رواية اضمك وين من حسادي واحميك -17
حاتم :. ايواا غلطانه
هيفاء بقهر انو حاتم بصف اسراء:. اناا
حاتم :. ايوا انتي يعني لو سكتني من البدايه وبلاش فلسفه فاضيه ماصار اللي صار
حنين :.وكمانت بطلي رمي هرج اللي ماله داعي وإذا اسراء ساكته من امس مو خوف بس ماتبغى تنكد على نفسها وتضارب
حاتم :.يلابروح عند العيال اشوفكم ..
حنان :.على خير ان شالله
حاتم هو راجع شاف زياد جالس وراح عنده
حاتم :.ابو الشباب ليش جالس لوحدك
زياد :.حاتم تحبني لسى
حاتم :.هههه مين اللي تحبك
زياد :.امال
حاتم :. يؤيؤيؤ اسراء كلمتها؟!
زياد :.ايواا
حاتم :. ايش صار ابغى اعرف بالتفصيل المملل
زياد :. لا يااشيخ روح بس
حاتم :. والله غير تقول
زياد :. ههههههههههه وليش الحلف
حاتم :. حق 5 سنوات غاثني .. حاتم احبها تتوقع تصبر لين ارجع .. حاتم تحبني ولانسيت .. لو جلست اقول كلامك مااخلص
زياد:. بس بس اكلتني بقشوري اسمع .. وقاله ايش صار
حاتم :. ههههههههههههههههههههههههههههههههههههههه خطييييييره
زياد رمى عليه الجوال :.لا تقول خطيييره مالت عليك
حاتم :.ههههههههههههههههههههههههههه اي يااحمار هههههههه متى ناوي تتزوجها مدام ميتين على بعض والغيره واصله حدها
زياد :.بعد رمضان ان شالله ابغى اتوظف وبعدين اخطبها وبالاجازه اتزوجها
حاتم :.لا لا مقدر على التخطيط انا
زياد :. احم احم
حاتم :. الله يسعدك معاها يارب
زياد :.ويسعدك معايا
اسراء وشهد اول ماطلعو راحو غرفتهم ..
شهد :. يووه من زمان عن المنتدى
اسراء :. انا من امس الصباح
شهد :. داخله ؟!
اسراء :. اكييييد بالله هذا سوال
شهد :.هههههههههه قلت يمكن جاتك عين
اسراء :. هههههههههههههههههههه بس روقي
جات الساعه 12 ونص ..
دخلو البنات ,,
اسراء:. حنو تبغي الجهاز
حنين :.ليش قايمه
اسراء :. ابغى اصلي وانام شوي
عهد :. مااشالله ماشبعتي نوم
اسراء:.لا بس مصدعه قلت انام شوي يمكن يخف
حنين:. يمكن جوع
اسراء:. لا اكلت قبل شوي مع شهد
اسراء :. دحين ماقلتي تبغي ولا اسكه
هيفاء:. يعني لو تبغى كانت قالت
اسراء:. ياختي انتي فيك شي روحي اتعالجي
حنين:. لا سرو مااابغى دحين ابغى اصلي الظهر وانزل تحت
اسراء:. اوك
هيفاء :. قولي لعهد ولا مالها رب
اسراء عصبت منها :.انتي دحين ايش جابك
هيفاء ببرود يعصب :. انا جيت هنا مو عشانك عشان ولد خالتي جاي من السفر
اسراء:. خلخلت عظامك قولي امين جايه عشانه انطمي واحترمي نفسك كل ماقلت كلمه اتلقفتي واتكلمتي كاني اكلمك
هيفاء:. محترمه قبل لا اشوفك
اسراء:. اذا كان كنتي شايفه هذا احترام روحي اتعلمي من غير اللي علموك الاحترام يمكن ماعرفو
هيفاء :. ايش قصدك
اسراء :. قصدي اللي هو
هيفاء :. تسبي امي وابويا مالت عليك وع..
اسراء قاطعتها :. اسسسسس لا تجبي سيرة اهلي واذا على تربيتك العيب مو من اهلك منك انتي
وخرجت اسراء من الغرفه .. وراحت غرفت اللي ينامو فيها الحريم اتوضت وصلت و رجعت الغرفه وماكان فيها احد
شغلت المكيف وحطت راسها على المخده وجلست تحاول انها نتام حاولت لين مانامت ..
بعد الغدا كان بالصاله الحريم والعيال احمد وحاتم بس وفهد وزياد دخلو ينامو ..والبنات حنين وعهد وهيفا.. ومنال وسمر طلعو عند عيالهم بالمسبح..
ام محمد :.عهد فين اسراء ماشفتها غير الصباح حتى الغدا مانزلت
عهد :.كانت نايمه وقت الغداء وقبل شوي طلعت شهد عندها اكيد دحين جالسين مع بعض ..
ام فهد :.الله يستر منهم
ام ياسر :. من جد
احمد :. ههههههههههه انتو كل ماسمعتو انهم مع بعض قلتو هذي الجمله
ام فهد :. هههههههههههه كانك منك عارف خبالهم
احمد :. عاارف بس والله خطيرين مسوين جو
حنان :. بقوه مسوين جو احس اليوم شهد هاديه من غير اسراء
ام ياسر :. عاد اسراء المعلمه لاازم تكون مصدر الرجه
ام حازم:. بس الله يسعدها لها مكان وتسوي جو للجلسه
ام فهد :. مايسوي جو غير خبالهم
ام ياسر:. وكلامهم اللي بعض الاحيان ماله داعي
احمد :. بالنهاااايه مافي زيهم وانتو قلتوها دحين مسوين جو
حنين:. عاد انتا محامي الدفاع محد يقدر يتكلم عنهم
احمد :. طيب كلامي صح ولا لا
حنين:. صح
احمد :. طيب اسكتي هههههههههههه
حنين:. ههههههههههه مالت
شهد بعد الغدا قبل لا يدخلو العيال طلعت فوق ودخلت الغرفه وراحت عند اسراء ..
شهد :. سرو .. سرو
اسراء:. همممم
شهد :. سرو يلا قومي والله طفشانه
اسراء:. خلاص قومي واقوم انا
شهد :. لا دحين قدامي قومي
اسراء:. افف منك ماتخلي الواحد ينام
شهد :. نامي بعدين لاحقه عليه
اسراء:. اهو قمت
وراحت الحمام وغسلت وجها
اسراء:. ماابغى انزل واشوف وجه العنز
شهد :. لا امشي نخابل عند البزورة
اسراء :. لالا مالي خلقهم
شهد :. اجل
اسراء:. مدري بس خليني انزل اسوي شي يشيل الصداع وبعدها اقرر
اخذت عبايتها احطياط يمكن تروح تتمشى بالحديقه
هما نازلين سمعو صوت العيال .
شهد:. صوت احمد تحت
اسراء :. ايواا يلا خلينا نزل يمكن اشوف زياد واكلمه و نروح البقاله
نزلو تحت ..
عهد:. جبنا سيرة القط جانا ينط
شهد :. ما قط غيرك
عهد :. ههههههههههههههههه
شهد :. هاهاهاها ماتضحك
ام ياسر :. اسراء اشبك
اسراء :. مافيا شي
ام فهد :. جاتها عين من عيوننا ههههههه
اسراء:. سكتت ماعلقت
ام ياسر :. لا والله بنتي فيها شي ماتتكلم
اسراء :. مافيا شي بس مصدعه شوي
حنين :. هبله احد ينام هو زعلان اكيد منه
ام ياسر :. وايش اللي زعله
اسراء:. شغله تافه من انسان اتفه
عهد وحنين كتمو الضحكه
اما شهد:. ههههههههههههههههههه حلوة
احمد:.لا ياشيخه لهذي الدرجه عجبتك
شهد :. مرررة
اسراء:. احمد زياد فينه
احمد :. نايم
اسراء:. احد عنده بالغرفه
احمد :. فهد وحازم وياسر نايمين
اسراء :. انتا فاضي شوي
ام ياسر :. اسراء حشى تسوي تحقيق انتي
احمد :. ايواا بروح مع ابويا نشتري الذبايح واوديها للطابخ ليش ؟
اسراء :. لا ولا شي
ام ياسر :. كل هذا ولا شي
اسراء:. ايواا
ام محمد :. اسراء وانا امك في اكل بالفرن رفعته لك روحي كلي
اسراء:. مالي نفس .. وراحت .
احمد :. اشبها ياشهد
شهد :. مصدعه
احمد دق جواله ابوه يبغى يجي عشان يرحو ..
احمد:. يلا بروح مع ابويا تبغو شي
الكل :. لا سلامتك ... وراح
جلست شهد مكان احمد الي كان جالس جمب حاتم
شهد بصوت واطي مايسمعه غير حاتم :. حتووم
حاتم الي حاس انها راح تتطلب الطلب اللي كانت اسراء تسال عنه زياد :. هلاا
شهد :. فاضي العصر
حاتم :. ايواا ليش ايش عندك
شهد :. طفشانين بنروح البقاله
حاتم :. مين الطفشان
شهد :. انا وسرو
حاتم :. بلاش بكش اسراء قالت مصدعه مو طفشانه
شهد :. يااخي افهم الطفش هو الصداع
حاتم طل فيها بنص عين :. لا ياشيخه
شهد :. هههه ايواا ..
حاتم :. طيب ايش سبب الصداع
شهد :. مالك بالسبب ودينا البقاله
حاتم :. طيب ايش السبب
شهد :. قلنا الطفش
حاتم قام وراح ..
شهد :. حــــــــــاتم
حاتم لف وجه:. هلا
شهد:. ايش قلت
حاتم :. خلاص بعد العصر على الطول
شهد :. يسسسس
ام فهد :. ايش طلبتي منه
حاتم خاف انها تهزئي وتتفركش الروحه :. يمه انا قلت باخذها هيا والبنات ونطلع بالسيارة ناخذ لفه ونرجع
ام فهد :. اكيد هيا طالبه منك ولا ليش تاخذ رايك مدام انتا طالب منهم
حاتم :. هههههههههه لا بس جلست احمسها واحرق بااعصابها قمت وانا مااعطيتها الخبر الاكيد
ام فهد :. مايندرى عنكم .
قراءة ممتعهـ
(.. البارت 33 ..)
شهد :.سرو خلاص حاتم راح يودينا بعد العصر
اسراء:.حلو انا كنت حاطه ببالي انكد على زيود النومه واصحي عشان يودينا
شهد :.لا خلاص مايحتاج خلي زياد اللايام الجايه
بعد العصر حنين وهيا تلبس عبايتها شاقتها حنان ..
حنان:. فين رايحه
حنين :.مع حاتم والبنات البقاله
حنان:. طيب لحظه..فتحت الشنطه وطلعت فلوس واعطتها حنين
حنين :. ايش تبغي فيهم
حنان:.اشتري للبزوره عصير وشبس
حنين :.بكل الخمسين
حنان:. ايواا
بعد ماالكل السياره ..
حاتم:. خلاص الكل جاء
شهد :. لا لحظة باقي اسراء
عهد :.قالت لكي تبغى تروح
شهد :.ايوا
عهد :.متاكده
شهد :.لاياشيخه ايوا متاكده
عهد :. عشان غريبه دائما معاكي تركب اول ناس انتو
شهد :. مدري ايش فيها .خلاص دحين اكلمها ..ماخلصت جملتها الا وجوالها يدق
شهد :.عمرها طويل
شهد :.وينك
اسراء:.خلاص روحو ماني رايحه
شهد:. احلفي بس وليش ان شالله
اسراء :.معاكم العله ومالي خلقها
شهد :.شوفي لو ماجيتي راح انزل وما راح اروح
اسراء :.ايش تنزلو وانتي من امس نفسك تروحي
شهد :.مالي شغل
اسراء:. خلاص جايه عشانك بس
حنين :.اشبها
شهد :.مافيها شي دحين جايه
حاتم يكلم شهد بصوت مايسمعه غيرها :.ليش ماكانت تبغى تجي
شهد بنفس الهمس :.عشان العله اللي وراك
حاتم :.طيب صار شي بينهم غير اللي اليوم الصباح
شهد :.ايوا مضاربه قويه
حاتم :.اها
بعد خمس دقايق دخلت اسراء السياره..
اسراء :.السلام عليكم معليش اتخرت عليكم
الكل:. وعليكلم السلام
حاتم هو يحرك السياره :. لاعادي
هيفاء :.وين عادي ساعه جالسين نستنى حضرت جنابك تجي
اسراء:. ماطلبت منك تستني وانا لما قلت معليش قصدي لحاتم وللبنات من غيرك طبعا
شهد:. سرو حياتي طنشيها ماعندها سالفه تبغى تهرج بس ماعندها هرج غير اللقافه
اسراء :.ياختي نتبرع لها بهرجه غير القافه
هيفاء:. خير اسراء
اسراء قاطعتها :.الخير بوجه عدوك وبعدين اتكلم مع شهد مو معاكي
هيفاء:. بس عني
اسراء طنشتها :.حنين مجهزه فلوسك
حنين:. ايت فلوس
اسراء:. اليوم على حسابك ولا نسيتي التحدي
حنين :.خلاص حاتم يدفع عني يمكن تستحو ماتشترو كثير
عهد:. قال تمسكي من يد اللي تعورنا ههههههه عشان مانشتري
حنين :.هههههههههه ايوا بصراحه هذول ماتعطيهم وجه يفلسوك هما لسى مااشترو
شهد :.عن نفسي ابغى اشتري سواء انتي ولا اخوكي اللي تدفعو وماني مستحيه
اسراء:. وانا معاكي عادي ولد عمي واذا فلسناه مافيها شي
حنين :.وي منكم
عهد :. الله يعينك مافي فكه
اسراء :.مرره هههههههههه
هيفاء :.دحين تكلمي وتقولي ولد عمي وفلسناه كانه مو في او ماله راي وطرطور عندك
حاتم انقهر من كلامها جاء يتكلم بس اسراء ردت
اسراء :. اول شي انا اتكلم مع حنين مو معاك ذا وثاني شي انا ماقصدي كدا ولا تجلسي تألفي كلام ماقلته وثالث شي حاتم جالس يسمع كلامي مو اطرش عشان مايرد اذا ماعجبه كلامي ورابع شي لو فلسته مين اللي يفلس انتي ولا هو عشان تتكلمي
هيفاء:.لا بس هو يمكن يستحي
شهد :. طيب يستحي ولا مايستحي انتي اشلك هو يتكلم
هيفاء :. انتي ماتفهمي قلت يستحي كدا مايتكلم
شهد:. طيب لو هويستحي حنين تتكلم عنه
هيفاء :. وانتي اشلك جالسه تتكلمي عنه
شهد :. على الاقل انا اتكلم بصفته اخويا وانتي بايت صفه تتكلمي
هيفاء سكتت وماعندها رد
شهد :. اي اسكتي ومرة ثانيه اعرفي ايش تقولي مو ترمي الهرج رمي
حاتم حاب يغير الجو ..
حاتم :. انتو تبغو تنزلو
شهد :. يـــس
حاتم :. يلا مدام انا ادفع بدل حنو بلاش تفليس
اسراء:. ههههههه اذا مفلس نعطيك سلف
عهد:. يعني معاكي فلوس
اسراء:. ايوا معايا تبغي سلف
حنين:. اشتري انتي وادفعي عني ههههههههههه
اسراء :. هههههههههههههههههه احلمي ادفع للكل الا انتي
شهد :. صـــح سرو
اسراء:. لا خطاء هاهاها ايش في
شهد :. امس وحده من صحباتك كلمت وكان الجوال معايا ورديت عليها
اسراء:. مين .
شهد :. في البدايه ماعرفتها لانك حاطه لها نك بس بعد كلمتها قالت ريهام
اسراء:. يوووووه الدوبا من زماان عنها ههههه
عهد :. ههههههههههههه كلميها طيب
اسراء:. شويا اكلمها
وصلو البقاله ونزلو كلهم وجلسو فوق ربع ساعه
اسراء:. حنو بروح السيارة انا
حنين:. ليش
اسراء:. احس نفسي دايخه ماني قادرة امشي
حنين:. طيب اكلتي شي
اسراء:. لا
حنين:. اجبلك شي
اسراء:. لا تجبي لو جبتي و اكلت احس نفسي برجع
حنين:. طيب خليكي هنا اروح اجيب مفتاح السيارة من حاتم واجي
اسراء :. طيب لا تتطولي
حاتم فينك انتي واسراء اختفيتو
حنين:. لا بس اسراء تعبت وجلست عندها دحين اعطني مفتاح السيارة
حاتم :. اشبها تعبانه قبل شويه كانت تهرج وتضحك ومافيها شي
حنين:. تقول دايخه
شهد :. هبله اكيد من الجوع مااكلت شي على اليوم الصباح
حاتم :. خلاص حنين تعالي معايا يصير تجلسي معاها بالسيارة وانتو شهد وعهد كملو شرى عبال مااجي لكم
شهد:. حاتم بروح انا وخلي حنو مع عهد
حاتم :. لا
شهد قاطعته :. ياخي مااعرف اشتري من غيرها
حاتم :. هذا المطوب عشان لا تفلسيني هههههههه
شهد :. مالت
حاتم :. شهود عهد خوافه وحنين زيها لو جالهم واحد وغازلهم راحو فيها وتلاقيهم زي الببسي الي وراكي مايتحركو اما اذا انتي معاهم اطمن راح اللي يغازل فيها
عهد :. ببسيي بعينك
حاتم :. ههههههههه هذي الحقيقه يلا حنو اتاخرنا على اسراء
حنين وحاتم شافو اسراء جالسه ..
حنين:. يلا سرو
اسراء من التعب ماشافت حاتم :.لو طولتي شوي بس يلا احس راسي يلف لف
حاتم بصوت واطي :. حنو روحي امسكيها
حنين:. طيب
ركب حاتم السيارة ..وشغل المكيف لهم واسراء وحنين كانو لسى يمشو
حنين ركبت وراء وجات اسراء تركب وراء بس
حاتم اتكلم :. اسراء تعالي قدام عشان المكيف
اسراء:. لا وراء احسن
حاتم:. تعالي وبطلي عناد وبعدين انا نازل اشوف البنات
حنين:. يلا اسراء روحي
اسراء:. لا بالله طيب خلي ينزل اول عشان اركب
حاتم هو نازل :. هههههههه اهو نازل بس تعالي
على ماجات تركب اسراء حاتم نزل وكان يضحك .. ومن جه ثانيه هيفاء شافت حاتم خار ج ومااانتبهت لي اسراء وحنين على ماتبغى تخرج شافت اسراء قدام وحاتم
نازل يضحك ..
هيفاء:. ههههه والله طيحتي يااسراءومحد سمى عليكي ..
حنين :. ههههههههههههههههههه ياحليلك يااسراء اول مرة اشوفك مستحيه
اسراء وهيا مرجعه راسها ومغمضه عيونها من الصداع :. تعرفي تسكتي ولا لا يعني بالله جالس تبغني اجلس هو لسى مانزل
حنين :. عادي هو كان بينازل
اسراء:. كان بينزل مانزل
حنين:. هههههههههههههههههه
اسراء:.يااباااسط
نرجع للبقالهـ
حاتم :. خلصتو
عهد :. ايو بس امي دحين كلمت تقول نجيب معانا مكرونه
حاتم :. خلاص روحو انتو السيارة وانا اروح اجيب واحاسب واجي لكم
شهد :. اوك وراحت
حاتم :. هههههههههه تعالي
شهد وقفت وطلت بحاتم:. مو قلت روحو
حاتم :. استني اختك ورحو مع بعض
شهد :. طيب يلا ماتبغى لما نوصل نعطيك رنه
حاتم :. يكون افضل
خرجو عهد وشهد
شهد فتحت الباب اللي قدام وشافت اسراء جالسه :. نعم يالاخت غلطانه ولا عجبتك الجلسه
اسراء:. شهد خلاص برجع
حنين:. هههههههههههههه شهود لا يسمعك سي حاتم ويزعل منك
شهد :. ايش دخل حاتم بالموضوع
حنين:.هههههههههههههههههههههههههههههههه
عهد اللي جلست جمب حنين:. والله شكلها صارت قصص يلا قووولي خلينا نضحك زيك
اسراء عدلت جلستها ومسكت علبة المناديل ورمتها عليهم :. مالت عليكم
شهد وهيا واقفه :. حنو يلاا قولي قهر من اول قلت لي حاتم انا اللي اروح بس مارضى
حنين:. اسمعو وقالت لهم ايش صار
شهد :. ياااعيني ياااعيني ياايبغى راحتك ياختي خليكي جالسه يمكن لو شافني قدام ينزلي ويخليكي تجلسي جمبه
اسراء دفت شهد على الخفيف ونزلت ورجعت وراء
شهد وهيا تركب :.بنات لو اتكلم حاتم قولو هيا اللي نزلت براضاها
اسراء قرصت شهد :. بس ماصار شي عشان التعليق هذا كله
الكل عدا اسراء :. ههههههههههههههههههههه
دخل هيفاء على ضحكهم .. وجا ببالها انهم مع بعض .. ودحين جو واسراء كانت لوحدها
هيفاء :.آآآآه بس متى نوصل بس
دخل حاتم .. واعطى شهد فطيرة لوزين وعصير سيزر جوافه تعطيها اسراء..
شهد :. يااعيني يااعيني بس لاسراء واحنا مالنا رب
حاتم على نياته يحسب شهد تعلق زي دائما :. لا بس هيا تعبت وانتي قلتي من الجوع قلت اجيب لها .. تبغي اجبلك
شهد :. لا سلامتك
شهد :. سرو خذي هذي من حااااااتم هههههههههه
حنين وعهد :. هههههههههههههههههههههههههههههه
حاتم :. اشبكم ؟!
اسراء اخذت الكيس وقرصت شهد
شهد:. اي ههههههههههه
حاتم :. شهد شاربه شي
شهد :. لا هههههههه
شهد :. حاتم ماتبغاني انزل
حاتم :. ياليت
شهد :. مين تبغى يجي قدام
حاتم :. اي احد غيرك
شهد :. زي مين يعني وغمزت
حاتم فهم قصدها دحين وفهم ليش يضحكو من اول واسراء ساكته اكيد طاحين فيها تعليق :.حنين او عهد
شهد :. ماتبغى احد ثاني
حاتم :. مين يعني احد ثاني انتو ثلاثه اخواتي
حنين:. هههههههههههههههههههه شهد بس اسكتي لا تروحي فيها
شهد:. ههههههههههه من جد حتى انا حااسه
قراءة ممتعهـ
البارت 34
وصلو المزرعه .
حنين وعهد وشهد وراحو مع حاتم ينزلو الاغراض معاه..
اسراء كانت تمشي تبغى تروح البيت ..
هيفاء :. اقول انتي
اسراء طلت فيها:.تكلمني
هيفاء :. شايفه احد غيرك
اسراء:. طيب لو تبغي تكلمني قولي اسمي اضن ليا اسم
هيفاء :. اشكالك حرام اقول اسمها على لساني
اسراء:. على ماضن اشكالي تسوى اشكالك مليون مرة
هيفاء :. هههههههههههههههه ضحكتني وانا مافيا اضحك ..
شهد وهيا تشوف هيفاء واسراء من بعيد :. والله حاسه راح تصير مصيبه دحين
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك