رواية تحملت كثير يا قلبي -22
عبد العزيز : وليه الطاولات ..
ساره : بيجلسون فيها ..
عبد العزيز: حنا افرشوا لنا على الارض ..
اميره : ليه عمي ..
عبد العزيز : بس .. احسن ..
اميره : اللي يريحكم ..
جتهم لولو ومعها صنية دجاج ..
عبد العزيز : هلا وغلا ..
لولو حطت الصنيه على الطاوله وسلمت على خالها ..
لولو : هلا فيك عمي .. الحمد لله على السلامه وعمره مقبوله ..
عبد العزيز : الله يسلمك .. هذا دجاجكم ..
لولو : ايه وفيه باقي ..
عبد العزيز : مكثرين ..
لولو : ايه ..
عبد العزيز : زين والله .. يلا حطوها هنا الشباب بيجيبون المنقل ..
جا حمد ومشاري وهم شايلين المنقل .. وبعدوا البنات عنهم شوي ..
عبد العزيز : وش ذا .. صغير ..
حمد : فيه ثاني يبه ..
عبد العزيز : حطوه هنا .. ايييوه .. الله يعطيكم العاااافيه ..
مشاري : الله يعافيك عمي ..
جو ماهر وفهد شايلين المنقل الثاني ..
عبد العزيز : حطوه هناك شوي .. ايووووه ..
فهد : آآهـ ظهري ..
عبد العزيز : توك على هالكلام يافهد ..
فهد : ثقيل والله .. وش حاطين بلك ..
ماهر : هذا وانا شايل معك .. اجل لو شايله بلحالك ..
فهد : والله لو وشو ما اشيله الحالي ..
عبد العزيز : لهالدرجه ثقيل ..
فهد : ايه يبه .. احب ظهري انا .. وبعدين لاتنسى ورانا زواج ..
عبد العزيز : هههههههههههههههه انت وهالزواج ياخي قل منهي وفكني الحين ازوجك اياها ..
حمد : قل قل جتك الفرصه ..
مشاري : احسن لك قل ..
ماهر : لاتفوتها ..
فهد : يووووووه انواع الاغراء ..
عبد العزيز : ماشاء الله كلن يدري هاه .. وش السالفه .. اثركم منتب هينين يا عيالي .. وراكم بلاوي ..
حمد : انا ماوراي شي .. هو ايه ..
فهد : اقول اسكت بس .. ايه يبه لو اقولك مين تخطبها الحين ..
عبد العزيز : قل ومالك الا اللي يرضيك
جوهم ابراهيم وفارس ورائد ..
فارس : الله يازين الدفا ..
ابراهيم : اي دفا بهالجو ..
فارس : ههههههههه نتفاعل من الفحم ..
ابراهيم : هههههههههههههههه تفاعل بس مو بهالجو ..
عبد العزيز : يلا فهد ..
فهد : لا خلاص هونت ..
عبد العزيز : لاحوووووول .. قل ياخي ..
ابراهيم : وش السالفه .؟.
عبد العزيز : فهد .. ذبحني يبي يتزوج .. واقوله منهي .. وكان بيقول بس هون ..
رائد طالع فهد وابتسمم له .. ومشاري جته الضحكه هو وماهر .. وحمد التفت وضحك بخفيف ..
فارس : الله يا فهد .. تبي تتزوج ..
فهد : شفت يا عمي كبرنا ..
فارس : الله الله الله .. والله وصرت راقل ..
فهد : عمييييييي .. كنك سبيتني ..
فارس : هههههههههههههههه .. لا والله ونعم رجال من يومك باللفه ..
حمد : عمي لاتبالغ ..
فارس : اسكت جالس ارقع الموضوع ..
الكل : ههههههههههههههههههههه ..
جابوا الدجاج واللحم الباقي .. وجلسوا الرجال على الارض بعد مافرشوا لهم .. جو الحريم وجلسوا على الكراسي عند المسبح .. الشباب رقوا فوق وبدلوا ملابسهم .. ونزلوا بيسبحون .. البنات كانوا جالسين بلحالهم على طاوله .. وحاطين قدامهم حلويات وكل شي جابها لهم ماهر .. طلع مشاري من الباب وهو يركض وبدون سابق انذار طيب بالمسبح الكل التفت على المسبح لانهم ما انتبهوا له يوم جا .. طلع مشاري راسه وقام يتنفس ..
مشاري : فزيتوا ..
فارس : بسم الله عليك الرحمن الرحيم .. متى جيت ..
مشاري : جاي اركض من اول ما طلعت من الباب ..
ابراهيم : قم اطلع وطب مره ثانيه ..
مشاري : بيجون الشباب الحين ..
جا حمد ووقف على حافة المسبح ..
مشاري : طب يلا ..
فارس : افا يا حمد خاااايف ..
حمد : هههههه مره خايف ..
جاه ماهر من وراه ودزه وطب .. ووقف يضحك عليه .. وجاه رائد ودزه ..
عبد العزيز : اخذت بثار ولدي ..
فارس : جاك فهد ..
التفت رائد وشاف فهد جاه يركض بيدفه .. على طول طب ..
فهد : قهر ..
فارس : بعد بتدف ولدي ..
فهد : عادي عمي ..
جو نايف وريان ..
فهد : وين سلطان ..
نايف : مدري قال بلبس وبجي لين الحين ماجا .. نزلنا وخليناه ..
فهد : طيب يلا طبوا ولا برميكم ..
ريان : لا شكرا ..
طب ريان .. وفهد مسك نايف ويدفه ويرجعه ويدفه ويرجعه وهو يضحك ..
عايشه : فهد اترك ولدي ..
فهد : اي ولد .. عسى نايف ..
عايشه : ماعندي غيره ..
فهد : الله يرزقك .. هالمره عشان امك بس ..
دفه فهد وطيحه بالمسبح .. ..
فهد : وخروووووووووووو .. بطب ..
حمد : ابعدو بيسوي موج ..
فهد : تتطنز ..
رائد : تشقلب فهد ..
فهد : لو فيه سبرنج والله اتشقلب .. بس ما يساعد ..
مشاري : اجيب لك كرسي ..
فهد : ناوي علي انت .. خلاص بتشقلب ببس بعدو شوي ..
حمد : يلا .. تعالوا شباب هنا ..
تجمعوا كلهم بجهه وحده .. فهد راح شوي بعيد .. بعدين جايركض .. ووقف .. وجلس على حافة المسبح .. وغطس رجلينه ودخل ..
الرجال : ههههههههههههههههههههههههههههههههههههه ..
فارس : لعب عليكم ..
فهد : هههههههههههههههههههههههههه مهبل يا عمي يبوني اتشقلب كذا ..
مشاري : طيب يا تيس اوريك ..
ماهر : هذا وانا متحمس ..
فهد : هههههههههههههه مره ثانيه لا تتحمس ..
جاله رائد ومسكه مع راسه وغطسه .. وهو سحب رائد وغطسه معاه .. بعدين طلعوا الاثنين مع بعض ..
رائد : يا حمار بغيت اموت ..
فهد : ياربيه .. وانت ماسويت شي .. انا بغيت افطس ..
رائد : ابعدوا بنتسابق ..
فهد : انا اللي بيفوز .. تعالوا كلنا ..
ريان : انا ما اقدر ..
رائد : ليه ..
ريان : رجلي تعورني مقدر ..
رائد : الا قل جسمي ما يساعد ..
حمد : ريان تعال اقهره ..
ريان : قايلك كله من ولاؤؤؤؤه ..
ولاء : وش سويت لك انا بعد ..
ريان : كله منك ..
ولاء : انت اللي مدري من وين تشوف .. ركز مره ثانيه وانت تمشي ..
ريان : وانتي بأي مكان تفردين رجلينك .. حاسبي وين تحطينهم ..
ولاء : ان شاء الله عمي ريان .. اوامر ثانيه ..
ابراهيم : ولاء وش مسويتله ..
ولاء : يبه والله ما سويت شي .. كنت ممده رجليني .. هو جاي يركض ماشافها وطاح .. وش اسوي فيه ..
ابراهيم : يومنك شفتيه جاي كان رفعتي رجولك ..
فارس : خلاص ما حصل الا الخير .. هو المفروض يطالع طريقه ..
مشاري : يلا بتتسابق ولا لا .
ريان : لا بروح البحر ..
فارس : لا لا تروح .. الا مع واحد من الشباب ..
ريان : يبه شوي منب مطول ..
فارس : لا ..
رائد : شوي وبجيك اروح انا وياك .. يلا ..
صفوا كلهم وريان هو اللي يعد .. وبعدوا يتسابقون ورجعوا .. وكان الفايز ماهر بعدين رائد بعدين حمد بعدين فهد بعدين مشاري بعدين نايف واخر شي سلطان .. حتى ما وصل وقف بنص المسبح ..
حمد : هههههههههه شفيك وقفت .؟.
سلطان : انتم تخلون مجال لاحد .. ماقدرت ..
فهد : غش والله غش ..
ماهر : ههههههههههههه عشانك من الاخيرين ..
فهد : مافيه نعيد ..
رائد : لا مابي تعبت .. بروح البحر ..
نايف : وانا بعد ..
مشاري : وانا معاك ..
راحوا الاربعه وبقي اربعه ..
فهد : الله .. كبر المسبح .. ليتهم ما يجون الا بالعشا ..
ماهر : الله من النذاله ..
فهد : والله الحين تقدر تآخذ حريتك .. تسبح على كيف كيفك ..
حمد : ومن اللي بيخليك تسبح على كيف كيفك ..
فهد يبتسم : طبعا مو انت ..
حمد : هههههههههههه اشوى انك تفهمهى على الطاير ..
فهد : ايه خالد المريخي انا ..
حمد : ههههههههههه هين ..
? عــنـد .. البنـآتـ .. ?
كانوا جالسين حولين الطاوله .. ويوم جو الشباب وخروا شوي عشان يشوفونهم ..
ليلى : يا حلو جسم مشاري ورائد ..
ساره : اختاري يا رائد يا مشاري ..
ليلى : لو اقدر اختار كان اخترت .. بس جد كل واحد جسمه احلى من الثاني ..
ابرار : صادقه .. ياحلو غمازات اخوك بس ..
تهاني : كح كح كح .. نحن هنا ..
البنات : هههههههههههههههه ..
هيفا : اللي ذبحني وخلاني اخق فهد .. ما اقدر عليه الصراحه ..
جوري : قولي والله .. ياحليلك والله تصدقين ..
هيفا : بالله ما خقيتوا ..
جوري : هيفااااااااا ..
هيفا : عيوووووووونها .. لاتزعقين علي .. طيب ..
جوري : خلاص اسكتي دارين انه حلو ..
اميره : تغار خلوها ..
جوري : ايه وش عليك ..
اميره : تعالي اصفقيني ..
جوري : انا ماقلت كذا ..
اميره : طيب لاتعصبين .. عادي ولد خالها تتغزل فيه اتني وش حارك ..
جوري : ايه وش علي خلها تتغزل فيه من اليوم لبكرى ..
قامت وتركتهم وراحت للحريم ..
ساره : هههههههههههههههههههههه حرام عليكم عصبتوها ..
جوري كانت ماره من عند المسبح .. وبالصدفه كان حمد يرش مويه على فهد .. وجاها مويه .. وصرخت .. كلهم التفتوا عليها ..
حمد : اوووووووووو آآآآآسف والله مو قصدي ..
فهد : ماتشوف انت ..
حمد : ماعليك انت .. والله جوري ما شفتك معليه آسف ..
جوري تنفض عبايتها : عادي حصل خير ..
حمد : فشيله ..
فهد : اي حصل خير يابنت الحلال شوف شكلها كنك مغرقها .. قم نشف عبايتها ..
ماهر : هههههههههههههههههههههههههههههههههههههههه ..
فهد : ههههههههههههه انت وهالضحكه بخلي يطلع بعد شوي من فمك فقاعات ..
ماهر : هههههههههههههه اعصابك ..
حمد : هههههههههههههههه ايه والله اعصابك ..
راحت جوري وجلست مع الحريم ..
امل : ليه قمتي عنهم ..
جوري : ما ابي اجلس ..
امل : ليه .؟.
جوري : بس ..
امل : احد ضايقك ..
جوري : لا .. بس طفشت منهم .. يمه ماتبيني اروح عادي ..
امل : وانتي من اللي ما يبيك ..؟؟..
جو الشباب يركضون من البحر وطبوا كلهم سوا ..
حمد : الله ياخذ بليييييييييييسكم ..
فهد : كفو والله اقين اقين ..
رائد : قرصني شي مره يعوووووور ..
فهد : مع وين .. ؟؟.. اشووف .. يووووووووو احممممر ..
رائد : يعور ..
فارس : تعال رائد اشوف ..
قام فارس وراح عندهم .. وجاه رائد .. شاف مكان القرصه كان مره احمر ..
فارس : لا يكون شي سام بس .. قم اطلع ..
رائد : لا هذاك الشي الشفاف اللي زي الاخطبوط ..
فارس : ايه عرفته .. لا هذاك عادي . جاك زي الكهرب هاه ..
رائد : ايه ..
فارس : ايه .. لا لا مايضر .. عادي ..
قام ورجع لاخوانه ..
ابراهيم : هاه ..
فارس : لاعادي .. هُلام (حبّار) ..
عبد العزيز : ايه مايسوي شي ذا .. شوي ويخف ..
فارس : ايه بس شكله بقعه حمرا .. يخوف ..
عبد العزيز : شوي ويهدى ..
الرجال يسولفون .. والحريم بعد .. والبنات يطالعون والشباب وهم يسبحون ويعلقون .. يوم جت الساعه 11 طلعوا الشباب من المسبح وتروشوا ولبسوا نزلوا تحت .. جلسوا معهم .. عشان العشاء .. كلهم جلسوا يعشون .. الحريم بجهه مع البنات .. والرجال والشباب بجهه .. وكان الجو عندهم .. ok .. سواليف وضحك واستهبال .. بعد ماخلصوا عشى .. دخلت الجده جوى بتنام .. وعبد العزيز دخل جوى هو وهدى وخواته عايشه وشيخه.. هم راحوا لامهم وهدى جلست مع عبد العزيز بالصاله .. وخلود وحصه ومشاعل والبنات جالسين مع بعض برى بعد ماشالوا الاكل .. والشباب ما تحركوا .. وابراهيم راح جلس بالملحق ولحقته فوزيه .. امل قامت وراحت عند البحر .. شافها فارس وقام وراها .. هي ما انتبهت له .. جا من وراها وهبلها ..
امل : بسم الله الرحمن الرحيم ..
فارس : هههههههههههه خوفتك ..
ابتسمت له امل : ايه .. ليه ماقلت انكم بتجون اليوم ..
فارس : قلت اخليها مفاجأه ..
امل : ومن قالك اني احب المفاجئآت .؟.
فارس : انتي قايله ..
لفت امل وجهها وهي تضحك : يوووووووو متى قلت ..
فارس لف وجهها له : طالعيني هنا .. اشتقتيلي صح ..
امل : مره واثق ..
فارس: تتغلين يعني ..
امل : اذا ماتغليت عليك اتغلى على من ..
فارس : يعني اشتقتيلي ..
امل : اكييييييد .. تو ما احلوت السفره يومنك جيت ..
فارس : يعني قبل ما اجي ماكانت حلوه ..
امل : كانت ممله .. الحين احلوت .. يوووه يعني لازم اعيد الكلام ..
فارس : يلوموني اذا حبيتك والله ..
مسكها فارس وراحوا يمشون ..
على الساعه 1 و ½ ماكان فيه احد برى .. كلهم دخلوا .. الشباب ينامون بغرفه .. والرجال بغرفه عشان ما يزعجونهم الشباب .. والحريم مع الجده جوى .. والبنات بالدور الفوقي .. وفيه غرفتين فاضيات .. البنات ما ناموا .. اميره وساره يلعبون اونو .. وهيفا وجوري يسولفون بخفيف .. وولاء ونوره والجوهره يطالعون الـDVD حق نوره .. ولولو وابرار يسولفون .. وتهاني وليلى يتراسلون بلوتوثات .. وبيان نامت .. وغيدا منسدحه ومتغطيه كلها من راسها لرجلينها وجالسه تفكر .. قامت ورمت اللحاف ..
نهاية الجزء التاااسع
الجزء العـــآآآآشـ-_-ــر
على الساعه 1 و ½ ماكان فيه احد برى .. كلهم دخلوا .. الشباب ينامون بغرفه .. والرجال بغرفه عشان ما يزعجونهم الشباب .. والحريم مع الجده جوى .. والبنات بالدور الفوقي .. وفيه غرفتين فاضيات .. البنات ما ناموا .. اميره وساره يلعبون اونو .. وهيفا وجوري يسولفون بخفيف .. وولاء ونوره والجوهره يطالعون الـdvd حق نوره .. ولولو وابرار يسولفون .. وتهاني وليلى يتراسلون بلوتوثات .. وبيان نامت .. وغيدا منسدحه ومتغطيه كلها من راسها لرجلينها وجالسه تفكر .. قامت ورمت اللحاف ..
غيدا : اففففففففف ..
التفتت عليها ساره : شفيك ..
غيدا : طفشت ..
ساره : تعالي العبي معنا اونوا ..
غيدا : مابي ..
ساره : اجل ارجعي نامي ..
غيدا : اليوم ايش ؟.
اميره : اليوم الثلاثاء ..
غيدا : يوووووووووو .. ابي لاب توب بنات تكفون ..
تهاني : من وين بنجيب لك لاب توب ..
غيدا : مدري بس ابي ..
اميره : اظن ماهر جايب حقه .. اصبري ادق عليه ..
دقت على ماهر ورفعها ..
ماهر : نعــم ..
اميره : مرحباااا ..
ماهر : مراحب ..
اميره : ماهر انت جايب الاب توب حقك ..
ماهر : ايه ليه ..
اميره : ابيه شوي ..
ماهر : وش تبين فيه ..
اميره : سبحااااان الله اقولك ابيه يوه ..
ماهر : واللي يقولك منب معطيك اياه وش بتسوين ..؟؟..
اميره : ماهر يلا عاد ..
ماهر : اول اعرف وش تبين فيه بعدين اعطيك اياه ..
اميره : شف لو علي انا ما ابيه .. بس بنت خالتك .. تبيه ..
ماهر : اي بنات خالاتي ..
اميره : غيدا ..
ماهر : آهـــآآآ قولي كذا .. اوكي انزلي خذيه ..
اميره : طيب يلا .. سكرت منه .. انزلي خذيه ..
غيدا : انا ..
ليلى : يا سلام تبينها تنزل تآخذه منها .. هي انتي ترى اغااااار ..
اميره : لا تصدقين عمرك انك تغارين .. اعقلي بس .. انا بنزل خلاص ..
ليلى : هههههههههههههههههههه ..
راحت اميره ووقفت له بالدرج وعليها طرحه وهي لابسه بجامتها السودا وفيها دبدوب وردي يخقق .. طالعه نعوووومه .. جاها ماهر ..
ماهر : خذيه ..
اميره : شكرا مقدما ..
ماهر : العفوا بس لا تخليه على حضنها ولا على شي .. وكل شوي ترفعه عشان ما يحتر وينحرق .. تسمعين ..
اميره : ان شاء الله عمي ماهر ..
ماهر : يلا انقلعي بلا طنازه ..
راحت اميره وعطت الاب توب غيدا وجلست تكمل لعبها .. فتحت غيدا الاب توب وكان فيه باس وورد .. ماعرفت كيف تفتحه ..
غيدا : اميره فيه باس وورد ..
اميره : يووووووه .. الذكي نسى يعطيني اياه ..
تهاني : انتي ليش ما قلتي له ..
اميره : وانا وش دراني ان فيه باس وورد ..
دقت على ماهر ..
ماهر : هااااااااه وش تبين بعد ..
اميره : نسيت تعطيني الباس وورد يا غبي ..
ماهر : انتي الذكيه يعني .. اففففففف جيبيه انا بشغله ..
اميره : لا وين مشوار ..قلي وشو ..
ماهر : ما ابي اقولك ..
اميره : اجل خذ غيدا وتفاهم انت وياها وقلها الباس وورد ..
رمت الجوال على غيدا ..
اميره : قوليله يعطيك الباس وورد ..
غيدا : تستهبلين .. وين استحي انتي قوليله ..
اميره : عيا .. ما يبيني اعرفه .. خذيه والله عاااااااادي ماهر واحد من الشباب ..
البنات : هههههههههههههههههههههههه ..
ماهر : هههههههههه الله يرجها ..
رائد : مين ..
ماهر : اميره ..
رائد : ليه ..
ماهر : شكلها رمت جوالها على غيدا تقول كلمي ماهر يعطيك الباس وورد .. والبنت مستحيه .. اميره تقولها عادي ماهر واحد من الشباب ..
فهد : ههههههههههههه اي شباب ..
ماهر : ههههههههههههههه مدري عنها .. الووووو ..
غيدا : الوو ..
ماهر : اميره ..
غيدا : لا ..
ماهر : ايه اقول مو صوتها .. تبين الباس وورد ..
التفت عليه رائد وجلس يطالعه ..
غيدا : اذا سمحت ..
ماهر : اوكي .. Ufdv .. انقليزي ..
غيدا : اوكي مشكووور .. كلفة عليك ...
ماهر : شدعوى .. عادي .. خذي راحتك ..
غيدا : يلا مع السلامه ..
ماهر : هلا .. مع السلامه .. الوالو ..
غيدا : هلا ..
ماهر : ولا اقولك خلاص ..
غيدا : اوكي ..
سكر منها .. ولف على الشباب ..
رائد : غيدا ..
ماهر : ايه .. اخلاق الانسانه ..
رائد : الله يحفظها ..
ماهر : ههههههههه غير امها ..
رائد : هههههههههههه اسكت الله يعافيك .. جعلها ما تصير مثل امها يارب ..
? عــنـد .. البناتـ .. ?
عطت غيدا الجوال اميره ..
غيدا : فشلتيني مع اخوك .
اميره : اقولك عاااااااااااااادي .. وش فيك انتي .. عطاك الباس وورد ..
غيدا : ايه ..
اميره : وشو ..
غيدا : ليش ..
اميره : عادي اصلا اول ما يآخذه بيغيره لانه يدري ان الكل بيعرفه ..
غيدا : دام كذا .. Ufdv ..
ساره : شمعنى هالاحرف ..
غيدا : مدري .. بس اكيد سالفه ماحطها عبط ..
قربت لولو من الاب توب وجلست تطالع الاحرف ..
لولو : اميره ..
اميره : هلا ..
لولو : تقرب لكم وحده اسمها عبير ..
اميره : ايه .. ليه ..
لولو ابتسمت : لا بس كذا اسأل ..
اميره : من وين عرفتي ..
لولو : قد سمعت امك تتكلم عن هالاسم بس مدري عن نفس البنت ولا لا .. طيب متزوجه ..
اميره : لا عمرها 19 ..
لولو : وااااو ..
وخرت لولو عن الاب توب ورجعت جلست مع ابرار .. عشان غيدا تآخذ راحتها .. قامت وشبكة الاب توب عالنت .. وفتحت المسن .. ولقت فيه ناس كثير .. حطت الحاله عندها .. بزي .. ودخلت محادثه ..
غيدا : مرحبااااااااا ..
......: هلا وغلا مراحب .. استناك تدخلين من زمان ..
غيدا : توني احصل لاب توب ..
......: ليه وحقك وينه ..
غيدا : نسيته بالرياض ..
......: آهـــآآ .. وش الاخبار .. عسى مبسوطه بس ..
غيدا : الحمد لله ..
......: بجده انتم الحين ولا مكه ..
غيدا : لا بجده اليوم جينا ..
......: حلو .. وسعي صدرك عاد .. ولاتفوتين عليك هالروحه بدون ما تنبسطين ..
غيدا : الله يعين بس ..
......: ليه وش صار ..
غيدا : مو صاير شي .. بس كذا والله ..
......: تراك حلفتي ..
غيدا : ههههههههههههه ادري ..
......: اخبار ابوي ..
غيدا : تمام .. اليوم كلمته .. يقول مشتاق لي .. >فيس يطلع لسانه< ..
......: هههههههههههههههه وانا رحت وطي ما تذكروني ..
غيدا : فديتك والله وش دعوى انت الخير والبركه .. بس ماجبنا طاريك ..
......: طيب اذا جبتوه لا تحشون زين ..
غيدا : ههههههههههههههه وش دعوى عاد وانا اقدر ..
......: يعني اقول يمكن تجيكم الحاله وتحشون ..
غيدا : هههههههههههههه اصلا انا ما ارضى احد يحش فيك .. والله ما اخليهم ..
......: كفو والله اختي حبيبتي .. تدافع عني ..
غيدا : ايه اعجبك والله ..
......: ابوريك صورتي .. صورتها جديد ..
غيدا : وناسه .. .. .. وااااااااااااااااااااو .. .. .. طالع خقه .. تجنن ..
......: >فيس مستحي< استحييييييت ..
غيدا : ههههههههههههه ياحبييييلووووه الحياااااا ..
......: هههههههههههههههههههههههههههههههه ..
غيدا : ارسلها لي ..
......: لا وين مو لاب توبك هذا على قولتك ..
غيدا : فيه بلوتوث .. بنقلها على جهازي .. تكفى ..
......: اوكي امسحيها لا تنسين ..
غيدا : ولا يهمك .. ارسل ..
ارسل لها الصوره ووصلت ونقلتها لجوالها وسوتها ثيم ..
غيدا : يسلمووووووووو ..
......: العفو .. نقلتيها على جهازك ..
غيدا : ايه ..
......: يلا اشوف امسحيها .. وامسحيها من المحفوظات والمستندات الاخيره ..
غيدا : ههههههههههههههههههههههه اعصابك اعصاااااااااابك ..
......: ههههههههههههههههه اخاف احد ينظلني اذا شافها ..
غيدا : من حقك تخاف على روحك كل الحلا لازم لازم تخاف ..
......: تتطنزين ..
غيدا : لا والله .. من جد اتكلم ..
......: اوووكي حياتي .. انا لازم اطلع الحين ..
غيدا : بدري ..
......: انتي تأخرتي .. ما اقدر وراي تحظير .. يلا حبيبي .. اشوفك بعدين .. سلمي على ابوي .. ومامتك ..
غيدا : يوصل .. انتبه لعمرك ..
......: اوكيك باااااي >فيس ويد تأشر< ..
طلع اخوها من النت .. وهي قفلت الاب توب وحطته بشنطته ..
غيدا : مشكوره اميره رجعيه لماهر خلصت ..
اميره : مو الحين .. خليه عندك بعدين ارجعه ..
غيدا : يمكن يبيه ..
اميره : لا ما يبيه لو يبيه بيدق يقول ابي الاب توب ..
غيدا : لا ما يسويها ..
اميره : لا يسويها .. وجهه مغسول بمرق .. عاااااااااااادي ..
ساره : هههههههههههههههه انتي ماسكه علينا عادي عادي ..
اميره : ايه عاااااااااادي . هههههههههههههههههههه ..
البنات : هههههههههههههههههههههه ..
اخذت اميره الاب توب ونزلت جلست بالصاله ودقت على ماهر ... جاها ماهر وجلس معها ..
ماهر : خلصت منه ..
اميره : ايه ..
ماهر : امداها ..
اميره : ايه خلصت تبيني ارجعه لها .
ماهر : لا خلاص مادامها خلصت خلاص هاتيه..
اميره : تعال .. لولو قبل شوي سألت عن عبير بنت عمي ..
ماهر تغير وجهه : عبير .. وش عرفها فيها ..
اميره : مدري .. بس قامت تطالع الاب توب وقالت تعرفين وحده اسمها عبير ..
ماهر : ايوه .. ووش دخل الاب توب ..
اميره : مدري .. اسأل نفسك ..
ماهر : غيدا قالت لكم الباس وورد ..
اميره : ايه انا بغيت اذبحها لين قالت .. << تغطي عن غيدا ..
ماهر ابتسم "ذكيه يا لولو" : آهـــآآآ .. يعني لازم اغيره الحين .
اميره : شفت .. وش قصة عبير ..
ماهر : وش دراني انا ..
اميره : طيب ليه تغير وجهك يوم قلت عبير ..
ماهر : لا تغير ولاشي عادي ..
اميره : هههههههه حتى انت ..
ماهر : وشو ..
اميره : قبل شوي كل ما قالوا البنات شي قلت عادي .. انهبلت مني ساره ..
ماهر : آهـآآآ لا عادي ..
ماهر واميره : ههههههههههههه ..
ماهر : يلا تقلعي روحي نامي .. بكرى ورانا طلعه .. اووووبس ..
اميره : طلعه وين ..
ماهر : اوووووبس اثري فضيحه .. روحي روحي ..
اميره : منب رايحه لين تقولي السالفه ..
ماهر : ياربييييه الحين بيقولون ماهر فضيحه مايقعد شي بلسانه ..
اميره : طيب قل والله ما اقول لاحد ..
ماهر : تراك حلفتي ..
اميره : ايه خلاص حلفت ..
ماهر : بكرى بنروح الشلال ..
اميره : قل قسماً بالله ..
ماهر : ههههههههههههههههههه والله ..
اميرا : متى طيب .؟.
ماهر : بكرى بعد المغرب .. بس هااااااه .. لا احد يدري ..
اميره : ولا يهمك ..
ماهر : يلا روحي الحين ..
اميره : اووووكي .. يلا تصبح على خير ..
طلعت فوق .. وماهر رجع للشباب .. جلسوا يسولفون شوي .. وعلى الساعه 3 ماكان فيه احد صاحي ..
? ? اليـــومـ .. الـليـ .. بعـــــدهـ .. ? ?
.
.
.
الصباح .. الساعه 7 .. كانت الجده وهدى صاحين .. وجالسين بالصاله يفطرون .. الجده معاها الراديوا حقها << ماتستغني عنه .. اربع وعشرين ساعه معها ماتروح مكان الا وهو معها ... وهدى جالسه تقرى مجله .. جاهم سلطان وجلس معهم ..
هدى : هلا حبيبي .. وش مقومك بدري ..
سلطان : مدري ما قدرت انام .. بطني يعورني ..
هدى : كله من الكلور .. والمسبح .. الله يهديك بس ..
سلطان : يعورني يمه ..
هدى : ياقلبي انت .. شوي ويقوم ابوك .. ويوديك المستشفى .. تبي فطور ..
سلطان : لا ما ابي .. ما اشتهي ..
هدى : كلك شي طيب ..
سلطان : مابي يمه مابي ..
جا عبد العزيز وجلس معهم بعد ما حب راس امه ..
عبد العزيز : هاه سلطان قايم بدري وش عنده ..
هدى : مانام يا بعدي هو .. يقول بطني يعورني ..
عبد العزيز : الله يهديك .. من المسبح امس .. اكيد جاك نزله .. يلا قم البس اوديك المستشفى ..
سلطان : ان شاء الله ..
راح سلطان يغير ملابس .. والتفت عبد العزيز على امه ولقاها منسجمه مع الراديو وضحك عليها ..
عبد العزيز : وين ماراحت هالراديو معها ..
هدى : وش نسوي .. غبيناه انا وامل قبل لا نروح قلنا يمكن تنساه .. ماشاء الله عليها .. اول ما ركبنا .. قالت رادوي وينه .. عطونياه ..
عبد العزيز : هههههههههههههه ..
انطق الباب حق قسم الرجال ..
عبد العزيز : مين ..
فهد : انا فهد ..
عبد العزيز : تعال ابوي .. صباح الخير ..
فهد : هلا يبه صباح النور ..
سلم على ابوه وامه وجدته وجلس معهم ..
الجده : ماشاء الله عليك اليوم نشيط قايم بدري ..
فهد : يمه مانمت اصلا ..
هدى : لا تقول بطنك بعد ..
فهد : لاء .. ليه من اللي يعوره بطنه .. لا يكون انتي ولا ابوي ..
عبد العزيز : هههههههههه لا سلطان اخوك .. بوديه المستشفى الحين .. شكل جته نزله ..
فهد : لا تتعب عمرك انا اوديه ..
عبد العزيز : تسوي خير ..
هدى : خلني احط لك فطور بعدين رح ..
قامت راحت المطبخ ..
الجده :وراك مانمت يا بعدي ..
فهد : يمه ظهري يعورني ما قدرت انام على الارض .. مره متعب ..
الجده :ايه ماتعودت .. متعود على السرير .. والسفنج .. والقطن وريش النعام .. والحرير .. ما تعودت على الارض والحصير والحصيان ..
فهد : هههههههههههههههههههههههه اي ريش نعام .. واي حصيان يمه .. لا وحصير بعد ..
عبد العزيز : يمه وين عايشين حصير وحصيان .. حتى اللي بالقرى ما ينامون على كذا ..
الجده : وانت وش دراك .
عبد العزيز : الله يهديك يمه .. هذاك اول ..
الجده : حتى لو نروح ونرجع نفس الموضوع ماتعودت على نومت الارض .. الطفل المدلل ..
فهد وعبد العزيز : هههههههههههههههههههههههههههههههههههههههه ..
فهد : صرت طفل مدلل بعد ..
الجده : ايه ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك