رواية تحياتي لمن دمر حياتي -3
فطوم: طبعا بيمر بسرعة (غمزتهااا )
نورة: سيريي لااااااااااااااا أذبحج الحين
و هم في الطريق نازلين لتحت نورة لفت ويها الا فجأة تيي بوية وتمسك هند من خصرها وتمشي وياها
نورة تمت واقفة تطااااالع وهي معصبـــــــــــــــه!!..بتض ربها بعد شوووي ..
فجأة لفت هند ..: ويييييييييي نورو نسيتهاااا !!!
أمل :منو نورو ؟؟
هند:(ابتسمت ) اللي واقفة تطالعنا هناااك ..
أمـــــــــل : وييييييي شكلنا بنضرب اليووم
وراحت هند عند نورة ..و هي بعدها واقفة تطالع ..
عرفتها هند على أمل : نوااري هذي أمل ربيعتي ..
نورة (طبعا مب عايبنها الوضع) : هلاا والله
أمل : هلاا فيج ..
و سكتت نورة ..
هند: ها أمول كملي شو كنتي تقولين ؟؟
أمل : ما شي بس أقولج يايه هني بروحي
(نورة ساكته و تسمع ... كانت تتحراها حبيبة هند أو شي )
هند: ليش وحبيبتج وين ؟؟
أمل : لااا يبه خلاااص هديتها ..
هند: ليش ؟؟
أمل : ما ادري ..ما عندها اسلوب بالتعامل ..so0o low class !!
نورة اندمجت معاهم ... زال عنها الخطر مثل ما يقولون ..
نورة: عاادي.. لفي ويهج بتلاقين 10 غيرها
هند: نعم نعم ؟؟ وانتي متى لفيتي ويهج ان شاء الله ؟؟
نورة : شوفي انا ما يحتاي الف ويهي ..هم بروحهم ييون
هند : اوكي روحيلهم ..
أمل : هههههههه خلااص شفيج ما قالت شي
هند: والله ؟؟ و شو اللي سمعته من شوي ؟؟؟؟
نورة: هذي الحقيقة ..أحد يزعل منها ؟؟
أمل: لااا
نورة(راحت حق هند و قربت منها) : حبي خلاااااص ...عشااني ..
هند: انزين .....
امل: أدري بها بسرعه ترضى ....
نورة : ههههههه ..انزين أمل نحن بنسير ..يالله سلاام ..
امل : سلاام
و قاموا ..وسلموا على البنات ..و راحوا البيت ...
ثاني يوم ..اتصلت هند في نواارة ..
هند: صبااح الخير ...
نورة: صبااح النور حبيبي
هند: شحااالج شخباارج ؟؟
نورة:دامني إني كلمتج أنا بخير ..
هند: فدييييييتج حبيبتي إنتي
نورة: هاااا ؟؟شقلتي ؟؟
هند: أقووول فديتج (تتحراها ما سمعتها )
نورة: لاا الثاانية ..
هند(فهمت عليها ) : أقووولج حبيبتي انتي
نورة: لاا أنتي حبيبتي
هند: خلااص اللي تبينه
نورة: فديت اللي يستحون والله ..
هند: أقووولج حبي لاازم أشووفج ..
نورة: توج البارحة كنتي وياي ..ولاا ما شبعتي من ال............
هند (استحت ) : ................................
نورة: ههههههه خلااص الحب تعالولي البيت
هندك انا ما عندي مانع بس متى تبين ؟؟
نورة: حيااج الله بأي وقت ..
هند: انزين عقب باااجر ..
نورة: أكييييييد ..تنورييين
هند: النور نورج حبي
نورة: خلااص عيل ..
و تموا يسولفون شوي ...و بعدها راحت نورة تصلي
يمكن التناقض اللي بشخصية نورة يخليكم تستغربوون ..لااا عادي ..هي كانت تقوول
الصيـــــــــــاعة والأغاني والحركات على صوووووب ..والله والدين والعبادات على صووب ثاااااني
و بعد يووم ..
هالفترة كان يدهم واايد تعبان ..و خلااص على آخر ايامه ..وأمها كله تصيح ..تخيلو التوتر اللي في البيت
كان المفرووض هنوودة تييهم باااجر ..و نورة كانت مستانسة ..لأنه ما باقي شي وبيسافرون ..
بس تعودنا ان اللي تبيه نورة ما يصير صح ؟؟
مضى اليوم على خير .. بالليل كانت نورة راقدة في حجرة إختها ..و يسولفون ..فجأة سكتوا ثنيناتهم و قعدوا يصيحوون ..نورة كانت حاسة انه في شي بيصير ....استغفروا ربهم ورقدوا
و ثاني يوم الصبح على الساعة 9 سمعت صراااخ وحد يصييييح ..
قااامت بسرعة من فرااااشها وراحت تشووووف ..لقت امها يالسة على طرف السرير و تصيح و حولينها عمتها و حرمة عمها يهدونها وابوها واقف على الباب ..عرفت انه يدها توفى ..
عمتها : نوورة حبيبتي شو مقومج الحين؟؟
نورة: سمعت صوت صيااح وقمت
عمتها: عظم الله أجرج ..
نورة: أجرنا واجرج ..
و بدوا الناس ييون يعزونهم ..
وهي يالسة في العزا ..تذكرت شي مهم وقامت حجرتهاا ..
نورة: يالله ردي حبي يالله
هند: ألــــــــــو
نورة: هلاا حبيبي
هند: هلاا فيج ..
نورة : حبي أنا مستعيلة بس بقولج شي ..اليوم عندنا عزا وما اقدر أشوووفج
هند: عززاااا ؟؟ عزا منوو ؟؟
نورة: يدي الله يرحمه
هند: ...عظم الله أجرج حبي
نورة: أجرنا وأجرج .. يالله باااي
هند : باااي ..
ومرت أيام العزا .. أيام صعـــــــــبة ..
و بعدها بفترة دقت نورة على هند وعزمتها عندهم على البيت ..
اتفقوا انه تييها الساعة 5 ..صارت 5 ..5 ونص و هند بعدها ما ياات ..
فجاة رن الجرس ..
ركككككككككض راحت تفتح الباب ..
نورة: هلااا والله ..حياج الله دشي ..
هند: هلاا فيج ..
و صعدوا الحجرة مع بعض ..
نورة: يالله عليووووي اطلع برع
و صكت الباب ..و فصختها العباة ..كانت لاابسة بنطلون وردي فاتح ..و توب رقبه وردي وازرق ..
فجت عيووونها نووورة.. شكلها كان واايد حـــــــلو ..
يلسوا و تموا يسولفون شوي ..بس نورة كان فبالها شي ثاني ..راحت و قفلت الباب ...
هند: شوو فيج ليش قفلتيه ؟؟
نورة: ماا شي ..أضمن ما حد يدش ..
هند: اوكي ..<< برااااءة
و يلست عدالها .... و فتحت ربطة التوب مالتها .. (و هند ساكته ) ... ووو .............*****
و بعدها قامت هند .. وعدلت عمرهاا ..و دورت على التوب مالتها و ما لقتها ..
هند: نواري التوب مالتي وين ؟؟
نورة: ما أدري ..صبري ..(و طلعتها من تحتها كانت يالسة عليها ) ..
قربت نورة من هند . :. كم تدفعين عشان تاخذينها ؟؟
هند : بليييييز عطيني أخاف حد يدش ..
نورة عطتها ولبستها
هند: (تطالع الساعه) ويـــــــه تأخرت !!!
نورة :عادي ..شفيــــج يلسي ..
هند: لاا حبي ما أقدر ..يالله بروح ....
نورة وصلتها للباب وهي ما تبيها تروح ....
وقبل ما تطلع بشوي ...حشرتها نووروو بزاوية ...و حاطة ايدينها على الطوفة ومخلية هند بالنص ...
نورة: دقي علي يوم توصلين انزين ..
هند(ويهها أحمر) : ان شاء الله ...
نورة: أحبــــــج ...
وراااااحت ....
::::::::::::::::::::::::
بعد أسبوع كانت نورة بتساافر ... وباقي يومين على السفر ..دقت عليها هند وقالتلها انها بتمر عليها تودعها ..
وكالعادة تاخرت هند ..
بعدها مرولها هي و فطوم وودعوها ..يلسوا شوي ..بعدين تأخر الوقت وهي كانت لاازم تجهز أغراضها ..
فودعوها ..تمت حاضنه هند فترة .. ما تبيها تروح عنها ....كانت حاسة انها ما بترد مرة ثانية ..
ليش يا ترى ..؟؟ خل نشووف ؟؟
البارت الثالث
(بعيد عن العين ..بعيد عن القلب !! )
ياه يوم السفر ..كانوا بيروحون سوريا لأنه كان لها خاله وعمه هنااك ..كانوا قاعدين في سوريا لأنه رياييلهم يشتغلون في سفارات الدولة هناك ..
وصلوا سوريا .. خالتها طرشت سيارة المطار عشان تاخذهم ..
كانت وااايد مشتاقة حق هند ..لفت راسها على الشباك وطالعت الشجر والزينه ..
(الله !!واايد حلوة المنطقة) ..حاولت تشغل نفسها عن التفكير فيها ..
وصلوا بيت عمتها و تغدوا ويلسوا معاهم لثاني يوم ..بدت نورة تمل لأنه ما في شي تسويه ..
نورة: عموووووو مليت
عمتها: انزين تعالي بنتمشى شوي ..
راحوا يتمشونهي وعمتها و بنت عمتها ويا بعض .. ودتها محل قريب منهم ..
نورة: عمووو وين بتوديني ؟؟
عمنها :تعالي يوديج عند واحد ربيع اخوج و يقربلنا بعد ..
نورة : شسوي عنده ؟؟
عمتها : تعالي بس ..
و راحوا دشوا المحل ..كان حق حق ابوه بس هو يقعد فيه ..
عمتها : مساء الخير نوااف ..
نواف: يا هلاا والله ..
عمتها : هذي نورة بنت أخوي
نورة: شحاالك نواف ؟؟
نواف : بخير والله وانتي ؟؟
نورة: الحمدلله ..
سلمت عليه و عادي تمت عمتها تكلمهم شوي و عقب راحوا ..(يا ربي واايد مؤدب ما شاء الله عليه ..ما طالع فيني حتى ) .. عجبتها شخصيته واايد ..
و مرت الأيام ..و نورة كانت عادي مستانسة في القعدة ..
مرة مروا من جدام نفس المحل ...و نورة لااحظت واحد يطالع فيها من ورا القزاز ..
نورة(تكلم عمرها ) : معقولة نوااف ؟؟ لاا هو وايد مؤدب ..مستحيل يمكن حد ثاني ..
و طلعوا بيت عمتها ..
نورة: عنودي تعالي أبي اسمع أغاني
عنود(بنت عمتها ) : انزين فتحي اللاب و سمعي
(عنود هي بنت عمتها واصغر عنها بثلاث سنين )
نورة: اوكي
سمعت الأغاني ووايد عجبوها .. قامت نادت عليها :عنوودي أبي السي دي
عنود: نويييرة ما عندي عند ولد عمي ..هو نزلي ياه هني
نورة: اوكي يوم تشوفينه قوليلة ابااه بنزله عندي و برده
عنود: صبري بناديه لج الحين
نورة: شووو تناديه تعااااااالي لاااااااا
عنود: ساارة .. روحي نادي أحمد من تحت خلي ايي
(عمتها كانت ماخذه واحد سعودي بس بنات عمتها كلهم يرمسون نفس أمهم )
بعد شوي وسمعوا احد يطق باب الغرفة ..
عنود: تفضل حياك
أحمد: السلاام عليكم
نورة +العنود : عليكم السلاام
أحمد : ها بغيتوني بشي ؟؟
عنود: هذي بنت خالي نورة و تبي الأغاني اللي منزلها لي
أحمد: أكيد الغالية ما طلبتي شي ..عطيني يومين و بجيبلك ياهم ..
نورة( منحرجة واااااااايد) : آسفة ادري أزعجناك ..
أحمد: لاا إزعاج ولا غيره ..
نورة: مشكوور ما قصرت
(كانت عنود حاطة فيديو كليب معنى الحب لسامو زين )
نورة: الله أمووت على الأغنية
أحمد: والله و أنا بعد
نورة: ترااك وايد تشبهه لسااموو
أحمد : هههههه الكل يقولي
نورة: ( تصرف الموقف ) شفتي فيلم 90 دقيقة ؟؟
العنوود: نوووو ..ليشانتي بعد ما شفتيه ؟؟
نورة: لأ ..
أحمد: أنا أقولكم شصار ..
و تم يكلمهم عن الفيلم ويطالع بنورة و نورة منحرجة وتبيه يروووح
نورة لااحظت إنه بسرعة اندمج وياهم .. و عاااااااااادي .. و كان وايد يطالعها وهو يرمس ..
و بعد شوي خلص كلامه وراح ..
نورة ما اهتمت للي صار ..
و بنفس اليوم كانت يالسة على البلكونه اللي في غرفة بنت عمتها ..و شافت علي واحمد طالعين بالسيارة ..
رفعت يدها (كأنها تدق تحية ) لفوااز .. ردلها التحية وبعدها رفع احمد يده و تم رافع يده و يطالعها و يرمس في الفووووون ..
هي ضحكت عليه ضحك..
عنود: نويرة تعرفين إنه أحمد ونوااف إخوان من امهم ؟؟
نورة: والله ؟؟ عيل أبو نواف من وين ؟؟
عنود: من عندكم ..
نورة: اها ..اوكي ..
قعدوا 3 ساعات يسولفون على البلكونه ..ليمن شافوا نفس السيارة ردت ..رفع أحمد راسه و ابتسم لهم و دخل داخل ..
نورة استغربت من حركته ..
بدت شوي شوي تفكر فيه ..(ليش كان يطالعني ؟؟ و ليش ابتسم ؟؟ معقوولة ...............؟؟ لااا مستحيل ) ..
العنود لااحظت عليها : نورة ليش سرحاانه ؟؟
نورة: هاه ؟؟ ولاا شي ..أفكر في ربيعاتي
و قامت و دقت على هند و رمستها شوي ..
ثاني يوم تموا راقدين لين العصر ..قاموا وتغدوا و قعدوا على البلكونه بعد العصر لأنه كان وااااااااايد حر ..
تموا يضحكون و يسولفون ..لين غابت الشمس ..
طلعوا شوي مع عمتها وراحت شافت أمها و بعدها ردت بيت عمتها ..
كانوا متعودين كل يوم الساعة 12 يروحون يتمشوون ..نزلوا يتمشوون ..و هي نازلة على الدري طلع أحمد بويهها ..
أحمد: هاااااااي نوورة
نورة: هلااا ..
أحمد :كيفك ؟؟
نورة: بخير الله يسلمك ..
أحمد: وين رايحين ..بتتمشون ؟؟
نورة: هيه ..
نزلت العنود و راحوا ..
و يوم ردوا البيت طلعت نورة و قعدت برع عمدا ً .. كانت تبي تشوفه ..
كان قاعد تحت ويا ربيعه .. وهو يدري إنها فوق ..و كل شوي يطالع و ينزل عيونه .. و بعد نورة كانت تطالعه .. يوم قام ربيعه وصله بيته و رد .. و كانوا بعدهم برع ..العنود ما كانت تدري بشي ..
رجع و كان حاط أغنية معنى الحب و معلي الصوت ..نورة ابتسمت ..و تم برع يسولف وياهم من تحت لين أذان الفير .. راح صلى و رد ..
أحمد: يالله تصبحون على خير ..
نورة: وانت من اهله ..
مرت الأيام على هالحال .. كل يوم يسهرون وياه لين الساعه 5 الفير .. نورة تأكدت إنها تحبه ..و قررت تتأكد من مشاعره هو ناحيتها ..صارت تسأل العنود عنه ..عن حياته .. و عرفت أنه مرااابع واايد بنات ..و عرفت شوي عن اهله و عيلته
::::::::::::::::::::::
و ثاني يوم كانت وايد تعبانة ..قامت من النوم و ما رضت تتغدى ..كانوا بينزلون يروحون بستان قريب عليهم .. نزلت تتريا العنود لين ما تلحقها ..و هي نازلة تعبت واايد ..كان قلبها يعورها ..تسندت على الطوفة بتعب ..فجاة دخل أحمد ..
أحمد: نورة شو فيك ؟؟
نورة: ما شي ..بس قلبي يعورني شوي ..
أحمد: أنا اللي اعرفه انه الل قلبه يعوره يكون طاايح بغرام أحد ..
نورة : (فجت عيونهاااااااا ) هاااااااه ؟؟
أحمد: اعترفي مين سعيد الحظ ..؟؟
نورة لقتها فرصة ..و قالت : هيه ..الصراحة أنا أحب ..و اسمه يبدا بحرف a..
هو ابتسم و قالها ..: عرفته .. هذا آسم (قاسم ..بلهجة اهل سوريا ) .. و ضحك
بعد شوي نزلتلها العنود و كانت بتييب عصير .. الدكان كان عدالهم ..
العنود: نورة شو تبين لونه
نورة: أحمر
طالعها أحمد و قالها : أيوة أكيد ..كل شي فحياتك أحمر الحين ..
أقوول جيبولي معاكم وردة من هناك ..
نورة ضحكت ..
بعدها بيوم ..دخلو بيت يدها اللي عداالهم .. و كان شي ماي في الأرض .. والشغالاات كلهم عند عمها الثاني لنه كان مسوي عزيمة ..
نورة: وييييييي الأرض كلها مااي .. روحي ييبي شي أشل فيه الماي ..
راحت العنود ويابت سطل ماي ومساحة ..و تموا ينظفون .. كانوا متاكدين إنه محد في البيت ..فجاة دش أحمد ..
أحمد: شو تسوون ؟؟
العنود: نشل الماي اللي كان على الارض ..
أحمد: اوكي ..
و دش غرفته ..
كان محتااج لقميصه الأبيض وكان مب مكوي ..فقعد يحاول يكويه . ما عرف ..راح نادى على العنود : عنود ..تعالي ساعديني ..
عنود: شو تبي ؟؟
احمد: اكويلي القميص
عنود: انا ما اعرف .. خلي نورة
نورة: ولا أنا اعرف ..
احمد : خلاااص بلبس واحد غيره .نورة شرايك في الأسود ؟؟ ولا الازرق ؟؟؟.
نورة :عادي كلهم حلوين ..
و هو طالع قالها : عنود توصين شي من السعودية ؟؟ رايحلهم باكر ..
عنود: لاا مشكوور ..تبي مساعدة في ترتيب الأغراض ؟؟
أحمد: لاا كل شي جااهز ..
نورة كانت مصدوومة ..بيسافر ؟؟ ليش ؟؟ ما لحقت أتهنى يا حظي ,,,,
و طلعت بيت عمتها بسرعه عشان ما تفضخها دموعها ..
و ثاني يوم رفضت إنها تطلع برع عشان ما تشوفه يوم يروح ..و كان كله ضايق خلقها و تعبانة وتصيح
عنود: شو فيج انقلبتي مرة وحدة ؟؟ ليش تصيحين ؟؟
نورة :العنود بقولج شي .. أنا أحب أحمد
عنود (مصدوومة) : شووووووووووو ؟؟ من متى ؟؟
نورة: من أول يوووووم رمسني فيه و بين اهتمامه ..بس بليز لاا تخبرين احد ..
عنود: أكيد ما بقووول (.و قربت صوبها ) ..خلااص حبيبتي بسج صيااح ....
و تمت تهديها
::::::::::
..... ثاني يوم قاموا الصبح ..كان الوضع غريب ..كل الناس محطية على الأخبار ..كان في حرب على لبنان .(أمطار الصيف ) ..الكل كان خايف ..لأنه سوريا وايد قريبة على لبنان ..
طلعت و صارت تسأل ابوها شصاير وقالها ..كانت خااايفة انها ما ترد مرة ثاانية ..
بنفس اليوم دقت عليها هند ...وكانت خايفة عليها واايد ..هند بعد كانت مسافرة ..رمستها وقالت لها لاا تخافين و كل شي بيكون اوكي ويلست تهدي فيها ..
\\//
مر أسبوع على الحرب ..السفارة أمرتهم انهم يسافرون بأسرع وقت .. راح أبوها وحجز لهم تذاكر ..كان السفر باااجر ........
نورة كانت تحضر شنطتها و هي قاعدة مع عنوود ..خلصت كل شي و قفلت شنطتها ..راحوا البيت اللي كانت يالسة فيه أمهاا و حطت اغراضها و شنطتها ويااهم ..
و بعدها قعدوا في زاوية بعيدة ..هي و العنود ..و كانت ترمس عن أحمد ..
نورة: عنود أمانه إنج تقولين له يوم يرد ..نورة تقولك انتبه على عمرك ..
عنود: خلااص من عيوني ..بس انتي لازم تنسينه ..
نورة : أوعدج اني بنساه ولا أفكر فيه أبد ..
و صار وقت يروحون المطار ..نورة حضنت عنوووود بقوة و صارت تصيح .. بعدها صاحت العنود ..وودعتها ووصتها تنتبه على عمرهاا ..و قالتلها إنها بترد بأقرب وقت ..
و راحوا المطار .. كانوا يتريوون رحلتهم ..قعدت نورة على صووب وهي خلااااص مختنقة ..كانت مشتته ..تبي تنساه خلاااص ..و قررت أنها بتركز على هند و بتنسااااه ..و فعلا تمت طول الرحلة تفكر بهند ..
ووصلوا أخيرا ً للمطار .. كانت عمها يترياهم هنااك ..سلمت عليه ودشت السيارة بسرعه ..
و راحوا البيت ..دشت ترقد على طوووول ..لأنها ببساطة ..قررت تسوي كل شي عشان تنسااه !!
//\\
مرت الأيام .. قدرت إنها تركز على حبها ..هند .. ولقت نفسها يوم بعد يوم ما تفكر فيه و تتذكره ..بس الموضوع ما كان بهالسهولة ..يعني فجأة يوم تكون زعلاانه و تتذكر اللي صار فيها و تقعد تصيح ..
كانت كل يوم ترمس هند ..هند بعدها مساافرة ... و كانت بتتأخر عن المدارس أسبووع ..ولهت عليها واايد ..علقت عليها آمال كبيرة أنها تنسيها كل اللي صار..
و خلصت الإجازة ..و الحين سنه دراسية يديدة ..صف تااسع ..يا ترا شو اللي ينتظر شخصيتنا من أحزاااان ؟؟
تاابعوني ..
الفصل الثالث
(غرامك صار عنواني ..و انا قبلك بلا عنوان)
البارت الأول
(إنت روحي اللي بها أحيا )
اليوم أول يوم دوام ..سنه يديدة .. و صف يديد ..شخصيتنا كانت ضاايعة ..بين الماضي ..اللي ما حمل غير احزان و آلاام .. و بين المستقبل ..اللي يوديها للمجهووول ..
دخلت صفها اليديد .. طالعت في ليست الأسامي ..
نورة: ييييييييييييييييييييييييي يييس !! منووو ويااااااااااااي
منوو كانت ربيعتهاا من صف ساابع .. و كانت ويااها واااااااااايد كلووووووووز ..
راحت سلمت على ربيعاتها اللي في شلتهم .. ما كانت تحبهم واايد بس مضطرة عشان هند هي بعد ربيعتهم ..
راحوا استلموا الكتب و تعرفوا على مساتهم ..و تكلمت وياربيعاتها اللي من زمااااااااااان ما شافتهم
مر اليوم بطئ .. بدون هند كانت المدرسة عذااااااب ..و بعد باجي اسبوع على ما تداوم ..
كانت كل يوم تعد الأيام اللي باقية عشان تيي هند .. مر الأسبووووع ببطئ ..بطئ ..و ياه يوم الخميس ..قامت نورة من النوم ..و هي ما لها خلق تروح المدرسة ..
نورة: أفففففف يااا ربي ..لازم أداوم يعني ؟؟ ملل بدون هند ..يالله اليوم آخر يوم أداومه بدونها
طالعت عمرها بالمنظرة ..(ويييييييييع !! ليش شكلي جيه ؟؟) ...و راحت تغسل ويهاا و تتجهز حق المدرسة
و راحت المدرسة ..كان خاطرها تكفخ كل البنات ..خلاااااااااااااص ملت
مرت الحصة الأولى والثانية والثالثة ..و نورة كله راقدة على الطاولة ..مب طايقة حتى تشوف المسات ..
رن جرس الفسحة و طلعت بسرعة ..ولا تيها بنت و تقولها :نوووورة تعالي بسرعة هند داااومت
نورة: حلفييييييييييييي ؟؟؟
مريم: والله هي وياي في الصف
و راحت ركض عشان تشوفها ..لقت الشلة كلها متيمعة عندها ..راحت و حظنتهااااااااا بقووووووة
نورة: وحشتيني وحشتيني وحشتيني ........
.هند ( تضحك) : وانتي بعد ..
نورة حستها باردة معاها ..استغربت ...(خلااص خلها تروح ويا البنات .. بشوفها عقب )
نورة: يالله هنوود أخليج ..باااااااي
و راحت تمشي مع منوو ..
نورة كانت واايد مقهورة من برودها ..بس طنشت الموضوع و تمت تسولف ويا منوو
و تلااقوا في الطريق على الكافتيريا ..نورة ابتسمت لها و مرت عادي
و خلصت الفسحة و كلهم ردوا صفوفهم ..
الحصة الرابعة كانت فراغ و منى لاحظت انه نورة زعلانه ..يلست ترمسها و تسألها شصاااير ..
نورة: والله ما صار شي بس مقهورة شوي
منى: من شووقوولي ؟؟
نورة: هند .. صارلها شهرين ما شافتني و تعاملني ببرود ..و انا مقهورة بس أقول يمكن لأنه من زمان ما قعدت وياها ..
منى : هيه يمكن عشان جيه ..خليها بروحها بترد نفس زمان
خلص اليوم .. و نورة راحت تتريا هند على المدخل ..يت هي والشلة ..
نورة: افففففففف !! ما أقدر أكلمها كلمتين على هدوء ؟؟
هند: هلاا نواري ..تترييناا
نورة (حست بالفشلة) : لااا توني ييت ..
و تمشوا لين مدخل المدرسة و عقب كل وحدة روحت ..
في البيت ...
نورة قامت من النوم و هي ملاااانه خلااص روحها بتطلع ..يلست بروحها ..ما لها خلق تشوف احد
نورة: كل الناس اليوم برع و مستانسين الاا انا في البيت ..
راحت دقت حق هند و لقتها طالعة ..
راحت درست شوي وطالعت تلفزيووون و رقدت من زود الملل ..
هذا الملل اللي كانت الشخص الوحيد اللي يمحيه هي هند ..الملل اللي بدا يسكن فيها ..ملل من الدنيا واللي فيها ..
مرت الأيام وياه شهر رمضان ..
أول يوم طبعا لاازم تيي أخت نورة العودة وتفطر وياهم .. كانت نورة تستانس على اليمعة و السوالف أول يوم رمضان .. و طبعا بنت أختها حبيبتها ..اللي لو شو ما يصير ما تستغني عنها
و قبل الأذان بشوي رن الجرس .. وراحت نورة استقبلتهم ..و فطروا مع بعض ..و يلست نورة هي و بنت اختها في الغرفة و تمت تحطلها ميكب و تلبسها و تصورها ..
كان يوم حلو بالنسبة لها ..
يوم الأحد كانت تهني كل ربيعاتها برمضان وتعايدهم .. راحت لصف هند و يلست معاها شوي .. كانت واايد ولهاااانه عليها و تبي تضمها و تقولها أحبج ..هند بدا تعاملها يرد نفس أول ..كل المشكلة كانت بسبب البعاد عن نورة ..
و في الفسحة .. خلااااااااص نورة ما تقدر تستحمل أكثر ..راحت و لقت هند مع الشلة ..
نورة: هنووووود ..تعاالي أبلة العربي تبيج
هند: اففففففف وقتها الحين ؟؟
و راحت وياها ..بس مب حق أبلة العربي ..عدال صف هند كان في باب طوارئ لو صكوه
يفتح بس من داخل .. نورة استغلت الوضع ..و هند كانت مستغربة ليش يايين هني ..
نورة صكت الباب و مسكت هند ووقفتها وراه .. وابتسمت ..
نورة: يالله عاد تعرفين شو أبي ..
هند(تستهبل) : والله ..ما اعرف ..شو تبين ؟؟
نورة: بوسة
هند: لااااا ..
نورة: بليييييييييز والله بس وحدة ..
و قربت صوبها .. (...............***** ) ..
رن الجرس .. و طلعوا الصف .. و بالصدفة لقوا فطوم ..
فطوم: هاا شو كانت تبي ابلة العربي ؟؟
هند: أي أبلة عربي ؟؟ << ما تعرف ترقع
نورة: هاااا ؟؟ هييييييه ما لقيناها راحت الإدارة ..
فطووم : اوكي يالله بروح الصف
نورة +هند: بااااااي
و نوووورة نقعت ضحك
:::::::::::::::::::
الحصة الرابعة صف نورة و صف هند كان عليهم فرااغ ..و جمعوهم مع بعض ..و تمت نورة يالسة ويا هند ..
هند: أقوولج ..تعالي يوم الجمعة على النادي
نورة: أي نادي
هند: نادي ال............
نورة: اوكي ..بشوف وأقولج
و نفس اليوم نوورة راحت حق أمها
نورة: يما عاادي أطلع يوم الخميس مع هنوود <<أمها تعرفها من كثر كلام نورة عنها
امه : انا ما يخصني روحي سألي ابووج
نورة: اوووووووووووف ..
و راحت حق أبوها وقالها انه عادي تروووح ..طبعا هي طارت من الونااسة ..
و ثاني يوم أول ما دشت المدرسة راحت حق هند .. كانت يالسة بروحها على الأرض ..
نورة (حبتها من خدها ) :هااي حبي
هند: هلاا والله
نورة: عندي لج خبر حلوو
هند: شوووووووووو ؟؟
نورة: بروح ويااج يوم الجمعة !!
هند: فديييييييييييييتج أنااااااا
نورة: هههههههههههههههههه شفتي شكثر أحبج
هند: (استحت منها وااااايد ) ................
و رن جرس الطابور .. و قاموا مع البنات ..
\\//
و أخييييييييييييرا خلص الأسبووووووع !!
نورة كانت وايد متحمسة لطلعة النادي ..<< تدرون ليش ..
و كانت قاعدة تحضر لبسها و الغرفة عفســــــــــــــــــــــ ـــــــة !!
و رقدت وهي تنطر الليل يخلص بسرعة ..
و ثاني يوم تمت راااقدة على سريرها ..و تبي الوقت يمر ..يعني كانت تضيع وقت مب أكثر .. قعدت تستغفر ربها ..عشان ما تيها الأفكار الغلط في رمضـــــــــــــان !!
ياه وقت الفطور .. كلت نورة هي واهلها ..و ساعدت امها شوي ..و راحت تتجهز عشان ابوها بيوديها بيت هند و عقب بيروحون هي وياها ..
مريوووم : نورة وين سايرة ؟؟
نورة: قلتلج بروح ويا ربيعتي النادي ..
مريووم: انزين بروح وياج ..
نورة: لاااااااااا
مريم : يالله والله ما بقرب صوبكم ..
نورة: يماااااااااا تعالي شوفي مريوووووووووم
أمها : شو فيكم ؟؟
نورة: يما مريوم بتروح وياي !!
امها : انزين عادي شو فيها ..يالله يما روحي لبسي بتاخرينها
و راحت مريوووم تتجهز (مريوووم هي اختها اللي أكبر منها) و نووووووورة ميته قهر !!
راحوا بيتها .. و كانوا يتريونها تحت ..نزلت لهم و سلمت عليها وعلى اختها ..
و طلعوا برع البيت .. و مريووم كانت مصرة إنها تروح المول اللي قريب منهم .. و نورة تقولها انه بيتأخروون ..
و عقب راحوا مع مريووم اللي يابت اكسسوارات و ما ادري شوووو و عقب راحوا النادي ..
هند كانت تمشي و عبايتها مفتووحة ..نورة طالعتها بنظرة (أنه صكيها أحسنلج !!) قامت هند فهمت و صكتها
ووصلوا النادي ..نورة و هند راحوا يتمشون ..وهند كانت مواعدة وحدة من ربيعاتها اللي تعرفهم بالمســـــــــن ..
و راحاو يلسوا وياها .. (بعد ما طلعوا من الحمام) ..و عقب شوي هي روحت ..فردوا لداخل النادي ..و تموا يسولفون ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك