بداية

رواية اضمك وين من حسادي واحميك -14

رواية اضمك وين من حسادي واحميك - غرام

رواية اضمك وين من حسادي واحميك -14

(.. البارت 26..)

يوم السبت العشاء عند ابو محمد عشان ابو سامي
كان باستقبالهم بدور وام محمد وام ياسر وام حازم وام فهد وحنين وعهد
اما اسراء وشهد طلعو فوق غرفتهم اسراء اخذت الفلاش من حنين عشان تاخذ صور حاتم وتزبطها
ام سامي :. كيفك يابدور
بدور :. بخير الحمد الله انتي كيفك
ام سامي :.الحمدالله
بدور :. وانتي الاء و ولاء كيفكم
الاء بدون نفس :. بخير
ولاء نفس اختها :. الحمدالله
عهد طلت في حنين يعني شوفي اسلوبها ..
دخلت وشهد وسلمت عليهم وبعدها بخمس دقايق دخلت اسراء
الاء :. ولاء شوفي ايش لابسه نفس اللبس اللي عجبنا كنا نبغى ناخذه بالعيد
ولاء:. بس ماشالله عليها احلى وحدة بس لو تسمن شوي
الاء :. انا مو قاهرني غير العله هذي بدل ماكانت شغاله عندنا شوفي العز اللي عايشه في
ولاء:. من جد عز بس شكلها هبله متعوده على عيشه الفقر
الاء ولاء:. هههههههههههههه
مر الوقت وبعد العشى البنات راحو بغرفه لوحدهم ..
الوضع عند الحريم والرجال كان هرج وسوالف عادي
اما عند البنات
الاء :.دحين بدور ساكنه هنا
عهد :.ايوا
الاء:. اهاا
اسراء :.ياقلبي عليها اكيد فاقدينها
ولاء:. مره حتى قلت لابويا ناخذها معانا
شهد :.ايش قال
ولاء :.قال اصلا هيا راجعه معانا عشان واحد من عمانك قال اسبوع وراجعه شكلهم انشغلتو وكذا ماجابوها
اسراء:. ليش الشغله على كيفكم
الاء:. ايوا ابوي ولي امرها
اسراء:. اصلا ياحلوه هيا دحين رجعت وانضمت لجدي يعني جدي ولي امرها مو ابوكي
الاء :.اكيد في سر
شهد :.ههه فين السر بالله بطلي ذكاءبنت ضاعت ورجعت فين السر
ولاء:. بس ابويا اولى من جدك
اسراء :.ليش يعني
ولاء :.يعني ابويا صرف وتعب عليها اكثر من جدك
اسراء:. قصدك وفر فلوس شغاله بدل مايجيب ويخصر هيا موجوده تخدم ببلاش لو جدي عارف انها عندكم ماخلاها تعيش عندكم يوم واحد وصرف عليها اكثر من الصرفه ابوكي ميه مره
جات بترد الاء بس دخلت بدور
بدور:. الاء و ولاء ابوكم يقول يلا
الاء:. يلا قايمين
نروح لمكان ثاني ,,
(..عند حاتم وزياد..)
هما جالسين يفطرو..
حاتم :. زيود
زياد:. هلا
حاتم :. كلمني ناصر امس بالليل بعد مانمت
زياد:. ايش يبغى
حاتم :.يقولو اليوم طالعين هو والشباب يبغونا نطلع معاهم
زياد:. وايش رديت عليه
حاتم :. اعذرت منه قلته عندنا اشغال كثير نبغى نسويها
زياد :. اي احسن خلينا نخلص اليوم اشغالنا عشان بكرة يجو فهد واحمد نجلس معاهم بدل مانرتب
حاتم :. كلمت جون امس قلته على الملابس فرح المسكين
زياد:. حلو يصير اليوم نخلص كل شي ونعطي هيا ويوم الاربعاء نعطي المفارش والمواعين حقتنا
حاتم :. صار
بعد ماخلصو الفطور كل مين راح غرفته وجلس يرتب اغراضه عاد دحين راجعين رجعه مرة وحدة يرتبو درج درج ومكان كمان ..
نرجع للسعوديه ,,
بعد ماراحو الكل اجتمعو البنات في غرفه احمد
احمد :. كيف بنات ابو سامي
اسراء :. وع وع وع
احمد :. هههههه ليش
اسراء:.ياخي غثااااء
شهد:. وثقاله دم بشكل ماتتصورة
احمد :. شكلكم ماقصرتو فيهم
عهد:. وربي طلعو الشيب براسهم يقولو كلمه تلاقي الرد بعشرة
احمد :.يلا وحدة تقولي ايش اللي صار عبال مارتب ملابسي
حنين :. اسمع ياطويل العمر وقالت ايش صار من يوم مارحو لغرفه لوحدهم لين ماجات بدور وقالت يلا
احمد :. تعجبني ياإسراء
اسراء:. ياخي لو عمه بدور ماجات كان ماقصرت
احمد :.تعالي هنا ايش تسوي بجهازي
اسراء:. اشوف عندك صور لزياد وحاتم ولا لا
احمد:. طيب قولي استاذني
اسراء :. ياخي جالس ترتب اغراضك قلت اشوف عبال ماترتب
جلسو يهرجو لين مااذن الفجر صلو احمد نام واما البنات راحو يكملو السهرة بالصاله
بعد ماصلو اسراء وشهد وحنين راحو يجبو اغراض السهره (.. ببسي . فشار . شبس. بطاطس مقليه ..)>>ماخلو شي
وعهد راحت تجيب DvDوتحط الفلم
اتفرجو وكان الفلم هندي (Veer-Zaara) وكانو داخلين جو بالمرة ونص الفلم تجي لهم بدور واسراءتوقف الفلم
بدور :.انتو لسى مانمتو
حنين :. لا
بدور :. ليش
اسراء :. قلنا نجلس مرة وحدة نسلم على احمد قبل لا يسافر
شهد:. عمه تعالي اجلسي معانا واتفرجي
بدور :. لا بروح اشوف امي وابويا اكيد صاحين وابغى اجلس معاهم
شهد :. براحتك
نزلت بدور ورجعو البنات يتابعو الفلم..
عهد :. يااربي قهر انسجن عشانها وطلعت ماتزوجت ولا شي
شهد:. اهم شي رجعو لبعض
اسراء:. هههههههههه راح شبابهم باقي شيخوختهم هههههه
حنين :. هههههههههههههه من جد كل واحد منهم الشيب معبي راسهم
سيتي:.مدام يقول صحي احمد من نوم عشان بابا فهد في يجلس تحت يستنى
اسراء:. طيب .. سيتي شيلي الصحون ونزليها معاك
سيتي:. تيب
راحت اسراء تصحي احمد .. وحنين قامت تشيل DvDوترجعه بغرفة احمد .. وعهد وشهد نزلو يسلمو على فهد
دخلت اسراء تبغى تصحي احمد لقته صاحي وكان ياخذ دوش .وخرج وشاف اسراء
اسراء :. نعيما
احمد :. الله ينعم عليك
اسراء :. حمود اخذت الكميراء
احمد :. اخذتها واخذت الشاحن كمان
اسراء :. اهم شي هههههههههههه
اسراء:. اخذت الوصله
احمد :. كل شي اخذته
اسراء:. حمود زي ماتفقنا
احمد :. اوكشن .. اعطى احمد اسراء الف ريال
اسراء:. ايش هذا
احمد :. اشتري هديه لحاتم وزياد
اسراء :. طيب ايش تبغى
احمد :. انتي وذوقك
اسراء:. هههههههه اذا على ذوقي اطمن راح تكون احلى هديه
احمد ضربها من راسها :. امشي بس
سلم احمد على اسراء ولما خرج من الغرفه شاف حنين وسلم عليها ونزل تحت
سلم على بدور وعهد وشهد وابوه لما وصل عند امه جلست تبكي
احمد :. يؤيؤ ليش الدموع وربي الاربعاء اكون عندك
ام محمد:. بس البيت مو حلو من غيرك
احمد :. يلا جات اللي تغطي على احمد
سلم على راسها ومسح دموعها :. يالغاليه ماابغى اشوف دموعك وكلها كم يوم وجاي وبعدين عندك ابو محمد ايش تبغي باحمد
ام محمد ضربته من كتفه :. اللي ماتسحي على وجهك اشوف بنت محمد وبنت سليمان علموك الهرج
احمد :. هههههههههههههههههه فديتهم بس
شهد :. لا داعي داعي هههههههه
راحو احمد وفهد مع عبد العزيز صاحبهم اللي يبغى يوصلهم المطار
احمد :. ابو العز تامر على شي
عبد العزيز :. بس وحده مزيونه من هناك
فهد:. خلاص نجيب لك ونغلفها بعد
عبد العزيز :. هههههه اهم شي التغليف
وصلو المطار وسلمو .. وبعد ساعه خلصو الاجراءت وسافرو ..
قراءهـ ممتعهـ


(.. البارت 27 ..)



حاتم :. زيود اعطيت الاغراض جون
زياد:. ايوا قبل شويه اعطيته هيا
حاتم :. يلا خلينا نروح الجامعه نشوف الشهاده خلصت ولا لا وبعدها نطلع للمطار نجيب احمد وفهد
بعد ساعتين بعد ماحاسو بالجامعه
زياد:. طيب يقولو من بدري بكرة تخلص لاازم نروح لكذا واحد بعدين يقولو بكرة تتطلع
حاتم :. ياخي نظام وقرف
ناصر :. كيفكم
حاتم :. تمام انتا كيفك
ناصر :. الحمد الله ليش ماجيتو امس مررة كانت الهرجه حلوة
زياد:. لا امس خلصنا اشغالنا
ناصر :. انتو منكم مسافرين الاربعاء بدري على الترتيب
حاتم :. لا وين بدري بعدين احمد فهد جاين شويه ونبغى نجلس معاهم ونطلع برا نتمشى بدل مايرحو لوحدهم واحنا نرتب
نلصر :. ماشالله على التفكير
زياد:. وانتا متى مسافر
ناصر :. يمكن على الاسبوع الجاي
زياد:. وعاجبتك الجلسه
ناصر :. تقريباهههههه
حاتم :. انا الود ودي انزل مع اخر يوم بالاختبارات مو اجلس اسبوع زياده كفايه هذا الاسبوع راح على الفاضي
ناصر :. اللي يسمعك حرمه تستناك هناك
حاتم :. ايش عرفك يمكن انا وزيود يوم واحد
زياد :. ههههههههه كل شي متوقع
ناصر :. يلا خلينا نشوفكم بالليل مع احمد وفهد
حاتم :. خلاص صار لو مانهم تعبانين من السفر جينا كم نصور عندي
ناصر يرمش بعينه :. واحد واحلى واحد
زياد :. يلا يلا خلينا نروح قبل لا يكبر راسه
هما بالسيارة راحين للمطار
زياد:.يووه خليني اكلمها اشوف ايش سوت
حاتم:. قصدك مين
زياد :. اسراء
حاتم :. هههههههههه الاخ مستعجل
زياد:.هههههههههههه فوق ماتتصور
حاتم:. الله يعين المسكينه اجل
زياد مسك علبة المناديل اللي كانت جمبه ورامها عليه:.ماقصدي اللي تقصده
حاتم يغمز:. اجل
زياد:. ابغى اشوف مشاعرها نفسها ولا لا
حاتم :. طيب حتى لو كانت مو نفسها مدام البنت محد متكلم عليها اتوكل على الله
زياد:. بس خليني اشوف اسراء ايش سوت
دق عليها مرة ماردت ودق مرة ثانيه وحط سبيكر بعد رابع ردت بصوت كله نوم
اسراء :.الو
زياد:. نايمه
اسراء:.ايش شايف
زياد:. مااني شايف شي بس سامع
اسراء:. اخلص عليا ايش تبغى
زياد:. ايش صار على الموضوع
اسراء:.دحين داق عشان تسأل هذا السوال
زياد:. ايوا
اسراء :.ماصار شي
زياد:. ايش مستنيه
اسراء:. قلت لامي تكلمهم تاخذ موعد منهم
زياد:.اخذت ولا لا
اسراء:. مدري
زياد:. اسراء ابغى اجي ابغى الموضوع منتهي
اسراء :. طيب
اسراء:. زياد خلصت
زياد :.ايوا ليش
اسراء:.يلا مع السلامه ابغى اكمل نومه
زياد :. مالت عليك
اسراء قفلت ..
زياد:. اوريها الحمارة تقفل الخط بوجهي
حاتم :. هههههههههه تستاهل البنت صوتها كله نوم تكلمها موضوعك
زياد :.تعال هنا ايش حكايتك مع اسراء
حاتم اترتبك بس حاول يكون طبيعي :. ايش في ؟ شايف شي انتا ؟
زياد:. لا ابد سلامتك جالس هنا محامي الدفاع
حاتم :. مافي شي انتا تتكلم وتبغاني ارد عليك وانا رديت عليك على حسب ماسمتعه
زياد :. اي صدقتك
حاتم:. لا تصدق
زياد:. ههههههههههههه يلا بس خلينا ننزل
على مادخلو مطار سمعو نداء وصول طيارة اللي فيها احمد وفهد ..
شافو فهد جاي لهم وسلم عليهم ..
زياد :.ياهلا والله
فهد :.ياهلا فيك
حاتم:.منور ياولد العم
فهد :.النور نورك
حاتم :.الافين احمد
فهد:. راح يخلص الاجراءات0
ماخلص فهد كلامه الا احمد جا سلمو عليه وراحو للشقه وهما بالطريق ..
فهد :.زياد
زياد :.هلا
فهد :.حجزت لنا فندق قريب منكم
زياد :.لا
فهد :.لاتقول مو هذا كان طلبي وانتا وافقت
زياد :.ايوا بس كنت اضحك عليك عشان تجي
حاتم:. فهود ترى والله بالشقه مافي غيري انا وهو
أحمد:. ههه يعني مافي احد منكم متزوج
حاتم:. ههه مدري كل شي جايز
فهد :.لا بس مانبغى نضايقكم
زياد :.ترى انا وحاتم والله منا متزوجين بعض عشان لاتضايقنا
حاتم :.شوف فهود لو تضايقونا كان حجزنا لكم من غير ماتقول بعدين نجلس مع بعض احسن بدل انتو بمكان واحنا بمكان مانخرج نخاف نتاصل عليكم تكونو نايمين او انتو تقولو نفس الشي
زياد :.حتوم اخصره الرجال يبغى يملك وسوى نفسه رجال علينا
فهد :.ليش ماني رجال
أحمد:. لا حرمه ههه
وصلو الشقه..
زياد :.هذي غرفتكم خذو راحتكم
فهد :.انا بروح اخذ شور وانام كم ساعه
احمد :. اما انا بنام مانمت غير ثلاث ساعات
حاتم :.ايش اللي خلاك ماتنام
زياد :.ههههههه شكله من كثر ماهو مشتاق لنا
أحمد :.لايكثر بس جلسو البنات هرج فوق راسي مانمت غير بعد الفجر ماجات الساعه تسعه الا وانا صاحي
زياد:. يلا ادخلو نامو عشان نخرج برا اليوم
فهد :.يلا اشوفكم على خير
احمد :.يلا خذني معاك
حاتم :.زيود انا بروح اريح
زياد :.انا بروح اشتري من السبور ماركت اغراض واجي
حاتم :.اوكشن
قراءة ممتعهـ


(...بارت 28..)

بعد صلاه المغرب بدور كلمت اسراء
بدور:. الو
اسراء بصوتها كله نوم:. الو
بدور :.انتي لسى نايمه
اسراء:. ايوا
بدور :.اسراء اصحي ابغى اتكلم معاك
اسراء :.صاحيه قولي ايش عندك
بدور:. بنات ابو سامي كلموني يبغو يرحو السوق يتمشو وانا معرف قلت تروحي معايا
اسراء :.خلاص بعد العشاء امر عليكي
بدور :.مو كانه الوقت متاخر
اسراء لا مو متاخر الدنيا حر واجازة العالم دحين تخرج
بدور:. طيب استناك مع السلامه
اسراء:. مع السلامه
قامت اسراء وغسلت وجها وصلت العصر والمغرب ونزلت عند امها وكانت بالصاله ..
اسراء:. امي
ام ياسر :. يانعم
اسراء:. عمه بدور كلمتني دحين تقول بنات ابو سامي كلموها ويبغو يتمشو وهيا ماتعرف مكان وكلمنتي اروح معاها
ام ياسر :. فين تبغو تروحو
اسرء :. بنروح النور
ام ياسر :.يلا حتى انا بروح معاكم
اسراء:. اجل باكلم شهد وحنين اشوف يرحو معانا ولا لا
ام ياسر :. خليهم يقولو لي امهاتهم اني رايحه لو يبغو يجو
كلمت اسراء شهد وقالت لها وحنين نفس الشي ..
قبل الصلاه خرجت اسراء وامها من البيت وراحو على بيت جدهم واخذو عمتهم بدور كان معاها بنات ام سامي وبناتها ..
اسراء:. محي الدين روح مجمع النور
محي الدين :. تيب ..
دخلو المجمع وشافو ام فهد وبناتها وام حازم وبنتها ..
اسراء :. انا مافيا دور بين المحالات بطلع فوق عند المطاعم مين يبغى يجي معايا
عهد :. لا لا لا بصير شي بالدنيا اسراء ماتبغى تتسوق
اسراء:.عقلنا
حنين:. دوووم العقل
شهد:. انا بروح معاكي
حنين وعهد والاء ولا وام سامي راحو مع بعض ..
وبدور وام فهد وام حازم وام ياسر بعض ..
وانتفقو اذا خلصو يدقو يتقابلو عند المطاعم ..
الساعه عشرة ونص ..
دق جوال اسراء,,
اسراء:. هلا حنو
حنين:. هلا فيك فينكم
اسراء:. رحنا نلف على كدا محل
حنين:. احنا خلصنا وجالسين عند المطاعم تعالو اذا خلصتو
اسراء:. اوك باي
حنين:. باي
عهد:. فينهم ؟!
حنين:. تقول اسراء راحت يشوفو كدا محل
عهد:. ههههههه مايكونواسراء وشهد اذا مادخلو محل واشترو
جلسو بالجلسات وبعد عشرة دقايق جو الامهات وبدور ..
ام فهد :. عهد فين اختك
عهد:. مع اسراء
ام ياسر:. دحين ماقالت تعبانه مفحالي ادور
حنين:. عاتي ياخالتي هذي اسراء لاازم لف
اسراء:. السلاااام عليكم ..
الكل :. وعليكم السلااام ..
اسراء:. تتطلبو عشاء ولا كيف ..
ام فهد:. خلاص نطلب ونتعشى مرة وحده ..
ام حازم :. ام سامي عادي ولا نروح ..
ام سامي :. لا عادي ماعندنا شي ..
اسراء:.يلا بنات قومو خلينا نشتري ..
راحو البنات يشترو .. والحريم جلسو يهرجو ..
بعدها اتعشو وكل مين راح بيته ..
اسراء راحت غرفتها وفتح الجهاز وحطت حالتها مشغول .. وجلست تشتغل بالصور
وحاطه ببالها ماتقوم اليوم الا مخلصه الصور اللي عندها ,,
جلست تشتغل من الساعه 12 الى الساعه 4 ومن 4 الى 8 جلست تتكلم بالمسن مع صحباتها وبعدين فتحت المنتدى واخذت لفه ونامت تقريبا على ال10
صحيت اسراء المغرب واخذت دوش واستشورت شعرها ولبست بلوزة فوشي شراب ابيض (.. بنطلون ماسك ..)
وقلوس وردي وكحل ومسكرا وراحت لي امها وقال انها خلصت ومتى ماتبغى تروح تعطيها خبر
وفتحت المسن وكان في شهد وعهد حنين ..
نك نيم شهد كان ..
مثلي قليل ونادر انكم تلاقون قلبي نظيف و صحبتي ترفع الراس
الرساله.. حتووووووم مبروك التخرج عقبال ماترجع وتنور بدلك ونفرح فيك :)
ونك نيم عهد..
عمر الاماني ماشكت لوعة الياس دام القلوب اللي تبينا نبيها
الرساله ..الف الف الف الف مبروم التخرج .. عقبال مانفرح فيك :)
ونك نيم حنين
والكل يبيني وش ذنبي دام الحلا مبتليني
الرساله.. حبيبي خيوو الف مبروووووووووووووووووك التخرج واخيرا ترجع لنا وتنور البيت :)
حطتهم بمحادثه وحده >>راح اكتب الاسماء بدل نك نيم عشان لا تتعبو *_*
اسراء :. مرحباااا ياابنات العم
شهد :. هلا والله هلا فييييك
عهد:. وسهلين يابنت العم
حنين :. وسهلن وسهلن
اسراء :. مبروووووك تخرج اخويا واخوكم ههههههههه
حنين :. الله يبارك فيك
شهد :. سروووو
اسراء:. يااعيونها
شهد :. تعالي عندنا
اسراء :. متى
شهد :. دحين
اسراء :. لا مااقدر دحين رايحه مع امي عند جيرانا
عهد :. تتطورات من متى تروحي
اسراء :. ههههههههههههههه من اليوم
حنين :. سرو دحين رايحه عندهم تعالي
اسراء :. طيب بعد مااجي من عند جيرانا اجي
شهد :. خلص الخبال
اسراء :. ايش تبغو تسو
عهد :. شوي يبغى يدخل حاتم واحمد وندخل كلنا بمحادثه وحده ونسوي خبال زي زمان لما سوينا
اسراء :. ههههههههههههههههههههههههههه نعيد الخبال بالليل
شهد :. مالت
اسراء :. عليك يلااا انا رايحه سهره سعيده لكم ..
..
اسراء حطت بالخارج ..
وش الحــــياة بدووووني يااابشر ..(.. برااا البيت ..)
الرساله .. زيوووووودي حبيبي الف الف مبروك التخرج عقبال العروسه هع ..بس لا تنسى الهدايا هههههههه ..
وراحت اسراء مع امها عند بيت جيرانهم وكل هناك اخوات ام خالد ..
ام خالد:. عاش من شافك ياام ياسر
ام ياسر :. عاشت ايامك كيفك
ام خالد:. بخير الحمد الله كيفك انتي وكيف حال العيال
ام ياسر :. والله كلهم بخير ..
ام سامر:. وزياد ولدك خلص ولا لا
ام ياسر:. لا الحمد الله هانت اليوم مسوين حفله تخرجه ويوم الاربعاء نازل
ام خالد:. الحمد الله ياشيخه دحين ترتاحي
ام ياسر :. بقوة راحه على الاقل قدامي عيني هنا ..
امال كانت جالسه جمب اسراء:. اقول سرو
اسراء :. هلا
امال :. ليش ماتروحي عند البنات هناك
اسراء:. لا ياشيخه تبغيني اروح مع الصغار
امال :. ههههههه من كبرك
اسراء:. ههههههههه لا يكون بس مضايقتك
امال :.لا يابنت وربي امزح معاك اصلا لو رحتي سحبتك وخليتك تجلسي هنا
امال :. قوومي بس معايا نروح غرفتي نهرج بعيد عن الحريم
اسراء:. يلا
امال:. امي رايحه مع اسراء غرفتي اذا تبغي اي ارسلي احد
ام خالد :. خلاص طيب..

يتبع ,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -