رواية اضمك وين من حسادي واحميك -22
البارت 42
بعد مرور ثـــــــــــلاث سنوااات ...
(..فــــــهـــــــــــد ..)
احم احم .. يووه الله يسامحك تبغي ترجعينا ثلاث سنوات لي وراء ..
المهم اسمعوو قصدي اقرو ههه >لا تجلس تستهبل اهرج ..
هذا قبل ثلاث سنوات وبعد الشبكة بشهرين حددنا انا وسمورتي الفرح وكان بشهر 4 اجازة الربيع ..
*
*
فهد :. ابويا اليوم بروح ادور بالقصور اذا في حجز فاضي
ابو فهد :. متى حددته
فهد :. ان شالله بشهر اربعه في اجازة الربيع
شهد :. لا بالله ايش ماتكفي اربع شهور
فهد :. وليش ماتكفي ياروح امك
شهد :.نقضي لفرح
فهد :. انا اللي عندي اثث للبيت واقضي للفرح ووو وبعدين مو اكيد بشوف القصور اليوم مع العيال وبعدها احدد
ام فهد :. اهم شي يكون يكبير يافهد
ابو فهد :. ليش ماتخلي فرحك مع زياد
فهد :. زياد يبغى بالاجازة الكبيرة وبعدين مو اكيد
عهد :.لو لقيت قصر تاخذ شامل ولا لا
ام فهد :. الا خذه شامل اوفر بس شوف محلات الحلى واعطني خبر واقولك اللي اطعم
ابو فهد :. والعشاء بس مقبلات وصواني للحريم والرجال اما الرز وانا اجيبه من برا احسن
شهد :. لالا اهم شي الدقآآآآآقه انا اللي اختارها
عهد :. ههههههههههه عاد الطرب حقك
*
*
رحت مع العيال من العصر ندور من قصر لقصر.. حتى واذكر واحنا ندور زياد يتريق يقول اخذ خبرة ومااتعب لما اختار قصر..الحمد الله لقيت قصر كبير وحجز كل شي على حسب طلبهم ..
وصارت الحووسه عندهم روحت السوق والخياطه وانا رحت مع امي اسبوع لجدة وجلست اختار الاثااث هههه طبعا شهد عصبت انا رحنا ومااخذناهم وطبعا احنا رحنا ايام دراسه ولا كانت راحت غصب عننا ..
*
تمت الاربع شهور على خــير وجاء يوم فرحي كنت طآآآآير من الوناااسه نفسي يخلص الفرح بسرعه واخذ سمورتي واروح البيت ..
*
شهد ماقصرت بالرقص والخبال على حسب ماوصلني ..وماقصرت بالتنكيد عليا كل شويه داخله الغرفه تستهبل وتخرج .حتى اخر مرة جيت اتهور واهاوشها بس مسكت نفسي هههه ماابغى سمر تاخذ فكرة غلط عني .. انزفت سمر .. بعدها رحنا البيت وخلص الفرح على خير ..
*
شهد وهيا تفسخ الجزمه:. آآآآآآي رجلي
عهد :. آآآآآآه ظهري
حاتم :. هههههههههه عجاايز عندي
حنين اللي تمشي وماسكه جزمتها بيدها :. والله تعب مو زيكم
حاتم :. محد قالكم ارقصو واتعبو
شهد :. وكيف يصير فرح من غير رقص
ام فهد :. حاتم وانا امك عمك راح
حاتم :. لا برا جالس مع عماني والعيال
ام فهد :. اهاا
حاتم :. بس انا اللي راح اوصلكم
ام فهد :. لا تعب عليك نروح معاه
حاتم :. لا خلااص مافي مجال سيارة عمي والسواق مليانه اغراضكم ومافي مكان حتى قلته يروح وانا اسلم المفاتيح
ام حازم :. هههههههههههههههههههه الله يرجها
ام فهد :. اشبك
ام حازم :. ههههههههههه اسراء برا جالسه من التعب الرقص تهلوس مع العاملات القصر
عهد :.هههههههههههه خبله ههههههه من يوم ماشفتها خابل مع بنات حنان وانا غسلت يدي قلت وصلت حدها من الهلوسه
شهد :. والله نفسي اطلع بس مفحالي
ام فهد :.خلاص قومي اللبسي نروح البيت ونرتاح
خرجو الكل وقتها زياد كان يستلم فاتورة انه سلم القصر ..
*
وبعد سنه حملت سمر وجابت ولد حلو على ابوه ههههه وسميته مؤيد ولله الحمد عايش بسعادة معاهم ...
*
*
(..زيــــــــــــاد ..)
اي اشوى فهد خلص تعبت وانا استنى ,,
امم ايش كنت ابغى اقول .
ايــواا صح اذكرت ..
قبل ثلاث سنوات وبالتحديد بعد فرح فهود . قرر اخلي فرحي بعد عيد الفطر..عشان اجهزي نفسي بروااقه وحتى هيا وكلمتها واتفقنا على هذا الاساس ..
*
*
يوم من الايااام كنت سهران مع العيال ولما جيت الفجر دخلت اناام طبعا كنت ارسل لي اموله رساله .. اني وصلت البيت وابغى اناام ..
فجاءة وانا نايم يدق جوالي ..
*
زياد بصوت كله نوم :.الــو
امال وهيا تبكي :. زيــ ــ أإأاد
زياد انفجع من صوتها وجلس :. اموووله اشبك تبكي
امال.. جلست تبكي ماترد
زياد :. امال حياتي هدي وفهميني ايشبك
امال :. عــ مــ ي
زياد :. ايش في عمك تعبان
امال :. لاآآ اهي اهي
زياد :. مــآآت
زياد هو يقوم من السرير :. لا حول ولا قوة الا بالله اموله حبيتي هدي لاازم تكوني قويه ابوكي محتاج لك دحين
امال :. زياد كلهم ماتو وجلست تبكي
زياد :. امال دحين جاي
امال جلست تبكي وماردت ..
زياد :. مع السلامه
امال :. مـ ـ ـع الــ ـسـ ـــلامه
قفل منها زياد وكلم ابوه واعطاه خبر هو نازل شاف اسراء جالسة قدام التلفزيون ومعاها لاب امه كانت تكلم تلفون
اسراء :. اشبك وجهك تقول مصيبه صايرة
زياد :. عم امال اتوفي وشكله كل اهله مافهمت منها زي الناس عشان كانت تبكي
ام ياسر قفلت من التلفون :. لا حول ولا قوة الا بالله
ام ياسر:. راح لهم
زياد :. ايواا بروح يمكن يحتاجو شي
ام ياسر:. قلت لي ابوك
زياد :. ايواا كلمته واعطيته خبر .. يلاا مع السلاامه ..
ام ياسر :. اسراء انا بروح يمكن محتاجين شي
اسراء :. اوك
وراحت ام ياسر..
وطلع اللي مات عمها ولد عمها ولد عمها الثاني ..
واجلو الفرح لبعد سنه ..
*
وجات السنه الثانيه من بدايه الاجازة الكبيرة كان فرحي .. كنت بطير من الونآآآآآآآسه سنه ونص ملكت عليها بس ماتزوجتها
عاد كان فرح لا يعلى عليه جو اصحااابي اللي درسو معايا وكان من جد فله والاهم انو امووله حيااتي معايا وقريبه مني
*
اكيد تسالو عندي عيال ولا لا ؟!؟!
لا ماااعندي والحمدالله ماافي عيب لا مني ولا منها بس ربي ماراد وبعد سنه عشناها بسعاده وحب ووناسه ربي رزق علينا ودحين هيا حامل بالشهر السابع ..
*
*
(..حنين ..)
وي منهم العيال الا يتكلمو اول ..
كيفكم يااحلويين .. ابشركم صرت عروووسهـ
اكيد تبغو تعرفو كيف وايش صار ..
انا اقولكم ايش صار ,,
*
*
قبل لا تجي امي تكلمني عن العريس كنا البنات مجتمعين عند سرو بالبيت وكان وقتها من جد ونااسه ,,
*
شهد :. حنو ..عهوودا يلاوحدة فيكم تتزوج
حنين :. ليش ان شالله
اسراء :. بصراحه اتعودنا على الدشرة كل سنه وعندنا فرح قبل العام فهد والعام زياد
عهد:. ان شالله انتو ولا الدعوة بس لنا
شهد :.هههههههه لا انتو اتزوجو وانا واسراء نفلها زي كل فرح
حنين :. ارتاحو بس
شهد :. دحين الساعه 3 الا عشرة يعني الثلث الاخير من الليل يعني ان شالله الدعوة مستجابه بروح ادعي
اسراء :.ههههههههه تعالي نروح المطبخ نجيب الايس كريم ونجلس ندعي
عهد :. روحو بس جيبو الايس كريم واتركو الدعاوي
شهد :. اول شي هيا وبعدين الايس كريم
*
بعد ربع ساعه دخلو معاهم الايس كريم
*
حنين:. وينكم طولتو ؟!
اسراء:. دعيييييييييييييينا من قلب عشان كدا لاازم نطول
عهد :. الله يستر من دعاوي شكلكم داعين من قلب
شهد :.هههههههههههه يس من اعمآآآآآآآآق القلب .
*
الموهم جلسنا عند سرو لين الساعه 4 جاء حاتم ووصلنا شهد وعهد بيتهم وبعدين رحنا البيت ..
اليوم الثاني بعد المغرب جالسه مع بالبنات بالمسن محادثه جماعيه نتفق فين نروح اليوم ,, الا شوي امي تتدخل ..
*
ام حازم :. حنو طفي الجهاز تعالي ابغى اكلمك
*
مدري حسيت امي عندها كلام وبعدين قلت لا يكون .. قلت للبنات برب وحطيت بالخارج ورحت عند امي ..
*
حنين :. هلا ايش بغيتي
ام حازم :. حنين انتي دحين بسم الله عليكي جمال ودلال ومو ناقصك شي الا غير ابن الحال
الله ياخذ عدوكم يااشهد انتي واسراء :. امي ايش قصدك
ام حازم :.ههههههههه اقول مو ناقصك غير ابن الحلال وابن الحلال جاء قبل امس وكلم ابوكي وابوكي يقول ماعليه رجال ماعليه وحتى حازم مرة يمدحه
حنين:. مين هو ؟!
ام حازم :.تعرفي صاحب ابوكي حمود
حنين:. اللي عنده بنات بشرى وبشايرمدري مشاعل
ام حازم :. اييوا ولدهم عبدالله يشتغل ضابط كدا اخوكي حازم يعرفه
حنين:. مدري اعطيني وقت افكر واستخير واقولك ردي
ام حازم :. حذي راحتك هذا زواج مو لعبه
*
خرجت امي من هنا وانا لسى يادوب استعوب الكلام اللي قالته ماني مصدقه اني راح اتزوج طبعا بنات عمي كلهم احبهم واعزهم لو في شي طبعا اكيد اقولهم مقر اخبي عنهم شي بس عهد غير احسها نفسي ونفس طبعي ..وعشان كذا على طول كلمتها بالجوال وقلتها وكان ردها .
*
عهد:.هههههههههههههههههههههههههه يااقلبي عليك حنو جات الدعوة لك
حنين :. هبل شكلهم دعو من قلب
عهد:. حنو حيااتي فكري واستخيري اذا طيب وابن حلال وافقي
حنين:. اي هذا اللي ابغى اسوي
*
وانشتر خبر الخطوبه لاني اعلنت الموافقه طبعا شهد واسراء ههههه ماخلو احد الا وقالو له القصه نشروها على مسوى العائله ..
صارت الشوفه وبعدها الشبكه وبعدها الفرح .. طبعا وقتها تعبت تعب مو صاحي من الاسواق مرة انزل مع البنات ومرة مع امي ومرة معايا عهد وحاتم
حتى اقولهم مااراح انزل السوق معاه مررة من كثر مانزلت ههههههه>عارفه كلام بس مافي وحدة تستغني عن السوق ..
الموهم انا زي اي عروسه يكون همها بيوم الفرح الفستان والتصوير وشريط الزفه ..
فانا سويت حركه اني ادخل مع حاتم وبعدين هو يدخل ..
فاكان اقتراح اسراء..
*
اسراء:. حنو اسمعي سوي الزفه عادي ولا تحطي مقطع انو حاتم معاك
حنين:. لالامو حلو بالله ندخل سكيتي
اسراء :. لا نخلي الدقاقه تغني وبعدين اذا دخل زوجك المصون شغلي الشريط مع دخلته كدا حركه سويتها
عهد :. من جد فكرة
حنين:. خلاص مدام عجبتكم اسويها ..
*
فكانت موفجاءة من اسراء انها هيا اللي غنت بدل من الدقاقه ,, انا في البدايه من الخوف والربكه ماانتبهت الا حاتم يقولي
*
حاتم :. حنو اللي تغني مو الدقاقه
حنين :. الا الدقاقه اجل مين
حاتم :.هههههههه والله عبدالله لاحس مخك هذا مو صوت اسراء
حنين :. الا ياااااقلبي عليييييها
*
وقتها كانت تغني ..
يا دلع يا دلع ادلع بين الحلوين اتطلع
يا دلع يا دلع ادلع بين الحلوين اتطلع
روحي حبت روحك وقلبي فيك اتولع
روحي حبت روحك وقلبي فيك اتولع
الحمد الله عايشه مع زوجي عبوودي احلى عيشه الله يديم علينا السعادة يارب ..
(عهد )
اي اشوى جالي الدور .. كانو الثاني المرح يبغو يتكلمو بس شكلهم راحو يسو مقلب في احد ..
المهم اكيد تبغو تسمعو اخر اخباري بثلاث السنوات اللي راحت
*
*
بعد فرح حنين حسيت بوحده مو عن شي بس مكانها خالي .. وشهد واسراء احسهم مهابيل شوي صح يعجبني هبالهم واهابل معاهم بس هما يطلو الهبال وانا مااتعودت اسوي نفس خبالهم ..
واذا جات حنو اجلس معاها هرج هما يجلسو يعلقو علينا ..
بعد فرح حنين خالتي أمينه جلست تبكي . كانت مااسكه دمعتها لين ماراحو المعازيم ويبقى احنا .. طبعا الكل راح بس جلسنا احنا البنات عندها لو تبغى مساعده..واسراء بعد اتفاق هيا وشهد
انها نتام عندنا ..
المهم ..جلست خالتي تبكي وانا من اول ابكي بس مو مرة عشان لا تبكي خالتي بس لما دخلت الغرفه وشفتها تبكي فكيتها شوي تتدخل شهد بدفاشه يلاااا حااتم يقول اطلعو
طلعنا وبالسياارة كان هدوء عداء اسراء وشهد طاح عليهم هرج وهلوسه مدري من فين ..
*
عهد بصوت باكي :..انتي وهيا ماتعرفو تخلو الكلام بالبيت
شهد :. لا
اسراء:. ههههههههههه
عهد:.من جد ناس فاضيه
اسراء:. ياختي روقي حنين راحت لبيت زوجها مو للمقبرة
عهد :. بسم الله عليها
شهد :. من جد انتي وخالتي وحنان الله يعين زوجها فاتحين مناحه مدري فين رايحه البنت
ام حازم :. يلا عقبالكم
شهد :.هههههههههههه لالا خالتي عقبال عهد وبعدين احمد وحاتم واخر شي انا واسراء
ام حازم :.عشان تروحو لرجالكم ومخلص خبالكم ههههه
اسراء :. علييك نوور اجل لو اتزوجنا دحين رجعونا لبيوتنا
عهد :. اجل خلاص اجلسو وعنسو
شهد :.ههههههههههه واحلى عنووووووسه مع احلى خبااال
ام حازم :.الله يسعدكم يآآرب ونفرح فيكم زي مافرحنا بحنين
*
وعدت الاياااام على خير ...
وشهد واسراء كل ماشافوني جلسو يدعو يقولو دعوتنا مستجابه زي مااازوجت حنين انتي تلحقيها وبالفعل بعد 4 شهور جالي عريس شهد من يوم ماسمعت الخبر حتى قبل لا تسمع الموافقه
دقت على اسراء وجلسو يخابلو كاني وافقت
بس استخرت والحمد الله ارتحت .. وافقت ويوم الشوفه..
*
كنت لابسه تنورة جنز طويله وبلوزة فوشي حيران ومستشورة شعري ومكياج ناعم ..
طبعا اسراء كانت عندنا من الظهر وكانت مسنترة هيا وشهد تريقه انا اعصابي محروقه وخايفه وهما تريقه كم مرة اطردهم من الغرفه ويرجعو بعد ساعه وكانو ماسو شي ويعدو الموال
بعد المغرب جات حنو ومسكوها البنات تريقه .. قبل لا انزل كنت واقفه قدام المرايا اشوف شكلي
*
اسراء :. عهووودا غيري البلوزة
عهد :. لــــيش فيها شي
اسراء :. اي
عهد :. يآآآآربي لو اتكلمو من الزمان انها ماهي عدله مو دحين لما جيت انزل
شهد :.اي تغيري الرجال بالفووووشي
اسراء وشهد :. هههههههههههههههههههههههههههههه
اسراء:. يروح فيها الرجال من الجمال
عهد :. كانت تعطر ومسكته ورمته على شهد والفرشاء على اسراء
حنين:. عهوودا ماعليكي فيهم ماتعرفيهم ماعندهم سالفه
اسراء:. ارحمي بس يالحرمه دحين صرنا ماعندنا سالفه
*
نزلت مع فهد وانا قلبي يرقص .. وفهد جلس يهدي فيها ..
عهد :. فهد ماراح اطول
فهد:. ليش ياروح امك
عهد:. يعني احط العصير واخرج
فهد :. لا حطي العصير واجلسي شويه واخرجي
عهد:. طيب
*
دخل فهد وانا بعد خمس دقايق سميت بالله ودخلت وشفته جالس سلمت بس اشك انه سمع اول ماخذ العصير جيت اخرج بس مسكني فهد وجلست
خالد :. كيفك
عهد بصوت واطي :. الحمد الله
*
وجلسنا ساكتين وبعدها رحت قمت فهد يغمز على الاساس اني اجلس بس انا ضرب العناد ورفضت .. ولما خرجت كانو الثاني المرح فوق راسي ايش صار وايش ماصار ايش قال وايش ماقال.. طلعو روحي قلت ايش صار بالزبط ....
*
فرحي بالاجاازة الكبيرة .. دعواااتكم اني اعيش بسعاااااااده ...
(.. أحمد ..)
الحمد الله خلصت من قرف الدرااااسه العااام ,, وجلست 3 شهور براحه وبعدين بامر من ابويا اني اشتغل .. بالفعل اشغلت بالشركاء مع اخواني..
يمكن ماااعندي احدااث زي اللي قبلي كل واحد جالس يحكي عن حياته وكيف اتزوج وايش صار من احداث ...
(..شهد ..)
اهلن ياااحلووين ,, الحممممد الله خلصت من الثاااااااااااااانويه وقرفها والحمد الله دخلت الجامعه واحلى شي بالجامعه انو فيها سرو وبعض الاحيان نتقابل ونجلس نخابل لين كل وحدة تروح محاضراتها ..فدييتها بنت عمي وربي انها خطيييرة وفله وكل شي ..ههههههه ..
اذكر مرة جانها فهد قال امي انا حاامل بدل مايقول سمر حامل من كثر الفرحه لخبط المسكين ههههههههههههههههههه وااااه فديييته مؤيد يجننن اصلا سمر تقول راح يطلع شقي خلقه لانه ولد وشقي بزياده من كثر مايجلس معايا .. من يوم ماتعلم الكلام اول شي علمته بقاله هههه مو لله عشان اذا طلب اكتب ورقه لاشياء اللي ابغها ..
(..حاتم.. )
السلااام عليكم اشوى الحمدالله اخمد وشهد ماعندهم هرج زي المتزوجين هههههههه كل واحد اذا هرج هرج ..ههههه انا ثلاث سنوات جالس كرف بكرف اول فرح فهد لاازم نساعده اول واحد يتزوج ولاازم نفرح فيه وعاد شغل معاه ومع امي وحنين السوق والخياطه ... وعاد بعدين فرح زيوود حبيبي توائم روحي عاد اذا مافرحت في افرح بمين عاد حتى الاثاث رحت معاه
جده واشترينا اثاث .. وكل شي يدي يبده ,, وبعدين فرح حنووو حبيبتي وربي يوم فرحها حزنت عليها كانت تبكي بالغرفه يوم مادخلت كانت عندها عهد جالسه تزبط الفستان مدري ايش
*
حاتم :. دحين انا انزف معاكي
عهد :. لا ماتنزف بس توقف بالشرفه
حاتم :.هههههههه ياختي اقول معاكي يعني حنو
حنين ابستمت ابتسامه وحده خايفه :. خلاص مافي فرق
حاتم :.هههههههههههههه اماا مااافي فرق بيننا
حنين :. لا تجلس تدقق
حاتم :.ههههههههههههههههههههههههههههههههه خلاص بسكت
شهد :.آآآآه منهم عااشو
حاتم :.هههههههههههههه غلط النمرة مو هنا الكوشه
شهد :.ههههههههههههههههههههه احلف
حاتم :. والله
شهد :. المهم وين المخبرة
عهد :.شوفها فوق الطاوله
حاتم :. لحظة ابغى اتبخر قبل لا اتنزليها
شهد :. يآآآآآربي من اول في ماتحلى الا لما انا طلبتها
عهد:. وي اصبري
شهد :. لآلآلآلآ طلبت مايطيق الصبرااا دحين
عهد:. لو جات اسرا بدالك ابرك
شهد :.هههههههههههههه لا والله فله اسراء اضاربت مع الدقاقه
حاتم حسيت الموقف حلو منها حنين تغير جو وانا اسمع :. ليش ايش سوت
شهد :. قبل شوي تبغى اغنيه حقت راشد فرقنا القدر المهم والدقاقه معندة كل شوي شويه شويه اخر شي عصبت قالت غني مو اذا جو اهل العريس غنيني وانا ليا اغني
لو ماتبغي انا اغني عاد المسكينه قالت غني قال اسراء طيب قولي للرجال يزبطو الدق على الاغنيه والمسكينه بكل ثقه تتكلم على بالها اسراء تمزح بس بداء الدق وقال الرجال الموال
اسراء تاخذ المايك وتروح بعيد وعند البنات وتغني وهيا قاتحه فمها مصدمه
حنين:. هههههههههههه
شهد :. خلاص بنزل برقص
حاتم :. روحي بس وكملي خبالك ..
*
فدييتها بس شهد هالبنت خبله مااتوقع يوم من الايام تعقل ...
(اسراء)
السلااااااااااام اخيييييييرااا جاء دوري ...
اونس شي الافراح مستمرة كل اجازة هههههه بس ياخوفي يجي دوري الاجازة الجايه ههههههه..
فرح فله وفرح زيااد افل ههههههههه قهرني يوم الفرح جيت انكد عليه هو وامال بس الاخ فهد قال له كل شي ومن يوم ماشاف وجهي قال اذا عندك شي مهم قولي واذا ماعندك شي براا
بس ماقصرت في رفعت ضغطه ..
وبعدها فرح حنين وناااااااسهـ اول وحدة بالشله تتزوج وربي فله جننتها كل ماشفتها اجلس اغني اغنيه ياشرطي وكم مرة احط لها نغمه مرة لزوجها ومرة نغمة للكل لين المسكينه ماحطت لجوالها رقم السري..
وبعدها شوفه عهوودا وااااااو وربي فله طلعت الشيب براااسها هيا خايفه وقمت اشككها بنفسها وهيا المسكينه تصدق من الظهر لين للمغرب وهذا تعصب علينا ووتطلعنا برا الغرفه ونرجع ولين ماجات وحنين ورحمتها ..
(
..هــــذي اهــــم الاحــــداث اللي صـــــــارت لي ابطالنا ..)
قراءة ممتعه
البارت 43
يوم الاربعاء0اتفقو البنات يروحو عند حنين في بيتها يسهرو سهره بما انو زوجها عنده مرابطه مايجي غير الفجر ..
اسراء :.مالت وربي كبرنا
عهد:. لابالله دوبك تعرفي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك