رواية آه يالدنيا عيال عم ولا يتعارفون -9
سلامى:بسم الله شبلاكم؟؟؟أنا قلت حفلة ما قلت عرس..
محمد:إنزين يا الحلوة حفلة شو هاي إلى بسوينها؟؟
سلامى وتلعب بطرف شيلتها وموخيه راسها :حفلة عيد ميلاد..
حمد وسعيد يلسو يظحكون..
سعيد:بذمتكم بسون حفلة عيد ميلاد؟؟
سلامى وبدت تعصب:هيه ليش ما عايبنكم يالسين تظحكون من الصبح؟؟
سعيد:تعرفين أن أمايا شيخة موجودة ويانا؟؟
سلامى:أوكية سو وات؟؟؟
حمد:ههههههههههه شو سو وات؟؟؟أنتى ما تعرفينها؟؟أنها ما تحب حفلات الميلاد؟؟ ولو درت بتقصبج؟؟
سلامى:أدري...
حمد:إنزين يوم تعرفين ليش تقولين أنج بسوين حفلة؟؟
سلامى:يا أذكياء ما منقولها أنها حفلة عيد ميلاد منقولها عزيمة..
حمدان:الصراحة فكرة حلوة ...إنزين عيد ميلاد منو؟؟
سلامى وتظحك:عيد ميلادي أنا...
محمد:شوووووووووووووو ؟؟؟وابوياااااااااا ما عندنا حفلات ميلاد حقج..
سلامى:بسم الله تراك كلتنى لا مش حقى حق شمة وسارة.
حمد ويحك راسة: يعنى السموحة بس منو هاي شمة وسارة؟؟
سعيد:صدق والله منو هن؟؟
محمد:أنا اليوم تعرفت عليهن...الحمد لله..
سلامى: عافانا الله حد ما يعرف بنات عمة؟؟ والله دنيا....المهم شمة أخت حمدان وسلطان وسارة بنت عمى منصور وكلهن نفس العمر وبصف كيجى وان بس شمة سابقة سارة بيومين..عرفتو الحين..
حمد:هيه عرفنا يا آنسة سلامة..
سلامة:الحمد لله .. هاه شو قلتو بتنظمون ويانا ولالا؟؟
سلطان:إنزين ما قلتيلنا متى الحفلة؟؟
سلامة:الحفلة الله يسلمكم باجر..
حمدان:باجر؟؟
سلامى:هيه باجر..
حمد:أوكية عادي فكرة حلوة..
سلامى:شو يعنى إنظمكم ظمن القائمة؟؟؟
سعيد: يييهاااااااااا بعد في قائمة؟؟
سلامى: أف كورس ماي براذر..
سعيد: بس هذا إلى تبين تقولينة؟؟؟
سلامى: يس..
سعيد: يالله جلبى ويهج...
سلامى وهى عاطتنة ظهرها:سوفاج...
يلس حمد يظحك من سمعها تقول هالكلمة..لأنها كلمة فرنسية..
سعيد: بعد أنت شو إلى مظحكنك؟؟؟وشو معناتها؟؟؟عشان أراويها بعدين..
حمدان:طنش..و تباها؟؟
سعيد:هاي عاد هب لسان عليها؟؟؟الله يعين بلى بياخذها..
حمد زادت الكحه علية لأنة يلس وايد يظحك ..وحظرته نسى يا خذ دواه اليوم..
حمدان:حمد بسير أيبلك ماي..
حمد ما يقدر يرفع راسة :لا ما أريد الحين بتروح لأانى مزجم..
سعيد حس أن حمد شىء فيه مش طبيعى وهو مش زجام شىء أكبر من زجام لأنها مش كحت زجام خاف من كحتة: أنا بسير أييبلك ماي ...مسكة حمد من إيدة ...
حمد :أنا بسير أييب ماي أريد بعد أغسل ويهى..
سعيد:أنا بييب أنت وين تروم تروح تتحرك..
حمد:حمدان وين المطبخ؟
سعيد:أنا إنزين بوديك..
حمد:إنزين...مسكه سعيد...ووداه المطبخ..وقبل لا يوصلون المطبخ..
سعيد وهو معصب:حمد لا تجذب علية شو بلاك؟؟؟هاي مش كحة زجام..
حمد من كثر ما يكح ما يروم يتكلم:لا....لا ...ما فينى شىء. بس زجام.
سعيد:حمد أنت شو تتحسبنى ياهل؟؟
حمد خلاص قلبة يعورة ما يروم يتحمل لازم يخبر سعيد: سعيد سير السيارة بتلقى في السدة حبوب هات العلبة الحمرا..
سعيد خاف صح إلى توقعتة حمد مريض:حمد أنت مريض ولا قلت لأحد؟؟
حمد:سعيد دخيلك بسرعة بعدين بقولك كل شىء..
خلاص حمد الألم فضيع وما يروم يوقف على ريوله من شدة الكحة... فتح باب المطبخ وطاح على ركبته..ويلس يكح وماسك على صدرة.. ويكح..يحس الدنيا تدور به ..وأنة ما فيه قوه على أنة يكح..يلس يكح بدون صوت..بس زادت الحالة علية ..كح بصوت عالى ..الألم كان فضيع ..ما يروم يستحملة يبى يقوم بس ما فيه قوه أنة يشل عمرة ...يبا ماي ...حس بألم فضيع في قلبة وأنة ما يروم يتنفس..يلس يتنفس بصعوبة ..يحس الهوى في المطبخ خلص..ما يروم يتنفس ..قلبة يدق بقوة..يلس ياخذ الهوى ويظهرة بسرعة.. خلاص يحس أنة بموت وهاي نهايتة..يلس يتشاهد ...وويه أحمر من الكحة ..في الطرف الثانى من المطبخ كانت موزه تشوف الموقف وإلى دخل عليها المطبخ فجأه وحالتة فضيعة..شكلة روحة الحين بتظهر ..وبموت في أي لحظة..من شافت موزه هذا الموقف زاغت منو هذا ؟؟تمت تنتفض من الروعة علية..هذا الحين بموت..(كانت موزه في المطبخ تكتب إلى ناقص عشان الحفلة وترتيبات)..حمد يكح ويكح..قامت موزه من الكرسي تقربت منه وريولها ما رايمة تشلهن من الروعة..تبى تساعدة بس مش عارفة كيف؟؟ ..مسكت على ثمها ويلست تصيح لالالالالا شكلة الحين بموت ..شو أسوي؟؟شو أسوي؟؟..أخاف أنة بموت ..تشجعت وتقربت منة ...
موزه:الشيخ شو بلاك؟؟؟شو تبى أييبلك؟؟
حمد من الكحة ما ينسمع صوتة:م.......ما......ماي..
سارت موزه تربع وتيبله ماي: أندوك ماي..وإيدها تتنتفض لا يستويله شىء..رفع حمد راسة..كان ويه أحمر وعيونة يدامعن من الكحة..بس الصدمة كانت أقوى يوم شافها وشافتة..طاح كوب الماي من أيدها..يلست من الصدمة بس تطالعة وتصيح بدون صوت .. ..وعيونها ما وقفن من الدموع.. هو من شافها نزل راسة بس كحة زادت دخل عليهم سعيد وهو يربع وفي إيدة الدوا...وربع عند حمد .
سعيد وهو معصب: أنتى هبلة؟؟ ليش ما تعطينة ماي ما تشوفينة بموت؟ الله يغربلج؟؟
موزه ولا كأنة حد يكلمها من الصدمة كل حاسيتها توقفت ...لا هذا حمد..شو بلاه ليش؟؟ هو شو فيه؟؟.. سار سعيد.. وعدل يلست حمد.....
سعيد:حمد..حمد..شوفنى..
حمد خلاص يحس أنة بموت الحين ما يروم يفج عيونة:......
سعيد: حمد..شوفنى..
حمد فج عيونة لسعيد ومن شاف سعيد عيون حمد ..خلاص حس من عيونة أنة بموت.. حضنة بقو: حمد..لا ..دخليلك حمد..أسمعنى..شوف شو بقولك..(رفع ويه حمد) شوف تنفس مثلى شوي شوي..(حمد يحاول يسوي مثلة)..صح جيه ..بعد شوي..صح..هيه بعد..أوكية شوف حمد..أنا الحين بعطيك دواك..إنزين..(عطاه الدوا وشربة الماي ويابلة ماي بارد ورشة على ويه حمد) تنفس بعد بس شوي شوي..هدي..لا تخاف..قول لا إله إلا الله..(وقال وياه)..حمد..صح جيه..تنفس شوي شوي...الحين الحمد لله أحسن..
وبعد ربع ساعة ساعة الحمد لله خفت الكحة..ساعدة سعيد ويلسة على الكرسي.. إلتفت يدور على موزه بس ما لقاها..
حمد وخلاص صوتة تعبان:سعيد كح كح..سعيد وين البنت؟؟
سعيد: شو تباه هاي الهبلة واقفة حتى كوب ماي ما يابتة..الحين أسمع شو صحتك؟؟
حمد ويهز راسة:الحمد لله..
سعيد:حمد..الله ياخذ بليسك والله زيغتنى قلت خلاص الحين بتموت..عنبوه أنت مريض جيه ولا حد يدريبك؟؟
حمد:سعيد..ما فينى شىء..
سعيد وهو معصب:شو ما فيك شىء كل هذا وما فيك شىء؟؟
حمد كان وايد تعبان..
سعيد:يالله نروح البيت..وباجر منتفاهم..
حمد:لا تخبر حد..
سعيد:ما علية بعدين منتفاهم..
مسك سعيد حمد من إيدة وخلاها ورى رقبتة وقادة لين السيارة..بس ظهره من ورى البيت عشان ما حد يدري..ووداه لين الغرفة وخلاه في الشبرية ..
حمد ويمسك إيد سعيد: لا تخبر حد..
سعيد: ما بخبر بس أنت أرقد ويصير خير بعدين..
لحفة وظهر من الغرفة..
يلس سعيد في الصالة يفكر شو فيه حمد وشو هذا المرض إلى فيه تذكر الدوا ..سار الغرفة وشل الدوا..أكيد في السيارة مخلى شىء ولا يمكن بلقى ملف ولا رقم الدكتور في تيلفونة وسار الغرفة مرة ثانية وشل تيلفونة..وسار سيارتة ويلس يدور على أي شىء ويدور في التيلفون..عشان حمد يمكن يجذب علية ولا يقوله شىء ..
ربعت موزه لغرفتها..وهى خلاص بتموت من الصايح ..دخلت غرفتها وقفلت الباب ويلست عدال واحد من يدران الغرفة ومخلية ريولها عند صدرها..وصيح ..لالالالالالا يارب لا دخيلك لا أنا إلى شفتة مش حمد..شكلة بموت ولا يمكن مات..لالالالالالا الله لا يقول أنة مات.. بس كيف دخل بيتنا؟؟..ومنو هذاك إللى يا بعدين؟؟..
هدت شو..وردت لذاكرتها..أن سعيد وحمد عيال عمها هم إلى ودو يدتها لندن..وكان حمد وسعيد..في نفس الطيارة..ووصف سلامى لحمد نفسة لحمد إلى كان في المطار.. لالالالا حمد إلى كان في المطار ..هو.. لالالا دخيلك يا رب لا مش ولد عمى ..لا يارب لا تخليه يكون ولد عمى..صح هو ولد عمى ولا كيف بيدخل البيت؟؟ ..عيل كيف دخل البيت لو ما كان ولد عمى؟؟ لا لا لا لا لا..ليش سوى جيه؟؟ ليش؟؟ليش؟؟ كان يعرف منو أنا وأنى بنت عمى ..عشان جيه كان يلاعب شموه..صح شموه كانت تزقر الريال إلى عندة باباتى..يعنى هذاك سعيد ولد عمى أخو سلامى لأنة هو الوحيد إلى يشبة أبويه..الله ياخذك الله ياخذك..بس كان وايد مريض شو كان فيه؟؟..بس دواه..ليش يسوي جيه؟؟ يا ويلى أنا شو سويت؟؟...ويلصت تصيح وتصيح..يا رب تشافيه ..يا رب تشافيه..يلست تفكر وتفكر...خلاص أفكارها تخربطن..ما تعرف كيف تفكر ولا شو إسوي..لين خلاص راسها عورها من الصايح رقدت على الأرض ولا درت بعمرها..يلست سلامى تدق تيلفون لموزه بس ماردت عليها..أكيد رقدت..باجر بسير عندها..
شو تتوقعون يستوي في حمد؟؟؟؟ وشو تتوقعون يستوي لموزه؟؟؟؟
--------------
منتديات غرام
https://www.graaam.com
--------------
الجزء ل 13
الساعة 7 الصبح ... الشمس مخطتنها الغيوم ...والهواء تلاعب أغصان الشير ... بدى اليوم... العصافير في الشير يغردن بصوتهن الحلو.. والجوى برى روعة...الناس قامو من رقادهم .إلى ساير الشغل ....وإلى يسوي رياضة.. وإلى في الحديقةوإلى يسقى زراعة وإلى يعدلها ويقصص الشير.. وإلى يالسين في الحديقة يتريقون... واليهال يتريون الباص عشان يروحون المدارس... بس في بيت أهل موزه غير ..العرب بعدهم رقود لأنهم كلهم كانو سهرانين لين الفير...وحليلها حتى يدتهم مسهرينها..بس السهره إفتقدت موزه وحمد..لأنهم كانو في حاله ما يحسدون عليها.. فما سارو وياهم عند بيت عمهم منصور لأنها كانت هناك السهر عند يدتهم ..فيوم سألت عندهم يدتهم..قالولها أنهم راقدين..
من حشرت العصافير إلى يالسات على دريشتها قامت موزه...لقت عمرها راقدة على الأرض.. قامت..وسارت ونسدحت على شبريتها..ورد شريط ذكرياتها بالى إستوالها أمس..ويلست تصيح..وصيح...وتتحسف ..وبعد شوي... قامت وعدلت يلستها....ليش ما يكون هو يالس يقص علية؟؟.ومن الصبح يلعب علية؟؟؟.والله يستوى ليش لا؟؟..وأنا ما أستبعد هالأمر..لا أنا لازم ما أصيح..ليش أصيح؟؟..شو بفيدنى الصايح؟؟..بس أنا لازم أراويه؟..وأخليه يعرف منو موزه بنت سالم...ولا منو هي بنت عمة؟؟..عشان ثانى مرة ما يلعب علية ..ويخلينى آخر من يعلم أنة ولد عمى..وحركة كانت بايخة؟؟..وبعد أنتة يا سعيد.. والطراق إلى عطانى إياه بردة بطراقين..وماعلية والأيام جدامنا يا حمد..وخصيصا الحين بتكون ويانا 24 ساعة..وبيوتنا جريبة من بعض...يعنى أقدر أشوفك لو مش في اليوم 4أو3مرات ..وليش ما تكون أمس إللى سواه حركة منه؟؟...هو يمكن ما فيه شىء.. بس يريد يلعب بأعصابى ...ويخبرنى بطريقة غير مباشرة أنة ولد عمى..وكان يلعب علية كل هاذيج المدة...بس يمكن هو صدق مريض.معقوله يكون يمثل!!.. لالالالالالالا. بليس ما يكسر وعايينة...والله عاد أنا الحين براويك..وبتشوف؟؟؟؟؟.. خلااااص أنا لازم ما أصيح..لازم أواجه الأمر..وأعرف شو تحت راسة؟؟؟؟.....خلاص ما أريد أفكر فيه.... مسحت دموعها ..وسارت الحمام عشان تاخذ شاور...وبعدين سارت وصلت الصبح.. ولبست تنورة بيج وقميص أسود سبورت..عشان تبى شىء بسيط لأنها اليوم عندهم حفلة..وبعدين بتتكشخ..وترتيب الحفلة بكون عليها وعلى سلامى..ورفعة شعرها بشباصه ..وظهرت من الحجرة..وكل عادة الأهل بعدهم راقدين وهى أول وحدة تقوم... سارت سيدة حجره أمها..
موزه وتحب راس أمها: صباح الخير ..أمايا..
أم موزه تقوم وهى زايغة:هاه موزوه شىء فيج؟؟شىء يعورج؟؟؟
موزه:هههههه لا أمايا ما فينى شىء....
أم موزه: عيل شبلاج؟؟
موزه: أمايا بسير أنا وأم وديع السوق إلى عدالنا عشان نشتري أغراض للحفلة..
أم موزه:لا يا بنتى ما أروم أخليج بروحج تروحين...وماحد وياج..
موزه :أمايا وين بروحي؟؟تراها أم وديع بتروح وياي وميري بعد...وبعدين إلا فرت حصاه مش من بعدة ولا منتأخر...
أم موزه:لا بوج ما أروم على صدع أخوج...
موزه:أمايا حراااااااااااااااااام والله ما بتأخر..ومش بروحي..
أم موزه :بس ما تبطين..
موزه وهي فرحانة:أوكية ما بتأخر..
أم موزه:الله يحفظج..
طلعت موزه من حجرة أمها وسارت المطبخ..لقت أم وديع يالسة تسوي الريوق...
موزه:صباااااااااااااااح الخير أم وديع..
أم وديع:صباااااااااج النور...
موزه: شحالج أم وديع؟؟
أم وديع:بخير..أنتى كيفك؟؟
موزه متحمسة:بخير ..الحمد لله..أم وديع أباج تسيرين وياي السوق عشان الحفلة ..
أم وديع:حاضر حبيبتى بروح معاكى..
موزه:عيل الحين أبا أروح..
أم وديع: أوكية بطفى إلى على النار وجايه..
موزه: خلاص أنا بروح ألبس عباتى وبييج..
أم وديع: أوكيه..
سارت موزه بسرعة تلبس عباتها وشيلتها وشلت شنطتها..ونزلت تحت ولقت ميري..
موزه: ميري يالله منروح...
ميري :وين ؟؟
موزه: السوق...
ميري: أوكية..
وسارن موزه وأم وديع وميري...
أما في يران قوم موزه.. حالتة مثل حالتة بيت قوم موزه هادي محد قايم من رقادة..كان سعيد راقد ويا حمد في نفس الحجرة ما قدر يودر حمد بهاي الحالة بروحة ..فرقد وياه .. حمد فوق الشبرية وسعيد فرشله فراش ورقد تحت..عشان خايف على حمد يرقد بروحة لو كان شىء يبى... سعيد سمع صوت في الحمام...قام زايغ لف صوب الشبرية ما لقى حمد..سار يربع صوب الحمام...يدق الباب..
سعيد:حمد...حمد...حمد شبلاك؟؟
حمد:...............
سعيد خلاص زايغ شى فيه:حمد.....حمد...
حمد يفتح الباب الحمام وفرشات الأسنان في ثمة ويظحك على سعيد ويالس يغنى: (دقايق وقفتى يمك دقايق..تساوي العمر مع ماضى سنينى...حقايق أكتشفت أجمل حقايق...شعورك وقلبك الطيب يبينى)..
سعيد:حمد..أنت صاحى..ويشل إيدة ويخليها على يبهت حمد....لا أبوك ما فيك حمى.. حمد شو بلاك؟؟؟
حمد دخل الحمام:هههههههههه ما فينى شىء يعنى حرام حد يغنى الصبح.. ومتانس؟؟
سعيد:بس إلى يشوفك أمس ما يقول أنت هذ اليوم؟؟؟
حمد ويعدل المزهرية: عادي ما دام بتيلس وياي تعود..أقول سعيد..سوري إنكسرت المزهرية...ههههههه ماشفتها..
سعيد ويطالعة بإستغراب:حمد....أنت بخير؟؟
حمد سار عند الكبت :سعيد هيه والله بخير..الحمد لله مافينى شى...سعيد...شو ألبس؟؟؟هذا ولا هذا؟؟؟
سعيد متعيب منة:حمد..بقولك شىء..
حمد يتهرب لأن حمد يدري أنةسعيد بيسأله عن أمس:سعيد شو رايك..ألبس أسود وبيج...تراه الموضه هاي السنة سبورت..
سعيد يمسك إيد حمد:تعال لاتشرد..أبا أكلمك..
حمد:أنا أشرد؟؟؟بس دقيقة بتلبس ..وبييك..
سعيد:أوكية بس بسرعة..
حمد شل المشط وعطر ونظارة الشمسة: فالك طيب..
وبعدين تلبس ولا شافت العين..ظهر برى..
أدري أنة ما يريد يقولى بس الحين تعبان وبرد وبعدين بتفاهم وياه..وسار وكمل رقادة...
أما حمد نزل تحت...ماشاء الله العرب بعدهم رقود؟؟..الحمد لله إفتكيت من حشرت سعيد..وسار الصالة يدور على الجريدة.. وشل الجريدة..وسار المطبخ..وقال حق البشكارة أنة إيتيبلة الريوق برى في الحديقة..وسار الحديقة ويلس يقرى الجريدة.. أووووووووه أمايا ما دقيت لها تيلفون..أكيد الحين بتم تحاتي..والوالد بعد..شو هالحالة؟؟.. سار فوق الحجرة بشوي شوي عشان سعيد ما يقوم..دور التيلفون ما لقاه..لقى التيلفون الثانى..مش مال أمس فشلة..الله ينطبة وين سار تيلفون الأولى؟؟.. يمكن في السيارة نسيتة.... ظهر من الغرف بسرعة..نزل الصاله..وسار عند السيارة وما خلا مكان ما دورة ولا لقاه..أففففففففف وبعدين وين سار؟؟؟؟...ظهر من السيارة وخلا إيدينه على خصرة ..الحين وين زال؟؟..ويلس يفكر؟؟..أنا أمس وين سرت؟؟..ولا وشوي ثلاث حريم خاطفات جدام البيت..يسولفن ويظحكن...وكل وحدة شالة أكياس في إيدينهن.. ووحدة ماسكة مجموعة نفافيخ إلى يطيرن بإيدها.. حمد يلس يطالعهن بإستخلاب هذيلة وين يبن؟؟..أووووووووووووووه صح اليوم الحفلة... وكانت الماسكة موزه النفافيخ ويالسة تسولف وتظحك..ربع إيدينه ووساند على السيارة...الله يا الدنيا جان هاذيج البنت هيه بنت عمى؟؟.. بس ماعلية ياموزه؟؟عثرج بنت عمى ولا دريتبج؟؟ ماعلية؟؟وأونج مخلية عمرج ما تعرفينى؟؟براويج منو حمد بن على.. ماخليتج تندمين على هاي الحركة؟؟بس والله دواج يوم عطيتج كف..والله إلا أراويج.. وما خليتج تصيحين؟؟.. اوووووووووه صح أمس كنت عندهم..أكيد التيلفون طاح عندهم..يوم كنت في المطبخ..صح عاد أونها يوم شافتنى تأثرت..مالت عليها...أمحق تأثر؟؟.. حتى ماي ما ناولتنى إياه..شاف الساعة...الحين الساعة 8..بسير عندها وبشوف شو بسوي يوم تشوفنى جدامها...ههههههه ...يالله غايته..
موزه:الحمد لله ما تأخرنا...
أم وديع:الحمد لله .. لأن ست نايمة...يعنى ما تأخرنا..
موزه:أنا بسير الحين أرتب الزينة وأكتب البطايق..
أم وديع: رح أعمل الحلويات..
موزه: الله يعينج..
أم وديع:ههههههه..أنا بحب أعمل الحلويات..
موزه ودور البطايق:أقول أم وديع يوم بخلص كتابت البطايق..أباج توزعينهن..أوكية..
أم وديع:من عيونى..
موزه:تسلم عيونج..مشكورة..وسارت أم وديع ويا ميري المطبخ..عشان يالله يكفيهن الوقت...وبعد شوي...............
دق الباب...ماحد فتح..دق الباب مرة ثانية...
موزه ويالسة على الأرض تكتب البطايق حق إلى بتعزمهم من اليران..ماحد فتح الباب..يعنى أنا لازم أفتح الباب...أفففففففف منو الحين ياي عندنا الساعة 8 الناس رقود..وتنش وسير تفتح الباب..شافت حمد يالس يلعب بريولة يتريا حد يفتح الباب...من يوم شافت قلبها دق بقو يلست تتنافض من الروعة أول مرة تشوفة فيس تو فيس.. تذكرت شو سوابها... عدلة شيلتها...وهي مخلية عمرها مفوله من الغيظ هذا شو يايبنة الحين؟؟الله ينطبة؟؟؟وينطب الساعة إلى شفتها فيه...
حمد رفع نظارتة الشمسية وخلاها فوق راسة:عنبوه سنة لين ما تفتحون الباب..
موزه:نعم خييييييييييييييييييييييير شو تبى؟؟؟ما شفت الساعة قبل لا إتى؟؟
حمد وربع إيده:كيفى بيت عمى وأيي متى ما أريد....شو يخصج؟؟؟
موزه: وما تعرف أن عمك مش موجود؟؟
حمد:أعرف بس أريد عيال عمى....شخصج أنتى رازة بالوية؟؟
موزه وربعت إيدها وطالعة من فوق لتحت:أنا رازة بالوية ولا أنت؟؟
حمد:يا بوية فكينى من صدعتج تراج لوعتى بجبدي..
موزه :تعرف أنك............
حمد: أنى شو؟؟؟؟؟
موزه وطالعة معصبة: سلامتك..
حمد: ههههههههه تحسبت شىء بعد؟؟
موزه: أوكية ما حد الحين في البيت كلهم رقود..
حمد يبى يطفربها: أوكية بترياهم..
موزه: أوكية سير بيتكم ...ويوم بقومون بقولهم يدقولك تيلفون..
حمد:ماريد...أريد أترياهم.
موزه خلاص فولت منة:أففففففففف تراك طفرتنى شبلاك..
حمد:ههههههههههه ..سلامتج...أنا من بونى ما ياي لج أريد تيلفونى..
موزه: أي تيلفون؟؟؟ما عندنا تيلفونات لك..
حمد ويحك راسة: أنا أمس نسيت تيلفونى عندكم..وعلى ما أظن في المطبخ..
موزه وتفكر:أوكية ..برايك جان قلت جيه من الصبح ..يالس تطفرنى..
ودخل حمد البيت..
موزه بصوت واطى:صدق والله بليس ما يكسر وعايينة..عنبوه إحصان إلى يشوفة أمس ما يقول هو هذا..
حمد:سوري شىء قلتى..
موزه: لا ماشىء..
سار حمد المطبخ....ويلست موزه تكمل البطايق...الله ينطبة والله طفربي.. أفففففف يحركاتة...غلسة مثله...الله يعين منة.. أكرهه.. أأأأأأأأأأأأأأأأأأأأأأأأأأأأأأكرهه.. حماااااار.. تيييييييييييييس..عنلاته...خااااااااااااااام..أنا مفوله وهو ببرودة يكلمنى.. وتسمع في المطبخ حمد وأم وديع يسولفون ويظحكون..وهى ميتة من الغيظ تبى تسمع شو يقولون وليش يظحكون؟؟..وتريد تيلس وياهم؟؟ حمد من زمان ما شاف أم وديع وهي وايد كانت تحب حمد لأنة يوم إيي الريف هيه إلى تطبخلة وهى عيوز يعنى من كان صغير هى وياهم..وهو بعد قاصد هاي الحركة عشان يغايض موزه...حمد وموزه كل واحد غرضة يغايض الثانى بس وين بوصلون ويا هذا الغياض؟؟ وبعد ربع ساعة..ظهر حمد من المطبخ.. وهو يظحك ويا أم وديع..ويالسة أم وديع تقنعة أنة ييلس وياهم..ويتريق..بس هو ما طاع..وكانو في الصالة...وموزه تطالعهم وهي مستغربة؟؟شو تباه إيلس خليه يزول نفتك من حشرتة..
أم وديع: حمد ما بدك فطور ألنا ما عليه.. بس شو رايك بسويلك نسكافيه ؟؟
حمد ويطالع موزه وموزه صدت عنة وأونها ما عاطتنة ويه يبى يغايظها:أوكية..
أم وديع :دئايق وبكون عندك..
حمد:مشكورة..ترانى تعبتج..
أم وديع:تعبك راحة..
يوم سارت أم وديع....المطبخ..
حمد: ناس عندهم ذوق ويطالع موزه...موزه أونها ما تسمعة..
كان حمد يالس في نفس الصالة إلى يالسة فيها موزه..بس حمد في الكراسي.. وجدامة موزه يالسة على الأرض عدال المدفأه وتكتب البطايق...
حمد:أحم ..أحم...أقول بنت عمى الجو مب جنه حار؟؟
موزه ولا عاطتنة ويه:................
حمد:أقول بنت عمى....في أي صف أنتى؟؟
موزه فولت أي صف شو يستهبل هذا ولا عاطتنة ويه ويالسة تكتب:..................
حمد شل الجريدة وأونة يطالعها:إنزين ما بتقولين أي صف؟؟أوكية كم عمرج؟؟؟
موزه :........................
حمد: أممممممممممم ...شكلج صف الثالث الإعدادي...لا شو ثالث الإعدادي كبيرة..يمكن ثانى ثانوي...
موزه ماسكة أعصابها:.....................
حمد اليوم إلى بخليها تتكلم: اليوم فديتها سلامى..تبانى أشلها السوق وأحوطها..(من سمعت موزه كلامة حست بالغيرة..وبعدين أنا شو يخصنى فيه الله ينطبة)..وهو يشوف حركاتها..بس عاد ما أعرف وين أوديها وايد أماكن..وبعد أريد إسير ويانا أمايا شيخة..لو طاعت وبعد الشباب بسيرون ويانا وعمى..أووووه أنتى تبين إسيرين ولا لا؟؟
موزه وهى وشوية من الغيظ بصيح:الله الغنى..
حمد مستانس أخيرا تكلمت :ليش؟؟؟والله أنتى الخسرانة..
حمد قال هذا الكلام يشوفها شو بكون ردت فعها..وهى الذكية ما نتبهت أن اليوم حفلة يعنى كيف بروحون واليوم حفلة؟؟...ولا بعد يالسة تكتب البطايق لهدرجة من الغيظ ما نتبهت؟؟
موزه الحين هو شو يبى منى؟؟: لا ما أريد أسير وياكم..ما دام أنتا بسير أنا ما ريد أسير..
حمد: والله ..أحسن ..أنا كنت خايف أنج بسيرين..بس الحين الحمد لله منستانس ما دام ما بسيرين..
موزه:جب..
حمد وأونة معصب:شووووووووووو؟؟ما سمعت عيدي إلى قلتيه؟؟
موزه وعدلت يالستها وكلمتة فيس تو فيس:قلت جب...سمعت..
حمد ما عاطتنها إهتمام: أفففففففف اليلسه في هذا البيت ممله خصيصا ويا ناس.. أففففففف أعوذ بالله..
موزه ووقفت وخلت إيدها في خصرها:وبعدييييييييييييييييييييييييييييين؟؟؟؟؟؟
حمد أونة ما يشوفها:أم وديع.. وينج؟؟ ترانى يالس ملان..حرام عليج تخلينى ويا يهال..
موزه شلت البطايق وسارت شوي بعيد عنة..
حمد بصوت عالى:والله الفكة....الحين فتكيت من الحشرة..
موزه..الله ينطبة هذا ليش جيه؟؟؟والله حمار.. أففففففففففف حشة غلس....
حمد مستانس أنة طفربها...يت أم وديع عند حمد..
أم وديع:آسفة تأخرت..
حمد:لا والله عادي..بلعكس يلسو عندي ناس وظهرنا لهم قرون..
أم وديع وهى مستغربة:شو بتقول لك أبنى؟؟
حمد:هاه ماشىء...سلامتج..
أم وديع:لالالالالالالالا..
حمد: إشبلاج؟؟
أم وديع:نسيت القاتو؟؟
سمعتها موزه....فيت عندهم..
موزه: صدق والله نسينا نطلب ..
أم وديع:موزه لك تأبرينى سيري أنتى وميري وجودي..وأوليلهم يعملوها..
موزه:لا ما أقدر أمايا بتنازعنى عشان ما حد بسير وياي والبشاكير ما بتخليهم..إسيرون وياي.
حمد بخبث:أنا بسير وياج..
موزه:لا........ قبل لا تكمل قطعتها أم وديع...:لك تأبرنى...مشكور كتير..
موزه:بس..
أم ويع:موزه مافي وقت..
موزه:أوكية سير أنت ويا أم وديع..
أم وديع:لا أنا ما عندي وقت الوقت ما بكفى لازم أخلص الحلويات..وحمد شو بعرفو بالقاتو؟؟
حمد وهو متشقق من الفرح:هيه والله أنا شدرانى بالى تبونة؟؟
موزه وهى ما تبى سير وياه :أوكية..بس قولى حق أمايا.يوم بتقوم.
أم وديع:أمك ما بتقول شى عشان ولد عمك معاكى..
موزه بصوت واطى:أمحق ولد عم..الله يعينى منة..
حمد :يالله بسرعة سيري..
موزه تطالعة معصبة:أوكية لا تاكلنى..
يلس حمد يترايها تحت في الصالة ..هي سارت إتيب عبارتها..فيوم نزلت من الدري.. شافها حمد.. يالله ماشاء الله كيف محلاتها..وكان مبتسم..وهو يطالعها..من شافتة يطالعها نزلت عيونها وحمرن خدودها....حمد فهم حركتها..
حمد ويطالع الساعة:سنة لين ما تتلبسين؟؟
موزه وطالع فوق:أففففففففف..منك..
حمد قام:يالله بسرعة..أنا مش فاضى بس لج عندي أشغال..
موزه:إنزين ماحد ظربك على إيدك وقالك سير وياي..
حمد ويلبس نظارة الشمسة: شو أسوي عن خاطر أم وديع..وإلا لو إنتى ما سرت وياج.. وع وع حد إيسير وياج؟؟؟
موزه كانت ساكتة لأنها صدق حمد كلامة وايد جرحها:..........
حمد: مشى ..مشى..
موزه تطالعة...:حمد صبر...صبر..دقيقة...
حمد ويلف روى:خير شبلاج؟؟
موزه:ليش؟؟منسير نمشى؟؟؟؟
حمد وحطى إيده على خصرة:لا منسير بطيارة.. (يبى يغايظها هو فهم قصدها بس يبى يطفربها ويباها إسير وياه مشس.. مش في سيارة)..الجو حلو...وبعدين السوق مش بعيد...وسيارتى خربانة..
موزه وشكلها والله ترحمونة: حمد حرام تونى ياية مناك ما روم أمشى مرة ثانية..
حمد وهو يمشى: ماشىء يالله سوي رياضة..ويطالع ورى.. هههه حمدي ربج بسويلج رجيم..ببلاش..
موزه خلاص عرفت أنة يبى بس يغايظها:على راحتك..
حمد ما علية ما طفرتبج:يالله بسرعة ليش وايد متأخرة؟؟
موزه وتمشى بسرعة:سوري..
حمد:يالله أباج تكونين رياضية..مثلى..
حمد وموزه يمشون في نفس المستوى....بس دام السكوت بينهم....
الحين أنا شو سويتله عشان جيه يعاملنى؟؟لازم أنا إلى أزعل مش هو...وبعدين هو إلى كان يلعب علية ولا قالى أنة ولد عمى..يعنى أنا كلت المقلب...والله أحس أنى أمشى وريولى ما يشلنى وااااااايد تعبانة..بس والله بتشوف..ما رديتها لك...إلتفتت شوي شوي لليسار عشان ما يلاحظها..هو كان يالس يقرا مسجاته..بس كيف ياب التيلفون؟؟مش هو قال أنة ضايع ويدورة؟؟الله ينطبة كيف يعرف يدور له أعذار وجذبة متناسق...لفت مرة ثانية..الله محلاتة ..صدقها سلامى يوم تقول ملك جمال...محلاتة..ومحلاتة بنظارات.. وحتى شعرة حلو مخلنة شو طويل..وحيتة مخففنها..وأحلى شىء فيه يوم يظحك فيه غمازة وحدة بس وايد تنبان يوم يظحك..ولون عيونة عسلى فاتح..وأحلى شىء فيهن أنهن ناعسات..الله يغربلك محلاتك..لو مش المستحى بيلس اليوم بس أطالعك...الله ينطبة لابس مثلى أسود وبيج..صدقها سلامى يوم تقول مثل عارض أزياء في أناقتة.. ويلست تتذكر وصف سلامى يوم كانت توصف حمد.الله ينطبج يا سلامى كيف صدق ما خليتى شىء ما قلتلى إياه..ما شاء الله عليها..كيف تعرف توصف الواحد..وكل إلى وصفة صح.....وتبتسم على وصف سلامى..شافها حمد تبتسم...
حمد وهو يطالع تيلفونة: شبلاج تظحكين؟؟؟
موزه :أنا ما ظحكت أبتسم..
حمد: أوكية..ليش؟؟؟شىء في يظحك ولا إنتبهتله..
موزه وتلف ليسارها: عيل أنت من الصبح تظحك وتتبسم ولا سألتك..
حمد بخبث: أوكية أنا عندي شىء عشان أظحكلة..إنتى ليش تظحكين؟؟و إلا من الهوا تظحكين..
موزه:أففففففف أنا من الهوا أظحك.... وأنت ليش حظرتك تظحك..
حمد ويطالعها بخبث:ناس غالين عيونهم سود مطرشيلى مسجات ..
موزه ربعت إيدينها:الله يخليكم..
حمد نقع من الظحك: شوووووووو قلتى؟؟؟
موزه :قلت الله يخليكم ليش؟؟شىء فيها؟؟
حمد:هههههه لا يسير تفكيرج بعيد..
موزه بكبرياء:وأنا شو يخصنى...إنزين أنا ما ممتحنة منك..
حمد:أهااااااااااا
سكتو.... خطفو على بيت الورد مالة وايد حلو..
حمد سار صوب البيت:صبري شوي..
موزه مستغربة:هذا وين يبى؟؟
حمد سار وقطع وردة حمرا....وعطاها موزه..
موزه بسم الله هذا شو عنده:ليش؟؟
حمد:حمدي ربج عاطنج وردة...ناس يتمنون أعطيهم ويه..مش وردة
موزه :إنزين أنا ما قلت أريد ورد..مشكور...
حمد:إنزين خذيها إنتى..
موزه وشلت الوردة:مشكور..
حمد وهو مبتسم:تعرفين ليش عطيتج الوردة؟؟؟
موزه يمكن عشان الكلام إلى قالة:ليش؟؟
حمد:لأنه هذا البيت بيت عيوز وما تحب حد ينتف وردها..ومن كثر ما تحب وردها لو حد نتف ورودها حاكمتة..ودخلة السجن.
موزه من سمعت حمد يقول جيه فرت الوردة وشردت:لالالالالا ..أنا ما يخصنى.. حمااااااااااااااااااار...آآآآآآآآآآآآآآآآآي أريد أمايا..
حمد من كثر ما ظحك على ردة فعل موزه يلس على الرصوف يظحك عليها...
موزه:حماااااااااااااااااااااااار..أكرهككككككك..عنلاتك...ما ريد أسير وياك أريد أمايا..
حمد قام وسار صوبها: يا بنت الحلال كنت أجذب عليج.. شبلاج...
موزه وخلاص دموعها بنزلن: لا ما ريد أنا ما أصدقك...روح بروحك ما بروح وياك..
حمد:يا بنت الحلال والله أجذب عليج..خلاص السموووووووووووووووحة..
موزه:لا خلاص ما ريد أسير وياك..ماااااااااااااااااااااااااااااااااارييييييييييييييد
حمد ومشى عنها :سمعى هاي الحارة فيها مجرم وذيج المرة إستوت جريمة...
موزه:جذاااااااااااااااااااااااااااااااب..
حمد:أوكية...برايج تبين إتين تعالى ما تبين برايج..على هواج..ترا المجرمين يحبون الحلوات..
إنصدم من قال هاي الكلمة كيف قالها..ويته الجرأه..
موزه هيه أصلا كانت مضايجة من كلام حمد وبعد حركتة البايخة..فيلست على الرصيف وتصيح..
حمد وقف ولف ورى..وشافها تصيح..
حمد حرام أنا صدق وايد زوتها....سار عندها..ووقف جدامها..
حمد:موزه السمووووووووووووووووحة...
موزه :..................
حمد يلس على ركبه ورفع نظارتة: موزه سوري ما كان قصدي أصيحج...والله..
موزه عصبت منة ومسحت دموعها: ما حد يريد أسفك..وبعدين أنا ما صيح عليك.....يالله نروح بسرعة..أريد أرد البيت بسرعة..ما ريد أشوف شكلك بعد هاي المرة..
قامت ومشت..مسكها حمد من إيدها...
حمد :صبري...وين تبين؟؟
موزه وطالع إيده إلى ماسكه إيدها:شل إيدك...لين الحين ترانى حاشمتنك...
حمد شل إيدة:صبري منتفاهم..
موزه:أنا ما ريد........ غصب؟؟
حمد عصب منها:أوكية على راحتج..يالله نروح بسرعة..
سار حمد وياها...ولا واحد يكلم الثانى..حمد متلوم من إلى سواه..وموزه مضيجة من حمد وحركاتة البايخه..بس حمد ما كان يتوقع أنها بصيح..بس كان يغايض...ما قصده شىء ثانى...وموزه زعلت عشان صدمة أمس وكلامة لها..
في بيت عمهم منصور..
قامت أم سالم...ونزلت تحت....لقت مى يالسة في الصالة....سارت عندها..
مى من شافت يدتها ياية صوبها قامت وحبتها على راسها:صباح الخير أمايا..شحالج؟؟
أم سالم:بخير يعلج الخير...
مى:أمايا اليوم ما نشيتى من وقت؟؟
أم سالم:يالله يالله صليت الفير ورقدت أهلج ما خلونى أمس أرقد من وقت حشرورنى حتى ما قمت من وقت..
مى:أمايا شو تبين ريوق؟؟
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك