رواية آه يالدنيا عيال عم ولا يتعارفون -34
موزه:ما تبين تسمعين عادي.......أنا بس بخبر ..إلى كبري.........سمعن يعلنى ما أخلا منكن...
مى:شو؟؟؟؟
موزه:الله يسلمكن .......تعرفن الضيوف إلى عندنااااا؟؟؟
نورة .....طالعها بنص عين .........
موزه:إنزين .....يا وخيتي ........ردو بيتهم ..خلاص مابيون مرة ثانية ........
نورة ..يااااااااهااااااااااااا إكتئاااااااااب:لالالالالالالالالالاالالالالالالا تقولين ............
مى:يعله بذمتج؟؟؟؟؟؟؟
موزه:والله حمدان قالي......سارو يتغدون عند قوم خالد ..وبردون بيتهم..
سلامي:يااااااااا خساااااااارة ................ما تهنينا بشوفتهم..........صح نورة ؟؟؟
نورة:........................
موزه:صدق والله..خسارة .....كانو مسلينا ..قصرنا الدوب وياهم اليوم الصبح ..ماعندنا شغلة إلا يالسات عند الدريشة ونشوفهم شو يسوون ........صح نورة .؟؟
نورة :بس عاد ويا ويهج .......
مى:حراااااااام ..يعني سار ؟...أنا من شفت ربيعةالثاني وحاطة العين علية ..خلاص بكنسلة سعيد ..
سلامي:ههههههههه..يهوووون؟؟؟؟؟؟؟؟
مى:هيه ........
موزه:ماظن .............
نورة ...ساكتة ....وسرحت ..........
موزه:حوووووووووووووو...؟؟وين سرناااااااا؟؟؟
نورة :ماشىء ..يالله ما تبن نسير نتغدا؟؟؟؟؟؟؟
موزه:صبرن قبل ما نظهر من الغرفة ......منتفق على شىء...
نورة:شو؟؟
موزه:أنا وسلامي ..نبا نطلع ..ملينا إلا في البيت تقول هوش مزروبات في الدرس....نبا نطلع ...
مى:وين تبن ؟؟؟؟
سلامي:سمعن ..منقول لأمايا شيخة تسير ويانا وجيه ما حد يروم يفج ثمة ...
مى..فاجة عيونها: أمايا شيخة ما غيرها؟؟؟؟؟؟؟
موزه:هيه .......
مى:بتبطن.........والله ما بتشبر ويانا......
سلامي:ما عليج بقردنها ..وبسير .......
مى:كيف عاد بتقردنينها؟؟
سلامي:خلن كل شىء علية ..وبتشوفن ........
نورة:يوم غاية السيرة خبرني أنا مافيني على المشاكل ..
وطلعن من الغرفة .........وسارن الصاله ...ولقن أمهاتن في الصالة ..يالسات يسولفن ..ويلسن يسولفن وياهن ...........
الساعة .3:30..الظهر........
تمشي في الممر ..وندست ورى الباب وتوايج من فتحة الباب ..وتشوف ...منو في الصالة ؟؟؟؟؟؟
ما لقت حد ..بس الشواب ..الشباب ماحد...........
موضي:حرام ...وين سارو ؟؟؟؟؟...
هند:بووووووو....
موضي..زاغت:عنلاتج يا الكلبة ..زيغتيني ...
هند:شو سوين؟؟؟؟؟؟؟
موضي:ماااشىء ..زولي عن ويهي.......
هند:ماريد........
موضي..سارت المطبخ ..........وفجت الثلاجة ..وظهرت تفاحة وسارت ويلست على الكرسي مال المطبخ .........يا النحاسة ..عنبوه اليوم ما شفتة يوم ظهر...أففففففففف وليش أنا جيه مهتمة منه .....خلة يولي.....
هند:شو سوين ؟؟؟؟؟؟
موضي:ماشىء .........شىء في خاطرج؟؟؟؟
هند:لالالالالا..
موضي:عيل جلبي ويهج ........
هند:موضي..............
موضي:خير.......
هند:سمعت أمايا تقول اليوم منسير عند قوم شمة ...
موضي.......والفرحة شاقة ويها:صدق؟؟؟؟؟؟؟؟؟
هند:هيه ...........
موضي:وين أمايا؟؟؟؟؟؟؟
هند:سارت تنام ........
موضي:أوكية ........وسارت فوق ........تدق حق قوم موزه ..وتخبرهن أنها بسير عندهم اليوم ..
الساعة 3:30........الظهر.......
حمد على وقفتة ما تحرك .....بس عيونة هي تلمض.....وسعيد ....بالمثل......
سعيد:حمد..................
حمد:.............
سعيد:يا حمد صدقني هذا إلى سويه ما فيه فايدة ....
حمد:أريد أعرف شىء واحد......
سعيد:..............
حمد:متى بموت؟؟؟؟؟
سعيد:فال الله ولا فالك.......هو قال بس بسوي عملية ما قال أنك بتموت..حمد عنبوه أحمد ربك أنة مب الخبيث ....هذا شىء أهون عنة ..
حمد:سعيد..............شو الفرق؟؟؟؟؟؟...بس أني الحين بسوي عملية لو ما فاد بتم على الأدوية طول حياتي ..
سعيد:حمد أحمد ربك ..ألمرض مب خطير لهاي الدرجة ...لا سوي بعمرك جيه ..
حمد:سعيد .......والله مليت من كل شىء ..ومن المستشفي والدخاتر ..والدوا ..
سعيد:يالله يا حمد شو ندريت عيوز؟؟؟
حمد:...............
سعيد:حمد...والله الحمد لله مرضت مب خطير..وبعدين بس أربع ولا خمس أيام ..وبتطلع ..ليش خايف؟؟؟
حمد:سعيد خايف من باجر ..خايف بعد العملية شو بصير....
سعيد:حمد ...شوف كل شىء بإيد الله ..وخل إيمانك بالله قوي...
حمد:سعيد ما مطمن ..
سعيد:لا إن شاء الله ...بكون كل شىء اوكية ..وبترد حمد إلى نعرفة بخير وما فيه شىء.
حمد:سعيد هاي اول عملية بتكون متصلة بالقلب والرئة .
سعيد:حمد الدكتور قال مب خطير ة .
حمد.......:الله يغربلة لا ذكرني فيه ..حرام أني من الغيض لدعمة ...
سعيد:قول الحين خلنا نتغدا ونوطي راسنا ..وإن شاء الله ما يصير إلا الخير....
حمد:ماااريد شىء.......
سعيد ..يمط إيدة :يالله ..لا تزعل ولا تضايق مب أول ولا آخر واحد يسوولة عملية ...
وسارو يتغدون .......بس عاد شو كلو ..لقمتين .....
حمد:سعيد ..شو بقول لمايا ؟؟؟
سعيد:بعد شو تقولها..قولها أنك بتبطي بعدك في لندن ...وبترد إن شاء الله آخر الاسبوع الياي..
حمد:سعيد أنت ما تعرفها .ماروم أجذب عليها ..تعرف أنها هي اول وحدة عرفتني أن ما فيني شىء .....
سعيد:إنزين قولها..
حمد:ماريدها تيلس تحاتي .....
سعيد:أنا بكلم حمدان ..وبخلية هو يكلمهم ....
حمد يظهر تيلفونة :شوف كم مرة داقة ...
سعيد:خيبة 10 مرات ..رديت عليها؟؟؟؟
سعيد:رد عليها....الحين صدق بتيلس تحاتي.....
حمد:ما روم أجذب عليها..مارووووووووووم......
سعيد:حمد....كلمها ...عادي ولا كأنك شىء مستويلك ...
حمد:....................
سعيد...شل تيلفونة ودق لأمة :يالله تكلم ..............
دق تيلفونها ..........وبعدين ........
أم حمد:هلا والله بوليدي.....
حمد...أونة مستانس:هلا بالغالية ....شحالج؟؟؟؟
أم حمد:لا تكلمني .....عنبوه كم مرة أدق ولا ترد علية ..عنبوه هالكثر بنات لندن ما مخلياتنك دقلي؟؟
حمد:هههههههههه..يهبن ....
أم حمد:صدق أنك لوتي.....
حمد:فديت أمايا إلى يالسة تتغلا......
أم حمد:ما علية هات إلى عندك ...ها شو قالك الدكتور؟؟؟
حمد ..إرتبك:ماقال شىء..بخير ..إن شاء الله بخير......
أم حمد:ما فهمت عليك.....
حمد:بخير امايا لا تحاتين...
أم حمد:إنزين الغالي وين أنت الحين ؟وين وصلت ؟؟؟
حمد:والله أمايا انا بعدني في لندن ..
أم حمد:يالله بستر ..وليش بعدك في لندن ما بتي اليوم؟؟؟
حمد:لا والله أمايا ..بيلس بعدني أسبوع ...
أم حمد ..قلبها ناغزنها..ليش بييلس أسبوع:وليش ؟؟؟؟؟
حمد:عندي شغل أريد أخلصة ....ويوم بخلص برد...
أم حمد:ووينة سعيد؟؟
حمد:سعيد عدالي..
أم حمد:عطني إياه برمسة ......
حمد....غريبة شو تباه؟؟:إنزين ........
حمد..نزل التيلفون تحت ...:سعيد..تعال تباك أمايا...
سعيد..مستغرب:شو تبا؟؟؟؟؟
حمد:أكيد ما مصدقتني ..وتبا تتأكد منك........
سعيد:أوكية ......
شل التيلفون..........
سعيد:مرحباااااااااا ..الغالية ....شحالج ؟؟..ربج بخير...
أم حمد:سعود عن اللواتة ..حرام أنك لو ما خبرتني شو فيه حمد ..الحين يايتنكم...قولي شو فيه؟؟
سعيد يأشر لحمد على أن أمه تسأل عنه وما مصدقة كلامه:عمتية ما فيه غير الخير ..بخير يرقص جدامي تقول حصان......
أم حمد:هب هبات الله ..سعود ..أنا حلفت ..حرام إن ما خبرتني ..لخبر عليك عمتية ....
سعيد:عمتية ما فيه شىء صدقيني......
أم حمد:سعود أنا هب ما عرفك ...قولي شو قال الدكتور؟؟؟
سعيد:قال أن كل شىء أوكية ..والحمد لله بخير...
أم حمد:وشو عيل ميلسنكم في لندن .؟؟..ليش ما تهظلون...
سعيد:هههههههههههه..عمتية ....شياج علينا ؟؟..
أم حمد:لأنكم مسودين ويه ...داقين علية ...ومن الصبح تجذبون علية ..شو تتحسبون ما عرف؟؟؟حرام أن شىء فيكم ....
سعيد:يا عمتية ..أنا ما جذب عليج ..صدقيني إن شاء الله ماشىء غير الخير .....
أم حمد:ما علية ...لا تقول الحين بخلي حمدان يدق لدكتور ويخبرني ..بسني من جذبك أنت وحمد..بس حرام إن قالي غير إلى من الصبح تقولونة ..لا أنى أمة ولا أنى أعرفكم ..سمعتو؟؟؟؟
سعيد نزل التيلفون ..عشان ما تسمعة :حمد ..بتخلى حمدان يدق لدكتور..ودكتور مستحيل ما بخبرها..شو إنسوي؟؟؟؟
حمد: هات التيلفون أنا بقولها ........
سعيد: لا لا تقولها..منقول لعيال عمي كلهم عشان ما يخبرون حد ..
حمد:أوكية ......
سعيد:عمتية حمد يباج....
أم حمد:ها أتفقتو على جذبة يديدة؟؟؟؟؟
سعيد:ههههههههههههه..الله يهداج أي جذبة ؟؟؟؟؟؟
أم حمد:أنا ما علية ...الحين بقول لحمدان .. يدق لدكتور......
حمد:هلا أمايا........
أم حمد:خير ..
حمد:أمايا ..شو فيج؟؟؟؟؟؟
أم حمد:بعد شوفيني...؟؟...عنبوه أمك ولا تخبرها؟؟؟؟..
حمد:بذمة أمايا أنى بخير..وما شكى باس......
أم حمد:إلى في الجدر بظهرة الملاس......
حمد:ههههههههههه..أي ملاس الله يداج؟؟؟
أم حمد:بسني من الجذب إلى من الصبح تصبة علية ....بسير أتغدا شىء في الخاطر؟؟؟؟؟؟
حمد:سلامتج.......
أم حمد:الله يسلمك.....بس حمد لو ظهر كلامك جذب لا أني أمك ولا أنت ولدي.....
حمد:...............
أم حمد:فمان الله ...
وسكرت .وحمد مضايق...........
حمد:والحين؟؟؟؟؟؟؟؟؟؟؟
سعيد:الحين مندق لقوم حمدان ..ومنقولهم ............
ودقول لقوم حمدان ..وخبروهم عن كل شىء ........وقالولهم ما يخبرون حد من الحرمات ...عشان الحرمات حشرة ..وما يتخبرن بشىء......وما يريد يزيغهن.......
الساعة 4..العصر...........
يتمشون على الشاطىء.......ويسولفون ........وحمدان يلس تحت ....ومحمد وسلطان يلسو على حصاه كبيرة ..
حمدان:الله يساعد حمد..وحليلة ما يستاهل...
محمد:أنا مستغرب..أول شىء قلتو فيه الخبيث وبعدين ماشىءء..والحين بسوي عملية ...أنا والله ما فاهم شىء..
سلطان:وحمد ليش الله يهداه جيه هامل بعمره ؟؟؟..عنبوه حد يهمل عمره جيه ؟؟!!!
حمدان:الحين مادري ....شو بسوي ..أمايا شيخة ..بتحتشر لو مارد اليوم..
سلطان:متى العملية ؟؟...يوم الخميس..
محمد:حي ..بعيد....الأسبوع الياي...أقولكم شرايكم نسير عندهم؟؟
حمدان:لا ..لو سرنا بشكون فينا..
سلطان:الله يساعدة ..بس عاد مب يوم السبت منرد البلاد؟؟؟
حمدان:هيه ....
سلطان:وقوم حمد؟؟؟؟
حمدان:أنتو ردو وأنا بسير عندهم ......
محمد:أنا بعد أريد أسير وياك ما منخلى حمد بروحة ..
حمدان :مكلمك وسعيد بكونون عنده...أنت سير ويا الأاهل ...
سلطان :أنا ما برد .....
حمدان:ليش أنا ما كفي؟؟؟
محمد:بس نريد نيلس وياه ..ما منخلى ولد عمنا بروحة ....
حمدان :لو كلنا ما سرنا بقولون شو سوون ليش ما بتردون .؟؟
محمد:قوم عمي بردون وياهم...
حمدان:ما عليكم ....أنا بيلس وياهم ..وأنتو ردو وإن شاء الله ما يصير إلا إلى فيه الخير..وإن شا ء الله بكون بينا إتصال.....
دق التيلفون.........
سلطان :ههههههههه..هذا ذياب......
حمدان :شعنده ..قولة تونا مفارجينك...ما وحالنا..
سلطان :هلا والله ...
ذياب:أهلين ..شحالك؟؟؟؟؟؟؟
سلطان:بخير...يعلك الخير ..شحالك أنت ؟؟
ذياب:بخير.......
سلطان:ها وين وصلتو؟؟؟
ذياب:ردينا.......
سلطان:ليش؟؟؟؟؟
ذياب:حميد نسا تيلفونة ....وشنطتة ..في سيارة حمدان ..
سلطان :أهاااااااا.....ومتى وبتوصلون ؟؟
ذياب:الحين 10 دقايق...
سلطان :عيل نترياكم ......
ذياب:يالله ..عيل ...فمان الله ....
سلطان :فمان الله......
حمدان :ها شفيه ذياب؟؟
سلطان :ههههه..حميد ناسي شنطتة وتيلفونة في سيارتك..
حمدان :هههههههه..هذا حميد وين عقلة ؟؟؟؟؟؟...
محمد:هههههه..إلى ما خذ عقلة ......
حمدان:ههههه ومتى بيون ؟؟؟؟
سلطان :بعد 10دقايق.....
وردو على سالفة حمد .........
الساعة 3:50.الظهر......
في غرفة الطعام......يالسات يسولفن ....ويشربن جاي...
موزه تغمز لسلامي عشان تقول ليدتهم عن سالفة السيرة ......سلامي سوي حركات تقول يوم يروحن قوم أمايا بقولها..........
أم سالم:واااااااابوووووووياااااااا..بعد شو يالسات سون ؟؟؟؟؟؟؟هاااااااااااااا
موزه...:ههههه.ماشىء أمايا ...
أم سالم:هالحركات ..لا سونها ...عيب البنت سوي جيه ..جان فيكن رمسة رمسنها ...ولا لمن حلوجكن ...
سلامى:إن شاء الله ....
وبعد شوي سارن الحرمات ..يرقدن ..وكانت أم سالم بسير وياهن .......
سلامي:أمايا شيخة ......
أم سالم:خير........
سلامي:يعلني أفداااااااااااج.......تعالي أريدج بكلمة راس.......
العيايز يحبهن إلا على كلمة الراس ...
أم سالم:خير بنتي شعندج؟؟؟؟؟؟
سلامى:أمممممممممممم..أمايا ..نحن البنات ..وتأشر عليهم كلهن (وأشكالهن حليلهن أونهم مسكينات )نباج تسيرين ويانا نتمشى برى ..ونتحوط...شو قلتي؟؟؟؟؟
أم سالم:أكرم أنج تتكلمين بذهنج........
سلامي:ليش امايا؟؟؟؟؟
أم سالم:عنبوه وين تبن تحومن الحين؟؟؟؟؟؟
سلامي..:حرام أمايا من وصلنا بريطانيا ..ما ظهرنا بقعة .كلة إلا في البيت ..دخيلج..
موزه:ورفجة الغالي ....
مى:أمايا ماشىء اسواق ..إلا مزارع دخليج لا تقولين لا ماحد طاع يشلنا ....
نورة:أمايا ..طلبناج لا تردينا......
أم سالم:بس ما منبطي.......
كلهن فرحانات :هيييييييييييييييييييه ..أوكية
أم سالم:عن الدحاب....ولا حرام أني ماسير...
موزه:لا خلاص...يالله نسير نتلبس...
أم سالم:وأنا بييب عباتي..
نورة:يالله ............
وكل وحدة سارت تلبس عباتها ..وجهزن يلسن في الصالة لين ما إتي يدتهن..وبعدين نزلن يدتهن ...
أم سالم:يالله هبابنا......
موزه:يالله .........
عاد أم سالم ..من ظهرت من البيت ...
أم سالم:يالله ياالبرد ..نرد ..
موزه:لالالالالالالالالالالالالالالالا..أماااااااايااااا ..ما وحالنا نظهر من دروازة المزرعة تقولين نرد....؟؟؟؟
أم سالم:حشة أنى أهيس البرد في عظامي......
سلامي:أماياااااااا تراج لابسة كندورتين وجاكيت وعباه ..وين هالبرد بيهبطج؟؟؟؟؟...
أم سالم:إنزين يالله كلتن فوادي..توكلنا......
وسارن .......وهن عند الباب المزرعة ..يت سيارة ......بس البنات يتحسبن أن واحد من ألأاجانب ..بس بعدين يوم إنتبهن على إلى موجود في السيارة تغشن..وأم سالم طالعهن بعين ..
ذياب وحميد نزلو من السيارة ..يوم شافو أم سالم ..
ذياب:سلام عليج خالتية ...شحالج؟؟؟؟؟؟؟؟ربج بخير؟؟؟
أم سالم:هلا والله ولدي ...شحالك أبوي؟؟
ذياب:بخير يعلج الخير...
حميد:خالتية شحالج ؟؟؟؟؟...ربج بخير؟؟؟
أم سالم:بخير ولدي ...شحالكم أنتو؟؟؟..وشحال عربانكم؟؟
ذياب:بخير وسهالة ..يسلمون عليج ..وأمايا تتنشد عنج ..
أم سالم:وحليلها سلم عليها ....
ذياب:يبلغ إن شاء الله .......
حميد:وشحالج خالتية .؟؟..شو صحتج؟؟؟
أم سالم:بخير ..الحمد لله ...شحال ابوك وأخوانك؟؟
حميد:كلهم بخير .ويسلمون عليكم ...
أم سالم:الله يسلمهم من الشر...عنبوه ما شفتكم ..
--------------
منتديات غرام
https://www.graaam.com
--------------
الجزء 35
سارت بعيد شوي عنهن ..وعيون حميد عليها وذياب الخقة كلها فيه يالس يسولف ويا العيوز وكل شوي يلف على البنات..متخبل تقول ما شايف بنات في حياتة بس شو نسوي بالشباب كلهم جيه ..
ذياب:ورفجة ..نجن منوصلج ..
أم سالم: مشكوور يا ولدي ما قصرت بس ماروم أسير وياكم البنات يبن يسيرن ولا أنا ماروم أسير بقعة..أهيس ريولي يابسات من البرد..متى منرد لا بركتن في هالبقعة.. عفتها ..
حميد:ههههههههه....أفاااااااا يا خاليتة ...بريطانيا ما تنعاف..
أم سالم: أووووووه وين ما تنعاف..حرام والحرم شديد أني لو ينذكر أبوي هنيه يالس أني ما طيحها ..
ذياب:هههههه...خالتية ..خليني أحوطج لو شفتيها والله ما بتعافينا ..
أم سالم:وين أحوط ..كلها فلج..ما تروم تظهر من بيتك ..
ذياب:شو رايج خالتية أحوطج فيها وراويج البقعة..والله أنتى ما سرتي ولا ما بتقولين جيه.
أم سالم:يا بوك شو تشوف فيها ؟؟..غير يوم تركب الكرز وتحوط في العزبة ..وتشوف حلالك ..
حميد:هههههههههه..آآآآآه طريتي العوق يا خالتية ..والله أني شتقت للعزبة .والبر..
أم سالم:يوم أقولكم ..
ذياب:عيل ما منطول عليج خالتية ..
أم سالم:وأنتو من وين يايين ؟؟
ذياب:حميد نسا تيلفونة وشنطتة في سيارة حمدان ..
أم سالم طالع حميد: أبوي وين عقلك؟؟؟
ذياب: خالتية ليش ما خبرتج؟؟؟؟؟؟
أم سالم: لا يكوووووون.............؟؟؟
ذياب: هييييييييييييييه ..ماء شاء الله فطين خالتية ..
أم سالم: أذكر الله لا تظربني بعين..
ذياب: هههههههههههه..قلت ماء اشاء الله
أم سالم: إنزين أبوي يوم أنك هالكثر تفكر قولي منو البنت وبسير أخطبها لك...
حميد محمر..الريال حليلة مب جيه بس هذا ذياب لازم يورطة ويظهر علية إشاعات: لا والله خالتية ما عليج منة ...جذب عليج..
أم سالم طالعة بعين :يا لوتي أنت ..ما تبا تقولي منو البنت برايك .....
حميد: والله ماحد ...هذا بروحة يهاذي....
ذياب: أهااااااااااااذي؟؟؟؟؟؟؟؟؟؟؟
حميد يطالعة بعين :ذياب.......لا تيلس ظهر إشاعات .......
أم سالم: أنزين أبوي أنت مب من صغرك ..لو تبا شوري عرس أحسلك عشان تشوف عيالك ..وأنت صغير أبرك لك عن يوم تكبر..
حميد: إن شاء الله .فالج طيب.....
ذياب..مخلي إيدة ورى رقبة أم سالم :خالتية..أنا الصراحة ريال أريد أعرس بس مالاقي عروس..وأريدج تخطبيلي بنت الحلال..شو قلتي؟؟؟
أم سالم:يعلة في ذمتك؟؟؟
ذياب:في ذمتية ..أني أريد أعرس حتى لو بشكارة بخذها ..
أم سالم:تهبي البشكارة ...فالك طيب ..بدورلك بنت الحلال..
ذياب:خلاص أعتمد؟؟؟
أم سالم:أفا عليك ..لا تحاتي ..
ذياب:خلاص عيل ..
حميد:خالتية ما عليج منة ...باجر بقولج ماريد عرس..
أم سالم: ييسر هو يقول جيه ..جيه شو بنات الناس لعبة عنده متى ما بغاها بيخطبها ومتى ما بغاها بكنسل..
ذياب:أفاااااااا..أنا أقول جيه ..
أم سالم:أقول ولد بنت أختي ما يقول هالرمسة ..
حميد:يالله خالتية منترخص وايد بطينا ..شىء في الخاطر من صوبنا ؟؟
أم سالم:سلامت راسك .....
حميد:الله يسلمك........
ذياب...بصوت عالي:لا تنسيت بنت الحلال..
أم سالم:إن شا ءالله إن شا ءالله..
الساعة 3:59 ......
عند البحر يالسين يتمشون ...صوب بيتهم ..
محمد:ما وصلو قوم حميد؟؟؟
حمدان:أكيد وصلو ......
سلطان ..يشوف الساعة ..: الحين بتي أربع أكيد وصلو ..
وسارو البيت .......
الساعة 4:05.......في لندن
حمد يالس في الكراسي إلى في الحديقة ومخلى ريولة على الكرسي إلى عدالة.. وماسك قلم ويالس يشخبط في الورقة..معاد الجو بارد بس ما لابس شىء ثقيل بس لابس قميص أبيض ومخطط بأسود..سعيد كان داخل يلس يدور علية..بعدين يوم ظهر برى لقاه يالس في الحديقة والجو بارد وهو لابس هالملابس..زعل وااايد على حمد وعلى حالتة ..دخل داخل وسار وياب له جاكيت وظهر عندة ..
سعيد ويخلى الجاكيت على ظهرة:عنبوه يا حمد ما تحس بالبرد؟؟؟؟
حمد: أنا ماحس بشىء..
سعيد: يا حمد ..ليش لإسوي جيه .؟؟؟
حمد:دخيلك يا سعيد ..ماريد أسمع شىء...خلني في حالي.
سعيد..سكت عنة .......وبعدين والإبتسانة على ويه : حمد......
حمد:هلا......
سعيد:أريد أسمعك قصيدة ....شو رايك؟؟؟
حمد والإبتسامة إلى ما طاعت تظهر إلا بطلعت الروح:هيه ..هذا إلى من الصبح أترياه ....
سعيد..يغمز له :العوق!!!!!
حمد:ههههههه...هيه والله .....
سعيد:الله يطول بعمرك القصيدة تقول .....
هلا بمداوي جروحي هلا بك راحتي ومناي ** هلا بك يابعد عمري خفوقي فز لقبالك
و هلا يامطول الغيبه هلا بك اسفرت دنياي ** يطيب الوقت بوجودك ويسعد قلبي اوصالك
تفضل يابعد عمري وقّرب ياحبيبي جاي **تعال اسكن خفوقٍ صرتله يامنيتي مالك
خفوقٍ ينتظر وصلك سقيم لشوفتك محتاي **يحسب الوقت في غيابك ويرقب هلت هلالك
عروقه يابسه عطشى شرايينه بليا ماي **وقيعانه محل قفرا ولب محتاج إلا لك
تجود بنظرةٍ تطفي بها شوقي وكثر ظماي **وتسقي هايمٍ يامنيتي وارد على جالك
ترى شوفتك بالدنيا وكل اللي بقى متلاي **سقا الله ساعةٍ فيها تمكنامن أوصالك
وعسى دربٍ لفا بك صوبنا ماينقطع رجواي **ترى وش خانة أيامي بدونك يالغلا هالك
سلامتك..
حمد:الله يسلمك....الله متى كتبتها؟؟؟
سعيد:والله يمكن من يومين ولا ثلاثة ..
حمد:يحيك..........سعيد شو هالجاكيت إلى يايبنة؟؟
سعيد:شو فيه؟؟
حمد :لونة أحمر ولبسي أسود وأبيض..تعرف ما حب أعنقش في اللبس ..
سعيد..معصب:والله بصفعك متفيج ...
حمد:ههههههههههه..
سعيد..يبا ياخذ الدفتر إلى جدام حمد..بس حمد مسكة ..
سعيد:خيبة حمد إيدك باردة...
حمد:أنا ماحس أني بردان..
سعيد:حمد حرام عليك ....قوم يالله نسير داخل...
حمد:مااريد...خلني هنيه أنا مرتاح جيه .
سعيد:ورفجة الغالي تروح وياي ..
حمد:سعيد دخيلك خلني ماريد أسير بقعة أريد أيلس هنيه ..
سعيد: على راحتك ..بس شوي وبعدين تدخل داخل أوكية ؟؟
حمد:يصير خير....
سعيد......:...................
حمد أونة يبتسم :سعيد ...قصيدة طازجة ما تباها ؟؟؟
سعيد..يبتسم :أكيد...
(حمد وسعيد من النوع إلى يمووتوووون على القصيد يمكن عشان هم يكتبون بس يوم يسمعون القصيد على قولتهم ترد عليهم الروح ..ويعشقون شىء أسمة شعر....وهاي الميزة كل الناس إلى يعرفونهم يعرفون أنهم يحبون الشعر.(
حمد:
اذا ملّيـت اعـد البيت,,أعَدّل,أنسـج التبيـان
أحس بان القلم صادق وغيره ما ثبت رسمـه
شرات الصاحب الغالي فقدت بْفعلته الْبرهـان
ولا أدري مطافي وين ولا أقوى الزمن ظلمـه
خذلني وانكسر قلبي,لعى فرقى عزيز الشـان
حقيقه طعمها مرّه,,زرع فـي خافقـي سمّـه
وصرت اليوم ما أظمن أصاحب والزمن خوّان
أحس انّه قصيدي هو صديقي يرسـم البسمـه
صدوقٍ أكتبه بايدي,,أعَبّـر جملتـي بالحـان
منقَّى صافيٍ واضح,ونوره قد سطـى العتمـه
عسى ربّي يقدّرنـي علـى ذالهـم بالنسيـان
عسى أقوى على حملي عسى أقوى على لمّه
سلامتك..
سعيد.مستغرب:حمد هاي القصيدة غريبة ..مش مثل إلى متعود أسمعة ..
حمد:لازم تراها توها مضهرة من الفرن ..والحين قصيدي بكون جيه..
سعيد:حمد ..عنبوه شبلاك ؟؟؟؟؟؟؟....إنجلبت مرة وحدة جيه .
حمد قام وطاح جاكيت تحت :سعيد حاس ببشىء غريب ..مادري بس حاس أن شىء بيستوي ..
سعيد: إستهد بالله..شبلاك يا حمد والله أنك مسوي سالفة..كل الأمور إن شاء الله طيبة ..بس أنت لا تم تفكر ..عنبوه عملية عادية ما ترزا كل هذا ..
حمد:سعيد أنت ما فاهمني ..
سعيد:والله فاهمك ..
حمد شل الجاكيت :شو ما تبا ندخل داخل؟؟
سعيد:لا إله إلا الله محمد رسول الله ....يالله ..والله يمرر هالأيام على خير..
وسارو داخل ..
الساعة 4:15........
أم سالم:بعدكن معزمات على السيرة ؟؟؟؟
موزه:هيه .....
أم سالم:أنا ماروم أتحرك .....
سلامي:أماااااااايااااااااا..شو جيه ليش تردين برمستج.
أم سالم..تمسكها من أذنها:لا يكون بشكارتج ما عندي خبر ؟؟؟
سلامي:لا محشومة ..
أم سالم:هيه تحسبت ..بعد حمدن ربكن سايرة وياكن..
مى ...تحظن يدتها:يعلنننننننننننننننني ما أخلااااااااااااااااا..
أم سالم:ياللع إنقفضن عشان نرد بسرعة ..
وسارن يتحوطن عدال مزرعتهن وهن أصلا ناويات يتحوطن وما يخلن مكان وكل ما تقول أم سالم تبا ترد يلسن يتميكرن عليها ويلست شوي وياهن ..قوم حمدان ردو البيت ولقو قوم ذياب ويلسو شوي وياهم وبعدين سارو قوم ذياب بيتهم ..وسار محمد وسلطان يرقدون ويلس حمدان في الصالة..بس ماحد كلهم راقدين وهو ما يبا يرقد..فيلس في الصالة يشوف الأخبار........
شمة ودموع أربع أربع: حـــمداااااااااااااان.. أأأأأههههههىىىىءءء.. حمـــــــــــــ.....دان .
حمدان ..يتلفت وين هالصوت ؟؟؟.....وسار عند هالصوت ..ولقا شمة تحت الدري تصيييييييييح ..
حمدان ..شلها ويالس يمسح دموعها :حبيبتيييييي..شو فيج؟؟؟
شمة ..وصيييييح:حمــــــدان ...الأرنب ما يتحرك ..
حمدان يلست وخلاها في ثبانة :ليش ؟؟..وينة هو ؟؟
شمة ..وصيح:أرنبي ما طاع ياكل وما طاع يلعب وياي ..
حمدان..شك وقال يمكن مات بس ما يبا يزيغها: لا حبيبتي ..يمكن ما يريد ياكل وبعدين بياكل.
شمة ..تهز راسها:لالالالالالالالالالا..أرنبي مايريد ياكل ..
حمدان ..شلها:وين الأرنب؟؟؟
شمة :في الحديقة .......
حمدان لازم بموت مادام في الحديقة والثلج مغطي كل شىء: يالله نسير عند الأرنب..
شمة:إنزين .......
وسار عند الأرنب..ولقى الأرنب يابس ميت ..ما عرف شو يسوي وما يريد يجذب عليها.. ولازم تعرف...صح أنها بتزل بس عاد مش بإيدة .
حمدان ..نزل على مستواها ..ومسك إيدها ..:سمعي حبيبتي شمة ..بخبرج ..شىء ..
شمة :شووووو؟؟
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك