رواية بلا رقيب -9

رواية بلا رقيب -9

عســاف :هنـا وين بروح يعنــي ,, بــس وينـه أخــوك أخذت سيارتــه وسويت فيهــا حادث ...

خلف :لاعاد وش هــوحادثــه عسى ماصابك شي ...

عسـاف :لا الحمــدالله جت سليمــه بس صدمـت لي واحــد أقشــر ...

خلف :ايه شباب هاليوميــن مايبـي أحد يكلمــه حتى لوهــو الغلطــان ...

عســاف :أنا لو أنه غــريب ماهمنــي بس هذا جـارهم ..

خلف :طيب وأنت وش لك تعــور رأسك فيهـــم خذ مرتك وبنتك واطلــع من عنــدهم ...

ياليت المــوضوع بهالسهـــوله أنا يوم أقترحت عليها هالأقتراح بغت تذبحنـــي ونبشت المـاضي كلــه واللي صــار فيــــه ...

عســاف :خلها على الله بـــس انا مصيــري هذا أنربط بهالعائله من عشــر سنيــن مافيــه مفـــر ...

خلف :وش بتســـوي يعنـــي ذولا مالهــن كبيــر مأنت بقادر عليهـــن منفلتات ...

عسـاف :وش اســوي تبغانــي اوقف وأتفــرج على انفلاتهــن تبغــى النــاس تأكل وجيهنـــا ...

خلف :أبوهــن للحيــن حــي ...

عسـاف :ابوهــن حــي عنــدنا وميــت بحيــاتهن ...

خلف :يعنـــي حتى لوطلــعن فحيــاتهن اللحيــن ماراح يختلف شـــي ..

عسـاف:بس بيقدر يلجمهـــن ذولا بنـــات ...

خلف :والبنــات أقوى من العيــال لتمــردن ,, خذ بنتك منهـــن أذا ماتبيــها تلحق بنات خالها ...

عســاف :أخذها ومن أنا عشــان أخذها حتــى ماتدري أني أبوها تقــول لضحــى ماما وانا اللي أبوها صدق ماتدري أني أبوها .. وتبغى الصدق مأبيهــا تدري ..

خلف :بكيفك عاد بنتك وأنت أدرى بمصلحتها وأذا كان عنــدك نيــه تسافر مره ثانيــه خلها على جهلها ...

ياليت أقدر أسافــر مره ثانيـــه وأنســى كل اللي هنــا

بس صعبــه بعد كــل اللي شفتـــه أرجــع أسافــر كــرامتــي كرجال تمنعنـــي أترك زوجتــي تكافح فالسبيــل عائلتها وأنا عاجــز حتى عن الأعتــراف لبنتـــي أنــــــي أبوها ....

×××××××××××××××××

((8))

<.. هــدف جــديد ..>

ميشــو

كنت أجلــس ألى جــوار سوسو في مجلـــس أستراحتهــم الكبيــر سألتنـــي ...

سوسو :كيف الوضع عنــدك ...

بماذا اجيبك بالحقيقـــه أني أرتجف من الرعب لمجــرد فكــرة أن ينكشف ســـري في هذا التجمــع الهـائل أم أطمئنك بالكذب علــيك ..

ميشـــو:حتــى الآن جيــد ولكنــي أخشـى ان تكتشفنــي والدتك أو ريم ..

ضحكـت سوسو بحده وقالت ...

سوسو :ياحليلك ياميشــو مستحيــل يعرفـونك بلبسك الكشخــه هذا بــس لوراضيــه ومخليتنــي أسوي لك ميك آب والله لويجيبــون ساحـره تطلـعك من بين المــوجوديـن ماقدرت ..

ميشـــو:دعــي عنك المبـالغه وأخبــريني أين هــي فتاة السـاعه ..

سوسو :بدري ياعمــري للحيــن ماجـات ...

ميشــو:وهل هي حفلـة خطــوبه ..؟!

سوسو :ياشينك أذا تغيبيتـــي تدريــن أنه لااا بس المـوضوع صار مفهــوم ونص هالحاضـرين جايين يشوفونهـا ويتأكدون من صحـة الخبــر ...

انشغلت سوسو فالدقائق التــاليه بالحديث مع أحدى معـارفهـا فاستغليت الفــرصه قمـت بأخـراج هاتفي الجــوال وتظـاهرت بالحديث بــه بينمــا ركـزت كامــرته على عدت شخصيات من الحضــور صورهـن تسـاوي الكثيــر عنــدي وحينمــا أنهيت مهمتــي كانت سوسو قد انهت حديثها وعادت لتحدثنــي عن بعض الحاضـرين ,,, صــوره واحده تبقت لتكتمــل تشكيلتي صعب علــي الحصــول عليهــا وهي لم تظــهر الى الآن ... وبما أن المــلل والضجــر قد تسلل نفســي بحثت عن حديث أسلــي نفسي بــه ولم أجد أفضــل من مفاجئة سوسو ...

ميشــو:أنتهيــت من حبك الخطـــه .. امازلتــي راغبـه فالأنتقــام ...

سوسو :يووووووه أنتي تذكــرين حسبتك نسيتــي ...

ميشـو:هل يعنـــي هذا أن عزيمتك هبطت ...

بحــركة نفــي من يدهــا أنكــرت ...

سوسو :اكيــد لا بالعكــس زادت رغبتــي وخصوصاً بعد اللي صـار أمــس ...

جيد هذا مأرغب في سمـاعه فلا أروع من الأنتقــام ...

ميشــو:رائع ,, أخبــرتينــي يومً انه يوجد له صديق قريب جداً منـــه ..

سوسو :ايه مشــاري وهم مع بعض صحبـة عمــر كانوا مع بعض من هم صغــار ...

ميشـــو :وعلــى هذا الأســاس وضعت خطتــــي ...

سوسو :اوووووف مافهمتك بليز تكلمــي عربـــي ...

ميشـــو :حسناً سأقولها لك بالعامـــي (جيبـــي راســه )...

سوسو :مــن احمـــد ...

يألهـــي ماهذا الغبــاء ... عن ماذا نتحــدث منذ الصــباح ...

ميشــو:كلا بالتأكيــد مشــاري ..

سوسو :ايه بــس كيف ..؟!

ميشـــو:لاتتظــاهري بالبراءه فلك باع طــويل في هذا المجــال ...

سوسو :لاوالله المــوضوع صعب شــوي ..

ميشـــو:سوسو أرجوك تعاملــي مع المــوضوع بجديــه أكبــر فأنا لأطلــب منك فقط التعــرف على مشــاري

فالذي أريده منك أكبـــر من هذا أريده أن يحبــك ...

سوسو :ماشاءالله وكيف تبغيــني أنفذ فكــرتك العبقــريه هذي ....

ميشــو:هل تسخــريني منـــي ...

سوسو :لا ياعمــري بس فهمينــي كيف أقدر أخلـــي اي انســان يحبنــي ..

ميشــو:صدقينــي ياعزيزتي تستطيعين وبغاية السهــوله ...

قاطعتنــي سوسو بقولهــا ..

سوسو :لايفوتك شوفــي هنــوده اخخخخخخخخخخخخخ والله مأتصورها زوجــة خلــفان ...

نظــرت الى الفتــاة المقصـوده وأطلت بنظــراتي أليهــا كانت فتــاة في غايــة الجمــال والاناقــــه رائعه بكــل ماتحملــه الكلمــه من معنــى لأعلم مالذي يجعلهــا تدفــن نفسهــا بزواجهــا من رجــل متزوج بالثالث ...

ولم أستطــع أن أمنــع نفســـي من طرح هذا السؤال علــى سوسو ...

ميشــو:مالذي يجعــل فتاة بجمالها تــرضى بالزواج من رجــل متزوج ..؟!!!

اجابتنـــي سوسو بأنفعــال ...

سوسو :هذا دليـــل على شعبيــة أخــوي ...

حسناً من هنــا تبدأ نقطـــة الخــلاف فدعــونا نتغاضــى عن هذا المــوضوع في هذه السـاعه على الأقــل ...

سوسو :وش فيك سكتـــي .. ألاميشــو ماقلتــي لي وش رايك بأخــوي خلف ...

هل حقـاً تريد رأي به .. ولكــن بالتأكيــد لن يعجبهــا ...

ميشــو:هـل أنتي جاده ...

سوسو :أكيــد جاده بس بعيــد عن نظــرتك السيئه عن الرجال ...

ميشــو:اذن أنتــي لاتسألينــي رأيي ...

رنيــن هاتفها الجــوال قاطــع حديثنــا كانت والدتها تطلب ملاقاتها في ماكان ما .. أخذتنــي الأفكــار فلم أنتبه على الشخص الذي جلـــس بجـواري ...

حتى وصلنــي صوتها كفحيح الأفعـــى ...

ريم :تصدقيــن محلــوه ماعرفتك ,, بس والله شـي عجيب حتــى المتشرديــن صاروا يعرفون يلبسون مثلنــا آآه بس لوتشوفك عمتــي ولاخلــوفي بتصيــر بلاوي ...

تستطيعــون أنتم معرفة ماهــو ردي عليها الصمت ولن تجد عنــدي غير الصمت جــواب ...

أكملــت وهي تضـع قدم علــى قدم بوقاحــه ...

ريم :شفتــي عاد بيأخذ الرابــعه .. ضاعت عليك الصيده اللي تحـومين حــولها ,,بس والله عنــدك طمــوح يعنــي كيف متصــوره خلف يطالع بوحده مثلك تدريــن أنه يصاب بالقــرف لادرى أنك فبيتنـــا وياما خانق سعــاد والسبب أنتـــي ,, الصــراحــه أشفق عليك وشلــون فكــرتي بس أن خلف ممكـــن يأخذ وحــده مثلك وعلـــى ميـــن تصدقيــن حنا ليه مانامـــع يوم يتزوج علينــا لأنه يختـار ناس راقيــه من نفس مستـــواه ....

ورمقتنــي بنظــرات مستعليـه ...وأكملــت .

ريم :عاد أنتــي مره ثانيــه دوري أحد على قدك موتطفحيــن بطمـــوحاتك ...

وتركتنــي بعد ان نفثت سمــومها فـــي ...

حسنـاً ريم حفــرتي قبرك في يدك قــولي على زواجــك الســــــلااام ...

نهــاية الحلقـــــه الثامنـــــه .

تحيـــاتي للجميــع

[..الحلقــــــه التاسعـــه ..]

ميثــاء :شوفيهــا كيف بتأكـــل الكتــاب ...

ميثــاء :يلهـــــوووي أسمعيهــا كيف تردد القصيده حافظتها زي أسمهـــا ...

غيــداء :لووووول الله يخلف علينـا بالمــوت نحفظ اللي تحدده الدكتــوره وهي حافظه القصيده كلها نعنبــوها تسعيــن بيت كيف حفظتهـــن ...

ميثـاء:بتحفظها وبتحفظ أبوها اللي جابهــا هذي قصيدة امــروء القيس ...

غيــداء :انا احفظ قصصــه صح أما قصايده بيت واحد مأحفظـــه ...

ميثــاء :أقولي أسكتــي بس شوفيها كيف تطالعنا بعيــونه اللي تقــل عيــون قطـــوو ...

غيـــداء :عيــون قطــو بس يخـــرب بيتهــا عليهــا جمــال ...

ميثـاء :والله ولادرى عنهــا الجمــال أنا أحلــى منها ...

غيــداء :اما هذا اللي باقــي بتقارنيــن نفسك بميشـــو مبـارك ...

ميثــاء :تدريــن وش امنية حيــاتي ...

غيــداء :وش ..؟!!

ميثــاء :هن أمنيتيــن ماهـي بوحــده ..

غيداء :خلصينــي وش هــن ..؟!!

ميثــاء :ابي أعرف شعــرها هاللي رافعتــه لويــن ياصــل .. وامنيتــي الثانيــه أسمعها تحكــي بالعامــي ...

غيــداء :الأول أمنيتــي أنا بعد بس الثانيـه صعبـة المنــال ..

××××××××××××××××

ضحـــــى

ياربي أنا متصبحــه على وجــه ميــن اليوم ...؟!!

من صـرت معلمــه وأيام الأمتحــانات أسعــد أيام حيــاتي بـس اليــوم هــذا اللي شذ عن القــاعده ... هذي المــره العشــرين اللي ينـادوني فيــه الأداره يبغــون توضيح لبعـض الأسئله اللي مافهمــوا صيغتها الطـالبات ..اصلاً هم فهمــوا شــي ..!!! .. رجعت من الأداره وتونـــي بجلس على مكتبـــي دخلت علينـا وكليــة المـدرســه أبله لولوه .. قلت بصــوت عالــــي ..

ضحـــى :خلاااااص عمــرهم مافهمــوا بألف طقــاق ...

قالت لـــي بالســــرعه ..

لولوه :لامــوو مدرستنـا هذي المـدرســه الـ81 اللي أنتــــي منتدبــه فيها يقــولون يتصــلون على جـوالك ماترديــن والبنـــات مســوين لهم أزعاج ماهم فاهميــن شــي ...

يارب أرحمنـــي ... بس هيــن كل شي بحســابه زياده على أني مصعبــه الاسئله بصحح بالمجهــر ...

أبله لولوه :ضحــى وين وصلتــي وش أقولهم ..

تنهدت بتعب ..

ضحــى :أكلمــهم وأمــري لله ...

طبعاً فوق العشــرين سؤال اللي مافهمــوهن الطــالبات وأنا كل اللي أدرسهم فصلين بالعــربي مافهمــوا ولاسؤال ...

وانا أكلــم بالتلفـــون سمعت مديرة المــدرســـه تقــول أنهم بيعطــونهم خمسين دقيقــه زياده ... أول ماقفلت سألتهــا ..

ضحــى :صدق بتعطينهم وقت زيــاده ..

المــديره :أكيد بعطيــهم ولاكيف بيحلــون وينجحــون ولاهذي أسئله الله يهديــك ...

قلت بتجــاهل لتعليقها على الأسئله ...

ضحــى :بس ماهومن حقهم أي وقت زياده أنا كاتبــه أسئله يحــلونها بخمسين دقيقــه على أي أساس يأخذون الضعف أذا بتزودينهم وقت بضطــر أزودالأسئلـــه ...

ابله لولوه :ضحــى الله يرضى عليك هذي ماهي بالطريقـه لتفاهم ولا الدعــوى عناد ...

قلت لهاوأنا أقف بطلـع من الأداره ...

ضحــى :انا أكبــر من العنــاد بس أنا أحتــرم النظــام وأطبقه بالحــرف وأذا صار أي تجاوز منكم بالنسبــه للوقت اللي بيدفع الثمــن الطـالبات ...

وصلت لغرفــة المعلمــات وانا للحيــن أفكــر بكلامــي اللي قلته للمــديره بس قبــل مأدخـل سمعت أسمــي فجلست محلــي أسمــع حشهم بـــي ...

وحــده:تكفيــن واللي يسلمك فكينــا من طاريهــا ..

ثانيـــه:قاهــرتني أنتي بس لوتشـوفين أشكــال البنات وهم يبكــون من صعوبة الأسئله بغيت أبكـــي معهم ...

الأولــى:ماهــي بأول مــره حسبي الله عليهــا ... صح أني بعض الأحيــان أحقد على البنــات وأصعب عليهم الأسئله بس أبد مــوكذا ...

وحـده خاشه خطأ:اقول أسكتــن بس لاتطب علينا وحنــا بسيرتها ..

وأول مـادخلـــت ..

الأولــى:الله يعنيك يأبله ضحــى معنينك معهم ...

الثانيــه:أنتي لوبس تسهلين عليهم الأسئله وتريحيــن عمــرك ...

جحدتهن ولافكــرت ارد عليــــهن وجلست على مكتبــي بحضـر درس بشرحــه اليوم بس ماقدرت كل مافتحـت القلم بكتب تذكــرت اللي صـارلي الصبح مع عساف ..

كنت فالمطبـــخ وأسوي بالســـرعه سندوشتات لخواتـي ياخذونـهن معهم للمــدرســه ودخــل على عســاف ..

عسـاف :أبي فطــور ..

قلت له وأنا حتــى ماكلفت عمــري اطلع فيـــه ...

ضحــى :انا مستعجلــه بطــلع دبر عمــرك ...

بس ماعبـر كلامــي وجاء وتكــى جنبــي على طرف الطــاوله اللي أشتغل عليهــا ..

عساف :طيب عطينــي وحده من اللي تسويـن عدينــي وحــده من خواتك ...

مديـت له الساندويــش بدون مأطالع فيــه بس الخسيس مأخذها مسك يدي وأختــار اللحضــه اللي دخلت فيهـا شهد المطبـــخ ...

سحــبت يدي من يده وعينــي بعين شهــد اللي سوت عمــرها مأنتبهــت على شــــي وراحت تشــرب ماي مع أني مـتأكـده أنها انتبهت على الحــركه ... حسبي الله عليــه من رجــال هذا مصــريفضحنــي مع خواتـــي ..

رميــت القلم من يدي بقــوه أنا وش سويـت جالسه أكتب قصة حيــاتي بدفتــر التحضيــر شقيت الورقــه اللي كتبتهـا ولحضتها تمنيــتك ياعسـاف ورقــه وأشقها من دفتــر حيـاتي ...

××××××××××××××

ســارا

وجــع يوجـعه هذا وش رجـعه جالس لنا مثل الحــارس علـى الباب لانقدر ندخــل ولا نطــلع بس يأنا ياهـــو .. لبست عبـاتي بالســرعه واخذت شنطتــي وانا جايه بنزل مع السلم شفت شدن واقفــه على باب غرفتها وتمطط شكـلها توها صاحيــه من النوم سألتنــي ...

شدن :ويــن رايحــه ..

ياحليلك أنتي هنا وأبوك تحــت .. كنت بطنشـها ونزل بس بعديـن قلت ليـه مأخذها معــي .. قلت لها بالســرعه ..

سارا :أذا كنتي بتجيـن معي بالســرعه طيران بدلي ملابسك ...

شدن :ويـن بالنروح ..

سارا :انتي للحيـن واقفه يالله طيران ولاترى ماني أخذتك معــي ..

وفعلاً كلامي كان له مفعــوله وبالسـرعه بدلت وجات معي ونزلنا تحــت ... وشفناه جالس على الكــرسي اللي قدام التلفزيــون محل وعــد المفضل خخخخخ ... طنشـاه وجينا بنطلع مع باب البيت الداخلــي سمعنا يسألنا ..

عســاف :على ويــن ان شـاءالله ..

اوووووف بدينــا ..

سارا :قريب بجيب أغراض من الدكــان ...

عسـاف :أكتـبي لي الأغراض وأنا اجيبها لكم ...

شدن :لاشكراً مانبي نتعبك ..

ودزتنـــي عشـان نطلــع بس هو وقف لنــا ..

عسـاف :مأنتن بالرايحـات يالله أرجعن داخل وأن أجيب اللي تبـغــن ..

سارا :هييييييي انت لاتكــون مصدق عمــرك وبتلعب لنا دور الوالد الغائب بس ياللأسف جيت متأخر بالوقت الضـائع ..

بعد مارميــت كلامــي هذا عليـه جــريت شدن معــي وطلعنا وهو ماحـاول يكلمنــا ...

بس وحنــا راجعين شفتــه جالس يحتــرينا قدام باب البيـــت كنــه شحــاد فضحنــا ,, بس والله لايق عليه شغلت الشحـاده سألوني حتــى ..

وأول ماوصلنا عنــده ..

عسـاف :بردتــي اللي بخــاطرك يوم رحتــي يعنــي ..

مارديت عليــه بس شدن ردت ..

شدن :أنت وش تبــي فينا بتحـكرنا فالبيت يعنـــــي ..

والله أمــوت فيك ياشــدون أذا رديت عليـــه الله بس لوتشـوفون كيف وجـهه يصير وبنتــه تكلمـه بهالطريقـه

خطــي بينشفق علــيه ...

خاطــري اعلم شدن أنه أبوها بس أخاف ضحـى تقصبنــي ..دخلنا داخــل وهو لحقنـا ووول عليــه مايختشــي على دمـــــه أبد ماكنــا حريم لحـالنا لاصق فبيتنــا ... طلعت فــوق وتـركت شــدن معــه تحـت تنكــد عليــــه ... تفاجئت بالصفعــه على وجهـي أول مادخلــت الغـرفه ..

مــلاك :وين كنتي يالهايتــه ...

طقتنــي الخايسه ملاكــووه مدت يدهــا علي ...

سارا :تطقينــي ..

ملاك :وأكســر راسك بعــد .. وين كنتــي ..

ماتحملـت ورديت الكف لهــــا ...

سارا :لاصـرتي أمـي تعالي حاسبينـــــي ..

مــلاك :واذاكان ماعنــدك أم بتدجيــن ...

الله يرجهـا من بنت مأدري وش الأخــلاق الحميــده اللي تنزل عليهـا مـره وحــده ..

مــلاك :أكلمك انا ورى ماترديــن ...

سارا :جالســه أفكــر ...

مـلاك :ماشاءالله تفكــرين تطــورتي وصرتي تشغليــن مخك بس بأيش تفكــرين ...

سارا :أفكـــر لو لاسمح الله متــي وش بسوي من عقبك ....

شهقــة ملاك بقهــر وكفختنــي على راســي ...

مــلاك :وينــه عسـافواه تحـت ...

سارا :ياه تحت بس فاتك شدون غسلت شــراعه ...

مــلاك :اخخخخخ أشفق عليــه ...

سارا :بس والله يستـاهل حاكــر علينــا كل أشغالنا تعطلـت والبركـه فيــه ..

مــلاك: ماتخافيش مصيــره يفل واذا طلـع له ضميــر فجأه وصار يحــاتينــا مصيــره يمــل حنـا أهلنــا رمــونا كيف تبيــن الغريب يشيل همنـــا ,, صدقينـــي أخرتها بيفــل ...

سألتها وأنا مشككــه ..

سارا :تهقيــن يعنـــي ..

مــلاك :الا اهقـــى ليــه مأهقــى ياكل الهقــاوي أنتـــي ...

وصــرخت علــي فجأه ...

مــلاك :ايه صح نسيتينــي وش ابي فيك ..

وجــرتني مع يدي وركضت فينــي ..

سارا :لحظــه قولي ويــن موديتنــي ...

مــلاك :بنروح لسطـــح شاي الضحــى فبيت ام كايد وكل عجاويز الحاره عنـدها ...

مافهمــت شي طيب وش المطلــوب منــي ...

ملاك :غبيـه مافهمتــي بنتنصت عليـهم فارشين فالحــوش هــم ...

وناســه والله العجـايز سوالفهــن شــي جلسنــا أنا ومــلاك نطــل عليهم من فــوق ونسمــع سوالفهـن ...

لين سمعنـــا ..

أم كــايد :والله أنس صادقه عيــال هاليومــين مايعجـبهم شي هذا حنا ندور لجابر عــروس وكل ماقلنا له وحده ماعجبتها الا ويطلــع فيهـا علــه ..

ياخــرابي جــابر بيتزوج والله اللي عنستــي ياسارا .. الصـراحه ماتحملــت ونزلت دمــوعي ..

سارا :ملاك جابر بيتزوج ..

حطــت ملاك يدها على فمــي لأن صوتي كان عالي شــوي ... سمعت وحــده من جارتنا تسألهــا ..

:بتزوجــون جابر قبل قيـــس ..

الوحــش يتزوج معجـــزه شــي مأتخيله يصير أبد أصلاً من ترضــى بواحد مثلـــه ..!!

أم كايد :والله عجــزت معــه ماهــو مفكــر يتزوج أبد ...

:وجابر من اخترتوله ..

أم كايد:والله ماخليت وحـده من بناتنا مأقترحتهـا عليــه ياخـوفي بس يكون شايف له شــوفه ...

:اذا شايف له شــوفه فهــو من حواليكم ماهــو من بعيد أنتبهي على عيالس بس ...

بنت اللذينــا تقصدنا والله تقصــدنا حسبي الله عليك من مــره مأدري وش مســوين لهــا ..

أم كايد :قصدس بنات مبــارك لاوالله عيالي مايحبــون طاريهم ..

ايه حنــا اللي ميتيــن على طاريهم عــاد الله لايبارك فيك ولابعيالك ..

:ايه هذا بلى بوك ياعقــاب ..

ولا بعيـالك أنتي بعــد ...

×××××××××××××××

وعـــد

جكــوني وش أســـوي اللحيــن برسب كله من براشيم منيــر الله لايبارك بعــدوه .. ماعمــرهم شكــوني الا هالمــره كل منــه دايم منحــوس .. شكلــي بفل اذا رجعت للبيت ضحــى ذابحتني لامحاله .. الا ذا صارشي أكبــر من كــذا ونساهم عملتــي المهببــه دي بس وش هالمصيبـــــه .. مثلاً يحتجـزونا أرهابيــن الله مغامــــررره حلـــــووه بس صعبــه ..

الأبلــه :وعـــد وش تعريف المخــدرات ...؟؟!!!

خيبــه هذي كيف طاحــت علــي .. تكــفون ذكـروني وش تعريفهــــا ... خلها تولي بسوي عمـري ماسمعت سؤالها ..

نوف :قومـــي ماحنا ناقصين مشكــله ثانيـه كفايه وحــده باليــوم ..

برد عليها بأجابه منطقيــه شوي ....

وعــد :ماجربتها اذا جربتها اعرفهــا لك ...

الأبلـــه اللي فقدت اعصـابها بعد أجابة وعـــد:بررررررررررررى ...

وعـــــد :ليــش وش قلت أنتي اللي سألتينــــي وأنا جاوبت ...

الأبلــه :اقولك برررررى انا خلاص فقدت الأمــل منك وصل فيك الأستهتـار لهدرجــه حتى ماحترمتــي مجلس العلم اللي أنتي جالسه فيــه ..

طلعت ماناقشتها تأكــل تبـــــن هذا جزاتي اللي متعبه روحــي ومفكــره لها بأجابه منطقيــه ...

سمعتها تقــول :وأنتي اذا تبغين تلحقينها الباب يفوت جمــل ..

نوف :عجبك كذا طردتنــي انا بعــد ..

وعـد :اطردتك ولا أنتي غرتي منــي ولحقتينــي ..

نوف بالضحكـه :الأثنيــن ..

طلعنا للمخبأنا الســري وهناك لقينا كل الربــع هنــد شهــد شـــوق ...

هنـــد :فاريـن ولامطــروديــن ...

نوف :أنتو اللي شكلكم مطروديـن حنا طالعين بكـرامتنا ..

شوق :واضح واللي طالع بكـرامتــه وجهه كذا كنه طالع من مضاربه ..

رحت لشهد اللي جالسه بعيــد عنا وتكلم بهمــس ...وسحبت الجــوال منها ..

وعد :قفلي حتـى هنا تكلمـين ...

شهــد بهمــس :وعدوه يالدبا وخرني عنــي ولاترى ماراح يفضحك عنــد ضحــى غيري ..

وعــد :اخخخخ اللي بيته من بلاستيك لايرمي الناس بحديد ..

شهــد :وعد أتركي الجــوال ..

وعـــد :بتركه بس جيبي لي واحد مثله ..

سحبته مني بقــوه كانت بتمصع اصابعــي ..

رجعت للخبــلات وجلسنا نســولف لين نهاية الدوام ..

رجعنــا سوى مع باص المــدرسه بس ضحــى تأخرت لأنه دورها اليوم فالمنــاوبه ..

يوم دخلنا مع الحـوش كان عسـافوه واقف على باب المجلس وسألنا ..

عساف :وين أختكــن ..

خواتي ولاوحده تكـرمت وردت عليــه وكلهن أدخـلن يعنــي لازم انا أرد عليــه ...

وعــد :مأدري أحترها واسألها ...

ودخلت عنـــه والله فاضي بعد يشوف من جاء ومن راح ... بس الشي اللي محيــرني وش هالأهتمام بضح ضح بالذات ...

××××××××××××××

عســاف

لاهــذي مصختهــا وينها كل هالوقت خواتها رجعن من ساعتيــن وهي للحيــن ماشرفت العصــرمابقى عليهـا شي وبيدخل دقيت على جوالها للمــره المليـون ومغلق ... سمعت صوت صكت باب وطلعــت من المجلس ..

عسـاف :لابعــد لوتأخرتي شوي ...

ضحــى :والله أنا حرة نفسي وأجي بالوقت اللي يعجبنــي ...

عسـاف :لا مأنتي حــره ولوتبيــن اذكــرك ...

ضحــى بصوت منخفض :أرفع صوتك بعــد خل كل الحاره تسمعك ...

عسـاف :مأتوقع يهمك لوكــل العالم يسمع كل همك حارتك اللي داخل ماتسمع وأذا ماتبغينــي أرفع صوتي تفضلي هنا نتفاهم .. قلت كلامـي هذا وأنا أشر على المجلس ...

طالعتني بقهــر ودخلت للمجلس دخلت وراها جيت بقفل الباب بعــد مادخلت صرخت فينــي ...

ضحــى :لاتصكــه أنهبلت انت ..

عساف :لا أنهبلت ولاشي بس عشـان صوتنا ماياصل لخــواتك ...

ضحــى :لاتخاف ماهـو بواصلهم وأن صوتنا يأصلهم أهون من تقفيلت الباب علينـا ...

عساف :طيب وش فيها عادي أنتي زوجتــي ...

ضحــى :عنــدك مو عنــدهم ...

عساف :طيب قولي لهم ويصير عنـدي وعنـدهم ...

ضحــى :مستحيــل تعرف وش معنــى مستحــيل أنت ماتعرف نوع العـلاقه اللي بينـي وبين خواتي عشـان تجلس تعطيني نصايحك ...

عسـاف :الا أعرف نوع العـلاقه وعارفها زيــن أنتي تضحـين عشـان ناس ماتستاهــل ..

ضحــى فبرود:قلتها أنا مــو انت وماهـو من حقك تكلم بهالمــوضوع ...

بتذبحنــي هذي فبرودهــا ....الامن حقــي غصب عنها من حقــي أنا زوجهــا ..

عســاف :الا من حقـي ولي كل الحق أنا مقرر أرجــع أسافر وبأخذك معي أنتي وبنتــي ...

والله هذي اللي صدق بتذبحنــي وش قلت يضحك اللحيـــن ...

ضحـــى :مرره واثق شف من بيطيعــك ميــر ...

عساف :بتطيعنــي ولابتخليــن عن شدن ...

شفت الألم بعيــونها .. بس مابان أبــد فالصـوتها ...

ضحــى :أجل أتخلى عن خــواتي عشانها خواتي لحمــي ودمـــي ...

قلت على أمل أحنن قلبهــا ..

عساف :وشدن بنتك ..

ضحـــى :لاتغلط ماهي بنتـــي حيا الله بنت عمتــي ...

عساف :الا بنتك أنتي اللي ربيتيهــا ومن البدايــه ضحيتـــي عشــانها وتزوجتينـــي ...

ضحــى :موربأرادتــي أنجبرت على هالتضحيـــه ... قالتها وطلعت منها بالصعــوبه ...

عساف :ضحــى فيك شــــي ..؟!

ضحــى :توك تنتبـــه صدقنــي ياعسـاف أنت مــوكفـو تكـون مسئول عــن أحد ...

عساف :أن سألتك وش فيك ...

ضحـــى :ولاشــي بس أني جلست فوق الساعه محبـوسه فالسياره على بال مابدل السواق كفرة السياره اللي بنشــرت ..

عسـاف :وليه مأتصلتي فينـــي ...

ضحـــى :صار لي هالمــوقف كثيرررر خلال هالخمس سنــوات وماكنت فيه أتصل فيك أفرقت اليوم يعنـــي ....

عسـاف :ضحــى أرجــــووك ..

قاطعتنـــي ..

ضحــى :أنا اللي أرجــوك ياعسـاف أطلع من حيــاتي حل عنـــي من رجعــت وحيــاتي منقلبه علـــي

أرجع سـافر عش حيــاتك اللي تحبهـا وأنا بجلس هنا مع خواتي وحيــاتي اللي أحبــها ...

وأنا مالـــي مكــان فهـالحــياه كان ودي أقولهــا هالعبــاره قبل ماتطلــع وتخلينـــي اعذب نفسي بالتأنيب الضميـــر بــس انا ماضريتها هذا قدر كل اللي صـار قدر ماهــو ذنبــي ان أبوها متخلي عنهــم ولاذنبي بعــد مرض جدتهــا هذا حظها بهالدنيــا …

_________

السـاعه تســع فالليل طلعــت للأستـراحة خلف ولقيته هنــاك مـع ربعـــه …

خلف :وش فيه العـــم ..؟!

عســاف :من غيــر هالحــرمه بتمـوتني ناقص عمــر ..

خلف :تبــي شوري تزوج ..

هذا اي مشكلــه عنــده حلها الزواج …

عسـاف :تدري ياخلف وش اتمنــى فهالحيـاه .

خلف :لا والله مأدري …

عسـاف :اشوفك عزابـــي ..

خلف :هذا اللي مستحيــل يصيـر …

عســاف :ثلاث حــريم وبدون عيــال ..

خلف :عشـان مأحد يقـــول خليفة عمـــه تعلمت الدرس ..

أغرب من هالأنســان ماشفت ... كنت برد عليــه بس دق جــواله واستئذن يرد عليـــــــه ... رجــع بعدها بعشــر دقايق وحاله منقلب ...

عسـاف :جاء وقتي هالمــره أسألك وش فيك بس لاتــقول الحــريم قالبات حالك...

خلف : مأنخلقت الحــرمه اللي تقلب حالي .. بس جاني أتصال غريب ... خلك منــي وقــول وش فيهــا مرتك ...

جيت بتكلــم بس لمحــت شخص ماهــو غريب علي ...

عســاف :هذا وش يســـوي هنـا ..

خلف :من تقصــد ..

عساف :هذا اللي جالس مع أبوه هيثم ...

خلف بالضحكــه :والله أحسبك شايف الشيطــان هذا طال عمــرك قيس من الربــع ..

قلت له بالتكشيـــره وأنا ودي أقوم ازنطــه على هالضحكــه ..

عســاف :تدري أن هذا الأقشــر اللي صدمتـــه ...

خلف :حسبـــي الله علــى أبليسك اللحيــن قيس هــو الأقشــر ... أما لوأعلمــه بهالسالفــه ...

عســاف :شفـه اللحيــن كيف يطالع فينـا الا أقشـرين ...

خلف :والله أن قيــس رجـال ينحط على الجرح يبرى بس أنت ماعرفت لــه ..

عســاف :خلنا من هالقيس وقلي دبرت لي سيــاره ..

خلف :ايه السياره مـوجوده بس قم معي بعرفكم عــلى بعض ...

كنت بأعترض بس حطـنـي قدام الأمر الواقع يوم وقفني بجـره من يده ..

الجلســه كانت مملــه وخصوصاً بوجـود هالقيس اللي يتكلــم بالقطــاره ولاعليــه نظرات ماهي بالصاحيــه ...

وبعــد العشــاء جيت بالرجـــع طلبت من خلف يوصلنــي ...

قيس :لاأن أوصلك طريقنا واحــد ولاوش رايك ...

استحيــت أرفض بعد ماتطـوع هوبالنفسه يوصلنـــي ..

شكــلي ظلمــت الرجال وهــو بالطبــعه هادي لأنه سوالفه يوم ركبت معه بالسياره راقيــه ومحتـرمه ..

قيس :بتستقــر هنـا خلاص ..

خلف :ايه ان شاءالله اللحيـن هذي نيتي بس الواحد مايدري الزمــن وش مخبي له ..

قيس :كل خيــر أن شـاءالله ..

وصلنــي ليــن البيت وحنا بالسياره قدام البيت شفنــا شدن مع وحــده لبســه عباتهـــا ...بس وش اللي سمعته هذا ..

قيس بهمــس :سارا ..

التفت علــي بيشوف اذا كنت سمعتــه سويت نفسي أطالع برى وماسمعتــه ...

نزلت من السياره وأنا أودعـــه ..

شفته يرجع بالسيــاره علــى ورى بالســرعه وأبتعـــد ...

ناديت شدن اللي كانت واقفــه بأخر الشـارع ..

عساف :شدن تعالي وش مطلعك فهالليل ...

شدن :بجيب روبـــي ...

جيت امشــي لها بشوف وش عنـدها وش هالروبي ...

عسـاف :روبي من روبي ...

شدن :اوووووف منك فيه أحد مايعرف روبي ..

ومدت لي القطــوه اللي كانت ماسكتها ..

شدن :هذي روبي ...

حسيت بالشي يشدنــي لها رفعتهــا هي وقطــوتها فــووووق كانت تصـارخ تبغانــي أنزلها ...

ضميتهــا لصدري وأنا شايلها وراجــع فيها للبيت ...

عساف :هذي قطــوتك ..

شدن :لاهذي قطـوة ميشو ياليتها قطـوتي ..

عساف :تبغين أجيبلك وحــده ..

شدن بتردد :ياليت .. بس ليش تجيبلي ...

عسـاف :عشاني أحبك وأبغى أسوي أي شي يفرحك ...

شدن :أي شـــي أي شـــي ...

قلت لهـا وأنا اضحك على طريقتهــا ..

عساف :ايه أي شي ..

شدن :اللحيــن أنا ماعنــدي شي بس اذا بغيت شي بجــي أقوله لك لاتنســى ..

عسـاف :لاحبيبتي ماني بالناسي ...

أول ماوصلنا للبيت نزلتها علــى الأرض ..

شدن :شكــــراً عمي عســــاف ...

ودخلت ... لاياشدن لا ليتك ماقلتيهـــا ..

××××××××××××××

ميشـــو

قمت بذالك الأتصال ولم أكـــن أحلم بالنصف هذا النجــاح فهاتفي لم يتــوقف عن الرنيــن منذ ساعتيــن ..

وبعــد تردد رفعتـــه ..

ميشـــو:نعــــم ..

الطــرف الآخـــر :نعم الله عليك ...

ميشــو:........

الطـرف الأخـــر:كلمتيـني قبل شوي ..

ميشــو:اجل وكنت مخطئه وأعتذرت ماذا هناك أيضاً ..

:بس الغلطــان مايرجع يتصل مـره ثانيــه ...

بمــاذا يهذي هــذا لم أتصل ســوى مره واحده وهكـذا كانت الخطــه ..

اغلقت الخط حتــى لايتجــرأ ويكذب علـــي مره أخــرى ...

ولكنـــه عاود الأتصــال ياله من مهــووس ...

ميشــو:أجل ..

جاءني صوته فالطــرف الأخـــر وكان مــرعب :انتي كيف تجرأين وتصكين الخط بوجهـــي ...

ميشــو:ومــن أنت حتى لأغلق فوجهك فأنا لأهتم أن رضيت أم غضبت ......

:لاتهتمــين بس شوفي وش بســـوي ...

وأغلق الخط لم أهتم وعدت الا دراستــي أحتجــت للأتصال بأحدى الصديقـات فوجدت هاتفــي مقطــوع

يتبع ,,,,

👇👇👇

تعديل المقال