رواية توصي شي انا بكره مسافر -15
مها بصوت واطي : الله يفشلك
سديم : عادي وش فيها مو أول واحد و لا آخر واحد يداوم وين المشكلة
سارة : خبري يمه يوم تزوج رنا أخذ شهرين إجازة
أم طلال عصبت : سارة اسكتي
سارة : يممممه وراك عصبتي كلمة الحق تنقال
سديم : يا زينها من كلمة حق ما نبيها لا جات منك عن إذنكم
مها : زين كذا عجبك اللي سويتيه
سارة : ما سويت شي غلط
مها عصبت : شوفي يمه بنتك تقول ما سوت شي غلط
أم طلال : سارة إنتي كبيرة و ماله داعي حركات المبزرة اللي تسوينها هذي مرة أخوك و ما سوت لك شي المسكينة
مها : ولا راح تسوي لها شي يمه المشكلة مو في سديم المشكلة ببنتك تغار على طلال و مو مكفيها تركي
سارة : مها إنتي ليش واقفة بصفها
مها : لأنها إنسانة طيبة قلبها كبير تحب الناس و الناس تحبها ما أقول غير إن طلال طاح و ما أحد سمى عليه
سارة : مالت عليها مـ ....
طلال : السلام عليكم
أم طلال + سارة + مها : و عليكم السلام
طلال : كيفك سارة
سارة : بخير الله يسلمك
طلال : عسى ما شر أصواتكم ليه طالعة عسى قضية فلسطين انحلت
أم طلال : تعال اجلس يا ولدي ما تعرف هواش سارة و مها كالعادة
طلال : إيه كنهم دجاج صدق لا قالوا العقل زينه .. إلا وينها سديم
مها : فوق بغرفتها
طلال : وليه ما تجلس معكم
سارة : ما أدري عنها يا أخوي بس شافتني طلعت لغرفتها ما أدري يمكن فيني مرض معدي
مها عصبت : ساااارة
طلال : بس إنتي وياها ما فيه احترام لا لأمكم و لا لأخوكم
مها : آآآآسفة
سارة : سامحني طلال
طلال : تبوني أطلعكم اليوم
سارة : إيه عادي كلم تركي و نطلع كلنا
مها : لا معليش طلال اليوم أجلها
طلال : ليه وش عندكم
مها : بعد شوي بتجي أخت سديم و بنات عمها
طلال : إمممم أوكيه يالله أجل أنا بأطلع أنام
أم طلال : و الغدى يمه
طلال : لا يمه ما أبي شي تغديت بالدوام
سارة : يعني الحين وشو له تنادي أختها و بنات عمها شايفة البيت بيتها
مها : إييه دامه بيت زوجها يعني بيتها
سارة : لا والله و إحنا بننحرم من الطلعة عشان خاطر عيونها
مها : عندك تركي كلميه يطلعك وبعدين هذا أنا بأقولك من الحين إمسكي لسانك لا تفشلينا قدامهم
سارة منقهرة : شوفي يمه كيف توقف معها ضد أختها
أم طلال : الله يهديكم
بغرفة طلال و سديم .....
طلال : السلام عليكم
سديم تبكي : و عليكم السلام
طلال يفسخ الشماغ : سديم عسى ما شر ليه تصيحين
عبدالله : أنا ما أحب عمه ثارة زعلت ماما سديم
طلال يرفع شعرها : سدومتي سارة زعلتك بشي
سديم تمسح دموعها : كله منك
طلال : ليه أنا وش سويت
سديم : تداوم و إنت توك عريس توها سارة تتريق تقول يوم تزوجت رنا ما أدري وش اسمها هذي بعد أخذت إجازة شهرين
وفراس الثاني يقول خليتيه يهج منك وتقول لي وش سويت
طلال : ههههههه يعني هذا اللي مزعلك
سديم : إييه أضحك وش عليك
طلال : والله لعيونك آخذ إجازة تدرين حتى هاني و باسل اليوم يتريقون علي يقولون عريس مداوم
سديم : إيه وهم صادقين ما أحد سواها غيرك
طلال يغني : سواها قلبي يا حبيبي و حبك ما طاعني ولا عن حبي ناهيه إظاهر إنه ما يبي غير قربك
عاف الجميع و أول الناس راعيه عليه لا أوصيك لا صار جنبك صبح عليه بحب وبحب مسيه
سديم تسكر أذنها : ههههههه يرحم أبوك بس أرحم الجدران المسكينة تصدعت
طلال يناظرها بنص عين : تصدعت هااه تتريقين علي أنا أوريك
سديم تصارخ : ههههه يمممه هههه لااااهههطلال ههههه واللي يعافيك ههههه بس هههههه
طلال يدغدغها : هههههه على الأقل جاملي هذا و أنا أغني لك
سديم دموعها نزلت : هههههه خلاص هههههه والله توهههه به
عبد الله يسحبه : بابا وخر عيب
طلال يبعد : وش رايك أسوي لك
عبد الله يتخبى ورى سديم : ماما وخريه عني
سديم : خلاص طلال
طلال : يا عيون طلال
سديم : تغديت
طلال : بيني و بينك لا بس مالي نفس
سديم : إذا ما بتاكل ما ني بماكله
طلال : ما تغديتي
سديم : وشلون آكل و إنت مو معي
طلال بابتسامة : الله لا يحرمني منك ويلوموني حبيبي فيك صراحة قمة الروعة
سديم : ههههههه تنافس راشد الماجد بصوتك
طلال : تتريقيين
سديم : أنا أتريق لا وش دعوة
طلال : هههههه إيه هين ما عليه
سديم بابتسامة : طيب إنت تروش على ما أروح أجيب الغدى
طلال : أوكيه
تحت بالصالة .....
سديم : يا هلا و غلا
غلا + ليان + لميس : يا هلا فيك
سديم : متى جيتوا
غلا تناظر بنص عين : جينا على سواها قلبي حتى بغيت أطيح عند الباب من الصوت
سديم + مها + أم طلال : هههههههه
سديم : لا والله تتريقين على زوجي
غلا تحضنها : كيفك يا عسل
سديم : بخير يا قشطة
ليان تبعد غلا : بس عاد وخري
سديم : يا حياتي كيفك طيبة
ليان : توني صرت طيبة بشوفتك
سديم : بعد قلبي والله
لميس : لا لا نست أختها
سديم تحضنها : نساني الموت كان نسيتك
لميس : بعيد الشر عنك حبيبتي
سديم : تفضلوا حياكم
غلا + ليان + لميس : الله يبقيك
غلا : كيفك خالتي
أم طلال : بخير حبيبتي إنتوا كيفكم و كيف أمهاتكم
غلا + ليان + لميس : بخير الله يسلمك
سديم : طيب عن إذنكم أنا بأروح أغدي طلال و أجيكم
غلا تغمز : باقي ما غديتيه
ليان بابتسامة : على بالها زيك
لميس : ههههه أختي ما تحب الأفلام المصرية
سديم : على تبن إنتي وياها يالوسخات
الكل : هههههههه
مها : هههههه سديم روحي بسرعة لا تتأخرين
سديم : ما عليه حسابكم عندي بعدين .. تامرين على شي خالتي
أم طلال : لا سلامتك حبيبتي
غلا : ها مهاوي علمي إن شاء الله
مها : إيه إن شاء الله
غلا : يالله الله يوفقك إن شاء الله
مها : آآآمييين
لميس : وينه عبود
مها : فوق عند أبوه
لميس : يا قلبي تعالي لولو
سارة تسحبها : ما تحب تروح لم أحد تستحي
لميس مستغربة : .......
مها تكلم نفسها : الله يفشلك يا سويرة
ليان : إلا خالتي البيت ما شاء الله ذوق من مأثثه
أم طلال : كل شي بالبيت من ذوق طلال و مها و سارة
ليان : حلو
بغرفة طلال و سديم .....
سديم بابتسامة : نعيما
طلال : الله ينعم عليك
سديم : يالله تعال اجلس
طلال : إمممم ريحته تشهي من مسوي الغدى
سديم : أنا
طلال : والله زوجتي فنانة
عبدالله : بس ماما طبخها حلو
طلال : شفت كيف كل شي تسويه ماما حلو لأن هي حلوة
سديم : خلااااص طلال
طلال : أموت على اللي يستحون
سديم : مطول
طلال يعلق المنشفة : لا يالله هذا أنا جاي
عبد الله : بابا
طلال : عيون بابا
عبدالله : بكرة نروح الملاهي
طلال : إن شاء الله حبيبي إنت تامر أمر كم عبود عندي
عبد الله يأشر بيده : واحد بث مافي غيره
سديم : هههههه فديتك
طلال : جو بنات عمك
سديم : إيه توهم جو
طلال : و فراس وينه فيه
سديم : أكيد راح لم الشباب
طلال : إييه زين
سديم : بكره الثلاثاء
طلال : إيه
سديم : طيب عادي يوم الأربعاء توديني بيت أهلي عشان أسلم عليهم
طلال : إن شاء الله
سديم : مشكور طلال
طلال : ما فيه غير طلال
سديم : كيف يعني
طلال : يعني مشكور حبيبي . حياتي . عمري .
سديم مستحية : لا ما فيه
طلال : هههههه الحمد لله شبعت
سديم : كل ما أكلت شي و إلا ما عجبك الأكل
طلال : لا يا قلبي أعجبني بس أنا كذا أكلي خفيف
سديم : بالعافية
طلال : الله يعافيك
سديم : أجل يالله عبود حبيبي خلنا نطلع عشان بابا ينام
عبود : خاله لميث جت
سديم : إيه روح لها تستناك
عبدالله يركض : طيب
سديم : شوي شوي يا ماما لا تطيح .. يالله طلال تبغى شي
طلال : لا سلامتك حبيبتي
تحت بالصالة .....
عبدالله : خاله لميث
لميس تحضنه : يا عيون خاله كيفك حبيبي وحشتني
عبدالله : أنا أحبك
لميس : حبتك العافية يا قلبي
سارة بغرور : من متى صارت خالتك
عبدالله : إلا خاله
سارة : لا حبيبي إنت ما عندك خالات
لميس تنرفزت : وليه اللي قدامك مو مالين عينك
سارة : لا للأسف
أم طلال : عيب يا سارة
سارة : هه قالت أيش خاله
لميس : شوفي عاد أنا ساكته لك احتراما لخالتي و مها و إلا والله لو ما مسكتي لسانك لأمسح بك الأرض
سارة عصبت : لا والله البيت بيت أبونا و القوم حاربونا
مها : بس سارة ما عليه لميس امسحيها بوجهي
غلا تشاورها : خلاص لميس احقريها إنتي أكبر من كذا
ليان بصوت واطي : الله يعينك يا بنت عمي على هالحماة
سديم : تأخرت عليكم
غلا : لا حبيبتي خذي راحتك
لميس تغني : جابك الله لي هدية من السما جيت مثل الشوف لعيون العمى
سديم : هههههه أذوب على الصوت
لميس : تعالي لم أختك
سديم بابتسامة : طيب دقيقة بس أجيب القهوة
مها : لا حبيبتي اجلسي جيجي بتجيبها
سديم : إلا سافر عمي سلمان و إلا باقي
غلا : لا باقي
سديم : يا خسارة أجل ليه ما كلمتوا فجر وسحر يجون معكم
غلا : كلمناهم بس يقولون تعبانين من بعد الزواج
سديم : يا حياتي و غريبة ما بيسافرون اليوم عمي ما عنده إجازه
لميس : خويلد بدى يتحرك يبي يصير عريس و أتوقع له نيه ببنت من الشرقية
سديم تناظر بليان : يا حياتي ليونه و الله من قدك خويلد بياخذك عقل و جمال زينة الشباب كلهم
ليان استحت : لا تتغزلين فيه عندك طلال يكفيك
الكل : ههههههه
سديم : يالله عقبال لموسه إن شاء الله
لميس: لا أنا و سحر مقلعين عن الزواج و مسوين له مقاطعة تامة
أم طلال : وش دعوة يا بنتي مقاطعة الزواج والله لو عندي ولد ثاني كان خطبتك له
سارة : لا الحمد لله ما فيه يكفي وحده
لميس حقرتها : هههههه الرجال يا خالتي ما يملي عينهم غير التراب
أم طلال : أصابع إيدك مو سوى
سديم : صدقتي خالتي الود ودها اليوم قبل بكرة
لميس بصوت واطي : فشلتيني الله يفشلك
الكل : ههههههههه
مقر الشرطة .....
عبدالله : ياسر
ياسر : هلا
عبدالله : إنت معي
ياسر يترك الورقة : كلي معاك و هذا أنا تركت اللي بيدي عبدالله فيك شي
عبدالله : إنت تعرف قد أيش أنا أحب حنان
ياسر : ههههههه ما جبت شي جديد
عبدالله بابتسامة: طيب وراك مستعجل خلني أكمل كلامي
ياسر : تفضل يا عمي
عبدالله : بنت عمي مخطوبة لي و زواجي أكيد قريب
ياسر منصدم : كييف ؟؟؟
عبدالله : إنت تعرف عندنا البنت لولد عمها و فجر من زمان ممسوكة لي
ياسر تفهم الوضع : إممممم طيب وين المشكلة
عبدالله : المشكلة إن أبوي ما يدري بزواجي من حنان و أنا استحالة اظلمها يعني أكيد كل يوم عند وحدة
و أبوي راح يشك بالوضع و الأصعب إن فجر ما أدري أيش موقفها لا درت
ياسر : إنت لازم تقول لها بنفسك و انتبه تدري من أحد غيرك بعدين تكبر السالفة
عبد الله : عارف هالشي بس تتوقع إنها ترضى
ياسر : عبدالله إنت حطها عند الأمر الواقع بس أهم شي تعدل و ما تميل لوحدة وتترك الثانية
عبدالله : لا أكيد إن شاء الله راح أعدل قد ما أقدر بس بأترك مهمة أختك عليك لأني بصراحة ما أعرف أواجهها قلبي ما يطاوعني
ياسر : إبشر من عيوني و الله إنك كفو و إن شاء الله تكون قدها و قدود
عبدالله : دقيقة ياسر .. هلا محمد
محمد : عبدالله بسرعة تحرك إنت و ياسر عندنا مهمة
عبدالله : وش القضية
محمد : مراقبين استراحة مليانة شباب و بنات
عبدالله : أوكيه مع السلامة
ياسر : مييين ؟؟
عبدالله: قوم بسرعة بدل ثيابك وخلنا نروح
ياسر : مهمة جديدة
عبدالله : إيه مراقبين استراحة مليانة شباب و بنات
ياسر : الله يسترنا هالشباب الله يهديهم مو عاملين لأحد حساب
عبدالله : الله يهديهم يالله بسرعة تحرك محمد يستنى
في بيت طلال .....
سديم : ههههههه
مها : ههههه و إلا اسمعوا هالنكته
سديم تسكر فمها : ما نبي نكتك اللي زي وجهك يكفي اللي أمس
أم طلال : ههههههههه
مها : ههههه بس بالله ما ضحكتوا
سديم : ما ضحك غير أخوك و إلا أنا شوي و أدخل بثيابي من الحيا
غلا تضحك : آآآه منك ملسونة
ليان : هههههه قولي وش النكت اللي قلتيها أمس
سديم : لا والله ما تقولها يا قليلة الأدب
لميس : يا حليلك يا سدومتي
سديم : سارة وراك ساكته شاركينا
سارة: جلستكم تملل و بعدين وش قالوا لك مسخرة أضحك على اللي يسوى واللي ما يسوى شايفتني أرجوز
قدامك
مها : إيه عادي أضحكي رفهي عن نفسك شوي بدل هالثقالة اللي إنتي فيها
سارة : العقل زينة
لميس تنرفزت : وشو يعني إحنا مو عاقلين
سارة : اللي على راسه بطحة يحسس عليها
لميس عصبت : سويرة احترمي نفسك
سارة : وشو سويرة شايفتني أصغر عيالك
سديم تهدي لميس : بس لموسة إنتي عاقلة و كبيرة
سارة : هلا تركي كيفك
تركي : تمام
سارة : تعال خذني
تركي : ليه غريبه ما طولتي
سارة : خلاص مليت
تركي : الله يصبرني أوكيه خليك جاهزة
سارة : مع السلامة حبيبي
طوط .. طوط .. طوط
سارة تكلم نفسها : هين يا تروك أنا تقفل السماعة بوجهي
لولو تبكي : ماما عبود ضربني وسحب شعري
عبد الله : أحثن تثتاهلين
سارة تضرب عبود : مرة ثانية لولو ما تمد يدك عليها فاهم
عبدالله يبكي : ماما
سديم تحضنه : كسر اللي يكسر إيدك تحطين عقلك بعقل صغير
سارة : إنتي آخر من يتكلم بهالبيت فاهمة مصدقة نفسها أمه
مها : سارة ابلعي لسانك أزين
لميس تقهرها : ما أقول غير الله يعينك يا تركي
سارة : إنتي مو شغلك
أم طلال : الله يهديك يا سارة فشلتينا
سارة : مع السلامة يمه
لميس : فكه
غلا + ليان : بس لميس
لميس : سامحينا خالتي بس جد والله بنتك ترفع الضغط
أم طلال : إلا إنتوا اللي سامحونا الله يهديها سارة هذي حركاتها
غلا : ما عليه خالتي ولا تكدرين خاطرك سوالف بنات
سديم تغير الجو : يالله ما عليه صار خير هااه خالتي وش رايك نطلع للحديقة
أم طلال : شورك و هداية الله
سديم تبوس عبدالله : فديت حبيب ماما و لا تزعل بكرة أكلم بابا و يودينا الملاهي
عبدالله : بس أنا و إنتي و بابا و جده و عمه مها و ( عمه ثارة و لولو لا )
سديم : إن شاء الله تامر أمر
غلا بابتسامة : الله يوفقك يا سديم و يسخر لك طلال و أهله
الكل : آآآآآآآآميييين
سديم بابتسامة : مها تعالي ساعديني نحط خالتي على الكرسي
أم طلال : يا بنتي بأتعبكم
سديم : أفا عليك لا تعب و لا شي
استراحة .....
حين ترتشف فنجان قهوة تذكر أن لا تحاول أن تعيد حساب الأمس و ما خسرت فيه فالعمر حين تسقط أوراقه
لن تعود مرة أخرى و لكن مع كل ربيع جديد سوف تنبت أوراق أخرى ..
برى في الحديقة .....
لميس : الله الجو جنان
ليان : مررررة
مها : تبون أوريكم شي خطير
لميس نطت جنبها : إيه واللي يسلمك أحب الأشياء الخطيرة
الكل : هههههههه
لميس تقلد سارة : وش شايفيني أرجوز
الكل : هههههههه
لميس : ههههههه عارفة إني مرجوجة وما فيني عقل بس تراني أهون من سدووومه
سديم بحيا : تكذب عليك خالتي
أم طلال : هههههه
ليان : يالله بسرعة تراني تحمست وش هالشي الخطير
مها : بأوريكم القبو
غلا : عندكم بالأرض قبو
مها : إيه و كبير مرة
لميس : يالله قداااام
سديم : تجين معنا خالتي
أم طلال : لا حبيبتي روحوا إنتوا ما فيني حيل أجي معكم
سديم تسلم على راسها : ما راح نتأخر عليك يالغلا
أم طلال : سديم
سديم : سمي
أم طلال : سم الله عدوك .. بلاها خالتي ناديني يمه
سديم بابتسامة : من عيوني يأحلى أم ربي رزقني بأمين ما في منهم بالدنيا
مها بابتسامة : يالله بنات
غلا : ما شاء الله الحديقة كبيرة
مها : إيه أبوي الله يرحمه هو اللي بنى البيت و طلال سوى عليه بعض التعديلات
سديم : وش داخل القبو
مها : أغراض لطلال
غلا : مو عيب ندخل يمكن طلال ما يرضى
مها : ما راح يدري
سديم : مها لا تحطينا بمشكلة إحنا في غنى عنها
مها : أقول لك ماراح يدري يالله وصلنا
لميس : طالعوا الباب وش صغره
مها تفتح الباب : ادخلوا
ليان : واااو هذا قبو اللي يشوفه يقول بيت ثاني ما شاء الله
مها : إيه مره طلال مهتم فيه حتى إنه كان دايما ياخذ رنا ويسهرون فيه ... أووه آسفه
سديم تتصنع الابتسامة : عادي مها وش فيك إحنا ما ننكر إنها كانت زوجته بس الحين الله يرحمها ماتت
مها تكلم نفسها : بلاك ما تدرين
لميس تصارخ : بنات تعالوا بسرعة
البنات خافوا : وش فيك
لميس طايره من الفرحة : سدومه أورك و عود و بيانو
غلا : الله ياخذك طيحتي قلبي يالمخفه
مها : هذي كلها لطلال
سديم : ههههههه من جدك
مها : هههه وش فيك تضحكين إيه من جدي
سديم : ههههههه الصوت ما يأهل عشان ياخذها
غلا : إيه لدرجة إني بغيت أطيح عند الباب يوم سمعت صوته
ليان : كيف الجدران ما تصدعت
لميس : والله يا خوفي هالقبو ينهد من صوته
مها بابتسامة : حدكم عاد أخوي ما أرضى عليه
سديم : لا جد هو ماخذها له
مها : إيه كان يدق و يعزف عليها و رنا تغني لأن صوتها حلو
غلا : لا والله يا طلال حضك زين شكله ما سمع سدوم و هي تغني
مها تحمست : سدوم سمعينا صوتك
سديم بحيا : مو وقته
البنات : إلا وقته و نص
سديم : No No
ليان : يالله عاد سدوم لا تذلينا
لميس : يالله و أنا راح أعزف لك بالبيانو
مها : و إنتي بعد وش عرفك بالعزف تراه صعب يبي له تدريب
لميس تحرك حواجبها : أعرف الله يسلم لي خالي حمود فديته كان يعلمني
سديم : والله إنه وحشني الدب ما كلمكم
لميس : إلا يكلمني بالماسنجر ويقول وراها سديم ما صارت تدخل قلت له انشغلت بالتجهيز لزواجها
سديم : إن شاء الله راح أكلمه
غلا : يالله غني
لميس تفتح غطا البيانو : يالله
سديم : تطلبون شي معين
ليان : لا على ذوقك
سديم : طيب لموسه بأغني دلع بنات
مها تغمز : واااو حلوة يالله معها
سديم بابتسامه : هههههه فديتك
البنات : ترانا نغار
سديم : هههههه فديتكم كلكم ارتحتوا يالله بس اسكتوا خل أغني و إلا ترى أبطل
غلا : لا واللي يعافيك
لميس : يالله واحد .. اثنين .. ثلاثة
سديم : أتغير عليك و لا أسأل و أجيك و أقول ما أحبك و لا أموت فيك ..
يا كل الحياة ما أخبي عليك ترى كل هذا يا روحي دلع بنات
البنات : دددددلع
سديم : ملهوفه أجيك أبي ألمس إيديك و أمثل عليك إني ما أبيك ..
و أصلا هواك ما همني رضاك و إن طول جفاك ملهوفة أجيك ..
البنات : ترى طبع البنات هو الاهتمام و يحبو الدلع و الغزل و الغرام ..
سديم : على فكرة هالكلام و بمرور اللي فات كل هذا يا روحي دلع بنات ..
البنات : دددددلع
سديم : يملكني غرور و أجمل شعور لما أنا أغيب و تفقدني عنيك ..
تهمس لي بكلام و أذوب بغرام ياخذني لبعيد يا أغلى عينين ..
البنات : ترى طبع البنات هو الاهتمام و يحبو الدلع و الغزل و الغرام ..
سديم : على فكرة هالكلام و بمرور اللي فات ترى كل هذا يا روحي دلع بنات ..
البنات : دددددلع
البنات : أتغير عليك و لا أسأل و أجيك و أقول ما أحبك و لا أموت فيك ..
سديم : يا كل الحياة ما أخبي عليك ترى كل هذا دلع بنات ..
البنات : دددددلع
مها تصفق : ههههههه وناسه
البنات : ههههههه
سديم : يالله وش رايكم نطلع تأخرنا على خالتي
غلا : إيه والله ما يصير فشلة
لميس تسكر البيانو : أوكيه إن شاء الله نجي هنا مرة ثانية
مها : أوكيه
سديم تحضن عبدالله : عبودي قلبي
عبدالله : نعم ماما
سديم : لا تقول لبابا إنا جينا هنا طيب
عبد الله : طيب
مها : عفيه على الشاطر
ليان : ههههههه لهالدرجة طلال يخوف
مها : والله أكثر مما تتصورين تراه لا عصب لا تقربين منه
غلا : من جدك
مها : إيه والله أتكلم من جد
لميس : مع إنه مو باين على وجهه بس ياما تحت السواهي دواهي
سديم بحيا : بس عاد ترى ما أسمح لكم تحشون بزوجي
لميس : أوف أوف طالعوا مين يتكلم
ليان تغمز : هذي اللي ما كانت تبغى الزواج
غلا : هذي اللي جننت أهلها و موتت نفسها صياح
مها ترفع حاجب : كل هذا عشان طلال
سديم تشيل عبدالله : مالت عليكم و على اللي يجلس معاكم
البنات : ههههههه
بعد صلاة العشاء و بعد ما راحوا البنات ..
في الصالة .....
طلال : هااه كيف الجمعة عساكم استانستوا
مها : إيه مره يا حليلهم بنات عمها و أختها مرة عسل
أم طلال : إيه والله ما شاء الله عليهم زين و أخلاق ودك ما تقوم من عندهم كاملات و الكامل الله
سديم بابتسامة : تسلمين يمه
طلال مستانس : و مين قال إنها أمك هذي أمي أنا
سديم : فديتها هذي أمي الثانية و تاج راسي عسى الله لا يحرمني منها
طلال كبرت في عينه سديم أكثر و أكثر : أجل طاح كرتي
أم طلال : لبى قلبها و الله لو كان عندي ولد ثاني كان أخذت لميس له
مها : خسااارة راحت علينا .. الله يرزقها باللي يستاهلها
الكل : آآآآمييين
طلال : إلا غريبة سارة ما جلست
مها : تقول إنها ملت من جلستنا و كلمت تركي يجي ياخذها
طلال : مسكين هالتركي
مها : إيه والله إنه مسكين و بقوة بعد بيجي يوم و ينفجر فيها
عبدالله جالس على الكنب يغني : دلع بنات دددددلع .. دلع بنات دددددلع .. دلع بنات دددددلع .. دلع بنات دددددلع
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك