أقسام الوصول السريع ( مربع البحث )

بداية

رواية آه يالدنيا عيال عم ولا يتعارفون -10

رواية آه يالدنيا عيال عم ولا يتعارفون - غرام

رواية آه يالدنيا عيال عم ولا يتعارفون -10

قامت أم سالم...ونزلت تحت....لقت مى يالسة في الصالة....سارت عندها..
مى من شافت يدتها ياية صوبها قامت وحبتها على راسها:صباح الخير أمايا..شحالج؟؟
أم سالم:بخير يعلج الخير...
مى:أمايا اليوم ما نشيتى من وقت؟؟
أم سالم:يالله يالله صليت الفير ورقدت أهلج ما خلونى أمس أرقد من وقت حشرورنى حتى ما قمت من وقت..
مى:أمايا شو تبين ريوق؟؟
أم سالم:بشكارتى هيه إلى إسويلى ريوق..ريوقكم ما ريدة..
مى:ههههههه ..ليش أمايا؟؟
أم سالم:أنا ما أعرف غير ريوقي...أما ريوق الإنقليز ما ريدة..
مى:إنزين يالله أمايا إنسير نتريق..
أم سالم:أوووووه وتبينى أسير أكل على طاولة.. بتبطين لين ما تشوفينى أكل على طاولة.
مى :عيل أمايا وين تبين تيلسين؟؟؟؟
أم سالم:قولى حق البشكارة تفرشلى برى..بتقهوي برى...
مى:إن شاء الله..
سارت مى تقول حق البشاكارة يفرشن برى...وسارت ويا يدتها برى..
أم سالم:هنيه ..فرشى تحت هاي الشيرة...يحافظ على شيرتهم غاوية...
مى:ههههه أمايا كل شى في لندن غاوي..
أم سالم:مين ياها الغوى؟؟
يلست أم سالم...وسارت مى إتيب ويا البشاكير القهوى والريوق...وإلا وشوية حادر عليهم سعيد..
أم سالم:يا مرحباااااااااااااا...يامرحبااااااااا بوليدي..
سار سعيد وحبها على راسها.
سعيد:شحالج أمايا؟؟شخبارج؟؟
أم سالم:بخير وسهالة بشوفتكم يا الغالين...قرب..
سعيد:جريب..قلت بسير أشوف أمايا شصبحت..ويلس ويا يدتة..
أم سالم:يعنى ما خلا منك...عيل وينة هذاك الثانى؟؟؟مسود ويه حتى سلام ما سلم..جنة إلا يبى الفكة منى؟؟
سعيد:ههههههههه..والله أمايا ما أدري وين سار من غبشة ناشر مدري وين يبى؟؟
أم سالم:يالله بستر وين يبى؟؟؟
سعيد:شدرانى به؟؟؟ يمكن عندة شغل؟؟؟
أم سالم:عنبوه ما أيي ويسلم علية؟لا حق على الشغل؟
سعيد يبى يغير الموضوع: ياحافظ عليج يا أمايا أسميج نقينى مكان فنان..
أم سالم:ووووووه عيل شو تبانى أكل في كراسي..يالله بستر..هاي هب سنتنا...
سعيد:أشكر فنج ...
أم سالم: بطت مى ما يت..
سعيد من سمع طاري مى ..تشقق من الفرح..إلى ياي مشانة الحين بشوفة ..يتحرقص من الصبح يبى يشوفها...والحين بتى عندة....يا ويل حالى...عليها..وعلى طاريها..
خطفت جدام بيتهم إنقليزية عيوز ويا ريلها..ويلسو إيشوفون أم سالم وسعيد..وبعد شوي..تقربو منهم..
أم سالم:أووووووووه هذيلة شو يبون؟
سعيد:ههههههه أمايا مستغربين ؟؟
أم سالم:يالله بستر من شو مستغربين؟؟
سعيد:منج ومنى..
أم سالم:واااابووووويااااااااا وبعد شوفينا؟؟
سعيد:أمايا تراج لابسة كندورة وبرقع وبعد متحنية..وأنا لابس كندورة وغترة..هم ما متعودين على هذا اللبس..
أم سالم:عيل شو يبونا نلبس شراتهم؟؟
سعيد:حليلهم أول مرة يشوفون هالشىء..
أم سالم:يا لله بستر..جيه شو شايفين ين؟؟
سعيد:هههههههه أمايا...هم عاد جيه؟؟
قالت الإنقليزية هى وريلها كانو واقفين قرب يدار بيتهم:هاااااااااااااااااااي..
سعيد:هاااااااااااااي ..قود مورنق..
ردت الإنقليزية:قود مورنق..
سعيد:هاو دو يو دو؟
الإنقليزية:فان ثانك يو...أوكية باااااااي
سعيد:بااااااااي
أم سالم:ولدي جان بتيلس ترطن وياها أنا بدخل داخل..
سعيد:هههههههه سارو..حليلهم..
أم سالم:حلهم حلول.
سعيد:ليش أمايا؟؟
أم سالم:ليش ما تعرف ؟؟يقولك..يالس الجلب ولا تيالس قاطع الصلاه..
سعيد:الله يهديج..
أم سالم:يالله بستر جيه شو فينى...قول الله يهديهم..
حدرت عليهم مى وهى يايبة القهوة ..ومن شافت سعيد قلبها طاح..الله شو هذا الصبح.. محلاتة ومحلاة إلى يالس في بيتنا..آآآآآآآآآآآآآآآآآآه فديته...وفديت شكلة..يحافظ علية.. بيجتلنى لابس كندورة وغترة...الللللللللللللللللللله محلاتها علية أحلا من البدلات..وفديت هاي الظحكة...بموووووووووووووووت علية...
مى:السلام عليكم...
سعيد يا محلا هاي الشوفة..يحافظ عليها لابسه كندورة عربية.:وعليكم السلام..شحالج مى؟؟
مى بصوت واطى:بخير يعلك الخير..
ووراها البشاكاره..يايبة الريوق..وشلت الريوق من عندها وقربته..
مى:الحين برخصتكم..
أم سالم:يالله....وين بسيرين؟؟
مى:بسير داخل..
أم سالم: يالله بستر..لا تستحين هذا إلا ولد عمج...مب غريب..
سعيد وميت من الفرح:يلسى وين تبين؟؟؟الحين بروح أنا..
أم سالم:ولا بزر...وين تبى ..تريق ويانا..
سعيد ويطالع مى:فالج طيب..
مى يالسة عدال يدتها .والطرف الثانى سعيد....وهى مستحية من سعيد ونظراته.. يلست تغرف وتقربه..وكل حركة إسويها..تحس بسعيد يطالعها..بعدين يلست تلعب بصبوعا..
أم سالم وهي تتقهوي:شعنة ما تهبشين؟؟
مى:أمايا ترانى كلت..
أم سالم:شو أكله هذا..كلتى حلاتها البنت مازرة مب يابسة..
مى أستحت من رمست يدتها...فكلت شوية..وسعيد يظحك عليها..
أم سالم:إلا ولدي ما قتلى رد الدختر عليكم؟؟
سعيد:لا امايا ما رد علينا...بعدهم..
أم سالم:حشة ذبحونى..متى بردون..
سعيد:إن شاء الله جريب..
ونسدح وخلا راسةعلى ريول يدتة.. ويطالع مى ..ويسولف ويا يدته ويظحك وياها ويطالعها.. ويدته يالسة وتمسح على راسة.. ومى تشوف سعيد يوم يظحك ويا يدته ويسولف..بس مارايمة ترفع عيونها في عيون سعيد يوم تحسة يشوفها..الله عذاب هالريال...وحركاتة...وسوالفة.
سعيد يبى مى تنتبهلة: أمايا ما سمعتج القصيدة اليديدة؟؟
أم سالم:لا والله ..ما عديتها علية..
إلتفتت مى لسعيد...ويت عيونة ويا عيونها وحست بعيونة أن هاي القصيدة لها..
سعيد وعدل يلسة وطوى الغترة على راسة: طال عمرج تقول القصيدة:
بسمتك يا زين تسوى ألف بسمه****والعيون السود والرمش الطويل
مهرجان العيد في نظرة عيونك****والشفاة الحمر نبع السلسبيل
يا جلال الحسن طرزك الجمال****با العذوبه والملاحه يا جميل
يبهر الآرام مزيونك وحسنك****والسحر لي فيك والطرف الكحيل
النسايم في السحر تحمل أريجك****دهن عود وياسمين وريح هيل
أنتشي وأطرب وأغني للنسايم****لانها مرسال للحلو الجميل
تعجز الشعار عن توصيف جمالك****لا حاضرنا ولا فأول رعيل
تشخص الابصار لو شافت خيالك****بس أقدر ولو هو مستحيل
محتفظ لك في فوادي بالف صوره****واندفاعي في محبتكم دليل
يا منى نفسي ويا بهجة فؤادي****يا غذى يا بلسم لقلبي العليل
فيك يا سوام يا روض الغرام****مرتع ألآرام في وقت الاصيل
شو شتني ذكرياتي والخواطر****وابتديت الشعر في وصف الخليل
وسلامتكم..
أم سالم:صح لسانك...إلا حق منو عادنها؟؟؟
سعيد:هههههه مب حق حد.ويطالع مى..مى خلاص بطير ..الله حد عد فينى القصيد.. فديتك يا سعيد....يعنى مب أنا بس أحبة حتى هو يحبنى...يااااااااااااي فديتك يا ربي.. بس ما بخليه يحس فينى..عشان ما يقول ما صدقت من الله..وحدر عليهم أبوها...وسلم عليهم..ووايه أمه
منصور:هاه أسمع قصيد من الصبح؟؟؟
سعيد:هههههه لا بس أسمع أمايا آخر إنتاجاتى الشعرية..
منصور:هههههههه إنتاجات بعد سميتهن؟؟
سعيد:هيه طال عمرك..إنتاجات..
وشوية يت أم مى ويلست وياهم ويلسو يسولفون ...
ودق تيلفون سعيد..
سلامى:هاااااااااااي براذر..
سعيد:هلا شعندج؟؟؟أم لسانين؟؟
سلامى:أصبحا وأصبح الملك لله..
سعيد:خير شعندج من الصبح داقة ؟؟؟تونى ظاهر من البيت ما وحالى؟؟
سلامى:ويا ويهك؟؟أمايا تقولك وين أنت؟؟
سعيد:أنا في بيت عمى منصور..
أم سالم:قولها إتيب أمها وأخوها وتقول حق قوم سالم أنه الريوق عندي اليوم..
سعيد:سمعتى شو قالت أمايا ؟؟
سلامى:هيه سمعت..
سعيد:يا لله جلبي ويهج..
سلامى:باااااااااااااااي.
سعيد:مع السلامة..
دقت سلامى لموزه بس ما حد يشلة.. موزه نست تيلفونها في البيت...ما شلتة...فدقت على تيلفون أمها وقالتلها ..
سلامى:أمايا يدوه تقولكم الريوق عندها..
أم سلامى:يالله بشل ريوقى بعد أنا..
سلامى:يالله محمد منروح عند يدوه..
محمد:أوكية ياي..
وسارو كلهم بيت عمهم منصور..عند يدتهم..
حمد وموزه..دام الهدوء بينهم..لا كلام ولا حس..يمشون بس كل واحد في وادي..موزه معصبة ومتندمة أنها سارت وياه..حمد متلوم ويريد يراضيها.. وصلو المحل الحلويات.. دخلت موزه ووراها حمد..
حمد:موزه..
موزه بلانفس: نعم...
حمد منزل راسة:كم كيك تبون؟؟
موزه ودور في شنطتها: أووووووه تيلفونى نسيتة.....الحين كيف بدق حق أم وديع؟؟
حمد يظهر من مخباه تيلفونة: أدوج تيلفونى...
موزه بنظرة معصبة:لا مشكور..
حمد بنظرة تندم: موزه..دخيلج ..خلاص كافي..خلينا نخلص بسرعة ونرد..
موزه صدة الصوب الثانى وتشل تيلفونة :أوكية...عشان نرد بسرعة..
حمد: أنا بسير أشوف أنواع الكيك إلى عندهم..إنتى سيري قعدي في الكراسي..ويوم تخلصين بييج..
موزه وعاطتنة ظهرها:أوكية..
يلست موزه في الكراسي...وطالع حمد إللى كان عند راعى المحل ويستفسر عن أنواع الكيك..كان شكلة صدق متلوم..بس هو إلى بدى..أنا لازم ما أعاملة غير جيه..شكلة لعاب..ماعندة إحساس...دقت البيت..ماحد شلة..دقت مرة ثانية..بعدين ردت أم وديع..
موزه:هلا أم وديع..
أم وديع:أهلين..
موزه:أم وديع كم كيكة إلى تبونة؟؟
أم وديع:والله بدنا... 6 قاتو..
موزه:شو الأنواع إلى تبونة؟؟
أم وديع:أي شى بس أهم شى الشوكلاتة..لأن الأطفال بحبونة..
موزه:أوكية ..شىء ناقص بعد؟؟
أم وديع:أمممممممم ..لا ما أعتأد..
موزه:أوكية باي..
وبعد شوي يات مسج في تلفون حمد.. فضول موزه خلاها تقراها..بس أول شى شافت حمد مندمج وياهم...ففتحت المسج..
(بو شهاب ...عنبوه وينك...كل هذا شغل؟؟؟(
منو إلى مطرش هاي المسج؟؟؟؟أفففففففف وأنا شو يخصنى؟؟؟؟..بس بعد فضولها خلاها تقرا المسجات إلى قبلها..
(صباح الخير...يا أغلى الناس...وينك؟؟(
لا أكيد هالمسجات من بنات...يالله موقحهن كيف إتيهن الجرأه ويكلمن شباب..بس هو بعد خايس ولا شو يباهن؟؟؟..وقرت إلى وراها..
(حمد..........الله يحفظك(
(بو شهاب...عنبوه تسافر ولا تقولنا؟؟؟(
(إنزين جان قلت أنك مسافر....ويا ويهك(
(والله أنك ذليتنا...وينك...عنلاتك؟؟(
(طويل العمر..ممكن تشرف...وإتى بيت خالد(
(بو شهاب أترياك في المطعم..بليز لا تتأخر(
(حمد...أفااااااااااااا...ليش ما يت؟؟(
)حمد الشباب زعلانين..............(
(بو شهاب..خلاص الغزال بكنسلة...لا دقيت ولا يت؟؟(
وحليلة...ظلمتة...هاي المسجات من عند ربعة..وأنا كنت أتحسبهن عند بنات.. وحليله.. وشافت حمد ياي صوبها..بندت كل شىء بسرع...
حمد:هاه موزه ..شو قالولج؟؟
موزه وتناولة التيلفون:يبون 6 قاتو...بس أهم شىء يبون الكافي..
حمد وشل التلفون:أوكية ..منشتري 4 بالكافي..و5 في أنواع بعد حلوة منشكل منهن..
موزه:بس هم يبون بس 6..
حمد:عادي زيادة الخير خيرين..
موزه:أوكية وين إيحاسبون..
حمد:أفاااااا يا بنت العم ..جان واقف جدامج وتقولين وين يحاسبون..
موزه:بس الحفلة حفلتنا؟؟
حمد:أوكية شو يعنى؟؟
موزه:أوكية خلاص ..ما فينى أناقشك..مشكور..
حمد ويلبس النظارة:لا شكر على واجب وإبتسم..
ظهروا من المحل..
موزه:وين الكيك؟؟
حمد ويبتسم: ما يكون تبينى أشلة طول الدرب؟؟
موزه :عيل؟؟
حمد:لا بويه ما روم بعدين منطرش الدريول إييبة..
موزه بصوت واطى: قتلك شل السيارة بس أنت ما طعت..
حمد وهو يمشى: كيفى؟؟
موزه:أفففففففف..
حمد:سوري..
موزه مستغربة غريبة شعندة؟؟:........
حمد يمشى على مستوى موزه:موزه..أممممممممم ..أقولج؟؟
موزه وطالعه:خيييييييييييييييييييييييير؟؟
حمد:بسم الله..شىء تبين ..من السوق؟؟
موزه وتفكر:أووووووووووه ..صح نسيت أشتري حقهن هدايا..
حمد:حتى أنا ما شتريتلهن هدايا..
موزه :تعرف محل هدايا؟؟
حمد بوديج محل مال هدايا بس الهدايا إلى فيه يخبلن...والمحل كبير..
موزه:والله؟؟
حمد:وايد بيعيبج
موزه:أمممممممممم ...كم مرة سرت هذا المحل؟؟
حمد سكتت ولا تكلم:...........
موزه إستغربت منة:شبلاك؟؟سوري..
حمد:لا عادي..
موزه:عيل ليش سكتت؟؟
حمد:أنا من كنت صغير عايش في لندن..لين ما كبت..وكنت أشتري حق عمري ألعاب.. وأتمنى حد من أهلى يكون هو إلى يايبلى هاي الألعاب..
موزه بحزن:ليش؟؟
حمد:لأنى درست في لندن من الإبتدائى لين الجامعة..وما كنت أشوف أهلى بس في الإجازة..
موزه:بروحك؟؟
حمد:يوم كنت صغير كان أمايا وأبوية وياي..بس بعدين بروحى..
موزه:حرااااااااااااااااام...ليش؟؟جيه عمى؟؟
حمد يبتسم ويريد يغير الموضوع:عادي تعودت...أوكية يالله وصلنا..
موزه:الللللللللللللللللللله المحل وايد حلو من برى..
حمد: ما شفتى داخل..
موزه: الله هاي الشيرة وايد حلو بشلها البيت..
حمد: ههههههههه شو تبينها..بعدة الكرسمس..
موزه: كلها حلو..
حمد: موزه تعالى هذا المكان..
موزه: الله كلة دببه..
حمد: يا حبكن حق الدببه..
موزه ما خلت مكان في المحل ما شافتة وإشترتة..وحاطتة كلة..وكان المحل الطابقين...وما شترت حق إختها بس حتى حق عمرها..
حمد:أقول موزه...هذا حقج ولا حق شمة وسارة؟؟
موزه وهى مستحية:والله الصراحة كل شىء عيبنى ..قلت بشتري حقى وحق ربيعاتى مرة وحدة..
حمد:هههههههه بعدج ..ما سرتى مكان..
موزه:عادي بعد بشترى..
حمد:يا حبكن حق المتشرى..
موزه: ههههههههه ..هاي هوايتى..
حمد: الله يعين ريلج
موزه: بختة..يحب إيدة من جدام وقفى..
حمد: هههههههههه ...الله يعين.. هاه شىء بعد تبين؟؟
موزه:أمممممممممممم..
حمد:لا ماشىء..أمممممممممم..
موزه:أوكية بس بتشلنى مرة ثانية..
حمد:فالج طيب..
موزه:يااااااااااااي..
هاي البنت صدق تقول ياهل..بس الصراحة روحها حلوة..وأحلى شىء فيها ما تزعل وما تخلى في خاطرها..لو أنها شوي طفرة..بس حليلها..طيبة..
حمد:يالله ركبي..
موزه:هههههههه أول مرة في حياتى أركب تاكسي..لو درت أمايا شيخة يا ويلى..
حمد:هاي عاد أول مرة وآخر مرة..
وصلو البيت..دخلت موزه البيت وزقرت أمها ولا حد من إخوانها بس ما حد في البيت..وبعد شوي دخل حمد..
موزه:للأسف ما حد في البيت..
حمد:ليش وين سارو؟؟
موزه:تقول أم وديع..سارو عند أمايا شيخة..
حمد:عيل مع السلامة..بسير أسبح..وأرتاح..تعبتينى اليوم..
موزه:لا إيلس وياي..حرام ما حد وياي في البيت ...شو بتخلينى بروحى؟؟
حمد بخبث: تراج تقولين ما تبين تشوفينى بعد اليوم..
موزه :أممممممممم..تراك والله طفرتنى...وبعدين الصراحة كلامك يظايج بالواحد...
حمد:ههههههه ..أوكية بيلس بس بشرط؟؟؟
موزه مستانسة: آمر..
حمد:ما يامر عليج عدو..أريد ماي..
موزه:أوكية ..ثوانى..
من ظهرت موزه..حمد خلاص ما يروم يستحمل أكثر..يلس يكح ويكح..كان يريد موزه ..تروح عنه عشان يكح..بس ظهر برى..عشان ما تسمعة..سار الغرفة الزجاجية..
ظهرت موزه من المطبخ..يلست تدورة ما لقته..بس شافتة من الصالة أنة يالس في الغرفة الزجاجية..سارت عندة..بس سمعته...يلست تمشى شوي شوي..خافت..
حمد من شافها خلا عمرة مافيه شىء:هلا كح..كح..موزه..
موزه تعطيه الماي وهى خايفة: حمد شىء فيك؟؟
حمد وأونة يبتسم:لا ما فينى شىء..
موزه:حمد ليش تجذب..أنا سمعتك تكح..
حمد يغير الموضوع:أقول موزه؟؟
موزه:نعم
حمد:أنتى إلى كاتبة القصيدة في هذا الدفتر؟؟
موزه وهى زعلانة لأنة يغير الموضوع ولا يبى يجاوبها: هيه أنا..
حمد:قصيدتج حلوة..
موزه وهى متفاجأه:وأنت شدراك؟؟
حمد:بس قريتها صدفة وكتبت شىء لج..
موزه وتبى تشل الدفتر وحمد مطة عنها..
حمد:لا..مش الحين يوم بروح..
حمد خلاص ما يروم يصبر لازم ياكل دواه..
حمد :موزه الحين لازم أسير...
موزه:تو الناس..
حمد:ما علية اليوم فليل في الحفلة بكون موجود..
موزه:على راحتك..
سار حمد..موزة شلت الدفتر وياها..وسارت توايج عليه من الدريشة..شافت يربع البيت وماسك على صدرة..أكيد سار ياكل دواه..يعنى هو صدق مريض..بس سلامى ما قالتلى.. ويلست في الكرسي...وقرت شو كاتب...وتفاجئ يوم شافتة....كان كاتب..
الحب كلمة وضعها دوم سامي********** كلمة وفا ما بين خل وخله
الحب ما هو عيب والقلب ضامي********* ما دام نبض العشق للقلب ظله
الحب نعمه ما تباع او تامي*********** يبرى الجروح وهو دوى كل عله
وبعد شوي دخلو أهلها..ويلسو يساعدونها في الترتيب..بس شموه ما يابوها خلوها عند عمهم منصور عشان تكون مفاجأ لها..
شو رايكم؟؟؟ و بستوي لحمد؟؟؟وموزه شو بستويلها ؟؟؟


--------------
منتديات غرام
https://www.graaam.com
--------------

الجزء 14

يالسة موزه تقرا القصيدة...وهي فرحانة ويالسة على الكرسي ومخلية ريولها على طرف الطاولة..بس هو كيف عرف أنى أنا إلى كاتبه القصيدة؟؟.. حليلة والله طيب وأنا ظلمته.. سكرت الدفتر..وظمتة إلى صدرها..ويلست تفكر..بس هو شو فيه؟؟... سلامى ما قالتلى أنة مريض ولا شىء فيه؟؟ شو بلاه؟؟...هزت راسها..تبى تبعد هاي الأفكار.... بس أنا شباه؟؟.. ليش وايد متعبلة منه؟؟.. هو بس ولد عم...بس ولد عم عرفة بس من يومين... يعنى ليش وايد ممتحنة منه؟؟ وبعدين أسلوبة لوعة.. ما عندة أسلوب للبنات.. دفش... بس مرات يكون طيب ومرات دفش.. بس إلى لاحظت علية ..غامض.. ما ينعرف.. وخبيث.. من تصرافة عندة شى ميودنة ما يريد حد يعرف عنه..... أوووووووه أنا يالسة من الصبح أفكر فيه ونسيت أسير عند أم وديع وأشوفها شو سوت....دخلت المطبخ ما لقت أم وديع...لقت ميري..
موزه:ميري وين أم وديع؟؟
ميري:سارت فوق..
موزه:أهاااااااااا..الله حلو وايد الحلويات إلى مسوتنها...ماء شاء الله عليها...أممممم ..هاي شكلها حلوة..ويلست تاكل كل نوع..وسارت ويلست على الكرسي..يالسة تشرب عصير وتصفح كتاب الطبخ....وبعد شوي تسمع تيلفون يرن..يلست تتلفت ودورة مالقيت شىء..من وين هذا التلفون؟؟؟..وقامت إدور علية...وبعدين لقتة تحت كبت المطبخ.. شلته..هذا تيلفون منو؟؟؟...أووووووه تيلفون حمد...إللى من غبشة ياي يدور علية.. وبعد شوي رن مرة ثانية...شافت مكتوب (الغالية)...الغالية؟؟؟!!! منو هاي؟؟؟؟؟!!!!!!!؟؟؟الله ينطبك يا حمد..عشان جيه محتشر إدورة؟؟..عنلاتك..وعلاتها..صدق هالبنات ما يستحن.. وقحات .....برد عليها وبشوف شو بتقول؟؟
موزه:.........
....:مرحبااااااااااا الغالى شحالك؟؟؟عنبوه لا دق ولا طمنى عليك؟؟؟
موزه :................
.....:حمد فديتك شبلاك؟؟؟ليش ما ترد؟؟؟؟
سيدة سكرت موزه التيلفون..عنلاتها..فديتك بعد؟؟!!!..مسودة ويه....ولا هاي سوالفك يا حمد..تلفونين واحد حق المغازل وواحد حق الشباب.. الله ينطبكم يالشباب..يعنى ما حلمكم..وكانت تبى تشوف المسجات إلى في التيلفون ...بس ليش ألوع بجبدي..يعلهم اللوعة.. وظهرت من المطبخ .....وشلت التيلفون وخلته في الصالة...ويلست تكمل البطايق عشان بسرعة توزعهن...وبعد شوي مسج وصل..إنتبهت لصوت المسج...وبعد شوي..مسج ثانى..وثالث...أففففففففف حشة حشرة هالبنات...عنبوه لصقة؟؟ شعندكن...عنلاتكن زاد....لازم يعنى يكلمكن؟؟؟....وبعد شوي دق التيلفون.. أففففففففففف بسير أسكره أبرك لى..حشة حشرنى...شافت المتصل الدكتور...هذا دكتور؟؟؟!!!...أكيد شىء يبى حمد.. الحين شو أسوي؟؟؟... بسير أرد التيلفون..أبرك لي..وأفتك من الحشرة.. أففففففف بس وينهم قوم أمايا عنبوه كل هذا سيرة عند يدوه؟؟ يو شوية وبعدين ردو عند يدوه شو عندهم هناك عنبوه ما وحالهم إلى من شوي يايين من عندها؟؟!!... وخلونى مرة ثانية بروحى...وين أبويا فديتة إلى كان دومة ييلس ويايا يعلنى ما أخلا منة..سارت فوق حجرتها وشلت تلفونها ودقت حق أبوها...
موزه:فديت راعى الصوت..
سالم:فديت راعية هذا الصوت..
موزه:فديتك يا بويا شحالك؟؟شخبارك؟؟
سالم:بخير يعلج الخير..و شحال أهلج؟؟
موزه :بخير يعلك الخير..
سالم:هاه موزه شو البقعة وياكم؟؟
موزه وشوي بصيح:والله أنها مب حلوة.. ياليتنى ما سرت ويلست في العين..عندك..
سالم:هههههه أفااااااااا ليش؟؟
موزه:السيرة بلاك مب حلوة..
سالم:جيه أهلج كلهم وياج..
موزه فجت باب البلوكنة:وين وياي..حليلى بروحى يالسه في البيت..
سالم:أفاااا ..ليش وين سارو عنج؟؟؟
موزه:سارو عند أمايا شيخة وبعدين ردو ويلسو شوية وردو مرة ثانية عند أمايا شيخة..
سالم:إنزين ليش ما إسيرين وياهم؟؟
موزه:سارو عنى ولا قالولى ...وبعدين أنا يالسة أرتب للحفلة...
سالم:ههههههه يا مكرج تقولين كل شىء مب حلو.؟.والحين تطرين حفلة..
موزه:أبوية مب حفلتى حفلة شموه..
سالم:فديتها شحالها شموه؟؟
موزه:ترقص..
سالم:سلمى عليها وحبيها..وسلمى على الأهل..
موزه:أبوية تعال ..ورفجة...أريد أيلس وياك..
سالم:ما عليج أنا بدق حق أمج وبهزبها..جيه تخلى بنتى بروحها في البيت؟؟جيه شو بشكارتهم تعدلين لحفلتهم ولا يشلونج؟؟
موزه ومتانسة:هيه أبوية أهزبهم كلهم..
سالم:فالج طيب ..بغسل شراعهم..
موزه:هههههه يعلنى ما أخلا منك..
سالم:فديتج عاد الحين بهزبهم وبخليهم يحوطونج...ولا يخلون بقعة ما يشلونج فيها..
موزه:يااااااااااااااااااااي أخيرا..فديتك يا بويا..
سالم:هيه بس لا طفريبهم... وتتبزين عليهم... غدي راكزة..
موزه:حليلى والله ما أسوي شىء ..
سالم:هيه جيه أباج...عشان يقولون يحافظ على بنت سالم..مؤدبة وخلوقة.
موزه:إن شاء الله ...
سالم:يالله مع السلامة ... ولا تتضايجين...لو حد قالج شىء دقى تيلفون وبتشوفين شو بسوي له..
موزه:ههههههه..لا حليلهم ..
سالم:بس أنتى قوليلى وبتشوفين...ولو ما طاعو يحوطونج قوليلى...وبتشوفين شو بسويلهم...والحين بدق حق أمج وبشوفها شعنة مخلينج بروحج..وسايرين عنج..
موزه:هيه أهزبهم أبويا ..حليلى سارو ولا قالولى...
سالم: ما علية الحين مع السلامة..أستانسي بالسيرة ولا عليج منهم الحين بكلمهم...
موزه:إن شاء الله..
سالم:عيل فمان الله..
موزه:فمان الله..
يااااي أحسن..حليلى خلو الحفلة كلها على راسي.... حتى هاي الدبة سلامى ما يت تساعدنى بس الحين بسير عندها وبمسكها من كشتها وبييبها البيت.. حليلى يو شوية وبعدين ما وحالى أسير أسبح ولا أختفو ردو مرة ثانية بيت أمايا شيخة..إلا شعندهم هناك..كلهم هناك إلا أنا في البيت ويا البشاكير؟؟..حتى ما قالو ليش سايرين معاد توهم رادين؟؟... شعلية منهم الحين أبويا بيهزبهم..وكانت في البلكونة ...تفكر كيف بتكون الحفلة وشو بتلبس..وشافت حمد نازل من السيارته وشي يالس يقول حق البشكارة وبعدين دخل البيت..الحين هذا من وين ياي؟؟..زين أنة في البيت بسير أودي له التيلفون.. وبفتك من حشرتة هو وتيلفونة..ومعجباتة..وبييب الدبة وياي عنلاتها لادقت ولا سألت عنى..وخلت الحفلة على راسي......شلت عباتها وشيلتها ونزلت تحت.. أففففففففففففف الحين منو برتب هالحفلة ؟؟..مليت..الحين بسحب هاي الدبة سلامى..سارت عند ميري وقالتلها توزع البطايق لليران..وشلت التيلفون حمد..وسارت بيتهم..ماعلية يا الدبة براويج..دخلت البيت ..الله بيت عمى ما تغير..كل شىء مثل ما كان... بس وين قوم عمى؟؟البيت هادى...ماحد برى؟؟!!..دقت الباب ماحد فتح....بس كان الباب مفتوح شوي فدخلت البيت.. البيت وايد هادي؟؟!!معقولة؟؟...وينهم وين سارو؟؟...بصوت شوية عالى..مرحبااااااااااا...وهي تدخل الصالة للصاله الثانية.. مرحبااااااا...ماحد..أكيد يمكن سارو عند أماي شيخة ويا قوم أمايا ..إلا شو عندهم هناك كلهم سايرين غيري؟؟!!!...يلست على الكرسي..زعلانة..ليش سارو ولا قالولى؟؟!!.. وبعد شوي تسمع حد يظحك....إستغربة منو هذا؟؟!!..قامت يمكن هذا محمد؟؟..شافت حمد وهو يتكلم في التيلفون ويظحك وفي إيده جريدة..أففففففففففففف الحين هذا إلى لقيتة في البيت؟؟؟...وتسمعة يقول..(والله فديتج كنت بدقلج اليوم الصبح...بس التيلفون ضاع وما ادري وين سار ..هههههه..لا حشى يعلنى ما أخلى منج... يوم ما بدق لج عيل حق منو بدق؟؟..فديتج وفديت روحج...والله إشتقت لج ولسوالفج..(موزه فاجة عيونها...خييييييبه هاي منو ؟؟؟...أهاااااااااا يمكن إلى دقت في التيلفون الثانى.. خيييييبه يمكن بتقوله دقت اليوم الصبح وحد رد عليها بس ما تكلم..الله يستر....وبعدين سار الصالة رئيسية ويلس يقرا الجريدة..خيييييييييبة الحين كيف بظهر؟؟...يالله بسير أعطيه التيلفون وبسأله عن سلامى..افففففففف خايفة منه...تشجعت وسارت عندة...
موزه:أحم أحم...
حمد رفع عيونة :هلا..
موزه وتعطيه التيلفون:هذا تيلفونك لقيتة في المطبخ..
حمد مستغرب:أهااااااااا مشكوووووووررة.
موزه وتصد الصوب الثانى:عيل وين عيال عمى؟؟
حمد رد عيونةعلى الجريدة:ما ادري ظهرت ويوم رديت ما لقيت حد..
موزه لفت صوبه:حتى سلامى؟؟؟
حمد ويفج الصفحة الثانية:هيه على ما أظن..
موزه :يعنى أنت بروحك؟؟؟!!
حمد رفع عيونةوإبتسم: هيه أنا بروحى...
موزه وطالعتة بكبرياء: أوكية باااااااااي..
حمد رد عيونة على الجريدة: وأنتى ليش ياية؟؟
موزه وعاطية مقفاها عشان سايره صوب الباب: عشان سلامى أباها تساعدنى ..وأممممممم يبت تيلفونك لأنة صدعنى..
حمد وخل ريل على ريل ويقرا الجريدة: أوكية يوم صدعج ليش تردين علية؟؟؟؟
موزه تقول حد صب عليها ماي بارد وصدت صوبه:شووووووو؟؟؟
حمد يفج صفحة الجريدة وحطى إيدينة على ركبة ويقرا الجريدة:ليش ما سمعتى؟؟؟؟
موزه واقفة عند الباب:لا ما سمعت..
حمد وبعدة يقرا الجريدة: قلنا قريتى مسجات التيلفون قلنا ما علية..بس تردين على مكالمات لا مب جنج زوديهاااااا؟؟
موزه إعتفس ويهاااااااا:شوووووووووووو؟؟أناااااااااااااااا؟؟
حمد وسكر الجريدة:لا يدتى..
موزه:أففففففففففففف ... أسمينى متعبلة إلا منك..
حمد:عيل شو إسمينة إلى سويتيه؟؟؟
موزه:..........
حمد:أوكية يوم رديتى على التيلفون جان سلمتى عليها..بس إسكرين في ويها..
موزه :شوووووووووووووووووووو؟؟
حمد:ليش مستغربة؟؟؟...ليش حرام إسلمين على حرمت عمج..
موزه فاجة عيونها:هااااااااااااااااااي حرمت عمى؟؟
حمد قام من مكانة:ليش؟؟؟منو تتوقعين؟؟
موزه تتهرب من الإيجابة:أنا بسير أرتب الحفلة ..
حمد :تبين حد إيساعدج؟؟؟
موزه وهي معصبة:لا مشكورة ماحد يريد شىء منك..
حمد يخلى إيدينه في مخابي بنطلونة وغمض عيونة: آسف ما كان قصدي شىء..بس اليوم بروحي مضايق..
موزه فتحت الباب بتروح: هه متى بكون عندك مزاج؟؟؟ وظهرت..وقبل لا تظهر
حمد: تعالى وين تبين؟؟؟
موزه:خلنى بروح....كلة إلا تنازع وطفر بالواحد..ماعندك إسلوب....
حمد:موزه أنتى ليش ما تفهمينى؟؟؟سمعينى.
موزه بصوت عالى:أففففففففففف منك ومن كلامك.. أنا أبغظك وأبغظ الساعة إلى شتفتك فيها الله ينطبك..وينطب مزاجك..
حمد:موزه ...ليش تعصبين بسرعة..


يتبع ,,,,,

👇👇👇
تعليقات



    حجم الخط
    +
    16
    -
    تباعد السطور
    +
    2
    -