بداية

رواية الجو بارد وابي حبك يدفيني -5

رواية الجو بارد وابي حبك يدفيني - غرام

رواية الجو بارد وابي حبك يدفيني -5

بالمستشفي
بغرفه فجر دخلت عندها الممرضه وفكت المغذي اللي بيدها
فجر:لو سمحتى
الممرضه:هلا
فجر:وين سلمان
الممرضه:مين سلمان اللي كان عندك
فجر:لا اللي جابني
الممرضه:ايه تزكرت بس هداك اسمو فارس
فجر:فارس
الممرضه:ايه
فجر بخاطرها:يعني انا كنت احلم :اوك ثانكس
طلعت الممرضه وتنهدت فجر
وسندت ظهرها وجلست تفكر
انا لمتى بتم ضعيفه جذيه لمتى
بس انا بنت والبنت بتم ضعيفه
لا بس انا مابكون ضيعفه ابي اكون قويه ومستحيل ارد لبيت خالتي مستحيل ارجع للعذاب مره ثانيه انا وصحت من تفكيرها على صوت وليد:فجرر
فجر ناظرته:وليد
وليد:ياقلبه
فجر صدت:ابي اطلبك طلب
وليد:انتي تامريني امر
فجر:ابي اطلع بشقه
وليد:كيف
فجر:وليد انا مستحيل ارد اعيش عندكم مستحيل
وليد:ليش
ناظرته فجر:تسالني ليش وضحكت وبعدها قالت:تبي تطلعني بشقه والا لا
وليد:ابشري بطلعج بشقه
فجر وقفت :بطلع الحين
وليد:الدكتور سجل لج خروج ورمي جكيته ولبسته فجر
وطلعت وركبت مع وليد واجر لها شقه وليد
ونزلها
شافت فجر الشقه وعجبتها
وليد:انا بروح اجيب اغراضج من البيت
ناظرته فجر ومن جاء يطلع نادته:وليد
التفت وليد:لبيه
قربت فجر وحضنته
وليد انصدم وبنفس الوقت استانس محتاج لها كثير محتاج لحضنها الله فقده من زمان
فجر بهمس:شكرا
وليد وهو يحضنها اكثر:آآآه يااحن مخلوقه
فجرابعدت شوي بس يدين وليد محوطتها:سلامتك من الأه
وليد مسك وجهها بيدينه وباس راسها ونزلت منه دمعه
فجر باست دمعته:الا دموعك ياكل ناسي
وليد حضنها بقوه:احبج
فجر ابتسمت وقلبها يدق بسرعه
وليد ظل حضنها مايقارب نص ساعه شوقه لها كبير
ابعد وابتسم لها:لاتفتحين الباب لاحد انا معاي مفتاح طيب بجيب اغراضج وارد
فجر:طيب
طلع وليد وفجر جلست وتنهد وهي مبسوطه:آآه شكثر احبك ياوليد
...
وليد وصل بيتهم
ودخل واستقبلته امه:وين كنت
وليد:ليش يهمك
ام وليد:وليد تكلم بادب
وليد:يمه انا رايق حدي فا بليز مابي اعكرمزاجي
ام وليد:الحين انا صرت اعكره ياقليل الحياء
وليد:لامحشومه يمه ممكن اروح الحين
ام وليد:وين كنت من امس
وليد:عند فجر
ام وليد:وينها فجر
وليد:تركت البيت وانا جاي اخذ اغراضها
ام وليد بعصبيه:وش هو على كيفها
وليد:وليش مو على كيفها كافي ظلم لفجر يمه
ام وليد عطته كف:انا صرت ظالمه
وليد حط ايده على خده وناظر امه وراح غرفه فجر وطلع اغراضها حطاهم بشنطه واخذ كل شي يخصها بالغرفه
وراح غرفته وطلع كل اغراضه وشالهم
وطلع وامه تناديه طلع ومارد
مشاعل:فكه منه خليه يروح يمه
ام وليد:كله من فجر اخذت ولدي مني
مشاعل:ماعليج منهم يمه فكه منهم
ام وليد تنهدت وماردت
.....
وليد وصل لشقه
طلع ودق الباب وبعده فتحه
فجر طلعت له:هلا وليد وشالت الشنطه منه وناظرت بالشنطه الثانيه اللي معاه:هذي شنو
وليد ابتسم يخفي ضيقته:شنطتي
فجر :هاه ليش لا وليد مايصير تترك البيت عشاني
وليد:ماعلينا انا طلبت فطور الحين بيجي وانا شقتي جنبج
فجر تنهدت:يعني انت جاري
وليد:ايه
واندق الجرس
وليد:هذا الفطور وصل
فتح الباب واخذ الفطور وحطاه على الطاوله:يالله يازوجتي حطي الفطور
استحت فجر من هالكلمه
وحطت الفطور
وجلسو يفطرون بعدها شالت الفطور فجر
وليد وقف وشال شنطته :انا اتركك ترتاحين الحين
وطلع
فجر تحس بسعاده لاتوصف صحيح شك فيها وجرحها بس حبها له اكبر من جرحها
دخلت وانسدحت ونامت بدون لاتحس
وليد دخل غرفته وفرحان
انسدح ونام
<<<<<<<
بالسعوديه
ببيت ابو احمد
طاحت على ظهرها رنيم بالصاله:آآآه تروك حدي تعبت
تركي:ماشفتي شي اسبوع كامل بتظلين تدلكيني
رنيم:تبطي
جلس تركي:عيدي شقلتي
رنيم:قلت ابشر
تركي:احسب قومي انقلعي
رنيم قامت وتحرك ايدينها اللي تعورها
راحت الغرفه وانسدحت
اشواق:اطلق سبيلك تريك
رنيم:وجع بعينه ايديني تعورني
ديانا:حقك واقل من حقك بعد
رنيم:اسكتي بس
اشواق:اجل في وحده تحط لاخوها بفراشه قريص وتاكل جسمه الحكه
رنيم:غشمره
ديانا:مالت على كذا غشمره
رنيم:الحين انتم شدخلكم ومسكت جزمتها ورمتها على ديانا ونزلت راسها وبصراخ:هيه انتي ياخبله
رنيم رمت الجزمه الثانيه على اشواق
صرخو ديانا واشواق
وطلع يركضون وصراخ ورنيم تشيل كل شي قدامها وترميهم وشالت جزمه تركي ورمته وجات ببطن ابوها
وقفت رنيم وباين الصدمه على وجهها:يبه
ابو احمد ماسك بطنه:شعندك ماشيه رمى بالنعال
رنيم:يبه ماقصدت انا اسفه
ديانا واشواق طايحين بالارض من الضحك
رنيم تناظرهم وودها تصفقهم بس مفتشله من ابوها
ابو احمد قرب لرنيم وقرص اذنها على خفيف:متى بتعقلين
وراح
رنيم نطت على خواتها وجلسو مكافخ
بعدها جلسو وفقعو ضحك
دخل تريك شافهم بالارض وباين كانت فيه معركه:شفيكم
ديانا غمزت لرنيم
وسحبت ايده رنيم وجلسو هواش معاه
تركي فاطس ضحك
اشواق:بسكم هدوه
تركوه ديانا ورنيم وجلسو كلهم ضحك
قامو دخلو غرفهم وهم ضحك
<<<<<<<
ببيت ابو ناصر
امجاد حاطه ماي حار وملح وحاطه ايدينها فيها
ضاري:لستك ماشفتي شي
امجاد:اقول لاتهايط
ضاري مسك اذنها:اقول اثبري ولاتنسين البر
امجاد:زين فهمت
ضاري:غصبن عنك
دخلت هيام وضحكت:واي امجاد طحتي بيد ضاري وماحد سمى عليك
العنود وهي داخله:تستاهل
امجاد نفضت ايدينها:وبعدين
ضاري:لايكثر خليهم يقولون اللي يبون
هيام:فديتك ضاري
العنود:شينه وقوات عينه
وقفت امجاد وشالت الصحن اللي كانت حاطه ايدينها فيه وكبته على هيام والعنود اللي كانو جالسين جنب بعض
شهقت هيام:امجادوه
العنود:يالتافهه
وضاري فاطس ضحك
طلعت تركض امجاد والعنود وهيام وراها
وصدمت بفهد وتخبت وراه:فهيد خبيني
هيام سحبت فهد والعنود مسكت امجاد وتركت هيام فهد وجلسو طق بامجاد وفهد فاطس ضحك
بعدها انسدحو كلهم واصوات ضحكاتهم عاليه
<<<<<<<
ببيت ام نواف
بغرفه نواف ونور
نواف:نور طولتي
نور طلعت:كاني ييت
نواف جلس يناظرها بالساري وشعرها المفتوح ومسوي نفس لهنديات وذاب
قرب لها وحط ايده على بطنها:وش هالحلا
نور استحت ونزلت راسها
رفع راسها نواف:حياك يزيد حلاك وباس شفايفها
نور بخجل:احبك
نواف شالها:وانا اموت فيج ودار فيها
وفتح الباب
نور:نزلني نواف
نواف:لا
وطلع فيها لصاله عند امه
ام نواف:هلا
نواف:هلا فيك يالغلا
نور بهمس:نزلني نواف
نواف:لا
ام نواف:نزل البنت
نواف:يمه ابيها بحضني انا
نور حمر وجهها
ام نواف:استح مو قدامي هالكلام
ضحك نواف:انشالله
ونزلها
ام نواف:ارحم البنت شوي بس ملابسها هالملابس
نور:بعد ياخالتي يقول لي ارقص نفسهم
ام نواف:ههههه جننوك هالهنود
نواف:زوجتي ولازم تحقق رغباتي
نور باست خده:انا كلي تحت امرك
ام نواف:لاتنسون انفسكم
نواف ونور ضحكو وجلسو يسولفون شوي بعدها راحو غرفتهم
ام نواف تنهدت لان احلى شي بحياتها ويسعدها شوفه نواف وزوجته
والا ابو نواف مايجلس معاهم ابد
ومحمد كله برا البيت او نايم
وحنين اسواق ونت وبغرفتها

بغرفه محمد اتصل بصديقه:حاتم انا تعبان ابي حبوب
حاتم:ماعندي خلصو
محمد:تكفي حاتم انا تعبان كم تبي انا بدفع لك
حاتم:قلت لك ماعندي من وين اجيب لك
محمد يشد براسه:حاتم قلت لك ابي لحبوب والا ببلغ عنك
حاتم:نتقابل بعد نص ساعه عند......
محمد:اوك وقفل وطلع مثل المجنون
وانتهى البارات
توقعاتكم
فجر وليد؟وام وليد بتسكت على سالفه الشقه؟
ضاري وتركي؟
رنيم وامجاد والعقاب اللي جاهم اسبوع بيتحملونه والا بيردونه لهم؟
نواف ونور حبهم بيدوم؟
محمد وهالحبوب اللي ياخذهم؟
تتوقعون حاتم بيعطيها لحبوب؟

الباراااااات السابع

ببيت ام نواف
بغرفه محمد اتصل بصديقه:حاتم انا تعبان ابي حبوب
حاتم:ماعندي خلصو
محمد:تكفي حاتم انا تعبان كم تبي انا بدفع لك
حاتم:قلت لك ماعندي من وين اجيب لك
محمد يشد براسه:حاتم قلت لك ابي لحبوب والا ببلغ عنك
حاتم:نتقابل بعد نص ساعه عند......
محمد:اوك وقفل وطلع مثل المجنون
شافته امه وشافته كيف يركض وطاح عند الباب وقام يركض
حست ولدها فيه شي مو طبيعي
اخذت نفس ودخلت غرفتها
.........
محمد وصل للمكان اللي اتفقو عليه
نزل محمد وشاف حاتم
قرب له
حاتم:اسمع يامحمد الحبوب خلصت وماعندي الا بودره شم
محمد:مو مشكله المهم ارتاح
حاتم:هات الفلوس
محمد عطاه الفلوس واخذ الكيس منه
وركب سيارته وحط على ايده
وشمه واخذ نفس ونزل مرتبته واستند عليها وجلس يضحك بهستريا
وشغل سيارته ووصل البيت نزل وهو يترنح ويضحك
دخل غرفته وطاح على سريره:آآه يااشواق ونام
<<<<<<<
بالكويت
ببيت ام وليد
صحت ام وليد وطلعت ناظرت الطاوله زفرت:كنتي مريحتنا كثير يافجر
جهزت الفطور وراحت تصحى مشاعل
طلعت مشاعل وجلسو على الفطور
ام وليد:ترا البيت بيصير شغله عليك
مشاعل:لاوالله انا شدخلني اسفه يمه
ام وليد:قومي انقلعي غرفتك
مشاعل قامت :اوف
وراحت غرفتها
ام وليد:طيب يافجر صبرك طلعتي من البيت عشان تفتكين من الشغل لكن صبرك
...بجهه ثانيه
بالشقه فجر صحت ولبست وجهزت للدوام وجهزت فطور خفيف من الاغراض اللي جابهم وليد امس
وشالته
وفتحت باب شقتها وطلعت دقت باب شقه وليد
وفتح وليد وكان لابس شورت وصدره طالع وينشف شعره بالمنشفه
فجر نزلت راسها
ضحك وليد:دشي
دخلت فجر
ولبس بلوزته وليد وجلس جنبها:فديتج
فجر ابتسمت وافطرو
بعدها قامت فجر:انا بيب شنطتي وارد عشان نروح للمدرسه
وليد:اوكي انطرك
طلعت بسرعه فجر لغرفتها
اخذت شنطتها
وحطت عطر على خفيف ومسكه صغنونه بشعرها القصير وطلعت
وليد مد ايده ومسك ايدها وطلعو
ركبت فجر وركب وليد جنبها شغل السياره
ولبس نظارته بشورته البني الفاتح وبلوزته البيضاء كان يجنن وفجر كانت منجنه عليه
ومن وصلو نزلت
نادها وليد قبل تدخل:فجر
لفت فجر
وارسل لها بوسه بالهواء استحت فجر ودخلت ابتسم وليد وحرك
<<<<<<<<
بالسعوديه
ببيت ابو احمد
الكل جلسو وافطرو
وابو احمد راح الشركه
رنيم راحت المدرسه
وديانا واشواق راحو سوا لمدرستهم
وتركي راح الجامعه
وام احمد راحت لجارتها
...
ببيت ابو ناصر
هيام راحت كليتها
وامجاد راحت مدرستها
والعنود نفس الشي
وضاري راح للجامعه
وفهد راح الكليه
وابو ناصر راح الشركه
وجلست ام ناصر ترتب البيت
بعدها رجعت غرفتها ونامت
...
ببيت ام نواف
صحت ام نواف وشافت ابو نواف دخل الغرفه ويفتش بالدولاب
ام نواف:وش تدور
ابو نواف:اورقي وين
قامت ام نواف وطلعتهم له اخذهم وبيطلع
ام نواف نادته:ابو نواف
ابو نواف:هلا
ام نواف:بس هذي حياتك شغل بشغل احنا مالنا حق عليك
ابو نواف:كم مره اقولك الامور التافهه ذي لاتناقشيني فيها واظن انا موفر لكم كل شي شتبون اكثر
ام نواف:نبيك انت نبي وجودك معنا
ابو نواف:اتركي عنك كلام المسلسلات وطلع
جلست ام نواف على سريرها:ياربي متى يلتفت لنا هالرجال
وقامت بدلت وطلعت
راحت غرفه حنين شافتها جالسه على النت
ام نواف:طفي هالزفت والحقيني
حنين :ماما انا مشغوله
ام نواف:سمعتي وش قلت والا اعيد
حنين :سمعت
ام نواف:بسرعه طفيه والحقيني
حنين طفته وطلعت لصاله
ام نواف
راحت غرفه محمد
شافته توه طالع من الحمام<<وانتو بكرامه
ابتسم محمد:هلا هلا بالغاليه
ام نواف:الفطور جاهز لاتاخر
محمد:لستك زعلانه يمه
ام نواف:ماظن يهمك زعلي لو يهمك ماتمد ايدك على بنت عمك
محمد مسك ايد امه وجلسها جنبه:يمه احبها وربي احبها ابيها يمه
ام نواف:اللي يحب يسوي جذيه
محمد:اشواق خلتني افقد اعصابي يمه اخطبيها لي تكفين يمه
ام نواف:تحسبها عقب سواتك فيها بتوافق
محمد:حاولي يمه اشواق لو ماكانت لي مابخليها لغيري
ام نواف وقفت:يصير خير
قام محمد مع امه وطلعو وجلسو مع حنين على الفطور
بعد الفطور
حنين رجعت غرفتها
ومحمد طلع
ونواف طلع لشغل
ونزلت نور عند ام نواف وجلسو يسولفون
.....
بشركه ابو ناصر
جاه اتصل:الو استاذ ابو ناصر
ابو ناصر:هلا
........استاذ ابو ناصر مناقصتنا تحولت لشركه.........وصاحب الشركه طالب يشوفك
ابو ناصر:اوكي نص ساعه وانا عنده
قفل واخذ مفتاحه وطلع
ركب سيارته وحرك اول ماوصل الشركه
حس بكتمه دخل وسال عن مكتب صاحب الشركه
وقالو له
راح وشاف السكرتير
السكرتير:اهلين ابو ناصر
ابو ناصر:اقدر ادخل
السكرتير:اكيد تفضل
دق الباب ابو ناصر بعدها دخل
:السلام عليكم
........اهلين وعليكم السلام تفضل
ابو ناصر جلس:اقدر اعرف انت من ووش تبي تنافسنا بالصفقات وتسحبها
.هههههه معاك طارق ال........وش ابي الدنيا يابو ناصر تجارب والشاطر اللي يلعبها صح
ابو ناصر:واضح كلامك اكثر
طارق:انا عارف انك لو خسرت هالصفقه بتخسر كلش وبتفلس
ابوناصر:المقصود من هالكلام كله
طارق:المقصود انا مستعد اترك لك هالصفقه لكن بشرط
ابو ناصر:وش هالشرط
طارق:تزوجني بنتك
انصدم ابو ناصر:شقلت
طارق حط رجل على رجل:هذا شرطي تزوجني بنتك
ابو ناصر:انت تساوم سعاده بنتي بالصفقه
طارق:وانا شطالب طالب الزواج من بنتك
ابو ناصر:انت ماجيت مثل الناس وطلبتها انت تساومها
طارق:مساومه او خطبه نفس الشي فكر بمستقبل عيالك زين ورد لي خبر
ابو ناصر وقف:القرار اول وتالي لبنتي
طارق:ابو ناصر انا طالب بنتك العنود
حس بدوخه ابو ناصر بنته بثاني ثاني تنخطب قبل الكبيره
طلع من المكتب مهموم شلون يكلمها ويفهمها ان مصيرهم متعلق بهالصفقه
ركب سيارته وحرك للبيت
وقال لأم ناصر اللي زاد همها اكثر واكثر

بعرفكم بطارق شوي
شخصيه كبيره وغنى ومعروف بالسوق وحلو جميل حيل
قوى ومتزوج ومطلق
وعنده اخت وحده
وعمته هي اللي ربته لانه يتيم
<<<<<
ببيت احمد
اميره جالسه تطبخ
واسماء ورائد عندها
وحايسينها
رائد:ماما
اميره التفتت عليه:نعم ياماما
رائد:ابي اكل
اميره:انتظر شوي
رائد:جوعان
اميره:بس شوي
اسماء:انا ثاتره انتذلت<<شاطره انتظرت
اميره:ايه شطوره
ولفت اميره تشوف الاكل
وماحست الا بالحضن الدافئ اللي متعوده عليه
التفتت اميره:احمد
احمد:عيونه وقلبه وروحه وحياته وكل دنياه
اميره استحت
احمد باس خدها
اميره:احمد لعيال
احمد:شسويت بس بست خدك مابعد تهورت
حمر وجه اميره ولفت عنه
ضحك احمد وجلس جنب عياله
اميره حطت الاكل وحطته على الطاوله
احمد:ريحه الاكل تدوخ كيف طمعه
اميره ابتسمت
وجلسو ويتغدو بعدها طلعو لصاله اسماء ورائد
وشالت الصحون اميره وشافت احمد يشيل معها:احمد شتسوي
احمد:اساعد فيها شي
اميره ابتسمت: لا بس البس هذا
اخذه منها احمد ولبسه
وقفت عند المغسله وفتحت الماي وحطت صابون وجلست تغسل بالصحون
وقف احمد جنبها وفتح الماي وجلس يشطفهم عن الصابون ويحطهم بالسله
اميره:احمد
احمد:اشش
سكتت اميره وجلسو يغسلون سوا ومن خلصو طلعو لعيالهم سوا
<<<<<<<<<
بالكويت الظهر
وليد راح لفجر المدرسه
ركبت فجر:السلام
وليد:وعليكم السلام
فجر ابتسمت
وليد:اشتقت لج
فجر:وانا بعد
وليد:فديتج الحين نروح الشقه تبدلين بسرعه لاني عزمج على الغداء
فجر:انشالله
وصلو الشقه ونزلو
دخلت فجر شقتها
ولبست بنطلون ابيض برموده
وبلوزه كات سماويه وجاكيت ابيض
وتعطرت وحطت روج خفيف
وطلعت
شافت وليد ينتظرها برا
وليد من شافها انسحر وقرب لها:ماقدر على هالاناقه والجمال
فجر توردت خدودها
وليد مسك ايدها وقرب وباس خدها وهو وشم ريحه عطرها اللي يحبها وابتسم وطلعو
ركبو السياره
ووصلو المطعم ونزلو
دخلو وجلسو
وطلب وليد غداء وتغدو بعد الغداء قامو
وركبو السياره
وقفو عند البحر
نزلت فجر وناظرت البحر
وليد قرب لها

يتبع ,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -