رواية آه يالدنيا عيال عم ولا يتعارفون -39
وفي الطابق الثاني سلامي وموزه سارن يسبحن سارة وشمة ..ويوم خلصن نزلن تحت .. ولقوهم قوم عمهم روحو عنهم وحمدان بوصلهن ..
ومى ونورة ما سارت عنهم يبن يسيرن وياهن...
حمدان:يالله خلصتن؟؟؟؟..
موزه:هيه يالله...
ركبو السيارة ...وكان مى وموزه ونورة وسلامي وسارة وشمة..
أول شىء سارو يحوطون ويراوونهم المزارع..عيبهم كل شىء ..بيوتهم والمزارع والمكان كان روعة..والمطر يظرب عليهم ..وعاد هم ما يسرعون يمشون شوي شوي..ويدتهم محتشره عليهم ..
أم سالم:مش منكم منى إلى يسير وياكم ماحد يظهر في المطر ..
منصور:أمايا والله الجو حلو ..شوفي محلاه المطر ..
أم سالم:الله يهديكم يا عيالي..مطر وثلج بعدة ما خاز شو مسيرنا ...ردوني البيت ....ماريد أنفد عمري..أريد أموت في بلادي ...مش عند الكفرة أكفاني الله شرهم..
منصور:أمايا وين نردج الحين بوقف..
أم سالم:حرام إن مارديتين الحين بنزل..
منصور يحاول يفهمها بس ما قادر عليها...وقال برد ...وعمهم علي بعد قال برد ..إلا مى وسلامي إحتشرن وما طاعن يردن..وقالهن حمدان عادي جان ما تبن تردن ما برد..فكلهم ردو إلا حمدان وموزه ومى وسلامي ونورة وشمة وسارة ..إلى كانو في سيارة بروحهم ....شمة يالسة عند حمدان ..متمسكة فيه وخايفة من المطر ..وحمدان يظحك عليها ..ويالسة في ثبانة
حمدان :شمة حبيبتي لا تخافين ...
شمة :ماريد أريد أمايا ..وصيح..
حمدان:لا صيحين الحين بوديج مكان وايد حلو ..لا صيحين..
شمة :ماريد...
حمدان:شو رايج الحين بشتريلج أرنب.
شمة ..مستانسة :والله !
حمدان:هيه ....بس خلي المطر يوقف وننزل...
بعد ربع ساعة خف المطر.....وكانو خاطفين على قلعة ..متكسرة بس عاد روعة شكلها..كانت مش بعدية عن البحر..
سلامي:حمدان...
حمدان:هلا..
سلامي:حمدان في خاطري ادخل القلعة خلنا ندخلها.....عن خاطري.
حمدان:ههههه فالج طيب..
سلامي:فالك ما يخيب....
موزه..ونورة:حتى نحن في خاطرنا..
حمدان:ما فيها شىء حلو كلها متكسرة بس جيه مخلينها ذكرا .. ..عادية ..
موزه:أوكية نبا نشوفها....
الساعة 8:09.. وقف حمدان السيارة ... يوم نزلو الللللللللله ريحة المطر حلوة ...والجو بارد..وكانت القلعة على يبل بس مش عالي ...وحذالها الشير ..موقعها أحلى شىء ..
حمدان:يالله فيكن هبة تركبن
سلامي:هيه نعم.....
موزه ربطت عباتها على خصرها عشان ما تخيس ماي وتتخرطف فيها ..وكلهن سون مثلها ...وبعدين فصخت جوتيها وخلتة في السيارة عشان ما يخيس تراب وما تنزلق وطيح ..
موزه ..يوم خلت ريولها في الأرض:آآآآآآآىىىي بارد..
حمدان:ههههههههه موزوه ليش فصختي جوتيج بتبردين
موزه:جوتية شمواه ...بعدين كيف بمشيفيه لو خاس طين ؟؟؟
حمدان:بعدين لو إييج شىء ما يخصني........<BR>موزه:هههه عادي...
وسارو عند القلعة ...وموزه مستانسة تمشي حافية ..وحمدان يقولها بطيحين شوي شوي ..وهي تظحك عايبنها على قولتها جيه أحلى تحس بالمغامرة..وشمة كل شوي تصيح.. وتقول حمدان ماروم أمشي وشلني ..وحمدان شلها على جتفة..وسارو القلعة..أول مادشوها صدقة حمدان كانت متكسرة ومصنوعة من الطين بس شكلها حلو دخلن داخلها ....وكل وحدة سارت مكان فيها .. وماحد فيها غيرهم..
حمدان :عن ظيعن ما فيني أيلس أدوركن..
سلامي:وووااااااااااااو حلوة عيبتني..لو يبت كمرا وياي..والله حرام ...
نورة:تخيلتها غير عن جيه .....موزه سارت فوق .......لين ما وصلت السطح
موزه.....تزاعج: تعااااااالو ...اللللللللللللللللللله محلاة الجو يخبل..الله البحر محلاتة ....
كلهم سارو عندها ..
حمدان :موزه نزلي عن طيحين ..
موزه:لا ما بطيح
حمدان:موزه نزلي المطر توه موقف بتنزلقين وبطيحين نزلي أقولج.....
موزه ..رافعه إيدينا فوق:الللللللللللله ....ما بطيح لا تخاف..
حمدان..معصب: مووووووزه نزلي أقولج
حمدان :نزلن يالله تحت
موزه:سلامي تعالي شوفي ....الجو خباااااااااااااال
نورة:اللللللللللله شوفن البيوت والبحر.. سلامي:أكيه أمايا شيخة يالسة تربع ورى سلطان
موزه:ههههههههههههه دواه مسود الوية ..هههههههههههه حليله طاح .. سلامي:هههههههههههه ....ههههههههههه ياليت لو صدق أباها تأدبة مسود ويه...
حمدان..عند الباب:يالله نسير....
نزلن تحت .....وظهرن برى القلعة وكانت جدام القلعة مثل الحديقة الصغيرة فيها ورود ..يلسن يتمشن شوي..وبعدين مشو عدال القلعة ...وردو السيارة .
حمدان :كل وحدة تنظف جوتيها قبل لا تدخل ..لا توصخن السيارة ..
مى:لا والله ..فدوة عن روسنا..<BR>حمدان:لا مب فدوة نظفن جواتيكن
موزه:أوكية ماي براذر....دخلن ماعليكن منه..بعد لو فراري..
حمدان: أم لسانين لا تخليني أودرج هنيه ....سيارتي وعايبتني ..
سلامي:أونة الخقة ..إلا إكس فايف مب فراري على قولك موزوه.
حمدان:إنزين شو ما عايبنكن إكس فايف؟؟؟
نورة:أنا أحبه..
سلامي:نرضا بالموجود ...لا تزعل..
حمدان:مش منكن منىأنا إلى مركبنكن ..
موزه:فديت حمداني لا تزعل..حلوة سيارتك ..بس عاد يوم نرد دبي إشتر فراري بس حقي..
حمدان:إن شاء الله الشيخة موزه...عاد تبينها بيضة ولا حمرة ؟؟
موزه:أباااااااا ...أمممممممممممم...
حمدان:ركبي يالله ..يصير خير ..طويلة العمر .إنتى بس آمري
موزه:هيه جيه أباك ..
حمدان:أنا قلت نظفن ولا ما بردكن البيت بتيلسن هنيه
نورة :أنا أسمع الكلام خلصت..
حمدان:يالله دخلي...إنتن الثنتين أدب فيكن ما بسيرين وياي يلسن هنيه.
موزه:بخبر عليك أمايا ..
حمدان:برايج..وركب السيارة ...
مى..تنظف جوتيها ...:إيييييه يالله نظفي والله شكلة صدق بسويها بخلينا رواحنا..
موزه:لا ما بخلينا رواحنا ....
مى : أنا ماريد أيلس هنيه اخاف صبر..صبر....الحين ياية
سلامي:الله ينطب الخوافات ...وركبن
حمدان:ههههههههههه..هالبني ما يبهن غير العين الحمرا
موزه:ما حبك ..
حمدان:أحسن .
شمة:حمدان ...صبر...صبر....
حمدان:شو ؟
شمة:الأرنب
حمدان:أوووه ..ورد ريوس ....ونزل وشترا أرنب لشمة
حمدان:سارة ما تبين شىء؟
موزه:أنا أريد ..بطة
حمدان:شووو؟؟؟؟بتبطين ...<BR>موزه:أريد بطة...
حمدان:يعني ما تبين شىء......؟
سارة :أريد..أمممممم ..أمممممممم ماشىء..<BR>حمدان:عيل يالله خلاص نرد البيت.
مى:لالالالالالالالالالالااااااااااااا..شو نرد البيت ..بعدنا ما تحوطنا..
حمدان:وين تبين ؟؟؟؟؟
نورة:حمدان ودنا السوق.....
حمدان:السوق!!!!!!!
موزه.سارت وحبت نورة: حبيبتي إنتى صدق أريد السوق..
سلامي:وأنا بعد...
شمة وسارة:ونحن بعد..
حمدان:شو هي لعبة قطاو؟؟
موزه:حبيبي أخوي ...يعلني ما اخلا منك ..فديتك..والله أحبكككككك...ودني السوق ..فديتك..وغلات الغالي عندك...وغلات أمايا وأبويا ..
حمدان:بسسسسسسس ..حشة ...خلاص بوديكن..
كلهن :هييييييييييييييييييه <BR>حمدان:بس على شرط....
مى:شو ؟؟؟؟؟؟؟
حمدان:ما تبطن ..بسرعة ..أوكيه؟؟؟؟؟؟؟
موزه:فالك طيب.....هههههههههه
حمدان:أتكلم جد..ماحب اليلسة وايد في السوق
نورة:فالك طيب...
الساعة 9:59...
السوق شوي بعيد عنهم .....وطول الدرب يالسات يغايضنة...أول مرة يشلهن كلهن..وشمة وسارة بعد تخبلن مثلهن بس موزه وسلامي جرعتهن زايدة...
حمدان:الحمد لله وصلنا يالله نزلن ...
ومستانسات ....وفرحانات من بعيد يشوفن الملابس..
موزه:سلامي الللللللللللله طالعي ملابسه ..موديلات يديه..
حمدان:ههههههههه عنبوه ما واحيتي ..دخلي أول
موزه:هههههههه ..يالله دخلن ...
دخلون ......هوانم قاردن ستي مستانسات..ماحد بيحشرهن ولا بقولهن شىء حمدان عطاهن الخيط ومخيط
حمدان:موزه..
موزه:هلا..
جمدان:أنا ماروم أمشي وايد ..حوطن بس المحلات إلى جدام ..فهمتن أنا بيلس في الكوفي بشرب نسكافيه ...وما سيرن مكان غير إلي جدام .....فهمتن أنا براقبكن ..
موزه:أوكية ..حمدان ...
حمدان كانت سارة وشمة عنده .....سارت بعدين ردت موزه...
موزه:حمدان
حمدان:هلا..
موزه:عندك فيزا كارد؟؟؟
حمدان:هيه ..ظهرها وعطاهن إياها.
موزه:شكرا
حمدان :بسرعة ......لا تبطن ...
وسارن كل المحلات ..وما خلن شىء ما إشترنة ..ملابس وشنط وجواتي..وكل وحدة محمل خمس وست قراطيس.....وبعدين دخلن محل بس لجاكيتات..وهذا المحل يخبل وايد حلو كل انواع الجاكيتات مجوده فيه..نسائية ورجالية..وفي هذا المحل إستوة العفسة..موزه ونورة ..تهدي ما بينهم وهن ولا على الخاطر..يظارب..
سلامي..... تمطة:ولا بتشوفينة ..أنا أول وحدة لقيتة ..
مى:لاااااااااااااا..أنا لقيتة..
سلامي:خليه ..والله إن ياه شىء بدوس في بطنج ..مسودة ويه ..
مى :ماااالي..خليه ...
موزه:سلامي ..في لون بني خذيه .
سلامي:ماريد أريد السماوي...
نورة:مى ..خليها ..الحين حمدان بشوفها وبهد عليكن ..شو يهال فظحتنا..الله ينطبكن سلامي:خليه ...الله ينطبج...
موزه:والله إن ما صطلبتن الحين بزقر حمدان
وهن ولا على الخاطر تقول يهال يظاربن عشان جاكيت لونة سماوي جلد ..وآخر سايز ...ما شىء غيرة..بس شىء بس لون ثاني..سارت موزه تقول لحمدان لأنهن ما يتفاهمن ..وهن من بونهن ما يتواسن وسلامي فضوحية بسوي أي شىء..
موزه:حمدان ..حمدان...
حمدان:هاه شو خلصتن؟؟؟؟
موزه:حمدان تعال سلامي ومى يظارب ......
حمدان:إنتى بعقلج؟؟؟؟؟؟؟
موزه:والله
حمدان:وابويا عليهن ؟....شو يهال الله ينطب هالحالة..مب منكن مني أنا إلى مهظلنكن ولا أنتن مش ويه حد يظهركن
وسار .......عندهن .....ولقاهن بعدهن يتهادن
حمدان:إيه عنبوه ما تستحن ؟؟؟؟؟؟؟...شو هالمذهب ؟؟؟عنبوه يهال ما يسون جيه..يالله .. شغلكن عند أمايا شيخة..بتشوفن جان ما خبرتها ..
سلامي:حمدان والله أنا أول وحدة شايفتنه وهي سارت وشلتة ..
حمدان:أصصصصصص قطعي ولا كلمة إنتى وهي..يالله جدامي....
مى:لااااااااااااا ماريد أريدة
حمدان:والله ولاوحدة منكن بتشتريه ..خلنة ..يالله السيارة
موزه:لاااااااااااا أنا شو ذنبي؟؟؟
حمدان:ولا وحدة منكن بتيلس يالله...
وسار جدامهن وهن وراه
سلامي:عنلاتج يا الرويتر ليش تسيرين تخبرينة؟؟؟؟؟؟
موزه:حلفي أنتي بس؟؟؟؟من الصبح يالسة أسكت فيكن وما سمعن الكلام شو تبين أسوي ؟؟؟؟
مى:ماريد أريد أشتريه
سلامي:إنتى دواج عندي بعدين ..عنلاتج ....يوم شافتني ساريرة عنده...أونها هي شافتة قبلي ... (تقلد صوت مى)أريد مثلة..عنلاتج يا الهرمة يعني كل المحل ما عيبج إلا مالي..عنبوه في حياتي ما خذت إلى في خاطري ليش أنتو جيه تعاملوني ؟؟؟..حرام عليكم والله حرام أنا ما غلطت على حد أنا والله ما أقصد شىء يوم أسوي جيه ..أنا جيه طبعي ليش تفهموني غلط ....
وصاحت ...من القهر إلى فيها..الكل يفهمها غلط وأولهم سلطان..وكانت تتحسب هو الوحيد إلى يفهمها..وظهر هو إلى ما يفهمها ....وهي ما كانت تقصد شىء وكل شىء يفهمونة على هواهم ...وكل شىء سويه ينقدونه ..سلامي صح أنها من النوع إلى تمزح وسوالف بس قلبها طيبة وشفاف وما يتحمل الكلام إلى يقولونة بس ما تتكلم ولا مرة زعلت حد ولا جرحت حد ..لو شافت حد زعل منها تروح وتراضيه ومستحيل تخلية زعلان منها بس هم ليش ما يراضونها ومخلينها الدفشة وعادي يوم يجرحونها وما يهتمون ما يعرفون أنها طيبة ..تعبت من كثر ما تيود في قلبها..لين متى؟؟..من الضيجة والقهر ..صاحت..
إنتبهت لها موزه
موزه...خافت :سلامي حبيبتي شو فيج؟؟؟؟؟
سلامي..بعدتها بإيدها ومشت بسرعة :.........
موزه..تكلم قوم مى ونورة ..وخايفة عليها :سلامي تصيح ....
مى ..علامات إستفهام على ويها: صيح!!!!!!!!!!!
نورة:الله ينطبج يا مى كلة منج .....يعني إنتي شفتيها تبا تشتريه ليش تسيرين وضاربين عشانة ...؟؟؟..في لون ثاني ونفس الموديل ..ليش يعني تحبين تغايضين؟؟؟...حرام إلى
سوينة فيها ..إلى فيها يكفيها لازم يعني تخلينهم يهدون عليها ؟؟؟..ما فيج قلب ؟؟؟...ما تحسين إنتي ؟؟؟؟؟.....
تلومت مى..وتمنت أنها ما قالت شىء ولا أنها تظاربت وياها وخلت سلامي تشلة..الله ينطب هالحالة ....صدق أنا ليش سويت جيه ؟؟؟..أمس كانت طول الليل تصيح عشان سلطان والحين سرت وزدتها ؟؟..شو أسوي الحين ؟؟...
كان حمدان شال شمة ماسك سارة من إيدها وهو جدام ..وسلامي وراه وبعدين قوم موزه ..سلامي تمشي وعيونها في الأرض وصيح..وتمشي..ولا حاسة بالدنيا ..ضايجة من هاي الدنيا إلى كل إلى سويه ينجلب ضدها ...حتى حمدان إلى توقعتة غير عن خوانها..ظهر مثلهم.. ويوم تذكرت سلطان وكلامة يوم قالها هو في درب وهي في درب زاد صايحها..ليش جيه قالي؟...شو عايفني والله مب قصدي..ليش ما يفهمني..انا ليش كل الناس فاهميني غلط ؟؟..وفجأه ولد صغير يربع ودعم سلامي وهي طاحت..وولد ربع عنها ويلس يظحك عشان طاحت..الولد صغير جيه عمرة أربع سنين..ويوم لفت تبا تشوف شو مستوي ..لقت واحد
جدامها يتأسف لها بالعربي..رفعت ويها.....يوم شافتة ...تذكرت رويضي يوم قالتلها عن الريال إلى شافتة في شيشة البترول (رويضي ربيعتها) وقالت أول ما شفتة كان ويه رحيم وعلى قولتها حبتة من أول نظرة..من شافتة إنصدمت أول مرة تشوف حد رحيم مثلة من شكلة غيييير ريال ولا مرة شافت هالوية في حد شكلة يبث الراحة في النفس وودج ما تلفين عيونج عنة.. أونة معصب بس فيه إبتسامة عذاب إبتسامة ترسم الحياه والسعادة والتفائل ..ويه جذااااااااااب..
:…. آسفة ..هذا أخوية ..
سلامي: ................
شفيها طالعني جيه وشكلها صايحة ..والخيبية يمكن صاحت يوم طرحها الشردة ..لا الحين تزقر حد من إخوانها شكلها خليجية ما فيني على المشاكل: السموحة مرة ثانية ..
وبعدين يوم شافها ساكتة ولا ردت عليه سار يربع ورى الولد..وبعدين شافت قوم موزه ياياتنها..
موزه ..تمسكها من جتفها:سلامي حبيبتي ....شو ياج؟؟؟...تعورتي؟؟؟؟؟؟
سلامي....ما تتكلم ...شكلها كانت دايخة من الصياح ومالها بارض تتكلم: ........
موزه..معصبة :الله ينطبة ما يشوف ....؟
نورة :الله ينطبة ..يالله قبل لا يشوفنا حمدان ..ويسويلنا سالفة.. (وسارن)
ويوم لفت لورى شافت الريال ماسك الولد ومخلنة على جتفة والولد يصيح ويضارب يبا ينزل..ويالسة تشوف شو يسوي الولد ..وما منتبة لقوم نورة وموزه شو يقولن..بعد شوي شافن حمدان عنده ريال وواحد جيه عمرة في الأربعين..بعدين إنتبهت لقوم موزه.. يوم قالت ..
موزه..:الله ينطبكن تغشن تعرفون منو إلى عند حمدان ؟؟؟؟
نورة:منو؟؟؟؟؟؟
موزه....:ما عرفتي السماوي (السماوي حميد..إلى يقربولهم من طرف يدتهم..وباتو عندهم في المزرعة وعنده أخو أسمة ذياب ..وكانو يلعبون بالثلج ويا شمة وسارة ..ونورة حبت السماوي ..وسمتة السماوي لأنة كان لابس قميص سماوي عذااااب علية)؟؟؟
نورة ..تقول حد صب عليها ماي بارد :جذاااابة ؟!!!!!!
مى ظحكت :.........يحيهم ...وين السماوي ما شوفة ...شو لابس بعد اليوم ؟؟؟؟؟؟؟
موزه:عند حمدان ...جنة هذاك أبوهم ..
لفت سلامي صوب الريال إلى عند الولد ..(فخاطرها)هذا منو ؟؟؟..عيونها ما خازن عنة ..يوم يظحك ويشل الولد والولد يصيح ما يريد يسير وياه ..وهو يهديه وشال البقعة بصريخة ...قطعة أفكارها .....صوت موزه..
موزه:هذا ذياب شفيه ..منو هالولد إلى ماسكنة ؟؟
إنصدمت سلامي..كيف نست شكل ذياب ..ولا كيف ما عرفتة ؟؟...معقولة أول مرة تشوف شكلة؟؟...لا هي شافتة يوم كان يلعب بالثلج ..معقولة هذا ذياب؟؟؟...معقولة ؟؟؟؟....جيه شكلة ؟؟..أنا شوفيني ليش جيه عفسني ؟؟..شو يعني؟؟؟....بس شكلة غير أول مرة أشوف حد جيه شكلة وعيونة ..آآآآآآآه عيونة ...موزه مسكتها من إيدها..
موزه:سلامي حبيبتي شفيج؟؟؟؟؟؟؟..ليش ساكتة ولا تتكلمين ؟؟؟؟؟؟؟؟؟إنسى ..ولا تخلين فخاطرج...
مى ..متلومة :سلامي أنا آسفة ...والله ما كان قصدي أسوي جيه ..آآسفة ..لا زعلين منى ...
سلامي..ودموعها تنزل من تحت الشيلة إلى متغشيه بها :عادي ..أنا مب زعلانة ..
مى...باستها على خدها:حبيبتي ...
نورة :الله ينطبكن ..شو سون ؟؟؟؟؟؟
مى:حرام أبوس بنت عمي؟؟؟؟
نورة:مب وقتة .........
موزه ...ماسكة إيد سلامي:سلاااااااااامي..سلاااااااااامي....قوم الريم .......
سلامي ..إبتسمت :وينهن؟؟؟؟؟؟؟؟
نورة:والله!!!!!!!!!!!!!
مى:ما شوفهن...
موزه:في محل مال الحديقة ..ويا أمهن ....شفتيهن؟؟؟؟
نورة:تعالي نسير نسلم عليهن ......
(قوم الريم ..خوات قوم ذياب وحميد..ميرة كبر (نورة)..والريم كبر (موزه وسلامي ومى)...اليازية أصغر عن قوم سلامي بسنة (ثانوية عامة)..حميد بجر أمة وأبوه وهو كبر حمدان..وذياب كبر (حمد)..أما الولد إلى ملعوز بذياب فهو مبارك آخر العنقود وهذا الولد الشر بعينة..راعي مواقف وحركات لو أنة صغير وهوأكبر عن(قوم شمة وسارة) بسنتين يعني عمرة 6 وساير لسبع سنين.. وهم يقربون حق قوم موزه ..أم سالم يدتهم ويدت قوم ذياب خوات..وهم بعد يران قوم عمهم منصور إلى في بوظبي ويرانهم في بيتهم إلى في الريف (إلى في بريطانيا..(
وسارت موزه ونورة وسلامي ومى عندهم..لأن كان المحل مش بعيد وايد عنهم..أول ما شافتهم كل وحدة سارت تسلم على الثانية ومستانسات على هاي الصدفة ..والريم يوم شافت سلامي ومى وموزه صاحت ..وحضنتهن ..
الريم ...فرحانة :ياااااااااااااي ..والله أحلى صدفة شفتها في حياتي ..أشتقتلكن ..
مى:ونحن بعد ..إشتقنالكم ...
أم حميد:وشحالكم وشحال أهلكم وأم سالم ؟؟؟
نورة:بخير يعلج الخير..
أم حميد:والله تولهت عليهن ..من سارن عني ضجت ماحد عندي يسولف ..
ميرة :ونحن أمايا؟؟
أم حميد:تسولف وياي يعلني فداكن بس عاد تولهت على سوالف الحريم وأم سالم ....إلا منو يايبنكن؟؟
نورة:حمدان ولد عمي ..
ام حميد:وينة بسلم علية ؟؟؟
موزه:خالتية هناك ..وتأشر عليهم..وسارت أمهم عند قوم حمدان عشان تسلم علية..والبنات مستانسات على هاي الصدفة ويلسن يسولفن ..
الساعة 11:05........
حمدان :ورفجة أنكم ما سيرون إلا تتغدون عندنا ..
أبو حميد:وين ولدي نتغدا عندكم باجر إن شاء الله رادين البلاد ..
حمدان :والله عيل اليوم ماتردون إلا والغدا عندنا .
أبو حميد:مانريد نغثكم ..
حمدان :يالله بستر لا مغثة ولا شىء ..حرام أن قوم عمي وأمايا شيخة بفرحون يوم بشوفونكم ..
حميد:حمدان أنت كل ما تشوفنا إلا الغدا عندكم ولا تفججنا ؟
حمدان:شو أسوي نحبكم ..
أبو حميد:حبتك العافية يا ولدي.....وشحال بو سالم؟؟؟
حمدان:والله أبوية مبتلي ويا بوشة ...وعزبتة ..
أبو حميد :حلالة ...وظاري على العزبة والرجاب..اللله يعطيه العافية ..
حمدان:آمين ....
حميد..يظحك على ذياب ومبارك:ذياب شو فيك وياه؟؟؟
ذياب..ماسك مبارك عشان يالس يظاربه يبا ينزل وما مخلنة ذياب ينزل :أونة متحلف يبا يظرب الأنقليزية ..
حمدان:ههههههههههههههههههه..ليش؟؟؟
ذياب: أونة ليش تقولية بيبي أونة هو ريال وما يداني حد يزقرة بيبي أونة بس للبنات بيبي هو ريال والحين ملعوزني ما يبا يقر إلا يظربها..
حمدان :هاتة عندي ..صدقة ليش تزقرة بيبي..مسودة ويه ما تستحي ..
أبو حميد:هذا الصبي ما حد مبطرنة غير ذياب ومكبرلة راسة ..
ذياب.:هههههههههههه....أباه ريال ..
حمدان ..يكلم مبارك:أنت شو أسمة ؟؟؟؟
مبارك..وصوتة أونة مثل الرياييل :أنا أسمي مبارك بن خليفة بن ........بن.......ال.......ي.
حمدان:والنعم ...إنت في أي صف؟؟
مبارك:أنا السنة الياية إن شاء الله في الصف الثاني ..
حمدان:إنشاءالله ...إنزين يا مبارك ..ليش تبا تظارب الإنقليزية ؟؟
مبارك ...يلف ويه يبا يدورها ومعقد حياتة :ليش تقولي أنا بيبي؟؟؟؟أنا ريال ذيب مب بيبي..
حمدان:ههههههههههههههههههه..والله علية سوالف ....إنزين شدراها خلها تولي.
مبارك:لا أريد أدبها ..عشان ما تقولي أنا بيبي ..
أبو حميد:بروك بسك من هالسوالف وحشم العرب ..
مبارك:ابوية أنا مبارك مب بروك..
أبو حميد:والله ماحد مخرب هالصبي غير الذيب..
ذياب:هههههههههههههههه..خلة يكون ريال من هو صغير ...صح مبارك..
مبارك:هيه نعم ...
حميد:الله يعينه مادام بيتربيه....أنت .........
حمدان :عيل يالله توكلنا نسير..
ويت عندهم أم حميد.......وسلم عليها حمدان وقالولها عن الغدا وأنهم بقيلون عند قوم حمدان ..
أم حميد:يا ولدي ما نريد نغثكم ..
حمدان :أي مغثة يا خالتية..نحن أهل ...وبعدين عندنا بيت حق الضيوف وبتقيلون عندنا ..والله بيستانسون الأهل..ويلس مصر على الغدا..لين ما طاعو وأخيرا وافقو على الغدا وبسيرون وياهم وعاد هم ما خبرو قوم أم سالم عشان بسون مفاجأه..وسارت أم حميد تخبر البنات عشان الحين بسيرون .....وحمدان وذياب ...يمشون مع بعض لين السيايير..
ذياب يقود مبارك ..مبارك يمط إيدة ويقولة ..
مبارك:ذياب .......ذياب..
ذياب ..بصوت خشن :نعم..
مبارك:أريد ألعب ويا هالبنتين ..هناك .....ويأشر صوب النافورة ...
حمدان:ههههههههههه..عنبوه ما سلم منك ؟؟؟؟؟....حتى المغازل علمتة ؟؟؟
ذياب:حليلة ياهل يبا يلعب.. (ويلف صوب النافورة ..وظحك) ...حمدان ألحق عيون مبارك على أختك وبنت عمك .......
حمدان :لا أبوي أستريح .....خل بناتنا بعيد عن الوحش ..
مبارك:أنا مب وحش أنا ذيب..
حمدان:لا أبوي بناتنا رقيقات ما يرومن على دفاشت ولدكم ...دور غيرهن ..
مبارك ...معقد حياتة ويطالع حمدان :أنا بلعب وياهن ما بظربهن ....والله ما بقول شىء
حمدان :لا......سار مبارك وعض حمدان في ريلة ...
حمدان :خييييييييييييبه ..شو هالولد ؟؟؟؟؟؟؟؟
ذياب:ههههههههههههههههه....ب موت من الظحك عليك .....أقولك ذيب ولدنا وإلى يباه بياخذة ..تبا ولا ما تبا ..فهمت؟؟؟؟؟
حمدان:لا وبعد يبا يلعب ويا بناتنا ..حشة بوي بعد ذيبك عن حلالنا ما ريد مشاكل ...
مبارك ....: ذياب ..أنا بس بلعب وياهن ...
حمدان:ألعب ..حد يروم يقول لا......سير ألعب وياهن .......
وعاد مبارك يوم سمع كلام حمدان الإبتسامة شاقة الوية ....ويا بسير....
ذياب:مبارك وين تبا ؟؟؟؟؟؟؟؟يالله تعال منسير البيت ...
مبارك:لااااااااااااا..مالعبت ..
حمدان:خله أنا بييبة ....
ذياب:عيل برايك ...يالله مع السلامة..وسار مبارك ويا قوم حمدان وكان قوم حمدان جدام قوم حميد ....ويلس يسولف ويا مبارك.. وهذا الصبي مشاءالله علية راعي سوالف وحتى لو أنه صغير بس كلامة أكبر عن عمرة بواااااايد..وطول الوقت وحمدان يسولف وياه ويظحكون على سوالفة وحركاتة..وصدق حليلة وايد متأثر بكلام ذياب ومخلي عمرة أونة ريال وأي شىء يقولة لازم كلمة ريال تكون في الجملة ...ووصلو البيت ..وقرب برياييل في الصالة الرئيسية ..ودخلن الحرمات في الصالة الداخلية ..وعاد كل الأأهل مستانسين بهاي المفاجأه ..وأم سالم أولهم ..
أم سالم:يالله يا ولدي جان من زمان يتو عندنا وقصرتو الدوب ويانا ..
بو حميد:والله يا خالتية ودنا إلا عاد ما لقينا وقت ...
أم سالم:خل عنك هاللواتة لو تبا بتي ...إلا أنت مثل مواز (مواز أختها..وأم بو حميد(
بو حميد:هههههههههه...الحين أمايا محتشرة تتريا متى منرد ما تعرف تيلس بلانا ..وكل يوم دق تيلفون ..وتهد وسكر ..على قولتها تفتج الضيجة ..
أم سالم:أجدت فيك ..حتى أنا ماريد أيلس إلا عاد إبتليت ولا الود ودي ما يلست ساعة وحدة عند هالكفرة ...
حمدان ..يكلم محمد:الله يعين ...إنشاءالله ما يقولون أنهم بردون باجر ولا والله بتلصق وياهم ..
محمد:هههههههههههه..العيوز مش من إلى ياخذها العيوز من إلى يتفتج منها..
أم سالم تشوف محمد بعين:وأنت شفيك فاج ثمك وتظحك ؟؟؟؟
سلطان:هههههههههههههههههههههه..
ذياب..يشوف مبارك متبادي صوبهم:خالتية ..شفتي الريال ؟؟؟
أم سالم:أي ريال ؟؟؟؟؟؟؟؟؟؟......................ويدخل مبارك ...وماسك البنطلون بإيده عن يطيح ..
ذياب:هذا خالتية .........مبارك سلم على خالتك.........مبارك سار وسلم عليها....
مبارك..مخشن صوتة:شحالج خالتية ؟؟؟؟؟؟؟؟..ربج بخير؟؟؟؟؟؟؟
أم سالم:بخير يعلك الخير ..شحالك أبوي؟؟؟؟
مبارك:الحمد لله ما شكي باس..
ام سالم:كرلله (ذكر الله)..ريال مشاء الله علية..تعال أبوي يلس..
وسار ويلس حذالها وكل شوي يعدل البنطلون ...وذياب يظحك علية..لأن مبارك ما يحب البدلات يحب بس الكنادير..وحتى يلبس وزار وسفرة ....بس حليلة بلوه بالبدلات ولا هو ما يدانيهن.....وسار وصاصر أم سالم ....وبعدين ..
أم سالم ..معصبة :خليفة (بو حميد) شعنة ملبسين الصبي هالبس؟؟؟؟
خليفة:خالتية مب أنا هذا ذياب..
أم سالم..:أنت ليش تلبسة ؟؟؟؟؟..يوم يقولك يبا الكندورة ....علمو عيالكم على لبسهم مب لبس هالكفرة ..
ذياب:خالتية ....كل الناس يلبسون جيه يوم إيون لندن ولا يسافرون ...وترانا حتى نحن نلبس جيه ..
أم سالم:خلة عنك هالرمسة الفارطة ..لو شفتك ملبس الصبي جيه يا ويلك ..
مبارك...يطالع أم سالم: خالتية أنا مب صبي أنا مبارك ...عاد الكل ظحك على كلامة وهو يكلمها........وبعدين....
ذياب:خالتية تبين حد يعدلج شعر؟؟؟؟؟
أم سالم:الغالي حمد وسعيد كانو يعدون علية القصيد إلا الحين ما حد يعد علية القصيد....
ذياب:خالتية في واحد يعرف يعد القصيد لو تسمعيله ما ودج يسكت ..
أم سالم:منو؟؟؟؟؟؟
ذياب:أفاااااااااااا يا خالتية حذالج يالس ما عرفتيه؟؟؟؟؟
أم سالم:منو حمدان ؟؟؟؟؟
مبارك:أنا أعرف أعد قصيد....
أم سالم:أنت؟!!!!!!...
ذياب:مبارك .....عد عليها قصيدة لزايد ..... .....
مبارك عدل يلستة
أبشـري يـا دار زايـد أبشـري.. طاب زايد شيخنا م العوق طـاب
و نوّري بالفرح أرضه و انثـري.. من ورود الحب و أزهار ٍ عِـذاب
و افرحي يا دار خلّي و انظـري.. خير زايد ع العرب ما يوم غـاب
و اشرقي يا شمس ربي و أسفري.. نوّري لي دار زايـد و الصحـاب
و اتحركي يا غيم صوبه و أمطري.. و انبتي له زهر من فوق التـراب
زايـد فيـه الزعامـة تفـخـري.. لاجل عينه غصت في لج العبـاب
كم شدى له الغض بو عود ٍ طري.. و كم كتبت من الشعر لاجله كتاب
يا عسى شـر ٍ لفاكـم مخطـري.. ينجلي و يزول لي كان المصـاب
كم غزاني الفـرح فيكـم معتـري.. يوم شفت الخبر خطيت الجـواب
زايد ٍ يفـداك حالـي و ابصـري.. لا و لا دونك ترى العيشة سـراب
ويوم كان يعد كان يحرك إيدة ويغير من صوتة كل شوي ..ومشاء الله كان عذاااااب وحركاتة تقول ريال كبير ما تقول ياهل عمرة 6سنين وساير في ال7 سنين .. وعاد ذياب يسوي لأم سالم يابس وهي مستانسة على مبارك ..وتظحك على ذياب..وبعدين يلس محمد يشل وكان صوتة عذااااااااااب ..وعاد رتبش ذياب وحمدان يرزفون ومبارك يابس يابس لأم سالم وسلطان وياهم..الحشر مع الناس عيد....وبو حميد ومنصور وياهم ....والجو ولا أروع عندهم..وبعدين وصل بوحمد وبو خالد وخالد (بو خالد وخالد ..يرانهم) ويلسو شوي وياهم وسوالف ..عن البلاد وعن الشغل والمزارع والعزب والعقارات ....وعن كل شىء ......هذا الجو عند الرياييل ..أما عند الحريم ...من شافن أم حميد ما صدقن إنها موجودة وياهن ..تولهن عليها وعلى سوالفها وعاد صدق كانت مفاجأه وعرف حمدان يسوي مفاجأه..وعاد الحريم دلة الجاي والقهوة وشرب وسوالف ولا تعبر سوالف الحريم ..وحش على خلق الله ....الله يعين ..صدق إلى قال حطب جهنم حريم ..المهم ...نسن عمارهن بسوالف وكل شوي إتي سالفة وتروح سالفة..وكل معتاد سوالف الحريم ويلستهن كل وحدة تعرف كيف ..المهم الحين منسير عند جو ثاااااني جو البنات ..أحلى عن جو الرياييل والحريم ..البنات في الصالة بروحهن ومسكرات الباب وعقن الشيل والعبي عشان ياخذن راحتهن ..أوووووه نسيت زقرن موضي وأمها وهند (يرانهم في المزرعة وهم من أهل دبي.....وأمهم كويتية) المهم وستانسن على موضي لأنها وااايد طيبة وحلوة ..(غرشوب..ما عليها كلام).. البنات ما خلن شىء ما يابنة من جبس وكافي وعصاير وبيبسي ومكسرات وآيس كريم ..هاي فوالتهن ...وعاد كل وحدة تخبر الثانية شو من المناطق والمحلات إلى سارتله .....وشو ستوالها من مواقف إما في بريطانيا أو في البلاد....
(بتكلم عن كل شخصية من البنات إلى من عايلة قوم حميد جيه نبذة صغيرة عن كل وحدة..
ميرة إلى كبر نورة وااااايد هادية وفي حالها..
الريم هاي مثل سلامي سبحان الله كوبي بست وهي بعد كبر قوم سلامي وموزه ومى ..
أما اليازية هاي عادة نكتة ووايد ظحك وراعية سوالف ومواقف وهي بعد أصغر عن قوم موزه..
وطبعا تعرفن موضي كبر قوم موزه...(
ميرة ..تلف شعرها لورى..:أنا مليت صدق أريد أرد البلاد..
الريم.. تخلي الثلج في البيبسي: ويا راسج..شو بسوين في البيت إلا جان هالتيلفون إلى ما سكرينة ويا ربيعاتج عنبوه ما تملينهن أنا والله أكلمهن في الشهر مرة وأتمنا يسكرن بسرعة مملات ما عندهن سوالف وإنتي 24 ساعة وياهن خبريني شو تقولن؟؟؟
سلامي إنسدحت ..وخلت راسها على ريول موزه: أووووووووووه ..الحمد لله يعني إلى عندج عندي حتى أنا هاي نواري ما عندها مونة إلا ربيعاتها والله حتى أنا أحسهن مملات ..
موزه...تخوز راس سلامي:لا والله ريلي ولا دريت؟؟؟
سلامي:والله بختج جان خليت راسي على ريولج حمدي ربج ...وبعدين ريلج مب أحسن عني.
موزه:ويييييي ..فديته ..
ميرة :إلا موزوه ما خبرتيني إنخطبتي ولا بعدج؟؟
عاد سلامي منو يروم يلم ثمها:جيه مادريتي؟؟؟
ميرة ..الملقوفة :لا شو؟؟؟؟؟؟
موزه:حوووووووووووووو...سلامي عن الجذب..الحين بتألف قصة ما ستوت ..
سلامي:عنج عاد..إن شاااااااااااااااء الله بأذن الله الواحد الأحد ...أنها بتاخذ ولد عمي حمد..
من قالت هالرمسة ..تغير ويه الريم..بشكل غريب..ماحد لاحظها بس مى هي إلى لا حظته..إستغربت من هالتغير ..ليش تغير ويها؟؟...شو سالفتها؟؟؟..
ميرة فرحانة :والله!!!!!!!!!
اليازية :يعلة بالمبارك....وسارت وباستها ..موزه غدت طماطة ..الله ينطب سلامي إلى تألف من عندها..
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك