رواية آه يالدنيا عيال عم ولا يتعارفون -41
الساعة 1:30...
ويوم دخل المطبخ .....شاف سلامي يالسة سوي الكيك .....تبهت الريال من شافها ..كانت تعدل شيلتها..ويالسة تغمس الكيك بالكريمة وتذرة بالجوز الهند..وفوقة حبة فراولة..حليلها ما كانت تعرف بوجوده..وهو فاج ثمة ويطالعها هاي من وين؟؟..ومبارك يطالعة كيف مبهت فيها..
مبارك يعض صبع ذياب..بقو(جان بينتبه)..
ذياب ينفض صبعة: وااااااااااااي ..هب ..
من سمعت صوته سيدة تغشت ووقفت..وذياب ماعرف شو يقول ولا شو يسوي قفط ويه ..يا الفضحة الحين شو بتقول عني؟؟..أنا شو سويت؟..الله ينطبك يا مبارك..
ذياب منزل راسة ويطالع بلاط المطبخ: السموحة الشيخة ..واللله مب قاصد ..
سلامي..مبهت بذياب..اللللللللللللللللللللله شو هاليوم الحلو يا ليت لو كل مرة إتي ولا تظهر ..يالله محلاتك :..........
ذياب ولخيبة ..شكلها مفولة..ما تنلام: أمممممممم ..أنا ياي المطبخ عشان مبارك يبا كورن فلكس وحمدان دلني على هالمطبخ ..السموحة
سلامي: بالحل الشيخ ...
ذياب يحك راسة :عيل أنا بترخص (وماسك مبارك من إيده.. بصوت واطي لمبارك).. الله ينطبك يا راعي المشاكل..فضحتنا سلامي:الشيخ خلة...أنا بسويلة كورن فلكس ..
ذياب ..اللله ينطب هالكورن فلكس: لا ما بتعرفين شو يبا..
سلامي:عنبوه منو ما يعرف يسو كورن فليكس؟؟..
ذياب:إختي هذا مستبطر ...
سلامي:ما عليك..بسويلة .....بس هو كيف يباه ؟
ذياب:يحبة وايد فيه نيدو وماي حار بس شوي فيه بس..
سلامي:فالك طيب ....
ذياب....يا ويل حالي عليها..وعلى منطوقها: فالج ما يخيب ..عيل بترخص ..أنت يلس هنيه وكل ولا سوي حشرة..ويوم تخلص تعال عندي فهمت ؟؟؟
مبارك:إن شاء الله ..
ذياب ..:فمان الله
يوم ظهر من المطبخ ..مطيبها هالبنت..
سلامي سوت لمبارك ..إلى يباه ....وعطتة ياكل ويوم خلص..
مبارك:مشكوورة يعلني اخدمج في عرسج..
من قال جيه يلست تظحك سلامي:إن شاء الله ..بس اريدك ترزف في عرسي..شو قلت ؟؟
مبارك :تبين أرزفلج الحين ؟؟؟
سلامي:بترزف؟.؟؟؟؟
مبارك :هيه نعم ....وبعد جان تبين بشللج جان تبين ؟؟؟
سلامي :مشاءالله عليك ..
مبارك :شوفي أنا أحب شعر بو خليفة يعلني فداه..أكثر واحد ..
سلامي مستغربة من كلامة ياهل وجيه منطوقة :بس أنت صغير وشدراك بالشعر ؟؟؟
مبارك ..معقد حياتة :أنا ريال ...لو ما صدقيني الحين بعدلج وحدة من قصايد بو خليفة واليوم مطر.. بعدلج قصيدة كان عادنها يوم سقى الظفرة ويرويها....وبرزفلج .....هاتي الملاس بيولبه..
سلامي:ههههههههههههههههههههه..
مبارك يغمزلها:الموجود...
يعل نواً بانت امزونه.........يسقى الظفرة ويرويها
لين يزخر عشب بينونه.........الغدر تسقى سواقيها
الرمل يعشب ويرعونه..........البدو وترسي مبانيها
ويستقيم الغيث في سونه.......شرق والوديان يرويها
والجبل تتدفق اركونه..........ويملى الجيعان جاريها
الغضى تتنقل اضعونه..........لي هموم القلب يجليها
وان عرض يمشي على هونه.....بيس من الدنيا وما فيها
هو دعاها النفس ممحونه.......وهو الطيب اللي يشافيها
محترم والناس يحضونه...........لي وصوفه نافلا فيها
سلامي...مستانسة :مشاءالله عليك .......
مبارك :إنتى ما تعرفين يسموني الشاعر ...
سلامي:مشاء الله عليك ما تنلام ..وايد حلو صوتك ..منو معلمنك ..؟؟؟
مبارك :ذياب ...
سلامي:مشاءالله ........يلس مبارك ...
مبارك:أنا ما يلس ويا العيال إلى كبري ذياب يشلني وياه عند ربعة ويوم أسير عند الرياييل ويا الشواب..وأنا أيلس عندهم وتعلمت وايد منهم ..حتى انا الحين يوم أرمس ولا أسولف الناس يستغربون منى..الحين يزقروني الشاعر لأني أعد قصيد على الرياييل وأرزف عندهم...
سلامي ...:تحب الشعر؟؟
مبارك ...يظحك:إنتى ما تعرفين ذياب ؟؟؟؟
سلامي:لا ليش؟؟
مبارك:ذياب شاعر ماحد ما يعرفة..أنا وايد حافظ من قصايدة..وأحفظ قصايد بو خليفة..وشوي من مانع العتيبة..ومحمد بن راشد ...والمايدي ...والكندي... علي بن عبدالله ال غيث السويدي.. حمد بو شهاب.. عتيج بن يمعه بن كسلا الرميثي...ووايدين ..
سلامي :يعني ذياب يكتب شعر؟؟
مبارك:هيه ....تبين تسمعين وحدة من قصايدة ؟؟
سلامي:هيه ...
طيف خلي زارني بيـن الحلـوم... وانتفضت وعفت لذات المنـام
زراني يحمـل تباشيـر العلـوم... يعلها في كل حول وكـل عـام
من عرفته دايم ٍ قلبـه رحـوم... قلب صافي ما حمل لوم و ملام
المنتّب لي تحـدّر مـن قـروم... لي قبض خطم المعاني بالزمـام
المحب اللي سكن ف القلب دوم... حايز ٍ كـل الغـلا بـد ّ الأنـام
حيث حبه ف الحشا سوى وسوم... وآزم الخفاق في بُعـده حطـام
له أسوم العمر يا العربان سـوم... عمرنـا فانـي و لله الــدوام
و آخر الأبيات يا خيـر الغيـوم... اهطلـي ف دار عاليـن المقـام
بلغي المحبوب ما بي من هموم... واجبري كسر الخواطر يا حرام
بشريه أني على عهـده لـزوم... حافظ للعهد .. لـزم ٍ والتـزام
سلامي:صح لسانك..
مبارك:صح بدنج...
سلامي:مشاءالله عليك ....إنزين مبارك ....كيف أنت صغير وتحفظ الشعر جيه ..وصدق والله مشاءالله يوم تعد القصيد تقول
ريال كبير ..
مبارك ..يبتسم:بخبرج ....بس ما يظهر عند حد الكلام إلى بقولة ..
سلامي:أوكية ...
مبارك :تعرفين أنا آخر العنود ..صح ؟؟
سلامي:هيه...
مبارك :أخوية حميد ما كان يلس وايد عندنا كان دومة برى ويا ربعة ولا مسافر ..بس ذياب إلي يلس عند بويا ويسير وياه العزية ويطالع الحلال ....وذياب كان يتمنى يكون عندة أخو أصغر عنة..عشان يعلمة ويظريه على طبايع الرياييل يمكن عشان ما عندة أخو بس خوات ....أنا أصغر عن يزوي ب10 سنين..فيوم طحت تقولي امايا كان ذياب هو إلى ييلس وياي حتى أكثر عنها ..وكان دومة يشلني عند ربعة ويكلمنى يسولف وياي..حتى يزوي تقولي أول كلمة نطقتها كلمة "داب" أسمة ما نطقت أسم باباه ولاماماه..وفي المدرسة هو إي مجلس الآباء بويا ما أييني بس ذياب يوم أمرض ذياب إيي المدرسة ويشلني ذياب هو إلي يسأل عني عند المس مش بويا ولا أمايا ...وغرفتة عدال غرفتة ويوم أمرض أرقد وياه وهو إلى يعطيني الدوا وكل شىء ..بس
سلامي دموعها في عيونها ..تأثرت واااايد:ليش ؟؟؟..قصدي ليش ذياب يسوي جيه ؟؟؟
مبارك ...:ههههههههههههههههههههههه....لأني ولدة ..
سلامي:أنت أخوه..
مبارك:هي بس إلى يشوفني يتحسبة أبوية ..وأنا ولده..بس والله أحب ذياب مثل أبويا وأكثر وااايد أحبة ..
سلامي:عشان جيه أنت مثل تصرفاتة..
مبارك:ههههههههه..بخبرج عنة تعرفين ذياب يوم يظايج يخبرني ومرات ما أفهم علية بس أسكت كأني فاهم..وأنا أول واحد يسمع قصيدة ..
سلامي:ههههههههه حظك....
مبارك ..يوقف:الحين بسير عندة ..
سلامي ....زعلت :لا مبارك إيلس سولف وياي ..
مبارك:ذياب الحين بيتوشل علية...وايد بطيت علية
سلامي ....شكلهازعلانة :أوكية برايك سير عندة
الساعة 2:30..
حمد..رد الكرسي لورى وساند علية وغمض عيونة..
سعيد يسوق ولف وشافة جان يبتسم..
سعيد :شو بترقد؟؟؟
حمد لف ويه علية :هيه والله أمس ما رقدت ..
سعيد يطالعة ومعقد حياتة:أنت ما رقدت ؟؟!! أنا شو أقول؟؟؟؟..والله ما خليتني أرقد أول شىء خربت علية الحلم وثاني شىء مركضني من غبشة وثالث شىء ميلسني في الدختر ورابع شىء مأكلني بيض ني..مب حرام عليك؟؟؟؟؟؟
حمد ..يظحك:أنا مأكلنك بيض ني؟؟؟؟...شدراك بالطبيخ ؟؟..
سعيد:مخلنة لك الطبيخ يا الشيف ..
حمد ..غمض عيونة وخلى إيدة ورى راسة وغطى ويه بالكاب :لا سوي حشرة والله تعبان أريد أرقد وسوق بذهن ...
سعيد ....:إنشاءالله طويل العمر آوامر ثانية؟؟؟؟
حمد.....يبتسم:لا يعلني فداك....والله يا سعيد ما تعرف شكثر غلاك عندي ..
سعيد..إبتسم ببتسامة حنان وثقة :أدري يا ولد عمي ..والله أدري....
الساعة 1:30...
في إيدينها صينية الكيك وجودي صينية العصاير وميري صينية الآيس كريم ويا الجاي والبيزا..وهن فاجات أثاميهن ومندمجات يطالعن الفلم..
اليازية :أهللللللللللين بالمحمول والحامل..
سلامي توطي الصينية :عنلاتج يا الهرمة المحمول أول؟؟؟
اليازية :أف كورس حياتي...أهم شىء البطن الله يخليج..
سلامي ..دور بعيونها دور على موزه:أهااااااااا ..لا طالعين إنتى ما بتاكلين ...
موزه ...متحرقصة تبا تاكل من كيك سلامي :لاااااااااا حياتي لا تخافين ما ريد أبات في المستشفي أريد بيتي ..
سلامي..مخلية إيدينها على خصرها:ويييييييييه عشتوووووو ...
ميرة :ههههههههههههههه..والله بفوتج موزوه شكلة مغري...
موزة :خلي كيكج حقج خليه فبطنج ...
الريم:أنا أول وحدة ...
مى :تعالن هبشن
وسارن كلهن ياكل كيكة سلامي ..إستانسن عليها واااااااايد ..
نورة:التوفو عيبني واااايد..
ميرة:والله وظهرتي طباخة يا الحمارة ولادرينا...
سلامي..تغايض موزوه:شكرا شكرا أخجلتو تواظعي يعلني فداكن ..
موضي:موزوه تعال والله تخبل ...
موزه:ماريد أكل آيس كريم ....وطالع الفلم ...
اليازية :عنلاته من بطل..
سلامي في الحمام تغسل إدينها :شو مستوي أنا ما شفت شىء ..
موضي :هههههههههه..إنتى شو تابعتي عشان تشوفين ؟؟
سلامي ...شافت لقطة :الللللللللللللله ....والله أنة رحيم هالبطل..
مى :عنلاتج يا السبالة ..(تقصد البطله).
ميرة:عنلاااااااااااااااااتها والله خامة (تقصد البطلة) ..
سلامي:خيييييييييييييييييبة ..لا يكون البطل مات ؟؟!!!
موضي :ههههه ... هذا مب البطل هذا أخو البطل ..
سلامي ..لفت صوب دلة الجاي:ويييييييييييه فقته من مخرج والله أخوه أحلى عن هالشيفة أونة بعد مخلينة بطل على شو؟؟؟ يعلني بلاه !!!!؟؟؟
موزه:والله البطل احلى عن أخوه ...
اليازية ..تمسح دموعها:لا والله المجرم ما يستاهل يكون البطل..
كلهن نقعن ظحك عليها هن في وادي وهي في ادي ثاني شكلها متأثرة بالفلم بالقووو..
مى:وحليلج وليش تصيحين ؟؟؟
اليازية :سباااااالات والله..تعرفني أنا يوم أشوف فلم هندي أييب وياي قوطي كنينكس منكثر ما صيح..لا تعايبن علية..(وصيح بعدها الأخت متأثرة)
سلامي تفرها بالمخدة: فقتج با الدبة..هذا فلم مب صدق ...ليش صيحين ؟؟؟؟؟
اليازية :بس عاد والله تراكن خااااااااااااامات ......بخبر اماياااااااا
نورة..دموعها على عيونها:حليلها والله رحمتها..
جان تنفجر سلامي وموزه وميرة وموضي من الظحك عليهن..من كثر ما يصيحن..
سلامي:خييييييييييييبة عنبوه مب صياح لو فوز بوقف بسكن يعلني فداكن...
دقت عليهن أم حمدان الباب(أم موزه)....فجت الباب..وشافت العفسة وشافت اليازية ونورة يصيحن ..
أم حمدان :واااا لقعتية..شفيهن خواتكن يصيحن ؟؟
موزه:ههههههههههههههه ..أمايا ما فيهن شىء....
أم حمدان :و ما فيهن شىء ويصيحن ؟؟؟؟..(وسارت عندهن)..خبرني منو ظاربنكن ولا حد قالكن شىء خبرني؟؟؟؟
نورة ..:هههههه لا خالتية ما فينا شىء والله ..
أم حمدان :وين ما فيكن شىء وعيونكن حمر ..خبرني شو فيكن ؟؟؟أنا براويها شغلتها..
سلامي:خالتية تعرفين ليش يصيحن !!!!!!؟؟؟؟؟
موزه:ههههههههههه..أمايا بزى بنات ما فيهن شىء .
أم حمدان :لا بارك الله فيكن من بنات عنبوه هب صوت عليهن صه صه..الله يقطع هاللسان لكن هبن انا جم مرة قتلكن البنت ما تعلي صوتها..البنت يوم تتحدث بصوت واطي حتى إلى يالسة عدالها ما تسمعها..
سلامي ....فاجة عيونها:خيييييييييبة يا خالتية ...عنبوه منو تحدث ينيها؟؟؟؟
أم حمدان :أنا ما عرف شو أسويبكن ..عنبوه خبلتبي...عيزت من كثر ما خبركن..البنات مرة وحدة بس أهلن يخبرونهن ويفهمن ..وأنتن في اليوم عشر ولا تفهمن ..
سلامي:هههههههههههههههههههههههههههههه....حليلنا خالتية..
موزه ..أونها زعلت :أمايا بخبر عليج أبويا ..
أم حمدان:ماحد سوى أبو غيرج ....خبريه شو أخاف منه أنا ؟؟؟؟
سلامي بصوت واطى لموزه:ههههههههههه وحليلها قفطوها..........
موزه:جب إنتي يسبالة ...عنلاتج .
سلامي..سارت عندها ...وخلت إيدها على جتفها..وتأشر على اليازية ونورة:خالتية يصيحن عشان الفلم الهندي ..
أم حمدان :يالله بستر ..وشلة تصيحن عشان قوم قريقا؟؟؟؟؟
نورة:هههههههههه....شو نسوى خالتية ....الفلم صيحنا..
أم حمدان :زيغتني قلت جما هاي ام لسانين شىء قالتلكن ولا هذيج إلى تهاذي بأبوها..
موزه:أمايا زعلت بخبر باباتي..
أم حمدان:أكوه التيلفون جان ما دلينة بدليج به..
موزه:مااااااباااااااا ...خلاص بسافر برد عند بويا ما تحبيني بس بويا يحبني يعلني فداه..
سلامي تحضنها :تعالي يا حببتي تعالي في حظني..إنتى زي حالتي..وأونها تصيح مثل المصريات (ياااااا خراشي)(ما ينلامن هوانم قاردن ستي).
أم حمدان :ههههههههههه....الله ياخذ بليسكن.حتى نسيت شله ياية..بنيات يالله أهلكن يتريونكن بتروحون .
من قالت جيه سكتت سلامي وزعلت..موزه لاحظتها بس إنصدمت من سلامي معقولة أنها ؟؟؟؟...معقولة ؟؟؟؟؟..
مى :لاااااااااااااااااا..حرام ما يلسنا وياهم إلا توهم يايين ..
ميرة :صدق والله ما يلسنا ..
أم حمدان :إن شاءالله بعد منتزاور يوم نرد البلاد ..
سلامي دموعها في عيونها:حرااااااام ...
وسارن ولبسن عبيهن ...وظهرن وكلهن وياهن لين الصالة وسلمن على الحريم والبنات سلمن على بعض والسلامي تصيح عشان سارن ..وهي وايد إستانست وياهن لأن اليمعة وايد حلوة وخصيصا يوم تكون برى البلاد فتستانس باليمعات..وبعدين إندمجت وياهن..وحتى موزه ومى ونورة وموضي سون مناحة..كانن عاطيات جو لو أنهن ما يلسن وايد بس يمكن ساعتين ولا ثلاث بس ....سلمت عليهن ووقفت على طرف الباب عشان ما يلاحظنها أنها تصيح..سلامي ما تحب حد يشوفها يوم تصيح..وطالع برى لأن دموعها بنزلن..واايد حزنت عشانهم بسيرون..وحريم في الصالة يسلم على البقية..لفت لصوب السيايير لقت كل الرياييل برى..نزلت راسها ..تسمع حد يتقرب منها بخطوات بطيئه..شافت جوتي..إبتسمت رفعت عيونها شوي شوي..لقتة ..إبتسمت ومسحت دموعها ...ونزلت على مستواه..
سلامي:قلت يمكن ما بسلم علية ..
مبارك :أفااااااااااا أنا ما بسلم عليج ؟؟...من يقول؟؟؟؟؟؟
سلامي:بتروحون؟؟؟؟؟
مبارك:هيه ..والله فرحان لأن باجر منرد البلاد ..
سلامي:إن شاء الله بسلامة..
مد مبارك إيدة وييه عشان يسلم عليها بالخشم..بس هيه باستة ..
مبارك ظحك: أنا أول مرة حد يحبني ماحب حد يحبني بس إنتي..لاااااااااا صيحين ؟؟...ما حب أشوف حد يصيح ..
سلامي ...إبتسمت :مب أنت تقول أن كل البنات يصيحن ؟؟
مبارك:هيه بس عاد قالي ذياب لا صيح البنات ...
سلامي ..مبتسمة :أصيح عشان بسيرون عنا ..
مبارك ..مسك إيدها:إن شاء الله بسلامة يوم تردون البلاد..بقول لذياب يشلني بيتكم وبسلم عليكم..بس لا صيحين وبخليه إييب قوم ميروه..إنزين ؟؟؟
سلامي:إن شاء الله ..
ذياب كان عند السيارة وعيونة على قوم مبارك..أول مرة مبارك يهتم من حد ويسير ويسلم علية من البنات!!!..ويسولف وياه..ويخليها تحبه..مبارك بموت ولا حد يحبه..فكيف خلاها تحبة ولا حتشر بالعكس ضحك ويلس يسولف وياها ..صدق هالإنسانة غير عن كل البنات..ليش أنا واايد ممتحن منها وطالعها؟..أنا كم بنت تحاول بس أني ألتفت لها ولا اسولف وياها وما عطيهن ويه..شو إلى خلاني أفكر فيها؟؟..ومب أنا بس حتى مبارك بعد إستلطفها ومبارك مش من النوع إلى يندمج ويا البنات..وما كمل غير كم من ساعة وياها لا مش ساعة كم من دقيقة..أنا ماحد حرك مشاعري ولا حد حرك شعرة من شعري فكيف هاي جيه سوت بي؟؟؟ من تكون هاي؟؟؟؟؟؟..من شفتها مادري فيها شىء جذبني لها..
في هاي اللحظة قطع سرحانة أبوه
بو حميد:أبوي ذياب قم شوف هلك..بطن ورانا درب..
ذياب :إن شاءالله بويا ....
سار ويمشي شوي شوي صوب الباب الرئيسي لأنهم هم عند السيايير في الطرف الثاني.. وعيونة على الأرض..تقرب من قوم مبارك ....رفع عيونة ...
ذياب بصوت عالي.......:مبارك ...مبارك...
مبارك:لبية ......
ذياب:قم سير لقوم أمايا قولهم يالله ويهنا ...
مبارك :إن شاءاالله
بعدين شاف حميد رد مرة ثانية ....
ذياب :وين بها؟؟؟؟؟؟؟
حميد:نظارتي نسيتها بسير أييبها
وأبوه(بو حميد) سار ويا قوم منصور وعلي والشباب سارو وياه يراوونه المزرعة والأسطبلات والخيول..وبعدين الشباب بروحون عند قوم خالد (يارهم في المزرعة)..
ذياب ..لف صوب سلامي إلى ما تحركت من عند الباب ومتغشية وكانت مرة تلف ويها صوب الحديقة..ومرة صوب الصالة طالع الحريم ..........يلس يترياهم 10 دقايق ولا ظهرن..جان يتجدم خطوتين ..
ذياب:الشيخة لو سمحتي ..قولي لقوم أمايا يظهرن ورانا درب ..
سلامي ....فاجة ثمها.....يكلمني؟؟: .....................................................إن شاء الله .....
سارت عندهن وقالت لأمها وقالتلها الحين بظهرن..ردت عند الباب لقت ذياب يلعب بتيلفونة ومعقد حياتة وهو ساير راد سلامي:الحين بظهرن ..
ذياب:حشة سنة .....ذلنا .
سلامي ....ظحكت بصوت وااااااطي..حشة يالرياييل ما يصبرون :........................
ذياب :مشكورة
سلامي:العفو ........
وبعدين ياها مبارك ..وسار عند سلامي وبصوت واطي..
مبارك:قلتي لذياب يشلني وياه ؟؟؟
سلامي:لا ما قلتله أستحي..
مبارك:لااااااااااااا..قوليلة إنتى قلتي بتقوليلة ..
سلامي :مبارك أستحي منه .
مبارك :لا الحين بتقوليلة .....جان يزقرة بصوت عالي ...
ذياب:عونك...
مبارك:سلامي تباك بكلمت راس..
سلامي تمنت الدنيا تنشق وتاكلها يا الفضحة الله ينطبك يا مبارك..
ذياب منصدم شو تباني ؟؟..وأخيرا بتكلمني..ماصدق سار عند مبارك...
ذياب ومبتسم ..وبإستهبال:ها شو تبا ؟؟؟
مبارك:مب أنا سلامي تباك ...
ذياب لف صوبها :آمري إختي ..
سلامي ..تنتفض من ساسها لراسها ..الحين شو أقوله ؟؟؟..آآآآآآآآآآآآآه بموت والله ريولي ما تشلني :أ....................أن..........
ذياب ظحك:هههههههههههههههههههههههههههههههههههه......و الله ما كل البنات ..
سلامي..عنلاته الهرم :................
مبارك:هههههههههه ..حليها تستحي .......
ذياب :لا عادي قولي شو فخاطرج؟؟؟
سلامي:ماشىء بس مبارك يباك تشلة وياك القنص يوم بسير ..
ذياب :بس؟؟؟؟؟؟فالج طيب ما طلبتي ..
مبارك مستانس:هيه هيه .......مشكووورة سلامي ...
سلامي بسرعة:فمان الله ..ودخلت داخل..وقلبها يدق بقو ..أنا شوسويت ؟؟..والله لو حد شافني قسم بالله ليحفرون قبري جدام ويدفنوني حية ...
ذياب..شياها دخلت..يا ليتها ما سارت بس عرفت أسمها..محلات أسمها: يالله الحين سر وزقر أمايا ذلنا..حشة مب سلام هذا
وسار وزقرهن وظهرن وأخيرا ظهرن...وبعدين يا أبوه وسلمو عليهم وسارو..وعند الباب الرئيسي كانو كلهم وافقين يوم سارو قوم ذياب ..
أم سالم:الله خيرٍ حافظ ..
أم نورة :يحظهم باجر رادين البلاد..
أم سالم فجت عيونها :يعلة بذمتج ؟؟؟؟؟؟
أم نورة :عمتية ما سمعتيها يوم تقول باجر بردون ..
محمد..يظحك:هههههههه وحليلها أمايا شيخة ما تدري .
حمدان..لف صوب يدته :الحين بتحتشر..
أم سالم....: يالله بسرعة بسرعة دقلهم وقولهم يتريوني بجهز الشنطة ..ولا شباها لابركتن فيها هاتوها وياكم بعدين..إنقفض
علي (ولدها وابو حمد): أماااااايااااا إستهدي بالله ..شو أدقلهم ؟؟
أم سالم:ما علية منكم..منصور حرام إنك لو ما دقيتلهم لا أنت ولدي ولا أعرف..إنقفض أخافهم ضربو الحين دار..
منصور..سار عندها ومسكها من جتفها: صبري..شو قالولج مال سبيل إنودرج؟؟؟؟
أم سالم:أنا ما لي قعدة في دار الكفرة ..أنا ما صدقت ألقالي حد بردني..إنقفض ..يالله ..بييب عباتي.. (وسارت داخل)
علي ..ميت من الظحك وحمدان ومحمد وسلطان ومنصور والحريم..حشة يهلعيايز ما عندهن سالفة..ربيعة من خطف ..
علي: أبوي حمدان سر عند يدتك..
وما وحالة يخلص جملتة إلا أنهاا نازلة من الدري والعباة تحت الباط ..وساحبة خديجة وياها (خديجة البشكارة) ما تروم تصبر عنها..
أم سالم:هااا متى بيون ؟؟؟
علي يطالع منصور ونظراتة تقول أنت تفاهم وياها أنت بجرها وتعرفلها أكثر عنا.. منصور فهم على علي..
منصور سار عندها وحبها على راسها :أمايا يعلني فداج..ما نقدر نخليج تسيرين عنا..ما نصبر عنج
أم سالم..ظكت عنه :شعنة ؟؟؟؟؟؟؟؟..
منصور:أمايا لازم أول شىء نقصلج تذكرة..وبعدين ما نروم نخليج بروحج هناك عندهم منو وياج ؟؟؟..وشو بقولون عنا العرب ؟؟؟.. ودرو أمهم وخلوها ترد بروحا ؟؟؟؟
أم سالم ...ودموع فعيونها: لا ما بقولون خليفة (بو حميد) ولد إختى مب غريب وأنا برد عند بيتي وولهانة على الحلال وعزبتي وهوشي..هنية شو بخدم..
حمدان يوم شافها أن دموعها في عيونها سار عندها وحظنها: فديتج أمايا لا زعلين ..والله أن شاء الله يوم بخلصون قوم حمد وسعيد منرد البلاد بأسرع وقت بس لا زعلين..
أم سالم:أنا ماربيت رياييل..عنبوه من متى أقولهم أريد أرد؟؟..يعلني صبيتكم دم ..جان من متى أقولكم أريد أرد بيتي ...
منصور ..سار عندها..لأنها خلاص عايفة كل شىء: أمايا يالله شو هالرمسة ؟؟؟؟...نهون عليج ؟؟؟...والله إن شاءالله منرد..بس عاد صبري شوي..فديتج صبري..ليش إنتى جيه مستعيلة ؟؟؟
أم سالم:أنت ما تحاتي شىء ..أنا أحاتي هالبقر والهوش ..حد يعطيهن النفيعة ولا لا؟؟؟...ومادري شخبار البقرة..ولدة ولا لا؟؟؟؟..هذا البنقالي فقتة ما يعاودهن أنا أغبش من غبشة عندهن وأخبره الحين ما بيلقاني ولا بعاودهن..أخافه ينفدهن..وأنا ماعرف أيلس بلا بيتي..
منصور :لاااااا تحاتين ولا شىء..أنا بدق تيلفون لعمر وبقولة (عمر هو مسؤول مزارع منصور ويدير العمال والمزارع)
أم سالم:أنا ما أتجل على حد..هليا ما معلميني أتجل على حد ..بروحي أدير حلالي ما ريد عمر وشدراه بالهوش والبقر؟؟
علي:خلاص أمايا والله إن شاء الله يوم السبت منكون إن شاء الله فالبلاد..
أم سالم:يعلة في ذمتك؟؟؟؟؟؟
علي:هيه نعم ..
أم سالم:يعلني فداك..يعلني ما ذوق حزنك..ريحت فوادي..هب هذا يقولي بخلي عمور يطالع حلالي..
منصور :هههههههههههههه..يزاي أمايا..فديتج ..ياربي..
أم سالم:ما بقى غير ليلتين ورادين البلاد..إن شالله بسلامة..
حمدان :هههههههههههه ....شوفو كيف مستانسة .
أم سالم:هيه والله بظحك وبفرح ..يالله يعلني فدا دار بو خليفة ..هب دار هالكفرة ..يعلها الخيبة من دار ..أنا مادري كيف يحبون بس يلسون فيها؟؟
محمد:يالله ندخل الجو بارد..
أم سالم:يعلها النفاد ..من وصلت إلا بردها في عظامي يظرب..يعلني ما شوفها بعد هالمرة..
يلسو يظحكون عليها ومن كثر ما تدعي عليها وعلى أهلها ..
الساعة 2:54..
كانن في الصالة إلى عدال غرفهن..ومتجابلات..وفجأه فج الباب وكانت نورة تربع عندهن ويلست عدال سلامي باستها على خدها ومستاااااااااانسة ..
سلامي:أشهد أن البنت مب صاحية ..أكرم أنها صاحية ولا بعقلها ..
نورة:هههههههههههههه..شفتة والله شفتة ...
موزه فاجة عيونها:هههههههه..لا يكون السماوي؟؟؟؟
مى:ياااااااااااااااااااااااي ..وأخيرا ؟؟؟........
نورة:الللللللللللللللله محلاتة..والله يخبل
سلامي:يامكر هالبني ...لازم يخبل لو هندي وأنتن تحبنة بتقولن يخبل ......
جان تضربها نورة على جتفها..
نورة: دبة ....محروز عن الهندي والله ما يسوى ظفرة ...
مى:ههههههههههههههه..سمعن سمعن
موزه...مسكت ثم سلامي: سكتي شوي خليها تقول كيف شافتة ..هبي عنبوه ما تسكتين؟؟؟
سلامي ..تخوز إيد موزوه: عنبوه جتلتيني إنتى ماسكة خشمي ..حشة كنت بموت ..
موزه:جب جب ..سكتي ..إنزين نورة ..خبريني..يالله ..
نورة ....تربع ريولها :هههههههههههه.....تذكرن يوم سلمنا على الحريم ؟؟؟..
كلهن :هيه ......
نورة:كنت عند الدري ..جان أشوف أبوية ..قالي أييب تيلفونة من فوق..سرت فوق ..وأنا تحسبت أنهم في الصالة ..وأنا كنت بدخل الصالة..شفته...يااااااااااااااااااااي
سلامي:لا حول ؟؟؟؟؟؟...كملي وبعدين تخبلي عشان نتخبل وياج..وبعدين؟؟؟؟
نورة :إنزين ..تعرفن شو كان لابس؟؟؟؟؟
مى:يا الغبية ترانا شفناه يوم كنا في السوق ......
نورة:لاااااااااااااا ..كان لابس سماوي...
سلامي ..بعين طالعها:يييييييييييييييييهااااااااااااااااااااااا ..يا هلسماوي ما سوا فينا خير ..عنبوه ما عنده غيرة؟؟؟؟..صدق مسود ويه
نورة:هههههههههه..ويا راسج سماوي بس عاد مب مثل الأول قميص ثاني..
موزه:هههههههههههههه...سلامي سمعي أونة لابس سماوي والله حركات ...كملي وبعدين ؟؟؟؟
نورة:ماشىء يوم أنا داخلة هو ظهر ما شافني..
كلهن قامن وعفدن فوقها .......وظربنها ..كانن يتوقعن شىء ثاني وآخر شىء أونة ظهر ..
نورة:ههههههههههه..بمووووت قومن عني..أماااااااااااياااااااااااااااا لحقي علية بفطسني....
سلامي فوق بطنها :دواج يا مسودة الوية..قرصيها موزوه قرصيها في ريولها ..مسودة ويه..
مى: بسها ......قومن عنها ..
سلامي:خليني أفطسها
نورة:ههههههههه..بموووووووت أمااااااااااياااااااااااااا ..يا دبة قومي عني...
موزه:عندج إياها خدميها مسودة ويه ...
مى.......تسحب سلامي:بسج بجتلين إختي ....
قامت سلامي عنها...
نورة....تتنفس بسرعة:هبي يالدبة ...عنبوه مصاريني كانن بظهرن ...خفي ....
سلامي :لا تخليني الحين أيي وصفعج......
نورة:وإنتى بعد يا لسبالة موزوه ما علية يا لسه تقرصيني والله إلا بردها...حشة بركتى بركة علية ..يالدرام موزه:هههههههههههههههههه.....دواج يا سماوية..لا تخليني الحين أعطي الضو الأخضر لسلامي وتعلمج كيف المصارعة
الحرة ....
نورة:لاااااااااااااا بوي..ماريد أتكسر...أريد حياتي..حرام بعدني ما زوجت أريد السماوي...
موزه:وع ........ونحن نتريا تقولنا شىء ثاني وأونة ظهر وأنا كنت داخلة ولا بعد متخبلة..شفتة شفتة ...ويا هالوية..
نورة:كح....كح..........ههههههههه..بموت من الظحك..عيل شو تبن؟؟....يعني؟؟؟؟..
سلامي:شدرانة بج؟؟؟؟؟؟
نورة...تغمزلهن :لا تخافن بعدين بعد العرس بخبركن كل شىء...
سلامي:هههههههههههههه..أول شىء خلي حد يهظل ويخطبج وبعدين فكري بالعرس...
مى ..تلعب بشعر قصتها:آآآآآآآآآآآآآآآآآآآه ..يعلني فدااااااااااا سعيد ...متى بيي؟؟؟؟؟؟؟..والله إشتقتله واااااايد ...
سلامي:أونة ......وييييييييييييييييه تفاقدت عيدةوسعيدة...
موزه:ههههههههههههههههههههه.......كل وحدة ويا حبيب القلب..
مى...تكلم سلامي:إنتى شعليج الغالي عندج 24 ساعة مب نحن ما نشوفهم
سلامي:واااااااااااع ...سليطين؟؟؟؟؟؟؟ما باه
موزه:ههههههههههههههه...فديت حمد..متى بيي؟؟؟؟؟....والله له وحشة ...
نورة:حظكن أنا ما بشوفه خلاص..
سلامي:وأنا بعد..
نورة:شووووووووووو؟؟؟؟وإنتى شو تبين السماوي؟؟؟؟؟؟؟
موزه:ههههههههههههههههههههههههههههه..ما تعرفن؟؟؟؟
مى:لاااااااااااااااااا شو مستوي من وراي؟؟؟؟؟؟؟
سلامي:ههههههههههههههههههههههه
نورة:لاااااااااااااااا هاي الضحكه وراها شىء........والله لو قلتيلي تحبين السماوي لقصبج يالدبة ..
سلامي:وااااااااااااع ما لقيت غير السماوي ....
موزه:أحم أحم .......أسمة ذ....يا......ب
كلهن إنصدمن وفجن عيونهن وثاميهن..........................:جذااااااااااااااااااااااااااااااااااااااابه
سلامي:ههههههههههههههههههه
مى:وحالج .........كنتي تحبين سلطان شياج؟؟؟؟؟؟
نورة:سلامي شو هالقلب؟؟؟؟؟؟؟؟..
سلامي..سكتت:...........................
موزه:إييييييييييييييه شفيكن على البنية عنلاتكن ..............
نورة .......:سوري...
سلامي..ودموعها في عيونها: إنتن لو بس تعرفن شعوري ولا بس كيف الصدمة إلى يتني ما بتقولن شو هالقلب؟؟..تخيلن تحبن حد وإنتن كنتن تمزحن وياه وآخر شىء يقولج إنتى في درب وهو في درب...وين الحب إلى حبيتة من كنت صغيرة ؟؟؟؟..والله منعرفت سلطان وهو في بالي وخلاص خليتة في عقلي أنة هو ريلي..وآخر شىء يقولي أنا في درب وهو في درب...ليش ؟؟؟؟..أنا شو سويت؟؟؟..عشان بس أن الكورة يت على كوب الجاي ونجب علية؟؟؟؟..هذا السبب التافة يودرني علية ؟؟؟..لو كان صدق يحبني ولا مهتم منى ما قال هالكلام..بس ما ظني يباني..وأنا ما بسير أذل عمري علية والله إلى خالقنة خالق غيرة..بس والله ما جذب
عليكن أن ذياب إنسان غيرر حسيتة صدق إنسان فريد من نوعة..لو بس تشوفن شكلة ولا نظراتة بصدقتني ..مادري دخل قلبي من أول ما شفتة..
موزه:هيه صدق أنا شفتة..طييييييب بشكل ما تخيلن ..
سلامي:صدق والله حبيته ....
الساعة 3:1.....
في السيارة..سعيد فاج الدريشة ويطالع البقعة ..
سعيد:يحافظ عليها مغواها ..
حمد...هو إلى يسوق..ينقع البان:لو مب غاوية ما بسيرلها ..
سعيد:عاد أنت حشة ماحد سار بريطانيا كثرك..عنبوه بعد لو بريطاني ..
حمد:شو أسوي شغلي ..مب منى ...
سعيد: أنا هاي المزرعة وايد عايبتني ....فخاطري أدخلها..
حمد:هاي مالت أمير سعودي ..
سعيد:لا مش أمير سعودي..سمعت مالت واحد مصري ..
حمد: لا مالت امير سعودي ...
سعيد:إشدراك؟؟؟؟
حمد..ينقع البان:يا ولد الحلال عزمنى أنا وحمدان لو ما صدقني أسألة ولو تشوف فليل الحشرة والحفلات والتدقديق ..
سعيد:وشعنة ما عزمتوني؟؟؟؟؟..
حمد:ذيج الأيام عندنا شغل وياه ..فعزمنا على العشا الحين خلاص إنتهى الشغل إلى يربطنا مع بعض ..
سعيد:إنزين شو رايك نسير ونسلم علية ؟؟
حمد:ههههههههههه...ما بتلقاه هو مرات بس إيي المزرعة مب دوم وبعدين مب تعال وهبط المزرعة جيه فيها حراس ولازم هو يعرف عشان يقولهم مب منا والدرب ..
يتبع ,,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك