رواية تحملت كثير يا قلبي -13

رواية تحملت كثير يا قلبي -13

حمد : ايه وش فاتني ..

فهد : لا بس فاتك جدتي تو طقتنا ..

حمد : عادي كل يوم تطقكم ..

فهد : لا بس تونا منسدحين نضحك وطقتنا الله يهديها .. ليه يا اميمتي ليه ..

الجده : اسكت يا ولد ..

حمد : ههههههههههههههههههههههه ولد ..

رائد : فضحتنا ..

الكل : ههههههههههههههه ..

حمد : اجل يا ولد هاه ..

فهد : مو بس انا ..

رائد : هي انت خلاص ..

فهد : حتى رائد ولد .. كلنا صرنا يا اولاد ..

حمد : ههههههههههههههههههههه اوووما ولد .. يمه .. الله يهديك وش ولد ..

الجده : ما قدرت اعقلهم .. وش اسوي .. جبت الغدا ..

حمد : ايه جبته ..

فهد : يا بعد عمري وقلبي وروحي وحياتي انتي .. تعالي فديتك اشتقت لك ..

جت له رغد وخذها باسها وجلسها بحضنه ..

حمد : انا ابي بوسه ..

فهد : لا بس رغودتي ..

حمد : ترى بزعل ..

رغد : انا اعطيك بوسه عادي بدال فهد ..

حمد : بتكون احلى بوسه ..

قامت رغد وباست حمد ومسكها وقبصها مع خدودها ..

فهد : هي انت شوي شوي .. يالهمجي ..

حمد : من الهمجي انا ولا انت ..

فهد : انت .

حمد : خلني ساكت بس .. يلا ما تبون تتغدون ..

الجده : شوي لين يجون الحريم ..

حمد : توي مكلم امي تقول هذانا جينا .. على بال ما يحطونه يكونون جو ..

الجده : زين .. قومو بنات .. حطو للشباب بلحال ولنا بلحال .. يلا امي لولو قومي ..

لولو : ان شاء الله ..

قامت لولو ومعاها تهاني ..

الجده : وانتم ليه ما تقومون ..

اميره : يكفي ثنتين يمه ..

الجده : لا ما يكفي .. قومي ..

اميره : يمه تعبانه رجليني تعورني ..

الجده : قومي انتي وياها ..

هفا : يمه رجلينا والله تعورنا ..

الجده : اعوذ بالله اقوم انا يعني ..

جوري : خلاص يمه لا تعصبين انا بقوم ..

الجده : فديتك والله .. انتي سنعه بدور لك رجل ..

ولاء : وانا يمه وانا ..

الجده : انتي اركدي قبل ..

جوري : ما ابي رجل يمه ..

الجده : احد يعاف الزواج ..

قامت جوري وراحت .. وفهد يطالعها مستغرب ..

هيفا بتبرر اللي قالته جوري لا يفهم غلط ..

هيفا : يمه احرجتيها ..

الجده : وين احرجتها معاه ..

هيفا : انتي ما شفتيها قبصتني لين قالت آمين .. يدي حمرت منها ..

الجده : جوري تستحي انتي هي ليه ما تستحين ..

ولاء : مين انا ..

الجده : ايه انتي .. مطيوره على الزواج ليه ..

ولاء : وش اسوي طيب ..

الجده : اركدي .. يوم كنا كبركم .....

البنات : لو قالوا لنا زواج ماطلعنا من الغرفه اسبوع .. درينا ..

الكل : ههههههههههههههههههههههه ..

فهد : ماشاء الله حفضتوا الاسطوانه ..

اميره : وش نسوي .. حامت اكبدنا ..

حمد : الله يزوجكم كلكم ونفتك ..

البنات : وانت قبلنا ..

حمد قام : الله لا يقوله ..

فهد : يا كرهك ..

راح حمد يجيب باقي الاكل من الصاله ويحطه بالمطبخ ..

حمد : احــم احـــم .. ابجيب الباقي ..

تغطوا البنات .. ودخل حمد حط الاكل ..

حمد : تراني جايب ومكثر حنا لا تحطون لنا كثير .. زين ..

لولو : ان شاء الله ..

حمد : يعطيك العافيه ..

لولو : الله يعافيك ..

ابتسم وطلع .. راحت لتهاني وقبصتها ..

تهاني : خييييييييييييير .

لولو : مدري بس لا يسوي كذا ..

جوري : عادي ..

لولو : ما ابي انا انحرج ..

جوري : تكفيييييييييييين ..

جو الحريم .. وحطوا الغدا وتغدو .. وناموا الحريم والبنات .. لين المغرب .. وبعدها قاموا وجلسوا الحريم صلوا بالبيت لان الصلاة فاتتهم .. والشباب كانوا طالعين .. والبنات ماقاموا ..

حصه : والبنات ..

عايشه : نخليهم وش نسوي فيهم ..

شيخه : ماراح نطول .. يلا يمه ..

طلعوا الحريم .. وراحوا الحرم .. بعد ½ ساعه قاموا البنات ولا لقوا احد .. راحوا شقة الشباب وفتح لهم سلطان ..

هيفا : سلطانوه الحريم وينهم ..

سلطان : مدري .. انا شفتهم نزلوا كلهم ..

ولاء : حتى امي لولو ..

سلطان : ايه ..

هيفا : ياربييييييييييه .. وش ذا .. حنا بنطلع طيب .. اسمع فيه احد جوى ..

سلطان : مافيه غيري انا ونايف وريان ..

رجعت هيفا وولاء لشقة البنات ..

جوري : هاه ..

هيفا : كلللللهم طالعين ..

اميره : خيااااااااااانه ..

ابرار : جوري .. دقي على اخوك مو قال يمكن يطلعنا

ليلى : ايه ايه دقي ..

دقت جوري على رائد ..

رائد : يووووووه هذي جوري ..

فهد : وشو يوووه رد ..

رائد : طيب برد .. الوووو ..

جوري : هلا رائد ..

رائد : هلا والله ..

جوري : وينكم ..

رائد : موجودين ..

جوري : طيب وين اللي بيودينا السوق ..

رائد : يووه نسيت ..

فهد : وشو ..

رائد : نسيت قايل لجوري بوديهم السوق ..

فهد : يلا يلا نرجع ..

رائد : انت الحين ليه ماتركد لا اصكك بالجوال على خشمك ..

فهد باسه على راسه : آآسف .. كلم كلم ..

رائد : ايوه .. شباب نودي البنات السوق ولا لاء ..

مشاري : ايه ايه ..

حمد : ليه لا ..

رائد : يلا جوري تجهزوا ..

جوري : فدييييييييييييييييييتك ..

قفلت جوري وقالت للبنات وبدوا يتجهزون .. ابرار لبست بنطلون جنز اسود وبلوزه اسود وابيض .. لولو لبست جنز اسود محدد بأبيض وبلوزه بيضا .. تهاني لابسه بنطلون بيج وبلوزه بني محروق .. ساره لابسه بنطلون بني مع بلوزه بني بازرق .. ليلى لابسه بنطلون ابيض مع بلوزه حمرا .. اميره لابسه بنطلون رمادي وبلوزه بيضا .. وهيفا لبست بنطلون عنابي وبلوزه بنيه .. وجوري برمودا احمر وبلوزه احمر بابيض .. وولاء بنطلون جنز وبلوزه سبورت .. والجوهره ونوره بناطيل جنز اسود وبلايز ورديه .. وغيدا وبيان بناطيل صفرا مميزه وبلايز اسود باصفر .. ورغد لبست برمودا احمر وبلوزه بيضا << تقلد جوري .. خلصوا لابسين ودق ماهر على اميره وقال لها ينزلون .. نزلوا وقاموا يمشون .. لين وصلوا السوق ..

حمد : مايصلح نمشي مع بعض .. خلونا ننقسم ..

مشاري : انا وحمد مع نصهم ..

فهد : انا بروح محل قريب .. تركهم وراح ..

رائد : انا وماهر مع الباقين ..

اميره : بضاعه حنا توزعونا ..

حمد : مو حلو يشوفونا العالم مع بعض بسم الله علينا ..

ابرار : خلاص يله ..

حمد : انا بقول اللي بيكونون معاي والباقي مع رائد وماهر ..

ماهر : اوكي ..

حمد : ابرار لولو وتهاني لا لا تهاني مع رائد ..

مشاري : خير انت .. تهاني معنا ..

الكل : ههههههههههههههه ..

حمد : الله يفشلكم العالم يطالعونا .. يلا تهاني معنا .. وليلى وساره واميره بس ..

ماهر : تاركين لنا البزارين هاه ..

ولاء : مين البزارين ..

ماهر : ولا احد ..

رائد : يعني اللي معاي .. جوري وهيفا وبيان وغيدا وولاء ونوره والجوهره ورغووده ..

حمد : ايه .. ويالله يالله ..

ماهر : الله يعين ..

تفرقوا كلهم وكل مجموعه راحوا جهه ..

حمد ومشاري يمشون قدام البنات ويسولفون .. جو الهيئه ..

حمد : ياويلنا .. الهيئه ..

مشاري : ماسوينا شي .. خواتنا معانا شفيك ..

حمد : لا هذولا يطردونك لين يخلصون اهلك انت تجي تآخذهم ..

الهيئه : السلام عليكم ..

حمد ومشاري : وعليكم السلام ..

الهيئه : مع مين جايين جزاكم الله خير ..

مشاري : مع اهلنا ..

الهيئه : ووين اهلكم ..

جت اميره وليلى من وراهم ..

اميره تأشر على حمد : هذا اخوي ..

وليلى تأشر على مشاري : وهذا اخوي ..

الهيئه : طيب تستري الله يجزاك خير ..

مشاري : متسترين ياشيخ ..

الهيئه : لا ما يجوز وش هالعبايات .. ما يجوز لبسها .. مزينه ومزكرشه مايجوز مايجوز ..

حمد : جزاك الله خير ..

الهيئه : تسترو الله يهديكم تسترو ..

راح عنهم ..

حمد : ياربيه .. مشكوره اميره ..

اميره : عادي .. مو اخوي من الاسلام ما كذبت ..

حمد : ههههههههههههه لا ماشاء الله صادقه ..

اميره : ايه شفت مو اميره اللي تكذب ..

حمد : كفو والله ..

اميره : يلا دامنا انقذنا الموقف نبي نمشيكم على ذوقنا ..

حمد : اممممممم يلا ..

راحوا يمشون والبنات قدامهم ..

عند ماهر ورائد .. كانوا يمشون والبنات قدامهم ..

ولاء : اففففف وش ذا .. ابي محل زي العالم ..

هيفا : تعالي تعالي ..

اخذتها وراحوا محل .. ورائد ماكان منتبه لهم ولا البنات .. شوي جوري حست ان الثنتين مو هنا .. راحت لرائد ...

جوري : وين هيفا وولاء ..

ماهر : ليه مو موجودات ..

جوري : لا ..

رائد : ياربي بس .. وين راحوا .. دقي عليهم اشوف ..

دقت جوري .. جوال هيفا مقفل .. وجوال ولاء مشغول ..

رائد : يعني شلون ..

ماهر : انت رح دورهم وانا بجلس مع ذولا ..

راح رائد يدور عليهم ولقاهم وعطاهم تهزيئه محترمه .. ورجع لماهر ..

ماهر : معليش مره ثانيه لما بتروحون مكان تقولون لنا ..

ولاء : ماكنا ندري ..

رائد : يالفالحه انتي وياها .. تعرفون تقولون .. ما يكلف وربي ..

ولاء : خلاص انتهى الموضوع ..

رائد : لا ما انتهى .. يلا اشوف قدامي بنرجع ..

جوري : لا رائد تكفى ..

رائد : وشو تكفى .. تبين هالمبزره يضيعون مره ثانيه ..

هيفا : لو سمحت حنا مو مبزره على قولتك ..

رائد : الا بزر .. ولو مو بزر كان تعرفين تقولين اني بروح مكان .. حتى البزر يقول لامه اني بروح لو كان بيروح .. وانتي ولا تعرفين تتكلمين ..

هيفا : الا اعرف اتكلم ..

رائد : ايه فالحه بطولة اللسان بس .. هذا اللي فالحه فيه .. وغيره ما تعرفين .. يلا اشوف قدامي ..

جوري : رائد الله يعافيك ..

رائد : جوري ..

جوري : رائد طلبتك ..

رائد : قلت لكم قدامي ..

مشوا البنات قدامه وهم راجعين ..

ماهر : ليه العصبيه هذي كلها ..

رائد : يا ماهر هذولا امانه مقدر عليهم .. لو وحده منهم صار فيها شي انا وياك بنروح فيها ..

ماهر : معك حق والله ..

وهم راجعين قابلوا فهد بالطريق ..

فهد : وين وين ..

رائد : بنرجع ..

فهد : توكم داخلين امداكم ..

رائد : ايه بنرجع ..

فهد : شفيك رائد ..

ماهر : معصب شوي .. قاله ماهر السالفه ..

فهد : لو انا منك مو بس ارجعهم الا اكسر رجلينهم وامسكها اياهم وارجهم على عربيات ..

هيفا : لو سمحت فهد لا تزيد الطين بله ..

فهد : ولا كلمه .. امشي وانتي ساكته ..

هيفا : ومن انت عشان تسكتني ..

فهد : ولد خالك وتاج راسك ..

هيفا : والله وما قالت ..

فهد : هيفووووه لا تخليني ارتكب فيك جريمه قدام العالم ..

جوري : خلاص تكفون ..

ولاء : خلاص اسفين .. خلونا نتمشى شوي والله ما اروح لا يمين ولا يسار غير معكم ..

ماهر : خلاص انتم فكوها شوي .. نتمشى ونرجع وش ذنب الباقين ..

فهد : رائد قلبي ندور شوي ونرجع ..

رائد : دمي فاير ما ودي ادور .. دورو بلحالكم ..

هيفا : انا برجع .. ما ابي ادور ..

فهد : ومن بيرجعك ..

جوري : هيفاا ..

رائد : انا برجعها .. يلا قدامي اشوف ..

فهد مسكه مع كتفه : هد اعصابك ولا تكلمها .. واذا روقت شوي ارجع ..

رائد : يصير خير ..

مشى رائد وهيفا تمشي قدامه ..

هي معصبه ورائد اكثر .. وصلو الشقه ودخلت وصكت الباب وقفلته وهو راح جلس بالشقه الثانيه وخلا الباب مفتوح ..

واللي بالسوق ماشين عادي ..

بيان : شفتي كيف عصبي ..

غيدا : من حقه ..

بيان : اقولك على اي شي يعصب ..

غيدا : امشي وانتي ساكته بس ..

جوري : يا كلبه ..

ولاء : وشو .. هي اللي جرتني ورحنا المحل ..

جوري : اففففففف .. قرف والله ..

فهد : شفيكم ..

ولاء : ولا شي ..

فهد : اصواتكم شوي عاليه ..

ولاء : نسكت احسن يعني ..

فهد : احسنين ..

ولاء : افففففففف ..

فهد : اففففين .. "يطالع جوري " .. بلاش عصبيه مو حلوه العصبيه عليك ..

نزلت جوري راسها ..

ماهر : هي انت لاتآخذ راحتك عشان اخوها مو هنا ..

فهد : كل تبن انت ..

ماهر : هههههههههههههههههههه ..

فهد : وين رائد كل هذا عصبيه .. اييي نوره ..

نوره : هاه ..

فهد : الناس العاقله يقولون هلا .. مو هاه ..

نوره : هلا ..

فهد : هلا فيك .. وين رايحه ..

نوره : ولا مكان بس ابكلم الجوهره ..

فهد : تعرفين تكلمينها هنا صح ..

نوره : موضوع خاص ..

فهد : خاص ولا عام .. هنا ما تتعدين ..

نوره : ان شاء الله ..

قاموا يدورون لين اذان العشا .. وبعده تجمعوا كلهم عند المدخل ..

حمد : وين رائد ..؟..

ماهر : راح ..

حمد : وين راح ..

ماهر : راح الشقه بيرتاح شوي ..

حمد : وش عنده ..

فهد : لا بس هوشه صارت وراح يريح بعدها ..

مشاري : هوشه ..

فهد : ايه هوشه .. العمه ولاء وهيفا ضاعوا .. وراح رائد يدورهم وبعد عناء لقاهم .. عاد تهاوش هو وهيفا ..

مشاري : وليش يروحون وبدون ما يقولون له ..

ولاء : خلاص عاد راحت السالفه وانتهت افف ..

ماهر : خلاص شباب ..

حمد : ولاء .. لو صار فيكم شي .. حنا المسؤلين عنكم .. كل اللوم بيكون علينا .. وبعدين ما يضركم لو قلتوا بنروح المحل الفلاني .. على الاقل تحطونهم بالصوره مو على طول تاخذون اعماركم وتروحون ..

ولاء : اسفه والله اسفه .. وربي اني آسفه ..

فهد : ههههههههههههه احسك شوي وتتمسحين فينا ..

ولاء : ههههههههههه من جد خلاص .. قرفتوني .. بصيح الحين ..

مسكتها جوري : ياقلبي انتي .. خلاص لا احد يكلمها ..

فهد بصوت واطي : ياليتني انا ولاء ..

مشاري وحمد وماهر : ههههههههههههههههههههههههههه ..

فهد : بسم الله الرحمن الرحيم .. عليكم اذان ..

مشاري : قل ماشاء الله تبارك الله .. ما ابي اتزوج وانا اصمخ ..

فهد : ماشاء الله .. ومن مقرودة الحظ اللي بترضى فيك ..

مشاري : فديت مقرودة الحظ انا ..

حمد : الحمد لله والشكر .. مو كذا يغازلون الله يصجكم .. يقولون .. فديتها زوجتي .. انا مقرود وهي مقروده اللي بناخذ بعض ..

الكل : هههههههههههههه ..

ماهر : شرايك تسكت ..

حمد : ادري .. رومنسي بقوه ..

ماهر : انا اعرف ان الرومنسي فهد ..

مشاري : كل هذا من الحب ..

فهد : يؤبرني الحب .. آآهـ فديت اللي احبهم ياناس ..

مشاري : يارب انا ودي اغازل بعد ..

ماهر : ياكثر البنات ..

حمد : التفت يمين ويسار تلقاهم بكثره ..

مشاري : لا يع ما يملى عيني غير انسانه وحده الله يخليها لي يارب ..

فهد : وانا بعد الله يخلي لي حبيبتي ..

ماهر : الحب بلوى ..

حمد : نقمه هالحب .. الحمد لله والشكر .. يارب تعطيهم العقل ..

اميره : اففففففففففف .. قرفتونا ترى ..

فهد : اميره .. شرايك ما تسكتين ..

اميره : مو اميره اللي يسكتونها ..

فهد : ولا فهد اللي يطولون عليه لسانهم ..

اميره : افف ..

فهد : اففيين .

ماهر : لا تقعدون تتأففون .. يلا خلونا نروح نصلي ونرجع ..

مشاري : يلا يلا .. الصلاة خير من الـ .....

حمد : الصلاة خير من البنات ..

ماهر : صح لسانك ..

حمد : صح بدنك ..

مشاري : خشمك ..

الكل : ههههههههههههههههه ..

اميره : شفيهم البنات ..

ماهر : نعمه من ربي .. بس امشوا ..

راحوا كلهم للحرم بيصلون .. وعقبها .. رجعوال الشقه .. جوري راحت لهيفا ..

جوري : هيوفه قلبي ..

طالعتها هيفا ولفت وجهها عنها ..

جوري : انا شدخلني طيب ..

هيفا : لا مالك دخل ..

جوري : هيوفه ...

هيفا : لو سمحتي معليه تخليني اجلس بلحالي شوي ..

جوري : ليه كذا تكلميني ..

هيفا : انتي ادرى ..

جوري : وش سويت طيب ..

هيفا : خلاص جوري بليييز ..

قامت عنها جوري وهي خانقتها العبره .. وطلعت جلست بالصاله .. دخلو البنات وشافوها جالسه بالصاله بلحالها .. مع انها اول من طلع فوق .. كل هذا عشان هيفا .. استغربوا جلستها بدون هيفا ..

اميره : وين هيفووه عنك ..

جوري تأشر على الغرفه : هناك ..

ساره تقلدها : هناك .. شفيك ..

جوري : ولا شي .. قامت وراحت للحريم بالشقه الثانيه ..

تهاني : شفيها ..؟..

ليلى : يمكن اختك قالت لها شي من هنا ولا من هنا ..

تهاني : ايه اعرفها هيفا .. اذا عصبت من انسان حطت الحره بأهله ..

راحت تهاني لهيفا ..

ساره : ياقليبي .. شفتو شكلها ..

ليلى : ياحياتي فيها صياح ..

اميره : مالها حق الغبيه هيفوه تهاوشها .. تهاوشت مع رائد لاتحط الحره فجوري ..

ابرار : من جد غباء ترى ..

لولو : انا بروح اشوفها ..

راحت لولو لجوري بشقة الحريم ..

لولو تمسكها مع كتفها : جوري قلبي شفيك ..

جوري رفعت عينها للولو وابتسمت لما شافتها : ولا شي ..

لولو : كل هذا تسويه فيك هيفا ..

جوري : انا مالي شغل .. تتهاوش مع رائد وتحط الحره فيني انا .. طيب مو انا اللي هاوشتها ..

لولو : طيب يمكن معصبه الحين ..

جوري : صار لها ساعه راجعه البيت وللحين معصبه ..

لولو : حياتي انتي خلاص هدي .. ان شاء الله بيكون كل شي حلو .. الحين نخليها ترضى ..

جوري : لا ما ابي خلاص ..

لولو : وش ماتبين ..

جوري : مو على كيفها متى ما تبي تزعل تزعل ومتى ما تبي ترضى ترضى .. دايم هي اللي تزعل وانا مجبووووره اراضيها لو كانت هي الغلطانه .. تعبت منها ومن تصرفاتها ..

لولو : بس هي بنت عمتك وانتي بنت خالها .. مالكم غنى عن بعض ..

جوري : هي تقدر تستغني عني بسهوله ..

لولو : ومن قال ..

جوري : انتي ما تعرفين هيفا يا لولو .. كله ولا احد يضايقها ولا يتهاوش معها ولا يدوس كرامتها .. تقلب عليه وعلى كل اللي يقربوله ..

لولو : انتي تقدرين تغيرينها ..

جوري : ماقدرت .. حاولت اكثر من مره اشيل منها هالصفه بس مو قادره .. والحين جالسه تسويها فيني .. مو انا اللي مهاوشتها .. هذا رائد .. وانا ما اقدر اتحكم بتصرفات رائد .. تعرفينه عصبي ..

لولو : عارفه يا قلبي عارفه .. طيب معليه تمشين الحين معاي .. البنات يحترونا ..

قامت جوري مع لولو وراحوا للبنات .. جلسوا بالصاله وطلعت تهاني من الغرفه معها هيفا .. جلست تهاني جنب لولو وهيفا جلست بعيد عن جوري شوي ..

جوري : انا بروح اجلس مع امي لولو ..

ولاء : بروح معاك ..

الجوهره ونوره : حتى انا ..

راحت جوري وتركت هيفا تحترق ..

هيفا "يعني يوم جيت رحتي " ..

ليلى : جوعاااااااااااااااااااااااانه ..

البنات : ههههههههههههههههه ..

ابرار : دايم بسم الله عليك جوعانه ..

ليلى : والله جد من المشي اللي مشيناه .. ابي أَمْ ..

اميره : الحين اقول لماهر يجيب لنا عشى ..

ساره : لا لا لا نبي نطلع نتعشى برى ..

ابرار : فديت افكارك يا حبييلك من جد نبي نتعشى برى ..

ساره : يلا دقي عليه يطلعنا .. دقت اميره على ماهر ..

كانوا الشباب كلهم جالسين ويطالعون مباراة ودق جوال ماهر ..

ماهر : نعم ..

اميره : نعامه ترفسك .. قول هلا ..

ماهر : هاااااه بسرعه وش تبين ..

الشباب : قوووووووووووووووووووووول ..

ماهر : هلا اميره وش تبين يا قلبي ..

اميره : شف الاسلوب ..

ساره : افتحي السبيكر نسمع وش عنده ..

اميره : لا تحارشين اخوي ..

ابرار : ههههههههه افتحيه وانتي ساكته بس ..

فتحت اميره السبيكر : ماهر ..

ماهر : عيونه ..

اميره : نبي نطلع نتعشى برى ..

ماهر : الشور عند حمد .. حمد .. البنات يبون يطلعون يتعشون برى ..

حمد : انا غديتهم .. ورائد يقول بيعشيهم ..

رائد : وين بيتعشون حنا بنجيب لهم العشا ..

اميره : لا لا نبي نطلع ..

ماهر : اصبري ليه الطلعه توكم راجعين قرو شوي ..

اميره : حنا جايين هنا عشان نطلع مو ننحبس هنا ..

ماهر : عاد مو كل شوي ..

اميره : يلا عاد نبي نطلع ..

ماهر : تقول اميره نبي نطلع ..

رائد : وين يروحون له ..

اميره : بنات تدللو وين تبون ..

البنات : البيك ..

ماهر : ههههههههههههههه ..

اميره : وش يضحك ..

ماهر : ماشاء الله كلم جوعانين لهالدرجه ..

اميره : شفت عشان ترحمونا وتطلعونا نتعشى برى ..

ماهر : رائد .. بصوت واحد يبون البيك ..

رائد : زحمه البيك .. وبعدين مكه مافيها عوايل ..

ماهر : وش ورانا نوديهم جده نتعشى ونرجع ..

رائد : بكيفهم .. بس نجيبه ما يطلعون ..

اميره : هي ماهر وش يبي هذا لا نبي نطلع ..

ماهر : اميروه ترى بحلف انا انكم ما تطلعون ..

اميره : افففففففففففففف .. خلاص .. طيب ..

ماهر : هههههههههههههه ماتجين الا بالعين الحمرا ..

رائد : شف قلها .. ربع ساعه اذا مو جاهزين عشاهم بيجيهم ..

اميره : لا لا جاهزين لو نطلع الحين ..

ماهر : اوكي يلا ..

سكرو منه وعلى طول قاموا يلبسون .. وجهزو ودقوا على ماهر . طلع ماهر الشباب بعد ما خلصت المباراة طبعا .. ووقفوا كلهم بالسيب بين الشقق الاربعه ..

رائد : وين جوري ..

اميره : جوى عند الحريم ..

رائد : بتجي ..

لولو : ايه الحين بتجي ..

جت جوري ومعها البنات نوره والجوهره وولاء ..

رائد : يلا ..

البنات : يلا ..

ماهر : مافيه احد ناقص ..

البنات : لا ..

مشاري : اسمعوا بنروح بسيارتين ..

حمد : اوكي .. نفس ترتيب السوق ..

رائد : لا ..

حمد : خلاص اوكي .. اللي تبي تركب معاي ومع مشاري .. تروح الجمس الذهبي .. واللي تبي تركب مع رائد وفهد وماهر بالجمس الفضي ..

راحوا كلهم ونزلو ..

اميره وساره وابرار ولولو وتهاني وليلى وهيفا مع حمد ومشاري .. و جوري ونوره وولاء والجوهره وبيان وغيدا رغد ..

رائد ركب ورى جنب جوري ..

ماهر : رؤوودي شلون الجلسه ورى ..

رائد : خلك بحالك ..

فهد : ههههههههههههههههه حلوه صح ..

رائد : طالع طريقك انت ..

فهد : تحس انك حركه وانت جالس ورى ..

رائد : مره .. خاصه اني جالس جنب جوري .. احلى مكان .. صح ..

فهد : صح ..

رائد قام وطقه مع راسه : كنك اخذت راحتك شوي ..

فهد : ههههههههههههههه انت تقول صح وانا اقول صح .. يعني تبيني اقول لا خطاء لا ما يصير ..

ماهر : لا ترقع ..

فهد : انت بيجيك شي مو زين ..

ماهر : ههههههههههههههههههههه .. مسكين دايم انا الضحيه ..

فهد : انت لسانك متبري منك بدرجه مو طبيعيه ..

ماهر : من ولد خالي .. ؟؟ ..

رائد : ههههههههههههههههه فهد ..

ماهر : هههههههههههههههههه صح لسانك ..

فهد : ايه صيرو علي الاثنين .؟. رغووووده .. يرضيك كلهم علي وانا بلحالي ..

رغد : لا ما يرضيني ..

فهد : فديت البنات انا ..

ماهر : كل البنات ..

فهد : لا بس ناس معينين ..

ماهر : ومين هالناس ..

فهد : انت شكلك ناوي علي اليوم ..

ماهر : هههههههههههههه لا بس استفسر ..

فهد : ههههههههههههه لا لا تستفسر .. وينها هيفا مالها صوت ..

ولاء : بالسياره الثانيه ..

فهد : غريبه شعندها .. اكيد عشان رائد ..

رائد : احسن لا تجي مو لازم ..

التفتت عليه جوري : لا مو احسن ..

رائد : الا احسن ..

جوري : طيب ..

رائد : ههههههههه تسكتيني يعني ..

جوري : ما احب احد يتكلم عن الناس اللي احبهم ..

رائد : وهيفا من الناس اللي تحبينهم ..؟؟..

جوري : هيفا اولهم ..

رائد : يؤ يؤ يؤ ..

ماهر بصوت واطي : راحت عليك يا فهد ..

فهد بصوت واطي : حطمتني ..

ماهر : ههههههههههههههههههههههه ..

رائد : خير ..

ماهر : لا سلامتك ..

رائد : ايه اشوى .. ايوه جوري .. وليه بالله هيفا اولهم ليه ما اكون انا ..

جوري : انت غير وهيفا غير ..

رائد : شلون يعني ..

جوري : يعني انت لك غلاة خااااصه .. وهيفا لها بعد غلاة خاصه ..

رائد : بس ما تستاهل هيفا ..

جوري : الا تستاهل ونص .. اذا هيفا ما تستاهل .. اجل مين اللي يستاهل ..

ولاء : انـــــآ ..

فهد : يا شين اللي يرز نفسه ..

ولاء : وانت بعد ..

فهد : انا ايش ..

ولاء : مالك شغل .

فهد : ولاؤوه اهجدي ..

ولاء : هاجده ..

ماهر : ياخي كنكم توم وجيري ..

فهد : ولاء توم وجيري ..

ماهر : وين تتهاوش مع نفسها ..

فهد : هذا اللي اشوفها .. اذا مالقت احد تتطاق معاه تطاقت مع نفسها ..

ولاء : ليه مهبوله ..

فهد : اللهُ اعلم ..

نوره والجوهره : ههههههههههههههههههه ..

ولاء : وجع ..

فهد : وجع هذي لمين ..

ولاء : لا تخاف مو لك ..

فهد : على بالي .. بغيت انزلك واركبك فوق التنده ..

ماهر : هههههههههههههههه تخيل شكلها ..

فهد : هههههههههههه اتخيلها متقضبه وشعرها طاير والعبايه تقول سوبر مان مو ولاء ..

الكل : هههههههههههههههههههههه ..

ولاء : ياااااااااااااسخفك ..

فهد : ما عليك زود ..

ولاء : اففففففففففففف ..

رائد : الحين مين اللي معنا بالسياره ..

ولاء : انا ..

رائد : انتي معروفه غيرك ..

ولاء : انا وجوري والجوهره ونوره وبيان وغيدا ورغوده ..

رائد : آهـــآآ ..

يتبع ,,,,

👇👇👇

تعديل المقال