رواية تحملت كثير يا قلبي -15

رواية تحملت كثير يا قلبي -15

والانوار وسكرت المكيف وشغلت التلفزيون على الصوت العالي .. وسكرت باب الشقه وطلعت ..

ابرار : افففففففففففففففففف ..

قامت وغسلت وجلست بالصاله ..

قامت لولو وجلست معها ..

لولو : صباح السكر يا سكر ..

ابرار : هلا وغلا صباح الفل ..

لولو : من اللي سوى الحرب هنا وطلع ..

ابرار : انا كني لمحت خالتي مشاعل .. ولا مدري ..

لولو : الله يهديها بس ..

ابرار : لولو ..

لولو : هاه ..

ابرار : ما لاحظتي امس شي وحنا جالسين ..

لولو : وشو ..

ابرار : ما لاحظتي غيدا ..

لولو : شفيها ..

ابرار : بس تطالع فرائد .. مدري وش عندها ..

لولو : حتى انا .. الرجال يخقق ..

ابرار : يا ياقلبي هي نظراتها غير .. اول مره اشوفها تطالع احد كذا لا وتـتـنح بعد ..

لولو : هههههههههههه حلوه تـتـنح ذي ..

ابرار : لا تتطنزين لو سمحتي .. من جد اتكلم انا .. لاحظيها اذا جلسنا مع بعض .. يختي احس فيهم شي ..

لولو : لا ياقلبي تتوهمين ..

ابرار : نشوف .. اسكتي جت ..

غيدا : صباح الخيرات ..

لولو : صباح الورد هلا والله ..

ابرار : صباح النور ..

غيدا : من اللي فتح الانورا والشبابيك ..

لولو : اظنها امك ..

غيدا : الله يهديها دايم كذا ..

جاها مسج على الجوال وكان من رائد ( اذا مو صاحيه اصحي .. واذا صاحيه .. صباح الفل يا احلى فله ) .. ابتسمت وحمر وجهها وارسلت له ..

غيدا ( لا صاحيه .. صباح النور والسرور ) ..

رائد ( افطرتي ) ..

غيدا.. ( لا توني صاحيه ما مداني ) ..

رائد (تبين اجيب لك فطور من اي مكان ) ..

غيدا ( لا مشكور ما ابي اكلف عليك ) ..

رائد (لا كلافه ولاشي .. يلا قولي من وين تبين ) ..

غيدا ( ابرار ولولو قايمين وما يصلح تجيبلي وهم لا ) ..

رائد ( يوووووووه طيب شوي اذا صحوا البنات ارسلي لي مسج اجيب لكم فطور زين ) ..

غيدا ( اوكي ) .. حطت الجوال بجيباه وعدلت جلستها ..

ابرار : ماشاء الله المسجات شغاله من الصباح ..

غيدا ابتسمت : ايه وحده من صديقاتي تصبح علي ..

لولو : يا حليلها ..

ابتسمت لهم غيدا " والله لو تدرون مين بس "..

قاموا البنات كلهم .. وجلسوا كلهم بالصاله ..

جوري : اف جوعااانه .. ابي افطر ..

تذكرت غيدا رائد وارسلت له .. ( البنات قاموا وجوري تبي تفطر )

رائد : ( من عيوني .. وش تبين بسرعه )

غيدا ( اللي تجيبه اوكي )

رائد : ( على ذوقي .. )

غيدا ( يكون احسن )

رائد ( لو كان مو حلو )

غيدا ( لا اكيد حلو )

رائد ( الله يعينك )

رجعت الجوال بجيبها وطالعتها لولو وابتسمت وردت لها الابتسامه بأحلى منها ..

دق رائد على جوري ..

جوري : هلا وغلا صباح الخيرات ..

رائد : قولي مساء الخير ..

جوري : ولا يهمك مساء الخير ..

رائد : مساء النور .. اقول ما تبون فطور ؟.؟

جوري : الا والله ياليت .. بنات تبون فطور ..

البنات : ايه ..

جوري : ايه نبي ..

رائد : اوكي بجيب على ذوقي ..

جوري : اوكي ..

قفل منها رائد وراح وجاب لهم احلى فطور وجا .. طق الشقه عليهم وفتحت له رغد ..

رائد : هلا والله ..

رغد : اهلين ..

رائد : نادي جوري قولي لها رائد جاب فطوركم ..

دخلت رغد ونادتها .. دخلو الفطور وقامو يفطرون .. رجع رائد للشباب وكانوا مشاري وفهد لين الحين نايمين ..

رائد : فهد مشاري .. يلا خلاص يكفي نوم ..

مشاري : اطلع لا بنعال ..

رائد : تكفى ماا اقدر على اللي يهددني .. قم اقول قم ..

مشاري : يااااااارب .. انا مانمت قسم بالله مانمت زي الناس .. ابي انام شوي ..

رائد : مشكلتك .. قم الحين الساعه 12 ..

مشاري : افففففففففففففف .. يا قلق يا رائد ..

رائد : شكرا ما عليك زود .. فهد .. فهد .. فهووووووووووود ..

فهد : هااااااااا .. لا تصارخ اسمع ..

رائد : قم حبيبي ..

فهد : طيب يا قلبي بس شوي ..

رائد : لا حبيبي يلا قم نروح نصلي ..

فهد : طيب يلا شوي بس شوي ..

رائد : اقولك قوم نصلي يلا اشوف ..

فهد : توك وش حلوك ووش زينك حبيبي وحبيبي .. والحين تنافخ .. يارب تصبرها يا رب ..

مشاري : هههههههههههههههه خربت الاخلاق ..

رائد : من اللي يا رب تصبرها ..

فهد : اللي خبري خبرك مين بعد ..

رائد " لا يكون يعرف شي " : مين ..

مشاري : هاااااا لا يكون فيه شي من ورانا وحنا ما ندري ..

رائد : لا شي ولا شيات .. يخربط .. قم يله ..

فهد : اخربط هاه .. ايه هين كل شي مصيره يبان ..

قام فهد ودخل الحمام يتروش .. طلع رائد من الغرفه وجلس بالصاله يفكر " لايكون يعرف شي .. الله يستر بس .. افففف مالي خلق احد يدري " ..

ماهر : هيييييييييي .. وين رحت ..

انتبه له رائد : هلا ما رحت مكان موجود ..

ماهر : باين .. لي ساعه انادي .. وانت متنح الا المالا نهايه ..

حمد : وما بعدهااااااا ..

مشاري : بز يطير ..

فهد وهو ينشف شعره : ههههههههههه الحمد لله والشكر .. جوعاااااااااااااااااااااااااااان ..

حمد : الله يدوخك .. فجرت اذني يا حمااار ..

فهد : جوعااااااااااااان ..

حمد : سبحان الله هالادمي .. كني اقوله زعق ..

فهد : جوعااااان جوعااااااااان جوعااااااان ..

حمد : خلاص ياخي فكنا رح دور لك شي تآكله من هنا ولا من هنا ..

فهد : ابطلع افطر احد بيجي معاي ..

مشاري : ايه انا ..

طلعوا الاثنين راحوا صلو بعدين راحوا يفطرون .. والباقي جلسوا يسولفون .. دخلت عليهم عايشه ..

عايشه : السلام عليكم ..

الشباب : وعليكم السلام ..

عايشه : نايف وريان وسلطان وينهم ..

حمد : نايمين .. ما قدرنا نقومهم ..

عايشه : اعوذ بالله يعني ما صلوا .؟.؟

ماهر : لا ..

عايشه : لاحووووووووووول ..

راحت عايشه وقومتهم غصب وطلع كل واحد راح ودخل حمام .. رجعت وجلست مع الشباب ..

عايشه : شرايكم نمشي جده ..؟؟..

رائد : فكره حلوه ..

حمد : بس ابوي وعماني بيجون ..

عايشه : يجون يعتمرون ويلحقونا شفيها ..

حمد : بكيفكم .. امي لولو وش تقول .. ؟؟ ..

عايشه : امي تقول اذا جو اخواني واعتمروا مشينا سوى ..

حمد : بيجون بعد يومين او 3 ايام ..

عايشه : لا اجل نروح وهم يلحقونا ..

حمد : خلاص اوكي شوفو متى تبونا نمشي وحنا جاهزين ..

عايشه : فديت روحك والله .. انا بروح وانتبهوا للعيال خل يصلون ويجونا بسوي لهم فطور ..

حمد : ان شاء الله ..

عايشه وهي تقوم : وانتم ليه ما تجون تجلسون معنا .. تعالو ..

ماهر : لا خالتي بنضيق عليكم ..

عايشه : فديتك انت لا ضيق ولا شي بالعكس ننبسط اذا صرتوا معنا .. تعالو تعالو ..

طلعت وتركتهم ..

حمد : قوموا نروح ..

ماهر : وانت ما صدقت ..

حمد : ههههههههههههههه وش قصدك ..

ماهر : لا ولا شي يلا رائد ..

رائد : انتم روحوا ابحتري هذولا لين يطلعون ويصلون وبجي معهم ..

ماهر : اوكي ..

حمد : تسوي خير فديتك ..

طلعوا ماهر وحمد وراحوا طقو الباب وتنحنحو ودخلو .. وجلسوا بين جدتهم وبين شيخه ..

الجده : افطرت ..

حمد : ايه ..

الجده : بالعافيه ..

حمد : الله يعافيك .. متى تبونا نمشي ان شاء الله ..

مشاعل : لو يحصل اليوم ..

ماهر : اليوم صعبه يا خالتي ..

حمد : بكرى ان شاء الله .. ولا شرايك يا اميمتي ..

الجده : انا معكم وين ما تبون ..

حمد : على بركة الله ..

عايشه : وين باقيكم ..

حمد : مشاري وفهد طالعين .. ورائد ونايف وريان وسلطان بالشقه ..

مشاري وفهد توهم داخلين : السلام عليكم ..

الكل : وعليكم السلام ..

حمد : ذكرت القط جاك ينط ..

التفت فهد على مشاري : يقصدك ..

مشاري : وليه ما يقصدك انت ..

فهد : الحمد لله واثق من نفسي ..

مشاري : لا والله ..

فهد بإبتسامته : ايه والله ..

راح فهد ودف حمد وجلس جنب جدته وحط راسه على كتفها وغمض عيونه .. والجده جلست تمسح على راسه وتبتسم .. جلس مشاري عند خالته مشاعل وعايشه .. دخلت بيان وغيدا وجوري وولاء والجوهره وجلسوا ..

حمد : بنروح جده ..

مشاري : حلو .. بس متى .؟.

حمد : بكرى ان شاء الله ..

مشاري : زين .. الله يعين .. رائد وينه ..

ماهر : بالشقه .. شفيه ذا ..

مشاري يبتسم : ناقص حنان ..

حمد : هههههه الا ناقص ورد ..

ماهر ومشاري : ههههههههههههههه ..

فهد يفتح عين : كني اسمع احد يسب الورد ..

حمد : من سبك حبك .. بعدين من يقدر يسب الورد هاه ..

فهد : ايه اشوى على بالي بعد تتعدى على ممتلكاتي ..

ماهر : ههههههههههه صارت ممتلكاتك الحين .. اقول اقول خلك فحالك واسكت احسن لك ولنا ..

فهد ابتسم له : ان شاء الله عمي ..

مشاري : بسم الله عليك فهود شفيك اليوم على اي شي تبتسم ..

فهد : الابتسامه في وجه اخيك صدقه .. وانا ابي اتصدق بدون ما ادفع ..

الكل : ههههههههههههههه ..

حمد : الله من زين التفكير يا شيخ ..

فهد : الله يخليك يا قدوتي ..

حمد : احلى شي السب بطريقه غير مباشره ..

مشاري : سلك له ..

حمد : على شانك بس ..

ماهر : يلا انا بطلع ..

حمد : وين .؟.

ماهر وهو قايم : بطلع بدور شوي .. تجي معي .؟.

حمد : ما يمنع ..

مد ماهر يده لحمد وقومه وطلعوا .. قام مشاري وراح جلس جنب فهد ونغزه مع كتفه ..

فهد : هاااااه ..

مشاري : اعوذ بالله .. رد زي العالم يا اخي .. وشو هاااااه ..

فهد : لحظه رومانسيه تقطعها لييييش ..

مشاري بصوت واطي : اي رومنسيه يرحم والديك ..

فهد : ههههههههه ووالديك ..

مشاري : قم ابيك بسالفه قم ..

فهد : وشو ؟.؟

مشاري : سالفه سالفه ..

فهد : وشو وشو .؟.

مشاري : سالفه عن الورد قم ..

فتح فهد عيونه وعدل جلسته : عن الورد .. وشو ..

مشاري : هههههههههههههه يا حبيلك والله قم يالمخفه قم ابيك ..

فهد : لا والله .. مانب قااااايم ..

رجع حط راسه على كتف جدته .. قامت جدته وخرت راسه عنها ..

الجده : اعوذ بالله عورت كتفي ..

مشاري : يؤ يؤ يؤ لهالدرجه راسك كبير ..

فهد : اذا كان قد راسك فهو مره كبير ..

مشاري : هههههههههههه ..

فهد : ليه يمه تسوين فيني كذا .. ليه .. ليه انتي والزمن علي ليه .. ياربي وش اسوي بدنيتي انا .. يا ربي شكثر اعاني ..

مشاري : اعصابك .. اعصابك ..

فهد : ياخي طفشاااااااااااااااان ..

مشاري : قم عندي لك سالفه بتنسيك الطفش واللي اخترع الطفش ..

فهد : وشي ..

مشاري : سالفه وبس .. هنا حريم ما ينفع اقولها ..

شيخه : لا والله ..

مشاري : عمتي سالفة رجال ..

شيخه : عادي قلها هنا ..

مشاري : لا والله عادي بس ابيه يقوم ..

فهد : منب قايم ..

مشاري : رائد وينه ..؟؟..

فهد : بالشقه على ما اظن ..

مشاري : طيب انت طفشان ..

فهد : مووووت ..

رائد : وش رايك بمقلب صغنطوط فرائد ينسيك الطفش ..

فهد ابتسم : عز الطلب .. يلا قم ..

مشاري : الله من الشر اللي فيك ..

فهد وهو قايم : ومنكم نستفيد ..

طلعوا الاثنين وراحوا دخلو الشقه دوروا رائد ولقوه منسدح على السرير ومعطيهم ظهره ويكلم بالجوال .. طلعوا وراحوا لشقة الحريم نادوا ولاء وقالوا لها نبي عبايتين وجابتلهم ولاكن قبل لا تعطيهم العبايات شرطت عليهم انهم يصورون شكل رائد ووافقوا واخذوا العبايات لبسوها ودخلو الشقه وكانوا ريان ونايف بالصاله جالسين ..

نايف : هي هي حجه .. غلطانه بالشقه ..

مشاري بصوت ناعم : لا مو غلطانه مو هذي شقة عيال الـ......

ريان : ايه هذي شقه مال عيال الـ..... انتي ايش يريد ..

فهد بصوت ناعم : احنا مو حجيات احنا سعوديات ..

نايف ابتسم : باين من الصوت يا فهد ..

فهد : هههههههههههه ياربيييييييه ما اعرف امثل وش ذا الحاله ..

ريان : ههههههههههههههههههه وش تحسون فيه ..

مشاري : خخخخخ عرفتوني ..

نايف : انا شكيت فيكم من بعد ما سمعت صوتك يا مشاري .. ليه التنكر .. رايحين بارتي ..

مشاري : لا .. بنروح لرائد ..

ريان : لا عاد كلش ولا اخوي .. تلعبون عليه .. خير ان شاء الله ..

فهد : اقول اسكت لا اقطع ظهرك بهالطرحه ..

مشاري : هههههههههه ياشديد ..

فهد : ههههههههههه .. مافيه عقال .. يلا حبايبي .. سكوت بندخل عليه ..

راحوا وطقوا الباب وفتحوه .. دخلو وسكروا الباب ووقفوا وراه .. طلع فهد جواله وقام يصور .. رائد التفت عليهم وخاف اول ما شافهم قام على طول من السرير وجلس زي الناس وقفل الجوال على طول .. فهد جته الضحكه على شكله .. تقدم له مشاري ..

رائد : خير ان شاء الله .. غلطانه يالاخت غلطانه ..

مشاري : لا مو غلطانه مو انت رائد ولد فارس ..

رائد : لا منب رائد .. مو قلت لك غلطانه ..

جا لرائد مسج وفتحه (( رائد اللي عندك مشاري وفهد )) ابتسم يوم قرى المسج .. قرب منه فهد وجا بيآخذ الجوال .. سحبه رائد ..

رائد : يقطع ام الميانه يا شيخه ..

فهد : اشوف بس ..

رائد : لا شكرا .. استريحوا استريحوا ..

طالعوا بعض مشاري وفهد وجلسوا على طرف السرير .. قام رائد وقفل باب الغرفه وحط المفتاح بجيبه .. وراح لمشاري ..

رائد : معليه اشوف الوجه الحسن .. على هالصوت الحلو اكيد الوجه احلى ..

مشاري تورط .. وفهد قام من مكانه .. راح له رائد ومسك يده ..

رائد : وين وين على الله .. تونا ما تعرفنا .. استريحي ليه مستعجله ..

فهد جته الضحكه "ايالملعوووون" : لا امي تبيني ..

رائد غمز له : اجل امك تبيك ..

فهد : مو مصدق يعني ..

رائد : لا شدعوى مصدق .. استريحوا .. الحين اطلع اللي بالشقه وارجع لكم ..

فتح رائد الباب وطلع وقفل عليهم ..

فهد : وش بيسوي ..

مشاري : وش دراني ..

فهد : الله من اللعانه فيه ..

مشاري : ههههههه ماشفت شكله اول ما دخلنا عليه ..

فهد : هههههههههههه من جد تححححفه ..

بالصاله

رائد : اطلعوا شوي ..

نايف : ليه ..

رائد : بس اطلعوا الحين ..

ريان : منهم الثنتين اللي دخلوا تو ..

رائد غمز له : يعني تسوي نفسك ماتدري ..

ريان ابتسم : لا ما ادري ..

رائد : يعني ما تدري انهم مشاري وفهد ..

نايف : هههههههههههه وش دراك ..

رائد : دريت .. ان ماخليتهم يندمون على هالحركه ما اكون رائد .. لا وفهد داخل علي يصور بعد .. بس هين اوريهم .. يلا اطلعوا الحين بتفاهم معهم ..

طلعوا الاثنين وراح قفل باب الشقه ورجع لهم ..

رائد : صرفتهم .. لا يكون تأخرت عليكم بس ..

مشاري وهو يحط رجل على رجل : لا ابد يا قلبي ما تأخرت ولا شي ..

رائد طالع فمشاري وماقدر يمسك نفسه : هههههههههههههههههههههههههه .. اهم شي سيقانك ..

طالع مشاري سيقانه وعلى طول غطاهم : لو سمحت عوره هذي ..

رائد : ههههههههه آآسف هههههههههههه .. تشربون شي ..

فهد : عصير فراوله لو سمحت ..

رائد : الفراوله يبي فراوله .. والكيوي اكيد يبي كيوي ..

مشاري : لو سمحت عن الغلط .. ابي عصير قريب فروت ..

رائد : لا ماشاء الله فيه تطور .. طيب دقايق بس .. تفضلوا الصاله ..

قاموا الاثنين معاه وهو يمشي قدامهم ومنزل راسه ويضحك على اشكالهم " اكيد شكوا فيني " ..

جلسهم بالصاله وراح المطبخ مالقى غير عصير كوكتيل اخذه وحط فيهم ملح كثير .. وحركهم بملعقه ووداهم لهم ..

رائد : تفضلوا معليه مالقيت غيرهم ..

فهد : بس انا شايف الصبح عصير فراوله ..

وطاه مشاري مع رجله : ايه بثلاجتنا ..

فهد : ايه ايه صح نسيت ..

رائد : لا اللي فثلاجتنا توني شاربه قبلكم .. تفضلوا اشربوا .. بس قبل تشربون عندي طلب قولو تم ..

مشاري وفهد : تم ..

رائد : تشربون العصير مره وحده ..

مشاري وفهد ماخطر على بالهم انه بيسوي شي واخذوا الكيسان ورفعوا الطرح شوي وشربوها مره وحده .. اول ما خلصوا جدع فهد الكاس وفك الطرحه وراح على طول المغسله ومشاري كان ماسك الكاس وماسك حلقه .. رائد مات عليهم ضحك ..

رائد : هههههههههههههههههه تستاهلون يا كلاب جايين تخوفوني ..

فهد : حسبي الله عليييييك .. آآآآه معدتي ابي ارجع ..

رائد : ههههههههههههههه دواك ..

مشاري : آآآآآآآآآآآآآآآآآآآهـ بطنيييييي .. يارب ارحمني وش حطيت ..

رائد : ملح ..

مشاري : بس ..

فهد : ماقصرت والله .. ملح وكوكتيل .. بنسويلك مطعم عصيرات بلحالك انت .. ابتكار فضيع الصراحه ..

بعد ربع ساعه .. بعد مافصخوا العبايات وجلسوا .. دخلوا عليهم نايف وريان ..

ريان : هاه شخباركم ..

نايف : الكتاب باين من عنوانه ..

فهد : من اللي قال لرائد انه حنا اعترفوا ..

ريان : مو حنا ..

مشاري بنص عين : لا والله ..

نايف : والله مو حنا .. هو قالنا يعني ما تدرون انهم مشاري وفهد ..

فهد : رائد يلا قل من قالك ..

رائد : لو تحب سابع سمآ وترجع تحب سابع ارض وتطلع من الجهه الثانيه ما قلت لك ..

مشاري : كله من المسج ..

فهد : طيب يا ولاؤووه ..

نايف : ولاء وش عليها ..

فهد : هي اللي عطتنا العبايات ..

رائد : هههههههههههههه بعد ..

مشاري : آآآآآآآهـ يا بطني ..

رائد : هههههههههههه دواك ..

? فــ .. غرفة .. البناتـ .. ?

كانوا كلهم جالسين ويسولفون ..

ولاء : اف من مشاري قايله له يوريني شكل رائد ..

لولو : ليه ؟.؟

ولاء : ابي اضحك ..

غيدا : ليه ان شاء الله مالقيتي غير رائد تضحكين عليه ..

ابتسمت ابرار وطالعت فـ لولو ..

ولاء : ايه اشكال مشاري وفهد بعد تموت ضحك ..

ابرار : ايه حتى انا بعد ودي اشوف شكل رائد ..

لولو : وانا بعد ..

ولاء : خخخخخخخخخخ كذا تعطوني دافع ادق على فهد واخذ منه المقطع ..

هيفا : ليه معك رقمه ..

ولاء : معي ارقام العايله كلها من ابوي حمد الين رغد قريبا ..

رغد : بس انا ما عندي جوال ..

ولاء : قلت قريبا .. يعني اذا طلعتي لك جوال بيصير رقمك عندي ..

رغد : آآهـآآ لا انا اول ما اطلع رقم بعطيه ..

قاطعتها اميره : اكيد بتعطيني رقمك صح ..

رغد : لا بعطيه جوري ..

البنات : ههههههههههههههههههه ..

اميره : فشيييييييييييييييله ..

تهاني : رزة الفيس من طبايع التيس ..

اميره : من زينك يالعنز ..

تهاني : لو سمحتي ..

اميره : عاد انا ما سمحتي ..

ساره : خلصونا .. نبي نطلع ..

ابرار : آآهـ ..

ساره : سلامتك من الآهـ ..

اميره : ماعليك اكيد تذكرت سعود ..

ابرار : اميروووه ..

اميره : هههههههههههههههههه ياعيوووووووون اميرووه ..

ابرار : معليش تقولين شي زي الناس ولا تسكتين ..

اميره : انشااااااااااء الله ..

دق جوال ولاء : اشششششششششششش .. هلا ..

فهد : اذا ما ذبحتك ما اكون فهد ..

ولاء : ليه وش سويت انا ..

فهد : من اللي قايل لرائد انه انا ومشاري بنسوي له مقلب ..

ولاء : والله مو انا .. بنات من اللي قالت لرائد ان الشباب بيسوون فيه مقلب ..

ساره : بلا عبط انتي .. محد عنده رقمه غيرك وغير جوري ..

ولاء : سمعت ..

فهد : من وين عرف يعني ..

ولاء : وانا وش دراني ..

فهد : طيب يا ولاؤوه .. عنادا فيك ماراح اعطيك التصوير ..

ولاء : لاااااااااااا ...... طووط طووط طووط ... اففففففف قفل ..

الجوهره : هههههههههه قفل بوجهك ..

ولاء : ما يخصك .. افففففففف .. بدق عليه وبقول جوري تبي تشوف اخوها وشوفوا اذا ما ارسل المقطع خلال دقايق ..

دقت وهو تطالع فجوري اللي تتوعدها وهي مطنشتها ..

فهد : خييير ..

ولاء : بدون عصبيه لو سمحت لو انه ما فيه انسانه قالت دقي وخليه يعطيك المقطع ولا كان ما تنزلت ودقيت ..

فهد : يالله .. اشوى انك تنزلتي يا عمتي .. المقطع حلمي تشوفينه ..

ولاء : جوري قالت دقي على فهد خل يعطيك المقطع بشوف اخوي ..

فهد : قولي وربي ان جوري اللي قايله ..

ولاء : ما احلف على اي شي انا ..

فهد : هههههههههه العبي على غيري اجل .. واذا جوري تبي تشوفه ارسلي لي رغد اختي ..

ولاء : ليه بتعطيها الجوال تشوف المقطع بلحالها يعني ..

فهد : ايه عندك مانع ..

ولاء : ايه عندي ..

فهد : وشو ..

ولاء : الحين انا ادبر لكم العبايات وانت تمن علي بالمقطع ..

فهد : من الحركه اللي سويتيها خربتي كل شي ..

ولاء : والله ثم والله ثم والله انه مو انا ليه ماتصدق ..

فهد : ماودي اصدق طيب ..

ولاء : تدري عاد .. صدقت ولا ما صدقت ما يهم .. والمقطع خلاص عافته نفسي ما ابي اشوفه حتى لو جاني الجوال لين عندي .. وخله يخيس عندك زين ..

فهد : ابرك .. يلا فمان الله ..

قفلت الجوال ورمته على الكنبه وصقع نوره ..

نوره : لو سمحتي بتعصبين على غيري وتحطين الحره فيني لا ..

ولاء تطالع رغد : اخوك سخيييييييف ..

ابتسمت رغد : عادي ..

راحت لها لولو وضمتها : فديييييييييييييييييييييييتك ..

ولاء : ترفعون ضغطي يعني ...

ساره : ابرار .. انتي مشربه ولاء من كاس عقبك ..

ابرار : وش قصدك ..

ساره : انتقلت لها العصبيه ..

ابرار : ماعليك ..

? فــ .. شقة .. الحريمـ .. ?

كانوا جالسين والجده بالغرفه مع هدى مرت ولدها عبد العزيز ..

امل : ابنزل السوق شوي .. احد بيجي معاي ..

خلود : انا بروح ..

مشاعل : خذوا غيدا تبي تروح بس مامعها احد يروح معها ..

امل : ان شاء الله .. يلا خلود .. ابدق على رائد يروح معنا ..

خلود : اوكي انا بلبس عباتي واجيك ..

راحت امل ولبست عبايتها وطلعت لشقة البنات ..

اميره : هلا وغلا ..

امل : لا عاد كذا استحي انا ..

اميره : ههههههههه .. على وين ..؟..

امل : بنزل السوق تحت احد بيروح ..

البنات : ...............

امل : زمان الصمت ..... محد رايح يعني ... بكيفكم .!!!. غيدا قلبي امك تقول خذوها معكم ..

رغد : ايه ودي اروح بس ولا وحده بتروح معاي ..

امل : افااااا ... وانا ما اكفي .؟.

غيدا : لا والله مو قصدي بسـ....

امل : لا بس ولا شي .. يلا قومي البسي عبايتك .. وانتم خلكم جالسين هنا احرسوا العماره لا تطير زين ..

راحت غيدا تلبس عبايتها وطلعت امل جوالها ودقت على رائد ..

امل : هلا عيوني .. وينك فديتك ..؟..

رائد : موجود يالغاليه ..

امل : طيب اطلع حبيبي ودي انزل السوق ..

رائد : من عيووووني .. يلا دقايق ..

امل : سالمه عيونك ..

قفلت منه : متأكدين ما تبون تروحون ..

البنات : . ايه .

امل : ... لاحياة لمن تنادي ..

جت غيدا : يلا ..

امل : يلا ..

طلعوا من الشقه وسكروا الباب وخلود بعد كانت توها طالعه ..

خلود : وين رائد ..

امل : كلمته الحين بيطلع .. وقفي المصعد ..

طلع رائد من الشقه وهو متكشخ .. ما انتبه لخلود اللي كانت واقفه عند المصعد وشاف غيدا يحسبها جوري ..

رائد : يلا .. اوبس الحلوه جوري معنا ..

نزلت غيدا راسها ..

امل : اركد هذي بنت عمتك ..

رائد جت على باله على طووووول هيفا " اف وش جابها " : اوو سوري ما دريت .. كنها جوري ..

خلود : يلا جا ..

نزلو بالمصعد وطلعوا يمشون على رجولهم .. الحريم قدام ورائد وراهم .. دخلو السوق والسكيوريتيه مسكوا رائد وعيوا يدخلونه .. راحت له امل ..

امل : هذا ولدي خله الله يعافيك ..

الكسيوريتي : متأكده ..

رائد : تلعب عليك يعني ..

السكيوريتي : آسف .. تفضل ..

دخل رائد ومشى وراهم ..

خلود : رائد قدم شوي لا يمسكونك ..

امل : انا موجوده محد يقدر يجيه ..

خلود : كفو يا ام رائد ..

امل : اعجبك ترى ..

جلسوا يدورون من محل لمحل ورائد معاهم وكل شوي واحد من الشباب داق عليه يتطنز .. آخر شي طنشهم ولا قام يرد عليهم ..

امل : خلونا نشوف هالمحل ..

غيدا : انا بروح هناك شوي وبجي ..

خلود : اوكي بس لاتطولين ..

غيدا : ان شاء الله .. راحت عنهم ..

امل : رائد ابوي خايفه عليها رح معها ..

رائد : هيفا ما ينخاف عليها ..

امل : ومن قالك انها هيفا .. هذي غيدا .. رح اقولك ..

تنح رائد .. بعدين راح بدون نقاش .. دخل المحل اللي هي فيه دورها لين لقاها ووقف وراها وكانت ماسكه شال مخمل وردي وفيه كريستالات ونقش بالذهبي ..

رائد : يبطلع عليك جنان ..

التفتت عليه بسرعه : بسم الله الرحمن الرحيم ..

رائد ابتسم : بسم الله عليك ..

غيدا نزلت راسها : خوفتني ..

رائد : قلنا بسم الله عليك .. على فكره ترى ذوقك حلو ..

غيدا رجعت تطالع الشال مره ثانيه : والله ..

رائد : تشكين فرأيي ..

غيدا : لاء ..... مشكور ...... يعني آخذه ..

رائد : ايه ..

اخذت غيدا الشال وراحت تدور له اكسسوار مناسب .. راح رائد وجاب سلسال وردي يخقق ومده لها .. قامت تطالع بالسلسال وتبتسم ..

رائد : شرايك ..

غيدا : يجنن .. حتى انت ذوقك حلو ..

رائد : ترى كذا استحي انا ..

غيدا ضحكت على خفيف : هههههه .... اوكي آخذه مع الشال ..

رائد : اذا تبين ..

غيدا : اكيد ابي ..

اخذت منه السلسال وحطته مع الشال وراحت المحاسب .. لحقها رائد حطت الاغراض بتحاسب ..

رائد : روحي شوفي فيه هناك سلسال ثاني حلو ..

غيدا : وين .؟.

رائد يأشر : هناك .. يلا روحي ..

راحت غيدا وحاسب رائد وحطه بكيس وراح لها ..

رائد : مالقيتيه ..

غيدا : لا .. اللي اخذته احلى .. بروح احاسب ويلا ..

مد لها رائد الكيسه وهو يبتسم : خلاص حاسبت ..

تنحت غيدا عليه : ليه ..

رائد : اعتبريها هديه مني بس على ذوقك ..

غيدا : كثير ..

رائد : لايكثر ويلا امشي خلينا نروح لهم ..

ابتسمت غيدا واخذت منه الكيسه وطلعت من المحل وهي مبسوطه .. راحوا للمحل اللي دخلوه ولا لقوهم موجودين .. دق رائد على امه لقى جوالها مشغول .. ودقت غيدا على خلود وماترد ..

غيدا : ماترد ..

رائد : اففففف .. اوكي انا عطشان خلينا نروح هناك ..

راحوا رائد اخذ مويه وآيس موكا .. وغيدا اول شي عيت ما تبي شي بس اخذ لها رائد مثله غصب عليها ..

غيدا : مشكور ..

رائد : العفو .. يارب .. امي ما ترد ..

غيدا : ارجع دق مره ثانيه ..

رائد : دقيقه .. .. .. الوو يماه ..

امل : وينكم ..

رائد : انتم اللي وينكم .. تعبنا ندوركم ..

امل : حنا رقينا فوق .. تعالوا ..

رائد : زين يلا جايين .. قفل من امه .... طلعوا فوق ..

غيدا : نروح لهم ..

رائد : اكيد يلا ..

رقوا فوق وراحولهم ..

امل : ماشاء الله ولا تجيب لنا ..

رائد : تبين حقي خذيه ..

امل : ههههه بالعافيه عليكم تونا شاربين ..

رائد : توكم شاربين وبعد بتناشبونا ..

امل : عادي .. تعال ابي بدله لاخوك ريان ما اعرف مقاسه ..

رائد : ريان ما يعجبه العجب لاتجيبين له وتتورطين ومايلبسها ..

امل : وانت الصادق .. دعله اخوك مو اي شي يلبسه ..

رائد : مو ولد فارس واخو رائد .. اكيد مو اي شي يلبسه ..

امل : بهذي صدقت .. يلا لاتخق علينا خلونا نمشي ..

رائد : اشوى خلصتوا ..

امل : لا ما خلصنا ..

رائد : يارب .. متى بتخلصوون ان شاء الله ..

امل : اذا الله اراد ..

يتبع ,,,,,

👇👇👇

تعديل المقال