رواية تحملت كثير يا قلبي -17

رواية تحملت كثير يا قلبي -17

رائد : هذي جوري ..

مشاري : جوري اسمها بالجوال .. الـ .. اقووووووول وش اسمها ..

رائد : مشاري اعقل بلا هبال .. خلاص استر على ما واجهت ..

مشاري يغمز له : حلوه ..

رائد : هههههههههههههه .. مووووت ..

حمد : هههههههه طلعت منحرف ..

رائد : صار لي اكثر من 3 اسابيع منحرف ..

ماهر : بعاااااد .. طيب عندها خوات .. خل تعرفني على اختها والله اني مسيكين ..

رائد : لا وحيده فديتها .. " انتبه رائد على كلمته (فديتها) ابتسم وراح عنهم "

حمد : شفيه ..

ماهر : مدري .. ؟؟ ..

مشاري : راح يفكر فيها ..

حمد : من جدك انت .. مشاري شايف رساله كذا بجواله ..

مشاري : ايه بس مو متأكد من الرقم .. ما شفته .. يمكن جد اخته ..

ماهر : ايه جوري وحيده ماعندها خوات ..

حمد : شككتوني فيه .. بروح اقوله يحللني ..

مشاري : هههههههههههههههههههه بجي معاك ..

ماهر : هههههههههههه تستهبلوووون .. "دق جواله"

مشاري : انت رد على خويتك ازعجتنا من امس تدق ولا عندك نيه ترد عليها ..

ماهر يغمز له : ابي اعذبها بحبي ..

مشاري : ههههههههههه ياوااااااااااثق انت ..

رد ماهر على الجوال وهو يطالع فمشاري : هلا حبيبي .. معليش قلبي بس مشغول شوي .. اوكي ارجع ادق عليك انا زين .. اوكي .. هلا حبيبي .. انشااااء الله .. هلا باي .. شرايك فيني ..

مشاري : تححححححححفه ..

حمد : الله يقطعكم .. بتخربوووني .. خل اشوف رائد شفيه ..

راح عنهم حمد ومشى ماهر ومشاري راحوا يتمشون ..

ساره : افا يا اميره ما هقيت اخوك يكلم بنات ..

اميره : لا عادي كل شاب لا زم ينحرف بعدين يرجع طبيعي .. تيكت ايزي ..

ليلى : شف وتدافع بعد .. ياربي شلون بعيش اخوك يخوني ..

البنات : هههههههههههههههههههههههههههه ..

اميره : معليه حياتي الشرع حلل اربع ..

ليلى : لا خلاص اخوك جرحني .. ما اقدر اسامحه ..

اميره : سامحيه تكفين سامحيه ..

ليلى : لا لا لا خلاص مقدر .. جرحي كبير ..

اميره : ماينفع يتخيط طيب ..

ليلى : ما ينفع فيه لا لزاق جروح ولا خياط اقولك كبير ..

اميره : ليه مسوي عمليه قيصريه ..

البنات : ههههههههههههههههههههههههه ..

لولو : بنات خلاص ابي اركب دباب ..

تهاني : غريبه .. لولو تبي تركب دباب .. من متى يالعاقله ..

لولو : من الحين .. خلاص ابي اركب .. بخلي ولاء تركبني بعدها ..

ساره : استأذني من حمد قبل ..

تهاني : لا تخافون ماراح يقول شي .. اركبي وبس ..

لولو : هقوتك ..

تهاني : ايه ايه .. شوفي وش بيسوي ..

اميره : ايه ايه تكفين ..

لولو : خلاص صار ..

ساره : الله يا لولو يعني بتسوين اكشن ..

لولو : خخخخخخخخخخ ايه يمديكم ..

تهاني : انا ما يمديني .. ابي اسوي اكشن انا بعد ..

نوره : انا بعد اختي لاتقولين بركب ..

اميره : هههههههههههههههههههههه يافاهمتها انتي ..

نوره : ايه ادري بتقول بركب بحق مشاري اخوي .. بس انا بعد ليلى ...

تهاني : نوروه تتحدين اركب بعد ليلى ..

نوره : لا ما اتحدى لاني ادري بتسوينها ..

تهاني : اجل بركب بعد ليلى تشوفين ..

بيان تكلم غيدا بصوت واطي : اف لو عندي اخو اخليه يركبني ..

غيدا : قولي لحمد ..

بيان : لا ما ابي .. ابقول لفهد ..

غيدا : شمعنا ..

بيان : بس كذا احسه حبوب اكثر من اخوه ..

غيدا : لا بالعكس ..

جا نايف ووقف عندهم

نايف : يلا تهاني ..

تهاني : رح لهيفا تبي تركب انا بركب بعدها ..

نايف : اوكي .. ولا اقولك خلها بعدين ..

راح نايف وفحط من عندهم وصرخوا ..

حمد من بعيد يصرخ عليه : نااااااايف .. اعقل خلهم بحالهم ..

نايف : ما سويت شي هم الخكاااااريه ..

حمد : خلك بعيد عنهم طيب .. رح ركب وحده من خواتك ..

نايف : بعد شوي مو الحين ..

حمد : شف هيفا اذا بتركب .. هيفاااا بتركبين ..

هيفا : اييييييه ..

حمد : يلا نايف رح لها ركبها ..

نايف : اففففففف مو الحين شوي بس ..

حمد : لفه وحده وارجع يلا ..

نايف : اوووووووكي ..

راح نايف من عند الجوهره وولاء وجوري ..

نايف : مرحباااا ..

جوري : نايف رح ..

نايف : لا ما ابي .. من تسابقني ..

ولاء : انا ..

نايف : عز الطلب .. يلا ..

ولاء : اوكي .. بنات يلا عدو ..

الجوهره : وااااحد .. اثنييين .. ثلاااااثه ..

انطلقوا الاثنين يتسابقون ووصلوا عند كشك ورجعوا وطبعا نايف اللي سبق ..

نايف : هارد لك ..

ولاء : غشاش ..

نايف : عادي الخسران يقول كذا كل مره ..

ولاء : ايه يلا تسابق انت وجوري ..

جوري : لا ما ابي اخاف ..

نايف : تخافين ليه تركبين ..

قرب منهم فهد : خير مسوين مؤتمر .. نايف وش تسوي مع البنات خلهم بحالهم ..

نايف : ابتسابق مع جوري وتقول اخاف ..

فهد : تخاف خلها احسن لها .. يلا تعال تسابقني ..

نايف : لا دبابك اسرع من حقي ..

فهد : خخخخخخخخ يعني داري انك بتخسر ..

نايف : ايه ..

فهد : دقيقه .. الوو .. هلا حمد .. اوكي .. اوكي خلاص .. "سَكّرْ" .. نايف يقولك حمد رح لهيفا .. وانتي ولاء ارجعي وخلي وحده من البنات تركب ..

ولاء : يووووووه تونا ..

فهد : حمد يقول خل ولاء والجوهره يجون عشان يركبون غيرهم ..

الجوهره : شمعنا جوري ..

جوري : انا الكبيره ..

ولاء : سنه ما تسوي شي ..

فهد : اكبر منك بسنه افهم منك بقرن ..

ولاء : طيب لاتخرف بالمثل ..

فهد : هههههههههه طيب يلا .. يلا الجوهره .. نايف .. وانتي العبي لين تملين ..

ولاء : ظلم ..

فهد : وبعديييين ..

ولاء : خلاص ...

راحت ولاء والجوهره ونايف بقوا الاثنين واقفين فهد ملتفت عليهم يشوفهم لين يوصلون وجوري تطالع ففهد .. التفت فهد عليها ولقاها تطالع فيه ابتسم لها ..

فهد : احبك ..

استحت جوري وماعرفت تسوي شي .. تبي تمشي مو قادره ضيعة مكان البنزين ..

فهد : ههههههههههههه هنا ياقلبي هنا ..

اشر لها على الزر وضغطته ومشت .. لحقها فهد .. ودق عليه رائد ..

فهد : اخوك دعله .. هلا رؤووودي حبيبي ..

رائد : لا تقردني .. ابعد عن اختي ..

فهد : لا بس احرسها ..

رائد : ساعه تلعب توك تحرسها .. ابعد عنها .. ولا اقولك خلها تجي يلا ..

فهد : جوري يقولك رائد تعالي ..

جوري : ما ابي ابي العب شوي ..

فهد : يا سخفك تقول بلعب شوي خلها ..

رائد : هههههههههههههههه بعد تدافع ..

فهد : ايه بنت عمي ..

رائد : اختي طيب ..

فهد : يلا باي لا يكثر ..

سكر منه رائد ..

فهد : العبي ماعليك من احد انا بروح اركب احد طيب .. انتبهي لعمرك ..

هزت راسها ومشى عنها فهد ورجع للبنات ونزل ..

فهد : من بتركب ..

بيان : انـــآ ..

فهد : يلا تعالي ..

قامت بيان وجت له تتدلع بمشيتها طالعته بدلع ..

بيان : اركب ..

فهد : لا امشي جنبه .. ايه اركبي ..

بيان : طيب ..

رفعت العبايه وكانت لابسه برمودا احمر وسيقانها طالعه شوي .. طالع فيها فهد وعطاها نظره تحرق وراح عنها .. مشت عنهم وراحت ..

مشاعل : حمد ..

حمد : سمي ..

مشاعل : خل احد يركب غيدا ..

حمد : ان شاء الله .. غيدا تركبين ..

غيدا : شوي مو الحين ..

حمد : اوكي .. من بتركب ..

لولو قامت : انا بركب ..

ابتسم لها حمد : يلا تعالي طيب ..

لولو : طيب ..

مشت وركبت ..

حمد : تعرفين تسويقن ولا لاء .. لا تورطيني ..

لولو : لا اعرف وش دعوى ..

حمد : زين تعرفين وين الفرامل ..

لولو : لا ..

حمد : ههههههههه وبعد تقولين اعرف اسوق .. اشر لها .. هنا ..

لولو : اوكي ..

حمد : انتبهي لنفسك زين ..

لولو : ان شاء الله .. التفتت على البنات .. اميره تعالي ..

اميره : وراك ..

مشت لولو وراحت عنهم ..

اميره : وين ماهر بركب ..

حمد : هذا جواهر جت اركبي ..

ركبت اميره يوم جت بتمشي ..

حمد : اميروه مو تسوين حركات فلولو ..

اميره : ابهبل فيها بخليها تندم على انها فكرت تفكير انها تركب ..

حمد : سويها شوفي وش بيصير فيك بدفنك هنا وبصلي عليك بلحالي ..

اميره : نشوف .. بااااااي ..

راحت للولو ووقفت عندها بعدين صارت تسوي حركات بالدباب ..

حمد : حسبي الله على بليسها .. افففففففف .. مااااهر .. هجد اختك لا تطيح البنت من الدباب ترى ما تعرف تسوق فيه مره ..

ماهر : الله يقطع بليسها يارب وش اسوي فيها العربجيه ..

جت جوري ووقفت قريب من حمد ..

حمد : بغيتي تصدميني ..

جوري : سوري طارت رجلي عن الفرامل ..

حمد : يلا مو مشكله ..

جاهم رائد : يلا غيدا تركبين ..

غيدا : ايه ..

رائد : يلا ..

حمد : سمعت عمتي مشاعل يوم تقول ركبوها ..

ابتسم رائد اساسا هو ما سمع شي : ايه ..

نزلت جوري وركبت غيدا ..

رائد : اذا ما تعرفين تسوقين انزلي ..

غيدا : لا اعرف ..

رائد : يلا طيب .. لا تسرعين مره ..

غيدا : طيب ..

جلسوا يلعبون لين كل البنات لعبوا ورجعوا الدبابات لاصحابها .. جت عايشه للشباب وقالت لهم يروحون يجيبون عشى .. قام ماهر ورائد وراحوا هم يجيبون بعد ما اخذو من كل واحد طلبه .. جت رغد وجلست جنب فهد ..

رغد : فهد ابي ايس كريم ..

فهد : مو حلو حبيبتي وصخ ..

رغد : الله يعافيك ابي شوي بس ..

حمد : قم جبلها ..

فهد : يا حمد وصخ ..

حمد : جبلها كاس مو بسكوت ..

رغد : ابي بسكوت ..

حمد : حبيبي البسكوت مو حلو يع ..

رغد : طيب ..

قام فهد ومسك يد رغد وراح معاها لسيارة الايس كريم وشرالها ورجعت جلست عند امها ..

هدى : من شرالك ..

رغد : فهد ..

هدى : الله يهديه .. ليه طيب الحين بيجي العشى ياماما ..

رغد : انا قلت له ابي ..

هدى : موزين حبيبي ..

رغد : يمه تكفين بس شوي ..

هدى : يلا طيب كلي شوي وارمي الباقي عشان تتعشين زين ..

رغد : طيب ..

شيخه : والله يسبون ايس كريم السيارات ..

عايشه : ايه مره يسبونه ويقولون انه مو نظيف بعد ..

فوزيه : لو سبوه من اليوم لبكرى تلقينك تقاطعينه اسبوع اسبوعين بعدين ترجعين له .. محد يستغني عنه ..

حصه : ايه والله مهما سبوه نرجع نشتريه ولا كننا قرينا شي عنه ابد ..

مشاعل : ياما وياما قرينا عن كل شي مضر اولها الببسي وشوفي الحين مانقدر نستغني عنه .. ما وقفت على الايس كريم ..

عايشه : ايه والله لا حياة لمن تنادي .. تعبوا الجرايد يكتبون عن هالاشياء وحنا اذن من طين واذن من عجين .. ولا كننا شفنا ولا سمعنا بشي ..

بعد ساعه تقريبا جو ماهر ورائد وعطوهم الاكل وتعشوا .. وبعدها اللي جلس يشرب شاهي واللي قام يمشي .. وماهر نزل لاب توب حقه وفتح النت على شريحته ..

حمد : سلطان يا قلبي نط قم جب لنا سفن اب ..

سلطان : كم اجيب من واحد ..

حمد : شباب تبون ..

الشباب : ياريت ..

حمد : جب 10 حبات ..

سلطان : طيب ..

نايف : ابي بايسن ..

ريان : وانا ابي رد بول ..

سلطان : انا ابي باور هورس ..

حمد : اوكي جب اللي تبون ..

راح سلطان ووقف عند الكشك وكانوا ولاء ونوره واقفين يشترون ..

نوره : وش جاي تسوي هنا ..

سلطان : وش اسوي يعني اهش غنم .. جاي اشتري ..

ولاء : خخخخخخخخ فشلوها ..

نوره : انطمي ..

سلطان : صديق .. جب 10 سفن اب وواحد باور هورس وواحد ردبول وواحد بايسن ...

ولاء : اوف اوف اوف .. من بيشربها كلها ..

سلطان : حمد قالي جب عشر ..

نوره : ايه كل واحد له علبتين عشان يهضمون ..

اخذ منه سلطان الكيس ورجع الشباب .. ونوره وولاء جلسوا يستهبلون على مخ الهندي .. لين هبلوا فيه وقال خالص روحوا ما راح ابيعكم ..

ولاء : ليه ان شاء الله ..

الهندي : كلاس روه ..

نوره : اوريك ان ما جبت لك اخو مال انا يكوفنك هنا ما اكون بنت ابوي ..

الهندي : روه روه ..

نوره : اوريك يا ابو زيت ..

ولاء : هههههههههههههههههه .. تعالي لا يفلقنا بوحده من العلب اللي عنده نموت .

راحوا عنه وراحوا جهة الشباب ..

نوره : مشاري .. الهندي عيا يبيع علينا ..

مشاري : وليه على كيفه هو ..

نوره : مدري عنه ..

مشاري : طيب روحوا لاحد ثاني مو لازم تربحونه هو ..

ولاء : طيب .. يلا باي ..

ولاء جتها فكره وسحبت نوره وراحوا ..

نوره : ليه ما خليتي مشاري يجي يلعن خيره ..

ولاء : جتني فكره جهنميه ..

نوره : وشي ..

تعالي .. راحوا الثنتين .. ولاء كانت تدور ورقه وقلم .. ولقت مع غيدا .. اخذتهم وكتبت على الورقه .. بالخط العريض .. ( هـــذآ الكشـــك لديــه بضآآئــع منتهيــــة الصــلآآآحيـــه ) ..

نوره : هههههههههههههههههههههه ياملعووونه ..

ولاء : ههههههههههههه عشان مره ثانيه يحرم ما يبيعنا .. تعالي ..

راحوا الثنتين للكشك مره ثانيه واخذو معهم علوك .. وقفوا عنده ..

الهندي : كير .. انا ما فيه يبيع انتم ..

ولاء : لا صديق انا يجي هنا يقول مال انت آسف ..

ولاء كانت تتكلم ونوره تلصق الورقه على القزازه مع الجنب على ان اللي يجي يشتري يشوفها والهندي ما يشوفها ..

نوره : خلصت ..

ولاء : اوكي .. اقول صديق ..

الهندي : نأم ..

ولاء : نعامه ترفسك يا ابو دهن .. اشبع بالكشك حقك وهذا وجهي اذا احد شرى منك ..

الهندي : انتي مزنون ..

ولاء : جاك جنون البقر ان شاء الله احترم نفسك .. يلا تقلع ..

راحوا عنه وهم يضحكون ..

نوره : والله لو يدري بيموت ..

رجعوا وجلسوا مع البنات وهم يضحكون وقالوا للبنات السالفه وماتوا ضحك عليهم ..

على الساعه 2 بالليل رجعوا للشقه والكل حط راسه ونام ..

نهاية الجزء السابع ..

][ الجــ‘ــزء الثـ,,آمــ,,ـن][

? ? اليـــومـ .. الـليـ .. بعـــــدهـ .. ? ?

.

.

.

الصباح كانوا الحريم كلهم قايمين ويجهزون عشان يمشون .. كان رائد وماهر قايمين وجالسين بصالة شقتهم وفاتحين الباب .. ويتقهوون .. انفتح باب شقة البنات وطلعت نوره راسها من الباب وقامت تتلفت ورائد وماهر شافوها .. دخلت بعدين طلعت هي وولاء بدون عبايات راحوا يركضون لين شقة الحريم .. لقوها مقفله ورجعوا شقتهم .. ماهر ورائد ماتوا على اشكالهم من الضحك ..

ماهر : ههههههههههههه مو صاحيات ..

رائد : هههههههههههههههه طيب المهبل اوريك فيهم ..

ماهر : وش بتسوي ..

رائد : بفضحهم ..

ماهر : ههههههههه لا حراااام .. خل يوسعون صدورهم ..

رائد : افرض احد مر وشافهم .. فشيله والله ..

ماهر : لا تنسى بس حنا هنا بهالدور ..

رائد : مانسيت افرض احد كان بالمصعد وانفتح وهم يدورون كنهم خبول ..

ماهر : خلاص يا شيخ ما ابي افرض .. خل نروح نشوف خلصوا ولا لا ..

رائد : لا رح انت ..

ماهر : لا تعال معاي استحي اروح بلحالي ..

رائد : ههههههههه ياقلبوا يا نااااس اللي يستحوون ..

ماهر نزل راسه وسوى نفسه مستحي وقام يرمش بعيونه ..

رائد : ههههههههههههههههههههههههههههه ..

ماهر : ههههههههههههههههههههههه يمديك ..

رائد : ههههههههههههه لا والله ما يمديني .. وش هالحلاوه ..

ماهر : لا عاد ترى برجع استحي ..

رائد : هههههههههههه لا تكفى يرحم امك ..

ماهر : هههههههههههههههه ..

فهد : ما تحسون انكم ازعاج شوي ..

التفت عليه ماهر : هلا وغلا والله .. صباح الخيييييير ..

فهد : هلا بك .. صباح الورد ..

رائد : تعال تعال .. تبي اصب لك قهوه ..

فهد : ايه .. وش منقزكم من الصباح ..

ماهر : اللي نقزك نقزنا ..

فهد : انتم صحيتوني بضحككم ..

رائد : لا والله ..

فهد : ايه من زمان وانتم تضحكون ماعرتف انام زي العالم ..

ماهر : ايه صارت كم سالفه وضحكنا عادي ..

فهد : ابي اضحك طيب ..

رائد : اذا كبرت نعلمك ..

فهد : لا والله .. ماكني اكبر منك ..

رائد : الكبر بالعقل ..

ماهر : ههههههههههههههههههه قويه ..

فهد : الله يصبرني عليكم ..

طلع حمد من الغرفه : وش فيكم ..

فهد : ولا شي .. متى بتمشون .. ؟؟ ..

حمد : الحين بروح لهم اشوف اذا خلصوا ولا لا ..

فهد : اوكي ..

حمد : الله يعافيكم قوموا مشاري زين ..

فهد : ولا يهمك ..

حمد : فهد .. طلبتك .. انت ورائد ..

رائد وفهد : تـــــم ..

حمد : انتم الاثنين لا تقومونه .. مسكين ما ابيه يقوم مفجوع .. ماهر الله لا هينك يالنعوووم .. انت قومه ..

ماهر : ههههههههههههههههههه ابشر من عيوني ..

حمد : سالمه عيونك والله ..

فهد : اف قهر ..

رائد : من جد كنت ناويله على نيه ..

حمد : هههههههههههههه عارفكم ..

طلع حمد .. وراح ماهر يقوم مشاري ..

ماهر : مشاري .. مشاري .......... مشمش ..

مشاري : هممممممممم ..

ماهر : قم ياخي ..

مشاري : شوي الله يعافيك ..

ماهر : حمد موصيني عليك .. يلا قم الله يرضى عليك ..

مشاري : فديتك يا ماهر .. ليتك انت اللي دايم تقومني مو الصواعق فهد ورائد ..

ماهر : ههههههههههههههههه .. اجل حمد داري وش كانوا بيسوون فيك .. قالهم طلبتكم .. لا شعوري هم من الشهامه اللي فيهم قالوا تم .. قالهم لا تقومون مشاري ..

مشاري : ههههههههههههههه فديته حاس فيني ..

ماهر : يلا قم ..

مشاري وهو يقوم من السرير : اوكي .... متى ماشين ..

ماهر : اللهُ اعلم .. خل الحريم يخلصون ونشوف .. حمد راح لهم يشوفهم ..

مشاري وهو رايح الحمام : زين ان شاء الله نمشي بدري ..

دخل مشاري الحمام يتروش وماهر طلع ..

فهد : قام ..

ماهر : ايه ..

رائد : عساك طبطبت عليه وهمست بإذنه وقلت له حبيبي نور عيني قوم ..

ماهر : ايه مسحت على شعره وبسته على راسه وضميته وقومته ..

فهد : هههههههههههههههههههههه فقااااااااااااش ..

ماهر : هههههههههههههههههه مدري عنكم ..

رائد : هههههههههههه قهر ليتني انا اللي مقومه كان وريته شغله ..

فهد : ياخي فيك طاقه فرغها على الجحلط اللي نايمين ..

رائد : ايه صح باقي ريان ونايف وسلطان ..

ماهر : الله يعييييييينهم ..

فهد : خخخخخخخخخ من جد .. يلا قم ..

قاموا الاثنين وراحوا الغرفه الثانيه فتحوا اللمبات كلها وفتحوا الشباك وسكروا المكيف وسحبوا لحافاتهم وقاموا يطقون على التسريحه ويغنون وسوو انوااع الازعاج بالغرفه .. لين قام نايف وراح لغرفت حمد ومشاري .. دخل وقفل الباب وانسدح على سرير حمد وكمل نومته .. وريان راح الغرفه الثانيه بس لحقه رائد وسحب لحافه منه ودخله غصبن عليه الحمام وحط راسه تحت المغسله وروشه .. وفهد مسك سلطان مع رجوله وجلس يدغدغه وسلطان صار كنه ثعبان قام يتلوى .. لين سحبه فهد من رجوله وجلسه على السرير ..

فهد يحوس شعره : سلطان اصحى خلااااص ..

سلطان : بنام بنام ..

فهد : نم حبيبي .. نوم العوافي ..

تركه فهد وطلع راح المطبخ وجاب ثلج .. ورجع لسلطان وفتح بجامته مع ورى ودخل الثلج بظهره وضغط عليه .. سلطان قام مفزوووع وجلس ينطط على السرير ويصرخ وفهد ميت على شكله من الضحك .. دخل ماهر الغرفه ..

ماهر : شفيك ..

سلطان : ثلج ..

ماهر : هههههههههههه فهد حرام عليك ..

فهد : عيا يقوم ..

ماهر : ثلج عاد ..

فهد : والله لو حطيت اي شي له .. قنابل نوويه ماتقومه بس غريبه هالمره قام مع الثلج .. صاير مطيع فديته ..

ماهر : رح تروش سلطان يلا ..

نزل سلطان من السرير ومره من عند فهد وقاله اوريك عند ابوي .. ضحكوا عليه وعلى شكله .. راحوا وجلسوا بالصاله مع رائد .. طلع مشاري من الحمام وهو ينشف شعره ويغني ..

مشاري : حمد ..

نايف : . ......... .

راح مشاري وسحب اللحاف وشاف نايف ..

مشاري : نايف .. نايف قم .. وش منومك هنا ..

نايف : تكفى بنام شوي بس .. عيال عمانك يخلون احد ينام بسلام ..

مشاري : من رائد وفهد ..

نايف : وفيه غيرهم ..

مشاري : متى نايمين امس ..

نايف : قبل الفجر بربع ساعه ..

مشاري : زين بخليك ربع ساعه بس وبرجع اصحيك ..

نايف : تسوي فيني خير ..

مشاري : خلاص بقفل عليك الغرفه عشان ما يجونك ..

طلع مشاري وقفل الغرفه وراح جلس معهم ..

رائد : ليه قفلت الغرفه ..

مشاري : بس كذا ..

فهد : فيها شي مهم ..

مشاري : ايه ..

ماهر : وشو ؟.

مشاري : خلاص شي ... المهم حمد وينه ..

حمد : هذاني .. قمت ..

مشاري : ايه .. الله يوفقك وخليك لامك وابوك ويسهل لك طريقك وين ما رحت يارب ..

حمد : ههههههههههههه ليه كالدعوات ..

مشاري : اشوى اللي ما قوموني هالمهبل ولا كان انا بمستشفى شهار الحين ..

حمد : ههههههههههه شفت اني احبك واخاف على عقلك تروح فيها ..

مشاري : فديتك والله ..

فهد : يووووه .. ماهر المره الثانيه انت قومني زين ..

رائد يبتسم : وانا بعد ..

ماهر : ههههههههههههههههه ..

حمد : هههههههههه لا خلاص كل واحد يقوم بلحاله ..

مشاري : هاه خلصوا ..

حمد : ايه الحريم جاهزين .. انتم جاهزين ..

مشاري : ايه ماعندنا شي ..

ماهر : خلاص نشوف اذا البنات بعد خلصوا عشان نصلي الظهر ونمشي ..

حمد : زين .. انا دقيت وحجزت شاليه .. يالله يالله لقيت اثنين فاضيات ..

فهد : وناسه ..

رائد : خلاص يلا وش تحترون اجل ..

ماهر : استنوا .. دق ماهر على اميره وردت ..

اميره : هلا ..

ماهر : هلا اميره .. خلصتوا ..

اميره : ياحليلك من الحماس اللي فينا ولا وحده نامت الا لما جهزنا كل شي ..

ماهر : هههههههههههه زين ان شاء الله دايم تتحمسون كذا .. يلا اجل بنصلي الظهر بالحرم ونمشي زين .. بلغي اللي عندك ربع ساعه وكلهم تحت ..

اميره : اوكيي .. يلا فمان الله ..

ماهر : هلا .. " سكر " .. تقول من امس وحنا جاهزين ..

رائد : غريبه ..

ماهر : تقول من الحماس ..

مشاري : الله .. ان شاء الله دايم كذا فيهم حماس ..

حمد : اوكي يلا .. بننزل الحين نصلي الظهر ..

فهد : اوكي انا وماهر بنجلس وبنجيب البنات معنا وانتم روحوا مع الحريم ..

حمد : ايه لا تنسون العيال .. لا تقولون لين الحين نايمين ..

مشاري : يوووووووووووه نسيت ..

قام مشاري وراح الغرفه وقوم نايف وطلع ..

رائد : شفيك ..

مشاري : الشي المهم نسيته ..

فهد : ووينه ..

مشاري : اصبر شوي ..

طلع نايف وهو يبتسم : تسلم مشاري ما بنساهالك ..

مشاري : لا تخاف بطالبك فيها .. يلا رح تجهز وتوض بنروح الحرم ..

راح نايف ودخل الحمام يتروش ..

ماهر : هههههههههه الحين هذا الشي المهم اللي قفلت عليه الباب ..

مشاري : ايه فيه اهم منه .. اخو زوجة المستقبل ..

فهد : يالفاشل .. من الحين بديت تقردنه ..

مشاري : ايه اكيد ..

فهد : لا انا من قبل سنين وانا اقردن فيه ..

رائد : هههههههههه شكله ماراح ينفع التقردن معاه .. يلا حمد ..

طلع رائد وراح شقة الحريم ..

حمد : ههههههههههه لو بحلف انه داري باللي براسك يا فهد ..

مشاري : هو اساسا فاضح روحه بروحه .. ياخي اركد ..

ماهر : من جد ياخي اعقل شوي .. مو زين كذا ..

فهد : اجل لو تدرون وش سويت امس وش بتسوون فيني ..

ماهر : ما استبعد منك اي شي .. وش مسوي ..

حمد : الله يعيننا على طلعاتك يافهد .. وش مسوي بعد ..

فهد : قلت لها احبك ..

مشاري : ههههههههههههههههههههههههههههههههههه .. ياقويك انا ما تجرأت اقولها ..

حمد : حسبي الله على بليسك يا خي ما تستحي انت ..

فهد : وش اسوي تهورت وقلتها خلاص اللي صار صار ..

ماهر : ههههههههههههههههه وش سوت ..

فهد : هههههههههه لو تدري بس وش صار فيها .. تخيل ضيعت مكان البنزين ما عرفت تمشي ..

الشباب : ههههههههههههههههههههههههههههه ..

حمد : فهد رجاءً لا تتهور مره ثانيه اظبط نفسك ..

فهد : الله يعيني ..

حمد قام : يلا مشمش ..

مشاري : يلا ..

قاموا ولحقوا رائد ونزلوا مع الحريم وراحوا الحرم .. وماهر وفهد جالسين يسولفون .. جاهم ريان ..

ريان : ماتبون تروحون ..

ماهر : الا يلا ..

فهد : سلطاااان .. رح طق على البنات قلهم مشينا ..

سلطان : ان شاء الله ..

فهد : يلا فديتك ..

راح سلطان وطق الباب فتحت له هيفا ووقفت معاه على الباب ..

هيفا : هلا ..

سلطان : يلا بنروح الحرم ..

هيفا : يلا جينا .. يلاااااا بناااااااااات ..

طلع نايف : الله يفضحك .. وش هالصوت ..

هيفا : اقول سقها ..

نايف : بعد ..

هيفا : يلا بناات ..

طلعوا ماهر وفهد وريان ..

فهد : منهي اللي تنابح هذي..

سكتت هيفا ودخلت ..

ريان : ههههههههه خافت ..

ماهر : يلا بنات مشينا ..

طلعوا البنات ونزلوا وراحوا الحرم .. بعد الصلاة رجعوا ونزلوا شناطهم وسلموا الشقق ..

حمد : يلا كل وحده تركب السياره اللي تبيها ..

ولاء : واااو والله انك فله يا حمد ..

حمد : ههههههههه ايه شفتي انا اذا حبيت ادلع ..

ولاء : الله يخلف ..

الشباب : ههههههههههههههههههه ..

ولاء : وين سيارتك بركب معاك ..

قبصتها لولو وضحكو ساره واميره ..

ماهر : مو الحين تضحكون اذا ركبتوا اضحكوا ..

ولاء : اي يعووووور ..

حمد : شفيك ..

ولاء : وحده منهم خايسه قبصتني ..

لولو : انتي الخايسه ..

راحت وركبت مع اختها ..

ولاء : شفيها معصبه ..

ساره : انتي راجعي كلامك وتعرفين ليه عصبت ..

اميره : ماقالت شي ..

ولاء : وهي صادقه ماقلت شي ..

ساره : يلا انتي وياها ..

ليلى : بنات يا كثر قرقكم امشوا اركبوا ..

اميره : بركب مع اخوي .. ماهر بركب معاك ..

ماهر : انا بآخذ الشباب الصغار ونوره وجواهر وولاء ..

ولاء : ومن قالك ابركب معاك ..

ماهر : لا حياتي بتركبين معاي يلا اشوف ..

ولاء : ايه خلاص بركب ..

راحت ولاء وركبت سيارة ماهر ..

فهد : بسم الله من متى صايره مطيعه ..

مشاري : لا عادي احس تجيها هفات .. كنها نوير اختي ..

نوره : اسمي نووووره نووووووووره ..

مشاري : اركبي يا نوووووووووره ..

يتبع ,,,,

👇👇👇

تعديل المقال