسرج الحال اند يو؟
امل: تماام اقول متى بنسير زحمه عـقب
الريم: يلا عـيل انتي مري عليه الحين
امل: اوكيه فديتج باي
الريم: مع السلامه..
بندت عنها وسرت بدلت ثياابـي..
لبست عباتي وشليت شنطتي .. اتذكرت شي شليت فوني وطرشت مسج حــق سيـف.. لانه اتوقع الحين راقد ..
" مرحباا.. الحين انا بطلع بسير الصالون اوكيه "
فرييت فوني ف الشنطـه..
ونزلت تحت خبرت امايه وطلعت سرت عند بيت ريـم ..
وصلت بيت ريم ودقييتلها رنــه .. شوي وطلعت ..
ركبت ريم السياااره
الريم: السلاام علـيكم
امل: عـلـيـكـم الـسـلـأـم ..
الريم: شخبااارج؟
امل:الحمدالله بخـييرـ
الريم: اي صاللون نسـير.؟
امل: شرايج نسير "' دووم اسيره قبل قصهم حلـو
الريم: هيـه اوكـييه عـيل
امل: متى بتربيين؟
الريم:اممممم عـقب تقريبا شهرين
امل: ماعطوج تااريخ؟
الريم: امبلا
امل: اهاآ ..
ـشـويه ووصلنا الصالون..
دخلنا كان الصالون تقريباا فاااآآآضيـ ..
يلسنا انا وريم ف وقت واحد عسب يخلصونا بسرعه ..
فتحت شعري قلتلها تقصلي اياه مدرج ع طوووله ..
قصتلي شـعري ووقفت جدام المنظره اجووووف شكلي
عيبتني القصـه امممممممممم بس قصتي احسها طويله شويه
ردييت خلييتها تقصلي قصتي مدرج ..
جفت رييم تصبغ شعرها
امل: بتصبغيين؟
الريم: هييه
امل: اهئ اهئ انا بعد خاطري اصبغ بس هاذا سيفووه اففف
الريم: ههههه اسمعي شوره ولا تصبغين
امل: بسوويييله طااااااف خل يولي وبصبغ
الريم: اييه لااا
امل: كيفي والله شعري مب شعره
قلت حق الحرمه تصبغلي خـصلـ لون الكستنااائي
..
خلـصنا ع السااعه 6 وشـي.. كان توه مـأذن المـغرب..
كان شكلي وااو هههه اول مره اصبغ طلع حلو عليه حتى ريم كشخه عـليهآ ..
طلعنا من الصالون وركبنا السيااره انا فووني فارتنه ف السياره
اتذكرته ع طول طلعته من شنطتي .. جفت كولين من سيف وكول من اماايه..رديت اتصلت ف امايـه..
امايه:هلا
امل: ااهلين
امايه:وينكم
امل: هني تونا طالعين من الصالون ..
امايه: اوكيه عيل يلا باي
امل: باي
فرييت فوني ف الشنطه وماتصلت ف سيف اصلا انا مب متعوده اتصل فيه ولامره ف حياتي اتصلت فيييـه
شويه ووصلت ريم بييتهم ونزلت بيتنا
نزلت من سيارتي شليت فوني اجوفه سيف ماتصل غرييبه؟
دخلت داخل ويلست ويا امايه راوييتها شعري عيبها . طببعااا ماقلتلها ان سيف مب موافق ولا ذبحتني..
روحت فوق عنهآ صلييت المغرب وخذتلي شـور..
عـقب نزلت تحت قوم امايه طلعو تمييت يالسه ملاانه ماعندي شي..
يوم الخميس عرفه .بعد العيدد الوطني بطلع ويا سيـف..
ع طاري سيف غرييـبه مارد يـتـصل ..
مادري ويييينه استحي اتصل فـيه ..
اممممم خلييه برااحته يوم يبا روحه بيتصل
اففففف ملل ماعندي شي اسويه ..
نشيت من مكااني وسرت فووووق .. ركبت الدري وسرت غرفتي
سرت غرفتي يلست اطااالع شكلي يوم صبغت شكلي حلو
امممم بس سيف بيهزبني .. نفااااااااااااد
طحت ع السرييـر..
اففففففففف مللللللللل
سمعت فوووني يرن عفدت عفده خخخ شليت فوني كان سيف
احم
امل: مرحباااا
سيف : مراحب
امل: شحالك؟
سيف : الحمدداللللله ويينج غنااتي تولهت علييج
امل: امم كنت ف الصالون
سيف : ماقلتيلي يوم يتي
امل: هاه اممممم تحرتك بزي
سيف : افضاالج حبي..عادي قولي
امل: اها ان شاء الله مره ثانيه
سيف : باجر متأكده مابتين وياي؟
امل :نوو
سيف بتفووتج المسيره
امل: خخخخخ اونك عاد لا مابا المسيره بسير يوم الخميس خخخ
سيف : هههه مابودييج
امل: خخخ بسير روحي
سيف : لاااا خلاص انا بوديج
امل: هه انزين وهيك
يلست ارمسه ليين مادري ماعرف السااعه كم
عقب يوم بندت قمت صليت وعطول رقدت
الصـبح نشيييت من وقت يلست ملاانه ماعرف شو اسوي..
نزلت تحت يلست الفلف ف الحوي عـقب .. وعت اماايه سرنا تحنييينا انا وهييه ويا ريم..وتمييت طول اليوم مشتغله اجهز حق العييد ... هاه سيفو بعد متصلبي من المسيره يغايضني خخخ
ههههه
...........
اليووـمم الي عقـببـه..
.................................................. .................................
المكان : بيت بو احمد ..
الساعه :5 العـصر..
امـل...
.................................................. .................................
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك