رواية توصي شي انا بكره مسافر -10

رواية توصي شي انا بكره مسافر -10

أبو فراس : ههههه الله يحفظه

طلال : آميييين إلا وين الشباب

أبو فراس : راحوا يسلمون على عيال عمهم

طلال : زين

عبد الله دخل المطبخ : ياربي وين أروح

ميري : مين إنت

عبد الله : وش دخلك

ميري : هزا ولد صغير لسان طويل

عبد الله : والله إنتي لثانك طويل يا بقرة

ميري تشهق : أنا في بقره .. إنت في فيل كبير

عبد الله بيبكي : أنا مو فيل أنا اسمي عبود

ميري : لا إنت فيل واجد كبير

عبد الله يبكي : أنا مو فيل

ميري تعاند : إلا إنت فيل كبيييير مرة

عبد الله يصارخ و يبكي : يا حماره أنا أعلم بابا

سديم بفرح : عبووود .. حبيبي ليش تبكي

عبد الله يحضن سديم : هذي تقول لي إنت فيل كبير .. أنا مو اسمي فيل

سديم تشهق : ميري يا حماره وش هالكلام

ميري : أحسن هو يقول أنا بقره

سديم : هههههه الله يخلف عليك

ميري : أنا ما في يكذب

سديم ترفع عبود : ما عليه حبيبي يالله وش رايك نروح لأمي وجدتي ولموسه

عبد الله بفرح : إيييه

سديم : لميس .. لميس

لميس تطالع بعبود : عبوووود يا هلا و غلا تو ما نور البيت

عبد الله يطالع بسديم : أيش أقول أنا

سديم : ههههه قول منور بوجودك

عبد الله : منور بوجودك

لميس : يا بعد قلبي والله

أم فراس تسلم عليه : كيفك حبيبي

عبد الله : الحمد لله

أم فراس : كيف جده و عمه

عبد الله : طيبين

أم فراس بابتسامة : الله يحفظك

الجده : ياهلا عندنا ضيوف .. كيفك يمه

عبد الله : أنا تعبت خلاص كل شوي كيفك .. كيفك

الكل : هههههههه

الجده : أفاااااا أنا جده

عبد الله : الحمد لله

الجده : روحوا جيبوا له شي ياكله .. أيش اسمك

عبد الله : عبود

الجده : ما شاء الله

في المجلس .....

طلال : مثل ما قلت لك أنا شاريكم و ناوي القرب منكم .. زوجني بنتك الكبيرة مقابل إني أسدد كل ديونك

أبو فراس مصدوم : أبو عبد الله إنت تطلب مني شي كبير

طلال : ليه يا أبو فراس ماني كفو أناسبكم

أبو فراس : لا والله ما قلت كذا بس .....

طلال : أعطيك مهله تفكر

أبو فراس : خير إن شاء الله

طلال : أجل يالله أنا استأذن

هاني : السلام عليكم

أبو فراس + طلال : وعليكم السلام

هاني يشد على يد طلال : كيفك

طلال مستغرب : الحمد لله

أبو فراس : روح يا هاني جيب عبد الله من جوه

هاني : ابشر يبه

سديم : لا أنا اللي بأفوز

عبد الله : فزت فزت

سديم : لااااا طلعت أحسن مني

هاني : عبود

عبد الله : هاني

هاني يسلم عليه : تو ما نور البيت يا بطل

عبد الله يطالع بسديم : منور بوجودك

هاني : ههههه فديتك والله .. يالله بابا يستناك

سديم + لميس : ليييه باقي تو

هاني يطالع بسديم : أبوه رايح

سديم : هاني ليش تناظرني كذا أول مرة تشوفني

هاني بابتسامه : الله لا يحرمني منك يالغلا

لميس ترفع حاجبها : احلف

هاني : هههه و لا منك حبيبتي يالله عبود

طلال : ها عبود حبيبي مشينا

عبد الله : إيييه

طلال : يالله مع السلامة

أبو فراس مع السلامة .. هاني وصل أبو عبد الله للباب

طلال : لا ما يحتاج

هاني يرفع حاجبه : لا وش دعوة أول مرة تدخل بيتنا

عند سيارة طلال .....

هاني يمسك ياقة طلال : طلال اسمعني لا تفكر ترجع مرة ثانيه و تطلب أختي سديم فاهم

طلال يبعد يد هاني : نزل إيدك و الشور عند أبوك

هاني عصب : تاخذ ديون أبوي وسيلة

طلال : إيييه عادي

هاني : إنت كيف تفهم أختي سديم محجوزة لباسل

طلال : بس أبوك ما قال لي و بعدين هو مو مملك عليها يعني أقدر آخذها

هاني عصب : لا يا شيخ .. طلال أحسن لك بعد بنات الناس كثار

طلال : الحين أنا أبغى أفهم ليش منفعل وش فيها لو أخذت أختك و إلا مو عاجبك

هاني : لا تفهم غلط بس طريقتك أبد مو عاجبتني إنت سويت هالطريقه عشان تضغط على أبوي

طلال : هاني اللي ربي كاتبه بيصير و أتمنى هالشي ما يأثر على علاقتنا في أمان الله

هاني : في أمان الكريم

فراس : سلاام

هاني : هلا

فراس : توه راح

هاني : إيه

فراس : وش عندك واقف معه بالشارع

هاني : تعال ندخل و أقول لك

فراس : أوكييه

بغرفة الأولاد .....

فراس : إيه وش عندك

هاني : اليوم طلال جا يبي سديم

فراس : نعم

هاني : اللي سمعته .. و أبوي شكله بيوافق

فراس : بس سديم لباسل

هاني : طلال قال لأبوي إذا عطاه سديم بيسدد كل ديونه

فراس عصب : حلوه ذي

هاني : شفت شلون

فراس : سديم تدري

هاني : ما أحد يدري و أنا داخل البيت سمعت بالصدفه من عند الباب

فراس : إذا سديم ما وافقت ما لأحد حق يغصبها

هاني : أكييييييد

عبد الله : السلام عليكم

فراس + هاني : و عليكم السلام

هاني : هلا عبود متى جيت

عبد الله : توني

فراس : سلمت على أمي و جدتي

عبد الله : إيه توني كنت معهم .. وش عندكم

هاني : السالفة طال عمرك .........

عبد الله : من جدك

هاني : إيه والله

عبد الله : سديم باقي صغيرة مو راعية زواج ولو على كذا كان باسل تزوجها من زمان و إلا هو وش اللي يخليه

يستناها

فراس: أبوي باقي ما رد له خبر

عبد الله : تدرون اللي كاتبه ربي بيصير سواء طلال و إلا باسل و إلا غيره ما أحد يدري وين النصيب

فراس : على قولتك

هاني : جوعان تبي شي تاكله

عبد الله : لا أفطرت بالدوام

أبو فراس بعد تفكير : سديم .. سديم

سديم : هلا يبه

أبو فراس : الحقيني على الغرفة

سديم : إن شاء الله

لميس : غريبة وش عنده أبوي

سديم : علمي علمك خل أقوم أشوف

بغرفة أبو فراس .....

طق .. طق .. طق

أبو فراس : ادخلي

سديم : السلام عليكم

أبو فراس : و عليكم السلام تعالي يبه اجلسي

سديم : سم يبه

أبو فراس : سم الله عدوك .. اسمعيني يا بنتي إنتي ما شاء الله عليك كبرتي وصرتي مره

سديم بمزح : يبه ما جبت شي جديد من أول أستناك تقولها

أبو فراس : هههههههه الله يرجك خليني أكمل

سديم : تفضل

أبو فراس : و البنت في النهايه ماله إلا بيت زوجها

سديم حمر وجهها : ......

أبو فراس : وأبو عبد الله خطبك مني اليوم

سديم : أبو عبد الله

أبو فراس : إيه بعدين هو رجال و ما عليه كلام

سديم : يبه بعد إذنك أنا مو موافقه

أبو فراس : بس أنا أعطيت الرجال كلمه و ماله داعي تحرجيني

سديم دمعت عيونها : يبه ليش

أبو فراس بحزن : يا بنتي لو مافيه خير كان ما وافقت عليه

سديم: و باسل ولد عمي

أبو فراس : باسل انسييييه و توقعي ملكتك بأي وقت

سديم مصدومه و دموعها على خدها : يبه حرام عليك أنا باقي صغيرة

أبو فراس : لا مو صغيرة بنات أصغر منك تزوجوا و عندهم عيال أنا خبرتك

سديم : عن إذنك

سديم فتحت باب غرفتها بقوة .....

لميس : بسم الله عليك سديم ليش تبكين

سديم : وش تسوين هنا

لميس : قلت استناك بالغرفة

سديم تبكي و تحضن لميس : لميس أبوي بيزوجني

لميس : طيب يا قلبي مو هذا حلمك تاخذين بسوول

سديم ارتفع صوتها بالبكى : لا بيزوجني لطلال

لميس مصدومه : أيييش

فراس + عبد الله + هاني عند الباب

فراس : سديم وش فيك

سديم تبكي : .....

هاني يسحب سديم لحضنه: قلبي تكلمي ليش تصيحين

سديم تبكي : أبوي بيزوجني

فراس : هه وافق

هاني يمسح على شعرها : ما عليه يالغلا بنكلمه بس لا تصيحين

لميس تبكي : ليش أبوي يسوي كذا

عبد الله : خلاص واللي يسلمكم اسكتوا لا تسمعكم أمي و تعورون قلبها

سديم تمسح دموعها : لا تكلمونه ما راح يغير رايه

فراس : لا تخافين إن شاء الله يغير رايه

هاني : غسلي وجهك و تعالي ننزل قبل لا تطلع أمي

سديم : طيب

تحت بالصالة .....

أبو فراس : متى جيت عبد الله

عبد الله : قبل شوي

أبو فراس : دامكم مجتمعين حاب أقولكم إن أبو عبد الله خطب سديم

سديم تناظر بأبوها : ......

فراس : يبه لا توافق

أبو فراس : مو إنت اللي تمشيني

فراس : آسف يبه بس

أبو فراس : لا بس و لا غيره ما أبغى أسمع كلمه ثانيه

هاني : يبه و باسل

أبو فراس : باسل الله يوفقه بنات الناس كثيرات

أم فراس : عبد الرحمن لا تغصب البنت الزواج مو لعبة

أبو فراس : أنا ما جيت أقول لكم عشان تعطوني رايكم أنا أعطيت الرجال كلمه وراح أأكد عليه بكره

الجده : و النعم والله فيك .. تغصب بنتك

أبو فراس قام : عن إذنكم

سديم تمسح دموعها : قلت لكم لا تحاولون ما فيه فايده

عبد الله : استغفر الله العظيم

فراس : قومي استخيري الله و ادعي الله يكتب لك اللي فيه الخير

اليوم الثاني العصر .....

أبو فراس : تقدر تجي الله يحيك البنت موافقه

طلال بفرح : خلاص إن شاء الله اليوم بعد صلاة العشاء أجي أنا و أهلي

أبو فراس : الله يحييكم

طلال : الله يبقيك

أبو فراس : سعاد .. سعاد

أم فراس : هلا

أبو فراس : اليوم بيجي طلال و أهله قولي لسديم تجهز نفسها عشان يشوفها

أم فراس بحزن : خير إن شاء الله

بعد صلاة العشاء .....

أبو فراس : يالله إنك تحييه

طلال : الله يبقيك .. كيفك فراس

فراس بحقد : شوفة عينك

طلال : و إنت هاني

هاني : تمام يسرك الحال

طلال : دوم إن شاء الله

هاني : تسلم

عند الحريم .....

أم فراس : كيفك يا أم طلال عساك بخير

أم طلال : بخير الله يسلمك

أم فراس : كيفكم بنات

سارة + مها : تمام الحمد لله

الجده : الله يحييكم إن شاء الله تو ما نور البيت

أم طلال : الله يبقيك منور بوجودك يالغالية

مها : وينها سديم

لميس : الحين بتنزل

سارة : بأي سنه لميس

لميس : ثالث ثانوي

سارة : مع مها يعني

لميس بابتسامة : ما شاء الله مها بأي مدرسة

مها : بمدرسة ......

لميس : حلو

سديم بابتسامة : السلام عليكم

أم طلال + سارة + مها : وعليكم السلام

سديم تسلم على راس أم طلال : كيفك خالتي عساك بخير

أم طلال : بخير بشوفتك يالغالية

سديم : كيفك سارة

سارة : تمام الحمد لله

سديم : و إنتي يا قلبي كيفك

لولو : طيبة

مها تحضن سديم : كيفك يا عسل

سديم : ههههه بخير الله يسلمك

مها : و الله ما تدرين قد أيش فرحانه أخوي طلال عرف يختار

سديم بحيا مع نظرة حزن : الله يكتب اللي فيه الخير .. عن إذنكم تعالي لميس

في المطبخ .....

سديم : ها ميري جهزتي قهوة الرجال و الحريم

ميري : إيه كلوه جاهز .. ما شاء الله إنت واجد حلو اليوم

سديم : هههههه الله يقطع ذا الوجهة

ميري بابتسامة : أنا يمدح و إنته يدعي الله

سديم تشد خدودها : ههههه أحبك يا غبية

لميس : هههه ما صارت

هاني : سلام يا حلوين

سديم + لميس : و عليكم السلام

هاني : هاااه جاهزة القهوة

سديم : إيه هذي هي خذها

هاني : يعطيكم العافية .. أقول سدومه

سديم : هلا

هاني : استعدي بأي وقت يمكن يشوفك

سديم : ليه ما هو بلازم

هاني : لا تنسين إن هذا من حقه

سديم : و أنا ما أبغى

لميس : سديم لا تطولينها و هي قصيره كلها خمس دقايق

سديم : أوووف طيب

هاني بابتسامة : روق يا حلو

سديم : هههه طيب روح يالله

بالصالة .....

سديم تصب القهوة : تفضلي خالتي

أم طلال : زاد فضلك

سديم : تفضلي سارة

سارة : مشكورة

سديم : تفضلي مهاوي

مها : تسلمين حبيبتي أول مرة أحس إن اسمي حلو

سديم : ههههههه ليييه ؟؟

مها بابتسامة : من فمك غير

سديم : اخجلتي تواضعي ههههه

لميس : مها عن المجاملات

مها تفتح عيونها : لا والله ما أحب أجامل

لميس : ههههههه أمزح بس انتبهي على عيونك لا تطلع

مها : الله ياخذ ابليسك ههههههه

ترن .. ترن .. ترن .. ترن

أم فراس : لميس حبيبتي قومي شوفي التلفون

لميس : ابشري يالغالية

سديم تمسكها : خليك أنا بأقوم

ترن .. ترن

سديم : نعم

باسل : السلام عليكم

سديم : و عليكم السلام

باسل : كيفك سديم

سديم : تمام الحمد لله إنت كيفك

باسل : بخير بسماع صوتك يالغلا

سديم : .........

باسل : كيف عمي و عمتي

سديم : بخير بصحة و عافية

باسل : وينه هاني

سديم : موجود غريبة ما دقيت على جواله

باسل : دقيت و لقيته مقفل

سديم : الحين عندنا ضيوف لا راحوا يكلمك

باسل : أوكيه سلااام

سديم : و عليكم السلام

لميس : سديم

سديم : هلا

لميس : مين كلم

سديم بحزن : باسل

لميس : تحبينه

سديم : لميس هذا سؤال .. إنتي أكثر وحده تعرفين

لميس : و عسى أن تكرهوا شيئا و هو خيرا لكم

سديم : على قولتك الحين لازم أبدا حياة جديدة و أنسى باسل

لميس : الله يكملك بالعقل يالغلا

سديم : وش تبغين الحين

لميس تضرب راسها : أوه كيف نسيت هاني يبغاك

سديم : طيب

بالمطبخ .....

سديم : هلا هاني

هاني : بدري

سديم : توها قالت لي لميس .. على فكرة باسل كلم و قلت له يكلمك إذا راحوا الضيوف

هاني : علمتيييييه

سديم : لا

هاني : أوكيه جاهزة طلال يبي يشوفك

سديم : وشو له العجله ليه ما يخليها يوم ثاني

هاني : ما أدري عنه

سديم : كيف شكلي

هاني : تهبلين ما شاء الله عليك

سديم تعدل شعرها : أبغاك توديني المشغل عشان أقص شعري

هاني : لا مجنونة إنتي طالعي ما شاء الله واصل إلى آخر ظهرك

سديم : و الله متعبني لازم أقصه

هاني : خلاص لكل حادث حديث الحين تعالي ندخل

سديم : و الله خايفة

لميس : سمي بالرحمن و توكلي على الله حبيبتي

سديم : أوكيه يالله

لميس : وينك خذي العصير

سديم : من الربشة نسيته

كانت سديم لابسه فستان كت طوله إلى نص الساق ولونه أزرق نيلي وكله أزارير صغيره من قدام ولابسه معه

كعب لونه فضي حبال " الله يكرمكم "

في غرفة الجلوس .....

هاني + سديم : السلام عليكم

طلال : و عليكم السلام و رحمة الله

سديم قدمت العصير : تفضل

طلال بابتسامة : زاد فضلك

جلست سديم جنب هاني

طلال : كيفك سديم

سديم بصوت واطي : تمام الحمد لله

طلال : دوم إن شاء الله

طلال : بأي سنه

سديم : أتوقع تعرف وشو له تسأل و إذا ما عرفت بتعرف مع الأيام

هاني يدقها : بنت

طلال بابتسامة : ما عليه بس حبيت ألطف الجو .. إلا أيش هذا اللي بالعصير

سديم رفعت راسها : أيش

طلال بابتسامة : لا سلامتك " الحبيب كان وده يشوف وجهها "

سديم تناظر بحقد : سخيف بجد عن إذنكم

هاني منحرج : ما عليه طلال امسحها بوجهي بس ترى هي كذا ما تحب هالحركات

طلال : هههههه ما عليه بس كان ودي أشوفها و مالقيت غير هالحركه

هاني : أوكيه تفضل المجلس

عند الرجال .....

أبو فراس : ها يا ولدي متى حاب تكون الملكه

طلال : بكره نروح إن شاء الله نسوي التحاليل و إذا طلعت النتيجة نسوي الملكة و الزواج بأخليه مع فراس بنفس اليوم

أبو فراس : أوكيه بس مو كنك مستعجل شوي

فراس : مو شوي يبه إلا كثير

طلال بابتسامه : خير البر عاجله

أبو فراس : الله يكتب اللي فيه الخير .

بعد أسبوع كانت ملكة طلال و سديم طبعا سديم اشترطت إنها تكون عائلية و بالبيت

يوم الملكة .....

في بيت أبو إياد .....

باسل معصب : وشلون يبه يزوجها لطلال و أنا من أول أبيها

أبو إياد : يا ولدي تعوذ من الشيطان البنت ماهي من نصيبك

باسل : من أول أنا استناها و مكون نفسي و كل ما اطلبها من عمي يقول باقي تكمل دراستها

والحين يجي طلال و يوافق عليه أنا أولى بها أنا ولد عمها

أم إياد بحزن: ما عليه حبيبي الله يرزقك بغيرها وبنات الناس كثارهذا نصيبها

إياد : باسل واللي يسلم قلبك لا تزعل

باسل نزلت دموعه : ليش ؟؟ ليش يا إياد كل أحلامي اللي بنيتها تحطمت و راحت ليش تخونني ليش

أبو إياد يصفقه كف : تنزل دموعك عشان بنت يا باسل

باسل حط إيده على خده : .......

أبو إياد : ما توقعتك كذا يا حسافة تربيتي لك .. هه عشان بنت .. أبزوجك أحسن منها

باسل : غير سديم ماني متزوج و لا عاد تجيبون طاري الزواج

إياد : باسل باسل تعال وين رايح

باسل معصب : فكني في ستين داهية

غلا تبكي : يا قلبي عليك يا باسل

ليان تبكي : والله حرام ليش عمي سوى كذا

أم إياد : ما فيه نصيب يا بناتي

أبو إياد : قوموا نروح تأخرنا

غلا : و باسل

إياد : لا تخافون عليه

في بيت أبو فراس .....

في غرفة سديم .....

سديم تناظر بجوالها .....

توصي شي انابكرة مسافر .. وابي الليله اسافر قبل باكر .. ولكن قبل ماارحل ودي تعرف .. ترى موتى

ولاموت المشاعر .. انا رتبت جرحي مع ثيابي .. واخذت احزانى والامى تذاكر .. يروح العمر ماراحت همومي

صحيح اللى يقول الهم كافر .. خسارة انت والدنيا عليا .. تكابر والزمن مثلك يكابر .. حبيبي كل من حولى ظلمنى

وتبغانى بعد هذا ماسافر .. توصي توصي شي توصي شي أنا بكرة مسافر

(( للأسف ما توقعتك تنسين الحب اللي بيننا بهذي السهولة وتاخذين غيري .. نفسي أعرف وشو الشي

اللي لقيتيه فيه و لا لقيتيه فيني .. ما أقول غير يا حسافة الأيام اللي ضيعتها و عشتها وهم بوهم .. عموما الله يوفقك

إن شاء الله و يهنيك .. و ألف مبروك .. محبك سابقا : باسل ))

سديم تبكي : حرام عليك و الله غصب عني أنا مالي شغل ليه ياربي ليه أنا شسويت

لميس : سديم جاهزة .. سديم يا قلبي ليه تصيحين

سديم تحضن لميس و تبكي : لميس والله العظيم إني أحبه و ما خنته ليه يقول هالكلام

لميس تناظر بالجوال وتقرا الرسالة : بس حبيبتي هذا نصيبكم ولازم ترضون فيه .. الحين خربتي مكياجك من الصياح الله

يهديك تعالي أعدله لك

غلا + ليان : سلاااام يا حلوة

سديم تمسح دموعها: وعليكم السلام

غلا : ليه تصيحين اليوم ملكتك افرحي

سديم : أمحق من ملكه

ليان : ما عليه سدومه صدقيني خيرة .. حتى باسل حاله أسوأمن حالك بس مصيره ينسى

سديم : جو أهل طلال

غلا : إيه يا قلبي يالله عشان تنزلين

يا حبيبي بعدك عني شو مجنني ألبي مشتاق لك يا حبيبي حتى و إنت بعيد ..

ياغرامي أنت بروحي..وبنسى جروحي وبحبك حدي ياحبيبي حتى وانت بعيد

على حبك فتحت عيوني..مش هم الناس يشوفوني .. عن حبك مارح اتخلى..رجعني لقلبك رجعني

ودع عمري وماتودعني..من بعدك مابعشق والله

غلا : هلا فراس

فراس : كيفك غلاي

غلا بابتسامة : تمام الحمد لله

فراس : دوم إن شاء الله اسمعي قلبي خلي سديم تجيني على المجلس

غلا : إن شاء الله .. تامر على شي ثاني

فراس : لا سلامتك في أمان الله

غلا : في حفظ الكريم

ليان : أيش يبغى فراس

غلا : يبغى سديم تروح للمجلس عند طلال و بعدين تطلعين للحريم

سديم : الله ياخذ طلال و يفكني منه يارب

البنات : استغفر الله العظيم

غلا : وش هالكلام

سديم : أحسن

لميس : خذي ردي

سديم : مين بعد

لميس : فجر

سديم : هلا و غلا

فجر : هلا فيك حياتي .. كيفك

سديم : تمام الحمد لله

فجر : ألف ألف مبروك يا قلبي

سديم : الله يبارك فيك يا عمري

فجر : سامحيني ما قدرت أحظر ملكتك بس إن شاء الله أحظر الزواج

سديم : على خير إن شاء الله

فجر : خذي كلمي سحر

سحر : هاااااي

سديم : ههههه هااايات كيفك

يتبع ,,,,

👇👇👇

تعديل المقال