بداية

رواية تحملت كثير يا قلبي -19

رواية تحملت كثير يا قلبي - غرام

رواية تحملت كثير يا قلبي -19

حمد : يلا شباب خلونا نطلع عشان يآخذون راحتهم ..
هدى : ايه والله ياليت ..
فهد : اووووو يمه طرده قويه .. وبالوجه بعد ..
هدى : ايه خلاص نبي نفتش نبتل متغطين ..
حمد : لا خلاص افتشوا بنطلع ..
طلعوا الشباب وجلسوا على البحر يلعبون .. والحريم جلسوا بالصاله .. والبنات رقوا فوق ..
دخلوا غرفه مره كبييييييييره وجدارها كله قزاز على البحر فتحوا الستاره وانجنوا على المنظر البحر قدامهم وانوار الشاليه الخارجيه مفتوحه مع ان الدنيا منوره لانهم بالعصر والشباب يلعبون برى .. جلسوا يطالعون فيهم ..
ابرار : ابي اروح العب ..
اميره : حتى انا .. ابي اسبح ..
ابرار : خلوني ادق على رنو .. اشوف اذا تقدر تجينا ولا لا ..
ساره : ايييييييييييه ابي اشوفها هالانسانه ..
ابرار : شفتيها بلا عبط .. يوم تخرج لولو من الثانويه ..
تهاني : يووووووووووووه قبل 4 سنوات .. اكيد تغيرت .. والصراحه مادققنا فيها زين ..
ساره : ايه ما دققنا فيها .. ابي اشوفها الحين ..
ابرار : يووووه اجل مره تغيرت عن اول ..
لولو : ايه احلوت اكثر ..
ليلى : خلااااااااص لاتشوقوني اشووووفها ..
اميره : يلا دقي ..
دقت ابرار وردت عليها رنا : الووو ..
رنا : هلا والله ..
ابرار : هلا قلبي كيفك ..
رنا : انا تمام انتي اشخبارك ..
ابرار : تمام ..
رنا : ها وصلتوا ..
ابرار : ايه ..
رنا : اوكي اية شاليه اخدتوا ..
ابرار : اممممممم .. شاليهات الـ....
رنا : اوووووووووو مرررررررره حللللووه .. اوكي دحين اكلم ماما اشوف متى اجيكي ..
ابرار : اوكي لان بنات خوالي يبون يشوفونك ..
رنا : يا حبيلهم .. اوكي يعني لازم اتكشخ ..
ابرار : لا مو بزياده خلك ناعمه زين ..
رنا : اش قالولك لهالدرجه انا خشنه ..
ابرار : هههههههههههههههههه لا حياتي مو قصدق ..
رنا : لا تلفقي خلاص دحين عرفت انا مين عندك .. خلاص زعلت ..
ابرار : فدييييييييت الزعولات انا .. خلاص رنّوووو .. امسحيها بوجهي ..
رنا : لما اجي صدقيني بمسحها ..
ابرار : هههههههههههه اوكي اهم شي تجين ..
رنا : قلتي لامك ..
ابرار : لا الحين بقولها ..
رنا : يعني لسى ماقلتيلها ..
ابرار : ايه ..
رنا : اوكي لما تقوليلها . وتوافق دقي علي اجيكي ..
ابرار : بلا سخافه ماراح تقول شي ..
رنا : استحي إشبك انتي ..
ابرار : لا والله عااااااااااادي ..
رنا : لا بيقولوا قااااطه .. اشتبغى هادي ..
ابرار : يابثرك .. رنااااااااااااا لو سمحتي ..
رنا : هههههههههههههههه اشبك فجرتي ادني .. خلاص انتي قولي لماماتك وانا بقول لماماتي ..
ابرار : ولا تنسين جيبي امك ..
رنا : تمزحي .. اش يجيبها معايا ..
ابرار : عادي تجي .. امي وخالاتي وجدتي وحريم خوالي موجودين تجي تجلس معاهم ..
رنا : لا فشيله .. مره تانيه حبيبتي ..
ابرار : اوكي براحتك .. بس لا تتأخرين ..
رنا : اوكي على المغرب كويس ..
ابرار : اوكي .. ماشي ..
رنا : خلاص قلبوا .. انا نازله مع اهلي اجلس واشوف مين راح يجيبني عندك ..
ابرار : اوكي سلميلي على امك وخواتك .. ولا تنسين أثير جيبيها زين .
رنا : اذا رضيت اساسا ..
ابرار : جيبيها من شعرها ..
رنا : ههههههههههه طيب .. مع كشتها على قولتك ..
ابرار : ههههههههههههههه اييييييوه ..
سكرت منها ابرار ..
اميره : منهي أثير ..
ابرار : اختها .. مررررررررره تجنن .. واخلااااااااااااااااااااق .. آآآآآهـ اتعب اقول اخلاق ..
تهاني : وش كبرها .؟.
ابرار : قد لولو ..
اميره : وناسه يعني قدنا ..
ابرار : حولا انتي .. اقولك قد لولو تقولين قدنا ..
اميره : وش تفرق سنه ..
ابرار : اكبر منك بيوم اعلم منك بسنه .. وعليك الحساب ..
ولاء : على قولة فهد .. اكبر منك بسنه اعلم منك بقرن ..
البنات : هههههههههههههههههههههه ..
اميره : هالانسان عليه امثال .. "تكلم رغد" اخوك ليه دايم يخرف الامثال ..
رغد : مدري يمكن مسوي مثقف ..
البنات : ههههههههههههههههههههههههههه ..
تهاني : حلللللللللللللللوه .. ياحبيلك يا رغد ..
جوري : بجيب مويه احد يبي ..
جواهر : بجي معاك ..
ابرار : جيبيلنا كلنا ..
¬¬نزلت جوري مع جواهر يجيبون مويه من تحت ..
تهاني : هيفا .. شفيكم انتي وجوري لكم كم يوم مو طبيعيات ..
هيفا : مافينا شي ..
اميره : كذابه .. هي قالت شفيكم ..
هيفا : وش قالت ..
هيفا : قالت انك زعلانه من رائد وحطيتي الحره فيها ..
لولو : ترى مالها ذنب اخوها عصبي هي وش دخلها ..
هيفا : مدري بس مقهوره منه ..
ابرار : مقهوره منه وتحطين الحره فيها ..
هيفا : .....................
تهاني : روحي لها ..
هيفا : مابي ..
ساره : لييييييييييه ..
هيفا : بس مابي ..
ولاء طالعتها وعطتها نظره ونزلت تحت .. هيفا ماقالت شي عرفت ليه عطتها هالنظره لان ولاء ماتحب احد يتكلم عن جوري ..
ساره : راحت توصل لها الخبر ..
هيفا : خلها تقول لها ..
تهاني : مايهمك ..؟؟؟؟؟؟؟..
هيفا : الا .......
ابرار : ايوه ..
هيفا : اففففففففففففف فقلوا الموضوع ..
اميره : بكيييييييييفكم ..
ليلى بصراخ : آآآآآآآآآآآآآآآآآآآآآهـ ابي العب معهم ..
البنات : ههههههههههههههههههه ..
تهاني : حنا بأيش وانتي بأيش ..
ابرار : خلونا ننزل ..
نوره : لا بيهاوشون ..
لولو : ليش يهاوشون .. اساسا بيروحون يجيبون غدا ..
نوره : مو كلهم طبعا ..
اميره : هههههههههههههه تخيلي اشكالهم كلهم رايحين يجيبون نص دجاجه ..
البنات : هههههههههههههههههههههههههههههههه ..
ليلى : هههههههههه اميروه عليك تخيُلات ..
جتهم جوري طبعا بعد ماوصلها كلام هيفا .. حطت جيك المويه وراحت الغرفه وجلست ساااااكته .. جواهر وولاء جلسوا مع البنات .. قامت غيدا وراحت لجوري .. طقت الباب ودخلت ..
غيدا : عادي اجلس معاك ..
جوري ابتسمت : ايه شدعوى حياك ..
سكرت الباب وجت وجلست معها : شفيك ..
جوري : ولا شي ..
غيدا : قالت لك ولاء شي ..
جوري ابتسمت ونزلت راسها ..
غيدا : ياويلي عليها الفتانه ..
جوري : لا عادي .. مدري شفيها متغيره .. ؟؟ .. مو هيفا اللي اعرفها اول ..
غيدا : يهمك تعرفين شفيها ..
جوري : اكيد ..
غيدا : كلميها وواجهيها ليه متغيره عليك ..
جوري : اخاف ..
غيدا : تخافين من ايش ..
جوري : اخاف تقولي كلمه تجرحني ولا اقولها كلمه تجرحها ..
غيدا : انتي واثقه انك ماسويتي لها شي روحي واجهيها..
جوري : ما اقدر ..
جا مسج لغيدا وفتحته وابتسمت .. (( انـتــ : ? أطهر قلبـ ? شفته ممتلي كله بيـآض ? انـتــ : ? دعوة أمـ ? نآمت عن ضنآهآ رآضيـه .. )) .. وكانت طبعا من رائد .. رجعت الجوال لمخباتها وجلست جوري تطالع فيها .. وهي تطالع فجوري ويبتسمون لبعض ..
جوري نزلت راسها : فقدتها ..
غيدا رفعت راسها : حتى هي اكيد فقدتك ..
جوري : ما اظن ..
غيدا : تدرين جوري .. مو حلوه اشكالكم بدون بعض .. والله مو حلو ..
جوري : وش اسوي ..
غيدا : قلت لك .. تبيني اناديها لك ..
جوري بإندفاع : لاء ..
غيدا : ليييييييه ..؟؟؟..
جوري : قلت لك اخاف .... يووووه ماراح تفهميني ..
غيدا : طيب فهميني ..
جوري : اقولك احسن حل ..
غيدا : ايوه ..!!!!!..
قامت جوري ومسك يد غيدا وقومتها : بطنش تبيني تجيني انا اروح لها .. لاء ..
غيدا : ليه طيب ..
جوري : كم مره سوت هالحركه فيني .. انا مليت من اسلوبها .. بكيفها بطنشها بشوف وش بتسوي ..
غيدا : احس ما ينفع .. مهمى كان بنت عمتك .. واقرب وحده لك ولقلبك .. واكثر وحده تعرفك وتفهمك ..
جوري : لو بيان كررت هالشي فيك اكثر من مره وقلتي لها ترى هالحركه مره تقهرني .. وش بتسوين ..
غيدا : تبين الصدق .. اطنشها لين تعرف غلطتها ..
جوري : هههههههههههه وانا وش بسوي ..
غيدا : هههههههههه ياحلوك وانتي تضحكين والله ..
ضمتها جوري : مره شكرا يا غيدا مره شكرا ..
غيدا : وش دعوى بنت خالي ما بيننا شي ..
جوري : ياحبيلك ..
غيدا : تسلمين يا قلبي . امممممممممم .. عندك مسج حلو ..
جوري ابتسمت : ايه عندي .. ليه بترسلينه للي ارسلت لك قبل شوي ..
غيدا بإبتسامه تخقق : ايه ..
جوري : اوكي خذي جوالي ونقي احلى مسجات وارسليها لك ..
عطتها الجوال وسحبتها برى وطلعوا ..
لولو : هلا وغلا ..
جوري بإبتسامه : هلا بك عيوني .. " شهقت " .. من وين لكم ايس كريم ..
ليلى : فديت اخوك ياربي .. هو اللي جاب لنا ..
جوري : يا حبيله اكيد رائد ..
كحة ليلى : لا لا لا مو رائد .. ريان ريان ..
جوري : هههههههههههههههههههه طيب لا تموتين ..
جلسوا وخذوا ايس كريم .. جلست غيدا تنقي مسجات حلوه من الملاحظات وترسلها .. اخر شي ارسلت لرائد ..
(( جـآني كلآمك واعجبتني معـآنيك ..,،’،,.. انشـد لهـآ قلبي مـن الوجد مـوآآل ..
سبحـآن ربـي حـط نبـع الوفـآ فيـك ..,،’،,.. ارويتنـي منـه علـى شكـل مرسـآآل ..
اتصفـح سطـورك واحـآول اجـآزيك ..,،’،,.. والله يقـدرنــي على رد الافعــآآل .. ))

? عنـــد .. الشبــابـ .. ?

كان رائد جالس على البحر ويطالع ماهر وفهد يلعبون بالمويه .. وحمد ومشاري منسدحين على الشاطئ ويسولفونن ويضحكون .. جاه المسج وابتسم وقام .. راح يتمشى ودق على غيدا ..
غيدا اول مادق جوالها .. عطت جوري الجوال وابتسمت وقامت .. راحت للغرفه وسكرت الباب ..
غيدا : الوو ..
رائد : هلا ..
غيدا :هلاوين ..
رائد : كيفك ..؟؟..
غيدا : تمام .. ..
رائد : امممم .. مافيه انت كيفك ..
غيدا : هههه .. شخبارك ..
رائد : ههههههههه يعني لازم اسحب الكلام تسحيب .. انا تمام ..
غيدا : دوم ان شاء الله ..
رائد : وياك ..
جلسوا يسولفون ..
جا فهد وجلس جنب حمد ومعاه ماهر ..
فهد : من يكلم ذا ..
ماهر : لا وخاش جو بعد ..
مشاري : انواع الابتسامات ..
التفت ماهر على فهد وغمز له : قمنا له ..
فهد : هههههههههه قمنا ..
حمد : هههههههههه انحرفت يا ماهر ..
ماهر : وش اسوي من عاشر القوم ..
راحوا فهد وماهر يركضون لرائد ..
حمد : والله ما اخليهم .. " قام يصرخ " رااااااااائد .. جووووووووووووك جووووووووووووك ..
التفت رائد .. ولقى ماهر وفهد يركضون له .. ضحك وقام يركض ..
غيدا : شفيك ..
رائد وهو يركض : ماهر وفهد .. جاييني ركض اكيد بيشوفوني من اكلم ولا بيسوون فيني شي ..
غيدا : هههههههههههه .. مهبل ..
رائد : هههههههههههههه من جد ..
غيدا : ياربيه احس انقطع قلبك من الركض خلاص يكفي ..
رائد : اوكي انا بدق عليك وقت ثاني بشوف وش يبون ..
غيدا : اوكي .. انتبه لا يسوون فيك شي ..
رائد : ابببشري .. من عيوني ..
سكر منها ووقف : خير ..
ماهر : هههههههههههههههههه وراك خايف ..
رائد : من قالك خايف ..
ماهر : اجل وش فيك انحشت عنا ..
رائد : لا عادي .. بس قلت اسكر وبعدين اشوف وش تبون ..
فهد : هات الجوال بشوف من تكلم ..
رائد : يا شيييييييين اللقااااااااااااااااااافه ..
رجعوا الثلاثه لحمد ومشاري ..
فهد : اوريك يا حمد ..
حمد : مسيكين عايش جو تخربون عليه ليه ..
مشاري : يغازل وتخربون عليه ما ينفع ..
رائد : وش قالولك .. مشاري اغازل ..
ماهر : هههههههههههههههههههههه قويه ..
مشاري : لا قالوا انك فهد ..
رائد : صادق صادق ..
فهد : ايه اقلبوها علي ..
حمد : ههههههههههههههههه يا حياتي .. مضطهد ..
فهد يسوي نفسه يصيح : تهوء تهوء شفت ياخوي ..
الكل : هههههههههههههههههههههه ..
راح مشاري مع حمد يجيبون غدا عقب ما تروشوا طبعا .. والباقين دخلوا جوا وتروشوا وجلسوا يطالعون التلفزيون .. جت نوره و جواهر ولقوا الشباب بالصاله وطلعوا ..
نوره : اففففففف بشوف التلفزيون ..
جواهر : امشي نقول للبنات نطلع برى عالبحر ..
نوره : ايه والله صح ..
جواهر : اوكي نشوف من تسبق لفوق اول ..
نوره : يلا .. 1 .. 2 .. 3 ..
طلعوا الثنتين يركضووون .. ووصلوا مع بعض وهم يضحكون ..
ليلى : خير عسى ماشر ..
نوره : ههههههههه لا بس كنا نتسابق ..
لولو : مهبل انتم .. الشباب وينهم ؟.؟
جواهر : تحت بالصاله ..
ابرار : بعااااااااااد .. فالحين والله ..
نوره : بلا كلام زايد تبون تنزلون البحر يلا الجو امان ..
اميره : يلا يلا بنات ..
تهاني : ايه يلا .. بروح اغير بنطلوني واجي ..
ولاء : انا بروح البس برمودا ..
راحوا كلهم يغيرون ملابسهم عشان ينزلون .. وبيان كانت جالسه عالكنبه ولا تحركة ..
لولو : بيان ماراح تنزلين ..
بيان : لا مافيني ..
لولو : ليه وناسه ..
بيان : مابي تتوسخ ملابسي ..
لولو هزت راسها : اممممممم .. وانتي غيدا .؟.!!
غيدا تطالع فبيان وترجع تطالع لولو : لا بجلس مع بيان ..
لولو : ليه انزلي استانسي معنا تحت ..
غيدا : مدري بس بجلس مع بيان ..
لولو : براحتكم ..
نزلوا كلهم وجلسوا الثنتين فوق ..
غيدا : ليه ما تبين تنزلين معهم ..
بيان : ما ابي حر وقرف ورطوبه بعدين بنطلوني جديد ما ابيه يتوسخ ..
غيدا : اذا توسخ غسليه عادي ..
بيان : مشوار .. مابي ..
غيدا : طيب ليه تكلمين لولو كذا ما سوت لك شي ..
بيان : وشلون تبيني اكلمها .. اضرب لها تعظيم سلام ولا اوقف اذا جيت اكلمها .. راس مالها بنت عمتي ..
غيدا : بلا طنازه .. على الاقل بطريقه احلى من كذا .. مو تكلمينها من ورى خشمك ..
بيان : غيدا !!! لا تعلميني شلون اتكلم .. انا حره فطريقة كلامي ..
غيدا : بس ولو اسلوبك مو حلوا ..
بيان : مالك شغل اسلوبي وانا حره ..
غيدا : لاحظي انك بديتي تطولين صوتك .. تراني ماسويت لك شي ..
بيان : مالك دخل فيني وفطريقة كلامي لو سمحتي وبعدين صوتي ما ارتفع انتي تنرفزين مسويتلي اسلوب ومدري ايش ..
غيدا : بيان شفيك ..
بيان : ولاشي ..
غيدا : الا فيك شي مو بيان اللي قبل ساعه تسولف وتضحك معاي ..
بيان جلست وحطت عيونها بعيون غيدا : ليه رحتي تكلمين جوري .. ؟؟ ..
غيدا طالعتها : هههههههههه .. تغارييين ..
بيان : لو سمحتي لاتفسرين على كيفك ..
غيدا : الا اجل وشو ليش رحت اكلمها .. عادي بنت خالي ..
بيان : تدرين اني ما احبها ..
غيدا : ياسلام واذا انتي ما حبيتيها انا لازم اكرهها ..
بيان : ايه ..
غيدا : بيان حبيبتي .. البنت ماسوت لك شي ولا سوت لي .. ليش تكرهينها وتبين تكرهيني فيها .. صدقيني حبوبه واموره وعسل .. يكفي طيبة قلبها ..
بيان : لحسة مخك هاه .. يكفي رائد اخوها بتروحين لاخته الحين ..
وقفت غيدا وعطتها نظره : لوسمحتي رائد ماله شغل بالسالفه لا تدخلينه بالموضوع ..
بيان : الا بدخله بالموضوع .. من صرتي تكلمينه وانتي متغيره علي .. والحين صرتي تروحين مع جوري ولولو احيانا وانا ولا شي .. محيتيني من قائمتك ..
غيدا : من قالك .. انتي اكثر وحده تدرين بغلاتك عندي .. لاتآخذك الغيره منهم .. بيان انتي اختي اللي ماجابتها امي لا يلعب الشيطان براسك ..
بيان : مقهوره منك تراني مره ..
غيدا جلست جنبها وحطت يدها على كتفها : آآآسفــه اذا ضايقتك وصدقيني ما فيه اغلى منك ..
بيان : ورائد ..
غيدا ابتسمت لها : مقدر اقول شي ..
بيان : تدرين .. مامنك فايده .. قومي روحي لهم ..
غيدا : شفييييييييييك ..
بيان : خليني بلحالي لو سمحتي .. ما ابي منك شي ..
غيدا : متأكده اروح ..
بيان : ايه روحي ..
غيدا : اروووووح .
بيان : افففففففف روحي " لفت وجهها عنها " ..
قامت غيدا : تراني بروح ..
بيان : مو قلت لك روحي .. ماتفهمين .. افففف ..
غيدا : تدرين .. انتي الخسرانه ولا تتوقعين اجي لك واعتذر كالعاده زين .. باي ..
راحت غيدا ولبسة عبايتها وحطة الطرحه على كتوفها نزلت تحت ودموعها بعيونها ..
غيدا : ياربيه وش سويت لها انا عشان تسوي فيني كذا ..
مسحت دموعها وطلعت مع البنات .. شافتها لولو جايه واشرت لها ابتسمت غيدا وراحت لها وهي تبتسم وكانت خدودها محممممره وعيونها بعد ..
لولو : شفيك .؟.
غيدا : ولا شي ..
لولو : ليه عيونك حمرا ..
غيدا : عادي من الشمس .. ماجبت نظاراتي الشمسيه ..
ولاء : آآسفه ما اقدر اعطيك حقاتي ..
غيدا : ههههههههه ومن طلب منك اصلا ..
ولاء : لا بس قلت اسوي خدمه بس انتي ما تبين بكيفك ..
غيدا : ههههههههههه ..
ولاء : ايه روقي مو جايتنا تصيحين ..
غيدا : ماصحت ..
ولاء : صدقتك ..
لولو : ماعليك منها .. تبين نظاراتي ..
غيدا : لا والله مشكوره يا قلبي .. ما يحتاج ..
جوري : انا بجيب لك نظاره دقايق ..
راحت جوري ودخلت اخذت نظارة رائد اللي كانت على المدخل ..
رائد : هي انتي خير ..
جوري : ابيها ..
رائد : ليه بتلبسين ثنتين ..
جوري : لا .. بس غيدا ماعليها نظاره وعيونها تعورها .. بعطيها حقتك .. يلا باي ..
طلعت وتركته ..
رائد : ياربيه ..
ماهر : عادي ياخي ..
رائد : وانا قلت شي الحين عادي ..
فهد : الا قلت تكسرها بالعافيه ...
رائد : انا قلت ..
فهد : ايه انا توني سامعك .. مو صح ماهر " غمزله "
ماهر : ايه تونا سامعينك ..
رائد : اقول اسكتوا بس ..
فهد : ورى وجهك تغير .. وش السالفه هاه " وقام يغمّز له " ..
رائد : لا تقعد تغمز انت وذا الخشه .. مافيه سوالف ولا بطيخ .. تكذبون الكذبه وتصدقونها ..
ماهر : هههههههههههههههههههههه وراك عصبت ياخي ..
رائد : ههههههه مدري عنكم .. تتبلون علي ..
ماهر : جد ماتبلينا عليك .. انت قايلها بلسانك .. تكسرها بالعافيه ..
رائد انهبل : متى قلتها ..
فهد : توك قايلها .. يوه .. يعني مانسمع حنا ..
رائد : يمكن ..
فهد : لا لا ابشرك السمع عندي 10 على 10 ..
ماهر : ماشاء الله لاقطات مو اذان ..
فهد : قل لا اله الا الله لا افقع وجهك بهالكاس ..
ماهر : ههههههههههههههههههههههههههه لا اله الا الله .. شفيك .. انت اللي تكلمت على عمرك ..
فهد : اناعااااااااادي انتم لا ..
ماهر : هههههههههه يلا سلام ..
فهد : ايه بعد اذاني مو اذانك ..
ماهر : ههههههههههه خلاص فهمنا ..
طلعت جوري وعطت غيدا النظاره ..
ابتسمت غيدا يوم شافتها لانها شايفتها على رائد ..
غيدا : وشو ؟؟
جوري : وشو !!! البسيها ..
غيدا : مايحتاج ..
قامت جوري ولبستها اياها غصب : الا يحتاج ..
سحبتها وراحت فيها للبحر ..
جوري : تدخلين ..
غيدا : اخاف ..
جوري : حتى انا .. بس يلا نغامر ..
غيدا : اوكي .. بس شوي شوي ..
جوري : اوكي بفصخ صندلي .. وانتي بعد افصخي صندلك ..
فصخوها وجت لولو اخذتهم وحطتهم على الكراسي .. دخلوا الثنتين يمشون شوي شوي ورافعين عباياتهم وماسكين يدين بعض ..
غيدا : احس الارض لزجه يااااااع ..
جوري : ههههههههههه احس اني بطيح ..
غيدا : هههههههههههههه حتى انا .. يمه جوري امسكيني زين ..
جوري : اذا مسكتك بطيح انا وياك ..
غيدا : احسن نطيح انا وياك ونضحك على بعض .. احسن من ما تطيح وحده وتضحك عليها الثانيه ..
جوري : هههههههههههههههههههه ..
كانت هيفا واقفه وتطالع فيهم .. ومقهوره ..
هيفا " المفروض انا اللي اضحك معها وامسك يدها وندخل البحر مو غيدا .. اففففففف انا اللي جبته لنفسي .. يوووووه " ..
ابرار : تبين تروحين لها روحي .. صدقيني ما راح تصدك .. وانتي اكثر وحده تعرفينها ..
التفتت عليها هيفا : ومن قالك ابي اروح لها ..
ابرار : عيونك .. شكلك مقهوره من غيدا ..
هيفا : لا من قالك .. بكيفهم ..
ابرار : انتي ليه تكابرين ..
هيفا : ما اكابر . عادي ..
ابرار : الا .. ودك تروحين لها ودك انتي تكونين مكان غيدا .. بس انتي اللي حرمتي نفسك .. ترى لو قلتي آسفه ما يطيح نصك ولا بتخسرين شي بالعكس شوفي وش بتسوي لك جوري لو رحتي تأسفتي منها ..
هيفا : اخاف تعاتبني .. ما احب احد يعاتبني ..
ابرار : مايعاتب الا اللي يحب .. روحي لها هيفا .. روحي ..
هيفا : اخاف تقول يوم شافتني مع غيدا جتني ..
ابرار : انتي تدرين مو هذا تفكير جوري .. ولا ..
هيفا : ايه ..
ابرار : اوكي روحي ..
هيفا : قولتك ..
ابرار : ايه روحي .. اشكالكم بدون بعض مو حلوه .. انتم احلى ثنائي ..
هيفا : عشان احلى ثنائي بدوس على كرامتي واروح ..
مسكتها ابرار مع شعرها : اي كرامه يا حماره ..
هيفا : ههههههههههههه خلاص خلاص .. امزح والله ..
ضحكت ابرار وتركتها : ههههههههه يلا انقلعي ..
راحت هيفا تمشي لها وشافتها غيدا ..
غيدا : انا بروح ..
جوري : ليه ؟.؟
غيدا : شوي .. طالعت هيفا وابتسمت ..
جوري التفتت وشافت هيفا : لا خليك ... ومسكت يدها ..
قربت منهم هيفا : امممممممم ..
جوري : ............
غيدا : اهلين .. قربي ليه بعيده ..
ابتسمت هيفا وطالعت جوري .. ابتسمت لها جوري .. وتركت يد غيدا وراحت لهيفا .. هيفا يوم شافت جوري جايتها راحت لها وضمتها ..
هيفا : اشتقت لك ..
جوري : خايسه .. وانا اكثر .. والله فقدتك يا كلبه ..
هيفا : يووووه خلاص كله من الخايس اخوك ..
غيدا : هي مالها دخل باخوها .. وترى اخوها مو خايس ..
هيفا : تعالي انتي .. مو كنك ثاني مره تدافعين عنه ؟؟ وش السالفه ..
غيدا انحرجت وحمرة خدودها : أ أ أ أ عااااادي ولد خالي لازم ادافع عنه .. صح جوري ..
جوري ابتسمت : ايه صح اكيد لازم تدافعين عنه ولد خالك .. شفيك انتي ..
هيفا : على بالي شي ثاني ..
غيدا : لا ثاني ولا ثالث .. انا بروح ..
جوري : وين ..
غيدا : بجلس مع لولو ..
جوري : خلك معنا ..
غيدا طالعت هيفا وابتسمت : لا هيفا تكفي .. اخاف احد يتضايق ..
راحت غيدا بدون ماتترك لهم فرصه يردون ..
هيفا : شقصدها ..؟؟..
جوري : تقصدك يا هبلا .. تدري انك ما تحبينها ..
هيفا : من قالك ما احبها .. بس ما استسيغها .. ماتعجبني ..
جوري : تدرين انها جت لي وقالت لي اني اجيلك ونتصالح وجلست تقنعني وتقول اشكالكم بدون بعض مو حلوه ومن هالكلام .. تراها حبووووبه ..
هيفا : وانتي ليش ما جيتي يا حظي ..
جوري : ياسلااااااااام انتي اللي مزعلتني مو انا .. انتي اللي تجين مو انا ..
هيفا : ياربييييييي ما اقدر على الزعلانين ..
جوري : ايه بعد .. يا كلبه امس طول الليل اصيح بسبتك ..
هيفا : انا بغيت اصيح بس قلت مااله داعي خل دموعي تنزل على شي يسوى ..
طقتها جوري مع كتفها ودزتها : يا كلبه يعني انا ما اسوى .. اوريك ..
هيفا : ههههههههههههههههههههه امزح والله ..
جلست جوري ترش عليها مويه وهي ترش على جوري ويضحكون ..
وساره وتهاني كانو يطالعونهم ..
تهاني : واخيرا ..
ساره : اف ما بغوا ..
راحت غيدا وجلست جنب لولو على الرمل .. التفتت لها لولو وابتسمت لها ..
لولو : اهلين ..
غيدا : هلافيك ..
لولو : ليش رحتي من عندهم ..
غيدا : ما ابي اضايق هيفا .. قلت اجي اجلس معاك .. كان ماتبيني اجلس معاك اروح عادي ..
لولو : شدعواااااا .. بالعكس جلسه معاك بتكون احلى جلسه ..
غيدا : تسلمين ماعليك زود ..
لولو : ليه بيان ما نزلت ..
غيدا : ماتبي ..
لولو : ليه ..
غيدا : مدري عنها ..
نزلت غيدا راسها وجلست تلعب بالرمل ولولو تطالع فيها ..
لولو " ياربي شفيها فيه شي مضايقها " : غيدا فيك شي ..
غيدا وراسها مارفعته : لا ..
رفعت لها لولو راسها : الا فيك شي .. ليه جايه تصيحين تو .. والحين شكلك متضايقه ..
غيدا جلست تطالع فلولو ماتدري تقولها ولا لا بس مالقت غير لولو تشكيلها من بيان .. قامت طلعت كل اللي بقلبها وهي تصيح حتى قالت لها سالفة رائد .. لولو كانت منصدمه وهي تسمعها اول مره تدري ان غيدا شايله بقلبها هالكثر مسكتها وضمتها ..
لولو : خلاص غيدا ..
غيدا وهي تصيح : ما ابي منها شي بس تعاملني زين ..
لولو : يعني هي غيرانه من جوري ..
غيدا : ايه .. هي تدري انها مهما سوت فيني اني بالاخير بسامحها عشان كذا هي مآخذه راحتها تجرحني وتتهاوش معاي متى مالقت غيري .. واذا راح عنها رجعت لي ولا كنه صار شي .. بس الحين ماعندها احد مدري ليه تسوي لي كذا .. والله انها اغلى وحده عندي ..
لولو : هدي اعصابك .. تعالي قومي لا احد يشوفك تصيحين ..
قاموا الثنتين وراحوا يمشون ودخلوا وجوا وجلسوا عند المسبح .. وجلسوا يتكلمون ..
ابرار واميره كانوا جالسين يلعبون x- o على الرمل .. ومبسوطين يضحكون .. جتهم ولاء تركض وكبت عليهم تراب وراحت ..
اميره : يااااحمااااااااااااره .. اوريك يالتبن ..
ولاء : كان فأمك خير الحقيني .. ووريني ..
اميره قامت : جايتلك تحسبيني بتركك ..
مسكتها ابرار : اعقلي .. لاتحطين عقلك بعقلها ..
اميره : بوريها شغلها ..
ابرار : اقول اركدي بس ..
جتهم رغد : يلا الغدا جا ..
ابرار : يلا فديتك .. بنااااااااااااااااات .. يلا الغدااااااااااا ..
دخلوا البنات داخل وراحوا تروشوا وغيروا ملابسهم ونزلوا يتغدون .. ولولو غيدا كانوا بمكانهم يتكلمون ويسولفون طبعا بعد ما سكتت غيدا وخففت عنها لولو ..
غيدا : تكفين يا لولو طلبتك .. لحد يدري بسالفة رائد .. ترى ما يدري غيرك وغير بيان ..
لولو : لا تخافين سرك فبير .. ولو ماعرفتيني ..
غيدا : يسعدني اعرفك والله ..
لولو : فديتك والله ..
على طاولة الاكل كانوا كلهم مجتمعين ..
مشاعل : اجل غيدا وينها ..
بيان هزت كتوفها بلا مبالاة وهي تاكل والموضوع مو هامها ..
الجده : غيدا ولولو .. وينهم ما اشوفهم ..
ساره : انا شفتهم يدخلون جوا بس مدري وينهم ..
الجده : رغد امي روحي ناديهم ..
رغد : ان شاء الله يمه ..
راحت رغد ودورتهم بالغرف اللي فوق واللي تحت مالقتهم .. وراحت للشباب ..
رغد : ماشفتوا غيدا ولولو ..
فهد : لا ما شفناهم .. ليه ضايعين ..
رغد : ايه ..
رائد : ههههههههههههه دوريهم حبيبتي وين بيضيعون ..
رغد : دورتهم بكل الشاليه ما لقيتهم ..
حمد : دوريهم عند المسبح طيب ..
مشاري : ايه وحنا جايي شفنا ثنتين عند المسبح يمكن هم ..
راحت رغد ولقتهم وقالتهم يجون يتغدون . دخلوا الثنتين ورقوا فوق تروشوا وبدول الا هم مخلصين غداهم وحاطين لهم بلحال .. اخذو الغدا وراحوا جلسوا يآكلون ..
غيدا : اممممم يجنن ..
لولو : اوووو لو معاه ببسي بيطلع جنان .. جواااااهر ..
جواهر من الصاله : نعااااام ..
لولو : يا قلبي اذا فيه ببسي جيبي لنا ..
راحت جواهر وجابت لهم ببسي ..
جواهر : اول مره اشوفكم جالسين تآكلون مع بعض ..
غيدا : مو آخر مره بعد ..
لولو : صح مو آخر مره ..
جواهر : غريبه ..
لولو : وش الغريب بالموضوع ..
جواهر : مدري بس انتي اكبر منها بـ 3 سنوات ..
لولو : عاااادي .. هذي ابرار وساره اربع وعشرين ساعه مع بعض وشوفي كم بينهم 4 سنوات ..
جواهر : طيب خلاص .. بروح ..
لولو : روحي .. تعالي تعالي .. وش جالسين تشوفون ..
جواهر : سنوات الضياع ..
غيدا : متاها باديه ..


يتبع ,,,,,

👇👇👇
تعليقات
    حجم الخط
    +
    16
    -
    تباعد السطور
    +
    2
    -