رواية اضحك وانا في داخلي مجروح -6
احمد : لا ماحبه هالسم وبعد تعالي داخل ولا يلسي برووحج انا ورااي دواام
الريم : هههه حتى انا انزين وراي كولج
احمد : انزين يلا قومي
الريم : خلاص خلصت اصبر شويه
كملت كم خاشووقه وسرت وياه فوق حطيت راسي ورقدت
اليوووم الي عقبهـ قمت وسرت الكوولج ويوم رديت الظهر قالتلي امايه انهم اليوم بيظهرووون بيسيروون السوق قلتلها توعيني يوم يـأذن المغرب وسرت رقدت
.................................................. ............
المكان : بيت بو احمد
الساعه : 3 ونص
امل
.................................................. ..............
كنت يالسه ملانه ماعندي شي اسويه شليت فون البيت واتصلت حق ربيعتي نوف ويلست اسوولف وياها ويوم اذن العصر بنتدت سرت اصلي وعقب يلست اقراآ قرآن وعقب مليت ماعرف شو اسوي طحـت عالشبريه وانا افكـر المدرسه مابقا عنهاآ شي وانا داشه علمي هاي اخر سنه لازم اشد حيلي واييب نسبه عسب ادش التخصص الي ابااهـ ... هايييج الساعه يأ فبالي شخص دمعت عيني وانا دوم اذكره يقولي انتي دكتوورتي لازم ماخيب ظنه فيني بدخل طب وبدرس وبجتهد كله عسبه عسب ماخيب ظنه فيني قمت من ع السريير وسرت الحمام وغسلت ويهي سرت تحت جفت البيت فاضي اتذكرت عبود اخوي احس من زمان ماجفته سرت صوب غرفته جفته يلعب بلي ستشين
امل : عبود شو تسوي
عبود: ماشي العب بلي ستيشن تعالي العبي ويايه
كسر خاطري اخوي هوه اصغر واحد ووحيد محد كبره دوم نحنا البناات بعيد عنه واحمد كبير يعني ماينفع ف هوه دوم ف بيت خالي عند راشد
سرت العب وياه وعقب ساعه جي تعبت ومليت مابقى شي ع الاذان طلعت عنه سرت وعيت احمد والريم وسرت اتسبحت ونزلت تحت كان توه مأذن ....
فطرنا وعقب الفطور يلست اطالع شعبيه الكرتون وعقب يتني ريم تقولي ان بنسير نخلص اغراضنا حق العيد تذكرت ان العيد مابقى شي عن سبحان الله رمضان طااف بسرعهـ....
<عقب 3 ايام من الاحداث الساابقه .
.................................................. ............
المكان : بيت بو احمد
الساعه : 7 ونص المغرب
الريم
.................................................. ...............
اليوم بدت اجازه العيد طلعنا من البيت سرنا الصالوون قصيت شعري مدرج ع طووله وقصيت قصتي بعد مدرج كنت ابا اصبغ شعري بس امي ماطاعت اونه يخرب الشعر وماعرف شو الهم وامول بعد قصت شعرها قرادي وقصتها بعد طلع شكلها ستاايل احسه مناسب عليها
الريم : الله شكلج نايس
امل : عيوونج هع انتي بعد شكلج حلوووؤؤو
الريم : صدق ولا تحسين مب مبين
امل : لا لا كشخه شكلج طالع وااو
الريم: يسلموؤوؤؤ ؤ
وعقب طلعنا من الصالون ردينا البيت
.................................................. ...............
المكان : سياره حميد
الساعه : 9 ونص
حميد
.................................................. ...............
توني طالع من الخياط ماخذ كناديري مال العيد وسرت فريتهم عند الدووبي عسب يغسلهم ويكويهن وعقب سرت صوب السوق اشتريلي غتر واغرااض خلصت اغراضي ويلست ادور ف السياره ملان ماشي شغل شويه شويه واتصل فيه احمد
رديت عليه : مرحبآ ...
احمد : مراحب
حميد : شحالك
احمد : بخير وانت
حميد : بخير دامك بخير
احمد : انت وين؟
حميد : والله يالسه اتفرفر من شارع لي شارع ملان ماشي شغل
احمد : اوكي بنتلاقى
حميد : اوك باي
بندت عنه وسرت المكان الي دوم نتلاقى فيه
.................................................. ...............
المكان : بيت بو احمد
الساعه: 10 ونص
امل
واقفه جدام المنظره اطاالع شكلي اممم اوكي انا عايبني ورا باجر عيد ميلادي بدخل ال17 اممم ياليتني ارجع صغيره ..
ولا ياليته ويااي استغفر الله الله لااعتراض اه اليوم بيكمل 3 سنوات اليوم تاريخ 12 . 9 الله يرحمه ويخمد روحه الجنه امممـ تبون تعرفون منو الي ارمس عنه الله يسلمكم هاذا ولد عمي اخوؤ هند وخليفه متوفي من 3 سنوات ... كنت وايد اعزه او قول كنت احـبهـ.. اآآه الله يرحمه تذكرت يوم وفاته كنت يالسه مستانسه ارمس ربيعاتي ع المسن وكنت اشتكي من ايميل واحد يظفيني دوم ويلعوزني فجاه انقبض قلبي بندت المسن وسرت تحت اجوف شو السالفه وانا نازله جفت احمد ياي وحالته حالت سرت عنده
امل : احمد احمد بلاك شو مستوي
احمد : ماشي
امل : شو ماشي احمد الله يخليييك شو السالفه شو مستوي
احمد : خالد
انقبض قلبي من قال خالد
امل : شو فيييه خااااااااااااااااالد
احمد : عطااج عمره
حسيت ان جسمي انشله ماعدت احس بشي احس بشي مااقدر اوصفه
احمد : بلاج ساكته
امل رديت عليه وانا ماعرف شو اقول : ماشي
ركضت فوق غرفتي قفلت البااب وطحت ع السرير احــــس اني مب مصدقه كيييييييييييييييف .... اتذكرت اخر مره جفته فيها كان يبتسم لي وقتها انا طرت من الفرحه .. اتذكر اني الاسبوع الي طاف جفته مرتيين ويوومين ورا بعض .. الحين يعني مابجووفه احس اني بعدني مصدوومه مرت كل الموااقف الي كانت وياه جدامي يوم كنت صغيره ودوووم يدافع عني يوم كان يقوولي انتي دكتووووورتي .. معقوووله كل شي رااح رااح هااايييج السااعه نزلت دمووووعي حسيييييت اني بموت
اخخخ الهم اني لااسألك رد القضى لاكن اسألك اللطف فيه
تمييت فتره ع هالحاله يمكن ساعتين ماحسيت بحالي الا الساعه 12 قمت وطلعت من غرفتي كنت ساعاتها اتمنى الي صاار يكوون حــلمـ ... نزلت تحـت جفت الصاله فااضيه والتيفلزيون يشتغل ع قنات المجد قران رديت ركبت فوق ابا حد يقوولي صدق ولا انا حلماانه.. رحت غرفت ريم جفتها يالسه تقرا قراان وتصيح
امل :ريمو شوفيج تصيحين ؟
الريم وهيه تصيح: ليش ماتدرين خالد ولد عمي توفى اليوم المغرب
هايييج السااعه عرفت انه هاذا هب حلم هاي حقيقه ..حقيقه
نفضت ها الافكار ومسحت دمووعي سرت خذتلي شور وانا صدري ضاايق لهذكرى
طلعت من الحمام نشفت شعري وحطيييت راسي ورقدت
.................................................. ...............
المكان : بيت يدووه
الساعه: 9 ونص
الريم
.................................................. ...............
كنت يالسه اسولف ويا ميره قامت امول اونها تبا تشرب ماي احسها اليوم مب طبيعيه من الصبح وهند لين الحين مايت
جفت ميرووه عفدت صووبي مره وحده
ميره : اقووووووووووول ريموو الحقي
الريم : بسم الله شو مستوي؟
ميره : محمد ؟؟
الريم : ماات
جان تظربني ع ظهري
الريم : اااااااااااي
ميره : بسم الله عليه ف عدويينه
الريم : انزيين ماقلتيلي بلاه
ميره : يباا يخطبني
الريم : حلفي كلوولولووش بيستوي عندنا عرس
ميره : هيه تضربني ع راسي بخفيف : جب فضحتيني
الريم : ليش انتي ماتبين ؟
ميره : ماعرف بس احس اني هب مستعده بس هوه يقولي اونه عادي انا عمري 20 وانتي 23
الريم : هييه والله صدقه
ميره : زين غيري السالفه اكي امول يت ويا هند
شوييه ويت امول ويا هند...
هند : السلااااام عليكمـ ....
: علييييكم السلام
هند : شحالااتكمـ . ؟
امول : بخيراااتكم ...
ويلسنا نسوووولف ونخطط حق العييد
وعقب رديينا البيت سرت اتصلت ف احمد لاني ابااه ف سالفه وعقب تسبحت ويوم طلعت من الحماام سرت عند امول
.................................................. ...............
المكان : بيت بو احمد
الساعه: 12 بالضبط
امل
.................................................. ...............
كنت يالسه ع المنتدى والمسن من استوت الساعه 12 ربيعاتي وبنات عمي كلهم يهنووني وجفت ف المنتدى كم عضو منزلييين موااضيع عسب عيد ميلادي انا وامون استاانست بصراحه ان في حد ذكرني عقب شويه دخلت عليه ريمو باستني ع خدي وقالتلي : كل عام وانتي بخير وعقباال اميت الف سنه
امل : وانتي بخير حبيبتي
وعقب شويه يابتلي الفون
امل :منوو ؟
الريم : ارمسي وبتعرفين منووؤو
امل : الو
احمد : مرحبا
امل : هلا احمد مرحبتين
احمد: كل عام وانتي بخير عقبال مليون سنه
امل : وانت بخير الغاالي
احمد : يلا عيل انا بخلييج
امل : اوكي باي
.................................................. ..............
المكان : سيااره احمد
الساعه : 12 :14
احمد
.................................................. .............
بندت عن امول وصديت ع خليفه جفته يطالعني
احمد : بلاك
خليفه : منو كنت ترمس ؟
احمد : حرمتي
خليفه : لا لا صدق منوو ؟
احمد: امول اختي اليوم عيد مييلادها
خليفه : اهاا... يلا رد صوب البيت
احمد : اوكي
وديته صوب بيتهم وروحت انا صوب بيتنا دخلت البيت كان هدووووووووء سرت فوووق جفت حجره ريموووو الليت يشتغل دخلت الغرفه جفتها يالسه وترمس ف الفون
احمد : ميرووه منو ترمسين
الريم: لحظه شويه ميروه .... احمد انت يييت .. ارمس ميره بنت عمي
احمد :اها اوكي عيل تصبحين ع خـير
الريم: وانت من اهله
طلعت عنها وسرت غرفتي ارقد
اليووووم الي عقبـهـ....
نشيت ع الساااااااعه 11 سرت اتسحبت وتلبست وونزلت تحت
جفت اماااااااايه وامووول ف الصااله
احمد : السلام
: وعليكم السلام
احمد: وين ابويه عيل
اامايه : سار يتلبس حق الصلاه
احمد : وعبوود وينه
امايه: بيت خالك
احمد : وهو دوومه هناك عيب
امايه : لا هم يبووونه وبعد انت شو تباابه خله يستاانس باجر الاجازه بتخلص
شويه ويا ابويه وسرنا المسيد
.................................................. ..............
المكان: بيت بو حميد
الساعه : 12ونص
مــيره .
.................................................. ...............
صليت الظهر ويلست اقرآ قرآن اليوم ختمت القرآن للمره الثانيه ف رمضاان .. شليت فوني واتصلت ف الريم ..
الريم : الو
ميره : ريموووو لين الحيين راقده نشي صلي
الريم : جي السااعه كمـ
ميره : شويه وبتي وحده
الريم : اوكي الحين بقوم
ميره : اوك باي
الريم : باي
بندت عنها وسرت برع نزلت تحت وانا خاطري ارمس ابويه ف موضووع ابا انتقل من هالجامعه مليت منها
جفت ابويه وامي وحميد ف الصاله
ميره : السلام عليكمـ ...
: عليكم السلام
اماايه : ميره توج ناشه
ميره : لا امي من مساعه صليت ويلست اقرا قران
امايه : هيييه زين
ميره : ابوويه ابا اقولك شي
بو حميد : شو بغيتي
ميره : ابا انتقل من الجاامعه
رمس حميد الي ساكت من يلست
حميد : وين تبين تسيرين ؟
ميره : ابا اسير الكليه وياريم بنت عمي
بو حميد : لا لا شو يودييج وبعدين انتي بديتي السنه وبعد ليش خلج التووفل وخذتييه لا لا تمي ف جامعتج اجرب لج بعد
ميره وهييه مبووزه : امممم اوكي خلاص
افف الصراحه انقهرت شو ها محد يحس فيه انا تعباانه ف هالجاامعه افف بس شو نسوي الشكوى لله
.................................................. ...............
المكان : بيت بو احمد
الساعه : 1
الريم
.................................................. ...............
صليت الظهر وقريتلي شوي قران وطلعت من غرفتيه سرت صوب غرفه احمد .... دقيت البااب
تق تق تق
احمد : تفضل
الريم : هلا احمد صبااح الخير
احمد : صبااح النور
الريم :احمد بغيت اسألك شو سويت ع الي قلتلك عليه
احمد : قلتلهم يجهزوونه وع العصر بسير ايييبه
الريم : اوك ومشكوره تعبتك ويايه
احمد : تعبج راحه الغلاآ
طلعت عنه وسرت تحت جفت الصااله فااااااضيه طلعت برع قلت خلني اسير اسوي كيكه ولا شي
.................................................. ...............
المكان: بيت بو حميد
الساعه : 2 الظهر
حمــــيـد
.................................................. ...............
كنت منسدح عالفراش ابا ارقد بس ماياني رقااد يلست افكر فيهـآآآآآآآ امممم مادري بلايه من جفتها وانا موول مااقدر اشلها من بالي افف قمت وشغلت اللييت ييلست اقرا قراان شويه ورن فوني جفت الرقم جاان افففف هاي ماملت وهييه تتصل ماتستحي ع ويها حشى شي ناس ماشي كراامهـ ...
حطيت فووني ع السااايلنت
.................................................. ...............
المكان : بيت بو احمد
الساعه : 7 ونص المغرب
امل
.................................................. ...............
كنت يالسه اطاالع شعبيه الكرتون يتني ريمو جان تقوولي تعالي غرفه الطعاام عاد اناا استغربت سرت صوب غرفه الطعام جفت الليتاات مبنده ووااول مادشيت فرووو عليه هاذا مال الاورااق ويلسو يغنوون هبي بيرث دي تو يو وعقب بت امي سلمت عليه وابويه وقالولي كل عام وانتي بخير وودوني صوب الكيكه وخلووني انفخ ع الشموووع وعقب اماايه قطعت الكيييكه وكليناها وكل واحد سااار فدربه
امل : اقول ريمووو ابا ارمس امون
الريم : دقيلها ع فونها
امل : اوك سرت صوووووووووووووب الفون واتصلت ف امون
امون : الو
امل : مرحبا الساع
امون : مرااحب
امل : كل عام وانتي بخير
امون : وانتي بخير الغلا وانتي بعد كل عام وانتي بخير
امل : وانتي بخير فديتج
امون : شحالج
امل : والله تمام وانتي
اامون : تمامووؤوؤو
يلست اسولف ويا ها شويه وسرت فوق يلست ع النت
.................................................. .....
المكان : سياره احمد
الساعه : 10 ونص
احمد
.................................................. ............
توني طالع من الخياط يايب كناديري عسب العيد ورا باجر سرت
سرت ووديتهم الدوووبي وعقب سرت اخذلي اغراض ناقصتني
عقب يا فخاطري ماك سرت هناك جفت زحمه جان ارد البيت
دخلت البيت دخلت دااخل وسرت فوق الصاله الي فوق جفت ريمو واملوو يطالعوون مسلسل
احمد : السلام علييييييكـم...
: علـيكم السلام
احمد : شو تسوووون ؟
امل : نطالع مسلسل
احمد : وين قوم امايه
امل : طلعو
احمد :جهزتوووو حق العيد
امل : هيه اقول احمد ابا اسير فواله
احمد : ليش؟
امل : لاني ابا اشتري شي و بوديه بيت يدوه يوم العيد
احمد :اوكي نشوو بنسير الحين
الريم: اوكي
سارو يتلبسوون وانا سرت تحت اترياهم
.................................................. ...........
المكان: بيت بو حميد
الساعه : 12 فليل
ميـره..
.................................................. .............
توني طالعه من الحمام متسبحه طحت ع السرير كنت ابا ارقد بس ماياني رقااد طلعت برع غرفتي جفت حميد توه ياي يلست اسولف وياه شويه وعقب سرت غرفتي فجيت الاب دخلت المسن جفت ربيعتي يلست اسولف وياها شويه وعقب بنت الاب وسرت ارقد
.................................................. .............
المكان: بيت بو احمد
الساعه : 11 ونص
امل
.................................................. .............
نشيت وانا احس بنشااط ومستانسه سرت تسبحت وقريتلي شويه قرآن اليوم ختمت القررااان وعقب نزلت تحت ماجفت حد اكيد امايه طالعه سايره تتشرى فواله حق العييد مع ان محد اييينا بس بعد يمكن حد ولا شي المهم سرت فوق ووعيت ريمو دخلت غرفه احمد جفته محد وسرت غرفه عبود جفته راقد قلت ماعليه خليه راقد المهم عقب سرت غرفه ريمو جفتها توها طالعه من الحماام
امل : ريمووو انا فرحانه باجر العيد هع هع
الريم : هيييه كششخه
امل : كيف بتسوين شعرج بتفتحييينه ؟
الريم : لاتعرفين ان مب حلو عليه يوم افتحه بسوي بف
امل : انا بهده من ورا وبسوي بف من جدام
الريم : هييه كشخه انا بسير اظهر عبااتي والمخوره خل تكويهم البشكاره
امل : اوكي حتى انا
سرنا وودينا ثيابنا تحت وعقب ردينا فوق وطلعنا اغرااضنا وعقب يو قوم اميه يلسنا وياهم شويه وعقب سرت فوق يلست ع المنتدى حطيييت توقيع حق العيد ويلست اهني الاعضااء مقدماً هع وعقب طلعت اغراضي الباجيه واتصلت ف نوف سولفت وياها شويه وعقب اذن المغرب بندت عنها وسرت اصلي وفطرنا ويلست اطالع التلفزيون و عقب قلت بدق حق ربيعته شمو من زمان مارمستها و
عقب سرت سويت المدخن ودخنت عباتي وثيابي ووثياب الريم
.................................................. ...............
المكان : سياره احمد
الساعه : 9ونص
احمد
.................................................. ...............
توني مار ع حميد بسير وياه الحلاق نتحلق حق العيد باجر
سرنا نتحلق ونحنا طالعين
حميد : احمد اذا ماعليك امر مر صوب الدووبي بخذ كناديري
احمد : اوكي اي دووبي ؟
حميد : الي صوب......
احمد : هيييه عرفته انا بعد مودي كناديري هناك
حميد :زين عيل مره وحده بنييبهم
احمد: الا بتخبرك شحال سعيد ....
حميد: بخيرر الله يسلمك من زمان مارمسته مادري وينه
احمد: هيييه زين باجر بتصل فيه عسب العيد
حميد: خلوووف وين دااره ؟
احمد : مادري عنه من سبوع ماله حس مايتصل وايد
حميد : هههه حليله اتصل فيه جوفه وين
احمد : اوكي
اتصلت فيه مارد عليه
احمد: مايرد مادري وينه
عقب سرنا خذنا كناديرنا ورديته البيت وانا رديت البيت ارقد عسب باجر انش من وقت
.................................................. ..............
المكان :بيت بو حميد
الساعه : 10 فليل
مـيـرهـ..
.................................................. ...............
بندت الاب وسرت فتحت كبتي طلعت ثيابي مال باجر وعبااتي وحطييتهم ع السرير وسرت لبقت الدخون ويييت دخنتهم وعقب رديت غرفتي بدلة ثيااابي ورقدت عسب انش من وقت ..
.................................................. ...............
المكان : بيت بو احمد
الساعه : 7 الصبح
امل
.................................................. ...............
فتحت عيني بكسل ع صوت المنبه ييت بسكره جان اذكـر اوي اليوم العيد نشيت بسرعه وبندت المنبه وسرت خذتلي شور وعقب لبست ثياابي وطلعت برع جفت ابويه توه ياي من صلاه العيد سرت سلمت عليه
: عيدك مباااارك ابويه
بو احمد : الله يباارك فيج عسااج من العايدين والسالمين
وعقب دشت امي سرت سلمت عليها وباركتلها بالعيد ونزلت تحت جفت احمد بعد سلمت عليه وسرت غرفه ريمو جفتها توها طالعه من الحمام
الريم : واو امووول كششخه المخور عليج
امل : احم احمـ يسلمؤ من ذوووقج يلا انتي بعد لبسي بجوف كيف شكلج
الريم : اوكي
وعقب طلعت عنها وسرت غرفتي سشورت شعري وعدلته ولبست الاكسسورات وتعطرت ونزلت تحت سمعت الجرس يرن شكله في يهال يااين ياخذون عيديه طرشت الخدامه تجوف طلعت قوم يرانا ياايين يسلمون دخلت الحرمه وسلمت عليها وسرت زقرت امي وريمو ويييت يلست وياها وعقب شويه سارت انا سرت فوق سوييييت دخوون ودخنت البيت وخلصت كل اشغالي سرت تجحلت وحطييت شدوو خفييف وحطيت قلووس ..
.................................................. ............
المكان : سياره احمد
الساعه : 9 الصبح
..................ٍ............................... ...............
طلعت من البيت قلت بسير اسلم ع عمامي وابويه وياايه سرنا بيت عمي بو حميد وسلمنا عليه وع عياله وعقب سرنا بيت بو خليفه وسلمنا عليه وردينا البيت بنااخذ البنات وبنسير بيت يدي ابو امايه وعقب سرنا بيت يدوه
.................................................. ...............
المكان :بيت بو احمد
الساعه : 10
الريمـ
.................................................. ...............
شليت بسرعه شنطتي واغراضي ولبست عباتي ونزلت تحت اركـض بسرعه ركبت السيااره وسكرت البااب حطيت الاغراض حذالي ويلست احمد سار بسيارته ونحنا بسياره ابويه سرنا بيت يدي سلمنا عليه وسرنا عقب بيت يدووه كلنا نتيمع هناك سرت سلمت على بناات عمي وحريم عمامي يدووه مستانسه علينا اونه هيه جي اباكم هب تلبسون هالبناطلين خلكم جي عقب روحنا نحنا البنات ميلس الحريم ويلسنا هناك نسولف ونتصور وجـي ...
.................................................. ...............
المكان : بيت يدوه
الساعه : 12 ونص
مـيـره..
.................................................. ...............
يالسه ومندمجه ويا بنات عمـي بالسوالف
: اقول اليوم بتمون هنييه صحـ
امل : هيييه نحنا البنات بنتم وانتو ؟
هند : هيه حتى انا بتم حتى مجهزه اغراضي
الريم : زين زين عيل ....
وعقب يلسنا نسوولف وفتحنا التلفزيون
وعقب فتحت الاب توب فتحت المسن وطرشت حق محمد شعـر حق العيد فيهـ اسمهـ ... وعقب امل بنت عمي قالتلي تبا شويه تحدر النت عطيتها اياه ويلست اسووولف ويا البناات وعقب سرنا صوب يدوه وسولفنا وياها وعقب ردينا الميلس لان يدووه قالت بترقد شويه وطلعنا عنها
.................................................. ...............
المكان : بيت يدوه
الساعه : 4 العصـر
الـريـم
.................................................. ...............طلعت من الميلس كنت بسير ايييب ليش قلاص ماي طلعت من المطبخ سرت صوب الفله دشيت داخل وانا يالسه امشي جفت باب ميلس الريااييل ملايم وسمعت صوت التلفزيون قلت يمكن نسوه مفتووح لان محد فالميلس كلهم راحـو كان التفزيون ع طرف الميلس سرت هناك وانا ماجوف شي ويالسه اغني
الريم: مجرم احبك انا حبك ويلي من حبك هناني بكاني خلاني اعشق
توني بكمل صديت الصوب الثااني بطلع من الميلس جفت حمـيد يألس يـطآألعني تميت فاجه عيني دقيقه جان استوعب ان ماعليه شيله شرردت برع اركض ع طوول سرت ميلس الحريم بس قبل لاادخل عدلت شكلي وسويت عمري عاديه مع ان قلبي ليين الحين يدق
.................................................. ...............
المكان : بيت يدوه
الساعه : 4
حمـــيد ..
.................................................. ..............
ييت بيت يدوه الحين بسلم عليها لاني ادري عقب كله عندها حـريم يت اسلم عليها المهم دخلت الميلس وقلت حق الخدامه تزقرها ... يلست افـكر فيها .. هممم خاطري اجووفها اليوم ياليت اجوفها ولو بالغلط .ماتوقعت ان امنيتي تتحقق بهسرعه جفتها دشت الميلس شكلها مانتبهت اني موجوود بغيت اخوز عيني عنها ماقدرت كنت ابا انبها اني موجود بس احس اني مااقدر اقول شـي شويه انتبهت اني موجود شكلها انصدمت طاحت عيني ف عينها حسيت ان الدنيا تلف بي اخ ياويل حالي عليها تميت مبهت لين ما يت الخدامه تقولي ان يدوه رااقد لفيت راسي ادورها جفتها ساارت طلعت برع وسرت ركبت سيارتي وطلعت
.................................................. ..............
المكان : بيت يدوه
الساعه : 4 وشي
امل
.................................................. ...............
كنت يالسه ويا البناات بس ماكنت اشاركهم السوالف لان عقلي ف مكان ثاني عند ميـرهـ .. الصراحه لين الحين مب مستوعبه شو السالفه ... معقووله .. بس اكييد في شي ... ماعرف الصرااحهـ..... تبوون تعرفون شو السالفه ... اليوم يوم خذت من ميره الاب كنت يايه بسويه حق شي كووبي وطلعلي كلام او بالاحرى شعر عنـ العيد المهم ماستغربت قلت عادي مطرشه حق وحده من ربيعاتها توني بي امسحه واسوي كووبي حق الي اباه شدت انتباهي اسمـ ...ومب اي اسمـ اسمـ ولـد .. محمد هالاسم الي جفته بصراحه استغربت منو محمد .... محد من اخوانها اسمه محمد ..معقوله ميره تكون من هالنووع الصراحه مـآآكنتـ اتوقع ... بس اكـيد ريمو تعرف شي ع الساالفه بحـآول اسألها ... نفضت افكاري ع صووت هند تزقرني
: هلا هند
هند : اقولج بتغيرين ثيابج ولا بتميين بالمخور
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك