رواية تحياتي لمن دمر حياتي -1
رواية تحياتي لمن دمر حياتي
الكاتبه : a7la nano
بسم الله الرحمن الرحيم ..
تحياتي لمن دمر حياتي ..
مقدمة :
تحياتي لمن دمر حياتي ..رواية تحكي قصة ألم .. عااش في شخصيتنا و سكن فيها .. اقتحم بلاا استئذان. .فصار لها الأليف و الملجأ والأمان ..استوطنها حتى النخاع ..لم يرحم ضعفها و صغر عمرهاا .. صارت تحيا في صورة ميته ..أو ميته في صورة حيه ..قد لاا يختلف المعنى كثيرا ً
رواية تحمل في طياتها الكثير من الحزن الدفين ..لااا يحس به إلاا من عاش الم الفراق والغياب و الوحدة و ضياع الأحلاام ..
..لأنه الموت .. ولكن بوجه آخر
كونوا معي ..
الإهدااء :
إلى كل من دمر حيااتي ..
و حطمني ..
و أفقدني الثقة بنفسي ..
شكرا ً .. هذه الرواية هي نتاج ما زرعتموه
إلى من علمني الوفااء في زمن الغدر ..شكرا ً لكم ..شكرا ً للحظات طبعت في مخيلتي ..
للحظات كلما تذكرتها تبعد عني ألم الوحدة أحيانا ً ..
يكفي أن نتشارك جميعا نفس الابتسامه لتلك الذكرى ..تجمـــل ملامحنا من أفعال يــــــد الأقدار
شكرا لقلوب أحبتنا ..و مع هذا الحب لم تخلص لنا ..
و شكر اكبر ..لقلوب أخلصت لنا ..و مع هذا الإخلاص لم تحببنا ..
إهداء إلى ( a.f.h.m.d..l n.s.e) ....
إضاءة : كل فصل يمثل سنة دراسية في حياة بطلتنا ..أما البارتات فتمثل أحداث صارت في هالسنة ..
ملاحظة: جزيــل الشكر للمبدعه شهرزاد ....
الفصل الأول
(بداية مشوار حزني والضياع)
يلست على السرير .. خلاااص تعبت ..لي متى هالشعور بالفراغ .. فراغ خارجي .. لأ ....كان فراغ
من داخل ..
مسكينة .. ما كانت تدري إنه هالشعور بيلاازمها طول عمرها ..
غريبــــه هالدنيا ..تفرض علينا ظروف وأقدار وغصبا ً علينا لازم نتقبلها ...
يلست تصيح صيااح يقطع القلوب ..يمكن لأنه فعلاً كان قلبها يتقطع .. مرة بسبب و10 بدون سبب
{خلااااااااص مب قادرة أستحمل خلاااااص ..ليش ياااا ربي مب رااضية تحس فيني ؟؟
ليش ؟؟ أنا من بين كل هالناس مكتوب علي اتعب ..
ما بقى كلمة ما قلتهاا ..الطوف فهمت !!}
هذي قصتهاا ..لعبة ..بس مب من أي نوع ..لعبة انتهت بدماار ..
هي كانت بس محتاجة الاهتمام ..لاا أكثر ولاا أقل ..
شخصيتنا هي بنية عمرها12 سنه . نورة ...طويلة و ضعيفة ..حنطية و شعرها بني .. عيونها
وساع ..واضحة وصريحة مع الكل ..ذكية و تفهم الناس و مشاكلهم ..ربيعاتها كانوا يعتبرونها بير
الاسرار ..
كانت أكبر من عمرها بوااااايد و تفكيرها ابد ما يدل إنها بنية عمرها 12 سنة بس !!
.مشكلتها الوحيدة إنها تعاني من غيااب الاهتمام فحياتها .. و هالشي اللي ولد عندها مشااكل أكبر ..
أم مشغوولة ..همها الناس والروحااات و يلسات الحريم ..كانت تطبخ و تغسل و ترتبلهم ..بس عمرها ما فكرت تمسح على رااسهم ..أو تحب على رااسهم ..
هذا ما كان غلطها ..أم تربت في بيئة قاسيـــــة ..في مجتمع ما يعترف بالحب ..ببساطة ..
..وللأسف ..ما لقت من يملى هالفراغ ..و يحتويه ..راحت تدوره بطريقه غلط ..
أمها: نووووووووووورة
نورة: نعم يمااا ؟؟
أمها: تعاالي هني ..ليش ما شفتي علي وين راح هااا ؟! مب أنا موصيتج تنتبهين علــــــيه ؟!
نورة: بس انتي كنتي داخل يمه وتوه مكلمج وقالج بلعب ويا ربعي ..
أمها: صدق انه ما يعتمد عليــــكم ..قومي عن ويهي يالله !!
راحت غرفتها وهي تعانــــد الدمعه علشان ما تطيح ..
البكاء علنا ً بالنسبة لها كان عيــــب ..ما تذكر من قالها هالشي ..أو من حسسها بهالفكرة ...
ويوم دشت من الباب بدت بوحدة من نوبات الصياح اللي كانت متعودة عليــــــهم ....
..مشااااعر وااايد كانت تحتلها من زمااان .. وما يت من فراااااغ
::::::::::::::::::::::::::
ثاني يوم راحت المدرسة وهي ما لها خلق أحد ..البنية اللي خااطرها تكون قريبة منها مب عاطتنها فيس ..
سلمت على ربيعاتها و دشت الصف ..
و فجأة دشت وراها سارة ..سبب كل هالتعب ..سلمت على الكل و عطتها نظرة بااااااردة و مدت
يدها ..نورة استغربت ..ليش هالبروود ؟؟ أنا شو فيني غلط ؟؟ طول اليلسة وهي سرحانة و مب
ويااهم ..فجأة إلاا ربيعتها تقوول :هااا نووورة ويييين صرتي ؟؟
نورة : هاا ؟؟ لااا ..امم ولاا مكان
مريم :اهااا نفكر في الحب ؟؟ (و طالعت ساارة ) ..
نووورة: (ويهها أحمر و ما تكلمت ) ..
قاامت ساارة من مكانها وهي متأففة ..
هالبنية كاااانت شخصيتها واايد غاامضة و تجذب ..و طبعا نورة من أول السنة وهي تلمحلها إنها
معجبة فيها و سااارة مسوووية طااااااااف معتبر ..
بعد ماا خلص الدوام رااحت نووورة بيتهم و كله ما لها خلق أحد و لا تاكل ولا ترقد درست شوي و
رقدت تحااول تنسى الموضووع ..بس وييين ؟؟ نوورة تنسى الموضوع ؟؟ مستحيييييل ..
نورة : افف يا ربي ..بس لو أعرف هي شوو تحب ؟؟ لسويييييه على طووووووول ..يمكن تحب
الدلع ؟؟..ما أدري والله .. بس لاازم اني أحاول أكثر ..
مرت فترة و نوووورة تحااول وتحااول ..و مااا في فايدة ..سارة تدري انه نورة تمووت عليها
عشان جيه اهيه مسويتلها طاااف ...
لين صاار شي خلا نورة تغير أولويااتها شوي ..
شووو براايكم ؟؟ تاابعووني
//\\
اليوووم الفالنتين ..و طبعا شخصيتنا ما فوتت هالفرصة ..يابتلهاا رووزة حمرااء خطييييييرة
وملفوفة بربطة حمرا و ذهبية .. اتريت الوقت المناسب و حطتها على الديسك ماالهاا ..
دشت سارة الصف بعد الفسحة ..و شاافت المفااجأة اللي مسويتلها اياها نورة ..بس ماا بين على
ويهها أي تعاابير ..مجرد برووووود ..برود يقهر
نوورة انقهرت من الخااااطر !!!!! ..
و هم يالسين في الحصة الخامسة برع الصف كان عليهم فراااغ لقت سارة شالة وياها كيس
كااامل كله وروود حمرا حق البناااات ..22 وردة .. وهالحركة كانت مقصوودة ..بناات الصف 23
..أكيد فهمتوا إنه كل البنات عطتهم إلاا نوووورة ..شووووفوا القهر ..يعني بالفيييييس ..
نورة قررت إنها ما تصيح ولا تبين إنها مقهووورة ..تأكدت إنها ما تستااهل الصيااح و الزعل دام
إنها ماا فكرت حتى تجااملها جدام البنات ..
قررت إنها بالويك إند تنسى موضوعها ..ما تييب طااريها في أي سواالف ..خلاااص يكفي ذل ..
و فعلا قدرت إنها تتناسااها ظاهريا ً ..بس كانت حاضرة بقلبها دووووووم ..
و بعد فترة كانوا البناات عندهم 4 حصص فراغ لأنه الأبلااات كانوا في دورة ..و راحوا كم من بنية و قعدوا يشخطون أعمارهم بالموووس و يكتبون اسماائهم وأحرفهم ..درت الإدارة بالموضووع و تهزؤواا تهزيء لين قالوا آمين ..
و قرروا ينقلونها صف ثااني ..هني نوورة انهااارت ..كيف يمر يووم و ما تشوفها ؟؟صح إنها كاتمة في قلبها بس يعني هذا اللي ما احد توقعه !! و قعدوا البنات يصيحوووون و يحظنونهاا و نورة تراقب من بعيد ..
نقلوها لواحد من الصفوف اللي فووق ..
اعتقد هالشي كان متوقع ..لأنه هالبنية مكتوبلها ما تتهنى في أي شي تسويه ..نصيب تقدر تقول لأ ؟؟
:::::::::::::::::::::::::::
بعدها مصرة إنها تتعبها معااها ..كلمووهاا و ما أحد قدر يغير رايها بالنسبة لنوورة ..
و بيوم من الايام كانت نورة ياالسة ويا ربيعتها ووحدة من البناات ..
... : ماا عرفتواا آخر خبر ؟؟؟!!!
نورة (بدون اهتمام) : شوو ؟؟
.... : سارة امها متوفية ..و عندها إخت توأم في المدرسة !!
نورة سمعت طاري سارة و نطت : هااااااااا ؟؟ شو تقولين ؟؟
.... : والله العظيم ..سألي لو مب مصدقتني
نوورة : غريييييبة ..
مريم (ربيعة نورة) :عشااان جيه كل هالقسوة في ويههاااا ..
...: هيه .. و لهم إخت عووودة بس متزوجة و ما تسأل عنهم ..
نورة (تكلم عمرهاا ) :لااازم اتعرف على اختهااا ..لااازم
و فعلاا ً ..تعرفت عليها و صاروا ربع ..و دووم كانت تيلس وياهاا و يسولفون و طبعا كل هذا عشاان تتقرب من ساارة و تفهمها ..بس تقريبا قربت تفقد الأمل من الموضووع
//\\
و في يوم ثااني ..مرت ربيعتها أسوووم و هي شاااقة الحلج ..و ناادتها من بعيد ..
أسمااء:نوورة ..نوووروووو و الصمخ !!
نورة :ويعة ..شو تبين ؟؟
أسماء :عندي لج خبر بمليوون ..تعالي ..
نورة :اللي عاوزني يجيني ..أنا ما بروحش لحد
أسماء: خـخــــخ ..ماااالت عليج
نورة: هههههههههه ..قولي شعندج ؟؟
اسماء: في ..بنية ..معجبة فييــــــــــــــــج !!
ربيعات نورة فطوم و مريم كانوا يااالسين ..فطوم تفلت المااااي من حلجهااااا يوم سمعت ..و نقعــــــــــت ضحكـ ..
(نورة تطالع فيهم) :خير انتي وهي ..ليكون مب عايبنكم ؟؟
فطووم : افاااا ..لااا بس نتسااءل ..
نورة :اهاا ..حسبت ..و شوو السؤاال ؟؟
مريم : منوووو البنية ؟؟
أسمااء: وحدة اسمها هدى فثاامن ..
نورة : اهااا ..اوكي
أسماء : شو أقوولهاا ؟؟
نورة : لااا ما أبي ..
مريم: ليش ان شاء الله ؟؟
نورة: أنا أحب سارة وبس ..
فطوم: مااااالت عليج !! البنية ما تبيج و لا ساءلة فيج !!
نورة سكتت شوي ... سرحت وراحت بمكان ثاني ..تذكرت كل شي صار مع سارة من أول يوم عرفتها فيه ..ابتسمت .. بس فجأة سمعت هالصوت اللي داخلها [ يالخبلة لي متى بتمين جيه ..سارة ما تسلم عليج حتى ..غبيه ..بعدج تفكرين فيها ] ...حست ساعتهاانه احد عطاها كف و صحاها ..البنية فعلا ما تبيها وصارلها يومين ما سلمت عليها حتى !!! )
نورة: قوليلها اوكي ..خل نجرب شوراانا ؟؟
فطووووم :أكيد عندها حول البنية..مسكينة
نورة:خير خير شقلتي ؟؟
فطووم: لاااا مااشي
نورة :لاا سمعيني قولي !!
مريم : لااا .هه ..هي تقول يا حظهااا فيج
نورة:اهاا ..زين
و رااحت نورة و هي تحس في عيون تطالعها ..بس طووووفت و كملت طريقهاا ..
و في بيت نورة ..
بعد ما تغدت و غيرت ثيابها ..
(منسدحة على السرير ..و تفكر ..)
(من وين طلعت هذي الحين ؟؟ معقولة معجبة فيني ؟؟ليش أنا ..شو عيبها فيني؟؟)..خذاها الوقت و رقدت ..
و ثاني يوووم ..
يتها بنية ..و تقولها أنا جواهر ربيعة هدى ..
(نورة ابتسمت ) ..:هلاا والله ..شحاالج ؟؟
جواهر :بخير الحمدلله ..بقولج شي ..
نورة:أكيد قولي
جواهر :هدى خاطرها تكلمج و تتمشى ويااج
نورة (سكتت) ...: .....(لااااا ما أبي ما أبي ) اوكي قوليلها باجرتييني الصف وأتمشى وياها
جواهر :اوكي ..سلاااام
طبعاً نورة قالت اوكي مجبورة ..والاهي ما لها خلق حق أحد ..بس قالت أجرب ليش لأ ..
:::::::::::::::
ثاني يوم عدلت عمرها و تعطرت و جيه ..و نطرت هدى على ما ياات لها ..و فعلاا ..دقايق و البنية عندها ..
مشت معاها و تكلموا شوي ..و عقب خلصت السوااالف ..و سكتوا ..بس انقذها جرس الحصة الرابعة ..حبتها على خدها وراحت ..
نورة (تكلم عمرها) : اففف ..واايد جريئة !! من أولهاا ؟؟
مريم : هاااا نورو قوليلي استانستي ؟؟
نورة:عاادي ..بس واايد جريئة البنية َ!!!
مريم (راح بالها بعيييييد) : ليش شسوت ؟؟
نورة:حبتني على خدي من أولها !!
مريم : عاااااااادي شفيج ؟؟
نورة: لااا والله ؟؟ انزين بااجر شو بتسوي ؟؟
مريم : عاادي والله كلهم جيه
نورة : كيفج
//\\
مرت الأيام و نورة كل يوم تمشي ويا هالبنية و تعودت عليها تقريبا ً ..بس كل سوالفهم كانت سطحية ..و نورة ما تحب جيه ..تحب انها تكون كلووووز من الناس ..
نرد لساارة ..من تعرفت نورة على هدى و هي مسووووية طاااف لساارة ..انقهرت !! طبعا ً .. هي رفست النعمة بريولهاا ..تستاهل ..كانت تطالعهم و هم يتمشون و يضحكوون و تمووت قهر
و يااه اليوم اللي قررت فيه نورة إنها تهد هدى ..ملت منها ..و فعلا ً هدتهاا ..و سارة ما ضيعت هالفرصة ..
كانوا يالسين في المسجد ..و نورة ويا ربيعاتها يسولفون و يضحكون ..دشت سارة مع صفها ..نورة طالعتها و فز قلبها ..بس ما بينت لها أي شي ..
و بعد شوي ياتلها سارة و عطتها ورقة ..و كان مكتوب فيها (نورة أنا أحبج !! ..والله العظيم أحبج من زماان ..بس كنت خايفة من البنات و اللي بيقولونه عنا ..)
نورة حست الدنيا كلها تدوووور فيها ..معقوووووووولة !!
هي تحبني !! يااااا ربي أخيييييرا ً تحقق حلمي !!فدييييييييتج أنااااا
و سااارت سيداااااااا عند مريم و قالتلها ..
أول كم يوم دلعتها و حسستها بالحب ..و تمت قاعدة وياها .. مهتمة فيهاا و مرة وحدة جيه تتغير !! ما تكلمها ولا تسأل فيها ..وكله تطالعها بنظراات ..
و مرت عليهم الأيام ..يوم اوكي و 3 لأ ..ونورة مب فاهمة ليش هي تسوي جيه ..حاولت تسأل تعرف
..و مرة وهي يالسة يات ربيعتها اماني ..
أماني : هاااي نوورة
نورة :هلاا والله
أماني : هاا ..شخباار الحب ؟؟
نورة : أي حب !!
أماااني :هههههههااااااااي حلوة هذي
نورة: ...............
أماني : شفيها هذي الخبلة يوم اوكي و 10 لأ ؟؟
نورة:سأليها ..ما عندي فكرة
أمااني : تتغلى خليهاا
و بعد بثلاث أيام يوم 31/3 بالتحديد ..كان عيدميلااد أماني ..و نورة سارت صفها وخذت الهدية و طلعت صف إيمان فوق (واللي هو صف ساارة) ..دشت الصف و حظنت أمااااني و حبتها على خدها
نورة : أمااااااني حيااتي كل عام وانتي بخير
أمااني : فديتج محد تذكر غيرج
نورة: خخخخخخ سيري تضاربي وياهم ..
أمااني: الحين والله للأصارخ عليهم لين يقولون آميييين
نورة: خخخخخ
رفعت نورة عيونها والا تشوف سارة تطالعها بنظرة حقد !! ..كانت تحسب الصف فااضي ما انتبهت لهااا ..نورة استغربت شصاااااير
و طلعت من الصف و نورة تلحقها تبي تعرف شالسالفة
و مرة وحدة توقف و تصارخ عليها :إنتي يالخاينة ..خنتيني عشان وحدة نفس هذي ؟؟
نورة:صبري صبري ..أنا شسويت ؟؟
سارة:قومي عني يالله
نورة: أنا اللي خنتج والا انتي اللي ما تسألين ؟؟يوم ترمسيني و 10 لأ ؟؟
سارة:يعني ما تعرفين إني أغار ؟؟
نورة: (انصدمــــــت) هااا ؟؟
سارة:شفيج ؟؟أول مرة تدرين ؟؟
نورة: ..........( ساااكته)
و راحت لها ..و مسكتها و قالت: أنا ..آسفة ما كنت أدري ..بس والله ما كان قصدي
سارة: لااا روحيلها يمكن هي احسن مني ..خليها تنفعج
و راحت ..و نورة طقتها صياااااااااح و ركضوا لها ربيعاتها ..
مريم: شسوتلج الحقيرة
نورة: ما ادري والله ما سويت شي ..تقولي روحي حق أماااني خلها تنفعج ..
مريم : مااااااالت عليها الحين هي الغلطاانة و تصااارخ (طبعا مريم كانت حاضرة السالفة بس من بعيد)
و سارت لها وفهمتها مريم السالفة و ردت تكلم نورة عاادي
و بعدها بفترة ..و بيوم نحس ..دشت سارة الصف ..و ساارت سيدا حق نورة و خذتها على يمب و بدون مقدمااات : أنا بنتقل من المدرسة ..
نورة : شوووووووووووو ؟؟
سارة: آسفة حبيبي بس أنا ياية أودعج
نورة : صبري تعاااالي ..ليش بتسيرين ؟؟
سارة: اختي بتنقلني من هني خلااااص
و نوووورة أعصاابها انهاارت ..و طقتهااا صياااح ..
مريم ركضت صوبها وهي تبي تعرف شصاااير ..و نورة مب راضية تتكلم ,,
لين قالولها البنات عن السالفة ..و هني مريم انصدمت !!( يعني حرااام المسكينة ما لحقت تتهنى ..) ..
و نورة ما حضرت ولاا حصة ..كله تصيح
ردت البيت ..وهي مصفرة و عيونها ذاابلة ..دشت و ما رضت تتغدى ولاا كلمت أحد
إختها استغربت .. : (يا ربي غريبة شصااير) ؟؟
مريووم : نورة شفيج تصيحين ؟؟
نورة: ( ياااا ربي هذي شيفكني منها الحين؟؟) ..مااشي مريوووم بس بطني يعورني
مريووم : اهااا ..سلااامتج
نورة :مشكووورة
و ثاني يوووم ..
كالعادة ..دشت المدرسة و هي ما لها خلق أحد ..و الا تشوف البنات متجمعين ..ما اهتمت كعادتها ..كملت لصفها ..
و فجأة يوم كانت يالسة يت وحدة و غمضت عيونها
نورة : منوووو ؟؟
..... : ....................... ما عرفتيني ؟؟
شوووووو تتوقعوووووووون ؟؟ منو البنية اللي غمضت عيووون نوووورة ؟؟
و شووو المفاجأة اللي تترياها ؟؟
::::::::::::::::::::::::::::::::::::
نورة : امم ..لااا والله !!
سااارة : أفااااااا نسيتيني ؟؟
نورة : حيااااااااااااااااااااااا ااااااااتيييييييي !! فديييييييتج أنا
سارة :لااا روحي عني ماا بيج ..نسيتيني من البارحة لي اليوم ؟؟
نورة : لااا والله بس ما أدري راسي يعورني و ما ميزت الصوت ..
ساارة : أهااا ..اوكي ..بعديها هالمرة
نورة :مب قلتي بتسيرين ؟؟
ساارة :لاا هونت ..بتم عشان عيونج الحلوة
نورة :فديت رووحج أنااا ..
و مرت الأيام ..و قربت السنة إنها تخلص ..و في آخر يوم امتحانااات ..كانت نورة ساايرة لسيارتهم عشان خلاااص خلصت السكووول ..و هي متضااايقة حاسة عمرها ما بتشووف ساارة مرة ثانية
إلاا تنطلها سارة من بين النخل : هاااا ؟؟ما بتودعيني ؟؟
نورة : ............... (منزله راسهاا )
سارة : حبيبي نوروو ليش زعلانة ؟؟
نورة:ما بشووفج مرة ثانية ..
سارة :لاا تقولين هالكلااام سمعتي
نورة : ان شاء الله ..
مرت وحدة ربيعتها فسلمت عليها نورة و ردت لساارة ..
ساارة: افاااا ..تهديني عشاانها ؟؟
نورة : هههه شفيج سلمت عليها بس !!
سارة : ( ابتسمت لهاا )
نورة : يالله حبي برووح ..انتبهي على عمرج ..
ساارة ::انزين حيااتي ..وانتي بعد
و مشت نورة والا سارة تسحبها :و أنا وين بوستي ؟؟
(نورة استحت) ..و باستها على خدهاا ..
و رااحت .... وهي تعرف إنها ما بتشوفها مرة ثانية ..
و يات إجازة الصيف ..كانت دوووم تفكر فيها وتسأل عنها ..بس ما تلقى جوااب ..
و بيوم يات على بالها فكرة ..يمكن تلقى رقمها عند وحدة من البنات و ساارت واتصلت فيهم وحدة وحدة ..بس ما أحد كان يعرف الرقم ..إحباااااااط !!
و ثاني يوم كانت يالسة برووحها و رن تلفون البيت ..و قالولها ربيعتج ..
هي استغربت ما احد من ربيعاتها يدق لها على البيت
نورة:ألووو
.....: السلاام عليكم
نورة:و عليكم السلاام
.....:شحاالج نوااري ؟؟
نورة:بخير الله يسلمج .منو وياي ؟؟
....: فاعلة خير .
نورة:انزين ..و خير شصاير ؟؟
.....:لاا بس سمعت انج تدورين رقم سارة ..
نورة:هيه ..منو قاالج ؟؟
....: الحين تبين الرقم ولا لأ ؟؟
نورة:أكيييييييد
.......: *********
نورة: مشكوورة حبيبتي !!
.......: العفو غلاااي
و مسكت الورقة وهي مب مصدقة !! وتمت تفكر تتصل ولا لأ ؟؟ تتصل ولا لأ ؟؟ أخر شي قررت تتصل
دقت ودقت ..ماا شي رد ..
و تمت كل الصيف على هالمنواااال ..تدق ..و ما أحد يرد ..
أول حب فحياتها ..تأكدت إنها خلااص خسرتها للأبد ..
خلص البارت ..
وهنـزل الحـين لعيوون خيتوو محتآجكـ خفوقي ..}
الفصل الثاني
(على طريق الدماار)
البارت الأول
(يحسبون إن المشاعر تسلية ولعبة ورق )
خلصت إجازة الصيف .. و بدت المدرسة من يديد ..اليوم أول يووم و نووورة كاانت متحمسة وخاطرها الوقت يمر بسرعة عشان توصل المدرسة و تشوفهاا..بس وييييين ..ما أعتقد هالحلم بيتحقق
دشت من باب الإدارة و هي تمشي بسرعة ..لاا تلومونها صارلها 3 شهور ما تعرف عنها شي ..و هي قاعدة تمشي صادفت هدى تذكرونها ؟؟و سلمت عليها بس بسرعة ..حاسة روحها تبي تطلع ..هدى تكلمها وهي تطالع بنظرة اللي يدور عن حد ..
هدى : أحسج مستعيلة نواااري ..خلاااص روووحي ..
نورة : (نوااري ؟؟ ويعه ) اوكي بااااااي
و حطت شنطتها في صفها و طلعت تدور ربيعاتهاا و تحاول تعرف عن أخبار ساارة لو حد سمع عنها شي
و سمعت من وحدة من البنات إنه سارة رسبت ..و انتقلت مدرسة ثانية ..
صاابها احباااط ..ما كانت متوقعة انه ما تشوفهاا .. مر اليوم عااادي و ردت البيت
.زعلت .. صاحت شوي ..بس ما في فايدة ..ما تقدر تنساها ..صعب والله صعب ..البنت الوحيدة اللي اهتمت فيهااا ..اللي تحس معاها انها عايشة ..طبعا ً ..محد في البيت يهتم فيهاا
امها ما عمرها فكرت انها تروح لاجتماع اولياء الأمور ..بحجة انه اخوانها صغار و يحتاجونها تهتم فيهم ..و البافي طز مب لاازم ..
مرت عليهم الأيام ..و تعرفت على بناات واايد كيووت في صفها ..و نست سارة و أبو اللي يابها (شو تسوي بعد لاازم تكون واقعية) .. يعني هي خلااص رااحت .. و ما بترد !!
في بنية وااايد ارتاحتلها بالصف ..هند ..كانت كيوووووت و تفهمها و حكتلها قصتها .. و كانت واايد متعاطفة معاهاا ..
و بعدها بأسبووع ..
هند :بااقي اسبوع على الفالنتااين ..!!
نورة: هيه (تنهدت .. و بنفسها : أي فالنتاين ..أنا ويه حب أنا ؟! ) ..مفلتنة برووحي هالسنة ..
هند : ويييييي فديتج !! تعالي أنا بسويلج أحلى بااارتي
نورة:خخخخخخخ ثااانكس ..
طلعت نورة من صفهاا ..و لقت أماني في طريقها ..عطتها نظرة و ابتسامة على صووب ..نورة ما فهمت شقصدهاا ..
و في الفسحة نادتها عشان تبيها في كلمة راس ..
أماني : هااي نوااري (نفس الابتسامه اللي على صوب)
نورة:هلاا والله ..
أماني : ها اليوم الفالنتاين ..عندج أحد ؟؟
نورة: نوو
(سكتت شوي )
أماني: انزين نورة بقولج شي ..
(نورة تسمع)
أماني : أنا ..امم ..أنا ..أأ
نورة: قولي شفييييييج ؟؟
أماني (خذت نفس ) : أنا احبج ..
نورة(أكبر علاامة استفهام فوق راسها ) : ؟؟؟؟؟
أماني : والله العظيم أحبج من زماان
نورة:بس ما أقدر نحن ربع ...
أماني : (زعلت و طالعتها بنظرة و مشت) ..
(نورة ررمت الملزمة اللي بإيدها على الأرض و صاارخت بأعلى صوتها من القهر و راحت) ..
في حصة ال it دشت نورة متأخرة ..و يلست مكانها
هند شافتها مب طبيعية و عيونها حمرا ..
هند (تأشر لها من بعيد) : شفيج ؟؟
نورة : ماشي
هند : حلفي بس !!
نورة: أقولج عقب ..
و بنص الحصة ..
نورة طرشت ورقة حق هند ..
(أماني تقول إنها تحبني ) ..
هند(علااامة استفهاام كبيرة ) ..: ؟؟؟
نورة: ما أدري قلتلها نحن ربع و زعلت ..
هند حاولت تقنع نورة انها توافق وحاولت وحاولت و أخر شي وافقت
و ووقت الرواح شافت مي ربيعة أمااني و سألتها عنها ..
مي : ما شفتها والله
(و فجاة نطت إيمان و طالعت نورة بنظرة )..: ميووو يالله الدريول يترياانا
مي ( تهمس حق نورة) : شفيها ليش ما رمستج ؟؟
نورة: سأليها ..تقول إنها تحبني ؟؟
مي : معقووووووووولة ؟؟
نورة : يس يس
راحت أماني بعيد و أشرت حق نورة (إنه ابتسمي ) ..ابتسمت نورة و راحت سياارتهم ..
و في البيت ..
نورة يالسة تصلي ..بس مخها بمكاان ثااااني ..يالسة تفكر بينها و بين نفسهاا ..
: يمكن أخيرا ً ابتسمتلي الدنيا ..؟؟ من كان يتوقع إنها بتكون أماني اللي تهتم فيني ؟؟ يمكن ربنا عوضني عن حنان الأم ..
ياااا رب ..خليها تحبني يااارب ..خلاااص بوافق يا أماني ..ووعد إني بسعدج
كانت الفرحة عنواان يومها .. نفذت كل شي يبونه منها بدون أي تعليق ..و رقدت وهي تتخيل شكل أمووون يوم بتقولها إنها موافقة .. وفعلاا ً ثاني يوم قاامت من وقت و تريقت و عدلت نفسها و راحت الدوااااام ..
و عمدا ً يلست جدام باب صفها عشان تشووف أماني يوم توصل ..
و دشت أماني الممر و شافت نوااري و ابتسمت لها وراحي حطت الشنطة ا ياتلها رككككض
أماني : صبااح الخير حبي
نورة :صباح النووور
(أماني تبتسم و تطالعها بنظرة تعرفون كيف) ..
نورة:امم بقولج شي ..
أماني : آمري فديتج
نورة: أنا موافقة إنه نكون ..امم ..تدرين
أماني : صج ؟؟ حيااااااااااتي فديتج أناااااا
و قربت صوبهاا و لصقت فيهاااااا و نورة ترد ورا لين ما صار ظهرها على الطوفة ..و تمت تقرب لها لين صارت جدام ويهاا ..و همست لهاا : أوعدج إني بعااملج المعاملة اللي تستاهلينها ..
و راحت ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك